ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

29 սեպտեմբերի 2022 թվականի N 1507-Ա

Հիմք ընդունելով «Մաքսային կարգավորման մասին» Հայաստանի Հանրապետության օրենքի 145-րդ և «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ մասը՝ Հայաստանի Հանրապետության կառավարությունը որոշում է․

1․ Հայաստանի Հանրապետության տարածք ներմուծված, «Հրաժարում հօգուտ պետության» մաքսային ընթացակարգով, N 05100011/130722/0028514 հայտարարագրով ձևակերպված անօդաչու թռչող սարք AUTEL EVO II 640T (թռիչքի քաշը 2 կգ) քաղաքացիական նշանակության, 1/1 BX-1 (համաձայն ապրանքային հայտարարագրի՝ մեկ հատ, բրուտտո քաշը՝ 12 կգ, մաքսային արժեքը՝ 3,808,286 դրամ, այսուհետ՝ գույք) փոխանցել Հայաստանի Հանրապետության ազգային անվտանգության ծառայությանը։

2․ Գույքն ամրացնել Հայաստանի Հանրապետության ազգային անվտանգության ծառայությանը։

3․ Հայաստանի Հանրապետության ազգային անվտանգության ծառայության տնօրենին՝ սույն որոշումն ուժի մեջ մտնելուց հետո 5-օրյա ժամկետում դիմել Հայաստանի Հանրապետության պետական եկամուտների կոմիտեին՝ գույքի անհատույց փոխանցման նպատակով։

4․ Հայաստանի Հանրապետության պետական եկամուտների կոմիտեի նախագահին՝ դիմումն ստանալուց հետո 5-օրյա ժամկետում ապահովել գույքի փոխանցումը Հայաստանի Հանրապետության ազգային անվտանգության ծառայությանը։

5. Սահմանել, որ գույքի հանձնման-ընդունման ընթացքում առաջացած ծախսերը ենթակա են իրականացման Հայաստանի Հանրապետության ազգային անվտանգության ծառայության միջոցների հաշվին։

Հայաստանի Հանրապետության վարչապետ	Ն. Փաշինյան
Երևան

29.09.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ