ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
13 նոյեմբերի 2008 թվականի N 1293-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ՀՈՒԼԻՍԻ 12-Ի N 825-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 11-րդ հոդվածի 1-ին կետի «զ» ենթակետով` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2007 թվականի հուլիսի 12-ի «Հայաստանի Հանրապետության սպորտի և երիտասարդության հարցերի նախարարության աշխատակազմ» պետական կառավարչական հիմնարկ ստեղծելու, Հայաստանի Հանրապետության սպորտի և երիտասարդության հարցերի նախարարության կանոնադրությունը և աշխատակազմի կառուցվածքը հաստատելու մասին» N 825-Ն որոշման մեջ կատարել հետևյալ փոփոխությունները`
1) Հայաստանի Հանրապետության սպորտի և երիտասարդության հարցերի նախարարության աշխատակազմի՝
ա. սպորտի պետական քաղաքականության և ծրագրերի մշակման վարչությունը սահմանված կարգով վերակազմակերպել մասսայական սպորտի և ֆիզիկական դաստիարակության քաղաքականության վարչության,
բ. մարզական հերթափոխի և մարզական կազմակերպությունների աշխատանքների համակարգման վարչությունը սահմանված կարգով վերակազմակերպել մարզական կազմակերպությունների և մանկապատանեկան սպորտի քաղաքականության վարչության,
գ. սպորտի զարգացման ծրագրերի վերլուծության և մարզական ֆեդերացիաների հետ համագործակցության վարչությունը սահմանված կարգով վերակազմակերպել սպորտի բարձրագույն նվաճումների քաղաքականության վարչության,
դ. ֆինանսատնտեսագիտական վարչությունը բաժանման ձևով վերակազմակերպել` ստեղծելով ծրագրերի կառավարման վարչություն և հաշվապահական հաշվառման բաժին,
ե. քարտուղարության ու իրավաբանական և միջազգային կապերի բաժինն առանձնացման ձևով վերակազմակերպել` ստեղծելով քարտուղարություն և միջազգային կապերի բաժին.
2) որոշման N 2 հավելվածը շարադրել նոր խմբագրությամբ՝ համաձայն հավելվածի.
3) որոշման 5-րդ կետում «8» թիվը փոխարինել «7» թվով:
2. Սահմանել, որ Հայաստանի Հանրապետության սպորտի և երիտասարդության հարցերի նախարարության աշխատակազմի հաշվապահական հաշվառման բաժինը և միջազգային կապերի բաժինը կարող են ունենալ առնվազն 4-ական հաստիքային միավոր:
3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
|
Հայաստանի Հանրապետության |
Տ. Սարգսյան |
|
2008 թ. նոյեմբերի 18 Երևան |
|
Հավելված ՀՀ կառավարության 2008 թվականի նոյեմբերի 13-ի N 1293-Ն որոշման
«Հավելված ՀՀ կառավարության 2007 թվականի հուլիսի 12-ի N 825-Ն որոշման |
Կ Ա Ռ ՈՒ Ց Վ Ա Ծ Ք
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԱՇԽԱՏԱԿԱԶՄԻ
I. Կառուցվածքային ստորաբաժանումներ
1. Վարչություններ
Մասսայական սպորտի և ֆիզիկական դաստիարակության քաղաքականության վարչություն
Մարզական կազմակերպությունների և մանկապատանեկան սպորտի քաղաքականության վարչություն
Սպորտի բարձրագույն նվաճումների քաղաքականության վարչություն
Երիտասարդական քաղաքականության վարչություն
Ծրագրերի կառավարման վարչություն
2. Քարտուղարություն
3. Բաժիններ
Անձնակազմի կառավարման բաժին
Հաշվապահական հաշվառման բաժին
Միջազգային կապերի բաժին
Տեղեկատվության և հասարակայնության հետ կապերի բաժին»:
|
Հայաստանի Հանրապետության կառավարության աշխատակազմի ղեկավար |
Դ. Սարգսյան |
