ԵՐԵՎԱՆԻ ՔԱՂԱՔԱՊԵՏ

Վարչական ակտի ընդունման համար հիմք է հանդիսացել Արեկնազ Հովհաննիսյանի, Գայանե և Գոհար Անտոնյանների դիմումը` Դավթաշենի 2-րդ թաղամասի հ.47 շենքի հ.13/1 հասցեում գտնվող, ընդհանուր բաժնային սեփականության իրավունքով Արեկնազ Հովհաննիսյանին, Գայանե և Գոհար Անտոնյաններին պատկանող տարածքի (անշարժ գույքի նկատմամբ իրավունքների պետական գրանցման հ. 30082024-01-0517 վկայական) գործառական նշանակությունը փոփոխելու մասին:

Ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, Հայաստանի Հանրապետության կառավարության 2002 թվականի փետրվարի 2-ի հ.88 որոշման հ.1 հավելվածի 7-րդ կետով, հաշվի առնելով Երևանի քաղաքապետարանի աշխատակազմի ճարտարապետության և քաղաքաշինության վարչության հ. Դ-133972-24 եզրակացությունը.

1. Դավթաշենի 2-րդ թաղամասի հ.47 շենքի հ.13/1 հասցեում գտնվող ընդհանուր բաժնային սեփականության իրավունքով Արեկնազ Հովհաննիսյանին, Գայանե և Գոհար Անտոնյաններին պատկանող տարածքի գործառական նշանակությունն, առանց ճարտարապետահատակագծային առաջադրանքի և նախագծային փոփոխությունների սահմանել որպես բնակելի և ընդգրկել բնակելի ֆոնդում որպես բնակարան՝ «ՀՀՇՆ 31-01-2014» պահանջներին չհակասելու պայմանով։

2. Հանձնարարել Դավթաշեն վարչական շրջանի ղեկավարին՝ սույն որոշման 1-ին կետում նշված տարածքը հաշվառել որպես բնակելի:

3. Ընդունել ի գիտություն, որ

1) սույն որոշմամբ սահմանված գույքի գործառական նշանակության փոփոխությունը ենթակա է պետական գրանցման` ՀՀ կադաստրի կոմիտեի համապատասխան ստորաբաժանումում,

2) սույն որոշման վրա տարածվում են Հայաստանի Հանրապետության հողային օրենսգրքի 64-րդ հոդվածի 10-րդ կետում ամրագրված պահանջները, համաձայն որի իրավունքի պետական գրանցումը ենթակա է պետական գրանցման այդ պահին գործող շուկայական արժեքին մոտարկված կադաստրային արժեքը սեփականատիրոջ կողմից վճարված լինելու դեպքում:

4. Որոշումն ուժի մեջ է մտնում այն ստանալու հաջորդ օրը:

5. Որոշումը կարող է վարչական կարգով բողոքարկվել Երևանի քաղաքապետին կամ դատական կարգով Հայաստանի Հանրապետության վարչական դատարան՝ դրա ուժի մեջ մտնելու օրվանից երկամսյա ժամկետում:

6. Սույն որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի անշարժ գույքի կառավարման և ճարտարապետության և քաղաքաշինության վարչությունների պետերի և Դավթաշեն վարչական շրջանի ղեկավարի վրա։

7. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետի առաջին տեղակալ Արմեն Փամբուխչյանը։

Տ. Ավինյան