ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

27 մայիսի 2020 թվականի

թիվ 55

քաղ. Մինսկ

«ժամանակավոր ներմուծում (թույլտվություն)» մաքսային ընթացակարգի գործողության ժամկետի երկարաձգման որոշ հարցերի մասին

«Եվրասիական տնտեսական միության մասին» 2014 թվականի մայիսի 29-ի պայմանագրի 32-րդ հոդվածին համապատասխան՝ 2019-nCoV կորոնավիրուսային վարակի տարածումը կանխելուն և կանխարգելելուն ուղղված միջոցների ձեռնարկման, հայտարարատուների կողմից՝ Եվրասիական տնտեսական միության իրավունքի մաս կազմող՝ մաքսային իրավահարաբերությունները կարգավորող միջազգային պայմանագրերին և ակտերին համապատասխան իրենց իրավունքներն իրականացնելու և պարտականությունները կատարելու անհնարինության հետ կապված՝ ստեղծված իրավիճակի առնչությամբ՝ Եվրասիական տնտեսական հանձնաժողովի խորհուրդը որոշեց.

1. Սահմանել, որ «Եվրասիական տնտեսական հանձնաժողովի խորհրդի՝ 2017 թվականի դեկտեմբերի 20-ի «Ժամանակավոր ներմուծում (թույլտվություն)» մաքսային ընթացակարգի կիրառման որոշ հարցերի մասին» որոշման 2-րդ կետի երրորդ պարբերությունում նշված ապրանքների վերաբերյալ, որոնց մաքսային հայտարարագրման ժամանակ որպես ապրանքների հայտարարագիր օգտագործվել են տրանսպորտային (փոխադրման), առևտրային և (կամ) այլ փաստաթղթեր, այդ թվում՝ Եվրասիական տնտեսական միության անդամ պետությունների՝ երրորդ կողմի հետ կնքած միջազգային պայմանագրերով նախատեսված փաստաթղթեր, մաքսային մարմնի կողմից սահմանված՝ «ժամանակավոր ներմուծում (թույլտվություն)» մաքսային ընթացակարգի գործողության ժամկետը կարող է երկարաձգվել մինչև այդ ժամկետի ավարտը կամ ոչ ուշ, քան դրա ժամկետը լրանալուց 4 ամիս հետո, այդպիսի ապրանքների՝ «ժամանակավոր ներմուծում (թույլտվություն)» մաքսային ընթացակարգին համապատասխան առանց սահմանված ներմուծման մաքսատուրքերի, հարկերի վճարման ժամանակավոր գտնվելու և օգտագործելու այն ժամկետի շրջանակներում, որը սահմանված է նշված որոշման 2-րդ կետի երրորդ պարբերությամբ:

2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո և տարածվում է 2020 թվականի մարտի 1-ից հետո ծագած՝ «ժամանակավոր ներմուծում (թույլտվություն)» մաքսային ընթացակարգի գործողության ժամկետի երկարաձգման հետ կապված իրավահարաբերությունների վրա։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից`	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից`	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ա. Սմայիլով	Է. Ասրանդիև	Ա. Օվերչուկ

Պաշտոնական հրապարակման օրը՝ 22 հունիսի 2022 թվական: