ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՇԻՐԱԿԻ ՄԱՐԶԻ

ԱՐԹԻԿ ՀԱՄԱՅՆՔԻ ԱՎԱԳԱՆՈՒ

Ո Ր Ո Շ ՈՒ Մ

15 մարտի 2023 թվականի թիվ 29-Ն

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետով, 83-րդ հոդվածի 2-րդ մասով, 90-րդ հոդվածի 1-ին և 6-րդ մասերով, «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 29-րդ հոդվածի 1-ին և 5-րդ մասերով, «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 1-ին կետով, 34-րդ հոդվածի 1-ին, 2-րդ և 3-րդ մասերով Հայաստանի Հանրապետության Շիրակի մարզի Արթիկ համայնքի ավագանին

Հայաստանի Հանրապետության Շիրակի մարզի Արթիկ համայնքի ավագանու 2022 թվականի դեկտեմբերի 22-ի «Հայաստանի Հանրապետության Շիրակի մարզի Արթիկ համայնքի 2023 թվականի բյուջեն հաստատելու մասին» թիվ 235-Ն որոշման մեջ բյուջեի եկամտային և ծախսային մասերում կատարել հետևյալ փոփոխությունները.

1. Եկամտային մաս

1) «Այլ դոտացիաներ» 1254 տողում գրված «0 զրո» թիվը և բառը փոխարինել «349691600 երեք հարյուր քառասունինը միլիոն վեց հարյուր իննսունմեկ հազար վեց հարյուր» թվով և բառերով:

2. Ծախսային մաս

1) Գյուղատնտեսություն բաժնի 04.2.1 դասակարգմամբ

ա) «Այլ նպաստներ բյուջեից» (4729) հոդվածում գրված «0 զրո» թիվը և բառը փոխարինել «339506400 երեք հարյուր երեսունինը միլիոն հինգ հարյուր վեց հազար չորս հարյուր» թվով և բառերով: /Արթիկ համայնքում աշնանացան ցորենի արտադրության խթանման 2022 թվականի պետական աջակցության ծրագրի մասնակիցներին փոխհատուցում/:

բ) «Պարգևատրումներ, դրամական խրախուսումներ և հատուկ վճարներ» (4112) հոդվածում գրված «0 զրո» թիվը և բառը փոխարինել «10185200 տաս միլիոն մեկ հարյուր ութսունհինգ հազար երկու հարյուր» թվով և բառերով: /Արթիկ համայնքում աշնանացան ցորենի արտադրության խթանման 2022 թվականի պետական աջակցության ծրագրի շրջանակներում անցկացվող մոնիթորինգի հանձնաժողովի 32 անդամներին դրամական խրախուսում – 10185200 (տաս միլիոն մեկ հարյուր ութսունհինգ հազար երկու հարյուր) Հայաստանի Հանրապետության դրամ/:

2) Հանգստի և սպորտի ծառայություններ բաժնի 08.1.1 դասակարգմամբ «Այլ կապիտալ դրամաշնորհներ» (4657) հոդվածում գրված «0 զրո» թիվը և բառը փոխարինել «12800000 տասներկու միլիոն ութ հարյուր հազար» թվով և բառերով: /Արթիկ համայնքի թվով 4 բնակավայրերում՝ Արթիկ, Պեմզաշեն, Փանիկ, Փոքր Մանթաշ, Հայաստանի ֆուտբոլի ֆեդերացիայի կողմից կառուցված ֆուտբոլի փոքր խաղադաշտերի համար որպես ծրագրի համաֆինանսավորման գումար/:

3) Հայաստանի Հանրապետության համայնքների պահուստային ֆոնդ բաժնի 11.1.2 դասակարգմամբ «Պահուստային միջոցներ» (4891) հոդվածում գրված «207094400 երկու հարյուր յոթ միլիոն իննսունչորս հազար չորս հարյուր» թիվը և բառերը փոխարինել «194294400 մեկ հարյուր իննսունչորս միլիոն երկու հարյուր իննսունչորս հազար չորս հարյուր» թվով և բառերով:

Հայաստանի Հանրապետության Շիրակի մարզի Արթիկ համայնքի ավագանու անդամներ

Պաշտոնական հրապարակման օրը՝ 20 ապրիլի 2023 թվական: