ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

3 ապրիլի 2000 թվականի N 152

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 1997 ԹՎԱԿԱՆԻ ՕԳՈՍՏՈՍԻ 6-Ի N 371 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության վարչապետի 1997 թվականի օգոստոսի 6-ի «Հայաստանի Հանրապետության ձեռնարկություններին գրանտների տրամադրման գործընթացի կանոնակարգման նպատակով հանձնաժողով ստեղծելու մասին» N 371 որոշման մեջ (Հայաստանի Հանրապետության վարչապետի 1999 թվականի օգոստոսի 16-ի N 484 որոշման խմբագրությամբ) կատարել հետևյալ փոփոխությունները`

ա) որոշման վերնագրում և 1-ին կետում «գրանտների» բառը փոխարինել «անտոկոս փոխառությունների» բառերով.

բ) որոշմամբ ստեղծված հանձնաժողովի կազմը շարադրել հետևյալ խմբագրությամբ.

«Հայաստանի Հանրապետության արտադրական ենթակառուցվածքների գործունեությունը համակարգող նախարար (հանձնաժողովի նախագահ).

Հայաստանի Հանրապետության արդյունաբերության և առևտրի նախարար.

Հայաստանի Հանրապետության արտադրական ենթակառուցվածքների գործունեությունը համակարգող նախարարի տեղակալ.

Հայաստանի Հանրապետության ֆինանսների և էկոնոմիկայի նախարարի տեղակալ.

Հայաստանի Հանրապետության կառավարության աշխատակազմի արտադրական ենթակառուցվածքների վարչության պետ.

Հայաստանի բանկերի ասոցիացիայի նախագահ (համաձայնությամբ).

Հայաստանի Հանրապետության կենտրոնական բանկի խորհրդի անդամ (համաձայնությամբ).

Հայաստանի արդյունաբերողների և գործարարների միության նախագահ (համաձայնությամբ).

Հայաստանի Հանրապետության Ա. Հովհաննիսյանի անվան ձեռնարկատերերի միության նախագահ (համաձայնությամբ).

«Զարգացման հայկական գործակալություն» փակ բաժնետիրական ընկերության գործադիր տնօրեն (հանձնաժողովի քարտուղար)»: