ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԿՈԼԵԳԻԱ
Ո Ր Ո Շ ՈՒ Մ
|
30 հոկտեմբերի 2018 թվականի |
թիվ 176 |
քաղ. Մոսկվա |
ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎԻ 2010 ԹՎԱԿԱՆԻ ՍԵՊՏԵՄԲԵՐԻ 20-Ի ԹԻՎ 378 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 8-րդ հոդվածի 2-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.
1. Մաքսային միության հանձնաժողովի 2010 թվականի սեպտեմբերի 20-ի «Մաքսային հայտարարագրերը լրացնելու համար օգտագործվող դասակարգիչների մասին» թիվ 378 որոշման մեջ կատարել փոփոխություններ՝ համաձայն հավելվածի:
2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։
Փոփոխությունների 1-ին կետի «բ» ենթակետով (սույն որոշման հավելված) նախատեսված դրույթները տարածվում են 2018 թվականի հունվարի 1-ից հետո ծագած իրավահարաբերությունների վրա։
|
Եվրասիական տնտեսական հանձնաժողովի կոլեգիայի նախագահ` |
Տ. Սարգսյան |
|
ՀԱՎԵԼՎԱԾ |
ՓՈՓՈԽՈՒԹՅՈՒՆՆԵՐ
Մաքսային միության հանձնաժողովի 2010 թվականի սեպտեմբերի 20-ի թիվ 378 որոշման մեջ կատարվող
1. Մաքսային վճարների վճարման մասով արտոնությունների դասակարգչի (Հավելված 7) 1.1 ենթաբաժնում՝
ա) «ВС» ծածկագրով դիրքը լրացնել հետևյալ բառերով՝ «,նաև ԵԱՏՄ ԱՏԳ ԱԱ 8802 40 003 5 ստորաենթադիրքում ընդգրկված քաղաքացիական ուղևորատար այն ինքնաթիռների համար, որոնք ներմուծվում են Եվրասիական տնտեսական միության մաքսային տարածք՝ նշված նպատակով, 2024 թվականի հունվարի 1-ից մինչև 2025 թվականի դեկտեմբերի 31-ը ներառյալ».
բ) «АС» ծածկագրով դիրքից հետո լրացնել հետևյալ բովանդակությամբ դիրք՝
|
«Բելառուսի Հանրապետությունում 2019 թվականի II Եվրոպական խաղերի նախապատրաստման և անցկացման նպատակով 2018 թվականի հունվարի 1-ից մինչև 2019 թվականի հունիսի 30-ն ընկած ժամանակահատվածում ներմուծվող ապրանքների համար, ներմուծման մաքսատուրքի վճարումից ազատում՝ բացառությամբ ենթաակցիզային ապրանքների. |
ЕИ». |
գ) «НП» ծածկագրով դիրքում «2017» թվանշանները փոխարինել «2018» թվանշաններով:
2. Փաստաթղթերի և տեղեկությունների տեսակների դասակարգչում (Հավելված 8)՝
ա) 1-ին բաժինը «01061» ծածկագրով դիրքից հետո լրացնել հետևյալ բովանդակությամբ դիրքով՝
|
«01065 |
Լաբորատոր մասշտաբի հետազոտություններում, ինչպես նաև որպես էտալոնային նմուշ օգտագործման ենթակա բույսերի պաշտպանության միջոցներ և այլ կայուն օրգանական ախտոտիչներ ներմուծելու մասին եզրակացություն (թույլատրագիր)». |
բ) 7-րդ բաժինը լրացնել հետևյալ բովանդակությամբ դիրքով՝
|
«07040 |
Մաքսատուրքերի, հարկերի վճարման մասով պարտավորության կատարման ապահովման հավաստագիր». |
գ) 8-րդ բաժինը 08036 ծածկագրով դիրքից հետո լրացնել հետևյալ բովանդակությամբ դիրքով՝
|
«08037 |
Եվրասիական տնտեսական միության այն ապրանքների կարգավիճակը հաստատող՝ Եվրասիական տնտեսական միության կոլեգիայի 2017 թվականի նոյեմբերի 7-ի թիվ 139 որոշմամբ նախատեսված փաստաթղթերը, որոնք ազատ (հատուկ, առանձնահատուկ) տնտեսական գոտու տարածքից տեղափոխվում են Եվրասիական տնտեսական միության մաքսային տարածքի մյուս մաս՝ Եվրասիական տնտեսական միության անդամ չհանդիսացող պետությունների տարածքով և (կամ) ծովով». |
դ) 11-րդ բաժնում «11002» ծածկագրով դիրքում «հայտարարատուի» բառը հանել:
3. Այն մաքսային և այլ վճարների վճարման առանձնահատկությունների դասակարգչում, որոնց գանձումը վերապահված է մաքսային մարմիններին (Հավելված 10), «ВВ» ծածկագրով դիրքում «վճարումից մասնակի պայմանական ազատման» բառերը փոխարինել «մասնակի վճարման» բառերով:
4. Աշխարհի երկրների դասակարգչում (Հավելված 22)՝
ա) «ВО» ծածկագրով դիրքը շարադրել հետևյալ խմբագրությամբ՝
|
«ВО |
ԲՈԼԻՎԻԱ (ԲԱԶՄԱԶԳ ՊԵՏՈՒԹՅՈՒՆ)». |
բ) «FM» ծածկագրով դիրքը շարադրել հետևյալ խմբագրությամբ՝
|
«FM |
ՄԻԿՐՈՆԵԶԻԱ (ԴԱՇՆԱՅԻՆ ՆԱՀԱՆԳՆԵՐ)». |
գ) «IR» ծածկագրով դիրքը շարադրել հետևյալ խմբագրությամբ՝
|
«IR |
ԻՐԱՆ (ԻՍԼԱՄԱԿԱՆ ՀԱՆՐԱՊԵՏՈՒԹՅՈՒՆ)». |
դ) «KG» ծածկագրով դիրքը շարադրել հետևյալ խմբագրությամբ՝
|
«KG |
ՂՐՂԶՍՏԱՆ». |
ե) «КР» ծածկագրով դիրքը շարադրել հետևյալ խմբագրությամբ՝
|
«КР |
ԿՈՐԵԱ (ԺՈՂՈՎՐԴԱ-ԴԵՄՈԿՐԱՏԱԿԱՆ ՀԱՆՐԱՊԵՏՈՒԹՅՈՒՆ)». |
զ) «MF» ծածկագրով դիրքը շարադրել հետևյալ խմբագրությամբ՝
|
«MF |
ՍԵՆ-ՄԱՐՏԵՆ (ՖՐԱՆՍԻԱԿԱՆ ՄԱՍ)». |
է) «ТМ» ծածկագրով դիրքը շարադրել հետևյալ խմբագրությամբ՝
|
«ТМ |
ԹՈՒՐՔՄԵՆՍՏԱՆ». |
ը) «VE», «VG» և «VI» ծածկագրերով դիրքերը շարադրել հետևյալ խմբագրությամբ՝
|
«VE |
ՎԵՆԵՍՈՒԵԼԱ (ԲՈԼԻՎԱՐՅԱՆ ՀԱՆՐԱՊԵՏՈՒԹՅՈՒՆ) |
|
VG |
ՎԻՐՋԻՆՅԱՆ ԿՂԶԻՆԵՐ (ԲՐԻՏԱՆԱԿԱՆ) |
|
VI |
ՎԻՐՋԻՆՅԱՆ ԿՂԶԻՆԵՐ (ԱՄՆ)». |
Պաշտոնական հրապարակման օրը՝ 22 հունիսի 2022 թվական:
