ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
17 մարտի 2022 թվականի |
թիվ 35 |
քաղ. Մոսկվա |
ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԽՈՐՀՐԴԻ 2017 ԹՎԱԿԱՆԻ ԴԵԿՏԵՄԲԵՐԻ 20-Ի ԹԻՎ 107 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Եվրասիական տնտեսական միության մաքսային օրենսգրքի 266-րդ հոդվածի 2 և 3 կետերին համապատասխան՝ Եվրասիական տնտեսական հանձնաժողովի խորհուրդը որոշեց.
1. Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի «Անձնական օգտագործման ապրանքների հետ կապված առանձին հարցերի մասին» թիվ 107 որոշման մեջ կատարել փոփոխություններ՝ հավելվածի համաձայն:
2. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո։
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից՝ |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից՝ |
Ռուսաստանի Դաշնությունից՝ |
|
Մ. Գրիգորյան |
Ի. Պետրիշենկո |
Բ. Սուլթանով |
Ա. Կոժոշև |
Ա. Օվերչուկ |
|
ՀԱՎԵԼՎԱԾ Եվրասիական տնտեսական հանձնաժողովի խորհրդի` 2022 թվականի մարտի 17-ի թիվ 35 որոշման |
ՓՈՓՈԽՈՒԹՅՈՒՆՆԵՐ
Եվրասիական տնտեսական հանձնաժողովի խորհրդի 2017 թվականի դեկտեմբերի 20-ի թիվ 107 որոշման մեջ կատարվող
1. Սույն որոշման թիվ 1 հավելվածում՝
ա) 3-րդ կետում՝ երկրորդ սյունակում, առաջին-երրորդ պարբերությունները փոխարինել հետևյալ բովանդակությամբ պարբերությամբ.
«մինչև 2022 թվականի հոկտեմբերի 1-ը՝ արժեքը չի գերազանցում 1000 եվրոյին համարժեք գումարը, և (կամ) քաշը չի գերազանցում 31 կգ-ը. 2022 թվականի հոկտեմբերի 1-ից՝ արժեքը չի գերազանցում 200 եվրոյին համարժեք գումարը, և (կամ) քաշը չի գերազանցում 31 կգ-ը».
բ) 4-րդ կետում՝ երկրորդ սյունակում, տեքստը շարադրել հետևյալ խմբագրությամբ.
«մինչև 2022 թվականի հոկտեմբերի 1-ը՝ արժեքը չի գերազանցում 1000 եվրոյին համարժեք գումարը, և (կամ) բրուտտո քաշը չի գերազանցում 31 կգ-ը. 2022 թվականի հոկտեմբերի 1-ից՝ արժեքը չի գերազանցում 200 եվրոյին համարժեք գումարը, և (կամ) բրուտտո քաշը չի գերազանցում 31 կգ-ը»։
2. Նշված որոշման թիվ 2 հավելվածի 1-ին աղյուսակում՝
ա) 3-րդ կետում՝
երկրորդ սյունակի տեքստը շարադրել հետևյալ խմբագրությամբ.
«մինչև 2022 թվականի հոկտեմբերի 1-ը՝ արժեքը գերազանցում է 1000 եվրոյին համարժեք գումարը, և (կամ) քաշը գերազանցում է 31 կգ-ը. 2022 թվականի հոկտեմբերի 1-ից՝ արժեքը գերազանցում է 200 եվրոյին համարժեք գումարը, և (կամ) քաշը գերազանցում է 31 կգ-ը».
երրորդ սյունակից առաջին և երկրորդ պարբերությունները հանել․
բ) 4-րդ կետում՝
երկրորդ սյունակի տեքստը շարադրել հետևյալ խմբագրությամբ.
«մինչև 2022 թվականի հոկտեմբերի 1-ը՝ արժեքը գերազանցում է 1000 եվրոյին համարժեք գումարը, և (կամ) բրուտտո քաշը գերազանցում 31 կգ-ը. 2022 թվականի հոկտեմբերի 1-ից՝ արժեքը գերազանցում է 200 եվրոյին համարժեք գումարը, և (կամ) բրուտտո քաշը գերազանցում է 31 կգ-ը».
երրորդ սյունակի տեքստը շարադրել հետևյալ խմբագրությամբ.
«արժեքի 15 տոկոսը, սակայն 2 եվրոյից ոչ պակաս` 1 կգ բրուտտո քաշի համար՝ արժեքային և (կամ) քաշային նորմերի գերազանցման մասով»։
Պաշտոնական հրապարակման օրը՝ 4 մայիսի 2023 թվական:
