ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

«ԲՆԱԿԱՆ ԵՎ ՀԵՂՈՒԿ ԳԱԶԻ ՕԳՏԱԳՈՐԾՄԱՆ ՄԱՍԻՆ» ՁԵՎ 3-ԳԱԶ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ՁԵՎՆ ՈՒ ԼՐԱՑՄԱՆ ՀՐԱՀԱՆԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՐԴԻ 2002 ԹՎԱԿԱՆԻ ՕԳՈՍՏՈՍԻ 12-Ի ԹԻՎ 181-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

(վերնագիրը փոփ. 17.01.25 թիվ 01-Ն)

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետով և 18-րդ հոդվածի 4-րդ մասով, ինչպես նաև «Նորմատիվ իրավական ակտերի մասին» օրենքի 37-րդ հոդվածի 1-ին մասի դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հաստատել «Բնական և հեղուկ գազի օգտագործման մասին» Ձև 3-գազ (տարեկան) վիճակագրական ամփոփ հաշվետվության ձևը՝ համաձայն հավելված 1-ի:

(1-ին կետը փոփ. 17.01.25 թիվ 01-Ն)

2. Հաստատել «Բնական և հեղուկ գազի օգտագործման մասին» Ձև 3-գազ (տարեկան) վիճակագրական ամփոփ հաշվետվության ձևի լրացման հրահանգը՝ համաձայն հավելված 2-ի:

(2-րդ կետը փոփ. 17.01.25 թիվ 01-Ն)

3. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 12-ի ««Ամփոփ հաշվետվություն բնական և հեղուկ գազի օգտագործման մասին» Ձև թիվ 1-գազ պետական վիճակագրական հաշվետվության ձևը և լրացման հրահանգը հաստատելու մասին» թիվ 181-Ն որոշումը:

4. Սույն որոշումն ուժի մեջ է մտնում 2019 թվականի հունվարի 1-ից:

Նախագահ՝

Ս. Մնացականյան

(հավելվածը խմբ. 17.01.25 թիվ 01-Ն)

Հավելված 2 Հայաստանի Հանրապետության վիճակագրության պետական խորհրդի 2018 թվականի հոկտեմբերի 19-ի թիվ 33-Ն որոշման

Հ Ր Ա Հ Ա Ն Գ

«ԲՆԱԿԱՆ ԵՎ ՀԵՂՈՒԿ ԳԱԶԻ ՕԳՏԱԳՈՐԾՄԱՆ ՄԱՍԻՆ» ՁԵՎ 3-ԳԱԶ (ՏԱՐԵԿԱՆ) ՎԻՃԱԿԱԳՐԱԿԱՆ ԱՄՓՈՓ ՀԱՇՎԵՏՎՈՒԹՅԱՆ ԼՐԱՑՄԱՆ

(վերնագիրը խմբ. 17.01.25 թիվ 01-Ն)

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն հրահանգը կարգավորում է «Բնական և հեղուկ գազի օգտագործման մասին» Ձև 3-գազ (տարեկան) վիճակագրական ամփոփ հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացվում է «Գազպրոմ Արմենիա» փակ բաժնետիրական ընկերության կողմից (այսուհետ՝ ռեսպոնդենտ), Հայաստանի Հանրապետության վիճակագրական կոմիտե` մինչև հաշվետու ժամանակաշրջանին հաջորդող տարվա ապրիլի 10-ը, որն այդ մասին իրազեկվում է Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվության առաջին և երկրորդ բաժինները լրացվում են ըստ հանրապետության, մարզերի, ըստ մարզի առանձին քաղաքների և ամփոփ՝ ըստ գյուղերի, իսկ երրորդ, չորրորդ և հինգերորդ բաժինները` ըստ հանրապետության:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը ռեսպոնդենտը լրացնում է՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

2. ԼՐԱՑՄԱՆ ԿԱՐԳ

6. Բաժին 1-ում լրացվում է՝

1) գազի բաշխիչ ցանցի միագիծ երկարությունը (սյուներ 1-6) և գազաֆիկացված բնակարանների ու բնակելի տների քանակը (սյուներ 7-11):

2) Սյուն 1-ում լրացվում է գազաֆիկացման և գազամատակարարման մասնաճյուղերի հաշվեկշռում գտնվող գազամուղների բաշխիչ ցանցի միագիծ երկարությունը մինչև գազամուղների ցանցի վերագործարկումը: Գծերի երկարությունը որոշվում է ռեսպոնդենտի կողմից իրականացված գույքագրման կամ տեխնիկական հաշվառման տվյալների հիման վրա:

3) Սյուն 2-ում լրացվում է մինչև հաշվետու տարվա սկիզբը գործարկված գազամուղների երկարությունը:

4) Սյուն 3-ում լրացվում է հաշվետու տարվա ընթացքում գործարկված գազամուղների երկարությունը:

5) Սյուն 4-ում լրացվում է հաշվետու տարվա ընթացքում դուրս գրված ցանցի երկարությունը: Այստեղ ներառվում են այն ցանցերը, որոնք դուրս են գրվել գազաբաշխման տարածքային բաժանմունքի հաշվեկշռից, ներառյալ ֆիզիկական մաշվածության (խարխուլ ցանց), բնակավայրի վերակառուցման, ինչպես նաև այլ գազաբաշխման բաժանմունքի հաշվեկշիռ փոխանցելու հետևանքով դուրս գրված ցանցերը:

6) Սյուն 5-ում լրացվում է մաշվածության պատճառով դուրս գրված ցանցերի երկարաությունը:

7) Սյուն 6-ում ինքնաշխատ արտացոլվում է գազի փողոցային ցանցի միագիծ երկարությունը հաշվետու տարեվերջին:

8) Սյուն 7-ում լրացվում է գազի փողոցային ցանցին միացված բնակարանների և բնակելի տների քանակը հաշվետու տարեսկզբին մինչև գազաֆիկացումը, որը հաշվարկվում է բաժանորդային քարտերի (գրքերի), բաժանորդների անձնական հաշիվների տվյալների հիման վրա:

9) Սյուն 8-ում լրացվում է մինչև հաշվետու տարեսկիզբը գազաֆիկացված բնակարանների և բնակելի տների քանակը:

10) Սյուն 9-ում լրացվում է հաշվետու տարում գազաֆիկացված բնակարանների և բնակելի տների քանակը:

11) Սյուն 10-ում լրացվում է հաշվետու տարվա ընթացքում գազաֆիկացման ցանցից դուրս գրված բնակարանների և բնակելի տների քանակը (բնակելի տան քանդման, գազօջախները էլեկտրասալիկներով փոխարինելու դեպքերում):

12) Սյուն 11-ում ինքնաշխատ արտացոլվում է գազաֆիկացված բնակարանների և բնակելի տների քանակը տարեվերջին:

7. Բաժին 2-ում լրացվում են սպառողներին բաց թողնված գազի վերաբերյալ տվյալները:

1) Սյուն 1-ում լրացվում է բոլոր սպառողներին բաց թողնված բնական գազի փաստացի քանակը (բնակչությանը, կոմունալ-կենցաղային և արտադրական կարիքների համար): Բաց թողնված գազի քանակը որոշվում է հաշվառման գրքերի, քարտերի և երկկողմանի ակտերի հիման վրա, որոնց համար հիմք են հանդիսանում սպառողների մոտ տեղադրված գազի հաշվառման չափիչ սարքերի ցուցմունքները, իսկ գազի հաշվառման չափիչ սարքերի բացակայության կամ անսարքության դեպքում` տեղադրված այրման սարքերի հզորության և նրանց փաստացի աշխատած ժամանակը: Բոլոր սպառողներին բաց թողնված գազի ընդհանուր քանակությունից լրացվում է.

ա. բնակչությանը բաց թողնված գազի քանակը (սյուն 2),

բ. սյուն 3-ում լրացվում է կոմունալ-կենցաղային կարիքների համար բաց թողնված գազի քանակը (ջեռուցման, օդափոխության, տաք ջրամատակարարման վրա ծախսված գազը), որն իրականացվում է մինչև 20 գկալ/ժամ հզորություն ունեցող կենցաղային կաթսայատների կողմից, ինչպես նաև բնակելի, ուսումնական, բուժական, սպորտային, առևտրի և մշակույթի շենքերի, մանկական խնամատարական, տարեցների և հաշմանդամություն ունեցող անձանց սոցիալական սպասարկման հաստատությունների, առողջարանների և հանգստյան տների, լվացքատների, կոմունալ -կենցաղային կարիքների և այլ օբյեկտների կարիքների համար: Կոմունալ-կենցաղային կարիքների համար բաց թողնված գազի քանակության մեջ չեն ներառվում ավելի քան 20 գկալ/ժամ հզորություն ունեցող տարածքային կաթսայատներին և միավորված կաթսայատների ու ջերմացանցերի ենթակայության կաթսայատներին (անկախ նրանց հզորությունից) բաց թողնված գազի քանակը,

գ. արդյունաբերության ոլորտի կաթսայատներին տրված գազի քանակը (սյուն 4):

2) Սյուն 5-ում լրացվում է ցանցում գազի կորստի քանակը, որը որոշվում է որպես ցանցին տրված գազի և բոլոր սպառողներին բաց թողնված գազի քանակների տարբերություն: Այն դեպքում, երբ քաղաքի գազաբաշխման բաժանմունքը գազ է բաց թողնում նաև այլ բնակավայրի, ցանցում գազի կորստի քանակը հաշվելու համար անհրաժեշտ է ցանցին տրված գազի քանակից հանել քաղաքի բոլոր սպառողներին տրված գազի քանակը և այլ բնակավայրերի գազի տնտեսությանը տրված գազի քանակը:

3) Սյուն 6-ում լրացվում է իրացված հեղուկ գազի ընդհանուր քանակը, որից առանձնացվում է բնակչության կողմից իրացվածը (սյուն 7):

8. Բաժին 3-ում լրացվում են ֆինանսական ընդհանրացված ցուցանիշները: «300» ծածկագրով տողում լրացվում է գազաբաշխման տարածքային բաժանմունքի արտադրական հզորությունների միջին տարեկան հաշվեկշռային արժեքը:

1) «310» ծածկագրով տողում լրացվում է բոլոր տեսակի ֆինանսական մուտքերը, որից «310.1» ծածկագրով տողում լրացվում է բյուջեից մուտքերը, «310.2» ծածկագրով տողում լրացվում է բաց թողնված գազից ստացված մուտքերը, որից «310.2.1» ծածկագրով տողում առանձնացվում է բնակչությունից ստացված մուտքերը: «310.3» ծածկագրով տողում լրացվում են նվիրատվությունից մուտքերը, «310.4» ծածկագրով տողում լրացվում են վարձակալությունից մուտքերը, իսկ «310.5» ծածկագրով տողում լրացվում են այլ մուտքեր:

2) «320» ծածկագրով տողում լրացվում է գազի իրացման հետ կապված բոլոր ծախսերը:

3) «320.1» ծածկագրով տողում լրացվում է նյութական ծախսերը, որոնք իրենց մեջ ներառում են ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը: «320.1.1» ծածկագրով տողում լրացվում է գազի արժեքը:

4) «320.2» ծածկագրով տողում լրացվում են ոչ նյութական ծառայությունների վճարումները, որոնք իրենց մեջ ներառում են աշխատողների մասնագիտական ուսուցմանն ուղղված վճարումները, շենքերի, մեքենաների և սարքավորումների վարձակալական վճարումները, գիտահետազոտական և փորձարարական աշխատանքների, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն:

5) «320.3» ծածկագրով տողում լրացվում են ռեսպոնդենտի հաստիքացուցակում ընդգրկված աշխատողների աշխատանքի մշտական վայրից դուրս որոշակի ժամկետով այլ վայրում հանձնարարություն կատարելու համար տրվող վճարները՝ գործուղման ծախսերը:

6) «320.4» ծածկագրով տողում լրացվում է աշխատավարձ և դրան հավասարեցված այլ վճարումների տվյալները՝ հաշվետու ժամանակահատվածում բոլոր աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական աշխատավարձը, լրացուցիչ աշխատավարձը՝ հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները:

7) «320.5» ծածկագրով տողում լրացվում են ռեսպոնդենտի կողմից շենքերի և շինությունների վերանորոգման ծախսերը:

8) «320.1»-«320.5» ծածկագրերով տողերում չընդգրկված և ընթացիկ գործունեության հետ կապված այլ ծախսերը լրացվում են «320.6» ծածկագրով տողում:

9) «330» ծածկագրով տողում լրացվում է իրացված բնական գազի դիմաց հաշվետու տարում վճարման ենթակա ընթացիկ պարտավորության գումարը, «330.1» ծածկագրով տողում լրացվում է բնակչության կողմից գոյացվածը:

9. Ստացված հեղուկ գազի քանակը որոշվում է չափիչ սարքերի ցուցմունքների և սկզբնական հաշվառման փաստաթղթերով` տեխնիկական մատյաններում կատարված ամենօրյա գրառումների հիման վրա:

10. Տարեվերջում գազի մնացորդը հավասար է տարեսկզբի գազի մնացորդին գումարած տարվա ընթացքում մատակարարներից ստացած գազը, հանած գազի փաստացի իրացումը սպառողներին, հանած սեփական արտադրական կարիքների վրա ծախսված գազը և կորուստը:

11. Բաժին 4-ում լրացվում են հեղուկ գազի ստացման և իրացման տվյալները: «400» ծածկագրով տողում լրացվում է հեղուկ գազի մնացորդը տարեսկզբին, «405» ծածկագրով տողում լրացվում է տարվա ընթացքում ստացված հեղուկ գազի քանակը, «410» ծածկագրով տողում լրացվում է հեղուկ գազի տարեկան կորուստը, «415» ծածկագրով տողում լրացվում է հեղուկ գազի իրացման քանակը, որից «415.1» ծածկագրով տողում լրացվում բնակչությանը տրված գազի ծավալը, որից «415.1.1» և «415.1.2» ծածկագրով տողերում լրացվում է քաղաքային և գյուղական բնակավայրերին տրված հեղուկ գազի քանակը: «420» ծածկագրով տողերում լրացվում է հեղուկ գազի մնացորդը տարեվերջին:

12. Բաժին 5-ի «500» ծածկագրով տողում լրացվում է բնական գազով ապահովված բնակավայրերի քանակը, որից «500.1» և «500.2» ծածկագրերով տողերում լրացվում է բնական գազով ապահովված քաղաքների և գյուղերի քանակը:

(հավելվածը խմբ. 17.01.25 թիվ 01-Ն)