ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Օ Ր Ե Ն Ք Ը
Ընդունված է 2023 թվականի նոյեմբերի 16-ին
«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑՈՒ ԱՆՁՆԱԳՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հոդված 1. «Հայաստանի Հանրապետության քաղաքացու անձնագրի մասին» 2011 թվականի նոյեմբերի 30-ի ՀՕ-287-Ն օրենքի (այսուհետ՝ Օրենք) 5-րդ հոդվածի 18-րդ մասը «այլ անձնագիր» բառերից հետո լրացնել «մինչև նոր կենսաչափական համակարգի ամբողջական ներդնումն ու գործարկումը» բառերով:
Հոդված 2. Օրենքի 9-րդ հոդվածի 2-րդ և 3-րդ մասերն ուժը կորցրած ճանաչել, իսկ 3.1-ին մասի «2024 թվականի հունվարի 1-ը» բառերը փոխարինել «նոր կենսաչափական համակարգի ամբողջական ներդնումն ու գործարկումը» բառերով:
Հոդված 3. Սույն օրենքն ուժի մեջ է մտնում պաշտոնական հրապարակմանը հաջորդող օրվանից:
|
Հանրապետության նախագահ |
Վ. ԽԱՉԱՏՈՒՐՅԱՆ |
|
2023 թ. նոյեմբերի 28 Երևան ՀՕ-352-Ն |
Պաշտոնական հրապարակման օրը՝ 29 նոյեմբերի 2023 թվական:
