ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

11 հոկտեմբերի 2010 թվականի N 835-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ ՁԿԱՆ, ՁԿՆԱՄԹԵՐՔԻ ԵՎ ՋՐԱՅԻՆ ԾԱԳՈՒՄ ՈՒՆԵՑՈՂ ԱՅԼ ԱՐՏԱԴՐԱՆՔԻ` ԵՎՐԱՄԻՈՒԹՅՈՒՆ ԱՐՏԱՀԱՆՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳՈՂ ՄԻՋՈՑԱՌՈՒՄՆԵՐԻ ԺԱՄԱՆԱԿԱՑՈՒՅՑԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2010 ԹՎԱԿԱՆԻ ՄԱՐՏԻ 10-Ի N 150-Ա ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով Հայաստանի Հանրապետության Նախագահի 2007 թվականի հուլիսի 18-ի ՆՀ 174-Ն հրամանագրի 1-ին կետով հաստատված հավելվածի 5-րդ կետի դրույթներով` Եվրամիություն ձկան, ձկնամթերքի և ջրային ծագում ունեցող այլ արտադրանքի արտահանման գործընթացը կանոնակարգելու նպատակով`

1. Հաստատել Հայաստանի Հանրապետությունից ձկան, ձկնամթերքի և ջրային ծագում ունեցող այլ արտադրանքի` Եվրամիություն արտահանման գործընթացը կանոնակարգող միջոցառումների ժամանակացույցը` համաձայն հավելվածի:

2. Սահմանել, որ Հայաստանի Հանրապետությունից ձկան, ձկնամթերքի և ջրային ծագում ունեցող այլ արտադրանքի` Եվրամիություն արտահանման գործառույթները համակարգում է Հայաստանի Հանրապետության գյուղատնտեսության նախարարությունը:

3. Ուժը կորցրած ճանաչել Հայաստանի Հանրապետության վարչապետի 2010 թվականի մարտի 10-ի «Հայաստանի Հանրապետությունից Եվրամիության անդամ երկրներ ձկան, ձկնամթերքի և ջրային ծագում ունեցող այլ արտադրանքի արտահանման միջոցառումները կանոնակարգելու մասին» N 150-Ա որոշումը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2010 թ. հոկտեմբերի 11 Երևան

Հավելված  ՀՀ վարչապետի 2010 թ. հոկտեմբերի 11-ի N 835-Ն որոշման

Ժ Ա Մ Ա Ն Ա Կ Ա Ց ՈՒ Յ Ց

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆԻՑ ՁԿԱՆ, ՁԿՆԱՄԹԵՐՔԻ ԵՎ ՋՐԱՅԻՆ ԾԱԳՈՒՄ ՈՒՆԵՑՈՂ ԱՅԼ ԱՐՏԱԴՐԱՆՔԻ` ԵՎՐԱՄԻՈՒԹՅՈՒՆ ԱՐՏԱՀԱՆՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳՈՂ ՄԻՋՈՑԱՌՈՒՄՆԵՐԻ

NN ը/կ	Միջոցառման անվանումը	Կատարման ժամկետը	Պատասխանատու պետական կառավարման մարմինը	Արդյունքը
1	2	3	4	5
1.	Ձկան, ձկնամթերքի և ջրային ծագում ունեցող այլ արտադրանքի` Եվրամիություն արտահանման համար օրենսդրական դաշտի մշակում	2010 թ. նոյեմբերի 1-ին տասնօրյակ	ՀՀ գյուղատնտեսության նախարարություն	ձկան, ձկնամթերքի և ջրային ծագում ունեցող մթերքի մնացորդային մոնիթորինգային պլանի վերաբերյալ ՀՀ կառա-վարության որոշման ընդունում
2.	Ձկնաբուծության ոլորտում մակաբուծային հիվանդությունների գնահատում և հաշվետվություններ ներկայացնելը	2010 թ. նոյեմբերի 3-րդ տասնօրյակ	ՀՀ գյուղատնտեսության նախարարություն	բնագավառում կոմպետենտ փորձագիտական խմբի ձևավորում և մակաբուծային հիվանդությունների վերացման ռազմավարական պլանի մշակում` համաձայն Եվրամիության չափորոշիչների
3.	Ձկների, ձկնամթերքի և ջրային ծագում ունեցող այլ արտադրանքի փորձաքննություն մանրէային և վիրուսային հիվանդությունների նկատմամբ, այդ թվում` սալմոնելա և աղիքային խմբի մանրէները, մասնավորապես, E-coli 0157:H7 տարատեսակը, և հիվանդությունների մասին հաշվետվություններ ներկայացնելը	2010 թ. նոյեմբերի 3-րդ տասնօրյակ	ՀՀ գյուղատնտեսության նախարարություն	համապատասխան կարողություններով լաբորատորիաների ընտրություն և հաշվետվություններ ներկայացնելը
4.	Ձկան, ձկնամթերքի առաջնային մշակման և վերամշակման արտադրամասերում միջազգային չափորոշիչներին համապատասխանող արտադրական (GMP) կամ պատշաճ հիգիենիկ փորձի (GHP) ներդրման սկզբունքների մշակում	2010 թ. դեկտեմբերի 1-ին տասնօրյակ	ՀՀ գյուղատնտեսության նախարարություն ՀՀ էկոնոմիկայի նախարարություն	համապատասխան տեխնիկական ուղեցույցի մշակում և միջազգային չափորոշիչներին համապատասխանող վերամշակման արտադրամասի ձևավորման համար պահանջվող բյուջեի հաշվարկում
5.	Ձկան և ձկնամթերքի արտադրությունում վտանգի վերլուծության և հսկման կրիտիկական կետերի համակարգի ներդրման ծրագրի մշակում և ներդրումից բխող հաշվետվություններ ներկայացնելը	2010 թ. դեկտեմբերի 1-ին տասնօրյակ	ՀՀ գյուղատնտեսության նախարարություն ՀՀ էկոնոմիկայի նախարարություն	ներդրման ծրագիրը և միջոցառումների ժամանակացույցը սահմանող` ՀՀ կառա-վարության որոշման ընդունում
6.	Սննդամթերքում մնացորդային նյութերի լաբորատոր հսկողություն իրականացնող լաբորատորիաների ցանցի ձևավորում և միջազգային հավատարմագրման պլանի մշակում	2010 թ. դեկտեմբերի 1-ին տասնօրյակ	ՀՀ էկոնոմիկայի նախարարություն             ՀՀ գյուղատնտեսության նախարարություն	միջազգային փորձագետների կողմից ընտրված երկու լաբորատորիայի «Դեղերի և բժշկական տեխնոլոգիաների փորձաքննության կենտրոն» և «Էկոլոգանոոսֆերային հետազոտությունների կենտրոն» ՊՈԱԿ-ների միջազգային հավատարմագրման գործընթացի ծրագրի մշակում ՀՀ գյուղատնտեսության նախարարության «Հանրապետական անասնաբուժական հակահամաճարակային և ախտորոշիչ կենտրոն» ՊՈԱԿ-ի` որպես ազգային երաշխավորված լաբորատորիա, ճանաչման և միջազգային հավատարմագրման գործընթացի ծրագրի մշակում
7.	Կենդանական ծագում ունեցող սննդամթերքում անասնաբուժական դեղամիջոցների և էկոլոգիական աղտոտիչների առավելագույն քանակները սահմանող ՀՀ կառավարության չափորոշիչներին համապատասխան փորձաքննության անցկացում	2010 թ. դեկտեմբերի 1-ին տասնօրյակ	ՀՀ գյուղատնտեսության նախարարություն	Եվրամիության որակավորման չափանիշներին համապատասխան` մրցույթի տեխնիկական պահանջի մշակում, լաբորատորիայի ընտրություն և ընտրանքային սննդամթերքի լաբորատոր փորձաքննության արդյունքների մասին հաշվետվություններ ներկայացնելը
8.	Եվրամիության փորձին համապատասխան` ռիսկերի գնահատման կենտրոնի ձևավորում` 1) սննդային շղթայում առկա ռիսկերի գնահատման համար ՀՀ գիտությունների ազգային ակադեմիայի Էկոլոգանոոսֆերային հետազոտությունների կենտրոնում տեղեկատվական-վերլուծական կենտրոնի ձևավորում 2) անասնաբուժական ռիսկերի գնահատման համար իրավասու կենտրոնի ձևավորման հարցի քննարկում և առաջարկություն ներկայացնելը	2010 թ. նոյեմբերի 1-ին տասնօրյակ	ՀՀ գյուղատնտեսության նախարարություն     ՀՀ գիտությունների ազգային ակադեմիա	սննդի անվտանգության իրավասու մարմնին օժանդակող կենտրոնի ձևավորման համար ՀՀ կառավարության որոշման նախագծի մշակում ՀՀ գիտությունների ազգային ակադեմիայի Էկոլոգանոոսֆերային հետազոտությունների կենտրոնի կանոնադրության փոփոխություն և 2011 թվականից 20 մլն դրամ բազային ֆինանսավորման հատկացում

Հայաստանի Հանրապետության կառավարության աշխատակազմի ղեկավար

Դ. Սարգսյան