ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
23 դեկտեմբերի 2020 թվականի N 825-Ա
ՀԱՅԿԱԿԱՆ ԿԱՐՄԻՐ ԽԱՉԻ ԸՆԿԵՐՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ԱՐՁԱԳԱՆՔ ԼԵՌՆԱՅԻՆ ՂԱՐԱԲԱՂԻՑ ԺԱՄԱՆԱԾ ԱՆՁԱՆՑ ԽՆԴԻՐՆԵՐԻՆ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել Հայկական Կարմիր խաչի ընկերության կողմից իրականացվող` 112,063,446 դրամ ընդհանուր արժողությամբ «Արձագանք Լեռնային Ղարաբաղից ժամանած անձանց խնդիրներին» ծրագիրը՝ համաձայն հավելվածի:
2. Սահմանել, որ Հայկական Կարմիր խաչի ընկերության կողմից (ՀՎՀՀ՝ 00006023) կնքված ստորև նշված պայմանագրերով նախատեսված գործարքները, անմիջականորեն կապված են սույն որոշման 1-ին կետում նշված ծրագրի իրականացման հետ և դրա համար ունեն զգալի նշանակություն՝
1) «Թամարա Եղիազարյան» ԱՁ-ի հետ (ՀՎՀՀ՝ 23299197) 2020 թվականի նոյեմբերի 24-ին կնքված պայմանագրում նշված գործարքը, որով նախատեսվում է անկողնային պարագաների և սրբիչների մատակարարում՝ 27,710,000 դրամի չափով, առանց ավելացված արժեքի հարկի.
2) «Թամարա Եղիազարյան» ԱՁ-ի հետ (ՀՎՀՀ՝ 23299197) 2020 թվականի նոյեմբերի 24-ին կնքված պայմանագրում նշված գործարքը, որով նախատեսվում է սննդամթերքի մատակարարում՝ 26,070,000 դրամի չափով, առանց ավելացված արժեքի հարկի.
3) «Զոր-Ագատա» ՍՊԸ-ի հետ (ՀՎՀՀ` 01012179) 2020 թվականի նոյեմբերի 24-ին կնքված պայմանագրում նշված գործարքը, որով նախատեսվում է բրդյա ծածկոցների մատակարարում ` 2,100,000 դրամի չափով, առանց ավելացված արժեքի հարկի.
4) «Վալսա» ՍՊԸ-ի հետ (ՀՎՀՀ՝ 01017079) 2020 թվականի նոյեմբերի 24-ին կնքված պայմանագրում նշված գործարքը, որով նախատեսվում է սննդամթերքի մատակարարում՝ 9,345,000 դրամի չափով, առանց ավելացված արժեքի հարկի.
5) «Վալսա» ՍՊԸ-ի հետ (ՀՎՀՀ՝ 01017079) 2020 թվականի նոյեմբերի 24-ին կնքված պայմանագրում նշված գործարքը, որով նախատեսվում է տնտեսական ապրանքների մատակարարում՝ 13,362,500 դրամի չափով, առանց ավելացված արժեքի հարկի.
6) «Ֆլեշ» ՍՊԸ-ի հետ (ՀՎՀՀ01808789) 2020 թվականի հոկտեմբերի 26-ին կնքված պայմանագրում նշված գործարքը, որով նախատեսվում է վառելանյութի ձեռքբերում` 495,000 դրամի չափով, առանց ավելացված արժեքի հարկի.
7) «Լեգարա» ՍՊԸ-ի հետ (ՀՎՀՀ՝ 00854105) 2020 թվականի նոյեմբերի 27-ին կնքված պայմանագրում նշված գործարքը, որով նախատեսվում է տրանսպորտային ծառայությունների մատուցում՝ 1,485,000 դրամի չափով, առանց ավելացված արժեքի հարկի:
3. Հայկական Կարմիր խաչի ընկերությանը` ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:
|
Հայաստանի Հանրապետության |
Տ. ԱվինՅԱՆ |
|
2020 թ. դեկտեմբերի 23 Երևան |
|
Հավելված ՀՀ փոխվարչապետի 2020 թ. դեկտեմբերի 23-ի N 825-Ա որոշման |
«ԱՐՁԱԳԱՆՔ ԼԵՌՆԱՅԻՆ ՂԱՐԱԲԱՂԻՑ ԺԱՄԱՆԱԾ ԱՆՁԱՆՑ ԽՆԴԻՐՆԵՐԻՆ»
ԾՐԱԳԻՐ
|
1. |
Ծրագրի նպատակը |
Աջակցություն Լեռնային Ղարաբաղից ժամանած անձանց սոցիալական խնդիրներին` ապահովելով սննդի, հիգիենիկ և կենցաղային իրերի, ինչպես նաև առողջությանը նպաստող իրերի հասանելիությունը։ |
|
2. |
Ծրագրի բարեգործական որակման նպատակը |
ՀՀ օրենքներով սահմանված կարգով հարկային արտոնություններից օգտվելու նպատակով: |
|
3. |
Բարեգործը |
Գերմանական Կարմիր խաչ ք․ Բեռլին, Կարցեն 58։ հեռ․+ (49) (30) 85404-0 |
|
4. |
Ծրագիրը կատարողը |
Հայկական Կարմիր խաչի ընկերություն, Պարոնյան 21/1, ՀՎՀՀ` 00006023 |
|
5. |
Ծրագրի իրականացման վայրը և բնագավառը |
ք․ Երևան և ՀՀ մարզեր, սոցիալական |
|
6. |
Ծրագրի բյուջեն |
112,063,446 դրամ |
|
7. |
Բարեգործություն ստացողը |
10,119 Լեռնային Ղարաբաղից ժամանած անձիք |
|
8. |
Ծրագրի իրականացման տևողությունը |
01․12․2020 թ․ – 31.12․2020 թ․ |
|
9. |
Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը |
1․ Հումանիտար աջակցության տրամադրում Լեռնային Ղարաբաղից Հայաստանի Հանրապետություն ժամանած և ժամանակավոր կացարաններում բնակվող բնակչության սոցիալապես անապահով անձանց, ինչը ներառում է հիգիենիկ, կենցաղային պարագաների ձեռքբերում, տեսակավորում, փաթեթավորում, բեռնափոխադրում և բաշխում։ Ժամանակահատված՝ 1 դեկտեմբերի 2020 թ․ - 30 դեկտեմբերի 2020 թ․ Բյուջե 105,035,562 դրամ 2․ Հաշմանդամություն ունեցող անձանց համար շարունակությունն ապահովող ապրանքների /անվասայլակներ, քայլակներ, ձեռնափայտեր/ գնում և տրամադրում։ Ժամանակահատված՝ 1 դեկտեմբերի 2020 թ․ - 30 դեկտեմբերի 2020 թ․ Բյուջե՝ 4,948,020 դրամ 3․ Ծրագրի կազմակերպական և պահպանման ծախսեր` 2,079,864 ինչը ներառում է ծրագրի անձնակազմի և ծրագրով սահմանված աշխատուժի աշխատավարձեր` ներառյալ հարկեր և այլ պարտադիր վճարներ և վառելիքի ձեռքբերում։ |
|
10. |
Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը |
Ձեռք բերվող ապրանքների և ծառայությունների համառոտ նկարագիր` 1. Սննդային ապրանքների ձեռքբերում՝ 51,678,000 դրամ արժողությամբ 2. Հիգիենիկ և կենցաղային պարագաների ձեռքբերում՝ 50,473,962 դրամ արժողությամբ 3. Շարժունակությունն ապահովող սարքերի ձեռքբերում՝ 4,948,020 դրամ 4. Բեռնատար մեքենաների վարձակալության և բեռնափոխադրման ծառայությունների ձեռքբերում ՝ 1,500,000 դրամ արժողությամբ 5. Բենզինի ձեռքբերում ՀԿԽԸ մեքենաների համար՝ 495,000 դրամ արժողությամբ։ 6. Ծրագրի համակարգման համար անհրաժեշտ համակարգչային տեխնիկայի ձեռք բերում՝ 600,000 դրամ արժողությամբ |
|
11. |
Ծրագրի իրականացման հետ կապված կազմակերպական ծախսերը |
Ծրագրի կազմակերպական և պահպանման ծախսեր` 2,079,864 դրամ, ինչը ներառում է ծրագրի անձնակազմի աշխատավարձերը` ներառյալ հարկեր և այլ պարտադիր վճարներ՝ 942,084 դրամ արժողությամբ, ծրագրով սահմանված բանվորական աշխատուժի վճարները՝ 642,780 դրամ արժողությամբ, և վառելիքի ձեռքբերում՝ 495,000 դրամ արժողությամբ։ |
|
12. |
Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ |
Ծրագիրը իրականացվելու է ՀՀ Աշխատանքի և սոցիալական հարցերի նախարարության և քաղաքապետարանների հետ սերտ համագործակցությամբ: |
|
13. |
Ծրագրի արդյունավետության նկատմամբ վերահսկողության մեխանիզմների նկարագրությունը |
Նախատեսվում է տրամադրել ավարտական հաշվետվություն Գերմանական Կարմիր խաչին, ինչպես նաև կատարվելու են մոնիթորինգային այցեր նվիրատուի կողմից: Հայկական Կարմիր խաչի ընկերության Գործադիր կոմիտեի կողմից նույնպես իրականացվելու է գործունեության անմիջական վերահսկում: Ինչպես նաև ՀՀ Կառավարության 2003 թ. հունվարի 16 N 66-Ն որոշմամբ հաստատված Բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ: |
|
Հայաստանի Հանրապետության |
Տ. ԱվինՅԱՆ |
|
|
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|