ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 մայիսի 1994 թվականի N 206

քաղ. Երևան

ԱՊՀ ԱՆԴԱՄ ՊԵՏՈՒԹՅՈՒՆՆԵՐՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԱՇԽԱՏՈՂՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՄԱՍԻՆ

ԱՊՀ անդամ պետություններում Հայաստանի Հանրապետության դիվանագիտական ներկայացուցչությունների աշխատողների աշխատանքի վարձատրության կարգավորման նպատակով Հայաստանի Հանրապետության կառավարությունը որոշում է`

1. Սահմանել Ուկրաինայում, Բելառուսում, Ղազախստանում, Թուրքմենստանում և Վրաստանում Հայաստանի Հանրապետության դեսպանների (ժամանակավոր հավատարմատարների) պաշտոնային դրույքաչափերը` 250 ԱՄՆ-ի դոլարի համարժեքով:

(1-ին կետը խմբ. 04.12.95 N 325)

2. Սահմանել, որ սույն որոշման 1-ին կետում նշված պետություններում Հայաստանի Հանրապետության դիվանագիտական ներկայացուցչությունների մնացած աշխատողների պաշտոնային դրույքաչափերը սահմանվում են համապատասխան դեսպանների (ժամանակավոր հավատարմատարների) պաշտոնային դրույքաչափերի նկատմամբ տոկոսային հարաբերությամբ, համաձայն հավելվածի:

3. Հայաստանի Հանրապետության ֆինանսների նախարարությանը և առաջարկել Հայաստանի Հանրապետության կենտրոնական բանկին` Հայաստանի Հանրապետության արտաքին գործերի նախարարության հետ համատեղ հաստատել բանկային հիմնարկներից դրամական միջոցների ստացման և աշխատավարձի վճարման կարգը:

4. Սույն որոշումը կիրարկել 1994 թվականի մայիսի 1-ից:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ

Հավելված ՀՀ կառավարության 1994 թ. մայիսի 2-ի N 206 որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԴԻՎԱՆԱԳԻՏԱԿԱՆ ՆԵՐԿԱՅԱՑՈՒՑՉՈՒԹՅՈՒՆՆԵՐԻ ԱՇԽԱՏՈՂՆԵՐԻ ՊԱՇՏՈՆԱՅԻՆ ԴՐՈՒՅՔԱՉԱՓԵՐԸ` ՀԱՄԱՊԱՏԱՍԽԱՆ ԴԵՍՊԱՆՆԵՐԻ (ԺԱՄԱՆԱԿԱՎՈՐ ՀԱՎԱՏԱՐՄԱՏԱՐՆԵՐԻ) ՀԱՄԱՐ ՍԱՀՄԱՆՎԱԾ ՊԱՇՏՈՆԱՅԻՆ ԴՐՈՒՅՔԱՉԱՓԵՐԻ ՆԿԱՏՄԱՄԲ ՏՈԿՈՍԱՅԻՆ ՀԱՐԱԲԵՐՈՒԹՅԱՄԲ

Պաշտոնների անվանումը	Տոկոսները` դեսպանի (ժամանակավոր հավատարմատարի) պաշտոնային դրույքաչափի նկատմամբ
1	2
Դեսպանորդ-խորհրդական Խորհրդական 1-ին քարտուղար 2-րդ քարտուղար 3-րդ քարտուղար Կցորդ Ռեֆերենտ Թարգմանիչ Հաշվապահ, գրասենյակի վարիչ, տնտեսական մասի վարիչ, մեխանիկ, վարորդ Քարտուղար-մեքենագրուհի Հավաքարար	85 75 75 70 65 60 55 50 50 45 30