ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 876-Ա

Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել Ֆրանսիայի «Հայկական սփյուռք» ասոցիացիայի կողմից Հայաստանի Հանրապետության Վայոց ձորի մարզի Ջերմուկ համայնք Լեռնային Ղարաբաղից տեղահանված անձանց և սոցիալապես անապահով ընտանիքներին անհատույց բաշխելու նպատակով «Ջերմուկի կրթահամալիր» պետական ոչ առևտրային կազմակերպության հասցեով ուղարկված ձմեռային նոր հագուստի (40 տեղ, 377.9 կգ ընդհանուր քաշով, 941 եվրոյին համարժեք դրամ արժողությամբ, փոխադրման ծախսը կազմել է 1,193 բուլղարական լև, մաքսային ձևակերպումները կատարվելու են Երևանի մաքսային սպասարկման կենտրոն- մաքսատուն, վարչությունում) ներմուծման ծրագիրը:

(1-ին կետը փոփ. 09.01.24 N 9-Ա)

2. «Ջերմուկի կրթահամալիր» պետական ոչ առևտրային կազմակերպությանը՝ նշված բեռի համապատասխան ձևակերպումներն ու բաշխումն ավարտելուց հետո մեկամսյա ժամկետում Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկատվություն: