«Գրանցված է»
ՀՀ արդարադատության
նախարարության կողմից
2 փետրվարի 2005 թ.
Պետական գրանցման թիվ 60305076

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
 
ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ո Ր Ո Շ ՈՒ Մ

«ՀԱՇՎԵՏՎՈՒԹՅՈՒՆ ՕԲՅԵԿՏՆԵՐԻ, ՀԻՄՆԱԿԱՆ ՄԻՋՈՑՆԵՐԻ ԳՈՐԾԱՐԿՄԱՆ ԵՎ ԿԱՊԻՏԱԼ ՆԵՐԴՐՈՒՄՆԵՐԻ ԻՐԱԿԱՆԱՑՄԱՆ ՄԱՍԻՆ» ՁԵՎ ԹԻՎ 2-ԿՇ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ՁԵՎԸ ԵՎ ԼՐԱՑՄԱՆ ՄԵԹՈԴԱԿԱՆ ՑՈՒՑՈՒՄՆԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Պետական վիճակագրության մասին» Հայաստանի Հանրապետության օրենքի 10 հոդվածի երրորդ մասի ե) կետով` Հայաստանի Հանրապետության վիճակագրության պետական խորհուրդը որոշում է.

1. Հաստատել «Հաշվետվություն օբյեկտների, հիմնական միջոցների գործարկման և կապիտալ ներդրումների իրականացման մասին» Ձև թիվ 2-կշ (ամսական) պետական վիճակագրական հաշվետվության ձևը և լրացման մեթոդական ցուցումները` համաձայն հավելվածի:

2. Ուժը կորցրած ճանաչել Հայաստանի Հանրապետության վիճակագրության պետական խորհրդի 2002 թվականի օգոստոսի 9-ի «Օբյեկտների, հիմնական միջոցների գործարկման և կապիտալ ներդրումների իրականացման մասին» Ձև թիվ-2ԿՇ (ամսական) պետական վիճակագրական հաշվետվության ձևը և լրացման մեթոդական ցուցումները հաստատելու մասին» թիվ 133-Ն որոշումը:

Մ Ե Թ Ո Դ Ա Կ Ա Ն  Ց ՈՒ Ց ՈՒ Մ Ն Ե Ր

«ՕԲՅԵԿՏՆԵՐԻ, ՀԻՄՆԱԿԱՆ ՄԻՋՈՑՆԵՐԻ ԳՈՐԾԱՐԿՄԱՆ ԵՎ ՇԻՆԱՐԱՐՈՒԹՅԱՆ ԻՐԱԿԱՆԱՑՄԱՆ ՄԱՍԻՆ» ՁԵՎ ԹԻՎ 2-ԿՇ (ԱՄՍԱԿԱՆ) ՊԵՏԱԿԱՆ ՎԻՃԱԿԱԳՐԱԿԱՆ ՀԱՇՎԵՏՎՈՒԹՅԱՆ ԼՐԱՑՄԱՆ

1. ԸՆԴՀԱՆՈՒՐ ԴՐՈՒՅԹՆԵՐ

1. Սույն մեթոդական ցուցումները սահմանում են «Օբյեկտների, հիմնական միջոցների գործարկման և շինարարության իրականացման մասին» ձև թիվ 2-կշ (ամսական) պետական վիճակագրական հաշվետվության (այսուհետ` հաշվետվություն) լրացման կարգը:

2. Հաշվետվությունը լրացնում են Հայաստանի Հանրապետության տարածքում շինարարական աշխատանքների ֆինանսավորում իրականացնող իրավաբանական անձինք, հիմնարկները, տարածքային կառավարման և տեղական ինքնակառավարման մարմինները, անհատ ձեռնարկատերերը, ինչպես նաև վարկային ծրագրերի իրականացման գրասենյակները (որոնք շինարարություն են իրականացնում օտարերկրյա պետությունների և միջազգային կազմակերպությունների կողմից տրամադրված վարկային և/կամ շնորհային միջոցների հաշվին), համայնքների վարչական սահմաններից դուրս գտնվող տարածքների համար հաշվետվությունը կազմում և ներկայացնում են մարզպետարանները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 3 հոկտեմբերի 2003 թ. «Վիճակագրական տեղեկությունների ներկայացման կարգը հաստատելու մասին» թիվ 11-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Հայաստանի Հանրապետության ազգային վիճակագրական ծառայություն և Հայաստանի Հանրապետության ազգային վիճակագրական ծառայության մարզային գործակալության տեղական բաժանմունք` հաշվետվության ձևի վրա նշված ժամկետներում և պարբերականությամբ:

4. Հաշվետվությունում արտացոլվող ցուցանիշները լրացվում են աճողական կարգով:

5. Վիճակագրական տեղեկությունների ներկայացման հետ կապված հարաբերությունները կարգավորվում են Հայաստանի Հանրապետության օրենսդրությամբ:

2. ԲՆԱԿԵԼԻ ՇԵՆՔԵՐԻ, ՍՈՑԻԱԼ-ՄՇԱԿՈՒԹԱՅԻՆ ԵՎ ԱՐՏԱԴՐԱԿԱՆ ՆՇԱՆԱԿՈՒԹՅԱՆ ՕԲՅԵԿՏՆԵՐԻ ԳՈՐԾԱՐԿՈՒՄԸ

6. 1-ին բաժնի «Բնակելի շենքեր», «Հանրակրթական դպրոցներ», «Նախադպրոցական հիմնարկներ», «Հիվանդանոցներ», «Ամբուլատոր-պոլիկլինիկական հիմնարկներ», «Ակումբներ և մշակույթի տներ», «Ոչ արտադրական նշանակության այլ օբյեկտներ» և «Արտադրական նշանակության օբյեկտներ» 502-580 տողերի 1-ին սյունակում լրացվում են ֆինանսավորման տարբեր աղբյուրների հաշվին գործարկված օբյեկտների հզորությունների և քանակի վերաբերյալ տվյալները, 2-րդ սյունակում` նախորդ տարվա համապատասխան ժամանակաշրջանում գործարկված հզորությունների վերաբերյալ տվյալները, համապատասխանաբար 3-րդ և 4-րդ սյունակներում` գյուղական վայրերում: Տվյալ ժամանակաշրջանում օբյեկտների շինարարության վրա իրացված ներդրումների վերաբերյալ տվյալները լրացվում են 5-րդ սյունակում, իսկ 6-րդ սյունակում` կատարված շինմոնտաժային աշխատանքների ծավալները:

7. 502 տողում ցույց տրվող գործարկված բնակելի շենքերի ընդհանուր մակերեսի մեջ են ներառվում սեփականության տարբեր ձևեր ունեցող կամ պետական պատվիրատու կազմակերպությունների կողմից վաճառքի համար նախատեսված կամ բնակչությանը որպես անձնական սեփականություն տրվող բնակելի շենքերի ընդհանուր մակերեսը:

8. 1-ին բաժնի «Բնակելի շենքեր», «Հանրակրթական դպրոցներ», «Նախադպրոցական հիմնարկներ», «Հիվանդանոցներ», «Ամբուլատոր-պոլիկլինիկական հիմնարկներ», «Ակումբներ և մշակույթի տներ», «Ոչ արտադրական նշանակության այլ օբյեկտներ» և «Արտադրական նշանակության օբյեկտներ» 502-580 տողերի «Դ» և «Ե» ենթատողերի 1-4 սյունակներում լրացված ցուցանիշները համապատասխան հզորությունների հանրագումարի մեջ չեն արտացոլվում` տվյալների կրկնահաշվարկ թույլ չտալու նպատակով:

9. 512 և 513 տողերում լրացվում են կարիքավոր ընտանիքների համար պետական կառավարման տարածքային մարմինների (մարզպետարանների) կողմից գոյություն ունեցող բնակելի շենքերում գնված բնակարանների ընդհանուր մակերեսը և քանակը:

3. ՀԻՄՆԱԿԱՆ ՄԻՋՈՑՆԵՐԻ ԳՈՐԾԱՐԿՈՒՄԸ ԵՎ ՇԻՆԱՐԱՐՈՒԹՅԱՆ ԻՐԱՑՈՒՄԸ

10. Սույն բաժնի բոլոր ցուցանիշները լրացվում են փաստացի գներով: «Հիմնական միջոցների գործարկումը տարեսկզբից» սյունակի վերաբերյալ բոլոր տվյալները լրացվում են կազմակերպության հաշվեկշռում արտացոլվող շահագործման հանձնված օբյեկտի փաստացի արժեքները:

11. Ընդ որում «Արտադրական և ոչ արտադրական նշանակության օբյեկտներ», «Սարքավորումներ, գործիքներ, գույք», «10-րդ տողից` ըստ ֆինանսավորման աղբյուրների», «10-րդ տողից` արտադրական նշանակության օբյեկտներ», «Ըստ տնտեսության ճյուղերի (արտադրական և ոչ արտադրական նշանակության)» 2-րդ բաժնի 2 և 4 սյունակներում ցույց են տրվում ինչպես գործարկման ենթակա, այնպես էլ անավարտ (հաջորդ տարի տեղափոխվող) օբյեկտների շինարարության վրա իրականացված շինարարությունը և կատարված շինմոնտաժային աշխատանքները, իսկ 3 և 5 սյունակներում` նախորդ տարվա համապատասխան ժամանակաշրջանում իրականացված աշխատանքների ծավալները:

Ընդ որում, «Սարքավորումներ, գործիքներ, գույք» 11-րդ տողում լրացվում են բոլոր տեսակի սարքավորումների, գործիքների և գույքի արժեքների վերաբերյալ ամփոփ տվյալները (լրացվում են միայն եռամսյակի վերջին ամսին):

12. «Ըստ ֆինանսավորման աղբյուրների» 12-27 տողերում լրացվում են արտադրական և ոչ արտադրական նշանակության օբյեկտների վերաբերյալ տվյալները:

13. «Ըստ տնտեսության ճյուղերի (արտադրական և ոչ արտադրական նշանակության)» 31-35 տողերում լրացվում են արտադրական և ոչ արտադրական նշանակության օբյեկտների վերաբերյալ տվյալներն ըստ տնտեսության ճյուղերի:

Ինչ վերաբերում է արտադրական ճյուղերի տվյալների արտացոլմանը, ապա օժանդակ արտադրության օբյեկտների շինարարության վերաբերյալ տվյալները հաշվետվությունում լրացվում են հիմնական ճյուղի տվյալների հետ համատեղ:

Եթե պատվիրատուն իրականացնում է միայն մեկ արտադրական ճյուղի օբյեկտների շինարարություն, ապա դրա վերաբերյալ տվյալները պետք է համապատասխանեն 30-րդ տողի տվյալներին: Երկու և ավելի ճյուղերի օբյեկտների շինարարության դեպքում ազատ տողերում լրացվում են նրանցից յուրաքանչյուրի վերաբերյալ տվյալները: Այդ ճյուղերի վերաբերյալ տվյալների հանրագումարը պետք է հավասար լինի 30-րդ տողի տվյալներին:

Եթե պատվիրատուն բացի արտադրական նշանակության օբյեկտների շինարարությունից իրականացնում է նաև ոչ արտադրական ոլորտի օբյեկտների շինարարություն, ապա բոլոր օբյեկտների վերաբերյալ ցուցանիշների հանրագումարը պետք է համապատասխանի 10-րդ տողի տվյալներին:

14. «Հիմնական միջոցների գործարկումը տարեսկզբից» 1 սյունակի ցուցանիշները լրացվում են միայն եռամսյակի վերջին ամսին:

15. Ավելացված արժեքի հարկի (ԱԱՀ) և այլ անուղղակի հարկերի գումարները շինարարության և հիմնական միջոցների գործարկման ծախսերի կազմում չեն ներառվում:

(15-րդ կետը խմբ. 05.03.07 N 05-Ն)

Հ Ա Շ Վ Ե Տ Վ ՈՒ Թ ՈՒ Ն

ՕԲՅԵԿՏՆԵՐԻ, ՀԻՄՆԱԿԱՆ ՄԻՋՈՑՆԵՐԻ ԳՈՐԾԱՐԿՄԱՆ ԵՎ
200  Թ. ՀՈՒՆՎԱՐԻ-_____________-ԻՆ
(ըստ ֆինանսավորման աղբյուրների)

1. Բնակելի շենքերի, սոցիալ-մշակութային և արտադրական նշանակության օբյեկտների գործարկումը

I բաժին դ և ե ենթատողերի 1-4 սյունակներում բերված ցուցանիշները համապատասխան հզորությունների հանրագումարի մեջ չեն արտացոլվում:

(աղյուսակը փոփ. 05.03.07 N 05-Ն)

(հավելվածը խմբ., փոփ. 05.03.07 N 05-Ն)