ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 769-Ա

Հիմք ընդունելով «Բարեգործության մասին» օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Ամերիքերս» (AmeriCares) հիմնադրամի կողմից ԱՄՆ-ի «Հայաստան-Արցախ» հիմնադրամի միջոցով Հայաստանի Հանրապետության առողջապահության նախարարության «Դեղերի և բժշկական պարագաների ապահովման ազգային կենտրոն» պետական ոչ առևտրային կազմակերպության հասցեով ուղարկված դեղերի և բժշկական նշանակության պարագաների (8 տեղ, 2,978.7 կգ ընդհանուր քաշով, 630,462.85 ԱՄՆ-ի դոլարին համարժեք դրամ արժողությամբ, փոխադրման ծախսերը կազմել են 13,369.40 ԱՄՆ-ի դոլարին համարժեք դրամ, բեռի բաշխման ցանկը՝ համաձայն հավելվածի, մաքսային ձևակերպումները կատարվելու են Էլեկտրոնային առևտրի և օդային տրանսպորտով իրականացվող փոխադրումների վարչությունում) ներմուծման և անհատույց բաշխման ծրագիրը:

2. Հայաստանի Հանրապետության առողջապահության նախարարության «Դեղերի և բժշկական պարագաների ապահովման ազգային կենտրոն» պետական ոչ առևտրային կազմակերպությանը՝ նշված բեռի համապատասխան ձևակերպումներն ու բաշխումն ավարտելուց հետո մեկամսյա ժամկետում Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկատվություն:

Հայաստանի Հանրապետության փոխվարչապետ	Տ. Խաչատրյան
Երևան

01.11.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 769-Ա որոշման

NN ը/կ	Ստացողը	Նկարագրությունը	Կոդը	Տեղը	Արժեքը
					(ԱՄՆ-ի դոլար)
1.	Ավանեսյան Ա. – Հայաստանի Հանրապետության առողջապահության նախարարություն	դեղեր	SC-313-01	5	277,899.95
2.	Տարագճյան Կ. – Հայկական բարեգործական ընդհանուր միության Քլոտյա Նազարյան բժշկական կենտրոն	դեղեր	SC-313-02	2	161,024.72
3.	Դավթյան Շ. - «Արաբկիր» միացյալ մանկական բարեգործական հիմնադրամ	դեղեր	SC-313-03	1	10,072.82
4.	Հովակիմյան Ա.- «Սուրբ Գրիգոր Լուսավորիչ» բժշկական կենտրոն	դեղեր	SC-313-04	4	29,746.80
5.	Աղաջանովա Ե. – Երևանի Մխիթար Հերացու անվան պետական բժշկական համալսարանի «Մուրացան» համալսարանական հիվանդանոցային համալիր	դեղեր	SC-313-05	3	98,345.12
6.	Ստեփանյան Ա. – Ուռուցքաբանության ազգային կենտրոն	դեղեր	SC-313-06	1	34,872
7.	Ավանեսյան Ա. – Հայաստանի Հանրապետության առողջապահության նախարարություն	բժշկական նշանակության պարագաներ	SC-313-07	3	13,699.13
8.	Դավթյան Շ. - «Արաբկիր» միացյալ մանկական բարեգործական հիմնադրամ	բժշկական նշանակության պարագաներ	SC-313-08	1	4,802.31

Ընդամենը՝

20

630,462.85

Հայաստանի Հանրապետության փոխվարչապետ

Տ. Խաչատրյան

01.11.2024 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ