ՀՀ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ ՈՐՈՇՈՒՄԸ ՀՀ ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ՍԱԿԱԳՆԵՐԻ ՍԱՀՄԱՆՄԱՆ ՈՒ ՎԵՐԱՆԱՅՄԱՆ ԿԱՐԳԸ ՀԱՍՏԱՏԵԼՈՒ ԵՎ ՀՀ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ ՄԻ ՇԱՐՔ ՈՐՈՇՈՒՄՆԵՐ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Պաշտոնական ինկորպորացիա

«Գրանցված է»

ՀՀ արդարադատության

նախարարության կողմից

21 նոյեմբերի 2013 թ.

Պետական գրանցման թիվ 60013442

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

23 հոկտեմբերի 2013 թ.

ք. Երևան

N 359-Ն

Ո Ր Ո Շ ՈՒ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ՍԱԿԱԳՆԵՐԻ ՍԱՀՄԱՆՄԱՆ ՈՒ ՎԵՐԱՆԱՅՄԱՆ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎԻ ՄԻ ՇԱՐՔ ՈՐՈՇՈՒՄՆԵՐ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով «Էներգետիկայի մասին» Հայաստանի Հանրապետության օրենքի 22-րդ հոդվածի 1-ին կետը՝ Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հաստատել Հայաստանի Հանրապետության էներգետիկայի բնագավառում (բացառությամբ էլեկտրաէներգետիկական համակարգի) սակագների սահմանման ու վերանայման կարգը (հավելված):

(1-ին կետը լրաց. 29.11.22 N 520-Ն)

2. Ուժը կորցրած ճանաչել Հայաստանի Հանրապետության հանրային ծառայությունները կարգավորող հանձնաժողովի՝

1) 2007 թվականի հունիսի 15-ի «Հայաստանի Հանրապետության էներգետիկայի բնագավառում սակագների սահմանման ու վերանայման կարգը հաստատելու մասին» N 272-Ն որոշումը,

2) 2010 թվականի հուլիսի 28-ի «Հայաստանի Հանրապետության հանրային ծառայությունները կարգավորող հանձնաժողովի 2007 թվականի հունիսի 15-ի N 272-Ն որոշման մեջ փոփոխություններ կատարելու մասին» N 385-Ն որոշումը,

3) 2011 թվականի հուլիսի 13-ի «Հայաստանի Հանրապետության հանրային ծառայությունները կարգավորող հանձնաժողովի 2007 թվականի հունիսի 15-ի N 272-Ն որոշման մեջ լրացում և փոփոխություններ կատարելու մասին» N 338-Ն որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

ՀՀ հանրային ծառայությունները

կարգավորող հանձնաժողովի

նախագահի տեղակալ`

Շ. Կիրակոսյան

Հավելված

Հաստատված է

ՀՀ հանրային ծառայությունները

կարգավորող հանձնաժողովի

2013 թվականի հոկտեմբերի 23-ի

N 359-Ն որոշմամբ

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ (ԲԱՑԱՌՈՒԹՅԱՄԲ ԷԼԵԿՏՐԱԷՆԵՐԳԵՏԻԿԱԿԱՆ ՀԱՄԱԿԱՐԳԻ) ՍԱԿԱԳՆԵՐԻ ՍԱՀՄԱՆՄԱՆ ՈՒ ՎԵՐԱՆԱՅՄԱՆ

(վերնագիրը լրաց. 29.11.22 N 520-Ն)

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգը սահմանում է էներգետիկայի բնագավառում (բացառությամբ էլեկտրաէներգետիկական համակարգի) սակագնային կարգավորման ենթակա լիցենզավորված գործունեություն իրականացնող անձանց (այսուհետ՝ Անձ) սակագների սահմանման ու վերանայման գործընթացը։

(1-ին կետը լրաց., փոփ. 21.04.21 N 125-Ն, խմբ. 05.01.22 N 3-Ն, լրաց. 29.11.22 N 520-Ն)

2. Գազամատակարարման և ջերմամատակարարման համակարգերում սակագնային կարգավորման ենթակա են Հանձնաժողովի կողմից հաստատված էներգետիկայի բնագավառում գործունեության լիցենզավորման կարգի համաձայն լիցենզավորման ենթակա գործունեության հետևյալ տեսակները.

1) (ենթակետն ուժը կորցրել է 29.11.22 N 520-Ն)

2) գազամատակարարման համակարգում՝

ա. գազամատակարարման համակարգի օպերատորի ծառայության մատուցում,

բ. բնական գազի փոխադրման ծառայության մատուցում,

գ. բնական գազի բաշխման լիցենզիա ունեցող անձի կողմից բաշխման ծառայության մատուցում և բնական գազի վաճառք սպառողներին,

3) ջերմամատակարարման համակարգում՝

ա. ջերմային էներգիայի արտադրություն,

բ. ջերմային էներգիայի փոխադրման ծառայության մատուցում,

գ. ջերմային էներգիայի բաշխման ծառայության մատուցում և ջերմային էներգիայի վաճառք սպառողներին:

(2-րդ կետը խմբ. 05.01.22 N 3-Ն, փոփ. 29.11.22 N 520-Ն)

3. Սույն կարգում օգտագործված հասկացություններն են՝

1) Հանձնաժողով՝ Հայաստանի Հանրապետության հանրային ծառայությունները կարգավորող հանձնաժողով.

2) Հայտ` սույն կարգի համաձայն սակագնի սահմանման կամ վերանայման համար Հանձնաժողով ներկայացվող փաստաթղթերի փաթեթ.

3) Հայտատու՝ սակագների սահմանման կամ վերանայման Հայտ ներկայացնող իրավաբանական կամ ֆիզիկական անձ:

4) (ենթակետն ուժը կորցրել է 29.11.22 N 520-Ն)

5) (ենթակետն ուժը կորցրել է 29.11.22 N 520-Ն)

6) (ենթակետն ուժը կորցրել է 29.11.22 N 520-Ն)

7) (ենթակետն ուժը կորցրել է 29.11.22 N 520-Ն)

(3-րդ կետը լրաց. 21.04.21 N 125-Ն, փոփ., լրաց. 05.01.22 N 3-Ն, փոփ. 29.11.22 N 520-Ն)

4. Սակագների սահմանման ու վերանայման առնչությամբ Հայտատուի կողմից ներկայացվող անհրաժեշտ փաստաթղթերի ձևերը և ցանկը սահմանում է Հանձնաժողովը։

5. Սահմանված սակագինը կարող է վերանայվել ինչպես Անձի, այնպես էլ Հանձնաժողովի նախաձեռնությամբ։

(5-րդ կետը փոփ. 21.04.21 N 125-Ն)

6. Սակագների գործողության ժամկետը 6 ամսից պակաս չի կարող լինել, բացառությամբ «Էներգետիկայի մասին» Հայաստանի Հանրապետության օրենքով նախատեսված դեպքերի:

7. Հայտատուն Հայաստանի Հանրապետության օրենքներով սահմանված կարգով պատասխանատվություն է կրում Հանձնաժողով ներկայացրած տեղեկատվության հավաստիության համար:

8. Հայտատուի կողմից Հանձնաժողով ներկայացվող բոլոր փաստաթղթերը պետք է վավերացված լինեն Անձի կնիքով (առկայության դեպքում) և լիազորված անձի ստորագրությամբ:

(8-րդ կետը փոփ., լրաց. 21.04.21 N 125-Ն)

2. ՍԱԿԱԳՆԵՐԻ ՍԱՀՄԱՆՄԱՆ ՈՒ ՎԵՐԱՆԱՅՄԱՆ ՎԵՐԱԲԵՐՅԱԼ ՀԱՅՏԻ ԸՆԴՈՒՆՈՒՄԸ, ՔՆՆԱՐԿՈՒՄԸ ԵՎ ՀԱՄԱՊԱՏԱՍԽԱՆ ՈՐՈՇՄԱՆ ԿԱՅԱՑՈՒՄԸ

9. Սակագների սահմանման կամ վերանայման համար Հայտատուն համապատասխան հաշվարկներով և հիմնավորումներով Հայտ է ներկայացնում Հանձնաժողով՝ երկու օրինակից՝ համաձայն սույն կարգի N 1 հավելվածով սահմանված փաստաթղթերի ցանկի։ Անձը Հայտը Հանձնաժողով մուտքագրում է սույն կարգի N 3 հավելվածով սահմանված ձևով հայտարարությունը հրապարակելուց ոչ ուշ, քան 20 աշխատանքային օր հետո: Անձը սույն կարգի N 3 հավելվածով սահմանված ձևով կազմված հայտարարությունը տեղադրում է նաև Հայաստանի Հանրապետության հրապարակային ծանուցումների պաշտոնական ինտերնետային կայքում (http://www.azdarar.am/):

(9-րդ կետը փոփ. 01.07.15 N 218-Ն, լրաց. 25.05.16 N 126-Ն, փոփ. 21.04.21 N 125-Ն, 29.11.22 N 520-Ն)

9.1. (կետն ուժը կորցրել է 29.11.22 N 520-Ն)

10. Հայտը Հանձնաժողովում մուտքագրվելուց հետո Հանձնաժողովի համապատասխան ստորաբաժանումը ստուգում է Հայտի ամբողջականությունը, նրանում ընդգրկված փաստաթղթերի ձևակերպման ճշտությունը։

11. Հանձնաժողովը Հայտն ուսումնասիրության ընդունելու կամ չընդունելու մասին գրավոր տեղեկացնում է Հայտատուին՝ Հայտը Հանձնաժողովում մուտքագրվելու օրվանից ոչ ուշ, քան 10 աշխատանքային օրվա ընթացքում:

(11-րդ կետը փոփ. 01.07.15 N 218-Ն, 21.04.21 N 125-Ն)

12. Հայտը չի ընդունվում ուսումնասիրության, եթե՝

1) բացակայում է սույն կարգի N 1 հավելվածով սահմանված փաստաթղթերից որևէ մեկը, Հայտում ընդգրկված փաստաթղթերը չեն համապատասխանում Հայաստանի Հանրապետության օրենքներով, այլ իրավական ակտերով և սույն կարգով սահմանված պահանջներին.

2) ներկայացված փաստաթղթերում և տեղեկատվություններում առկա են անճշտություններ և անհամապատասխանություններ.

3) Հանձնաժողովը չի ընդունել ուսումնասիրության կամ մերժել է Հայտատուի՝ լիցենզիա ստանալու հայտը կամ սակագնի սահմանման կամ վերանայման համար հիմք հանդիսացող` լիցենզիայում փոփոխություններ կատարելու դիմումը:

(12-րդ կետը փոփ. 01.07.15 N 218-Ն, խմբ. 21.04.21 N 125-Ն)

13. Հայտն ուսումնասիրության չընդունելու դեպքում այն Հայտատուին չի վերադարձվում և պահպանվում է Հանձնաժողովում։

(13-րդ կետը փոփ. 21.04.21 N 125-Ն)

14. Հայտն ուսումնասիրության չընդունելու դեպքում Հայտատուն, հայտնաբերված թերությունները վերացնելուց հետո, կարող է նոր Հայտով դիմել Հանձնաժողով: Այդ դեպքում Հայտատուն իրավունք ունի հղում կատարել նախկին Հայտով ներկայացված փաստաթղթերին, եթե դրանցում ներկայացված տվյալները նոր Հայտի ներկայացման պահին չեն փոփոխվել:

(14-րդ կետը փոփ. 21.04.21 N 125-Ն)

15. Սույն կարգի 12-րդ կետում նշված հիմքեր չհայտնաբերելու դեպքում Հանձնաժողովը Հայտն ընդունում է ուսումնասիրության։

(15-րդ կետը փոփ. 21.04.21 N 125-Ն)

15.1. Սպառողների համար սակագների սահմանման կամ վերանայման դեպքում`

1) Հայտն ուսումնասիրության ընդունելու մասին Հայտատուին տեղեկացնելու օրվանից հետո 5 աշխատանքային օրվա ընթացքում Հայտը տեղադրվում է Հանձնաժողովի ինտերնետային կայքում՝ հնարավորություն ընձեռելով սպառողների շահերը պաշտպանող կազմակերպություններին և շահագրգիռ այլ կողմերին ծանոթանալու, ներկայացնելու իրենց առաջարկները և ստանալու պարզաբանումներ, որի ապահովման նպատակով Հանձնաժողովի ինտերնետային կայքում հրապարակվում է նաև համապատասխան ստորաբաժանման հեռախոսահամարը և էլեկտրոնային փոստի հասցեն,

2) Հայտը Հանձնաժողովի ինտերնետային կայքում հրապարակվելուց հետո 10 աշխատանքային օրվա ընթացքում Հայտատուն հրավիրում է քննարկում՝ բոլոր շահագրգիռ կողմերին ներկայացնելու սպառողների սակագների վերանայմանը հանգեցնող գործոնները և իր պարզաբանումները։ Քննարկման տեղի և ժամի մասին Հայտատուն իրազեկում է առնվազն 3 աշխատանքային օր առաջ,

3) սակագների սահմանման (վերանայման) մասին որոշման նախագիծը՝ Հանձնաժողովի նիստում քննարկելուց՝

ա. առնվազն 6 աշխատանքային օր առաջ սակագների վերաբերյալ Հանձնաժողովի աշխատակազմի հաշվարկները՝ Հայտով ներկայացված հաշվարկների հետ համեմատականով, տեղադրվում են Հանձնաժողովի ինտերնետային կայքում՝ հնարավորություն ընձեռելով սպառողների շահերը պաշտպանող կազմակերպություններին և շահագրգիռ այլ կողմերին ծանոթանալու, ներկայացնելու իրենց առաջարկությունները և ստանալու պարզաբանումներ,

բ. առնվազն 1 աշխատանքային օր առաջ սպառողների շահերը պաշտպանող կազմակերպությունների և Անձի ներկայացուցիչների մասնակցությամբ Հանձնաժողովում կազմակերպվում է քննարկում, որի տեղի և ժամի մասին Հանձնաժողովը իր ինտերնետային կայքում տեղադրում է համապատասխան հայտարարություն առնվազն 3 աշխատանքային օր առաջ:

(15.1-ին կետը լրաց. 25.05.16 N 126-Ն, փոփ., խմբ. 28.06.17 N 283-Ն, փոփ. 21.04.21 N 125-Ն, խմբ. 29.11.22 N 520-Ն)

15.2. Հայտի ուսումնասիրության ընթացքում Հայտատուն կարող է դիմել Հանձնաժողով՝ Հայտի ուսումնասիրությունը դադարեցնելու համար: Այս դեպքում Հայտատուն կարող է նոր Հայտով կրկին դիմել Հանձնաժողով՝ անհրաժեշտության դեպքում հղում կատարելով նախկին Հայտով ներկայացված փաստաթղթերին, եթե դրանցում նոր Հայտի ներկայացման պահին փոփոխություններ տեղի չեն ունեցել:

(15.2-րդ կետը լրաց. 25.05.16 N 126-Ն)

16. Հանձնաժողովը հայտը մերժում է, եթե սակագնի սահմանման վերաբերյալ առաջին անգամ Հայտ ներկայացնող ընկերության լիցենզիա ստանալու հայտը կամ սակագնի սահմանման կամ վերանայման համար հիմք հանդիսացող՝ լիցենզիայում փոփոխություններ կատարելու դիմումը չի ընդունվել ուսումնասիրության կամ մերժվել է։

(16-րդ կետը խմբ. 21.04.21 N 125-Ն)

17. Հանձնաժողովը Հայտը մերժում է կամ սակագինը սահմանում, վերանայում (վերահաստատում կամ փոփոխում) և համապատասխան որոշում է կայացնում ուսումնասիրության ընդունված Հայտը Հանձնաժողով ներկայացնելու օրվանից հետո` 80 աշխատանքային օրվա ընթացքում:

(17-րդ կետը լրաց. 21.04.21 N 125-Ն, փոփ. 29.11.22 N 520-Ն)

18. Սակագների սահմանման կամ վերանայման վերաբերյալ Հանձնաժողովի որոշման պատճենը ուղարկվում է Հայտատուին:

3. ՀԱՆՁՆԱԺՈՂՈՎԻ ՆԱԽԱՁԵՌՆՈՒԹՅԱՄԲ ՍԱԿԱԳՆԵՐԻ ՎԵՐԱՆԱՅՈՒՄԸ

19. Հանձնաժողովը սեփական նախաձեռնությամբ սույն կարգի համաձայն կարող է վերանայել գործող սակագինը և սահմանել նոր սակագին` ելնելով Անձի տնտեսական գործունեության արդյունքներից, ներդրումային ծրագրերի և սպառողներին մատուցվող ծառայությունների որակի նկատմամբ ներկայացված պահանջների կատարումից, ինչպես նաև «Էներգետիկայի մասին» օրենքով նախատեսված դեպքերում:

(19-րդ կետը փոփ. 21.04.21 N 125-Ն, լրաց. 29.11.22 N 520-Ն)

20. Հանձնաժողովն իր նախաձեռնությամբ սակագների վերանայման գործընթաց ձեռնարկելու դեպքում՝

1) այդ մասին գրավոր տեղեկացնում է Անձին.

2) Անձից կարող է պահանջել լիցենզավորված գործունեությանն առնչվող՝ սակագնի տարր կազմող ցուցանիշների վերաբերյալ անհրաժեշտ տեղեկատվություն.

3) եթե վերանայվում են սպառողների համար սահմանված սակագները, ապա՝

ա. սույն կետի 1-ին ենթակետով նախատեսված գրավոր տեղեկացումից հետո 5 աշխատանքային օրվա ընթացքում իր ինտերնետային կայքում հրապարակում է հաղորդագրություն սակագների վերանայման գործընթաց սկսելու վերաբերյալ՝ նշելով նաև սակագների վերանայման գործընթաց սկսելու հանգամանքները.

բ. սույն կարգի 15.1-րդ կետի 3-րդ ենթակետով սահմանված ընթացակարգին համապատասխան իրականացնում է քննարկում:

(20-րդ կետը փոփ. 01.07.15 N 218-Ն, լրաց. 25.05.16 N 126-Ն, խմբ. 28.06.17 N 283-Ն, փոփ. 21.04.21 N 125-Ն, խմբ. 29.11.22 N 520-Ն)

21. Հանձնաժողովն իր նախաձեռնությամբ սակագինը վերանայում է՝ Անձին այդ մասին գրավոր տեղեկացնելու օրվանից հետո 80 աշխատանքային օրվա ընթացքում։

(21-րդ կետը լրաց. 01.07.15 N 218-Ն, փոփ. 21.04.21 N 125-Ն, խմբ. 29.11.22 N 520-Ն)

Հավելված N 1

ՑԱՆԿ

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ (ԲԱՑԱՌՈՒԹՅԱՄԲ ԷԼԵԿՏՐԱԷՆԵՐԳԵՏԻԿԱԿԱՆ ՀԱՄԱԿԱՐԳԻ) ՍԱԿԱԳՆԵՐԻ ՍԱՀՄԱՆՄԱՆ ԿԱՄ ՎԵՐԱՆԱՅՄԱՆ ՀԱՄԱՐ ՀԱՅՏԱՏՈՒԻ ԿՈՂՄԻՑ ՀԱՆՁՆԱԺՈՂՈՎ ՆԵՐԿԱՅԱՑՎՈՂ ԱՆՀՐԱԺԵՇՏ ՓԱՍՏԱԹՂԹԵՐԻ
(վերնագիրը խմբ. 29.11.22 N 520-Ն)

1. Ջերմային էլեկտրակայանների համար՝ ջերմային էներգիայի արտադրության մասով՝