ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 222-Ա

Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 3-րդ կետը՝

1. Սահմանել, որ Հայաստանի գիտության և տեխնոլոգիաների հիմնադրամի կողմից (ՀՎՀՀ՝ 02662248) կնքված՝ ստորև նշված պայմանագրերով նախատեսված գործարքներն անմիջականորեն կապված են Հայաստանի Հանրապետության փոխվարչապետի 2023 թվականի փետրվարի 21-ի «Հայաստանի գիտության և տեխնոլոգիաների զարգացում» N 142-Ա որոշմամբ հաստատված ծրագրի իրականացման հետ և դրա համար ունեն զգալի նշանակություն՝

1) «Երևանի մաթեմատիկական մեքենաների գործարան» ՓԲԸ-ի հետ (ՀՎՀՀ՝ 00003489) 2023 թվականի հունվարի 30-ին կնքված պայմանագրում նշված գործարքը, որով նախատեսվում է 2023 թվականի մարտի 5-ից մինչև դեկտեմբերի 31-ն ընկած ժամանակահատվածում տարածքի վարձակալում՝ ամսական 2,086,029 դրամի չափով, առանց ավելացված արժեքի հարկի.

2) «Ֆիլին ԷՅԷՄ» ՍՊԸ-ի հետ (ՀՎՀՀ՝ 00222421) 2022 թվականի հուլիսի 13-ին կնքված՝ թիվ 160-130722 պայմանագրում նշված գործարքը, որով նախատեսվում է հաշվապահական ծառայությունների մատուցում 2023 թվականի մարտի 1-ից մինչև հունիսի 30-ն ընկած ժամանակահատվածում` ամսական 450,000 դրամի չափով առանց ավելացված արժեքի հարկի, 2023 թվականի հուլիսի 1-ից մինչև հուլիսի 31-ն ընկած ժամանակահատվածում՝ 1,215,000 դրամ առանց ավելացված արժեքի հարկի և 2023 թվականի օգոստոսի 1-ից մինչև դեկտեմբերի 31-ն ընկած ժամանակահատվածում ամսական 900,000 դրամ առանց ավելացված արժեքի հարկի:

(1-ին կետը խմբ. 11.08.23 N 551-Ա)