ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

30 նոյեմբերի 1998 թվականի N 55

քաղ. Երևան

ԷԼԵԿՏՐԱԷՆԵՐԳԻԱՅԻ ՍՊԱՌՄԱՆ ԳԻՇԵՐԱՅԻՆ ԶԵՂՉ ՍԱԿԱԳՆԻՑ ՕԳՏՎԵԼՈՒ ՄԱՍԻՆ

Հիմք ընդունելով «Էներգետիկայի մասին» ՀՀ օրենքի 14-րդ հոդվածի «դ» կետը, ՀՀ էներգետիկայի հանձնաժողովը որոշում է`

1. Թույլատրել 6 (10) կՎ և բարձր լարման ցանցից սնվող սպառողներին 1999 թ. հունվարի 1-ից օգտվել ՀՀ էներգետիկայի հանձնաժողովի 1998 թ. նոյեմբերի 11-ի N 52 որոշման 2-րդ կետով սահմանված գիշերային զեղչ սակագնից, հետևյալ պայմանների ապահովման դեպքում`

ա) ՀՀ օրենսդրությամբ և այլ նորմատիվ ակտերով սահմանված կարգով էլեկտրաէներգիայի բազմասակագնային հաշվառքի սարքի պետստուգաչափում և տեղադրում,

բ) գիշերային զեղչ սակագնի կիրառման առնչությամբ էլեկտրաէներգիա մատակարարող ընկերության հետ նախկինում կնքված պայմանագրում համապատասխան փոփոխությունների կատարում,

գ) մինչ սահմանված կարգով գիշերային զեղչ սակագնի կիրառմանն անցնելը, պայմանագրային կարգով, նախկինում ծախսված էլեկտրաէներգիայի դիմաց գոյացած պարտքերի ամրագրում և էլեկտրամատակարարող ընկերության հետ համատեղ պարտքերի մարման ժամանակացույցի կազմում:

2. ՀՀ էներգետիկայի հանձնաժողովի անդամ Մ. Ավագյանին` ստեղծել աշխատանքային խումբ` ներգրավելով շահագրգիռ կազմակերպությունների ներկայացուցիչներին, երկամսյա ժամկետում ուսումնասիրել 0,38 կՎ լարման ցանցից սնվող սպառողների գիշերային զեղչ սակագնից օգտվելու հարցը, գնահատել դրա տեխնիկատնտեսական արդյունավետությունը և ներկայացնել համապատասխան առաջարկություններ: