ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

«Եվրասիական տնտեսական միության մասին» 2014 թվականի մայիսի 29–ի պայմանագրի 58-րդ հոդվածի 2-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված` Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 22-րդ կետին համապատասխան` Եվրասիական տնտեսական հանձնաժողովի կոլեգիան որոշեց.

1. Մաքսային միության հանձնաժողովի 2010 թվականի հունիսի 18-ի թիվ 317 որոշմամբ հաստատված՝ Անասնաբուժական հսկողության (վերահսկողության) ենթակա ապրանքներին ներկայացվող միասնական անասնաբուժական (անասնաբուժասանիտարական) պահանջներում կատարել փոփոխություններ՝ համաձայն հավելվածի:

2. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

1. «Ընդհանուր դրույթներ» բաժինը երրորդ պարբերությունից հետո լրացնել հետևյալ բովանդակությամբ պարբերությամբ՝

«Անդամ պետությունների միջև անձնական օգտագործման համար 2 գլխից ոչ ավելի քանակով կենդանիներ տեղափոխող անձինք Եվրասիական տնտեսական միության ձեռնարկությունների ռեեստրում ընդգրկման ենթակա չեն։»:

2. 35-րդ գլխի տասնհինգերորդ պարբերության մեջ և 37-րդ գլխի ութերորդ պարբերության մեջ «Հումք» բառը փոխարինել «Կերերի և կերային հավելումների արտադրության ընթացքում օգտագործվող հումք» բառերով:

3. Լրացնել հետևյալ բովանդակությամբ 43-րդ գլուխ՝

«Գլուխ 43

ԱՆԱՍՆԱԲՈՒԺԱՍԱՆԻՏԱՐԱԿԱՆ ՊԱՀԱՆՋՆԵՐ

Եվրասիական տնտեսական միության մաքսային տարածք խոզերի սաղմեր ներմուծելիս և (կամ) դրանք անդամ պետությունների միջև տեղափոխելիս

Եվրասիական տնտեսական միության մաքսային տարածք թույլատրվում է ներմուծել և (կամ) անդամ պետությունների միջև տեղափոխել առողջ տոհմային կենդանիներից ստացված սաղմեր։

Բեղմնավորող արու խոզերը պետք է պահվեն սերմնահեղուկի ընտրման կենտրոններում և (կամ) արհեստական սերմնավորման կենտրոններում, իսկ սաղմերի դոնոր խոզամայրերը վերջին 40 օրվա ընթացքում պետք է պահվեն կենդանիների վարակիչ հիվանդություններից զերծ արհեստական սերմնավորման տնտեսություններում և (կամ) կենտրոններում, ծննդյան պահից կամ սերմնահեղուկը կամ սաղմերը ստանալուց առաջ առնվազն 6 ամիս պետք է գտնվեն արտահանող երկրում և չպետք է շփվեն վերջին 12 ամիսների ընթացքում երկիր ներմուծված կենդանիների հետ:

Եվրասիական տնտեսական միության մաքսային տարածք ներմուծվող և անդամ պետությունների միջև տեղափոխվող խոզերի սաղմերը պետք է տարածաշրջայնացմանը համապատասխան ունենան այն երկրների և վարչական տարածքների ծագում, որոնք զերծ են հետևյալ վարակիչ հիվանդություններից՝

- խոզերի աֆրիկյան ժանտախտ՝ վերջին 36 ամիսների ընթացքում.

- դաբաղ, խոզերի դասական ժանտախտ՝ վերջին 12 ամիսների ընթացքում.

- խոզերի վեզիկուլյար հիվանդություն՝ վերջին 24 ամիսների ընթացքում։

Սաղմերի դոնոր խոզամայրերի սերմնավորման համար նախատեսված սերմնահեղուկը պետք է համապատասխանի սույն Պահանջների 8-րդ գլխով սահմանված պահանջներին։

Եվրասիական տնտեսական միության մաքսային տարածք ներմուծվող և անդամ պետությունների միջև տեղափոխվող խոզերի սաղմերը պետք է ձևավորվեն խոզերի սաղմերի ստացման արհեստական սերմնավորման այն տնտեսություններում և (կամ) կենտրոններում, որոնք զերծ են կենդանիների հետևյալ վարակիչ հիվանդություններից՝

- տուբերկուլոզ, բրուցելոզ, խոզերի վերարտադրողական-շնչառական համախտանիշ, խոզերի տեքսովիրուսային էնցեֆալոմիելիտ (Տեշենի հիվանդություն կամ խոզերի էնտերովիրուսային էնցեֆալոմիելիտ)՝ վերջին 6 ամիսների ընթացքում.

- Աուեսկի հիվանդություն (կեղծ կատաղություն)՝ վերջին 12 ամիսների ընթացքում.

- լեպտոսպիրոզ՝ վերջին 3 ամիսների ընթացքում.

- սիբիրախտ՝ վերջին 20 օրերի ընթացքում։

Սաղմերի դոնոր խոզամայրերը պետք է 12 ամսվա ընթացքում առնվազն մեկ անգամ լաբորատորիայում (սահմանված կարգով հավատարմագրված կամ սերտիֆիկացված) ենթարկվեն բացասական արդյունքով ստուգման՝ ՄՀԲ-ի կողմից առաջարկվող մեթոդներով (առկայության դեպքում) հետևյալ հիվանդությունների մասով՝ խոզերի դասական ժանտախտ, Աուեսկի հիվանդություն, խոզերի վերարտադրողական-շնչառական համախտանիշ, վիրուսային տրանսմիսիվ գաստրոէնտերիտ, խոզերի վեզիկուլյար հիվանդություն, տուբերկուլոզ, բրուցելոզ, լեպտոսպիրոզ, խլամիդիոզ։

Սաղմերի դոնոր խոզամայրերը նրանցից սաղմեր ստանալուց հետո անասնաբույժի հսկողության տակ պետք է գտնվեն ոչ պակաս, քան 30 օր:

Կենդանիների՝ սույն գլխում նշված վարակիչ հիվանդության հայտնաբերման դեպքում Եվրասիական տնտեսական միության մաքսային տարածք խոզերի սաղմերի ներմուծումը և (կամ) անդամ պետությունների միջև դրանց տեղափոխումը պետք է արգելվի։

ՄՀԲ-ի ցանկում ընդգրկված մյուս հիվանդությունների մասով հետազոտություն կարող է պահանջվել անդամ պետության լիազորված մարմնի կողմից միայն այն դեպքում, երբ պահանջ ներկայացրած անդամ պետության տարածքում անցկացվում են այդ հիվանդությունները կանխարգելելուն և (կամ) վերացնելուն ուղղված ծրագրեր։

Սաղմերը պետք է ընտրվեն, պահվեն և փոխադրվեն՝ ՄՀԲ–ի օրենսգրքի առաջարկություններին համապատասխան։»:

Պաշտոնական հրապարակման օրը՝ 22 հունիսի 2022 թվական: