ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 հունիսի 2016 թվականի N 677-Ա

ԱՆՀԱՏՈՒՅՑ ՕԳՏԱԳՈՐԾՄԱՆ ԻՐԱՎՈՒՆՔՈՎ ԳՈՒՅՔ ԱՄՐԱՑՆԵԼՈՒ ՄԱՍԻՆ

Ղեկավարվելով Հայաստանի Հանրապետության քաղաքացիական օրենսգրքի 685-րդ հոդվածով, «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ, 13-րդ հոդվածներով և «Հանքարդյունաբերության ոլորտի թափանցիկության բարելավում» ծրագրի իրականացումն ապահովելու նպատակով Հայաստանի Հանրապետության կառավարությունը որոշում է.

1. «Հայաստանի Հանրապետության կառավարության աշխատակազմ» պետական կառավարչական հիմնարկին ամրացված սարքավորումները՝ համաձայն հավելվածի, մինչև 2017 թվականի դեկտեմբերի 30-ը ժամկետով, անհատույց օգտագործման իրավունքով ամրացնել «Հանրապետական երկրաբանական ֆոնդ» պետական ոչ առևտրային կազմակերպությանը՝ քաղ. Երևան 0025, Չարենցի փող., 46 շենքի հասցեում տեղադրելու և «Հանքարդյունաբերության ոլորտի թափանցիկության բարելավում» ծրագրի շրջանակներում՝ Հայաստանի Հանրապետության կառավարության աշխատակազմի և «ՎԻ ԻՔՍ ՍՈՖԹ» սահմանափակ պատասխանատվությամբ ընկերության միջև 2016 թվականի մայիսի 18-ին կնքված NՀՀԿԱ-ՇՀԾՁԲ-15/6-16/23 ծածկագրով գնման պայմանագրով սահմանված պարտավորությունների կատարման համար օգտագործելու պայմանով:

2. Առաջարկել «Հանրապետական երկրաբանական ֆոնդ» պետական ոչ առևտրային կազմակերպության տնօրենին թույլատրել սույն որոշման հավելվածում նշված գույքի տեղադրումը քաղ. Երևան 0025, Չարենցի փող., 46 շենքի հասցեում և դրա շահագործումը, ինչպես նաև Հայաստանի Հանրապետության օրենսդրությամբ սահմանված կարգով պահպանել գույքը:

3. Հայաստանի Հանրապետության կառավարության աշխատակազմի ղեկավար-նախարարին՝ սույն որոշումն ուժի մեջ մտնելուց հետո մեկշաբաթյա ժամկետում ապահովել սույն որոշման հավելվածում նշված գույքի անհատույց օգտագործման պայմանագրի կնքումը և հանձնման-ընդունման աշխատանքների իրականացումը:

Հայաստանի Հանրապետության վարչապետ	Հ. Աբրահամյան
2016 թ. հուլիսի 1 Երևան

Հավելված ՀՀ կառավարության 2016 թվականի հունիսի 30-ի N 677-Ա որոշման

Ց Ա Ն Կ

«Հանրապետական երկրաբանական ֆոնդ» պետական ոչ առԵՎտրային կազմակերպությանն ամրացվող սարքավորումների

NN ը/կ	Անվանումը	Տեխնիկական բնութագրերը	Քանակը (հատ)	Արժեքը
1.	Սկաներ՝ համակարգիչների համար	Սկաներ՝ HP ScanJet Pro 2500 f1 Flatbed scanner, A4:	21	3,726,450
2.	Սկաներ՝ համակարգիչների համար	Լայնաֆորմատ, գունավոր սկաներ Colortrac SmartLF SC42e Xpress express colour SingleSensor Scanner P/N 01H062+ կարգավորվող տակդիրով, իր համար նախատեսված համակարգչով` (ներառյալ անհրաժեշտ լիցենզավորված ծրագրերը) և մոնիթորով:	1	2,657,500
3.	Համակարգիչ՝ ամբողջը մեկում	Համակարգիչ՝ HP Desktop Core i3, պրոցեսորը՝ Core i3 4160, բազային հաճախականությունը` 3.6GHz, 3 MB Cache, հիշողությունը (RAM)՝ 4GB DDR3, կոշտ սկավառակը (HDD)՝ 1TB (7200 RPM) SATA, ստեղնաշարը՝ երկուսը մեկում HP SmartCard CCID Keyboard ISO 7816 ID1 քարտի ընթերցիչով, USB մկնիկ, օպերացիոն համակարգը՝ լիցենզավորված Windows 7 pro Eng.: Մոնիթորը՝ HP ProDisplay P222VA, անկյունագիծը՝ (54.6սմ) 21.5'', LED, ֆորմատը` 16։9 Full HD 1920 x 1080	21	8,836,275
4.	Անխափան սնուցման աղբյուրներ	Անխափան սնուցման սարք՝ PowerCom RPT-600VA /360W, AVR:	21	944,000
Ընդամենը				16,164,225

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան