ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 հունվարի 2022 թվականի N 24-Ա

Հիմք ընդունելով «Նորմատիվ իրավական ակտերի մասին» օրենքի 34-րդ հոդվածը` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2020 թվականի ապրիլի 2-ի «Գերակա ոլորտում իրականացվող ներդրումային ծրագրի շրջանակներում ներմուծված (ներմուծվող) տեխնոլոգիական սարքավորումները, դրանց բաղկացուցիչ ու համալրող մասերը, հումքը և (կամ) նյութերը ներմուծման մաքսատուրքից ազատելու արտոնությունից օգտվելու համար «ԱԼՖԱՌԵՆԵՍԱՆՍ» սահմանափակ պատասխանատվությամբ ընկերության կողմից ներկայացված հայտը բավարարելու և արտոնությունը կիրառելու մասին» N 430-Ա որոշման հավելվածում կատարել հետևյալ լրացումները և փոփոխությունները՝

1) 1-ին կետի «ԱՏԳ ԱԱ-ի ծածկագիրը` 10 նիշի մակարդակով» սյունակում «7217101000» թիվը փոխարինել «7217103900» թվով.

2) 1-ին կետի «Անվանումը» սյունակում «Սև մետաղալար ոչ ցինկապատ մինչև 0․8 մմ հաստ․» բառերը փոխարինել «Սև մետաղալար ոչ ցինկապատ» բառերով.

3) 1-ին կետի «Տեխնիկական բնութագիրը» սյունակում «Մինչև 0.8մմ հաստության» բառերը փոխարինել «0․8 մմ ավել հաստության» բառերով.

4) 1-9-րդ կետերի «Ծագման երկիրը» սյունակը լրացնել «Իրան» բառով։

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

13.01.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ