ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ

Ո Ր Ո Շ ՈՒ Մ

28 օգոստոսի 1998 թվականի N 39

քաղ. Երևան

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ԿԱՆՈՆԱԿԱՐԳՄԱՆ ՄԱՍԻՆ

Հայաստանի Հանրապետության էներգետիկայի հանձնաժողովը ղեկավարվելով «Էներգետիկայի մասին» ՀՀ օրենքի 15 և 36-րդ հոդվածներով որոշում է`

1. Հաստատել «Հայաստանի Հանրապետության էներգետիկայի բնագավառում գործունեության լիցենզավորման կարգը» (հավելված 1):

2. Հաստատել Հայաստանի Հանրապետության էներգետիկայի բնագավառում գործունեության լիցենզիա ստանալու համար Հայաստանի Հանրապետության էներգետիկայի հանձնաժողով ներկայացվող փաստաթղթերի ձևերը (հավելվածներ 2, 2-1, 2-2, 2-3, 2-4, 2-5, 2-6):

3. Հաստատել «Էներգետիկայի բնագավառում լիցենզիա ստանալու համար անհրաժեշտ ֆինանսական երաշխիքների ներկայացման կարգը» (հավելված 3):

4. Ուժը կորցրած ճանաչել Հայաստանի Հանրապետության էներգետիկայի հանձնաժողովի 19.05.98 թ. N 27 որոշմամբ հաստատված «ՀՀ էներգետիկայի բնագավառում լիցենզավորման կարգը»:

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ

Սույն կարգը սահմանում է «Էներգետիկայի մասին» Հայաստանի Հանրապետության օրենքով սահմանված Էներգետիկայի բնագավառում գործունեության տեսակների իրականացման համար Լիցենզիա ստանալու դիմումի ընդունման, քննարկման, Լիցենզիայի տրման (մերժման), ինչպես նաև Լիցենզիայի կասեցման, Լիցենզիայից զրկման ընթացակարգերը և տարածվում է սույն Կարգի 2.1 կետում նշված գործունեություններն իրականացնող Անձանց վրա` անկախ նրանց կազմակերպական-իրավական տեսակից և սեփականության ձևից:

Սույն Կարգը չի տարածվում բնական գազի և էլեկտրական էներգիայի ներկրման և արտահանման գործունեության լիցենզավորման վրա:

1. ՍԱՀՄԱՆՈՒՄՆԵՐ

Սույն Կարգում օգտագործված հասկացությունները սահմանվում են հետևյալ կերպ.

1.1. Անձ - իրավաբանական անձ.

1.2. Էներգետիկայի բնագավառ - ՀՀ տարածքում էլեկտրական էներգիայի արտադրության, հաղորդման և բաշխման, ջերմային էներգիայի արտադրության, փոխադրման և բաշխման, բնական գազի փոխադրման և բաշխման, ինչպես նաև էլեկտրական էներգիայի, բնական գազի ներկրման և արտահանման գործունեության մեջ ներգրավված տնտեսավարող սուբյեկտների (անկախ սեփականության ձևից) տեխնիկական և կազմակերպական-իրավական համակարգ.

1.3. Հանձնաժողով - ՀՀ էներգետիկայի հանձնաժողով` էներգետիկայի բնագավառում կարգավորող մարմին, որը գործում է «Էներգետիկայի մասին» Հայաստանի Հանրապետության օրենքով Հայաստանի Հանրապետության կառավարության կողմից իրեն պատվիրակված լիազորությունների հիման վրա.

1.4. Լիցենզիա - Հանձնաժողովի կողմից իրավաբանական անձին տրված փաստաթուղթ, որը հավաստում է էներգետիկայի բնագավառում սահմանված պայմաններով որոշակի գործունեություն իրականացնելու իրավունք.

1.5. Դիմող - սույն Կարգի համաձայն, գործունեության Լիցենզիա ստանալու նպատակով հանձնաժողով դիմած անձ.

1.6. Գործ - Անձի անվանական թղթապանակ, որը պարունակում է Լիցենզիա տալու համար հիմք հանդիսացող փաստաթղթեր, լիցենզավորված գործունեությունն իրականացնելու ընթացքում հայտնաբերված խախտումների և դրանց վերացման վերաբերյալ տեղեկություններ, սակագինը հիմնավորող հաշվարկներ, ֆինանսական հաշվետվություններ և այլ անհրաժեշտ փաստաթղթեր.

1.7. Լիցենզավորված անձ - անձ, որին «Էներգետիկայի մասին» Հայաստանի Հանրապետության օրենքին և սույն կարգին համապատասխան` Հանձնաժողովի կողմից տրվել է Լիցենզիա.

1.8. Մասնագիտական որակավորման լիցենզիա - մասնագիտական որակավորման հավաստագիր, որը ՀՀ կառավարության կողմից լիազորված պետական մարմինը տալիս է ֆիզիկական և իրավաբանական անձանց` Էներգետիկայի բնագավառում մասնագիտական որոշակի աշխատանքներ իրականացնելու համար.

1.9. Ֆորս-մաժոր - Արտակարգ և անկանխելի դեպքերի և հանգամանքների (տարերային աղետներ, ռազմական գործողություններ, էներգառեսուրսների (վառելիքի, ջրի) մատակարարման համակարգերի, Ազգային էլեկտրական ցանցի վթարներ, Հայաստանի Հանրապետության օրենսդրությամբ սահմանված սահմանափակումներ), տվյալ պայմաններում Լիցենզավորված անձից անկախ առաջացած անհաղթահարելի ուժի հետևանքներ, որոնք, մասամբ կամ ամբողջությամբ, անհնար են դարձնում լիցենզավորված գործունեության իրականացումը:

2. ԸՆԴՀԱՆՈՒՐ ԴՐՈՒՅԹՆԵՐ

2.1. Սույն կարգով Լիցենզիան տրվում է միայն իրավաբանական անձանց` Հայաստանի Հանրապետության Էներգետիկայի բնագավառում «Էներգետիկայի մասին» ՀՀ օրենքով սահմանված գործունեության հետևյալ տեսակներն իրականացնելու համար`

ա) բնական գազի փոխադրում (տեղափոխում)

բ) բնական գազի բաշխում

գ) բնական գազի ոլորտում արտադրական շինարարություն

դ) էլեկտրական (ջերմային) կայանների կառուցում

ե) էլեկտրական էներգիայի արտադրություն

զ) էլեկտրական էներգիայի հաղորդում

է) էլեկտրական էներգիայի բաշխում

ը) էլեկտրաէներգետիկայի ոլորտում արտադրական շինարարություն

թ) ջերմային էներգիայի արտադրություն (արտադրություն և փոխադրում)

ժ) ջերմային էներգիայի փոխադրում (փոխադրում և բաշխում)

ժա) ջերմային էներգիայի բաշխում

ժբ) ջերմաէներգետիկայի ոլորտում արտադրական շինարարություն:

2.2. Էներգետիկայի բնագավառում արտադրող «Կայանների կառուցում, էլեկտրաէներգետիկայի, ջերմաէներգետիկայի և բնական գազի ոլորտներում արտադրական շինարարություն» լիցենզավորվող գործունեություն է համարվում` նոր արտադրող կայանների կառուցումը, գործող արտադրող կայաններում նոր արտադրող տեղակայանքների շինարարությունը, որը նպատակ ունի ավելացնել կայանի ընդհանուր դրվածքային հզորությունը, նոր հաղորդման (փոխադրման), բաշխման ցանցերի շինարարությունը, որոնց միջոցով այդ կառուցումը (շինարարությունը) նախաձեռնող իրավաբանական անձը մտադիր է իրականացնել էներգետիկայի բնագավառում հանձնաժողովի կողմից լիցենզավորվող որևէ գործունեություն:

2.3. Էներգետիկայի բնագավառում գործունեության (սույն կարգի 2.1. կետի ա), բ), զ), է), ժ), ժա) ենթակետեր) Լիցենզիա ունեցող անձանցից արտադրական շինարարություն իրականացնելու Լիցենզիա չի պահանջվում, եթե այդ շինարարությունը կատարվում է լիցենզավորված գործունեության շրջանակներում` նպատակ ունենալով ընդլայնել (զարգացնել, արդիականացնել) գործող հաղորդման (փոխադրման), բաշխման ցանցերը:

2.4. Սույն Կարգի 2.1. կետում նշված գործունեության տեսակների համար տրվող Լիցենզիաների գործողության ժամկետները սահմանվում են`

ա) էլեկտրաէներգետիկայի, ջերմաէներգետիկայի և բնական գազի ոլորտում արտադրական շինարարություն իրականացնելու համար` ելնելով շինարարության ավարտի կանխատեսվող ժամկետից.

բ) էլեկտրական էներգիայի և ջերմային էներգիայի արտադրության գործունեության համար` ելնելով արտադրող կայանի ծառայության ժամկետից.

գ) էլեկտրական (ջերմային) կայանների կառուցման համար` ելնելով կառուցման ավարտի կանխատեսվող ժամկետից.

դ) էլեկտրական էներգիայի հաղորդման, բաշխման, բնական գազի և ջերմային էներգիայի փոխադրման և բաշխման գործունեության համար` անժամկետ:

2.5. Սույն Կարգի 2.1 կետում նշված գործունեության տեսակներից որևէ մեկն առանց Լիցենզիայի իրականացնողը պատասխանատվություն է կրում ՀՀ օրենսդրությամբ սահմանված կարգով:

2.6. Էլեկտրական և ջերմային էներգիա արտադրողից Լիցենզիա չի պահանջվում, եթե այդ էներգիան օգտագործվում է բացառապես սեփական կարիքների համար:

2.7. Լիցենզիան տրվում է Դիմողին կամ, լիազորագրի առկայության դեպքում նրա` ներկայացուցչին` մեկ օրինակից:

2.8. Լիցենզիա ստանալու համար վճարվում է պետական տուրք` «Պետական տուրքի մասին» ՀՀ օրենքով սահմանված կարգով և չափով:

2.9. Դիմողի կամ լիազորված անձի ստորագրությամբ Լիցենզիայի ստացման կտրոնը (հավելված 2) մնում է Հանձնաժողովում:

2.10. Լիցենզիան ուժի մեջ է մտնում Հանձնաժողովում գրանցելու պահից:

2.11. Լիցենզիան կորցնելու դեպքում Լիցենզավորված անձն այդ մասին հայտարարություն է տալիս հանրապետական մամուլում, այնուհետև դիմում Հանձնաժողով և 15-օրյա ժամկետում ստանում Լիցենզիայի կրկնօրինակը` սահմանված կարգով պետական տուրքը մուծելուց հետո:

2.12. Լիցենզիան այլ Անձանց օտարելը (փոխանցում, վաճառք և այլն) արգելվում է, բացառությամբ օրենքով սահմանված դեպքերի:

3. ԼԻՑԵՆԶԻԱ ՍՏԱՆԱԼՈՒ ԴԻՄՈՒՄԸ, ԴՐԱ ՔՆՆԱՐԿՈՒՄԸ ԵՎ ՈՐՈՇՄԱՆ ԸՆԴՈՒՆՈՒՄԸ

3.1. Լիցենզիա ստանալու համար Անձը Հանձնաժողով է ներկայացնում դիմում և փաստաթղթեր` երկու օրինակից, համաձայն սույն Կարգի 3 և 4 հավելվածներում սահմանված դիմումի ձևի և փաստաթղթերի ցանկի:

3.2. Սույն Կարգի 2.1. կետի գ), դ), ը), ժբ) ենթակետերում նշված գործունեությունները իրականացնել ցանկացող տնտեսավարող սուբյեկտները, մինչև Լիցենզիա ստանալու խնդրանքով Հանձնաժողով դիմելը, պարտավոր են հանրապետական որևէ թերթում կամ այլ լրատվական միջոցով, հրապարակել համապատասխան գործունեությամբ զբաղվելու մասին իրենց որոշումը (համաձայն հավելված 5-ում տրված ձևի) և դիմումի հետ Հանձնաժողով ներկայացնել նշված հրապարակումը հավաստող փաստաթուղթ:

3.3. Հանձնաժողովը կարող է Դիմողից պահանջել նաև Լիցենզիա տալու կամ մերժելու վերաբերյալ որոշման ընդունման համար անհրաժեշտ այլ տեղեկատվություն:

3.4. Դիմողը, Հայաստանի Հանրապետության օրենսդրության համաձայն, պատասխանատվություն է կրում Հանձնաժողով ներկայացրած տեղեկատվության հավաստիության համար:

3.5. Լիցենզիա ստանալու վերաբերյալ դիմումը և կից փաստաթղթերը պետք է համապատասխանեն ՀՀ օրենսդրությամբ, սույն Կարգով և այլ նորմերով սահմանված պահանջներին:

3.6. Հանձնաժողովը մուտքագրում է Լիցենզիա ստանալու դիմումը` կից փաստաթղթերով, ստուգելով դրանց ձևակերպման ճշտությունն ու համապատասխանությունը սույն կարգի հավելված 4-ի ցանկին: Փաստաթղթերի ստուգման արդյունքների մասին Դիմողին ծանուցագիր է ուղարկվում դիմումն ստանալու օրվանից ոչ ուշ, քան 10 օրվա ընթացքում: Փաստաթղթերի ստուգման դրական արդյունքի դեպքում Հանձնաժողովը սկսում է լիցենզավորման գործընթացը և համապատասխան որոշում կայացնում Դիմումն ստանալուց հետո 90-օրյա ժամկետում:

3.7. Եթե դիմումի քննարկման ընթացքում հարկ է ստանալ լրացուցիչ տեղեկություններ և փաստաթղթեր, որոնց բացակայությունը Հանձնաժողովին հնարավորություն չի տալիս որոշում ընդունել կամ անհրաժեշտություն է առաջանում կատարել լրացուցիչ փորձաքննություն, այդ թվում նաև անկախ փորձագետների ներգրավմամբ, ապա այդ նպատակով ծախսված ժամանակը` 30 օրից ոչ ավելի, չի ներառվում որոշման ընդունման համար սահմանված դիմումի քննարկման ժամկետում: Նշված դեպքերի մասին Հանձնաժողովը գրավոր տեղեկացնում է Դիմողին:

3.8. Լիցենզիա տալու վերաբերյալ դրական որոշում ընդունելուց հետո, 10-օրյա ժամկետում, Հանձնաժողովը Լիցենզիան հանձնում է դիմողին կամ նրա կողմից լիազորված ներկայացուցչին, իսկ բացասական որոշման դեպքում` նույն ժամանակահատվածում Դիմողին է ուղարկում մերժման վերաբերյալ Հանձնաժողովի որոշման պատճենը, որում նշվում են մերժման պատճառները:

3.9. Լիցենզիա ստանալու հայտը Հանձնաժողովը կարող է մերժել, եթե`

ա) ներկայացված փաստաթղթերում բերված տեղեկությունները չեն համապատասխանում իրականությանը.

բ) Դիմողի կողմից ներկայացված հիմնադիր փաստաթղթերը չեն համապատասխանում ՀՀ օրենսդրությամբ սահմանված պահանջներին.

գ) Դիմողի ֆինանսական միջոցները բավարար չեն լիցենզավորվող գործունեությունն իրականացնելու համար (Դիմողը լիցենզավորված գործունեության իրականացումն ապահովող գույքային համալիրի սեփականատերը չէ) կամ Դիմողը սահմանված կարգով անվճարունակ է ճանաչվել.

դ) լիցենզավորվող գործունեության տեխնիկական ցուցանիշները չեն համապատասխանում Հայաստանի Հանրապետության տարածքում գործող ստանդարտներին և նորմատիվ այլ ակտերին.

ե) լիցենզավորվող գործունեության իրականացումը հանգեցնում է կամ կարող է հանգեցնել Հայաստանի Հանրապետության սպառողներին վաճառվող էլեկտրական էներգիայի և (կամ) ջերմային էներգիայի և (կամ) բնական գազի սակագների չհիմնավորված բարձրացմանը.

զ) Լիցենզիա տալու դեպքում սահմանափակվում է մեկ այլ Լիցենզավորված անձին տրված բացառիկ իրավունքը.

Այլ շարժառիթներով (բացառությամբ օրենքով սահմանված այլ դեպքերի) լիցենզավորման մերժումն արգելվում է:

3.10. Լիցենզիա տալու վերաբերյալ Հանձնաժողովի առարկությունները հաշվի առնելուց հետո Դիմողը, Լիցենզիա ստանալու համար, սույն Կարգի 3.1 կետով սահմանված կարգով կրկին կարող է դիմել Հանձնաժողով:

3.11. Լիցենզիա տալը մերժելու մասին Հանձնաժողովի որոշումը չի կարող ազդեցություն ունենալ Դիմողի` Լիցենզիա ստանալու հաջորդ դիմումների քննարկման վրա:

3.12. Լիցենզիայից զրկված Անձը, Լիցենզիա ստանալու համար անհրաժեշտ պայմանները բավարարելու դեպքում, իրավունք ունի ընդհանուր հիմունքներով դիմել Հանձնաժողով` նոր Լիցենզիա ստանալու համար:

3.13. Կառուցման կամ արտադրական շինարարության Լիցենզիայի պայմանների բավարարման դեպքում, կառուցման (շինարարության) ավարտից հետո Հանձնաժողովը կառուցումը (շինարարությունը) նախաձեռնող անձին պարզեցված ընթացակարգով (գործունեության Լիցենզիա ստանալու մասին դիմումի, կառուցման (շինարարության) Լիցենզիա ստանալիս և կառուցման (շինարարության) ընթացքում Հանձնաժողով ներկայացված փաստաթղթերի ու հաշվետվությունների, ինչպես նաև ՀՀ օրենսդրությամբ սահմանված անհրաժեշտ թույլտվությունների հիման վրա` մեկ ամսվա ընթացքում տրամադրում է գործունեության Լիցենզիա:

3.14. Էլեկտրական կայանների կառուցման Լիցենզիայում պարտադիր նշվում է այն սահմանային սակագինը, որի, կամ որից ցածրի դեպքում Հանձնաժողովն երաշխավորում է կառուցվող կայանում արտադրված էլեկտրական էներգիայի, լրիվ կամ մասնակի, պայմանավորված էլեկտրաէներգետիկ համակարգի հուսալի և անվտանգ շահագործման անհրաժեշտությամբ և սպառման կանխատեսվող մեծություններով, ներառումը Հանձնաժողովի կողմից սահմանվող տարեկան քվոտաներում:

4. ԸՆԹԱՑԱԿԱՐԳԱՅԻՆ ՀԱՐՑԵՐ

4.1. Հանձնաժողովում յուրաքանչյուր Լիցենզավորված անձի համար վարվում է հաշվառման գործավարություն և կազմվում անհատական գործ:

4.2. Լիցենզավորված անձի կողմից լիցենզավորված գործունեության դադարեցման կամ նրան Լիցենզիայից զրկման դեպքերում Գործը ենթակա է պահպանման` սահմանված կարգով:

4.3. Լիցենզիայի գործողության կասեցման կամ Լիցենզիայից զրկման դեպքերում Լիցենզիան պարտադիր վերադարձվում է Հանձնաժողով` համապատասխան որոշումն ընդունելուց հետո 5 օրվա ընթացքում:

4.4. Լիցենզիան կասեցնելու կամ Լիցենզիայից զրկելու դեպքում Հանձնաժողովն այդ մասին տեղյակ է պահում Լիցենզավորված անձին և հրապարակում մամուլում:

4.5. Լիցենզիա տալու կամ մերժելու, նրանում փոփոխություններ և լրացումներ կատարելու, կասեցնելու կամ նրանից զրկելու, ինչպես նաև սույն Կարգում փոփոխություններ և լրացումներ կատարելու վերաբերյալ Հանձնաժողովի բոլոր որոշումները ընդունվում են Հանձնաժողովի նիստում` համաձայն սահմանված կարգի:

4.6. Հանձնաժողովում վարվում է Լիցենզավորված անձանց տրված Լիցենզիաների գրանցամատյան (հավելված 1):

4.7. Լիցենզավորման գործընթացին առնչվող Հանձնաժողովի որոշումները և ներկայացված փաստաթղթերը պետք է մատչելի լինեն ցանկացած շահագրգիռ ֆիզիկական կամ իրավաբանական անձի կողմից ծանոթանալու համար, պայմանով, եթե դրանք չեն պարունակում ՀՀ օրենսդրությամբ սահմանված պետական, ծառայողական կամ առևտրային գաղտնիքներ:

5. ՏՈՒՅԺԵՐ, ԼԻՑԵՆԶԻԱՅԻ ԿԱՍԵՑՈՒՄ, ԼԻՑԵՆԶԻԱՅԻՑ ԶՐԿՈՒՄ

5.1. Գործունեության Լիցենզիայի պայմանների պահպանման վերահսկումը իրականացնում է ՀՀ էներգետիկայի հանձնաժողովը` համագործակցելով պետական այլ իրավասու մարմինների հետ:

5.2. Լիցենզիայի պայմանները չկատարելու, ոչ պատշաճ կատարելու կամ խախտելու դեպքում, ղեկավարվելով Հայաստանի Հանրապետության «Էներգետիկայի մասին» օրենքի 27-րդ հոդվածով, Հանձնաժողովը իրավասու է կիրառել հետևյալ տույժերը.

ա) նախազգուշացում և խախտումները վերացնելու հանձնարարականներ

բ) Լիցենզիայի կասեցում

գ) Լիցենզիայից զրկում:

Նշված տույժերի կիրառման կարգը սահմանում է Հանձնաժողովը: Օրենսդրությամբ սահմանված կարգով Հանձնաժողովը կարող է տուգանել Լիցենզիա ունեցող անձանց:

5.3. Լիցենզավորված անձին Լիցենզիայից զրկելու դեպքում Հանձնաժողովը և Անձը ղեկավարվում են «Էներգետիկայի մասին» ՀՀ օրենքի 37 հոդվածով և ՀՀ օրենսդրությամբ:

5.4. Լիցենզիայի գործողությունը կարող է դադարեցվել Լիցենզավորված անձի նախաձեռնությամբ` նրա գրավոր դիմումի հիման վրա: Մինչև Լիցենզիայի կասեցման կամ զրկման մասին Հանձնաժողովի համապատասխան որոշում կայացնելը, Լիցենզավորված անձը պարտավոր է շարունակել իրականացնել գործունեությունը` համաձայն Լիցենզիայի պայմանների:

5.5. Լիցենզավորված անձը չի ենթարկվում պատասխանատվության` սույն Կարգի 5.2 կետով սահմանված կարգով, եթե նրա գործունեության մեջ արձանագրված խախտումները ֆորս մաժորային հանգամանքների հետևանք են:

6. ՎԵՃԵՐ

Սույն Կարգի կիրառման հետ առնչվող վեճերը լուծվում են օրենսդրությամբ սահմանված կարգով:

Հավելված 1

Գ Ր Ա Ն Ց Ա Մ Ա Տ Յ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԳՈՐԾՈՒՆԵՈՒԹՅԱՆ ԼԻՑԵՆԶԻԱՆԵՐԻ

Հավելված 2

ԼԻՑԵՆԶԻԱՅԻ ՍՏԱՑՄԱՆ ԿՏՐՈՆ

Որոշում N                                                ____ ___________ 199 թ.___
Գրանցման ամսաթիվը                                    ______________________________
Գրանցման համարը                                      ______________________________ 
Լիցենզավորված գործունեության տեսակը                  ______________________________
 ________________________________________________________________
 


Տրված է   __________________________________________________________ 
                                               (Լիցենզավորված անձի անվանումը, հասցեն, հեռախոսը 
_________________________________________________________________ 
                                                   հեռատիպը, ֆաքսը, էլեկտրոնային փոստը)
_________________________________________________________________ 
(Լիցենզիա ստացող Անձի ազգանունը, անունը, անձնագրի կամ այն
_________________________________________________________________ 
փոխարինող փաստաթղթի սերիան և համարը, ում կողմից և երբ է տրված)
_________________________________________________________________
_________________________________________________________________
 (Լիցենզիա ստանալու լիազորագրի համարը և ամսաթիվը)

Հավելված` Լիցենզիա ստանալու լիազորագիրը 
_________________________________________________________________ 
(լիազորագիր տվողի ազգանունը, անունը, աշխատանքի վայրը և պաշտոնը)
_________________________________________________________________ 

_____________                                            ____  _____________
          (ամսաթիվ)                                              (ստորագրություն)

Հավելված 3

Հավելված 4

Ց Ա Ն Կ

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԻ

Հավելված 5

Ի ԳԻՏՈՒԹՅՈՒՆ ՀԱՍԱՐԱԿՈՒԹՅԱՆ

Էներգետիկայի բնագավառում էլեկտրական կայանների կառուցման, էլեկտրաէներգետիկայի, ջերմաէներգետիկայի եվ բնական գազի ոլորտներում արտադրական շինարարության լիցենզիա ստանալու համար ՀՀ էներգետիկայի հանձնաժողով ներկայացվող

«ԿԱՌՈՒՑՄԱՆ (ՇԻՆԱՐԱՐՈՒԹՅԱՆ) ՏԵԽՆԻԿԱՏՆՏԵՍԱԿԱՆ ՀԻՄՆԱՎՈՐՈՒՄ»

ՓԱՍՏԱԹՂԹԻ ԿԱԶՄՈՒՄԸ ԵՎ ԲՈՎԱՆԴԱԿՈՒԹՅՈՒՆԸ

                 «Հաստատում եմ`»
_____________________________ 
Ընկերության կանոնադրությամբ սահմանված`
 կառավարման իրավասու մարմնի ղեկավար`
_________________   ___________
              ստորագրություն          անուն, ազգանուն 
____ ___________ 199 թ. 
               
                       Կ.Տ.

ՏԵԽՆԻԿԱՏՆՏԵՍԱԿԱՆ ՀԻՄՆԱՎՈՐՈՒՄ

1. ՆԵՐԱԾՈՒԹՅՈՒՆ

1.1. Կառուցման (շինարարության) նպատակը և սպասվող տնտեսական, սոցիալական և առևտրային արդյունքը:

1.2. Տեխնիկատնտեսական հիմնավորման մշակման ժամանակ օգտագործված փաստաթղթերի, հետազոտությունների արդյունքների, տեղեկատվական նյութերի ցանկը:

1.3. Կառուցվող օբյեկտի ընդհանուր բնութագիրը և տեխնիկատնտեսական ամփոփ ցուցանիշները:

1.4. Տեղեկություններ շինմոնտաժային ծառայությունների շուկայի և հիմնական սարքավորումները արտադրողների (առաքողների) մասին:

2. ՇՈՒԿԱՅԻ ՈՒՍՈՒՄՆԱՍԻՐՈՒԹՅՈՒՆ

2.1. Արտադրանքի (ծառայության) իրացման հնարավորությունները և արտադրական ծրագիրը (հավելված 1):

3. ՀԻՄՆԱԿԱՆ ՏԵԽՆՈԼՈԳԻԱԿԱՆ ԼՈՒԾՈՒՄՆԵՐ

3.1. Արտադրության (ծառայության) տեխնոլոգիայի և հիմնական տեխնոլոգիական սարքավորումների ընտրության հիմնավորումը:

3.2. Արտադրության (ծառայության) արտադրատեխնոլոգիական և կազմակերպական կառուցվածքը:

4. ՕԲՅԵԿՏԻ ԱՊԱՀՈՎՈՒՄԸ ԱՆՀՐԱԺԵՇՏ ՆՅՈՒԹԵՐՈՎ ԵՎ ՀՈՒՄՔՈՎ¹

4.1. Հումքի, նյութերի, վառելիքի, էլեկտրական և ջերմային էներգիայի, կիսաֆաբրիկատների և այլնի տարեկան պահանջարկը, ձեռքբերման աղբյուրները և մատակարարումների հուսալիության գնահատականը:

5. ՕԲՅԵԿՏԻ ԿԱՌՈՒՑՄԱՆ (ՇԻՆԱՐԱՐՈՒԹՅԱՆ) ՏԱՐԱԾՔԸ²

5.1. Օբյեկտի տեղաբաշխման հիմնավորումը:

5.2. Քարտեզագրական և այլ նյութեր, այդ թվում կառուցվող օբյեկտի տեղաբաշխման սխեման, որի վրա նշված են տրանսպորտային հաղորդակցումների և ինժեներական ցանցերին միացման կետերը, օբյեկտի գլխավոր հատակագիծը:

6. ՀԻՄՆԱԿԱՆ ՇԻՆԱՐԱՐԱԿԱՆ ԼՈՒԾՈՒՄՆԵՐ

6.1. Օբյեկտի շինությունների և կառույցների հիմնական բնութագրերը:

6.2. Կառուցման (շինարարության) ժամանակացույցը:

6.3. Նախնական լուծումներ օբյեկտի էներգամատակարարման (սնման), ջրամատակարարման, կոյուղու և այլնի վերաբերյալ:

7. ՇՐՋԱԿԱ ՄԻՋԱՎԱՅՐԻ ՎՐԱ ՕԲՅԵԿՏԻ ԱԶԴԵՑՈՒԹՅԱՆ ԳՆԱՀԱՏՈՒՄԸ³

7.1. Օբյեկտի ազդեցությունը շրջակա միջավայրի վրա:

7.2. Նախնական բնապահպանական լուծումներ:

8. ԿԱԴՐԵՐ

8.1. Աշխատակազմի թվաքանակն ըստ կատեգորիաների:

8.2. Նկատառումներ կադրերի հավաքագրման և պատրաստման վերաբերյալ

9. ՆԵՐԴՐՈՒՄՆԵՐԻ ԱՐԴՅՈՒՆԱՎԵՏՈՒԹՅՈՒՆԸ

9.1. Ներդրումների արդյունավետության գնահատումը կատարվում է հաշվի առնելով`

- կառուցման (շինարարության) արժեքը,

- ֆինանսավորման հնարավոր աղբյուրները և ֆինանսավորման պայմանները,

- հիմնական արտադրանքի ինքնարժեքը,

- գործունեության հիմնական ցուցանիշների հնարավոր փոփոխությունը հաշվարկային ժամանակաշրջանում,

- ներդրումների ռիսկի գնահատականը,

- օբյեկտի նախագծման, կառուցման (շինարարության) և նախագծային հզորությամբ գործարկման ժամկետները,

9.2. Ներդրումների արդյունավետությունը հիմնավորող տեղեկատվություն`

● ներդրումների կառուցվածքի մասին (հավելված 2)

● վարկերի կամ այլ փոխառությունների մասին (հավելված 3)

● եկամուտների հաշվետվության մասին (հավելված 4)

● դրամական միջոցների հոսքերի հաշվետվություն (հավելված 5):

10. ԵԶՐԱԿԱՑՈՒԹՅՈՒՆՆԵՐ

10.1. Կառուցման (շինարարության) տնտեսական անհրաժեշտությունը և առևտրային, տնտեսագիտական ու սոցիալական նպատակահարմարությունը:

10.2. Կառուցման (շինարարության) իրականացման տեխնիկական հնարավորությունները:

10.3. Նկատառումներ օբյեկտի նախագծման, կառուցման (շինարարության), թողարկման և շահագործման վերաբերյալ:

10.4. Նախագծման և անհրաժեշտ հետազոտությունների կատարման, ներդրումների իրականացման ժամանակացույցը:

10.5. Կառուցման (շինարարության) հիմնական տեխնիկատնտեսական և ֆինանսական ցուցանիշները (ամփոփ):

_________________

¹  ՀԷԿ-երի կառուցման դեպքում սույն փաստաթղթին կցվում է նաև ջրօգտագործման թույլտվությունը:

² Սույն փաստաթղթին կցվում է տարածքային կառավարման կամ տեղական ինքնակառավարման մարմնի համաձայնությունը հողահատկացման վերաբերյալ:

³ Սույն փաստաթղթին կցվում է բնապահպանական մարմինների եզրակացությունը:

Հավելված 1

ՁԵՌՆԱՐԿՈՒԹՅԱՆ (ԸՆԿԵՐՈՒԹՅԱՆ) ԱՆՎԱՆՈՒՄը

ԱՐՏԱԴՐԱԿԱՆ ԾՐԱԳԻՐ

Հավելված 2

ՁԵՌՆԱՐԿՈՒԹՅԱՆ (ԸՆԿԵՐՈՒԹՅԱՆ) ԱՆՎԱՆՈՒՄը

ՆԵՐԴՐՈՒՄՆԵՐԻ ԿԱՌՈՒՑՎԱԾՔԸ
(հազ. դրամ)

Հավելված 3

ՁԵՌՆԱՐԿՈՒԹՅԱՆ (ԸՆԿԵՐՈՒԹՅԱՆ) ԱՆՎԱՆՈՒՄը

 ՏԵՂԵԿԱՏՎՈՒԹՅՈՒՆ ՎԱՐԿԵՐԻ ԿԱՄ ԱՅԼ ՓՈԽԱՌՈՒԹՅՈՒՆՆԵՐԻ ՄԱՍԻՆ

Հավելված 4

ՁԵՌՆԱՐԿՈՒԹՅԱՆ (ԸՆԿԵՐՈՒԹՅԱՆ) ԱՆՎԱՆՈՒՄը

 ԵԿԱՄՈՒՏՆԵՐԻ ՀԱՇՎԵՏՎՈՒԹՅՈՒՆ
(հազ. դրամ)

* - բոլոր ցուցանիշները արտացոլվում են առանց ԱԱՀ-ի

Հավելված 5

ՁԵՌՆԱՐԿՈՒԹՅԱՆ (ԸՆԿԵՐՈՒԹՅԱՆ) ԱՆՎԱՆՈՒՄը

ԴՐԱՄԱԿԱՆ ՄԻՋՈՑՆԵՐԻ ՀՈՍՔԵՐԻ ՀԱՇՎԵՏՎՈՒԹՅՈՒՆ

* Սույն տողերում արտացոլված գումարները չեն հանդիսանում դրամական հոսքեր

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԷԼԵԿՏՐԱԿԱՆ ԵՎ ՋԵՐՄԱՅԻՆ ԷՆԵՐԳԻԱՅԻ ԱՐՏԱԴՐՈՒԹՅԱՆ, ՀԱՂՈՐԴՄԱՆ ՈՒ ԲԱՇԽՄԱՆ, ԲՆԱԿԱՆ ԳԱԶԻ ՓՈԽԱԴՐՄԱՆ ԵՎ ԲԱՇԽՄԱՆ ԼԻՑԵՆԶԻԱ ՍՏԱՆԱԼՈՒ ՀԱՄԱՐ ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ ՆԵՐԿԱՅԱՑՎՈՂ

«ԳՈՐԾՈՒՆԵՈՒԹՅԱՆ ՏԵԽՆԻԿԱՏՆՏԵՍԱԿԱՆ ԲՆՈՒԹԱԳՐԵՐԸ»

ՓԱՍՏԱԹՂԹԻ ԿԱԶՄԸ ԵՎ ԲՈՎԱՆԴԱԿՈՒԹՅՈՒՆԸ

ՏԵԽՆԻԿԱՏՆՏԵՍԱԿԱՆ ԲՆՈՒԹԱԳՐԵՐԸ

1. ԼԻՑԵՆԶԱՎՈՐՎՈՂ ԳՈՐԾՈՒՆԵՈՒԹՅԱՆ ԸՆԴՀԱՆՈՒՐ ՆԿԱՐԱԳՐՈՒԹՅՈՒՆԸ

1.1. Լիցենզավորվող գործունեության նկարագրությունը:

1.2. Այլ գործունեության համառոտ նկարագրությունը:

2. ՏԵԽՆԻԿԱԿԱՆ ԲՆՈՒԹԱԳՐԵՐԸ

2.1. Արտադրության (ծառայության) դրվածքային հզորությունը (թողունակությունը) և հիմնական տեղակայանքների և սարքավորումների քանակությունը, տեխնիկական բնութագրերը, գործարկման և վերջին հիմնական նորոգման (փոխարինման) տարեթվերը (բաշխման ցանցերի համար լրացուցիչ` սպառողների թվաքանակը` ըստ խմբերի և սպառման ոլորտների):

2.2. Արտադրության (ծառայության) սկզբունքային տեխնոլոգիական ուրվակը (բաշխող ցանցերի համար` տեխնոլոգիական ուրվակներն ըստ տարածքային մասնաճյուղերի):

2.3. Համառոտ տեղեկություններ շենքերի, շինությունների, կառույցների*, բաց տարածքների մասին:

2.4. Ընկերության տեղակայման վայրը **:

2.5. Տեղագրական քարտեզները` ըստ մասնաճյուղերի սպասարկման տարածքների (միայն բաշխողների համար):

2.6. Չշահագործվող հիմնական տեղակայանքների և սարքավորումների համառոտ բնութագրերը:

2.7. Տեղեկություն բնապահպանական հիմնահարցերի և նրանց լուծմանն ուղղված միջոցառումների մասին:

2.8. Շահագործման համար անհրաժեշտ սարքավորումներով, տրանսպորտային միջոցներով ու մեխանիզմներով զինվածության աստիճանը:

2.9. Վիճակագրական տվյալներ վերջին 10 տարիների համար (ըստ տարիների):

- արտադրության (ծառայության) ծավալները, տեխնոլոգիական կորուստները, սեփական կարիքների համար ծախսը, օգտակար առաքումը (ՀԷԿ-ի համար լրացուցիչ` օգտագործված ջրի քանակությունը, գազի փոխադրման գործունեության համար լրացուցիչ` ԳՍՊԿ-ում պահեստավորված գազի ծավալը),

- վառելիքի տեսակարար ծախսը (միայն ՋԷԿ-ի, ջերմային կայանների և գազի փոխադրման գործունեության (ԳՍՊԿ) համար),

- աշխատակազմի թվաքանակը (արտադրական աշխատակազմի թվաքանակը` առանձին տողով):
_____________________

* ՀԷԿ-ի համար լրացուցիչ տեղեկություն հիդրոտեխնիկական կառույցների (պատվար, դերիվացիոն ջրանցք, ճնշման օրական կարգավորման ավազաններ, խողովակաշարեր), ջրամատակարարման աղբյուրի, ջրառի տարեկան առավելագույն և նվազագույն քանակությունների մասին:

** Արտադրողների համար լրացուցիչ` գլխավոր հատակագիծը:

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԷԼԵԿՏՐԱԿԱՆ ԵՎ ՋԵՐՄԱՅԻՆ ԷՆԵՐԳԻԱՅԻ ԱՐՏԱԴՐՈՒԹՅԱՆ, ՀԱՂՈՐԴՄԱՆ ԵՎ ԲԱՇԽՄԱՆ, ԲՆԱԿԱՆ ԳԱԶԻ ՓՈԽԱԴՐՄԱՆ ԵՎ ԲԱՇԽՄԱՆ, ԷԼԵԿՏՐԱԿԱՆ ԿԱՅԱՆՆԵՐԻ ԿԱՌՈՒՑՄԱՆ, ԷԼԵԿՏՐԱԷՆԵՐԳԵՏԻԿԱՅԻ, ՋԵՐՄԱԷՆԵՐԳԵՏԻԿԱՅԻ ԵՎ ԲՆԱԿԱՆ ԳԱԶԻ ՈԼՈՐՏՆԵՐՈՒՄ ԱՐՏԱԴՐԱԿԱՆ ՇԻՆԱՐԱՐՈՒԹՅԱՆ ԼԻՑԵՆԶԻԱ ՍՏԱՆԱԼՈՒ ՀԱՄԱՐ ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ ՆԵՐԿԱՅԱՑՎՈՂ «ՏԵՂԵԿՈՒԹՅՈՒՆՆԵՐ ԲԱԺՆԵՏԵՐԵՐԻ ԵՎ ԲԱԺՆԵՏՈՄՍԵՐԻ ՄԱՍԻՆ» ՓԱՍՏԱԹՂԹԻ ՕՐԻՆԱԿԵԼԻ ՁԵՎԸ

ՏԵՂԵԿՈՒԹՅՈՒՆՆԵՐ ԲԱԺՆԵՏԵՐԵՐԻ ԵՎ ԲԱԺՆԵՏՈՄՍԵՐԻ ՄԱՍԻՆ

ա) Տեղեկություններ բաժնետերերի մասին

բ) Տեղեկություններ բաժնետոմսերի մասին

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԷԼԵԿՏՐԱԿԱՆ ԵՎ ՋԵՐՄԱՅԻՆ ԷՆԵՐԳԻԱՅԻ ՈՒ ԲՆԱԿԱՆ ԳԱԶԻ ԲԱՇԽՄԱՆ ԼԻՑԵՆԶԻԱ ՍՏԱՆԱԼՈՒ ՀԱՄԱՐ ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ ՆԵՐԿԱՅԱՑՎՈՂ

«ԼԻՑԵՆԶԱՎՈՐՎՈՂ ԳՈՐԾՈՒՆԵՈՒԹՅԱՆ ԱՇԽԱՐՀԱԳՐԱԿԱՆ ՏԱՐԱԾՔԸ»

ՓԱՍՏԱԹՂԹԻ ԿԱԶՄԸ ԵՎ ԲՈՎԱՆԴԱԿՈՒԹՅՈՒՆԸ

ԱՇԽԱՐՀԱԳՐԱԿԱՆ ՏԱՐԱԾՔԸ

1. Լիցենզավորվող գործունեության տարածքի (սպասարկման տարածքի) անվանումը և համառոտ նկարագրությունը:

2. Լիցենզավորվող գործունեության տարածքը (սպասարկման տարածքը) ՀՀ մարզային բաժանման կամ կոնկրետ մարզի քարտեզի (քարտեզի պատճենի) վրա (չափացույցը ցանկացած` 1 : 20000-ից մինչև 1 : 5000 տիրույթում):

3. Լիցենզավորվող գործունեության տարածքի (սպասարկման տարածքի) առանձնահատկությունները, այդ թվում տարածքի որոշ գոտիներում բաշխում իրականացնող այլ տնտեսավարող սուբյեկտների առկայությունը և նրանց հետ պայմանական սահմանի և սահմանազատման կետերի նկարագրությունը:

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԷԼԵԿՏՐԱԿԱՆ ԵՎ ՋԵՐՄԱՅԻՆ ԷՆԵՐԳԻԱՅԻ ԱՐՏԱԴՐՈՒԹՅԱՆ, ՀԱՂՈՐԴՄԱՆ ԵՎ ԲԱՇԽՄԱՆ, ԲՆԱԿԱՆ ԳԱԶԻ ՓՈԽԱԴՐՄԱՆ ԵՎ ԲԱՇԽՄԱՆ ԼԻՑԵՆԶԻԱ ՍՏԱՆԱԼՈՒ ՀԱՄԱՐ ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ ՆԵՐԿԱՅԱՑՎՈՂ «ՎԱՐՁԱԿԱԼՈՒԹՅԱՄԲ ՎԵՐՑՎԱԾ ՏԵԽՆՈԼՈԳԻԱԿԱՆ ԵՎ ՕԺԱՆԴԱԿ ՍԱՐՔԱՎՈՐՈՒՄՆԵՐԻ, ՏՐԱՆՍՊՈՐՏԱՅԻՆ ՄԻՋՈՑՆԵՐԻ, ՄԵԽԱՆԻԶՄՆԵՐԻ, ՀԱՍՏՈՑՆԵՐԻ, ՇԵՆՔԵՐԻ, ՇԻՆՈՒԹՅՈՒՆՆԵՐԻ, ԿԱՌՈՒՅՑՆԵՐԻ, ԲԱՑ ՏԱՐԱԾՔՆԵՐԻ ՑԱՆԿԸ» ՓԱՍՏԱԹՂԹԻ ՕՐԻՆԱԿԵԼԻ ՁԵՎԸ

ՎԱՐՁԱԿԱԼՈՒԹՅԱՆ ՎԵՐՑՎԱԾ ՏԵԽՆՈԼՈԳԻԱԿԱՆ ԵՎ ՕԺԱՆԴԱԿ ՍԱՐՔԱՎՈՐՈՒՄՆԵՐԻ, ՏՐԱՆՍՊՈՐՏԱՅԻՆ ՄԻՋՈՑՆԵՐԻ, ՄԵԽԱՆԻԶՄՆԵՐԻ, ՀԱՍՏՈՑՆԵՐԻ, ՇԵՆՔԵՐԻ, ՇԻՆՈՒԹՅՈՒՆՆԵՐԻ, ԿԱՌՈՒՅՑՆԵՐԻ, ԲԱՑ ՏԱՐԱԾՔՆԵՐԻ ՑԱՆԿԸ

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԷԼԵԿՏՐԱԿԱՆ ԵՎ ՋԵՐՄԱՅԻՆ ԷՆԵՐԳԻԱՅԻ ԱՐՏԱԴՐՈՒԹՅԱՆ, ՀԱՂՈՐԴՄԱՆ ԵՎ ԲԱՇԽՄԱՆ, ԲՆԱԿԱՆ ԳԱԶԻ ՓՈԽԱԴՐՄԱՆ ԵՎ ԲԱՇԽՄԱՆ ԼԻՑԵՆԶԻԱ ՍՏԱՆԱԼՈՒ ՀԱՄԱՐ ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ ՆԵՐԿԱՅԱՑՎՈՂ ԸՆԿԵՐՈՒԹՅԱՆ ՍԵՓԱԿԱՆՈՒԹՅՈՒՆԸ ՀԱՆԴԻՍԱՑՈՂ «ՀԻՄՆԱԿԱՆ ՄԻՋՈՑՆԵՐԻ` ՏԵԽՆՈԼՈԳԻԱԿԱՆ ԵՎ ՕԺԱՆԴԱԿ ՍԱՐՔԱՎՈՐՈՒՄՆԵՐԻ, ՏՐԱՆՍՊՈՐՏԱՅԻՆ ՄԻՋՈՑՆԵՐԻ, ՄԵԽԱՆԻԶՄՆԵՐԻ, ՀԱՍՏՈՑՆԵՐԻ, ՇԵՆՔԵՐԻ, ՇԻՆՈՒԹՅՈՒՆՆԵՐԻ, ԿԱՌՈՒՅՑՆԵՐԻ, ԲԱՑ ՏԱՐԱԾՔՆԵՐԻ ՑԱՆԿԸ» ՓԱՍՏԱԹՂԹԵՐԻ ՕՐԻՆԱԿԵԼԻ ՁԵՎԸ

ՀԻՄՆԱԿԱՆ ՄԻՋՈՑՆԵՐԻ` ՏԵԽՆՈԼՈԳԻԱԿԱՆ ԵՎ ՕԺԱՆԴԱԿ ՍԱՐՔԱՎՈՐՈՒՄՆԵՐԻ, ՏՐԱՆՍՊՈՐՏԱՅԻՆ ՄԻՋՈՑՆԵՐԻ, ՄԵԽԱՆԻԶՄՆԵՐԻ, ՀԱՍՏՈՑՆԵՐԻ, ՇԵՆՔԵՐԻ, ՇԻՆՈՒԹՅՈՒՆՆԵՐԻ, ԿԱՌՈՒՅՑՆԵՐԻ, ԲԱՑ ՏԱՐԱԾՔՆԵՐԻ ՑԱՆԿԸ

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԷԼԵԿՏՐԱԿԱՆ ԵՎ ՋԵՐՄԱՅԻՆ ԷՆԵՐԳԻԱՅԻ ԱՐՏԱԴՐՈՒԹՅԱՆ, ՀԱՂՈՐԴՄԱՆ ԵՎ ԲԱՇԽՄԱՆ, ԲՆԱԿԱՆ ԳԱԶԻ ՓՈԽԱԴՐՄԱՆ ԵՎ ԲԱՇԽՄԱՆ ԼԻՑԵՆԶԻԱ ՍՏԱՆԱԼՈՒ ՀԱՄԱՐ ՀՀ ԷՆԵՐԳԵՏԻԿԱՅԻ ՀԱՆՁՆԱԺՈՂՈՎ ՆԵՐԿԱՅԱՑՎՈՂ «ՎԱՐՁԱԿԱԼՈՒԹՅԱՆ ՏՐՎԱԾ ՏԵԽՆՈԼՈԳԻԱԿԱՆ ԵՎ ՕԺԱՆԴԱԿ ՍԱՐՔԱՎՈՐՈՒՄՆԵՐԻ, ՏՐԱՆՍՊՈՐՏԱՅԻՆ ՄԻՋՈՑՆԵՐԻ, ՄԵԽԱՆԻԶՄՆԵՐԻ, ՀԱՍՏՈՑՆԵՐԻ, ՇԵՆՔԵՐԻ, ՇԻՆՈՒԹՅՈՒՆՆԵՐԻ, ԿԱՌՈՒՅՑՆԵՐԻ, ԲԱՑ ՏԱՐԱԾՔՆԵՐԻ ՑԱՆԿԸ» ՓԱՍՏԱԹՂԹԻ ՕՐԻՆԱԿԵԼԻ ՁԵՎԸ

ՎԱՐՁԱԿԱԼՈՒԹՅԱՆ ՎԵՐՑՎԱԾ ՏԵԽՆՈԼՈԳԻԱԿԱՆ ԵՎ ՕԺԱՆԴԱԿ ՍԱՐՔԱՎՈՐՈՒՄՆԵՐԻ, ՏՐԱՆՍՊՈՐՏԱՅԻՆ ՄԻՋՈՑՆԵՐԻ, ՄԵԽԱՆԻԶՄՆԵՐԻ, ՀԱՍՏՈՑՆԵՐԻ, ՇԵՆՔԵՐԻ, ՇԻՆՈՒԹՅՈՒՆՆԵՐԻ, ԿԱՌՈՒՅՑՆԵՐԻ, ԲԱՑ ՏԱՐԱԾՔՆԵՐԻ ՑԱՆԿԸ

Կ Ա Ր Գ

ԷՆԵՐԳԵՏԻԿԱՅԻ ԲՆԱԳԱՎԱՌՈՒՄ ԳՈՐԾՈՒՆԵՈՒԹՅԱՆ ԼԻՑԵՆԶԻԱ ՍՏԱՆԱԼՈՒ ՀԱՄԱՐ ԱՆՀՐԱԺԵՇՏ ՖԻՆԱՆՍԱԿԱՆ ԵՐԱՇԽԻՔՆԵՐԻ ՆԵՐԿԱՅԱՑՄԱՆ

ԸՆԴՀԱՆՈՒՐ ԴՐՈՒՅԹՆԵՐ

Սույն կարգը կանոնակարգում է էներգետիկայի բնագավառում էլեկտրակայանների կառուցում և արտադրական շինարարություն իրականացնող ընկերությունների կողմից Հայաստանի Հանրապետության էներգետիկայի հանձնաժողով (այսուհետև` հանձնաժողով) ֆինանսական երաշխիքների ներկայացման ընթացակարգը և ձևը:

1. Լիցենզավորվող անձինք հանձնաժողով են ներկայացնում սույն կարգով «Էներգետիկայի մասին» ՀՀ օրենքի 36 հոդվածով սահմանված լիցենզիայի պայմաններին համապատասխան լիցենզավորվող գործունեություն իրականացնելու ֆինանսական երաշխիքներ:

2. Ֆինանսական երաշխիք է համարվում սույն կարգին համապատասխան հաշվարկված և ձևակերպված որոշակի գումար, որը ներկայացվում է էներգետիկայի բնագավառում արտադրական շինարարության (կառուցման) լիցենզիա ստանալու հայտով էներգետիկայի հանձնաժողով դիմած անձի կողմից ի վկայություն` լիցենզիայի պայմանների պահպանման պատրաստակամության և ունակության:

3. Լիցենզավորվող անձանց համար ֆինանսական երաշխիքների հաշվարկման բազա է սահմանվում կառուցման (արտադրական շինարարության) նախագծային արժեքը` ելնելով տեխնիկատնտեսական հիմնավորումից:

4. Ֆինանսական երաշխիքների մեծությունը սահմանվում է նախագծային արժեքի 1 (մեկ) տոկոսի չափով, բայց ոչ ավելի, քան 100.000 ամերիկյան դոլար կամ համարժեք դրամ, կամ որևէ այլ ազատ փոխարկելի արտարժույթ:

5. Սույն կարգով հաշվարկված ֆինանսական երաշխիքի չափով լիցենզավորված անձը գումարները կանխիկ կամ ոչ կանխիկ մուտքագրում է ՀՀ կենտրոնական բանկի կամ, հանձնաժողովի հետ համաձայնեցված, մեկ այլ հեղինակավոր բանկի դեպոզիտային հատուկ հաշվին, և վճարման անդորրագիրը դեպոզիտային պայմանագրի հետ մեկտեղ ներկայացվում է հանձնաժողով:

6. Դեպոզիտային պայմանագրում պարտադիր նշվում են`

ա) Բանկի և լիցենզավորված անձի պարտավորությունները` առանց հանձնաժողովի որոշման և գրավոր թույլտվության նշված դեպոզիտային հաշվեհամարի գումարները չնվազեցնել:

բ) Բանկը պարտավորվում է, հանձնաժողովի որոշման հիման վրա, որոշման մեջ նշված ժամկետում լիցենզիայի պայմանները չկատարելու կամ ոչ պատշաճ կատարելու դեպքում ֆինանսական երաշխիքները փոխանցել ՀՀ պետական բյուջե` որպես ֆինանսական տույժ:

գ) Մուտքագրված գումարների և հետագա փոխանցումների համար պատասխանատու և երաշխավորող է համարվում տվյալ բանկը:

դ) Դեպոզիտի ժամկետը պետք է համընկնի գործունեության լիցենզիայի ժամկետի հետ:

7. Նշված պայմանագիրը և անդորրագիրը կարող են ներկայացվել հանձնաժողով` լիցենզիա տրամադրելու մասին հանձնաժողովի որոշումը ընդունելուց հետո, բայց 10 օրվանից ոչ ուշ:

8. Որոշումն ընդունելուց հետո, մինչև նշված պայմանագրի և անդորրագրի հանձնաժողով ներկայացնելը, լիցենզավորվող անձը հանդես է գալիս հանձնաժողովի կողմից հաստատված «Էներգետիկայի բնագավառում գործունեության լիցենզավորման կարգով» սահմանված դիմողի կարգավիճակով և համապատասխան լիցենզիան հանձնաժողովում չի գրանցվում:

9. Եթե կառուցման (շինարարության) ընթացքում պարզվում է, որ կառուցման (շինարարության) փաստացի արժեքը էապես տարբերվում է նախագծային արժեքից, ապա լիցենզավորված անձը այդ մասին պարտավոր է տեղյակ պահել հանձնաժողովին: Նշված դեպքերում հանձնաժողովը իրավասու է ընդունել համապատասխան որոշում, այդ թվում ֆինանսական երաշխիքի չափի փոփոխման մասին:

10. Դեպոզիտային հաշվում պահպանվող գումարին հավելվող տոկոսներից առաջացող գումարը ազատ տնօրինվում է լիցենզավորված անձի կողմից և, համաձայն պայմանագրի, ֆինանսական երաշխիք չի համարվում:

11. Լիցենզիայի պայմանները լիովին և սահմանված ժամկետներում կամ վաղաժամկետ կատարելու դեպքում հանձնաժողովը, լիցենզավորվող անձի դիմումի համաձայն, կայացնում է որոշում` ֆինանսական երաշխիքը լիցենզավորվող անձին վերադարձնելու թույլտվության մասին:

12. Այն դեպքերում, երբ լիցենզիայի պայմանները օբյեկտիվ պատճառներով լիցենզիայով սահմանված ժամկետներում կարող են չկատարվել, և լիցենզիայի պայմանների պատշաճ կատարման համար անհրաժեշտ է ֆինանսական երաշխիքի գումարը, հանձնաժողովը, որպես բացառիկ միջոց, նախահաշվով նախատեսված աշխատանքների ծավալի առնվազն 50 տոկոսի կատարման դեպքում, համաձայն լիցենզավորված անձի դիմումի, լիցենզավորված գործունեությունն իրականացնելու նպատակով, կարող է ընդունել որոշում` ֆինանսական երաշխիքը վաղաժամկետ վերադարձնելու մասին:

13. Սույն կարգով սահմանված ֆինանսական երաշխիք չի պահանջվում, եթե գործունեության լիցենզիա ստանալու համար լիցենզավորվող անձի կողմից հանձնաժողով է ներկայացվել ՀՀ կառավարության կողմից տրված բյուջետային երաշխավորագիր:

14. Գործունեության լիցենզիա ստանալու համար որպես ֆինանսական երաշխիք կարող է համարվել նաև որևէ հեղինակավոր բանկի, ներդրումային հիմնադրամի, ապահովագրական կամ այլ ֆինանսական կազմակերպության կողմից տրված երաշխավորագիր` միջազգային պրակտիկայում ընդունված ձևակերպմամբ, և որով երաշխավորողը պարտավորվում է լիցենզավորվող անձի կողմից լիցենզիայի պայմանները չկատարելու կամ ոչ պատշաճ կատարելու դեպքում սույն կարգին համապատասխան հաշվարկված գումարը էներգետիկայի հանձնաժողովի որոշման հիման վրա փոխանցել ՀՀ պետական բյուջե` որպես ֆինանսական տույժ:

Նշված դեպքերում հանձնաժողովը մանրակրկիտ ուսումնասիրում է հարցը և քննարկում նիստում` ընդունելով երաշխավորագիրը որպես ֆինանսական երաշխիք ընդունելու կամ մերժելու մասին մասնավոր որոշում: