ԵՐԵՎԱՆԻ ՔԱՂԱՔԱՊԵՏ

Վարչական ակտի ընդունման համար հիմք են հանդիսացել «Մանազկերտ Քոնսթրաքշն» ՍՊԸ-ի գրությունը՝ Երևան քաղաքի 33-րդ թաղամասի տարածքում, Երևան համայնքի սեփականությունը հանդիսացող 01-006-0211-0444 և 01-006-0211-0446 ծածկագրերով հողամասերն ուղղակի վաճառքի ձևով ընկերությանն օտարելու մասին, ՀՀ կառավարության 22.03.2018թ. հ.332-Ն որոշումը և ՀՀ կադաստրի կոմիտեի 28/10/2024թ. հ.ԱՏ-28102024-01-0734 տեղեկանքը:

Քննարկվող հողամասերի փաստացի մակերեսները կազմում են 112.57քմ և 74.79քմ, որոնք ներառված են ՀՀ կառավարության 2018 թվականի մարտի 22-ի «Երևան քաղաքի 33-րդ թաղամասի նկատմամբ բացառիկ՝ գերակա հանրային շահ ճանաչելու մասին» հ.332-Ն որոշմամբ բացառիկ գերակա հանրային շահ ճանաչված տարածքում և որի ձեռքբերող է ճանաչվել «Մանազկերտ Քոնսթրաքշն» ՍՊԸ-ն:

Տրամադրման ենթակա հողամասերի մակերեսները կազմում են 112.57քմ և 74.79քմ, որոնք ընդգրկված չեն հողային օրենսգրքի 60-րդ հոդվածով սահմանված հողամասերի սափմանափակումների ցանկում և համաձայն ՀՀ կառավարության 2020 թվականի հունիսի 4-ի հ.1023-Ն որոշմամբ հաստատված հավելվածների՝ հողամասերն ըստ տարածագնահատման համաձայնեցված սխեմայի գտնվում են 2-րդ գոտում:

Երևան քաղաքի ավագանու 2024 թվականի սեպտեմբերի 10-ի հ.204-Ն որոշմամբ հաստատված Երևան քաղաքի գլխավոր հատակագծի համաձայն՝ 112.57քմ և 74.79քմ մակերեսներով հողամասերը /ծածկագրեր՝01-006-0211-002 և 01-006-0211-353 Երևան քաղաքի ավագանու 2024 թվականի հոկտեմբերի 11-ի հ.116-Ն որոշում՝ տող 81 և 82/ գտնվում են բնակավայրերի նպատակային նշանակության բնակելի կառուցապատման գոտում:

Ղեկավարվելով «Երևան քաղաքում տեղական ինքնակառավարման մասին» օրենքի 49-րդ, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ, և 60-րդ հոդվածներով, հողային օրենսգրքի 66-րդ հոդվածի 1-ին մասի 11-րդ կետով և 2-րդ մասով, Հայաստանի Հանրապետության կառավարության 2005 թվականի դեկտեմբերի 29-ի հ.2387-Ն և 2018 թվականի փետրվարի 8-ի հ.332-Ն որոշումներով, հաշվի առնելով Երևանի քաղաքապետարանի աշխատակազմի ճարտարապետության և քաղաքաշինության վարչության. հ.Դ-3950-25 գրությունը և հ.Ն/66054-24 եզրակացությունը.

1. Սահմանել, որ Երևան քաղաքի 33-րդ թաղամասում գտնվող, համայնքային սեփականություն հանդիսացող հողամասերի մակերեսները կազմում են 112.57քմ և 74.79քմ:

2. Հողամասերի սահմանները որոշվում են սահմանված կարգով հաստատված հատակագծերով:

3. Երևան քաղաքի ավագանու 2024 թվականի սեպտեմբերի 10-ի հ.204-Ն որոշման համաձայն՝ Երևան քաղաքի 33-րդ թաղամասի տարածքում գտնվող, համայնքային սեփականություն հանդիսացող 112.57քմ և 74.79քմ մակերեսով հողամասերի նպատակային նշանակությունը սահմանել բնակավայրերի, իսկ գործառնական նշանակությունը՝ բնակելի կառուցապատման։

4. Սույն որոշման 1-ին կետում նշված՝ 112.57քմ և 74.79քմ մակերեսներով հողամասերին տրամադրել համապատասխանաբար՝ «Տիգրան Մեծի պողոտա հ.11/1» և «Տիգրան Մեծի պողոտա հ.13/2» հասցեները:

5. Երևան քաղաքի 33-րդ թաղամասում գտնվող՝ 112.57քմ և 74.79քմ մակերեսով հողամասերի նկատմամբ, Երևան համայնքի անվամբ իրավունքների պետական գրանցում կատարելուց հետո, դրանք ուղղակի վաճառքի ձևով օտարել (վաճառել) «Մանազկերտ Քոնսթրաքշն» ՍՊԸ-ին՝ տարածագնահատման 2-րդ գոտու կադաստրային արժեքով, որը կազմում է համապատասխանաբար՝ 24 146 265 (քսանչորս միլիոն հարյուր քառասունվեց հազար երկու հարյուր վաթսունհինգ) և 16 042 455 ( տասնվեց միլիոն քառասուներկու հազար չորս հարյուր հիսունհինգ) ՀՀ դրամ և փոխանցել 900015211320 հաշվեհամարին (հողի օտարումից եկամուտներ):

6. Լիազորել Երևանի քաղաքապետարանի աշխատակազմի անշարժ գույքի կառավարման վարչության պետին.

1) ապահովել սույն որոշման 1-ին կետում նշված հողամասերի նկատմամբ Երևան համայնքի անվամբ պետական գրանցման աշխատանքները.

2) հողամասերի շուկայական արժեքին մոտարկված կադաստրային արժեքի վճարումը և տեղական վճարը հավաստող փաստաթղթերը ներկայացնելուց և Երևան համայնքի անվամբ իրավունքի պետական գրանցում կատարելուց հետո, երեք աշխատանքային օրվա ընթացքում, Երևանի քաղաքապետի անունից, «Մանազկերտ Քոնսթրաքշն» ՍՊ ընկերության հետ կնքել հողամասերի առուվաճառքի պայմանագրեր:

7. Ընդունել ի գիտություն, որ հողամասերի ուղղակի վաճառքի պայմանագրերից ծագող իրավունքները ենթակա են պետական գրանցման՝ ՀՀ կադաստրի կոմիտեի համապատասխան ստորաբաժանումում:

8. Սահմանել, որ սույն որոշման ընդունուման պահից հողամասերը ձեռք բերողի կողմից 15-օրյա ժամկետում հողամասերի կադաստրային արժեքները չվճարելու դեպքում՝ որոշման 5-րդ կետը համարվում է ուժը կորցրած։

9. Հանձնարարել Երևանի քաղաքապետարանի աշխատակազմի անշարժ գույքի կառավարման վարչության պետին` սույն որոշման հիման վրա տրամադրված` անշարժ գույքերի հասցեի վերաբերյալ տեղեկատվությունը 3 աշխատանքային օրվա ընթացքում առաքել ՀՀ կադաստրի կոմիտեի Երևանի տարածքային ու ՀՀ ոստիկանության Երևան քաղաքի համապատասխան ստորաբաժանմանը և բաժնին, Կենտրոն վարչական շրջանի ղեկավարին:

10. Ընդունել ի գիտություն, որ սույն որոշումից բխող բոլոր գույքային իրավունքների պետական գրանցման, հողամասերի հատակագծերի հաստատման, հողամասերի հասցեավորման, պայմանագրերի նոտարական վավերացման, ինչպես նաև օրենսդրությամբ նախատեսված միասնական տեղեկանք ստանալու համար ծախսերը և այլ անհրաժեշտ վճարումներն իրականացվում են «Մանազկերտ Քոնսթրաքշն» ՍՊԸ-ի միջոցների հաշվին:

11. Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում։

12. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի ճարտարապետության և քաղաքաշինության, անշարժ գույքի կառավարման վարչությունների պետերի վրա։

13. Որոշման կատարման ընթացքի նկատմամբ հսկողությունն ապահովում է Երևանի քաղաքապետի առաջին տեղակալ Ա.Փամբուխչյանը:

Տ. Ավինյան