«Վավերացնում եմ»
Հայաստանի Հանրապետության
Նախագահ Ռ. Քոչարյան
 24 նոյեմբերի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 նոյեմբերի 2005 թվականի N 1929-Ն

ՄԻՆՉԵՎ 180 ՕՐՎԱ ԸՆԹԱՑՔՈՒՄ «ՆԵՐՄՈՒԾՈՒՄ` ԱԶԱՏ ՇՐՋԱՆԱՌՈՒԹՅԱՆ ՀԱՄԱՐ» ՄԱՔՍԱՅԻՆ ՌԵԺԻՄՈՎ ՆԵՐՄՈՒԾՎԱԾ ԱՊՐԱՆՔՆԵՐԻ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ԱՐՏԱՀԱՆՄԱՆ ԴԵՊՔՈՒՄ ՆԱԽԿԻՆՈՒՄ ԴՐԱՆՑ ՆԵՐՄՈՒԾՄԱՆ ՀԱՄԱՐ ԳԱՆՁՎԱԾ ՄԱՔՍԱՅԻՆ ՎՃԱՐՆԵՐԻ ՎԵՐԱԴԱՐՁՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Համաձայն Հայաստանի Հանրապետության մաքսային օրենսգրքի 52-րդ հոդվածի 2-րդ կետի «բ» ենթակետի` Հայաստանի Հանրապետության կառավարությունը  որոշում է.

1. Հաստատել մինչև 180 օրվա ընթացքում «Ներմուծում` ազատ շրջանառության համար» մաքսային ռեժիմով ներմուծված ապրանքների` Հայաստանի Հանրապետության տարածքից արտահանման դեպքում նախկինում դրանց ներմուծման համար գանձված մաքսային վճարների վերադարձման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Կ Ա Ր Գ

ՄԻՆՉԵՎ 180 ՕՐՎԱ ԸՆԹԱՑՔՈՒՄ «ՆԵՐՄՈՒԾՈՒՄ` ԱԶԱՏ ՇՐՋԱՆԱՌՈՒԹՅԱՆ ՀԱՄԱՐ» ՄԱՔՍԱՅԻՆ ՌԵԺԻՄՈՎ ՆԵՐՄՈՒԾՎԱԾ ԱՊՐԱՆՔՆԵՐԻ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԻՑ ԱՐՏԱՀԱՆՄԱՆ ԴԵՊՔՈՒՄ ՆԱԽԿԻՆՈՒՄ ԴՐԱՆՑ ՆԵՐՄՈՒԾՄԱՆ ՀԱՄԱՐ ԳԱՆՁՎԱԾ ՄԱՔՍԱՅԻՆ ՎՃԱՐՆԵՐԻ ՎԵՐԱԴԱՐՁՄԱՆ

1. Սույն կարգով սահմանվում են մինչև 180 օրվա ընթացքում «Ներմուծում` ազատ շրջանառության համար» մաքսային ռեժիմով ներմուծված ապրանքների` Հայաստանի Հանրապետության տարածքից «Վերաարտահանում» մաքսային ռեժիմով արտահանման դեպքում նախկինում դրանց ներմուծման համար գանձված մաքսային վճարների (բացառությամբ մաքսավճարի, բնապահպանական և ճանապարհային վճարների) վերադարձման կարգն ու ժամկետները:

2. Սույն կարգի իմաստով «վերադարձ» է համարվում վերադարձման ենթակա գումարները կազմակերպություն, անհատ ձեռնարկատեր կամ ֆիզիկական անձ հանդիսացող մաքսային վճար վճարողի մաքսային կամ հարկային վճարների գծով առկա պարտավորությունների հաշվին հաշվանցելը և (կամ) մաքսային վճար վճարողի բանկային հաշվին փոխանցելը և (կամ) բանկային համակարգի միջոցով կանխիկ տրամադրելը:

3. Սույն կարգով սահմանված վերադարձման ենթակա գումարները վերադարձվում են մաքսային վճարների վերադարձման մասին «Վերաարտահանում» մաքսային ռեժիմով լրացված մաքսային հայտարարագիրն ընդունած մաքսային մարմին (մաքսատուն, մաքսային կետ) ներկայացված դիմումի` համաձայն N 1 ձևի, հիման վրա` դիմումն ստանալուց հետո 30 օրվա ընթացքում:

4. (կետն ուժը կորցրել է 05.04.12 N 404-Ն)

5. (կետն ուժը կորցրել է 05.04.12 N 404-Ն)

6. «Վերաարտահանում» մաքսային ռեժիմով մաքսային հայտարարագիրն ընդունած մաքսային մարմինը, դիմումի հիման վրա, դիմումն ստանալու օրվան հաջորդող 5 աշխատանքային օրվա ընթացքում ուսումնասիրում է ապրանքների ներմուծմանը և վերաարտահանմանը վերաբերվող` Հայաստանի Հանրապետության կառավարությանն առընթեր պետական եկամուտների կոմիտեում առկա փաստաթղթերը, կազմում դրանք և վերադաս մաքսային մարմին է ներկայացնում նախկինում վճարված մաքսային վճարների գումարները Հայաստանի Հանրապետության պետական բյուջեից վերադարձնելու մասին եզրակացությունները` համաձայն NN 2,  3  և 4 ձևերի, և սույն կարգի 3-րդ կետում նշված դիմումը: Ընդ որում, «Վերաարտահանում» մաքսային ռեժիմով մաքսային հայտարարագիրն ընդունած մաքսային մարմինը կազմում և վերադաս մաքսային մարմին է ներկայացնում`

ա) մաքսային վճարների գծով պարտավորությունների առկայության դեպքում` եզրակացություն (N 2 ձև).

բ) մաքսային վճարների գծով պարտավորությունների բացակայության կամ պարտավորությունների մարման արդյունքում դրական տարբերության առաջացման դեպքում` դիմումում նշված` հարկային մարմինների միջոցով պետական բյուջե հավաքագրվող, հարկային և այլ պարտավորությունների մարմանն ուղղվելու դեպքում` եզրակացություն (N 3 ձև).

գ) մաքսային ու հարկային վճարների գծով պարտավորությունների բացակայության և մաքսային վճարների գծով պարտավորությունների մարման արդյունքում առաջացած դրական տարբերությունը վերադարձնելու դեպքում` եզրակացություն (N 4 ձև):

(6-րդ կետը փոփ. 22.01.09 N 78-Ն, փոփ., խմբ. 05.04.12 N 404-Ն)

7. վերադաս մաքսային մարմինը «Վերաարտահանում» մաքսային ռեժիմով մաքսային հայտարարագիրն ընդունած մաքսային մարմնից սույն կարգի 6-րդ կետում նշված փաստաթղթերն ստանալուց հետո 5-օրյա ժամկետում ուսումնասիրում և հաշվառում է փաստաթղթերը, որից հետո մաքսային վճարների վերադարձը մերժելու հիմքերի բացակայության դեպքում`

ա) «Վերաարտահանում» մաքսային ռեժիմով մաքսային հայտարարագիրն ընդունած մաքսային մարմնի կողմից եզրակացություն (N 2 ձև) ներկայացնելու դեպքում` համապատասխան մաքսային մարմնին թույլատրում է կատարել հաշվանցումներ.

բ) «Վերաարտահանում» մաքսային ռեժիմով մաքսային հայտարարագիրն ընդունած մաքսային մարմնի կողմից եզրակացություններ (NN 3 և (կամ) 4 ձևեր) ներկայացվելու դեպքում` եզրակացությունը, իսկ մեկից ավելի եզրակացությունների դեպքում` եզրակացությունների վերաբերյալ ամփոփ տեղեկանքն ուղարկում է Հայաստանի Հանրապետության ֆինանսների նախարարություն:

(7-րդ կետը փոփ. 22.01.09 N 78-Ն, 05.04.12 N 404-Ն)

8. վերադաս մաքսային մարմինը մաքսային վճարների վերադարձը մերժելու հիմքերի առկայության դեպքում` 3-օրյա ժամկետում սույն կարգի 6-րդ կետում նշված փաստաթղթերը վերադարձնում է մաքսատուն կամ մաքսային կետ` անհրաժեշտ հիմնավորումներ ներկայացնելու համար:

(8-րդ կետը փոփ. 22.01.09 N 78-Ն)

9. Մաքսային վճարների վերադարձը մերժվում է, եթե դիմումով պահանջված գումարը Հայաստանի Հանրապետության մաքսային օրենսգրքի համաձայն ենթակա չէ վերադարձման:

(9-րդ կետը խմբ. 05.04.12 N 404-Ն)

10. Հայաստանի Հանրապետության ֆինանսների նախարարությունը, ստանալով եզրակացությունները (N 2 և (կամ) N 3 ձևեր) կամ կատարված հաշվանցումների կամ վերադարձների մասին ամփոփ տեղեկանքները (N 5 և (կամ) N 6 ձևեր), սույն կարգի 3-րդ կետով սահմանված ժամկետում գումարների վերադարձն իրականացնելու համար`

1) կատարում է հաշվանցում N 3 ձևի եզրակացությանը համապատասխան և (կամ)`

2) կատարում է փոխանցում` N 4 ձևի եզրակացությանը համապատասխան:

(10-րդ կետը խմբ. 05.04.12 N 404-Ն)

11. Հայաստանի Հանրապետության ֆինանսների նախարարությունը սույն կարգի 10-րդ կետով սահմանված կարգով հաշվանցումներ և (կամ) փոխանցում կատարելուց հետո 5-օրյա ժամկետում դրա մասին գրավոր տեղեկացնում է վերադաս մաքսային մարմնին և հարկային մարմնին:

(11-րդ կետը փոփ. 22.01.09 N 78-Ն, 05.04.12 N 404-Ն)

12. վերադաս մաքսային մարմինը և հարկային մարմինը Հայաստանի Հանրապետության ֆինանսների նախարարության կողմից գրավոր տեղեկացվելուց հետո համապատասխան բյուջետային հաշվի քաղվածքների հիման վրա հարկ վճարողների անձնական հաշվի քարտերում (վճարումների հաշվառման քարտում) ոչ ուշ, քան քաղվածքը կամ դրանք փոխարինող այլ փաստաթուղթ ստանալուն հաջորդող աշխատանքային օրը կատարում են համապատասխան վերջնական ձևակերպումներ և կատարված հաշվանցման մասին գրավոր տեղեկացնում են դիմողին:

(12-րդ կետը փոփ. 22.01.09 N 78-Ն, 05.04.12 N 404-Ն)

13. Սույն կարգի 7-րդ կետի «ա» ենթակետով սահմանված դեպքում «Վերաարտահանում» մաքսային ռեժիմով մաքսային հայտարարագիրն ընդունած մաքսային մարմինը համապատասխան հաշվանցումներ կատարելուց հետո կատարված հաշվանցման մասին գրավոր տեղեկացնում է դիմողին և վերադաս մաքսային մարմնին:

(13-րդ կետը փոփ. 22.01.09 N 78-Ն)

14. (կետն ուժը կորցրել է 05.04.12 N 404-Ն)

Ձև N 1

_________________________________ մաքսատուն (մաքսային կետ)

Դ Ի Մ ՈՒ Մ

«Վերաարտահանում» մաքսային ռեժիմով արտահանված ապրանքների մասով մաքսային վճարների վերադարձման

5. Խնդրում եմ Հայաստանի Հանրապետության մաքսային օրենսգրքի 52-րդ հոդվածի 2-րդ մասի համաձայն վերադարձնել մինչև 180 օրվա ընթացքում «Ներմուծում` ազատ շրջանառության համար» մաքսային ռեժիմով ներմուծված ապրանքների վերաարտահանման հետևյալ գործարքների մասով օրենքով սահմանված մաքսային վճարները` հետևյալ գումարներով`

6. Խնդրում եմ վերադարձման ենթակա գումարի հաշվին`

7. Տեղեկացնում եմ, որ «Ավելացված արժեքի հարկի մասին» Հայաստանի Հանրապետության օրենքին համապատասխան «Վերաարտահանման» գործարքների մասով ԱԱՀ-ի հաշվարկով կատարվել է հաշվանցվող ԱԱՀ-ի գումարների պակասեցում:

__________ _______________________________ 20  թ.

 (դիմումը ներկայացնելու ամսաթիվը, ամիսը, տարեթիվը)

(ձևը խմբ. 05.04.12 N 404-Ն)

Ձև N 2

_____________________________ մաքսատուն (մաքսային կետ)

(մաքսատան (մաքսային կետի) անվանումը)

Ե Զ Ր Ա Կ Ա Ց ՈՒ Թ Յ ՈՒ Ն  N………………

Նախկինում վճարված մաքսային վճարների գումարները Հայաստանի Հանրապետության պետական բյուջեից վերադարձնելու մասին

Մաքսային վճար վճարողի ___ _______________ 20______ թ. դիմումի համաձայն

Վերադարձման ենթակա գումարը մաքսային մարմիններում հաշվառված պարտավորությունների հաշվին ենթակա է հաշվանցման`

_________________________ 20  թ.

(ձևը խմբ. 05.04.12 N 404-Ն)

Ձև N 3

________________________________ մաքսատուն (մաքսային կետ)

(մաքսատան (մաքսային կետի) անվանումը)

 Ե Զ Ր Ա Կ Ա Ց ՈՒ Թ Յ ՈՒ Ն  N………………

Նախկինում վճարված մաքսային վճարների գումարները Հայաստանի Հանրապետության պետական բյուջեից վերադարձնելու մասին

Մաքսային վճար վճարողի ___ _______________ 20______ թ. դիմումի համաձայն

_________________________ 20  թ.

(ձևը խմբ. 05.04.12 N 404-Ն)

Ձև N 4

_____________________________ մաքսատուն (մաքսային կետ)

 Ե Զ Ր Ա Կ Ա Ց ՈՒ Թ Յ ՈՒ Ն  N………………

Նախկինում վճարված մաքսային վճարների գումարները Հայաստանի Հանրապետության պետական բյուջեից Փոխանցման մասին

Մաքսային վճար վճարողի ___ _______________ 20______ թ. դիմումի համաձայն

_________________________ 20  թ.

(ձևը խմբ. 05.04.12 N 404-Ն)

Ձև N 5

Ա Մ Փ Ո Փ   Տ Ե Ղ Ե Կ Ա Ն Ք   N __________

Նախկինում վճարված մաքսային վճարների գումարները NN 2 ԵՎ 3 եզրակացություններԻ ՀԻՄԱՆ ՎՐԱ կատարվող վերադարձների (Հաշվանցումների) մաՍին

Հայաստանի Հանրապետության կառավարությանն առընթեր պետական եկամուտների կոմիտեն ամփոփելով 20 թ. ____________ -ի ________ -ից մինչև 20 թ. _______________ -ի ________ -ը «Վերաարտահանում» մաքսային ռեժիմով արտահանված ապրանքների մասով վերադարձման ենթակա գումարների հաշվանցման վերաբերյալ եզրակացությունները` տեղեկացնում է, որ Հայաստանի Հանրապետության պետական բյուջեի հետևյալ հաշիվներից նշված գումարները ենթակա են հաշվանցման` Հայաստանի Հանրապետության պետական բյուջեի հետևյալ հաշիվներին.

Հայաստանի Հանրապետության կառավարությանն առընթեր պետական եկամուտների

 կոմիտեի նախագահ`

 ________________________________________

  (ստորագրությունը, անունը, ազգանունը)

 _____ _______________ 20____ թ.

(ձևը փոփ. 22.01.09 N 78-Ն, խմբ. 05.04.12 N 404-Ն)

Ձև N 6

Ա Մ Փ Ո Փ   Տ Ե Ղ Ե Կ Ա Ն Ք  N __________

Նախկինում վճարված մաքսային վճարների գումարները N 4 եզրակացությԱն ՀԻՄԱՆ ՎՐԱ կատարվող Փոխանցումների (վերադարձների) մաՍին

Հայաստանի Հանրապետության կառավարությանն առընթեր պետական եկամուտների կոմիտեն ամփոփելով 20 թ. ____________ -ի ________ -ից մինչև 20 թ. _________________ -ի ________ -ը «Վերաարտահանում» մաքսային ռեժիմով արտահանված ապրանքների մասով վերադարձման ենթակա գումարների հաշվանցման վերաբերյալ եզրակացությունները` տեղեկացնում է, որ Հայաստանի Հանրապետության պետական բյուջեի հետևյալ հաշիվներից նշված գումարները ենթակա են վերադարձման հարկ վճարողների հետևյալ հաշվարկային հաշիվներին.

Հայաստանի Հանրապետության կառավարությանն առընթեր պետական եկամուտների

կոմիտեի նախագահ`

 ________________________________________

  (ստորագրությունը, անունը, ազգանունը)

 _____ _______________ 20____ թ.

(ձևը փոփ. 22.01.09 N 78-Ն, խմբ. 05.04.12 N 404-Ն)

(կարգը փոփ. 22.01.09 N 78-Ն, փոփ., խմբ. 05.04.12 N 404-Ն)