ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՎԻՃԱԿԱԳՐՈՒԹՅԱՆ ՊԵՏԱԿԱՆ ԽՈՐՀՈՒՐԴ

Ղեկավարվելով «Պաշտոնական վիճակագրության մասին» օրենքի 10-րդ հոդվածի 3-րդ մասի 1-ին կետի և 18-րդ հոդվածի 4-րդ մասի, ինչպես նաև «Նորմատիվ իրավական ակտերի մասին» օրենքի 33-րդ և 34-րդ հոդվածների դրույթներով՝ Հայաստանի Հանրապետության վիճակագրության պետական խորհուրդը որոշում է.

1. Հայաստանի Հանրապետության վիճակագրության պետական խորհրդի 2018 թվականի հոկտեմբերի 19-ի ««Համերգային կազմակերպությունների գործունեության մասին» Ձև 1-համերգ (տարեկան) վիճակագրական հաշվետվության ձևն ու լրացման հրահանգը հաստատելու և Հայաստանի Հանրապետության վիճակագրության պետական խորհրդի 2002 թվականի օգոստոսի 19-ի թիվ 182-Ն որոշումն ուժը կորցրած ճանաչելու մասին» թիվ 37-Ն որոշման.

1) 1-ին և 2-րդ կետերով հաստատված հավելված 1-ը և հավելված 2-ը շարադրել նոր խմբագրությամբ՝ համաձայն հավելված 1-ի և հավելված 2-ի,

2) 2-րդ կետից հանել «ձևի» բառը:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Նախագահ՝

Ս. Մնացականյան

Հավելված 1 Հայաստանի Հանրապետության վիճակագրության պետական խորհրդի 2023 թվականի դեկտեմբերի 1-ի թիվ 43-Ն որոշման

«Հավելված 1 Հայաստանի Հանրապետության վիճակագրության պետական  խորհրդի 2018 թվականի հոկտեմբերի 19-ի թիվ 37-Ն որոշման

Բաժին 1. Հիմնական ցուցանիշներ

Ցուցանիշի անվանումը	Տողի ծածկա-գիրը	Համերգների քանակը, միավոր	Հաճախումների քանակը, մարդ	Համերգներից ստացված հասույթը, դրամ
Ա	Բ	1	2	3
Համերգներ հանրապետությունում, ընդամենը, այդ թվում`	100
ք. Երևանում	100.1
ՀՀ մարզերում	100.2
Համերգների ընդհանուր քանակից` գյուղական վայրերում	110
Համերգների ընդհանուր քանակից` բարեգործական	120
Համերգների ընդհանուր քանակից`	130
դասական	130.1
ազգային, ժողովրդական	130.2
էստրադային, ջազային	130.3
Համերգների ընդհանուր քանակից` ֆիլհարմոնիկ, դրանցից`	140
դպրոցականի ֆիլհարմոնիա, ընդամենը, այդ թվում`	140.1
ք. Երևանում	140.1.1
ՀՀ մարզերում	140.1.2
Համերգներ ինքնազբաղ արվեստագետների մասնակցությամբ	160
Համերգ-հյուրախաղեր արտասահմանում, ընդամենը, այդ թվում՝	170
ԱՊՀ երկրներում	170.1
Եվրոպայում	170.2
ԱՄՆ-ում	170.3
Լատինական Ամերիկայում	170.4
այլ երկրներում	170.5

Ցուցանիշի անվանումը	Տողի ծածկագիրը	Ընդամենը հաշվետու տարում
Ա	Բ	1
Ֆինանսական միջոցների առկայությունը, ընդամենը, այդ թվում՝	200
Մնացորդը տարեսկզբին	210
Ֆինանսական մուտքերը, ընդամենը, այդ թվում՝	220
բյուջեից (պետական և համայնքային)	220.1
բնակչությանը մատուցված ծառայություններից	220.2
նվիրատվություններ	220.3
վարձակալությունից	220.4
այլ եկամուտներ	220.5
Ֆինանսական ծախսեր, ընդամենը, այդ թվում՝	230
նյութական ծախսեր	230.1
ոչ նյութական ծառայությունների վճարումներ	230.2
գործուղման ծախսեր	230.3
աշխատավարձ և դրան հավասարեցված այլ վճարումներ	230.4
հիմնավերանորոգման, վերանորոգման, սարքավորումների և գույքի ձեռքբերման	230.5
այլ ծախսեր	230.6
Ֆինանսական միջոցների մնացորդը տարեվերջին	240

Ցուցանիշի անվանումը	Տողի ծածկագիրը	Նշել համերգային կազմակերպության տեսակը
Ա	Բ	1
Համերգային կազմակերպության տեսակը	300

Ղեկավար՝	__________________		__________________
	(Ազգանուն, անուն)		(Ստորագրություն)
Լրացնող (լիազորված անձ)՝	__________________		__________________
	(Ազգանուն, անուն)		(Ստորագրություն)
	« _ _ »____ ____20___թ. »:

Հավելված 2 Հայաստանի Հանրապետության վիճակագրության պետական խորհրդի 2023 թվականի դեկտեմբերի 1-ի թիվ 43-Ն որոշման

«Հավելված 2 Հայաստանի Հանրապետության վիճակագրության պետական  խորհրդի 2018 թվականի հոկտեմբերի 19-ի թիվ 37-Ն որոշման

1. Սույն հրահանգով կարգավորում է «Համերգային կազմակերպությունների գործունեության մասին» Ձև 1-համերգ (տարեկան) վիճակագրական հաշվետվության (այսուհետ՝ Հաշվետվություն) լրացման կարգի հետ կապված հարաբերությունները:

2. Հաշվետվությունը ներկայացնում են համերգային կազմակերպությունները, որոնք այդ մասին իրազեկվում են Հայաստանի Հանրապետության վիճակագրության պետական խորհրդի 2016 թվականի հունիսի 20-ի թիվ 05-Ն որոշմամբ հաստատված կարգի դրույթներին համապատասխան:

3. Հաշվետվությունը ներկայացվում է Վիճակագրական կոմիտե՝ մինչև հաշվետու ժամանակաշրջանին հաջորդող տարվա փետրվարի 25-ը:

4. Հաշվետվության դիմային էջի «Փաստացի գործունեության հիմնական տեսակի» ծածկագիրը լրացվում է՝ համաձայն Հայաստանի Հանրապետության էկոնոմիկայի նախարարի 2013 թվականի սեպտեմբերի 19-ի թիվ 874-Ն հրամանով հաստատված «Տնտեսական գործունեության տեսակների դասակարգչի» 5-նիշ խմբավորման:

5. Հաշվետվության ներկայացման հետ կապված այլ հարաբերությունները կարգավորվում են Հայաստանի Հանրապետության օրենսդրությամբ սահմանված կարգով:

6. Բաժին 1-ում (ըստ տեսակների և կազմակերպման վայրերի) լրացվում են.

1) սյունակ 1-ում` համերգների քանակը,

2) սյունակ 2-ում՝ հաճախումների քանակը,

3) սյունակ 3-ում՝ համերգներից ստացված հասույթի գումարի չափը:

7. Բաժին 2-ում (ցուցանիշները լրացնելիս ֆինանսական տարին ընդունել հաշվետու տարվա հունվարի 1-ից դեկտեմբերի 31-ը) լրացվում են՝

1) «200» ծածկագրով տողում` ընդհանուր ֆինանսական միջոցները,

2) «210» ծածկագրով տողում` ֆինանսական միջոցների մնացորդը տարեսկզբին,

3) «220» ծածկագրով տողում` ընթացիկ տարվա ֆինանսական մուտքերի ցուցանիշները, այդ թվում՝ «220.1» ծածկագրով տողում՝ բյուջեից (պետական և համայնքային), «220.2» ծածկագրով տողում՝ բնակչությանը մատուցված ծառայություններից, «220.3» ծածկագրով տողում՝ նվիրատվություններից, «220.4» ծածկագրով տողում՝ վարձակալությունից և «220.5» ծածկագրով տողում՝ այլ եկամուտները,

4) «230» ծածկագրով տողում՝ ընդհանուր ֆինանսական ծախսերը, որից՝ «230.1» ծածկագրով տողում («Նյութական ծախսեր»)՝ ընթացիկ նորոգման աշխատանքների և ծախսված նյութերի արժեքը, տեխնիկայի անվտանգության և աշխատանքի պահպանության ծախսերը, արտահագուստի, փոքրարժեք և արագամաշ գույքի մաշվածությունը, վառելիքի, էլեկտրաէներգիայի և այլ նմանատիպ ծախսերը,

5) «230.2» ծածկագրով տողում («Ոչ նյութական ծառայությունների վճարումներ»)` աշխատողների մասնագիտական ուսուցմանն ուղղված, շենքերի, մեքենաների և սարքավորումների վարձակալական, ֆինանսական, իրավաբանական, պահակային և հակահրդեհային ծառայությունների վճարումները, ներկայացուցչական, գովազդային, լիցենզավորման և սերտիֆիկացման ծախսերը և այլն,

6) «230.3» ծածկագրով տողում` գործուղման ծախսերը,

7) «230.4» ծածկագրով տողում («Աշխատավարձ և դրան հավասարեցված այլ վճարումներ»)՝ հաշվետու ժամանակահատվածում բոլոր աշխատողների (ներառյալ` համատեղությամբ) կողմից փաստացի կատարված աշխատանքների դիմաց վճարվող հիմնական աշխատավարձը, լրացուցիչ աշխատավարձը՝ հիմնական աշխատավարձի նկատմամբ հաշվարկվող հավելումները, հավելավճարները, լրավճարները և պարգևատրումները, ամենամյա (նվազագույն, երկարացված, լրացուցիչ) արձակուրդի գումարները, չօգտագործված արձակուրդի համար վճարվող հատուցումը (փոխհատուցումը), ինչպես նաև աշխատավարձին հավասարեցված այլ վճարումները,

8) «230.5» ծածկագրով տողում` համերգային կազմակերպությունների կողմից իրականացված շենքերի և շինությունների, ինչպես նաև մեքենաների և սարքավորումների ձեռք բերման, հիմնավերանորոգման և վերանորոգման ծախսերը,

9) «230.6» ծածկագրով տողում` այն ծախսերը այլ ծախսեր), որոնք «230.1»-«230.5» ծածկագրերով տողերում չեն արտացոլվել,

10) «240» ծածկագրով տողում` ֆինանսական միջոցների մնացորդը տարեվերջին:

8. Բաժին 3-ում նշվում է (Էլեկտրոնային եղանակով ներկայացնելու դեպքում ընտրել միայն մեկ տող) համերգային կազմակերպության տեսակը:»:

Պաշտոնական հրապարակման օրը՝ 8 դեկտեմբերի 2023 թվական: