ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

Ո Ր Ո Շ ՈՒ Մ

ԲՆԱԿԱՆ ԱԾԽԱՋՐԱԾՆԱՅԻՆ ԳԱԶԻ ԵՎ ՈՒՂԵԿԻՑ ՆԱՎԹԱՅԻՆ ԳԱԶԻ ՄԱՔՐՄԱՆ ՀԱՄԱՐ ՆԱԽԱՏԵՍՎԱԾ ՍԵՊԱՐԱՏՈՐՆԵՐՆ ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

(վերնագիրը փոփ. ԵՏՀԿ 29.11.21 թիվ 160)

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

(նախաբանը փոփ. ԵՏՀԿ 29.11.21 թիվ 160)

1. Բնական ածխաջրածնային գազի մաքրման համար նախատեսված սեպարատորները, որոնք կիրառվում են նավթ ու գազ արդյունահանող և (կամ) նավթ ու գազ վերամշակող արդյունաբերության մեջ, և որոնք նախատեսված են բնական ածխաջրածնային գազը մեխանիկական խառնուկներից, գազային կոնդենսատից, կաթիլային, մանրադիսպերս, աերոզոլային ջրից, հիդրատների գոյացման ինհիբիտորներից և մյուս խառնուկներից մաքրելու համար, Արտաքին տնտեսական գործունեության միասնական ապրանքային անվանացանկի 1-ին և 6-րդ մեկնաբանության հիմնական կանոններին համապատասխան, դասակարգվում են Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8421 39 800 6 ստորաենթադիրքում։

(1-ին կետը փոփ. ԵՏՀԿ 29.11.21 թիվ 160)

2. Ուղեկից նավթային գազի մաքրման համար նախատեսված սեպարատորները, որոնք կիրառվում են նավթ ու գազ արդյունահանող և նավթ ու գազ վերամշակող արդյունաբերության մեջ, և որոնք նախատեսված են բնական ուղեկից նավթային գազը մեխանիկական խառնուկներից, գազային կոնդենսատից, կաթիլային, մանրադիսպերս, աերոզոլային ջրից, հիդրատների գոյացման ինհիբիտորներից և մյուս խառնուկներից մաքրելու համար, Արտաքին տնտեսական գործունեության միասնական ապրանքային անվանացանկի 1-ին և 6-րդ մեկնաբանության հիմնական կանոններին համապատասխան դասակարգվում են Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8421 39 800 2 ստորաենթադիրքում։

3. Թե՛ բնական ածխաջրածնային գազի, թե՛ ուղեկից նավթային գազի մաքրման համար նախատեսված սեպարատորները, որոնք կիրառվում են նավթ ու գազ արդյունահանող և (կամ) նավթ ու գազ վերամշակող արդյունաբերության մեջ, և որոնք նախատեսված են գազերը մեխանիկական խառնուկներից, գազային կոնդենսատից, կաթիլային, մանրադիսպերս, աերոզոլային ջրից, հիդրատների գոյացման ինհիբիտորներից և մյուս խառնուկներից մաքրելու համար, Արտաքին տնտեսական գործունեության միասնական ապրանքային անվանացանկի 1-ին և 6-րդ մեկնաբանության հիմնական կանոններին համապատասխան, դասակարգվում են Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8421 39 800 6 ստորաենթադիրքում։

(3-րդ կետը փոփ. ԵՏՀԿ 29.11.21 թիվ 160)

4. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Պաշտոնական հրապարակման օրը՝ 22 հունիսի 2022 թվական: