ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

«ՓԱԹԵԹՎԱԾՔԻ ԱՆՎՏԱՆԳՈՒԹՅԱՆ ՄԱՍԻՆ» ՄԱՔՍԱՅԻՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳՈՒՄ (ՄՄ ՏԿ 005/2011) ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված` Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 29-րդ կետին համապատասխան` Եվրասիական տնտեսական հանձնաժողովի խորհուրդը որոշեց.

1. Մաքսային միության հանձնաժողովի 2011 թվականի օգոստոսի 16-ի թիվ 769 որոշմամբ ընդունված «Փաթեթվածքի անվտանգության մասին» Մաքսային միության տեխնիկական կանոնակարգում (ՄՄ ՏԿ 005/2011) կատարել փոփոխություններ՝ հավելվածի համաձայն։

2. Սույն Որոշումն ուժի մեջ է մտնում դրա պաշտոնական հրապարակման օրվանից 6 ամիսը լրանալուց հետո։

Եվրասիական տնտեսական հանձնաժողովի խորհրդի անդամներ՝

ՓՈՓՈԽՈՒԹՅՈՒՆՆԵՐ

«Փաթեթվածքի անվտանգության մասին» Մաքսային միության տեխնիկական կանոնակարգում (ՄՄ ՏԿ 005/2011) կատարվող

1. 1-ին հոդվածում՝

ա) 1-ին կետում «5-րդ հավելվածին» բառերից հետո լրացնել «(այսուհետ՝ փաթեթվածք (խցանափակման միջոցներ))» բառերը.

բ) 2-րդ կետում «թվային նշումը» բառերը փոխարինել «թվային ծածկագիրը» բառերով.

գ) 6-րդ կետը շարադրել հետևյալ խմբագրությամբ՝

«6. Սույն Տեխնիկական կանոնակարգը չի տարածվում բժշկական արտադրատեսակների, դեղամիջոցների, դեղագործական արտադրանքի, ծխախոտային արտադրատեսակների և վտանգավոր բեռների համար նախատեսված փաթեթվածքի (խցանափակման միջոցների) վրա, ինչպես նաև ավտոմոբիլային, երկաթուղային, ծովային և օդային տրանսպորտով բեռների փոխադրման համար նախատեսված բեռնարկղերի և ընդկալների վրա:»:

2. 2-րդ հոդվածը.

ա) չորրորդ պարբերությունից հետո լրացնել հետևյալ բովանդակությամբ պարբերությամբ՝

«համակցված նյութ՝ այն երկշերտ կամ բազմաշերտ նյութը, որի շերտերը չեն կարող անջատվել առանց այդպիսի նյութի ֆունկցիոնալ կամ ֆիզիկական հատկությունների կորստի.».

բ) տասներորդ պարբերությունից հետո լրացնել հետևյալ բովանդակությամբ պարբերություններով՝ «ուղեկցող փաստաթղթեր՝ այն փաստաթղթերը, որոնք պարունակում են տեղեկատվություն արտադրանքի մասին այն շրջանառության մեջ բաց թողնելու ժամանակ (արտադրանքի որակի և (կամ) քանակի մասին, հաշվարկային և համալիր փաստաթղթեր).

պահպանման ժամկետ՝ այն ժամկետը, որի ընթացքում արտադրատեսակը համապատասխանում է սույն Տեխնիկական կանոնակարգի պահանջներին՝ պատրաստողի (արտադրողի) կողմից սահմանված պահպանման պայմաններին հետևելու դեպքում.»:

3. 5-րդ հոդվածում՝

ա) 4-րդ կետում «1-ին հավելվածում» բառերը փոխարինել «1-ին և 11 հավելվածներում» բառերով.

բ) 6-րդ կետում՝

«և քիմիական կայունությամբ» բառերը փոխարինել «, քիմիական կայունությամբ և հերմետիկությամբ» բառերով.

6.2 ենթակետի չորրորդ պարբերությունը լրացնել «(բացի շշերից)» բառերով.

6.4 ենթակետում՝

երկրորդ պարբերությունում «առանց վնասվելու բարձրությունից» բառերը փոխարինել «և (կամ) հորիզոնական հարվածի փորձարկման դեպքում» բառերով.

երրորդ պարբերությունը լրացնել «և (կամ) դարսակման դեպքում ապահովել ամրությունը» բառերով.

լրացնել հետևյալ բովանդակությամբ պարբերությամբ՝

«- փաթեթվածքի բռնակները (առկայության դեպքում) պետք է լինեն փաթեթվածքին ամուր կցված և պետք է դիմանան սահմանված բեռնվածքին:».

6.5 ենթակետից հանել երրորդ պարբերությունը.

6.8 ենթակետում՝

երկրորդ պարբերությունում «ջրակայուն» բառը փոխարինել «անջրանցիկ» բառով.

լրացնել հետևյալ բովանդակությամբ պարբերությամբ՝

«- խցանափակման դեպքում պետք է հերմետիկ լինի:».

գ) 9-րդ կետում՝

9.1 ենթակետում՝

վեցերորդ պարբերությունից հանել «հիդրոստատիկ» բառը.

յոթերորդ պարբերությունը շարադրել հետևյալ խմբագրությամբ՝

«- կրոնեն-խցանները պետք է քայքայակայուն լինեն.».

9.2 ենթակետում՝

առաջին պարբերությունից հանել «և համակցված» բառերը.

չորրորդ պարբերությունից հանել «հիդրոստատիկ» բառը.

հինգերորդ պարբերությունը հանել.

9.3 ենթակետի հինգերորդ պարբերությունից հանել «շեղջաքարացված (ագլոմերացված) և» բառերը.

լրացնել հետևյալ բովանդակությամբ 9.5 ենթակետով՝

«9.5 համակցված խցանափակման միջոցներ.

- ջերմակծկումային և տոփանման թասակների սոսնձման կարը պետք է լինի ամուր.

- խցարար միջադիրները չպետք է շերտատվեն:».

դ) 11-րդ կետից հանել 11.4 ենթակետը:

4. 6-րդ հոդվածում՝

ա) 1-ին կետը շարադրել հետևյալ խմբագրությամբ՝

«1. Մականշվածքը պետք է ներառի այն նյութի նույնականացման համար անհրաժեշտ տեղեկատվությունը, որից պատրաստվում է (են) փաթեթվածքը (խցանափակման միջոցները)՝ փաթեթվածքը հավաքելը հեշտացնելու և այն կրկնակի օգտագործելու նպատակներով։ Մականշվածքը պետք է ամուր, քերամաշման նկատմամբ կայուն և երկարակյաց լինի: Նյութը, որից պատրաստվում է (են) փաթեթվածքը (խցանափակման միջոցները), նույնականացնելու համար անհրաժեշտ մականշվածքը պետք է զետեղվի անմիջապես փաթեթվածքի և (կամ) ուղեկցող փաստաթղթերի վրա: Փաթեթվածքի վրա համապատասխան մականշվածքի բացակայության դեպքում արտադրանքը պատրաստողը, որը տվյալ արտադրանքը փաթեթավորում է փաթեթվածքի մեջ, պետք է մանեկապիտակի (պիտակի) վրա նյութը, որից պատրաստվում է (են) փաթեթվածքը (խցանափակման միջոցները), նույնականացնելու համար անհրաժեշտ մականշվածք զետեղի՝ փաթեթվածքի ուղեկցող փաստաթղթերին համապատասխան: Պատրաստողի կողմից սահմանվող տեխնոլոգիական և կառուցվածքային հնարավորությունների առկայության դեպքում մականշվածքը զետեղվում է անմիջապես խցանափակման միջոցների վրա, դրանց բացակայության դեպքում համապատասխան տեղեկատվությունը նշվում է խցանահանման միջոցների ուղեկցող փաստաթղթերում:».

բ) 2-րդ կետը շարադրել հետևյալ խմբագրությամբ՝

«2. Մականշվածքը պետք է 3-րդ հավելվածին համապատասխան ներառի այն նյութի թվային ծածկագիրը և (կամ) տառային նշագիրը (հապավումը), որից պատրաստվում է (են) փաթեթվածքը (խցանափակման միջոցները), և պետք է ներառի պայմանանշաններ`4-րդ հավելվածին համապատասխան. նկար 1 (սննդամթերքի հետ շփման համար նախատեսված փաթեթվածք (խցանափակման միջոցներ)), նկար 2 (օգտագործված փաթեթվածքի (խցանափակման միջոցների) օգտահանման հնարավորություն՝ Մեբիուսի ժապավեն):»:

5. 7-րդ հոդվածում՝

ա) 2-րդ կետի 2.1 ենթակետում «3հ, 4հ, 5հ սխեմաներ» բառերը փոխարինել «3հ, 4հ, 6հ սխեմաներ» բառերով.

բ) 5-րդ կետը լրացնել հետևյալ բովանդակությամբ պարբերությամբ՝

«- արտադրական հսկողության իրականացում (1հ, 3հ և 6հ սխեմաների համար):».

գ) 7-րդ կետում՝

չորրորդ պարբերությունից հետո լրացնել հետևյալ բովանդակությամբ պարբերություններով՝

«- կառավարման համակարգի սերտիֆիկատ (սերտիֆիկատի պատճենը) (6հ սխեմա).

«- մատակարարման պայմանագիր (կոնտրակտ) և ուղեկցող փաստաթղթեր (արտադրանքի քանակի վերաբերյալ) (2հ, 4հ սխեմաներ).».

հինգերորդ պարբերությունից հանել «կառավարման համակարգին առնչվող համապատասխանության հավաստագիրը կամ կառավարման համակարգի գնահատմանն առնչվող ակտը (արձանագրությունը) (առկայության դեպքում),» բառերը.

դ) լրացնել հետևյալ բովանդակությամբ 12-րդ և 13-րդ կետերով՝

«12. Պատրաստողի (պատրաստողի կողմից լիազորված անձի), ներմուծողի ցանկությամբ 1հ և 2հ սխեմաներով համապատասխանության հայտարարագրումը կարող է փոխարինվել 3հ, 4հ, 6հ սխեմաներով համապատասխանության հայտարարագրմամբ։

13. Օգտագործման մեջ գտնվող փաթեթվածքը (խցանափակման միջոցները) սույն Տեխնիկական կանոնակարգի պահանջներին համապատասխանության հավաստման ենթակա չէ (չեն):»:

6. 1-ին հավելվածում «****» նշանով տողատակի ծանոթագրությունում «և խցանափակման միջոցների համար, որոնք արտադրվել են» բառերը փոխարինել «, որը արտադրվել է» բառերով:

7. Լրացնել հետևյալ բովանդակությամբ 11 հավելվածով՝

«Հավելված 11

ՊԱՀԱՆՋՆԵՐ

_________________________

* Թույլատրվում է ջրային լուծամզուկների ներկում և կեղևային խցանափակման արտադրատեսակների և փայտանյութից արտադրատեսակների մոդելավորման ժամանակ նստվածք:

** Ելնելով փաթեթվածքի (խցանափակման միջոցների) շահագործման պայմաններից՝ որպես կլանիչ կիրառում են սննդամթերք (հաց, թխվածքաբլիթ, ալյուր, յուղ և այլն):»:

8. 3-րդ և 4-րդ հավելվածները շարադրել հետևյալ խմբագրությամբ՝

«Հավելված 3

Նյութի թվային ծածկագիրը և տառային նշագիրը (հապավում), որից պատրաստվում է (են) փաթեթվածքը (խցանափակման միջոցները)

________________________

* Օգտագործվում են միայն մեծատառեր: Օրինակ՝ պոլիէթիլենտերեֆտալատ

(տարբերակներ).

** Մակնշվում են հետևյալ ձևով՝ լատիներեն С տառը և թեք գծով հիմնական նյութի նշագիրը՝ ըստ զանգվածի այլ նյութերի համակազմում: Օրինակ՝ թուղթ և ստվարաթուղթ/պլաստմասսա/ալյումին՝ С/РАР.

Հավելված 4

ՊԱՅՄԱՆԱՆՇԱՆՆԵՐ՝

փաթեթվածքի (խցանափակման միջոցների) մականշվածքին դրվող

Նկ. 1 Փաթեթվածք (խցանափակման միջոցներ)` սննդամթերքի հետ շփման համար նախատեսված

Պայմանանշան, որը նշանակում է, որ փաթեթվածքը սննդամթերքի հետ շփման համար է նախատեսված, թույլատրվում է դնել ինչպես առանց շրջանակի, այնպես էլ շրջանակի մեջ (կլոր, քառակուսի և այլն):

Նկ. 2 Օգտագործված փաթեթվածքի (խցանափակման միջոցների) օգտահանման հնարավորություն` Մեբիուսի ժապավեն»:

Պաշտոնական հրապարակման օրը՝ 22 հունիսի 2022 թվական: