ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

«Եվրասիական տնտեսական միության մասին» 2014 թվականի մայիսի 29-ի պայմանագրի 28-րդ հոդվածին համապատասխան եւ «Եվրասիական տնտեսական հանձնաժողովի մասին» հիմնադրույթի («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 1 հավելված) 43-րդ կետի 10-րդ ենթակետի իրագործման շրջանակներում, ինչպես նաեւ ի կատարումն Եվրասիական տնտեսական հանձնաժողովի խորհրդի 2016 թվականի հոկտեմբերի 18-ի թիվ 29 կարգադրության՝ Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող՝ Եվրասիական տնտեսական միության ներքին շուկայում առկա խոչընդոտներն արգելքների, բացառումների ու սահմանափակումների տարանջատելու եւ արգելքները վերացված ճանաչելու մեթոդաբանությունը:

2. Ուժը կորցրած ճանաչել Եվրասիական տնտեսական հանձնաժողովի կոլեգիայի 2017 թվականի նոյեմբերի 14-ի «Եվրասիական տնտեսական միության ներքին շուկայում առկա խոչընդոտներն արգելքների, բացառումների ու սահմանափակումների տարանջատելու մեթոդաբանությունը հաստատելու մասին» թիվ 152 որոշումը:

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

I. Ընդհանուր դրույթներ

1. Սույն մեթոդաբանությունը մշակվել է «Եվրասիական տնտեսական միության մասին» 2014 թվականի մայիսի 29-ի պայմանագրի (այսուհետ՝ Պայմանագիր) 28-րդ հոդվածին համապատասխան՝ «Եվրասիական տնտեսական հանձնաժողովի մասին» հիմնադրույթի (Պայմանագրի թիվ 1 հավելված) 43-րդ կետի 4-րդ եւ 10-րդ ենթակետերի իրագործման շրջանակներում, ինչպես նաեւ ի կատարումն Եվրասիական տնտեսական հանձնաժողովի խորհրդի 2016 թվականի հոկտեմբերի 18-ի թիվ 29 կարգադրության՝ Եվրասիական տնտեսական միության (այսուհետ՝ Միություն) ներքին շուկայում առկա խոչընդոտներն արգելքների, բացառումների ու սահմանափակումների տարանջատելու, արգելքները վերացված ճանաչելու եւ Միության ներքին շուկայում առկա խոչընդոտների ռեեստրը (այսուհետ՝ խոչընդոտների ռեեստր) ձեւավորելու նպատակներով:

2. Միության անդամ պետությունների (այսուհետ՝ անդամ պետություններ) պետական մարմինների եւ Հանձնաժողովի կառուցվածքային ստորաբաժանումների հետ Եվրասիական տնտեսական հանձնաժողովի այն դեպարտամենտի փոխգործակցությունը, որի իրավասությանն են վերապահված ներքին շուկաների գործունեության հարցերը (այսուհետ համապատասխանաբար՝ Հանձնաժողով, լիազորված դեպարտամենտ), իրականացվում է Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգին (այսուհետ՝ Կանոնակարգ) եւ Եվրասիական տնտեսական հանձնաժողովի կոլեգիայի 2015 թվականի մայիսի 5-ի թիվ 46 որոշմամբ հաստատված՝ Եվրասիական տնտեսական հանձնաժողովի ներքին փաստաթղթաշրջանառության կանոններին համապատասխան:

3. Այն դեպքում երբ Պայմանագրով եւ (կամ) Միության իրավունքի մաս կազմող միջազգային պայմանագրերով եւ ակտերով նախատեսված է սույն մեթոդաբանությամբ նախատեսված կարգից տարբերվող՝ հարցերի (դիմումների) քննարկման կարգ, խոչընդոտների մասին տեղեկություններ պարունակող այդ հարցերը (դիմումները) չեն քննարկվում սույն մեթոդաբանությանը համապատասխան:

II. Սահմանումներ

4. Սույն մեթոդաբանության մեջ գործածվող հասկացություններն ունեն հետեւյալ իմաստը՝

արգելքներ՝ Միության ներքին շուկայի գործունեության շրջանակներում ապրանքների, ծառայությունների, կապիտալի, աշխատուժի ազատ տեղաշարժի եւ անդամ պետությունների շուկաներին դրանց հասանելիության համար խոչընդոտներ, որոնք առաջացել են Միության իրավունքին անդամ պետությունների օրենսդրության նորմերի կամ անդամ պետություններում ձեւավորված իրավակիրառ պրակտիկայի անհամապատասխանության հետեւանքով.

բացառումներ՝ Միության իրավունքով նախատեսված՝ անդամ պետության կողմից Միության ներքին շուկայի գործունեության ընդհանուր կանոնները չկիրառելու մասով բացառումներ (շեղումներ).

սահմանափակումներ՝ Միության ներքին շուկայի գործունեության շրջանակներում ապրանքների, ծառայությունների, կապիտալի, աշխատուժի ազատ տեղաշարժի եւ անդամ պետությունների շուկաներին դրանց հասանելիության համար խոչընդոտներ, որոնք առաջացել են այն տնտեսական հարաբերությունների իրավական կարգավորման բացակայության հետեւանքով, որոնց զարգացումը նախատեսված է Միության իրավունքով։

Սույն մեթոդաբանության մեջ օգտագործվող այլ հասկացություններ կիրառվում են Պայմանագրով եւ Միության իրավունքի մաս կազմող ակտերով սահմանված իմաստներով:

III. Տեղեկություններ խոչընդոտների մասին

5. Լիազորված դեպարտամենտի կողմից քննարկվում են խոչընդոտների մասին տեղեկություններ, որոնք ներառված են՝

անդամ պետությունների պետական իշխանության՝ Հանձնաժողովի հետ փոխգործակցության համար լիազորված մարմինների դիմումներում.

Հանձնաժողովի կողմից՝ անդամ պետությունների կողմից Պայմանագրի, Միության իրավունքի մաս կազմող միջազգային պայմանագրերի եւ ակտերի դրույթների կատարման մոնիթորինգի, Պայմանագրի դրույթներին անդամ պետությունների նորմատիվ իրավական ակտերի նախագծերի համապատասխանության մոնիթորինգի իրականացման արդյունքներում, այդ թվում՝ Հանձնաժողովում ստացված՝ իրավաբանական եւ ֆիզիկական անձանց հարցումների հիման վրա:

Խոչընդոտների մասին տեղեկություններ պարունակող՝ ստացված դիմումների մասին տեղեկատվությունը ենթակա է տեղադրման «Եվրասիական տնտեսական միության ներքին շուկաների գործունեություն» տեղեկատվական ռեսուրսում Միության դիմումների ռեեստրը գործողության մեջ դնելուց հետո հետեւյալ հասցեով՝ https://barriers.eaeunion.org:

6. Սույն մեթոդաբանության 5-րդ կետի երկրորդ պարբերությամբ նախատեսված խոչընդոտների մասին տեղեկությունները ներառում են այն իրավիճակի նկարագրությունը, որը հանգեցրել է Միության ներքին շուկայում խոչընդոտի առաջացմանը, ինչպես նաեւ հետեւյալ նյութերը (առկայության դեպքում)՝

ա) անդամ պետությունների պետական իշխանության մարմինների կողմից եւ (կամ) դատական ատյաններում նշված իրավիճակի քննարկման մասին տեղեկատվությունը.

բ) Միության իրավունքի եւ անդամ պետության օրենսդրության այն նորմերի մասով նշումները, որոնց կիրառման (չկիրառման) կապակցությամբ առաջացել է խոչընդոտը.

գ) այն փաստաթղթերի (նյութերի) պատճենները, որոնք առնչվում են խոչընդոտին եւ հաստատում են Միության իրավունքի խախտումը (այդ թվում՝ ձեւավորված իրավակիրառ պրակտիկայի առկայությունը).

դ) խոչընդոտի առկայությունից տնտեսական էֆեկտի մասին տեղեկատվությունը.

ե) այլ տեղեկություններ:

7. Հանձնաժողովի կառուցվածքային ստորաբաժանումները լիազորված դեպարտամենտ են ուղարկում սույն մեթոդաբանության 5-րդ կետի երրորդ պարբերությամբ նախատեսված խոչընդոտների մասին տեղեկությունները (կցելով այդ կառուցվածքային ստորաբաժանումների դիրքորոշումները եւ անդամ պետությունների պետական իշխանության մարմինների կողմից տվյալ հարցի քննարկման արդյունքների մասին տեղեկատվությունը):

IV. Խոչընդոտների մասին տեղեկությունների վերլուծություն եւ եզրակացության նախապատրաստում

8. Լիազորված դեպարտամենտը խոչընդոտների մասին տեղեկություններ ստանալու օրվանից 3 աշխատանքային օրվա ընթացքում ուսումնասիրում է դրանք եւ հարցում է ներկայացնում Հանձնաժողով այն կառուցվածքային ստորաբաժանումների դիրքորոշումները ստանալու համար, որոնց իրավասությանն է վերապահված քննարկվող հարցը, եւ Հանձնաժողովի այլ շահագրգիռ կառուցվածքային ստորաբաժանումների դիրքորոշումները (կցելով դիմումը եւ առկա փաստաթղթերը (նյութերը)):

9. Հանձնաժողովի կառուցվածքային ստորաբաժանումները լիազորված դեպարտամենտ են ներկայացնում իրենց դիրքորոշումները սույն մեթոդաբանության 8-րդ կետում նշված հարցումն ստանալու օրվանից 7 աշխատանքային օրվա ընթացքում:

10. Լիազորված դեպարտամենտը ամփոփում եւ վերլուծում է Հանձնաժողովի կառուցվածքային ստորաբաժանումների կողմից ներկայացված դիրքորոշումները դրանք ստանալու օրվանից 7 աշխատանքային օրվա ընթացքում, որից հետո՝

ա) խոչընդոտների նշանների բացակայության դեպքում դիմումատուին եւ (կամ) Հանձնաժողովի կառուցվածքային ստորաբաժանում է ուղարկում Միության ներքին շուկայում խոչընդոտների նշանների բացակայության մասին նամակ՝ հիմնավորմամբ: Եթե դիմումն ստացվել է անդամ պետության կառավարության կամ անդամ պետության պետական իշխանության այն մարմնի կողմից, որը լիազորված է Հանձնաժողովի հետ փոխգործակցության, Հանձնաժողովի կոլեգիայի այն անդամը, որի իրավասությանն են վերապահված ներքին շուկաների գործունեության հարցերը, անդամ պետությունների կառավարություններ է ուղարկում Միության ներքին շուկայում արգելքների կամ սահմանափակումների նշանների բացակայության մասին եզրակացությունը:

Միության ներքին շուկայում արգելքների կամ սահմանափակումների նշանների բացակայության մասին եզրակացության մեջ նշված եզրահանգումների հետ անդամ պետության անհամաձայնության դեպքում անդամ պետությունն այդ եզրակացությունն ստանալու օրվանից 30 աշխատանքային օրվա ընթացքում Հանձնաժողով է ուղարկում Միության ներքին շուկայում արգելքների կամ սահմանափակումների նշանների բացակայության մասին եզրակացության հետ անհամաձայնության վերաբերյալ հիմնավորված դիրքորոշումը (այսուհետ՝ հիմնավորված դիրքորոշում):

30 աշխատանքային օրը լրանալուց հետո Միության ներքին շուկայում արգելքների կամ սահմանափակումների նշանների բացակայության մասին եզրակացության մասով անդամ պետությունների դիրքորոշումների բացակայության դեպքում այն համարվում է անդամ պետությունների կողմից համաձայնեցված:

Հիմնավորված դիրքորոշումը պետք է պարունակի հղումներ Միության իրավունքի համապատասխան նորմերին, ինչպես նաեւ ուղեկցվի քննարկվող հարցի վերաբերյալ լրացուցիչ նյութերով, որոնք հիմք են Միության ներքին շուկայում արգելքների կամ սահմանափակումների նշանների բացակայության մասին եզրակացության հետ անդամ պետության անհամաձայնության համար:

Հիմնավորված դիրքորոշումն ուղարկվում է Հանձնաժողով՝ Հանձնաժողովի հետ փոխգործակցության լիազորված՝ անդամ պետության պետական իշխանության մարմնի ղեկավարի տեղակալից ոչ ցածր պաշտոնատար անձի ստորագրության համար:

Լիազորված դեպարտամենտն ընդհանրացնում է հիմնավորված դիրքորոշման հետ ստացված տեղեկություններն ու նյութերը եւ այն ստանալու օրվանից 20 աշխատանքային օրվա ընթացքում կազմակերպում է Միության ներքին շուկայում արգելքների ու սահմանափակումների նշաններին առնչվող հարցերով խորհրդակցություններ (այսուհետ՝ խորհրդակցություններ):

Եթե խորհրդակցությունների արդյունքներով արգելքի նշաններով խոչընդոտ չի հայտնաբերվում, ապա լիազորված դեպարտամենտը խորհրդակցությունների ավարտի օրվանից 5 աշխատանքային օրվա ընթացքում խորհրդակցությունների արդյունքներով արձանագրություն է ձեւակերպում եւ այն ուղարկում անդամ պետություններ:

Խորհրդակցությունների արդյունքներով Միության ներքին շուկայում արգելքի նշաններով խոչընդոտ հայտնաբերելու դեպքում լիազորված դեպարտամենտը պատրաստում է Միության ներքին շուկայում արգելքների նշանների առկայության մասին եզրակացություն՝ սույն մեթոդաբանության 13-րդ կետին համապատասխան:

Սույն մեթոդաբանոթյան 17-րդ կետում նշված ընդհանուր ժամկետի մեջ չի ներառվում Հանձնաժողովի կողմից հիմնավորված դիրքորոշումն ստանալու օրվանից մինչեւ Միության ներքին շուկայում արգելքների նշանների բացակայության մասին եզրակացության քննարկման արդյունքների մասով խորհրդակցությունների արդյունքներով արձանագրությունն անդամ պետություններ ուղարկելու օրն ընկած ժամանակահատվածը.

բ) եթե դիմումի մեջ նշված իրավիճակը պայմանավորված է բացառման առկայությամբ, ապա այդ մասին տեղեկացնում է դիմումատուին, ինչպես նաեւ Հանձնաժողովի այն դեպարտամենտին, որի իրավասությանն է վերապահված տվյալ բացառման վերաբերյալ հարցի քննարկումը.

գ) Միության ներքին շուկայում արգելքների ու սահմանափակումների նշանների հայտնաբերման դեպքում անդամ պետություններ է ուղարկում արգելքների կամ սահմանափակումների նշանների առկայության մասին նախնական եզրակացությունը, որը պարունակում է սույն մեթոդաբանության 14-րդ կետում նշված տեղեկությունները (բացառությամբ 14-րդ կետի «է» ենթակետում նշված տեղեկությունների), եւ հարցում է ներկայացնում անդամ պետությունների դիրքորոշումները ստացված դիմումի առնչությամբ ստանալու համար, ինչպես նաեւ սահմանում է խորհրդակցությունների անցկացման օրը: Խորհրդակցություններն անցկացվում են հարցումն ուղարկելու օրվանից 40 աշխատանքային օրվա ընթացքում, բայց ոչ շուտ, քան Կանոնակարգով սահմանված ժամկետը լրանալու օրը: Լիազորված դեպարտամենտը նշված դիրքորոշումներն ստանալու օրվանից 5 աշխատանքային օրվա ընթացքում դրանք համապատասխան նյութերի հետ միասին ուղարկում է անդամ պետություններ.

դ) Պայմանագրի, Միության իրավունքի մաս կազմող միջազգային պայմանագրերի եւ ակտերի դրույթներին անդամ պետությունների նորմատիվ իրավական ակտերի նախագծերի համապատասխանության մոնիթորինգի ընթացքում արգելքների նշանների հայտնաբերման դեպքում Հանձնաժողովը Միության ներքին շուկայում արգելքի հնարավոր առաջացման մասին տեղեկացնում է այն անդամ պետությանը, որտեղ պլանավորվում է ընդունել նորմատիվ իրավական ակտը:

11. Մեկ կամ մի քանի անդամ պետությունների ներկայացուցիչների բացակայությունը խորհրդակցություններին հիմք չէ՝ խորհրդակցությունները տեղափոխելու եւ դրանց անցկացման արդյունքներով Միության ներքին շուկայում արգելքների կամ սահմանափակումների նշանների առկայության մասին եզրակացության նախապատրաստումը կասեցնելու համար:

Խորհրդակցություններն անցկացվում են՝ հաշվի առնելով անդամ պետությունների արտադրական օրացույցը եւ աշխատանքային ժամանակը, ինչպես նաեւ հաշվի առնելով Միության մարմինների նիստերի անցկացման ժամանակացույցը:

12. Լիազորված դեպարտամենտի կողմից խորհրդակցություններին մասնակցելու համար հրավիրվում են Հանձնաժողովի այն կառուցվածքային ստորաբաժանումների ներկայացուցիչները, որոնց իրավասությանն է վերապահված քննարկվող հարցը, եւ Հանձնաժողովի այլ շահագրգիռ կառուցվածքային ստորաբաժանումների ներկայացուցիչներ, ինչպես նաեւ կարող են հրավիրվել անդամ պետությունների գործարար համայնքների, գիտական եւ հասարակական կազմակերպությունների ներկայացուցիչներ:

13. Խորհրդակցությունների արդյունքներով Միության ներքին շուկայում արգելքների կամ սահմանափակումների նշանների հայտնաբերման դեպքում լիազորված դեպարտամենտը խորհրդակցությունների ավարտի օրվանից 7 աշխատանքային օրվա ընթացքում ընդհանրացնում է խոչընդոտների մասին տեղեկությունները եւ պատրաստում է Միության ներքին շուկայում արգելքների կամ սահմանափակումների նշանների առկայության մասին եզրակացություն, ինչպես նաեւ խորհրդակցությունների արդյունքներով արձանագրություն եւ դրանք ուղարկում է անդամ պետությունների կառավարություններ:

14. Սույն մեթոդաբանության 11-րդ կետում նշված եզրակացությունը պարունակում է հետեւյալ տեղեկատվությունը՝

ա) դիմումի առարկան (հարցի էությունը).

բ) մոնիթորինգի ընթացքում Հանձնաժողովի կողմից իրականացված միջոցառումները.

գ) անդամ պետությունների դիրքորոշումները (առկայության դեպքում).

դ) Հանձնաժողովի կառուցվածքային ստորաբաժանումների դիրքորոշումները, այդ թվում՝ Հանձնաժողովի իրավական դեպարտամենտի դիրքորոշումը.

ե) լիազորված դեպարտամենտի կողմից կատարված վերլուծության արդյունքները (նշելով Միության իրավունքի նորմերի մասին տեղեկատվությունը).

զ) արգելքի կամ սահմանափակման նշանների առկայության մասին եզրահանգումները.

է) լրացուցիչ տեղեկություններ, այդ թվում՝ տեղեկատվություն անդամ պետություններում իրավունքի նույնանման նորմերի ու իրավակիրառ պրակտիկայի առկայության (բացակայության) մասին, ինչպես նաեւ խոչընդոտների վերացմանն ուղղված հնարավոր առաջարկություններ, որոնք իրագործվում են սահմանված կարգով: Ընդ որում, անդամ պետություններում իրավունքի նույնանման նորմերի ու իրավակիրառ պրակտիկայի հայտնաբերման դեպքում հարցը քննարկվում է առանձին կարգով՝ սույն մեթոդաբանությանը համապատասխան:

15. Ստացված դիմումի առնչությամբ անդամ պետության դիրքորոշումը սահմանված ժամկետում չներկայացնելը հիմք չէ՝ Միության ներքին շուկայում արգելքների կամ սահմանափակումների նշանների առկայության մասին եզրակացության նախապատրաստումը կասեցնելու եւ տվյալ հարցը Հանձնաժողովի կոլեգիայի քննարկմանը ներկայացնելու համար:

16. Եթե խորհրդակցությունների արդյունքներով արգելքների կամ սահմանափակումների նշաններ չեն հայտնաբերվում, ապա լիազորված դեպարտամենտը խորհրդակցությունների ավարտի օրվանից 10 աշխատանքային օրվա ընթացքում տեղեկացնում է դիմումատուին արգելքների կամ սահմանափակումների նշանների բացակայության մասին: Եթե դիմումը, որի հիման վրա անցկացվել են խորհրդակցություններ, ստացվել է անդամ պետության կողմից, ապա Հանձնաժողովի կոլեգիայի այն անդամը, որի իրավասությանն են վերապահված ներքին շուկաների գործունեության հարցերը, խորհրդակցությունների ավարտի օրվանից 7 աշխատանքային օրվա ընթացքում անդամ պետությունների կառավարություններ է ուղարկում Միության ներքին շուկայում արգելքների կամ սահմանափակումների նշանների բացակայության մասին եզրակացությունը (կցելով խորհրդակցությունների արդյունքներով արձանագրությունը):

17. Լիազորված դեպարտամենտի կողմից խոչընդոտների մասին տեղեկություններն ստանալու օրվանից մինչեւ Միության ներքին շուկայում արգելքների կամ սահմանափակումների նշանների առկայության մասին եզրակացությունը նախապատրաստելու կամ այդ նշանների բացակայության փաստը սահմանելու օրն ընկած ընդհանուր ժամկետը չպետք է գերազանցի խոչընդոտների մասին տեղեկություններն ստանալու օրվանից 70 աշխատանքային օրը:

V. Խոչընդոտների տարանջատումն արգելքների, բացառումների ու սահմանափակումների, դրանց ընդգրկումը խոչընդոտների ռեեստրում եւ դրանից հանումը

18. Եթե Միության ներքին շուկայում արգելքների կամ սահմանափակումների նշանների առկայության մասին տեղեկությունների վերլուծության եւ եզրակացության նախապատրաստման ընթացքում այն անդամ պետությունը, որի տարածքում առաջացել է արգելքը, համաձայնել է (գրավոր ձեւով) որպես արգելք խոչընդոտի որակավորման հետ, ապա լիազորված դեպարտամենտը պատրաստում է արձանագրային գրառման նախագիծ (նշելով տվյալ խոչընդոտի որակավորումը եւ 6 ամսվա ընթացքում այն վերացնելու անդամ պետության պատրաստակամությունը) եւ տվյալ եզրակացության նախապատրաստման օրվանից 3 աշխատանքային օրվա ընթացքում տվյալ հարցի առնչությամբ նյութերն ուղարկում է Հանձնաժողովի կոլեգիայի նիստի օրակարգի նախագծում ընդգրկելու համար:

Արգելքի նշաններ ունեցող խոչընդոտների առնչությամբ լիազորված դեպարտամենտը պատրաստում է «Միության ներքին շուկայի գործունեության շրջանակներում անդամ պետության կողմից պարտավորության կատարման մասին» Հանձնաժողովի կոլեգիայի որոշման նախագիծը եւ այն ներկայացնում է Հանձնաժողովի կոլեգիայի քննարկմանը՝ Միության ներքին շուկայում արգելքների նշանների առկայության մասին եզրակացությունը նախապատրաստելու օրվանից 14 աշխատանքային օրվա ընթացքում:

Իրավական դեպարտամենտը կատարում է «ներքին շուկայի գործունեության շրջանակներում անդամ պետության կողմից պարտավորության կատարման մասին» Հանձնաժողովի կոլեգիայի որոշման նախագծի իրավական փորձաքննություն՝ Իրավական դեպարտամենտ այդ նախագիծը ներկայացնելու օրվանից 7 աշխատանքային օրվա ընթացքում:

19. Սահմանափակումների նշաններ ունեցող խոչընդոտների առնչությամբ՝ Հանձնաժողովի կոլեգիայի նիստի օրակարգում հարցն ընդգրկելու համար, արձանագրային գրառման նախագիծն ուղարկվում է Հանձնաժողովի կոլեգիայի այն անդամին, որի իրավասությանն է վերապահված քննարկվող հարցը՝ Հանձնաժողովի կոլեգիայի կողմից սահմանված ժամկետում սահմանափակումների վերացման մասով առաջարկությունները Հանձնաժողովի կոլեգիայի քննարկմանը ներկայացնելու հանձնարարականով:

Հանձնաժողովի կոլեգիայի նիստի օրակարգում ընդգրկելու համար փաստաթղթերն ուղարկելու ժամկետը չպետք է գերազանցի Միության ներքին շուկայում սահմանափակումների նշանների առկայության մասին եզրակացությունը նախապատրաստելու օրվանից 3 աշխատանքային օրը:

Սույն կետի առաջին պարբերության մեջ նշված առաջարկությունները պետք է ներառեն՝

հայտնաբերված սահմանափակումը վերացնելու մոտեցումներ.

այլ ինտեգրացիոն միավորումների շրջանակներում նման իրավահարաբերությունների կարգավորման միջազգային պրակտիկայի վերլուծության արդյունքներ.

սահմանափակումը վերացնելու նպատակներով ընդունման ենթակա՝ Միության մարմինների ակտերի եւ (կամ) միջազգային պայմանագրերի մասին տեղեկություններ.

սահմանափակումը վերացնելու ժամկետներ:

Եթե Հանձնաժողովի կոլեգիայի նիստին հարցը քննարկելիս Հանձնաժողովի կոլեգիայի այն անդամը, որի իրավասությանն է վերապահված քննարկվող հարցը, անհամաձայնություն է հայտնում որպես սահմանափակում խոչընդոտի որակավորման առնչությամբ, ապա Հանձնաժողովի կոլեգիայի նշված նիստից հետո խորհրդակցություններ են անցկացվում Հանձնաժողովի կոլեգիայի՝ անհամաձայնություն հայտնած անդամի եւ Հանձնաժողովի կոլեգիայի այն անդամի միջեւ, որի իրավասությանն են վերապահված ներքին շուկաների գործունեության հարցերը՝ Հանձնաժողովի հետ փոխգործակցության լիազորված՝ անդամ պետությունների պետական իշխանության մարմինների ղեկավարների տեղակալների մասնակցությամբ:

Նշված խորհրդակցություններն անցկացվում են Հանձնաժողովի կոլեգիայի նիստն անցկացնելու օրվանից 30 աշխատանքային օրվա ընթացքում:

Եթե նշված խորհրդակցությունների արդյունքներով Հանձնաժողովի կոլեգիայի այն անդամը, որի իրավասությանն է վերապահված քննարկվող հարցը, համաձայնել է որպես սահմանափակում խոչընդոտի որակավորմանը, ապա հարցը սահմանված կարգով կրկին ընդգրկվում է Հանձնաժողովի կոլեգիայի նիստի օրակարգում:

Եթե խորհրդակցությունների արդյունքներով Հանձնաժողովի կոլեգիայի այն անդամը, որի իրավասությանն է վերապահված քննարկվող հարցը, չի համաձայնել որպես սահմանափակում խոչընդոտի որակավորմանը, հարցը սահմանված կարգով կարող է ընդգրկվել Հանձնաժողովի խորհրդի նիստի օրակարգում:

20. Արգելքներն ընդգրկվում են խոչընդոտների ռեեստրում հետեւյալ հիմքերից որեւէ մեկի առկայության դեպքում՝

ա) սույն մեթոդաբանության 18-րդ կետով նախատեսված արձանագրային գրառման մեջ խոչընդոտը որակավորված է որպես արգելք.

բ) Հանձնաժողովի կոլեգիայի՝ ուժի մեջ մտած այն որոշումը, որով Հանձնաժողովի կոլեգիան ծանուցել է անդամ պետությանը (անդամ պետություններին) Միության իրավունքի մաս կազմող միջազգային պայմանագրերի եւ (կամ) Հանձնաժողովի որոշումների կատարման անհրաժեշտության մասին:

21. Սահմանափակումներն ընդգրկվում են խոչընդոտների ռեեստրում հետեւյալ հիմքերից որեւէ մեկի առկայության դեպքում՝

ա) սույն մեթոդաբանության 19-րդ կետով նախատեսված՝ Հանձնաժողովի կոլեգիայի արձանագրային գրառման մեջ խոչընդոտը որակավորված է որպես սահմանափակում.

բ) ընդունվել են Հանձնաժողովի խորհրդի, Եվրասիական միջկառավարական խորհրդի ակտեր կամ Միության մարմինների այլ ակտեր, որոնք պարունակում են խոչընդոտի որակավորումը՝ որպես սահմանափակում:

22. Բացառումները ենթակա չեն ընդգրկման խոչընդոտների ռեեստրում:

23. Արգելքները եւ սահմանափակումները հանվում են խոչընդոտների ռեեստրից դրանք վերացված ճանաչելուց հետո:

24. Հանձնաժողովի կոլեգիայի այն անդամը, որի իրավասությանն են վերապահված ներքին շուկաների գործունեության հարցերը, ապահովում է արգելքների ու սահմանափակումների վերացման ընթացքի մոնիթորինգի իրականացումը:

25. Խոչընդոտների ռեեստրը ձեւավորվում եւ վարվում է էլեկտրոնային տեսքով՝ Հանձնաժողովի կոլեգիայի նախագահի հրամանով սահմանված կարգով։

VI. Արգելքները վերացված ճանաչելու կարգը

26. Արգելքների վերացումն իրականացվում է անդամ պետությունների կողմից՝ անդամ պետությունների օրենսդրությանը համապատասխան:

27. Արգելքների վերացման ուղղությամբ միջոցներ ձեռնարկելու մասին Հանձնաժողովի տեղեկացումն իրականացվում է անդամ պետությունների կողմից՝ Հանձնաժողովի կոլեգիայի արձանագրային գրառումներով (նշելով խոչընդոտների որակավորումը որպես արգելքներ) եւ անդամ պետությունների կողմից Միության իրավունքի մաս կազմող միջազգային պայմանագրերի եւ Հանձնաժողովի որոշումների կատարման անհրաժեշտության մասին Հանձնաժողովի կոլեգիայի որոշումներով սահմանված ժամկետներում։

28. Անդամ պետությունները տեղեկացնում են Հանձնաժողովին՝

արգելքների վերացմանն ուղղված նորմատիվ իրավական ակտերի ընդունման մասին՝ դրանք ընդունելու օրվանից 7 աշխատանքային օրվա ընթացքում.

այն լիազորված մարմինների գործողությունների (անգործության) դադարեցման մասին, որոնց կողմից սահմանվել էին խոչընդոտները կամ որոնք հանգեցրել էին դրանց առաջացմանը, դրանց դադարեցման օրվանից 3 աշխատանքային օրվա ընթացքում:

Եթե անդամ պետությունը սահմանված ժամկետներում չի տեղեկացնում Հանձնաժողովին արգելքի վերացման ուղղությամբ ձեռնարկված միջոցների մասին, ապա Հանձնաժողովի կոլեգիայի կողմից արգելքը վերացնելու ընթացքի մոնիթորինգի արդյունքների մասին հարցը կարող է ընդգրկվել Հանձնաժողովի խորհրդի նիստի օրակարգում:

29. Լիազորված դեպարտամենտը Հանձնաժողովի կառուցվածքային ստորաբաժանումների հետ համատեղ իրականացրած՝ արգելքների վերացման մոնիթորինգի հիման վրա կամ արգելքների վերացման ուղղությամբ միջոցներ ձեռնարկելու մասին անդամ պետությունների կողմից տեղեկատվություն ստանալու դեպքում այդ տեղեկատվությունն ստանալու օրվանից 3 աշխատանքային օրվա ընթացքում այն ուղարկում է Հանձնաժողովի հետ փոխգործակցության լիազորված՝ անդամ պետությունների պետական մարմիններ:

Եթե անդամ պետությունների կողմից Հանձնաժողովի հարցմանը պատասխան ներկայացնելու համար Կանոնակարգով սահմանված ժամկետում (30 օրացուցային օր) արգելքը վերացնելու հարցով առարկություններ չեն ստացվել, ապա արգելքը ճանաչվում է վերացված եւ հանվում է խոչընդոտների ռեեստրից:

Եթե անդամ պետությունների կողմից Հանձնաժողովի հարցմանը պատասխան ներկայացնելու համար Կանոնակարգով սահմանված ժամկետում արգելքը վերացնելու հարցով առարկություններ են ստացվել, ապա լիազորված դեպարտամենտը նշված առարկություններն ստանալու օրվանից 15 աշխատանքային օրվա ընթացքում կազմակերպում է արգելքը վերացված ճանաչելու հարցով խորհրդակցությունների անցկացում անդամ պետությունների հետ:

30. Մեկ կամ մի քանի անդամ պետությունների ներկայացուցիչների բացակայությունն արգելքը վերացված ճանաչելու հարցով խորհրդակցություններին, այդ խորհրդակցությունները տեղափոխելու համար հիմք չէ:

Խորհրդակցություններն անցկացվում են՝ հաշվի առնելով անդամ պետությունների արտադրական օրացույցը եւ աշխատանքային ժամանակը, ինչպես նաեւ հաշվի առնելով Միության մարմինների նիստերի անցկացման ժամանակացույցը:

31. Արգելքը վերացված ճանաչելու հարցով խորհրդակցություններին մասնակցելու համար լիազորված դեպարտամենտի կողմից հրավիրվում են Հանձնաժողովի այն կառուցվածքային ստորաբաժանումները, որոնց իրավասությանն է վերապահված քննարկվող հարցը, եւ Հանձնաժողովի այլ շահագրգիռ կառուցվածքային ստորաբաժանումներ, ինչպես նաեւ կարող են հրավիրվել անդամ պետությունների գործարար համայնքների, գիտական ու հասարակական կազմակերպությունների ներկայացուցիչներ եւ այլ անկախ փորձագետներ:

32. Խորհրդակցությունների արդյունքներով արգելքը վերացված ճանաչելու հարցով անդամ պետությունների միջեւ տարաձայնությունների պահպանման դեպքում լիազորված դեպարտամենտն այդ խորհրդակցությունների ավարտի օրվանից 7 աշխատանքային օրվա ընթացքում պատրաստում է փաստաթղթերի եւ նյութերի լրակազմը՝ արգելքը վերացված (չվերացված) ճանաչելու մասին հարցը Հանձնաժողովի կոլեգիայի նիստի օրակարգում ընդգրկելու համար, ինչպես նաեւ արձանագրություն է ձեւակերպում խորհրդակցությունների արդյունքներով եւ այն ուղարկում է անդամ պետությունների կառավարությունների հասցեներով:

33. Արգելքի վերացման արդյունքների գնահատման ժամանակ պետք է հաշվի առնվեն, այդ թվում՝ անդամ պետությունների ընդունած նորմատիվ իրավական ակտերը եւ (կամ) լիազորված մարմինների գործողությունները, որոնք ուղղված են անդամ պետությունների օրենսդրությունը եւ (կամ) իրավակիրառ պրակտիկան Միության իրավունքին համապատասխանեցնելուն:

34. Հանձնաժողովի՝ ներքին շուկաների, տեղեկատվայնացման, տեղեկատվական հաղորդակցական տեխնոլոգիաների հարցերով կոլեգիայի անդամի (նախարարի)՝ արգելքը վերացված (չվերացված) ճանաչելու մասին հարցն ընդգրկելու վերաբերյալ առաջարկությունն ուղարկվում է Հանձնաժողովի կոլեգիայի նախագահին՝ Կանոնակարգով սահմանված կարգով:

35. Արգելքը վերացված (չվերացված) ճանաչելու մասին հարցը քննարկվում է Հանձնաժողովի կոլեգիայի նիստին:

Հանձնաժողովի կոլեգիայի կողմից արգելքը վերացված ճանաչելու մասին որոշում կայացնելու դեպքում այն հանվում է խոչընդոտների ռեեստրից:

Հանձնաժողովի կոլեգիայի կողմից արգելքը վերացված (չվերացված) ճանաչելու մասին որոշում չընդունվելու դեպքում Հանձնաժողովի՝ ներքին շուկաների, տեղեկատվայնացման, տեղեկատվական հաղորդակցական տեխնոլոգիաների հարցերով կոլեգիայի անդամը (նախարարը) կազմակերպում է արգելքը վերացված (չվերացված) ճանաչելու հարցով խորհրդակցությունների անցկացումը Հանձնաժողովի կոլեգիայի անդամների հետ: Նշված խորհրդակցություններում մասնակցելու համար կարող են հրավիրվել անդամ պետությունների ներկայացուցիչները:

Իրականացրած խորհրդակցությունների արդյունքներով Հանձնաժողովի՝ ներքին շուկաների, տեղեկատվայնացման, տեղեկատվահաղորդակցական տեխնոլոգիաների հարցերով կոլեգիայի անդամը (նախարարը) Հանձնաժողովի կոլեգիայի նախագահին ներկայացնում է Հանձնաժողովի կոլեգիայի նիստին արգելքը վերացված (չվերացված) ճանաչելու մասին հարցը կրկնակի քննարկելու վերաբերյալ առաջարկությունը՝ Կանոնակարգով սահմանված կարգով:

Պաշտոնական հրապարակման օրը՝ 22 հունիսի 2022 թվական: