ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

31 օգոստոսի 2023 թվականի N 1475-Ն

Հիմք ընդունելով «Նորմատիվ իրավական ակտերի մասին» օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2002 թվականի դեկտեմբերի 26-ի «Ոստիկանության կոչումների շնորհման կարգը սահմանելու մասին» N 2159-Ն որոշման հավելվածում կատարել հետևյալ լրացումը և փոփոխությունները`

1) 3-րդ կետը «ոստիկանությունում» բառից առաջ լրացնել «ներքին գործերի նախարարության» բառերով․

2) 4-րդ և 5-րդ կետերում «Ոստիկանության ուսումնական հաստատություններում», իսկ 6․1-ին կետում «Ոստիկանության ուսումնական հաստատությունում» բառերը փոխարինել «Ներքին գործերի նախարարության ուսումնական հաստատությունում» բառերով։

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Ն. Փաշինյան
Երևան

31.08.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ