ԵՐԵՎԱՆԻ ՔԱՂԱՔԱՊԵՏ

N 1946-Ա

«29» մայիսի 2024 թ.

Ո Ր Ո Շ ՈՒ Մ

ԱԲՈՎՅԱՆ ՓՈՂՈՑԻ Հ.3/1 ՇԵՆՔԻ Հ.4 ՀԱՍՑԵՈՒՄ ԳՏՆՎՈՂ ԲՆԱԿԱՐԱՆԻ ԳՈՐԾԱՌԱԿԱՆ ՆՇԱՆԱԿՈՒԹՅՈՒՆԸ ՓՈԽԵԼՈՒ ՄԱՍԻՆ

Վարչական ակտի ընդունման համար հիմք է հանդիսացել Արսեն Փոստոյանի և Մարիետա Փոստոյանի, Արմեն Փոստոյանի, Արմենուհի Փոստոյանի լ/ա Արսեն Փոստոյանի դիմումը` Աբովյան փողոցի հ.3/1 շենքի, ընդհանուր բաժնային սեփականության իրավունքով Մարիետա Փոստոյանին, Արսեն Փոստոյանին, Արմեն Փոստոյանին և Արմենուհի Փոստոյանին պատկանող հ.4 բնակարանի (անշարժ գույքի նկատմամբ իրավունքների պետական գրանցման 25.09.2020թ. հ.25092020-01-0348 վկայական) գործառական նշանակությունը հասարակական սահմանելու մասին:

Ղեկավարվելով «Երևան քաղաքում տեղական ինքնակառավարման մասին» օրենքի 49-րդ հոդվածով, «Վարչարարության հիմունքների և վարչական վարույթի մասին» օրենքի 3-րդ, 53-րդ, 59-րդ և 60-րդ հոդվածներով, Հայաստանի Հանրապետության կառավարության 2002 թվականի փետրվարի 2-ի հ.88 որոշման հ.1 հավելվածի 7-րդ կետով, հաշվի առնելով Երևանի քաղաքապետարանի աշխատակազմի ճարտարապետության և քաղաքաշինության վարչության 10.05.2024թ. հ.Դ-56214-24 եզրակացությունը և ԿԳՄՍ նախարարի տեղակալի № 34/14.2/12640-2024 գրությունը.

1. Աբովյան փողոցի հ.3/1 շենքի, ընդհանուր բաժնային սեփականության իրավունքով Մարիետա Փոստոյանին, Արսեն Փոստոյանին, Արմեն Փոստոյանին և Արմենուհի Փոստոյանին պատկանող հ.4 բնակարանի գործառական նշանակությունն, առանց ճարտարապետահատակագծային առաջադրանքի և նախագծային փոփոխությունների, սահմանել որպես հասարակական և ընդգրկել ոչ բնակելի ֆոնդում` «ՀՀՇՆ 31-01-2014» պահանջներին չհակասելու պայմանով։

2. Հանձնարարել Երևան քաղաքի Կենտրոն վարչական շրջանի ղեկավարին՝ սույն որոշման 1-ին կետում նշված անշարժ գույքը հաշվառել որպես հասարակական:

3. Ընդունել ի գիտություն, որ սույն որոշմամբ սահմանված անշարժ գույքի գործառական նշանակության փոփոխությունը ենթակա է պետական գրանցման` կադաստրի կոմիտեի համապատասխան ստորաբաժանումում:

4. Որոշումն ուժի մեջ է մտնում այն ստանալու հաջորդ օրը:

5.Սույն որոշումը կարող է վարչական կարգով բողոքարկվել Երևանի քաղաքապետին կամ դատական կարգով ՀՀ վարչական դատարան` դրա ուժի մեջ մտնելու օրվանից երկամսյա ժամկետում:

6. Որոշման կատարման կազմակերպումն ու պատասխանատվությունը դնել Երևանի քաղաքապետարանի աշխատակազմի անշարժ գույքի կառավարման, ճարտարապետության և քաղաքաշինության վարչությունների պետերի ու Կենտրոն վարչական շրջանի ղեկավարի վրա։

7. Սույն որոշման կատարման ընթացքի նկատմամբ հսկողությունն ապահովում է Երևանի քաղաքապետի առաջին տեղակալ Ա.Փամբուխչյանը։

Տ. Ավինյան