ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

Ի գիտություն ընդունելով գնումների վերաբերյալ տեղեկատվությունը համացանցային պորտալում հրապարակելու (տեղադրելու) միջոցով (այդ թվում՝ ռուսերենով) պետական գնումների տեղեկատվության բաց լինելու և թափանցիկության մասով Եվրասիական տնտեսական միության անդամ պետությունների կողմից Եվրասիական տնտեսական միության ներքին շուկայի գործունեության ապահովման ուղղությամբ պարտավորությունների կատարման մոնիթորինգի արդյունքների մասին տեղեկատվությունը՝ «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 43-րդ կետի 4-րդ ենթակետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Ծանուցել Հայաստանի Հանրապետությանը՝ պետական գնումների մասին տեղեկատվության հրապարակումը ռուսերենով ապահովելու մասով «Գնումների կարգավորման կարգի մասին» արձանագրության 29-րդ կետի 2-րդ ենթակետի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 25 հավելված) կատարման անհրաժեշտության մասին:

2. Խնդրանքով դիմել Հայաստանի Հանրապետության կառավարությանը.

տեղեկացնել Եվրասիական տնտեսական հանձնաժողովին՝ «Գնումների կարգավորման կարգի մասին» («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 25 հավելված) արձանագրության 29-րդ կետի 2-րդ ենթակետի կատարմանն ուղղված միջոցների մասին՝ սույն որոշումն ուժի մեջ մտնելու օրվանից 10 օրացուցային օրվա ընթացքում։

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Պաշտոնական հրապարակման օրը՝ 22 հունիսի 2022 թվական: