ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց․

1. Ներերակային և միջմկանային ներարկումների համար լուծույթի ձևով պատրաստուկը, որը, որպես ակտիվ ազդող նյութ, պարունակում է հորթերի արյունից՝ դրա դեֆիբրինացման, դիալիզի, գերզտման միջոցով ստացված դեպրոտեինացված հեմոդիալիզատ (բաղկացած գլիկոպրոտեիդներից, նուկլեոզիդներից, նուկլեոտիդներից, ամինաթթուներից և այլ ցածրամոլեկուլային միացություններից), ինչպես նաև օժանդակ նյութեր, և կիրառվում է մարդու պերիֆերիկ զարկերակների օկլուզիոն հիվանդությունների և քրոնիկ երակային անբավարարության դեպքում՝ Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 3002 90 300 0 ստորաենթադիրքում:

2. Մանրածախ վաճառքի համար փաթեթվածքում բաժնեծրարված՝ ատամնային ադհեզիվ (կպչող) մածուկի ձևով պատրաստուկը, որը, որպես ակտիվ ազդող նյութ, պարունակում է հորթերի արյունից՝ դրա դեֆիբրինացման, դիալիզի, գերզտման միջոցով ստացված դեպրոտեինացված հեմոդիալիզատ (բաղկացած գլիկոպրոտեիդներից, նուկլեոզիդներից, նուկլեոտիդներից, ամինաթթուներից և այլ ցածրամոլեկուլային միացություններից), և անզգայացուցիչ միջոց (օրինակ՝ պոլիդոկանոլ), ինչպես նաև օժանդակ նյութեր, և կիրառվում է բուժիչ ու կանխարգելիչ նպատակներով՝ մարդու բերանի խոռոչում վերքի մակերեսի տեղային լավացումն արագացնելու, ցավազրկելու և պաշտպանության համար, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 3004 90 000 2 ստորաենթադիրքում:

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Պաշտոնական հրապարակման օրը՝ 22 հունիսի 2022 թվական: