ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

«Եվրասիական տնտեսական միության շրջանակներում տեխնիկական կանոնակարգման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 9 հավելված) 5-րդ կետի ութերորդ պարբերությանը և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 9-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող՝ ատրակցիոնների կառուցվածքում օգտագործվող շղթաների, պողպատյա ճոպանների, մանածագործական ճոպանների և ժապավենների փորձարկման վերաբերյալ Եվրասիական տնտեսական միության վկայականի ձևը և դրա ձևակերպման կանոնները:

2. Սույն որոշումն ուժի մեջ է մտնում դրա պաշտոնական հրապարակման օրվանից 60 օրացուցային օրը լրանալուց հետո:

I. Ատրակցիոնների կառուցվածքում օգտագործվող շղթաների, պողպատյա ճոպանների, մանածագործական ճոպանների և ժապավենների փորձարկման վերաբերյալ Եվրասիական տնտեսական միության վկայականի ձևը

(1)

ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆ

ՎԿԱՅԱԿԱՆ

ատրակցիոնների կառուցվածքում օգտագործվող շղթաների, պողպատյա ճոպանների, մանածագործական ճոպանների և ժապավենների փորձարկման վերաբերյալ

ԱՐՏԱԴՐԱՆՔԸ __________________________________________________________ (2)

ԱՐՏԱԴՐՈՂԸ ___________________________________________________________ (3)

ՓՈՐՁԱՐԿՄԱՆ ՄԵԹՈԴՆԵՐԸ ____________________________________________ (4)

ԽԶՄԱՆ (ԿԱՄ ՔԱՅՔԱՅՄԱՆ) ՆՎԱԶԱԳՈՒՅՆ ԲԵՌՆՎԱԾՔԸ ________________ (5)

ՎԿԱՅԱԿԱՆԸ ՁԵՎԱԿԵՐՊՎԵԼ Է _____________________________ ՀԻՄԱՆ ՎՐԱ (6)

______________________Կ.Տ. ____________________________________________ (7)

        (ստորագրություն)                                                                   (հայտատուի Ա.Ա.Հ.)

« ______ » ___________-ի 20 թվական (8)

II. Ատրակցիոնների կառուցվածքում օգտագործվող շղթաների, պողպատյա ճոպանների, մանածագործական ճոպանների և ժապավենների փորձարկման վերաբերյալ Եվրասիական տնտեսական միության վկայականի ձևակերպման կանոնները

1. Ատրակցիոնների կառուցվածքում օգտագործվող շղթաների, պողպատյա ճոպանների, մանածագործական ճոպանների և ժապավենների փորձարկման վերաբերյալ Եվրասիական տնտեսական միության վկայականը (այսուհետ համապատասխանաբար՝ արտադրանք, վկայական) ձևակերպվում է հայտատուների կողմից, որոնց դերում հանդես են գալիս Եվրասիական տնտեսական միության անդամ պետության (այսուհետ՝ անդամ պետություն) տարածքում դրա օրենսդրությանը համապատասխան գրանցված իրավաբանական անձը կամ որպես անհատ ձեռնարկատեր գրանցված ֆիզիկական անձը, որն ատրակցիոններ և (կամ) արտադրանք արտադրողն է, արտադրողի կողմից լիազորված անձ է կամ վաճառող (այսուհետ՝ հայտատուներ):

2. Վկայականի բովանդակությանը ներկայացվող պահանջները սահմանված են Եվրասիական տնտեսական հանձնաժողովի խորհրդի 2016 թվականի հոկտեմբերի 18-ի թիվ 114 որոշմամբ ընդունված՝ «Ատրակցիոնների անվտանգության մասին» Եվրասիական տնտեսական միության տեխնիկական կանոնակարգի (ԵԱՏՄ ՏԿ 038/2016) VI բաժնի 70-րդ կետով:

3. Վկայականը ձևակերպվում է А4 ձևաչափի (210 х 297 մմ) սպիտակ թղթի թերթերի վրա:

4. Վկայականը կազմվում է ռուսերենով՝ էլեկտրոնային տպիչ սարքերի օգտագործմամբ, և անդամ պետության օրենսդրության մեջ համապատասխան պահանջի առկայության դեպքում՝ այն անդամ պետության պետական լեզվով (պետական լեզուներով), որտեղ իրականացվում է վկայականի ձևակերպումը:

Վկայականը ռուսերենով և անդամ պետություններից մեկի պետական լեզվով (պետական լեզուներով) կազմելու դեպքում այն լրացվում է սույն բաժնի 7-րդ կետին համապատասխան՝ վկայականի տարբեր կողմերի վրա:

5. Անհրաժեշտության դեպքում արտադրողի անվանումը, նրա գտնվելու վայրը (իրավաբանական անձի հասցեն), ինչպես նաև արտադրանքի արտադրման գործունեությունն իրականացնելու վայրի հասցեն (հասցեները) (բացի պետության անվանումից) և արտադրանքի վերաբերյալ տեղեկատվությունը (մակնիշը, որը ներառում է անվանական չափը, կառուցվածքը և նյութի մասին տվյալներ) կարող են նշվել լատինական այբուբենի տառերի օգտագործմամբ:

6. Վկայականի բոլոր դաշտերը պետք է լրացվեն (վկայականի բնօրինակում դաշտերի համարակալումը բացակայում է):

7. Վկայականում նշվում են՝

ա) 1-ին դաշտում՝ հետևյալ հաջորդականությամբ 4 տողով կատարված գրառումներ.

1-ին տող՝ «ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅՈՒՆ»,

2-րդ տող՝ «ՎԿԱՅԱԿԱՆ»,

3-րդ տող՝ «շղթաների, պողպատյա ճոպանների, մանածագործական ճոպանների և ժապավենների փորձարկման վերաբերյալ»,

4-րդ տող՝ «ատրակցիոնների կառուցվածքում օգտագործվող».

բ) 2-րդ դաշտում՝ տեղեկություններ այն արտադրանքի մասին, որի համար ձևակերպվել է վկայականը.

արտադրանքի անվանումը և (կամ) արտադրողի կողմից արտադրանքին տրված այլ պայմանական նշագիրը (առկայության դեպքում),

արտադրանքի նույնականացումն ապահովող տեղեկատվությունը (մակնիշը, որը ներառում է անվանական չափը, կառուցվածքը և նյութի մասին տվյալներ),

այն փաստաթղթի (փաստաթղթերի) անվանումը և նշագիրը, որին համապատասխան արտադրվել է արտադրանքը (ստանդարտ, կազմակերպության ստանդարտ, տեխնիկական պայմաններ կամ այլ փաստաթուղթ) (առկայության դեպքում),

արտադրանքի վերաբերյալ այլ տեղեկություններ, որոնք ապահովում են դրա նույնականացումը (առկայության դեպքում).

գ) 3-րդ դաշտում՝ արտադրանքն արտադրողի լրիվ անվանումը, նրա գտնվելու վայրը (իրավաբանական անձի հասցեն) և արտադրանքի արտադրման գործունեությունն իրականացնելու վայրի հասցեն (հասցեները) (այն դեպքում, երբ հասցեները տարբեր են)՝ իրավաբանական անձի և արտադրանքն արտադրող նրա մասնաճյուղերի (արտադրությունների) համար, կամ ազգանունը, անունը և հայրանունը (առկայության դեպքում), բնակության վայրը և արտադրանքի արտադրման գործունեություն իրականացնելու վայրի հասցեն (հասցեները) (այն դեպքում, երբ հասցեները տարբեր են)՝ որպես անհատ ձեռնարկատեր գրանցված ֆիզիկական անձի համար.

դ) 4-րդ դաշտում՝ այն փաստաթղթի (փաստաթղթերի) անվանումը և նշագիրը, որին համապատասխան անցկացվել են փորձարկումները (ստանդարտ, փորձարկումների մեթոդ (մեթոդիկա) և այլն).

ե) 5-րդ դաշտում՝ խզման (կամ քայքայման) նվազագույն բեռնվածքի մասին տեղեկություններ.

զ) 6-րդ դաշտում՝ այն փաստաթղթերի մասին տեղեկություններ, որոնց հիման վրա ձևակերպվել է վկայականը (հետազոտությունների (փորձարկումների) և չափումների արձանագրություններ՝ համարի, ամսաթվի, փորձարկման լաբորատորիայի (կենտրոնի) անվանման, հավատագրման վկայականի գրանցման համարի նշմամբ (առկայության դեպքում)).

է) 7-րդ դաշտում՝ որպես անհատ ձեռնարկատեր գրանցված ֆիզիկական անձի, հայտատու կազմակերպության ղեկավարի կամ հայտատու կազմակերպության՝ անդամ պետության օրենսդրությանը համապատասխան լիազորված անձի ստորագրությունը, ազգանունը, անունը և հայրանունը (առկայության դեպքում)՝ դնելով հայտատուի կնիքը (եթե անդամ պետության օրենսդրությամբ այլ բան սահմանված չէ): Ստորագրության փոխարեն ֆաքսիմիլեի օգտագործումը չի թույլատրվում.

ը) 8-րդ դաշտում՝ վկայականի ձևակերպման ամսաթիվը: Վկայականը վավեր է դրա ձևակերպման օրվանից մինչև արտադրանքի ծառայության ժամկետի ավարտը:

8. Վկայականում սույն բաժնով չնախատեսված տեղեկությունների ներառում, ինչպես նաև բառերի կրճատում (բացի համընդհանուր ընդունված նշագրերից և կրճատումներից) և տեքստի ցանկացած ուղղում չեն թույլատրվում:

9. Ձևակերպված վկայականների պատճենները հայտատուի կողմից պատրաստվում են А4 ձևաչափի (210 х 297 մմ) սպիտակ թղթի թերթերի վրա, հաստատվում են հայտատուի կամ հայտատու կազմակերպության՝ անդամ պետության օրենսդրությանը համապատասխան լիազորված անձի կնիքով (եթե անդամ պետության օրենսդրությամբ այլ բան սահմանված չէ) և ստորագրությամբ (լիազորող փաստաթղթի անվանման և վավերապայմանների նշմամբ):

Պաշտոնական հրապարակման օրը՝ 22 հունիսի 2022 թվական: