ԵՎՐԱՍԻԱԿԱՆ ՏՆՏԵՍԱԿԱՆ ՀԱՄԱՅՆՔ

 

ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎ

 

Ո Ր Ո Շ ՈՒ Մ

 

 18 հոկտեմբերի 2011 թվականի N 826

 

«Ավտոմոբիլային եվ ավիացիոն բենզինին, դիզելային եվ նավերի համար նախատեսված վառելիքին, ռեակտիվ շարժիչների համար նախատեսված վառելիքին եվ մազութին ներկայացվող պահանջների մասին» Մաքսային միության տեխնիկական կանոնակարգն ընդունելու մասին

 

Փոփոխող փաստաթղթերի ցանկ (Եվրասիական տնտեսական հանձնաժողովի խորհրդի 2014 թվականի հունիսի 23-ի N 43 որոշման, Եվրասիական տնտեսական հանձնաժողովի կոլեգիայի 2014 թվականի հունիսի 25-ի N 95 որոշման, Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշման, Եվրասիական տնտեսական հանձնաժողովի կոլեգիայի 2017 թվականի հունիսի 30-ի N 72 որոշման խմբագրությամբ

 

«Բելառուսի Հանրապետությունում, Ղազախստանի Հանրապետությունում և Ռուսաստանի Դաշնությունում տեխնիկական կանոնակարգման միասնական սկզբունքների և կանոնների մասին» 2010 թվականի նոյեմբերի 18-ի համաձայնագրի 13-րդ հոդվածին համապատասխան՝ Մաքսային միության հանձնաժողովը (այսուհետ՝ Հանձնաժողով) որոշեց.

1. Ընդունել «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգը (ՄՄ ՏԿ 013/2011) (կցվում է)։

2. (կետն ուժը կորցրել է ԵՏՀԿ 15.08.23 թիվ 114)

3. Հաստատել, որ՝

3.1. «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգը (այսուհետ՝ Տեխնիկական կանոնակարգ) ուժի մեջ է մտնում 2012 թվականի դեկտեմբերի 31-ից։

3.2. Մաքսային միության անդամ պետության օրենսդրությամբ կամ Մաքսային միության նորմատիվ իրավական ակտերով սահմանված պարտադիր պահանջներին համապատասխանության գնահատման (հավաստման) մասին փաստաթղթերը, որոնք տրամադրվել կամ ընդունվել են Տեխնիկական կանոնակարգի տեխնիկական կարգավորման օբյեկտ հանդիսացող արտադրանքի առնչությամբ (այսուհետ՝ արտադրանք) մինչև տեխնիկական կանոնակարգն ուժի մեջ մտնելու օրը, վավերական են մինչև դրանց գործողության ժամկետի ավարտը, բայց 2014 թվականի հունիսի 30-ից ոչ ուշ, բացառությամբ «ՌՏ» մակնիշի ռեակտիվ շարժիչների համար նախատեսված վառելիքի առնչությամբ տրամադրված կամ ընդունված՝ Մաքսային միության անդամ պետությունների օրենսդրությամբ կամ Մաքսային միության նորմատիվ իրավական ակտերով սահմանված պահանջներին համապատասխանության գնահատման (հավաստման) վերաբերյալ փաստաթղթերի, որոնք գործում են մինչև 2015 թվականի հունվարի 1-ը։ Նշված փաստաթղթերը, որոնք տրամադրվել կամ ընդունվել են մինչև սույն որոշման պաշտոնական հրապարակման օրը, վավերական են մինչև դրանց գործողության ժամկետի ավարտը։

(Եվրասիական տնտեսական հանձնաժողովի կոլեգիայի 2014 թվականի հունիսի 25-ի N 95 որոշման խմբագրությամբ)

Տեխնիկական կանոնակարգն ուժի մեջ մտնելու օրվանից՝ Մաքսային միության նորմատիվ իրավական ակտերով կամ Մաքսային միության անդամ պետության օրենսդրությամբ ավելի վաղ սահմանված պարտադիր պահանջներին արտադրանքի համապատասխանության գնահատման (հավաստման) մասին փաստաթղթերի տրամադրումը կամ ընդունումը չի թույլատրվում։

3.3. Մինչև 2014 թվականի հունիսի 30-ը թույլատրվում է Մաքսային միության նորմատիվ իրավական ակտերով կամ Մաքսային միության անդամ պետության օրենսդրությամբ ավելի վաղ սահմանված պարտադիր պահանջներին համապատասխան արտադրանքի արտադրությունը և շրջանառության մեջ դնելը՝ նշված պարտադիր պահանջներին արտադրանքի համապատասխանության գնահատման (հավաստման) մասին այն փաստաթղթերի առկայության դեպքում, որոնք տրամադրվել կամ ընդունվել են մինչև Տեխնիկական կանոնակարգն ուժի մեջ մտնելու օրը, բացառությամբ «ՌՏ» մակնիշի ռեակտիվ շարժիչների համար նախատեսված վառելիքի, որի արտադրությունը և շրջանառության մեջ դնելն այդ փաստաթղթերի առկայության դեպքում թույլատրվում է մինչև 2015 թվականի հունվարի 1-ը։

(Եվրասիական տնտեսական հանձնաժողովի կոլեգիայի 2014 թվականի հունիսի 25-ի N 95 որոշման խմբագրությամբ)

Նշված արտադրանքը մակնշվում է համապատասխանության ազգային նշանով (շուկայում շրջանառության նշանով)՝ Մաքսային միության անդամ պետության օրենսդրությանը համապատասխան։

Այդ արտադրանքի մակնշումը Մաքսային միության անդամ պետությունների շուկայում արտադրանքի շրջանառության միասնական նշանով չի թույլատրվում։

3.4. Սույն որոշման 3.2 ենթակետում նշված՝ համապատասխանության գնահատման (հավաստման) մասին փաստաթղթերի գործողության ժամկետում շրջանառության մեջ դրված արտադրանքի շրջանառությունը թույլատրվում է արտադրանքի՝ Մաքսային միության անդամ պետության օրենսդրությանը համապատասխան սահմանված պիտանիության ժամկետի ընթացքում։

3.5. Տեխնիկական կանոնակարգով սահմանված պահանջներին ռեակտիվ շարժիչների համար նախատեսված վառելիքի և մազութի համապատասխանության գնահատման (հավաստման) վերաբերյալ փաստաթղթերը, որոնք տրամադրվել կամ ընդունվել են մինչ Եվրասիական տնտեսական հանձնաժողովի խորհրդի 2014 թվականի հունիսի 23-ի ««Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» (ՄՄ ՏԿ 013/2011) Մաքսային միության տեխնիկական կանոնակարգում փոփոխություններ կատարելու մասին» N 43 որոշման համաձայն Տեխնիկական կանոնակարգում կատարված փոփոխություններն ուժի մեջ մտնելը, վավեր են մինչև դրանց գործողության ժամկետի ավարտը։

Սույն կետի առաջին պարբերությունում նշված համապատասխանության գնահատման (հավաստման) վերաբերյալ փաստաթղթերի գործողության ժամկետում շրջանառության մեջ դրված ռեակտիվ շարժիչների համար նախատեսված վառելիքի և մազութի շրջանառությունը թույլատրվում է արտադրանքի պիտանիության ժամկետում, որը սահմանվել է Մաքսային միության և Միասնական տնտեսական տարածքի անդամ պետության օրենսդրությանը համապատասխան։

(3.5 ենթակետն ավելացվել է Եվրասիական տնտեսական հանձնաժողովի կոլեգիայի 2014 թվականի հունիսի 25-ի N 95 որոշմամբ)

4. Հանձնաժողովի քարտուղարությանը՝ Կողմերի հետ համատեղ նախապատրաստել Տեխնիկական կանոնակարգի իրականացման համար անհրաժեշտ միջոցառումների ծրագրի նախագիծը և սույն որոշումն ուժի մեջ մտնելու օրվանից սկսած եռամսյա ժամկետում այն ներկայացնել Հանձնաժողովի՝ սահմանված կարգով հաստատմանը։

5. Ղազախստանյան կողմին՝ Կողմերի մասնակցությամբ ստանդարտների կիրառման արդյունքների մշտադիտարկման հիման վրա, ապահովել սույն որոշման 2-րդ կետում նշված Ստանդարտների ցանկի թարմացման վերաբերյալ առաջարկությունները նախապատրաստելը և Տեխնիկական կանոնակարգն ուժի մեջ մտնելու օրվանից սկսած տարին մեկ անգամից ոչ պակաս դրանք Հանձնաժողովի քարտուղարություն ներկայացնելը՝ Հանձնաժողովի՝ սահմանված կարգով հաստատման համար։

6. Կողմերին՝

6.1. մինչև Տեխնիկական կանոնակարգն ուժի մեջ մտնելու օրը սահմանել Տեխնիկական կանոնակարգի պահանջների պահպանման նկատմամբ պետական հսկողության (վերահսկողության) իրականացման համար պատասխանատու պետական հսկողության (վերահսկողության) մարմինները, և դրա մասին տեղեկացնել Հանձնաժողովին.

6.2. ապահովել Տեխնիկական կանոնակարգի պահանջների պահպանման նկատմամբ պետական հսկողության (վերահսկողության) իրականացումը՝ այն ուժի մեջ մտնելու օրվանից։

7. Սույն որոշումն ուժի մեջ է մտնում դրա պաշտոնական հրապարակման ամսաթվից 15 օր հետո, եթե այդ ժամկետի ընթացքում Կողմերը չհայտարարեն Տեխնիկական կանոնակարգին իրենց հավանություն տալը կասեցնելու մասին։

 

Մաքսային միության հանձնաժողովի անդամներ՝

 

Բելառուսի Հանրապետությունից (ստորարություն) Ս. ՌՈՒՄԱՍ

Ղազախստանի Հանրապետությունից (ստորարություն) ՈՒ. ՇՈՒԿԵԵՎ

Ռուսաստանի Դաշնությունից (ստորարություն) Ի. ՇՈՒՎԱԼՈՎ

ՀԱՍՏԱՏՎԱԾ Է Մաքսային միության հանձնաժողովի 2011 թվականի հոկտեմբերի 18-ի N 826 որոշմամբ

 

ՄԱՔՍԱՅԻՆ ՄԻՈՒԹՅԱՆ ՏԵԽՆԻԿԱԿԱՆ ԿԱՆՈՆԱԿԱՐԳ

 

ՄՄ ՏԿ 013/2011

 

Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին

 

Փոփոխող փաստաթղթերի ցանկ (Եվրասիական տնտեսական հանձնաժողովի խորհրդի 2014 թվականի հունիսի 23-ի N 43, 2015 թվականի դեկտեմբերի 2-ի N 84 որոշումների խմբագրությամբ)

 

Նախաբան

 

1. Մաքսային միության սույն տեխնիկական կանոնակարգը, (այսուհետ` ՄՄ տեխնիկական կանոնակարգ) մշակված է «Բելառուսի Հանրապետությունում, Ղազախստանի Հանրապետությունում և Ռուսաստանի Դաշնությունում տեխնիկական կանոնակարգման միասնական սկզբունքների և կանոնների մասին» 2010 թվականի նոյեմբերի 18-ի համաձայնագրին համապատասխան:

2. Սույն ՄՄ տեխնիկական կանոնակարգը մշակվել է Մաքսային միության միասնական մաքսային տարածքում շրջանառության մեջ դրվող ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին (այսուհետ՝ վառելիք) ներկայացվող՝ Մաքսային միության միասնական մաքսային տարածքում կիրառման և կատարման համար պարտադիր պահանջների սահմանման նպատակով:

 

Հոդված 1. Կիրառման ոլորտը

1.1. ՄՄ տեխնիկական կանոնակարգը տարածվում է Մաքսային միության միասնական մաքսային տարածքում շրջանառության մեջ դրվող և շրջանառության մեջ գտնվող վառելիքի վրա:

1.2. ՄՄ տեխնիկական կանոնակարգով պահանջներ են սահմանվում վառելիքի նկատմամբ՝ մարդու կյանքի և առողջության, գույքի պաշտպանության ապահովման, շրջակա միջավայրի պահպանության, դրա նշանակության, անվտանգության և էներգետիկ արդյունավետության վերաբերյալ սպառողին մոլորության մեջ գցող գործողությունների կանխարգելման նպատակով:

1.3. ՄՄ տեխնիկական կանոնակարգը չի տարածվում պաշտպանական պետական պատվերով մատակարարվող, պետական նյութական պահուստի պահպանվածությունն ապահովող կազմակերպություններում, ինչպես նաև նավթատարներում և հորատման հարթակներում սեփական օգտագործման կարիքների համար պահվող վառելիքի, Մաքսային միության միասնական մաքսային տարածքի սահմաններից դուրս արտահանման վրա:

 

Հոդված 2. Սահմանումներ

2.1. ՄՄ տեխնիկական կանոնակարգում գործածվում են հետևյալ եզրույթներն ու դրանց սահմանումները.

ավտոմոբիլային և ավիացիոն բենզին՝ հեղուկ վառելիք՝ կայծային բռնկումով ներքին այրման շարժիչներում օգտագործման համար,

շրջանառության մեջ դնելը՝ վկայագրավորված վառելիքի առաջնային անցումը պատրաստողից դեպի սպառողը,

դիզելային վառելիք՝ հեղուկ վառելիք՝ սեղմումից բոցավառվող ներքին այրման շարժիչներում օգտագործման համար,

պատրաստող՝ իրավաբանական կամ ֆիզիկական անձ, այդ թվում՝ օտարերկրյա, որն իր անունից կամ հանձնարարությամբ իրականացնում է վառելիքի արտադրություն և (կամ) իրացում, պատասխանատու է դրա՝ ՄՄ տեխնիկական կանոնակարգի պահանջներին համապատասխանության համար,

ներմուծող՝ ՄՄ անդամ պետության ռեզիդենտ, որը ՄՄ պետության ոչ ռեզիդենտի հետ կնքում է արտաքին առևտրային համաձայնագիր՝ վառելիքի փոխանցման վերաբերյալ, և իրականացնում է այդ վառելիքի պահպանումն ու իրացումը (մեծածախ և (կամ) մանրածախ առևտուր) և պատասխանատվություն է կրում դրա՝ ՄՄ տեխնիկական կանոնակարգի պահանջներին համապատասխանության համար,

մազութ՝ վառելիք, որը ստացվում է նավթի, գազային կոնդենսատի հումքի վերամշակումից ստացվող արտադրանքից և նախատեսված է տրանսպորտային միջոցների, անշարժ կաթսայական և տեխնոլոգիական կայանքների համար,

(Եվրասիական տնտեսական հանձնաժողովի խորհրդի 2014 թվականի հունիսի 23-ի N 43 որոշման խմբագրությամբ)

վառելիքի մակնիշ՝ վառելիքի բառային և (կամ) տառային, թվային նշագիրը, որն ավտոմոբիլային բենզինի և դիզելային վառելիքի դեպքում ներառում է դրա էկոլոգիական դասը,

շուկայում վառելիքի շրջանառություն՝ պատրաստողից դեպի սպառող վառելիքի շարժի փուլերը, որոնք ներառում են բոլոր ընթացաշրջանները, որոնց միջով անցնում է վկայագրավորված վառելիքը շրջանառության մեջ դնելուց հետո,

օկտանային թիվ՝ բենզինի ճայթյունակայունությունը բնութագրող ցուցանիշ՝ արտահայտված էտալոնային սանդղակի միավորներով,

փորձաարդյունաբերական խմբաքանակ՝ արտադրանքի խմբաքանակ, որը նոր մշակված աշխատանքային փաստաթղթերով արտադրվել է տրված տեխնիկական պահանջներին համապատասխանությունը փորձարկումների միջոցով ստուգելու համար՝ արտադրության դնելու և (կամ) նպատակային օգտագործման հնարավորության մասին որոշում կայացնելու նպատակով,

վառելիքի խմբաքանակ՝ մեկ մակնիշի վառելիքի քանակ, որն ուղեկցվում է որակի մասին մեկ փաստաթղթով (անձնագրով),

սպառող՝ սեփական կարիքների համար վկայագրավորված վառելիքի ձեռքբերման նպատակ ունեցող կամ այն ձեռք բերող իրավաբանական կամ ֆիզիկական անձ,

հավելանյութ՝ նյութ, որն ավելացվում է վառելիքի մեջ՝ դրա շահագործման հատկությունները բարելավելու նպատակով,

վաճառող՝ ՄՄ անդամ պետության ռեզիդենտ հանդիսացող իրավաբանական կամ ֆիզիկական անձ, որն իրականացնում է վկայագրավորված վառելիքի մեծածախ և (կամ) մանրածախ իրացում սպառողին՝ ՄՄ անդամ պետության ազգային օրենսդրությանը համապատասխան, և պատասխանատու է շուկայում ՄՄ տեխնիկական կանոնակարգի պահանջներին համապատասխանող վառելիքի տեղաբաշխման համար,

նավերի համար նախատեսված վառելիք՝ հեղուկ վառելիք, որն օգտագործվում է նավերի ուժային էներգետիկ կայանքներում,

վառելիք ռեակտիվ շարժիչների համար՝ հեղուկ վառելիք՝ ռեակտիվ ավիացիոն շարժիչներում օգտագործման համար,

պատրաստողի կողմից լիազորված անձ՝ սահմանված կարգով ՄՄ անդամ պետության կողմից գրանցված իրավաբանական կամ ֆիզիկական անձ, որը, նրա հետ կնքված պայմանագրի հիման վրա, պատրաստողի կողմից որոշվել է համապատասխանության հավաստման դեպքում իր անունից գործողությունների իրականացման և վառելիքը Մաքսային միության միասնական մաքսային տարածքում տեղաբաշխման համար, ինչպես նաև վառելիքի՝ ՄՄ տեխնիկական կանոնակարգի պահանջներին չհամապատասխանելու դեպքում պատասխանատվության սահմանման համար,

ցետանային թիվ՝ դիզելային վառելիքի բոցավառելիությունը բնութագրող ցուցնանիշ՝ արտահայտված էտալոնային սանդղակի միավորներով,

վառելիքի էկոլոգիական դաս՝ վառելիքի անվտանգության պահանջները սահմանող դասակարգման կոդ (К2, К3, К4, К5)։

 

Հոդված 3. Շուկայում վառելիքի շրջանառությանը ներկայացվող պահանջներ

3.1. Թույլատրվում է այն վառելիքի շրջանառության մեջ դնելը և շրջանառությունը, որի համապատասխանությունը պահանջներին հավաստված է ՄՄ տեխնիկական կանոնակարգի 6-րդ հոդվածի պահանջների համաձայն:

3.2. Ավտոմոբիլային բենզինի և դիզելային վառելիքի իրացման ժամանակ վաճառողը պարտավոր է սպառողին տեղեկություններ տրամադրել՝

վառելիքի անվանման և մակնիշի մասին.

վառելիքի՝ ՄՄ տեխնիկական կանոնակարգի պահանջներին համապատասխանության մասին։

ԿոնսուլտանտՊլյուս. Ծանոթագրություն.

Տեխնիկական կանոնակարգի 3-րդ հոդվածի 3.2 կետի չորրորդ պարբերությունում պարունակվող, մինչև Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշումն ուժի մեջ մտնելը սահմանված՝ ավտոմոբիլային բենզինի և դիզելային վառելիքի մանրածախ իրացման ժամանակ վառելիքի անվանման, մակնիշի, այդ թվում՝ էկոլոգիական դասի վերաբերյալ տեղեկությունների տեղադրմանը ներկայացվող պահանջները գործում են մինչև 2016 թվականի հուլիսի 1-ը։

Ավտոմոբիլային բենզինի և դիզելային վառելիքի մանրածախ իրացման ժամանակ վառելիքի անվանման, մակնիշի, այդ թվում՝ էկոլոգիական դասի վերաբերյալ տեղեկատվությունը պետք է տեղադրվի սպառողների համար հասանելի վայրերում։ Վառելիքի բաշխիչ սարքավորումների վրա տեղադրվում և դրամարկղային կտրոններում արտացոլվում է վառելիքի մակնիշի վերաբերյալ տեղեկատվությունը։

(Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշման խմբագրությամբ)

Սպառողի պահանջով վաճառողը պարտավոր է ներկայացնել վառելիքի որակի մասին փաստաթղթի (անձնագրի) պատճենը:

3.3. Ավտոմոբիլային բենզինի և դիզելային վառելիքի մակնիշի նշագրին ներկայացվող պահանջները բերված են N 1 հավելվածում:

 

Հոդված 4. Անվտանգության պահանջներ

4.1. Ավտոմոբիլային բենզինը պետք է համապատասխանի ՄՄ տեխնիկական կանոնակարգի N 2 հավելվածում նշված պահանջներին:

4.2. Չի թույլատրվում ավտոմոբիլային բենզինի մեջ մետաղ պարունակող (մանգան, կապար և երկաթ պարունակող) հավելանյութերի օգտագործումը:

Բելառուսի Հանրապետության տարածքում արգելվում է արոմատիկ ամինների (մոնոմեթիլանիլինների) օգտագործումը:

4.3. Ավտոմոբիլային բենզինը կարող է պարունակել ներկանյութեր (բացի կանաչ և կապույտ գույներից) և նշանյութեր:

4.4. Դիզելային վառելիքը պետք է համապատասխանի ՄՄ տեխնիկական կանոնակարգի N 3 հավելվածում նշված պահանջներին:

4.5. Մինչև 2018 թվականի հունվարի 1-ը Ղրղզստանի Հանրապետությունում և Ղազախստանի Հանրապետությունում ՄՄ տեխնիկական կանոնակարգի N 3 հավելվածով նախատեսված պահանջներին համապատասխանող դիզելային վառելիքի շրջանառության մեջ դնելու (շրջանառության) հետ մեկտեղ թույլատրվում է գյուղատնտեսական և արտաճանապարհային տեխնիկայի համար օգտագործվող դիզելային վառելիքի շրջանառության մեջ դնելը՝ 45-ից ոչ պակաս ցետանային թվով և 2000 մգ/կգ-ից ոչ ավելի ծծմբի զանգվածային մասով և առանց «յուղման ունակություն» և «պոլիցիկլիկ արոմատիկ ածխաջրածինների զանգվածային մաս» ցուցանիշների նորմավորման՝ ՄՄ տեխնիկական կանոնակարգի N 3 հավելվածով նախատեսված պահանջների հետ մնացած չափանիշների համապատասխանության պայմանով:

Տվյալ վառելիքը չի թույլատրվում իրացնել ընդհանուր օգտագործման ավտոլցավորման կայանների միջոցով:

4.6. Դիզելային վառելիքում չի թույլատրվում մետաղ պարունակող հավելանյութերի օգտագործումը՝ բացառությամբ հակաստատիկ հավելանյութերի:

4.7. Մազութը պետք է համապատասխանի ՄՄ տեխնիկական կանոնակարգի N 4 հավելվածով սահմանված պահանջներին։

4.8. Ռեակտիվ շարժիչների համար նախատեսված վառելիքը պետք է համապատասխանի ՄՄ տեխնիկական կանոնակարգի N 5 հավելվածով սահմանված պահանջներին:

4.9. Ռեակտիվ շարժիչների համար նախատեսված վառելիքը չպետք է դրա հատկությունները վատացնող քանակությամբ մակերևութաակտիվ և այլ քիմիական նյութեր պարունակի։

4.10. Ավիացիոն բենզինը պետք է համապատասխանի ՄՄ տեխնիկական կանոնակարգի N 6 հավելվածով սահմանված պահանջներին:

4.11. 99.5-ից ոչ պակաս օկտանային թվով և 130-ից ոչ պակաս տեսակայնությամբ ավիացիոն բենզինը կարող է պարունակել երկնագույն ներկանյութ:

4.12. Նավերի համար նախատեսված վառելիքը պետք է համապատասխանի ՄՄ տեխնիկական կանոնակարգի N 7 հավելվածով սահմանված պահանջներին:

4.13. Շրջանառության մեջ դրվող և (կամ) շրջանառության մեջ գտնվող վառելիքի յուրաքանչյուր խմբաքանակ պետք է ուղեկցվի որակի մասին փաստաթղթով (անձնագրով):

Անձնագիրը պետք է պարունակի՝

վառելիքի անվանումը և մակնիշի նշագիրը,

պատրաստողի (պատրաստողի կողմից լիազորված անձի) կամ ներմուծողի կամ վաճառողի անվանումը, նրանց գտնվելու վայրը (նշելով պետությունը),

տվյալ մակնիշի վառելիքի նկատմամբ պահանջներ սահմանող փաստաթղթի նշագիրը (առկայության դեպքում),

փորձարկումների նորմատիվային արժեքները և փաստացի արդյունքները, որոնցով հավաստվում է տվյալ մակնիշի վառելիքի համապատասխանությունը ՄՄ տեխնիկական կանոնակարգի պահանջներին,

անձնագրի տրման ամսաթիվը և համարը,

անձնագիրը ձևակերպող անձի ստորագրությունը,

տեղեկություններ՝ համապատասխանության հայտարարագրի վերաբերյալ,

տեղեկություններ՝ վառելիքում հավելանյութերի առկայության մասին:

4.14. Շրջանառության մեջ դրվող վառելիքի խմբաքանակին կից ուղեկցվող փաստաթղթերը կազմվում են ռուսերենով և ՄՄ այն անդամ պետության պետական լեզվով, որի տարածքում տվյալ խմբաքանակը գտնվելու է շրջանառության մեջ:

 

Հոդված 5. Անվտանգության պահանջներին համապատասխանության ապահովում

5.1. Վառելիքի անվտանգությունն ապահովվում է սույն տեխնիկական կանոնակարգով սահմանված պահանջների պահպանմամբ:

5.2. ՄՄ տեխնիկական կանոնակարգի պահանջները կատարելու և արտադրանքի համապատասխանության գնահատում (հավաստում) իրականացնելու համար անհրաժեշտ հետազոտությունների (փորձարկումների), այդ թվում՝ նմուշառման կանոնները և մեթոդները սահմանվում են միջպետական ստանդարտներում, իսկ դրանց բացակայության դեպքում (մինչև միջպետական ստանդարտների ընդունումը)՝ Մաքսային միության անդամ պետությունների ազգային (պետական) ստանդարտներում:

 

Հոդված 6. Համապատասխանության հավաստում

6.1. Վառելիքը շրջանառության մեջ դնելուց առաջ համապատասխանության հայտարարագրման ձևով իրականացվում է ՄՄ տեխնիկական կանոնակարգի պահանջներին վառելիքի համապատասխանության հավաստում:

Վառելիքի համապատասխանության հավաստման գործընթացը անցկացնում է հայտատուն:

Վառելիքի համապատասխանության հայտարարագրման ժամանակ հայտատու կարող է լինել ՄՄ անդամ պետության օրենսդրությանը համապատասխան իր տարածքում գրանցված այն իրավաբանական անձը կամ ֆիզիկական անձը, որը կամ պատրաստող է, կամ պատրաստողի կողմից լիազորված ներկայացուցիչ, կամ ներմուծող:

Վառելիքի համապատասխանության հավաստումն կատարվում է վառելիքի համապատասխանության հայտարարագրման ընթացակարգերով, որոնք սահմանված են սույն հոդվածով և նկարագրված են ՄՄ տեխնիկական կանոնակարգի N 8 հավելվածում:

ՄՄ տեխնիկական կանոնակարգի պահանջներին վառելիքի համապատասխանությունը հավաստելու նպատակով փորձարկման լաբորատորիան (կենտրոնը) պետք է հավատարմագրված լինի և ընդգրկված լինի Մաքսային միության սերտիֆիկացման մարմինների և փորձարկման լաբորատորիաների միասնական ռեեստրում:

Համապատասխանության հավաստման նպատակով փորձաարդյունաբերական խմբաքանակի վառելիքի փորձարկումները թույլատրվում է անցկացնել փորձարկման լաբորատորիայում:

ՄՄ տեխնիկական կանոնակարգին վառելիքի համապատասխանության հայտարարագիրը հայտատուն ընդունում է Մաքսային միության հանձնաժողովի որոշմամբ հաստատված միասնական ձևով:

6.2. ՄՄ տեխնիկական կանոնակարգին վառելիքի համապատասխանության հավաստումն իրականացվում է՝

սերիական թողարկման վառելիքների համար՝ 3դ կամ 6դ ընթացակարգերով,

խմբաքանակներով թողարկվող կամ ներմուծվող վառելիքների համար՝ 4դ ընթացակարգով,

փորձաարդյունաբերական խմբաքանակների համար՝ 2դ ընթացակարգով՝ ավտոմոբիլային բենզինի, դիզելային վառելիքի, նավերի համար նախատեսված վառելիքի և մազութի համար, 4դ ընթացակարգով՝ ավիացիոն բենզինի և ռեակտիվ շարժիչների համար նախատեսված վառելիքի համար:

6.2.1. Սերիական թողարկման վառելիքի համար հայտատուն համապատասխանության հայտարարագրի գրանցման համար ձևավորում և ներկայացնում է ՄՄ տեխնիկական կանոնակարգի պահանջներին վառելիքի համապատասխանությունը հավաստող փաստաթղթերի փաթեթ, որի կազմը ներառում է՝

- վառելիքի փորձարկումների արձանագրությունը (արձանագրությունները),

- այն փաստաթղթի պատճենը, որով պահանջներ են սահմանվում արտադրված վառելիքի նկատմամբ (առկայության դեպքում),

- որակի կառավարման համակարգի հավաստագրի պատճենը (առկայության դեպքում և 6դ ընթացակարգով հայտարարագրման դեպքում),

- ՄՄ տեխնիկական կանոնակարգին վառելիքի համապատասխանության հայտարարագիրը:

6.2.2. Խմբաքանակներով թողարկվող կամ ներմուծվող վառելիքի համար հայտատուն համապատասխանության հայտարարագրի գրանցման համար ձևավորում և ներկայացնում է ՄՄ տեխնիկական կանոնակարգի պահանջներին վառելիքի համապատասխանությունը հավաստող փաստաթղթերի փաթեթ, որի կազմը ներառում է`

- վառելիքի փորձարկումների արձանագրությունը (արձանագրությունները),

- այն փաստաթղթերի պատճենը, որով պահանջներ են սահմանվում արտադրված վառելիքի նկատմամբ ( առկայության դեպքում),

- վառելիքի ներմուծված յուրաքանչյուր խմբաքանակի որակը նույնականացնող և հավաստող փաստաթղթերը (անձնագիրը),

- որակի կառավարման համակարգի հավաստագրի պատճենը (առկայության դեպքում),

- ՄՄ տեխնիկական կանոնակարգին վառելիքի համապատասխանության հայտարարագիրը։

6.2.3. Փորձաարդյունաբերական խմբաքանակների համար հայտատուն համապատասխանության հայտարարագրի գրանցման համար ձևավորում և ներկայացնում է ՄՄ տեխնիկական կանոնակարգի պահանջներին վառելիքի համապատասխանությունը հավաստող փաստաթղթերի փաթեթ, որի կազմը ներառում է`

- վառելիքի փորձարկումների արձանագրությունը (արձանագրությունները),

- վառելիքի փորձաարդյունաբերական խմբաքանակի որակը նույնականացնող և հավաստող փաստաթղթերը (անձնագիրը),

- որակի կառավարման համակարգի հավաստագրի պատճենը (առկայության դեպքում),

- ՄՄ տեխնիկական կանոնակարգին վառելիքի համապատասխանության հայտարարագիրը:

6.3. Համապատասխանության հայտարարագիրը ծանուցողական սկզբունքով ենթակա է գրանցման Միասնական ձևով ձևակերպված՝ տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրի տվյալների էլեկտրոնային բազայում: Համապատասխանության հայտարարագրի գործողության ժամկետը սկսվում է դրա գրանցման ամսաթվից:

Վառելիքի համապատասխանության հայտարարագիրը գրանցվում է՝

3 տարուց ոչ ավելի ժամկետով՝ 3դ ընթացակարգով համապատասխանության հավաստման դեպքում,

հաշվի առնելով տվյալ վառելիքի պահպանման ժամկետը, սակայն 3 տարուց ոչ ավելի ժամկետով՝ 4դ և 2դ ընթացակարգերով համապատասխանության հավաստման դեպքում,

5 տարուց ոչ ավելի ժամկետով՝ 6դ ընթացակարգով համապատասխանության հավաստման դեպքում:

 

Հոդված 7. Երաշխիքային վերապահում

7.1. ՄՄ անդամ պետությունը պարտավոր է միջոցներ ձեռնարկել ՄՄ տեխնիկական կանոնակարգի պահանջներին չհամապատասխանող վառելիքի՝ ՄՄ անդամ պետության տարածքում շրջանառության մեջ դնելը սահմանափակելու, արգելելու, ինչպես նաև այն վառելիքի շուկայից հանելու համար:

Ընդունված որոշման մասին տեղեկացվում են ՄՄ մյուս անդամ պետությունները։

7.2. ՄՄ տեխնիկական կանոնակարգն ուժի մեջ մտնելուց հետո՝ 3 տարվա ընթացքում, թույլատրվում է մինչև ՄՄ տեխնիկական կանոնակարգն ուժի մեջ մտնելը շրջանառության մեջ դրված վառելիքի շրջանառությունը:

7.3. Էկոլոգիական К2 դասի ավտոմոբիլային բենզինի՝ շրջանառության մեջ դնելը և շրջանառությունը Մաքսային միության միասնական մաքսային տարածքում չի թույլատրվում: Ղրղզստանի Հանրապետության և Ղազախստանի Հանրապետության տարածքում նշված արգելքը գործում է 2018 թվականի հունվարի 1-ից:

(Եվրասիական տնտեսական հանձնաժողովի խորհրդի 2014 թվականի հունիսի 23-ի N 43, 2015 թվականի դեկտեմբերի 2-ի N 84 որոշումների խմբագրությամբ)

Մանգանի, երկաթի մոնոմեթիլանիլինների պարունակության որոշումը Ղազախստանի Հանրապետության համար սկսվում է իրականացվել 2014 թվականի հունվարի 1-ից ոչ ուշ:

Էկոլոգիական К3 դասի ավտոմոբիլային բենզինի՝ շրջանառության մեջ դնելը և շրջանառությունը թույլատրվում է՝

Հայաստանի Հանրապետության տարածքում՝ մինչև 2016 թվականի դեկտեմբերի 31-ը.

(պարբերությունն ավելացվել է Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշմամբ)

Բելառուսի Հանրապետության տարածքում՝ մինչև 2014 թվականի դեկտեմբերի 31-ը.

Ղազախստանի Հանրապետության տարածքում՝ մինչև 2017 թվականի դեկտեմբերի 31-ը.

(Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշման խմբագրությամբ)

Ղրղզստանի Հանրապետության տարածքում՝ մինչև 2017 թվականի դեկտեմբերի 31-ը.

(պարբերությունն ավելացվել է Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշմամբ)

Ռուսաստանի Դաշնության տարածքում՝ մինչև 2014 թվականի դեկտեմբերի 31-ը:

Էկոլոգիական К4 դասի ավտոմոբիլային բենզինի՝ շրջանառություն մեջ դնելը և շրջանառությունը թույլատրվում է՝

Հայաստանի Հանրապետության տարածքում՝ մինչև 2016 թվականի դեկտեմբերի 31-ը.

(պարբերությունն ավելացվել է Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշմամբ)

Բելառուսի Հանրապետության տարածքում՝ մինչև 2015 թվականի դեկտեմբերի 31-ը.

Ռուսաստանի Դաշնության տարածքում՝ մինչև 2016 թվականի հուլիսի 1-ը։

(Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշման խմբագրությամբ)

Էկոլոգիական К4 և К5 դասերի ավտոմոբիլային բենզինի՝ շրջանառության մեջ դնելուն և շրջանառությանն անցնելը Ղազախստանի Հանրապետության և Ղրղզստանի Հանրապետության տարածքում իրականացվում է 2018 թվականի հունվարի 1-ից ոչ ուշ:

(Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշման խմբագրությամբ)

էկոլոգիական К5 դասի ավտոմոբիլային բենզինի՝ շրջանառության մեջ դնելը և շրջանառությունը սահմանափակված չէ:

7.4. Էկոլոգիական К2 դասի դիզելային վառելիքի՝ շրջանառության մեջ դնելը և շրջանառությունը Մաքսային միության միասնական մաքսային տարածքում չի թույլատրվում: Ղրղզստանի Հանրապետության և Ղազախստանի Հանրապետության տարածքում նշված արգելքը գործում է 2018 թվականի հունվարի 1-ից:

(Եվրասիական տնտեսական հանձնաժողովի խորհրդի 2014 թվականի հունիսի 23-ի N 43, 2015 թվականի դեկտեմբերի 2-ի N 84 որոշումների խմբագրությամբ)

Էկոլոգիական К3 դասի դիզելային վառելիքի՝ շրջանառության մեջ դնելը և շրջանառությունը Մաքսային միության միասնական մաքսային տարածքում չի թույլատրվում: Նշված արգելքը գործում է՝

Հայաստանի Հանրապետության տարածքում՝ 2016 թվականի հունվարի 2-ից.

(պարբերությունն ավելացվել է Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշմամբ)

Ղազախստանի Հանրապետության տարածքում՝ 2018 թվականի հունվարի 1-ից,

(Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշման խմբագրությամբ)

Ղրղզստանի Հանրապետության տարածքում՝ 2018 թվականի հունվարի 1-ից,

(պարբերությունն ավելացվել է Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշմամբ)

Ռուսաստանի Դաշնության տարածքում՝ 2015 թվականի հունվարի 1-ից։

Էկոլոգիական К4 դասի դիզելային վառելիքի՝ շրջանառության մեջ դնելը և շրջանառությունը թույլատրվում է՝

Հայաստանի Հանրապետության տարածքում՝ մինչև 2015 թվականի դեկտեմբերի 31-ը.

(պարբերությունն ավելացվել է Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշմամբ)

Բելառուսի Հանրապետության տարածքում՝ մինչև 2014 թվականի դեկտեմբերի 31-ը.

Ռուսաստանի Դաշնության տարածքում՝ մինչև 2015 թվականի դեկտեմբերի 31-ը։

Էկոլոգիական К4 և К5 դասերի դիզելային վառելիքի՝ շրջանառության մեջ դնելուն և շրջանառությանն անցնելը Ղազախստանի Հանրապետության և Ղրղզստանի Հանրապետության տարածքում իրականացվում է 2018 թվականի հունվարի 1-ից ոչ ուշ:

Էկոլոգիական К5 դասի դիզելային վառելիքի՝ շրջանառության մեջ դնելը և շրջանառությունը սահմանափակված չէ:

 

Հավելված N 1 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 013/2011)

 

Ավտոմոբիլային բենզինի և դիզելային վառելիքի մակնիշի նշագիրը

 

Փոփոխող փաստաթղթերի ցանկ   (Եվրասիական տնտեսական հանձնաժողովի խորհրդի 2014 թվականի հունիսի 23-ի N 43 որոշման խմբագրությամբ)

 

1. Ավտոմոբիլային բենզինի նշագիրը ներառում է որոշակի հաջորդականությամբ դասավորված՝ գծիկով միացված նշանների հետևյալ խմբերը՝

1.1. Առաջին խումբ. ԱԻ տառերը, որոնք նշանակում են ավտոմոբիլային բենզին,

1.2. Երկրորդ խումբ. ավտոմոբիլային բենզինի՝ հետազոտական մեթոդով որոշված օկտանային թվի թվային նշագիրը (80, 92, 93, 95, 96, 98 և այլն),

1.3. Երրորդ խումբ. ավտոմոբիլային բենզինի էկոլոգիական դասը նշող К2, К3, К4, К5 պայմանանշանները:

2. Դիզելային վառելիքի նշագիրը ներառում է որոշակի հաջորդականությամբ դասավորված՝ գծիկով միացված նշանների հետևյալ խմբերը՝

2.1. Առաջին խումբ. ԴՎ տառերը, որոնք նշանակում են դիզելային վառելիք։

(Եվրասիական տնտեսական հանձնաժողովի խորհրդի 2014 թվականի հունիսի 23-ի N 43 որոշման խմբագրությամբ)

2.2. Երկրորդ խումբ. Ա (Л) (ամառային), Ձ (З) (ձմեռային), Ա (А) (արկտիկական), Ե (Е) (միջսեզոնային) տառերը, որոնք նշանակում են օգտագործման կլիմայական պայմանները:

2.3. Երրորդ խումբ. К2, К3, К4, К5 պայմանանշանները, որոնք նշանակում են դիզելային վառելիքի էկոլոգիական դասը:

3. Մակնիշի նշագիրը կարող է ընդգրկել պատրաստողի առևտրային նշանը (ապրանքային նշանը):

 

Հավելված N 2 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 013/2011)

 

Ավտոմոբիլային բենզինի բնութագրերին ներկայացվող պահանջները

 

Ավտոմոբիլային բենզինի բնութագրերը	Չափման միավորը	Չափաքանակները՝ էկոլոգիական դասի համար
		К2	К3	К4	К5
Ծծմբի զանգվածային մասը, ոչ ավելի	մգ/կգ	500	150	50	10
Բենզոլի ծավալային մասը, ոչ ավելի	%	5	1	1	1
Թթվածնի զանգվածային մասը, ոչ ավելի	%	չի որոշվում	2,7	2,7	2,7
Ածխաջրածինների ծավալային մասը, ոչ ավելի՝	%
արոմատիկ		չի որոշվում	42	35	35
օլեֆինային		չի որոշվում	18	18	18
Օկտանային թիվը՝
ըստ հետազոտական մեթոդի, ոչ պակաս		80	80	80	80
ըստ շարժիչային մեթոդի, ոչ պակաս		76	76	76	76
Հագեցած գոլորշիների ճնշումը՝	կՊա
ամառային շրջանում		35-80	35-80	35-80	35-80
ձմեռային շրջանում		35-100	35-100	35-100	35-100
Երկաթի կոնցենտրացիան, ոչ ավելի	մգ/դմ3	բացակայում է	բացակայում է	բացակայում է	բացակայում է
Մանգանի կոնցենտրացիան, ոչ ավելի	մգ/դմ3	բացակայում է	բացակայում է	բացակայում է	բացակայում է
Կապարի կոնցենտրացիան*, ոչ ավելի	մգ/դմ3	5	5	5	5
Մոնոմեթիլանիլինի ծավալային մասը, ոչ ավելի	%	1,3	1,0	1,0	բացակայում է
Օքսիգենատների ծավալային մասը, ոչ ավելի՝	%
մեթանոլի**		չի որոշվում	1	1	1
էթանոլի		չի որոշվում	5	5	5
իզոպրոպանոլի		չի որոշվում	10	10	10
տրետբութանոլի		չի որոշվում	7	7	7
իզոբութանոլի		չի որոշվում	10	10	10
մոլեկուլում ածխածնի 5 կամ ավելի ատոմ պարունակող եթերների		չի որոշվում	15	15	15
այլ օքսիգենատների (2100С-ից ոչ բարձր եռման ավարտի ջերմաստիճանով)		չի որոշվում	10	10	10
* Ռուսաստանի Դաշնության համար К2, К3, К4 և К5 էկոլոգիական դասերի դեպքում՝ բացակայում է։ ** Ռուսաստանի Դաշնության համար К3, К4 և К5 էկոլոգիական դասերի դեպքում՝ բացակայում է։

 

Հավելված N 3 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 013/2011)

 

Դիզելային վառելիքի բնութագրերին ներկայացվող պահանջները

 

Փոփոխող փաստաթղթերի ցանկ   (Եվրասիական տնտեսական հանձնաժողովի խորհրդի 2014 թվականի հունիսի 23-ի N 43 որոշման խմբագրությամբ)

Դիզելային վառելիքի բնութագրերը *	Չափման միավորը	Չափաքանակները՝ էկոլոգիական դասի համար
		К2	К3	К4	К5
Ծծմբի զանգվածային մասը, ոչ ավելի	մգ/կգ	500	350	50	10
Բռնկման ջերմաստիճանը փակ հալքանոթում, ոչ ցածր	0С
ամառային և միջսեզոնային դիզելային վառելիքի համար		40	40	55	55
ձմեռային և արկտիկական դիզելային վառելիքի համար		30	30	30	30
Ֆրակցիոն կազմը` ծավալայինների 95 տոկոսը թորվում է ջերմաստիճանային պայմաններում, ոչ բարձր	0С	360	360	360	360
Պոլիցիկլիկ արոմատիկ ածխաջրածինների զանգվածային մասը, ոչ ավելի	%	-	11	11	8
Ցետանային թիվը՝ ամառային դիզելային վառելիքի համար, ոչ պակաս	-	45	51	51	51
Ցետանային թիվը՝ ձմեռային և արկտիկական դիզելային վառելիքի համար, ոչ պակաս (Եվրասիական տնտեսական հանձնաժողովի խորհրդի 2014 թվականի հունիսի 23-ի N 43 որոշման խմբագրությամբ)	-	չի որոշվում	47	47	47
Յուղման ունակությունը, ոչ ավելի	մկմ	չի որոշվում	460	460	460
Զտելիության սահմանային ջերմաստիճանը, ոչ բարձր	0С
ամառային դիզելային վառելիքի		չի որոշվում	չի որոշվում	չի որոշվում	չի որոշվում
ձմեռային դիզելային վառելիքի **		մինուս 20	մինուս 20	մինուս 20	մինուս 20
արկտիկական դիզելային վառելիքի		մինուս 38	մինուս 38	մինուս 38	մինուս 38
միջսեզոնային դիզելային վառելիքի ***		մինուս 15	մինուս 15	մինուս 15	մինուս 15
* Դիզելային վառելիքում թույլատրվում է ճարպաթթուների մեթիլային եթերների պարունակությունը ոչ ավելի քան 7% (ըստ ծավալի)։
** Ղազախստանի Հանրապետության համար К2, К3, К4 և К5 էկոլոգիական դասերի դեպքում՝ ոչ ավելի, քան մինուս 15 0С։
*** Ղազախստանի Հանրապետության համար К2, К3, К4 և К5 էկոլոգիական դասերի դեպքում՝ ոչ ավելի, քան մինուս 5 0С։

 

Հավելված N 4 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 013/2011)

 

Մազութի բնութագրերին ներկայացվող պահանջները

 

Փոփոխող փաստաթղթերի ցանկ   (Եվրասիական տնտեսական հանձնաժողովի խորհրդի 2014 թվականի հունիսի 23-ի N 43, 2015 թվականի դեկտեմբերի 2-ի N 84 որոշումների խմբագրությամբ)

Մազութի բնութագրերը		Չափման միավորը	Չափաքանակը՝ նավատորմային մազութի համար	Չափաքանակը՝ ջեռուցման մազութի համար
Ծծմբի զանգվածային մասը, ոչ ավելի		%	2,0	3,5
Բռնկման ջերմաստիճանը բաց հալքանոթում, ոչ ցածր		0С	-	90
Բռնկման ջերմաստիճանը փակ հալքանոթում, ոչ ցածր		0С	80	-
Թորամասի ստացվածքը, որը եռում է մինչև 350 0С, ոչ ավելի		ծավ. %	17 <*>	17 <*>
Ծծմբաջրածնի պարունակությունը, ոչ ավելի		ppm	10 <**>	10 <**>
	<*> Չափաքանակը սահմանվում է Ռուսաստանի Դաշնության համար («Ֆ5» մակնիշի նավատորմային մազութի համար չափաքանակը 22 ծավ.%-ից ոչ ավելի) <**>Ռուսաստանի Դաշնության համար չափաքանակը սահմանվում է 2015 թվականի հունվարի 1-ից, Ղրղզստանի Հանրապետության համար՝ 2017 թվականի հունվարի 1-ից, Բելառուսի Հանրապետության համար՝ 2019 թվականի հունվարի 1-ից, Հայաստանի Հանրապետության համար՝ 2019 թվականի հունվարի 1-ից: (տողատակի ծանոթագրությունը՝ Եվրասիական տնտեսական հանձնաժողովի խորհրդի 2015 թվականի դեկտեմբերի 2-ի N 84 որոշման խմբագրությամբ)

 

Հավելված N 5 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 013/2011)

 

Ռեակտիվ շարժիչների համար նախատեսված վառելիքի բնութագրերին ներկայացվող պահանջները

 

Փոփոխող փաստաթղթերի ցանկ   (Եվրասիական տնտեսական հանձնաժողովի խորհրդի 2014 թվականի հունիսի 23-ի N 43 որոշման խմբագրությամբ)

Ռեակտիվ շարժիչների համար նախատեսված վառելիքի բնութագիրը	Չափման միավորը	Չափաքանակները՝
		թռիչքի մինչձայնային արագությամբ թռչող ապարատների համար
		Ջեթ Ա-1	ՏՍ-1	ՌՏ
Կինեմատիկ մածուցիկությունը մինուս 400C ջերմաստիճանային պայմաներում, ոչ ավելի	մմ2/վ	-	8<*>	16
Կինեմատիկ մածուցիկությունը մինուս 200C ջերմաստիճանային պայմաններում, ոչ ավելի	մմ2/վ	8	8<**>	8<**>
Բյուրեղացման սկզբի ջերմաստիճանը, ոչ բարձր	0C	-	մինուս 60<***>	մինուս 60<***>
Սառչելու ջերմաստիճանը, ոչ բարձր	0C	մինուս 47	-	-
Մեխանիկական խառնուկների և ջրի պարունակությունը	-	բացակայում է	բացակայում է	բացակայում է
Ֆրակցիոն կազմը՝
10 տոկոսը թորահանվում է ջերմաստիճանային պայմաններում, ոչ բարձր	0C	205	165	175
90 տոկոսը թորահանվում է ջերմաստիճանային պայմաններում, ոչ բարձր	0C	-	230	270
98 տոկոսը թորահանվում է ջերմաստիճանային պայմաններում, ոչ բարձր	0C	-	250	280
թորազտումից մնացորդը, ոչ ավելի	%	1,5	չի նորմավոր-վում	1,5
թորազտումից կորուստները, ոչ ավելի	%	1,5	չի նորմավոր-վում	1,5
Չմրոտող բոցի բարձրությունը, ոչ պակաս	մմ	25	25	25
կամ
նավթալինային ածխաջրածինների՝ 3 %-ից ոչ ավելի ծավալային մասի դեպքում, ոչ պակաս	մմ	19	-	-
Բռնկման ջերմաստիճանը փակ հալքանոթում, ոչ ցածր	0C	38	28	28
Արոմատիկ ածխաջրածինների ծավալային (զանգվածային) մասը, ոչ ավելի	%	25	20(22)	20(22)
Փաստացի խեժերի պարունակությունը, ոչ ավելի	մգ/100սմ3	7	5	4
Ընդհանուր ծծմբի զանգվածային մասը, ոչ ավելի	%	0,25	0,20	0,10
Մերկապտանային ծծմբի զանգվածային մասը, ոչ ավելի	%	0,003	0,003	0,003
Ջերմաթթվեցման կայունությունը ստուգիչ ջերմաստիճանային պայմաններում, ոչ ցածր	՛C	260	260	260 (275) <****>
Ճնշման անկումը ֆիլտրի վրա, ոչ ավելի	մմ սս	25	25	25
Նստվածքների գույնը խողովակի վրա (ոչ բնորոշ նստվածքների բացակայության դեպքում), ոչ ավելի	միավորներն ըստ գունային սանդղակի	3	3	3
Տեսակարար էլեկտրահաղորդականությունը<*****>՝	պՍմ/մ
առանց հակաստատիկ հավելանյութի, ոչ ավելի		10	10	10
հակաստատիկ հավելանյութով		50-600	50-600	50-600
<*> Չափաքանակը սահմանվում է Ղազախստանի Հանրապետության համար։ <**> Չափաքանակը սահմանվում է Բելառուսի Հանրապետության և Ռուսաստանի Դաշնության համար։ <***> Թույլատրվում է մշակել բյուրեղացման սկզբի՝ մինուս 50 0С-ից ոչ բարձր ջերմաստիճանով՝ բացառությամբ վառելիքի՝ ցուրտ և արկտիկական կլիմայական պայմաններում կիրառության։ <****> Սպառողների պահանջով թույլատրվում է որոշել վառելիքի համար ջերմաթթվեցման կայունությունը 275 0С-ից ոչ ցածր ջերմաստիճանային պայմաններում։ <*****> Որոշվում է արտադրության նախապատրաստման փուլում և երաշխավորվում է արտադրողի կողմից։

 

Հավելված N 6 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 013/2011)

 

Ավիացիոն բենզինի բնութագրերին ներկայացվող պահանջները

 

Ավիացիոն բենզինի բնութագրերը	Չափման միավորը	Չափաքանակները
Օկտանային թիվը՝ ըստ շարժիչային մեթոդի, ոչ պակաս	-	91
Տեսակայնությունը* (հարուստ խառնուրդ), ոչ պակաս	-	115
Բյուրեղացման սկզբի ջերմաստիճանը, ոչ բարձր	0C	մինուս 60
Մեխանիկական խառնուկների և ջրի պարունակությունը	-	բացակայում է
Հագեցած գոլորշիների ճնշումը	կՊա	29,3-49
Ֆրակցիոն կազմը՝
10 տոկոսը թորահանվում է ջերմաստիճանային պայմաններում, ոչ բարձր	0C	82
50 տոկոսը թորահանվում է ջերմաստիճանային պայմաններում, ոչ բարձր	0C	105
90 տոկոսը թորահանվում է ջերմաստիճանային պայմաններում, ոչ բարձր	0C	170
թորազտումից մնացորդը, ոչ ավելի	%	1,5
թորազտումից կորուստները, ոչ ավելի	%	1,5
Փաստացի խեժերի պարունակությունը, ոչ ավելի	մգ/100 սմ3	3
Ընդհանուր ծծմբի զանգվածային մասը, ոչ ավելի	%	0,03
Գույնը	-	կանաչ
* որոշվում է արտադրության նախապատրաստման փուլում և երաշխավորվում է պատրաստողի կողմից

 

Հավելված N 7 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 013/2011)

 

Նավերի համար նախատեսված վառելիքի բնութագրերին ներկայացվող պահանջները

 

Նավի վառելիքի բնութագրերը	Չափման միավորը	Չափաքանակները
Ծծմբի զանգվածային մասը, ոչ ավելի	%	3,5 (մինչև 2011թ. դեկտեմբերի 31-ը) 2 (մինչև 2012թ. դեկտեմբերի 31-ը) 1,5 (2013թ. հունվարի 1-ից) 0,5 (2020թ. հունվարի 1-ից)
Բռնկման ջերմաստիճանը փակ հալքանոթում, ոչ ցածր	0C	61

 

 

Ծանոթագրություն.

Մինչև 2026 թվականի դեկտեմբերի 31-ը ներքին ջրային փոխադրումներում մասնակցող նավերի համար թույլատրվում է 1,5 %-ից ոչ ավելի զանգվածային բաժնով ծծմբի պարունակությամբ՝ նավերի համար նախատեսված վառելիքի արտադրությունը և շրջանառության մեջ բացթողումը։

(հավելվածը լրաց. ԵՏՀԽ 19.12.19 թիվ 108, փոփ. ԵՏՀԽ 24.11.23 թիվ 138)

Հավելված N 8 «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 013/2011)

 

Վառելիքի համապատասխանության հայտարարագրման ընթացակարգերը*

 

Ընթացակարգի համարը	Ընթացակարգի տարրերը			Կիրառությունը	Համապատաս-խանությունը հավաստող փաստաթուղթ
	արտադրանքի փորձարկումներ, տիպի հետազոտություն	արտադրու-թյան գնահատում	արտադրական հսկողություն
2դ	Արտադրանքի խմբաքանակի փորձարկումն իրականացվում է փորձարկման լաբորատորիա-յում կամ հավատարմա-գըրված փորձարկման լաբորատորիա-յում (կենտրոնում)	-	-	Փորձաարդյունաբերական խմբաքանակի համար	Արտադրանքի խմբաքանակի համապատաս-խանության հայտարարա-գիր
				Հայտատու` Մաքսային միության անդամ պետության պատրաստող կամ Մաքսային միության տարածքում օտարերկրյա պատրաստողի կողմից լիազորված անձ
3դ	Վառելիքի նմուշների փորձարկում հավատարմա-գըրված փորձարկման լաբորատորիա-յում (կենտրոնում)	-	Արտադրական հսկողությունն իրականացնում է պատրաստողը	Սերիական թողարկման վառելիքի համար՝ հայտատու` ՄՄ անդամ պետության պատրաստող կամ պատրաստողի կողմից լիազորված անձ	Սերիական թողարկման վառելիքի համապատաս-խանության հայտարարա-գիր
4դ	Վառելիքի խմբաքանակի փորձարկում հավատարմա-գըրված փորձարկման լաբորատորիա-յում (կենտրոնում)	-	-	Վառելիքի խմբաքանակի համար՝ հայտատու՝ ՄՄ անդամ պետության պատրաստող կամ պատրաստողի կողմից լիազորված անձ կամ ներմուծող	Վառելիքի խմբաքանակի համապատաս-խանության հայտարարա-գիր
6դ	Վառելիքի նմուշների փորձարկում հավատարմա-գըրված փորձարկման լաբորատորիա-յում (կենտրոնում)	Որակի կառավար-ման համակարգի հավաստա-գիր և կառավար-ման համակար-գերի սերտիֆի-կացման մարմնի կողմից տեսչական հսկողություն	Արտադրական հսկողությունն իրականացնում է պատրաստողը	Սերիական թողարկման վառելիքի համար՝ հայտատու` ՄՄ անդամ պետության պատրաստող կամ պատրաստողի կողմից լիազորված անձ	Սերիական թողարկման վառելիքի համապատաս-խանության հայտարարա-գիր
* Մաքսային միության հանձնաժողովի 2011 թվականի ապրիլի 7-ի N 621 որոշմամբ հաստատված՝ «Մաքսային միության տեխնիկական կանոնակարգում համապատասխանության գնահատման (հավաստման) տիպային ընթացակարգերի կիրառման կարգի մասին» հիմնադրույթի համաձայն։

 

Վառելիքի համապատասխանության հայտարարագրման ընթացակարգաների նկարագրությունը

1. Հայտարարագրման ընթացակարգա 2դ

1.1․ 2դ ընթացակարգան ներառում է հետևյալ ընթացակարգերը.

- տեխնիկական փաստաթղթերի ձևավորում ու վերլուծություն,

- փորձաարդյունաբերական խմբաքանակի փորձարկումների անցկացում,

- համապատասխանության հայտարարագրի ընդունում և գրանցում:

1.2․ Հայտատուն ձևավորում է տեխնիկական փաստաթղթերը և անցկացնում դրանց վերլուծություն:

1.3 Հայտատուն անցկացնում է արտադրանքի նմուշների փորձարկումներ` տեխնիկական կանոնակարգի պահանջներին արտադրանքի հայտագրված համապատասխանության հավաստումն ապահովելու համար: Արտադրանքի նմուշների փորձարկումներն անցկացվում են հայտատուի ընտրությամբ փորձարկման լաբորատորիայում կամ հավատարմագրված փորձարկման լաբորատորիայում (կենտրոնում):

1.4․ Հայտատուն ձևակերպում է համապատասխանության հայտարարագիրը:

2. Հայտարարագրման ընթացակարգա 3դ

2.1․ 3դ ընթացակարգան ներառում է հետևյալ ընթացակարգերը.

- տեխնիկական փաստաթղթերի ձևավորում ու վերլուծություն,

- արտադրական հսկողության իրականացում,

- վառելիքի նմուշների փորձարկումների անցկացում,

- համապատասխանության հայտարարագրի ընդունում և գրանցում:

2.2․ Հայտատուն ձեռնարկում է բոլոր անհրաժեշտ միջոցները, որպեսզի արտադրության պրոցեսը լինի կայուն և ապահովի արտադրվող վառելիքի համապատասխանությունը ՄՄ տեխնիկական կանոնակարգի պահանջներին, ձևավորում է տեխնիկական փաստաթղթերը և անցկացնում դրանց վերլուծությունը:

2.3․ Հայտատուն ապահովում է արտադրական հսկողության իրականացումը:

2.4․ ՄՄ տեխնիկական կանոնակարգի պահանջներին վառելիքի համապատասխանության հսկողության նպատակով հայտատուն անցկացնում է վառելիքի նմուշների փորձարկումներ: Վառելիքի նմուշների փորձարկումն անցկացվում հավատարմագրված փորձարկման լաբորատորիայում (կենտրոնում):

2.5․ Հայտատուն ձևակերպում է համապատասխանության հայտարարագիրը:

3. Հայտարարագրման ընթացակարգա 4դ

3.1․ 4դ ընթացակարգան ներառում է հետևյալ ընթացակարգերը.

- տեխնիկական փաստաթղթերի ձևավորում ու վերլուծություն,

- վառելիքի խմբաքանակի փորձարկումների անցկացում,

- համապատասխանության հայտարարագրի ընդունում և գրանցում:

3.2․ Հայտատուն ձևավորում է տեխնիկական փաստաթղթերը և անցկանցում դրանց վերլուծությունը:

3.3․ Հայտատուն անցկացնում է վառելիքի նմուշների փորձարկում` ՄՄ տեխնիկական կանոնակարգի պահանջներին վառելիքի հայտագրված համապատասխանության հավաստումն ապահովելու համար: Վառելիքի նմուշների փորձարկումներն անցկացվում են հավատարմագրված փորձարկման լաբորատորիայում (կենտրոնում):

3.4․ Հայտատուն ձևակերպում է համապատասխանության հայտարարագիրը:

4. Հայտարարագրման ընթացակարգա 6դ

4.1․ 6դ հայտարարագրման ընթացակարգան ներառում է հետևյալ ընթացակարգերը.

- տեխնիկական փաստաթղթերի ձևավորում ու վերլուծություն, որոնց կազմի մեջ պարտադիր կարգով ներառվում է կառավարման համակարգի սերտիֆիկացման մարմնի կողմից տրված կառավարման համակարգի հավաստագրի պատճենը (հավաստագրի պատճենը),

- տեխնիկական փաստաթղթերի ձևավորում ու վերլուծություն, որոնց կազմի մեջ պարտադիր կարգով ներառվում է կառավարման համակարգի հավաստագրի պատճենը,

- արտադրական հսկողության իրականացում,

- վառելիքի նմուշների փորձարկումների անցկացում,

- համապատասխանության հայտարարագրի ընդունում և գրանցում,

- կառավարման համակարգի գործունեության կայունության հսկողություն:

4.2․ Պատրաստողը ձեռնարկում է բոլոր անհրաժեշտ միջոցները, որ արտադրության պրոցեսով և կառավարման համակարգի կայուն գործունեությամբ ապահովվի արտադրանքի համապատասխանությունը ՄՄ տեխնիկական կանոնակարգի պահանջներին:

4.3․ Հայտատուն ապահովում է արտադրական հսկողության իրականացումը և կառավարման համակարգերի սերտիֆիկացման մարմնին տեղեկացնում կառավարման համակարգում նախատեսվող բոլոր փոփոխությունների մասին:

4.4․ Հայտատուն իրականացնում է վառելիքի նմուշների փորձարկում: Վառելիքի նմուշների փորձարկումներն անցկացվում են հավատարմագրված փորձարկման լաբորատորիայում (կենտրոնում):

4.5․ Հայտատուն ձևակերպում է համապատասխանության հայտարարագիրը:

4.6․ Կառավարման համակարգերի սերտիֆիկացման մարմինն իրականացնում է սերտիֆիկացված կառավարման համակարգի գործունեության տեսչական հսկողություն:

Տեսչական հսկողության բացասական արդյունքների դեպքում հայտատուն կայացնում է հետևյալ որոշումներից մեկը.

- կասեցնել համապատասխանության հայտարարագրի գործողությունը,

- չեղարկել համապատասխանության հայտարարագրի գործողությունը:

Միասնական ձևով ձևակերպված՝ տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում հայտատուի կողմից կատարվում է համապատասխան գրառում:

5. Տեխնիկական փաստաթղթերի պահպանումը

Մաքսային միության միասնական մաքսային տարածքում պետք է պահպանվի փաստաթղթերի փաթեթ՝

- սերիական թողարկման ավտոմոբիլային և ավիացիոն բենզինի, դիզելային, նավերի համար նախատեսված վառելիքի և ռեակտիվ շարժիչների համար նախատեսված վառելիքի, մազութի վերաբերյալ` պատրաստողի կամ պատրաստողի կողմից լիազորված անձի մոտ՝ նշված ավտոմոբիլային և ավիացիոն բենզինը, դիզելային, նավերի համար նախատեսված վառելիքը և ռեակտիվ շարժիչների համար նախատեսված վառելիքը, մազութը արտադրությունից հանելու (դրանց արտադրությունը դադարեցնելու) օրվանից առնվազն 10 տարի,

- ավտոմոբիլային և ավիացիոն բենզինի, դիզելային, նավերի համար նախատեսված վառելիքի և ռեակտիվ շարժիչների համար նախատեսված վառելիքի, մազութի խմբաքանակի վերաբերյալ` ներմուծողի մոտ՝ տվյալ խմբաքանակի իրացման օրվանից առնվազն 10 տարի:

Փաստաթղթերի փաթեթը պետք է պետական վերահսկողության մարմիններ ներկայացվի նրանց պահանջով:

 

ՀԱՍՏԱՏՎԱԾ Է Մաքսային միության հանձնաժողովի 2011 թվականի հոկտեմբերի 18-ի N 826 որոշմամբ (Եվրասիական տնտեսական հանձնաժողովի 2017 թվականի հունիսի 30-ի N 72 որոշման խմբագրությամբ)

 

ՑԱՆԿ

 

ստանդարտների, որոնք պարունակում են «Ավտոմոբիլային և ավիացիոն բենզինին, դիզելային և նավերի համար նախատեսված վառելիքին, ռեակտիվ շարժիչների համար նախատեսված վառելիքին և մազութին ներկայացվող պահանջների մասին» Մաքսային միության տեխնիկական կանոնակարգի (ՄՄ ՏԿ 013/2011) պահանջները կիրառելու և կատարելու ու տեխնիկական կանոնակարգման օբյեկտների համապատասխանության գնահատում իրականացնելու համար անհրաժեշտ՝ հետազոտությունների (փորձարկումների) և չափումների կանոններ և մեթոդներ, այդ թվում՝ նմուշառման կանոններ

(ցանկն ուժը կորցրել է ԵՏՀԿ 15.08.23 թիվ 114)