ԵՐԵՎԱՆԻ ՔԱՂԱՔԱՊԵՏ

N 3798-Ա

«03» հոկտեմբերի 2024 թ.

Ո Ր Ո Շ ՈՒ Մ

«Վարչարարության հիմունքների և վարչական վարույթի մասին» օրենքի 30-րդ հոդվածի 1-ին մասի «բ» կետով սահմանված հիմքով` Երևանի քաղաքապետարանի աշխատակազմում 2024 թվականի սեպտեմբերի 3-ին հարուցվել է Երևան քաղաքի Էրեբունի վարչական շրջանի Գլինկայի փողոցի թիվ 23/1 և թիվ 23/2 հասցեներում ոչ հիմնական շինություններով (կրպակաշարեր, վարչական մասնաշենք) տոնավաճառի կազմակերպման (III կատեգորիա) շինարարական աշխատանքների կատարման համար տրված՝ Երևանի քաղաքապետի 2024 թվականի հունիսի 4-ի թիվ 01/18-02-975-24 շինարարության թույլտվության իրավաչափությունը գնահատման ենթարկելու վարույթ՝ դրա տրման իրավաչափության, ինչպես նաև դրա՝ ոլորտում իրավահարաբերությունները կարգավորող իրավական նորմերի պահանջներին համապատասխանության հարցի ուսումնասիրման նպատակով:

Իրականացվող վարույթի շրջանակներում վարույթի առարկային առնչվող բոլոր փաստական հանգամանքների բազմակողմանի, օբյեկտիվ և լրիվ ուսումնասիրությունն ապահովելու նպատակով` առաջացել է փոխօգնության կարգով տեղեկատվություն ստանալու անհրաժեշտություն, որի նպատակով Երևանի քաղաքապետարանի կողմից 2024 թվականի հոկտեմբերի 3-ին գրավոր հարցում է ուղղվել Հայաստանի Հանրապետության կադաստրի կոմիտեին:

«Վարչարարության հիմունքների և վարչական վարույթի մասին» օրենքի 47-րդ հոդվածի 1-ին մասի «գ» կետի համաձայն՝ վարչական վարույթի ժամկետը կարող է երկարաձգվել, եթե փոխօգնության կարգով միջոցներ ձեռնարկելու համար անհրաժեշտ է ավելի երկար ժամանակ, քան վարչական վարույթի համար օրենքով սահմանված ժամկետի ավարտը:

«Վարչարարության հիմունքների և վարչական վարույթի մասին» օրենքի 47-րդ հոդվածի 2-րդ մասի 3-րդ պարբերության համաձայն՝ նույն հոդվածի 1-ին մասի «գ» և «դ» կետերով նախատեսված դեպքերում վարչական վարույթի ժամկետը կարող է երկարաձգվել մինչև 30 օր ժամկետով:

Ելնելով վերոգրյալից և ղեկավարվելով «Վարչարարության հիմունքների և վարչական վարույթի մասին» օրենքի 47-րդ հոդվածի 1-ին մասի «գ» կետով և նույն հոդվածի 2-րդ մասով.

1․ Երևանի քաղաքապետի 2024 թվականի հունիսի 4-ի թիվ 01/18-02-975-24 շինարարության թույլտվության իրավաչափությունը գնահատման ենթարկելու վարույթի ժամկետը երկարաձգել մինչև 2024 թվականի նոյեմբերի 2-ը:

2. Սույն որոշումը կարող է բողոքարկվել Հայաստանի Հանրապետության օրենսդրությամբ սահմանված կարգով։

Տ. Ավինյան