ԵՐԵՎԱՆԻ ՔԱՂԱՔԱՊԵՏ

Հիմք ընդունելով Հայաստանի Հանրապետության կառավարության 2024 թվականի օգոստոսի 22-ի N 1323-Ն որոշումը, ղեկավարվելով «Երևան քաղաքում տեղական ինքնակառավարման մասին» օրենքի 50-րդ հոդվածի 1-ին մասով և «Պետական ոչ առևտրային կազմակերպությունների մասին» օրենքի 13-րդ հոդվածի 1-ին մասով և 2-րդ մասի «ը» կետով.

1. «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի տնօրենին՝

1) Հայաստանի Հանրապետության կառավարության 2024 թվականի օգոստոսի 22-ի N 1323-Ն որոշումն ուժի մեջ մտնելուն հաջորդող յոթ օրվա ընթացքում Հայաստանի Հանրապետության կառավարության որոշումը պատշաճ կերպով ծանուցել Երևան քաղաքի վարչական տարածքում գտնվող՝ Հայաստանի Հանրապետության կառավարության 2024 թվականի օգոստոսի 22-ի N 1323-Ն որոշմամբ օտարվող սեփականության սեփականատերերին և օտարվող սեփականության նկատմամբ պետական գրանցում ունեցող` գույքային իրավունքներ ունեցող անձանց.

2) Հայաստանի Հանրապետության կառավարության 2024 թվականի օգոստոսի 22-ի N 1323-Ն որոշումը ներկայացնել հրապարակման ոչ պակաս, քան 3000 տպաքանակ ունեցող զանգվածային լրատվության միջոցում.

3) Հայաստանի Հանրապետության կառավարության 2024 թվականի օգոստոսի 22-ի N 1323-Ն որոշումն ուժի մեջ մտնելուց հետո չորս ամսվա ընթացքում կազմել և ստորագրել Հայաստանի Հանրապետության կառավարության 2024 թվականի օգոստոսի 22-ի N 1323-Ն որոշմամբ հանրության գերակա շահ ճանաչված՝ Երևան քաղաքի վարչական տարածքում գտնվող տարածքների և դրանցում առկա սեփականության օբյեկտների նկարագրության արձանագրությունները.

4) իրականացնել Հայաստանի Հանրապետության կառավարության 2024 թվականի օգոստոսի 22-ի N 1323-Ն որոշմամբ հանրության գերակա շահ ճանաչված՝ Երևան քաղաքի վարչական տարածքում գտնվող սեփականության օբյեկտների նախատեսված օտարման գործառույթները:

2. Սույն որոշման կատարման կազմակերպումն ու պատասխանատվությունը դնել «Երևանի կառուցապատման ներդրումային ծրագրերի իրականացման գրասենյակ» ՀՈԱԿ-ի տնօրենի վրա:

3. Սույն որոշման կատարման ընթացքի նկատմամբ հսկողությունն իրականացնում է Երևանի քաղաքապետը:

Տ. Ավինյան