ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

5 դեկտեմբերի 2018 թվականի

թիվ 96

քաղ. Սանկտ Պետերբուրգ

ՎՍՏԱՀՈՒԹՅԱՆ ԱՆԴՐՍԱՀՄԱՆԱՅԻՆ ՏԱՐԱԾՔԻ ՍՏԵՂԾՄԱՆԸ, ԶԱՐԳԱՑՄԱՆԸ ԵՎ ԳՈՐԾՈՒՆԵՈՒԹՅԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԻ ՄԱՍԻՆ

«Եվրասիական տնտեսական միության շրջանակներում տեղեկատվական հաղորդակցական տեխնոլոգիաների և տեղեկատվական փոխգործակցության մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 3 հավելված) 18-րդ կետի իրականացման նպատակներով` Եվրասիական տնտեսական հանձնաժողովի խորհուրդը որոշեց.

1. Հաստատել կցվող՝

Վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջները.

Վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջներին էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի բաղադրիչների համապատասխանության ստուգման հարցերով հանձնաժողովի մասին հիմնադրույթը:

2. Դիմել Եվրասիական տնտեսական միության անդամ պետություններին` սույն որոշումն ուժի մեջ մտնելուց հետո՝ մեկամսյա ժամկետում, Վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջներին էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի բաղադրիչների համապատասխանության ստուգման հարցերով հանձնաժողովի կազմում ընդգրկելու համար լիազորված մարմինների և կազմակերպությունների ղեկավարների տեղակալների (կամ համապատասխան ինքնուրույն ստորաբաժանումների պետերի կամ նրանց տեղակալների) մակարդակով թեկնածությունները Եվրասիական տնտեսական հանձնաժողով ներկայացնելու խնդրանքով:

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

Եվրասիական տնտեսական հանձնաժողովի խորհրդի անդամներ՝

I. Ընդհանուր դրույթներ

1. Սույն պահանջները մշակվել են «Եվրասիական տնտեսական միության շրջանակներում տեղեկատվական հաղորդակցական տեխնոլոգիաների և տեղեկատվական փոխգործակցության մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 3 հավելված) 18-րդ կետին համապատասխան և սահմանում են Եվրասիական տնտեսական միության (այսուհետ՝ Միություն) շրջանակներում վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջները:

2. Սույն պահանջների նպատակը Միության անդամ պետությունների (այսուհետ՝ անդամ պետություններ) պետական իշխանության մարմինների միջև՝ միմյանց և Եվրասիական տնտեսական հանձնաժողովի հետ (այսուհետ՝ Հանձնաժողով) տվյալների և էլեկտրոնային փաստաթղթերի միջպետական փոխանակման ժամանակ վստահության, ինչպես նաև Միության շրջանակներում էլեկտրոնային փոխգործակցության սուբյեկտների կողմից տվյալ պահանջների կիրառման արդյունքում վստահության անդրսահմանային տարածքի գործունեության պաշտպանվածության և հուսալիության փոխընդունելի մակարդակի ապահովումն է:

3. Վստահության անդրսահմանային տարածքի տարրերի նկատմամբ պահանջները սահմանում են տվյալների և էլեկտրոնային փաստաթղթերի միջպետական փոխանակման ժամանակ վստահության ապահովման իրավական, կազմակերպչական և տեխնիկական պայմանները, այդ թվում` ընդգրկում են տեղեկատվության պաշտպանության հարցերը:

4. Վստահության անդրսահմանային տարածքի տարրերի նկատմամբ պահանջները որոշվում են այդ տարրերի համար արդիական՝ տեղեկատվության անվտանգության սպառնալիքներին և խախտում կատարողի գործողություններին համապատասխան:

5. Սույն պահանջները չեն տարածվում որևէ ծառայության, տարրի և բաղադրիչի վրա, որն օգտագործվում է բացառապես տվյալների և էլեկտրոնային փաստաթղթերի ներպետական փոխանակման նպատակներով:

6. Սույն պահանջների նպատակների համար օգտագործվում են հասկացություններ, որոնք ունեն հետևյալ իմաստը՝

կրիպտոգրաֆիկ ստանդարտ՝ տեխնիկական այն մասնագրերի ամբողջությունը, որոնք սահմանում են կրիպտոգրաֆիկ բանալու օգտագործմամբ տեղեկատվության փոխակերպման (կրիպտոգրաֆիկ փոխակերպում), այդ թվում՝ ԷԹՍ-ի ձևավորման և ստուգման կանոններն ու ալգորիթմները.

միջպետական հանձնաժողով՝ լիազորված մարմինների և Հանձնաժողովի ներկայացուցիչներից կազմված հանձնաժողով, որն իրականացնում է սույն պահանջներին էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի բաղադրիչների համապատասխանության ստուգում.

էլեկտրոնային եղանակով տեղեկատվության փաստաթղթավորման ընդհանուր ենթակառուցվածք՝ Միության շրջանակներում օգտագործվող էլեկտրոնային փաստաթղթերին իրավաբանական ուժ տալու նպատակներով իրականացվող տեղեկատվական-տեխնոլոգիական և կազմակերպաիրավական միջոցառումների, կանոնների ու որոշումների ամբողջություն.

էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորներ՝ Հանձնաժողով կամ լիազորված մարմիններ կամ անդամ պետությունների օրենսդրությանը համապատասխան դրանց կողմից սահմանված կազմակերպություններ, որոնք սույն պահանջներին համապատասխան վստահության անդրսահմանային տարածքի շրջանակներում մատուցում են ծառայություններ և իրականացնում են գործառույթներ.

Էլեկտրոնային եղանակով տեղեկատվության փոխանակման ընդհանուր ենթակառուցվածքի տարրի ստուգում՝ համալիր միջոցառումներ, որոնց ընթացքում փաստաթղթորեն հաստատվում է էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական կամ ինտեգրացիոն բաղադրիչի կազմի մեջ մտնող տարրի, ինչպես նաև այդպիսի տարրի նկատմամբ էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի բաղադրիչի օպերատորի կողմից իրագործվող՝ տեղեկատվության պաշտպանության միջոցների և եղանակների համապատասխանությունը սույն պահանջներին:

ԷԹՍ-ի ստուգման բանալու հավաստագիր՝ հավաստագրման կենտրոնի կողմից թողարկված, ԷԹՍ բանալու օգտագործմամբ հավաստագրման կենտրոնի ԷԹՍ-ով ստորագրված և հավաստագրում նշված ԷԹՍ ստուգման բանալու՝ էլեկտրոնային փաստաթղթերի փոխանակման կոնկրետ մասնակցի պատկանելությունը հաստատող տեղեկատվություն և համապատասխան կրիպտոգրաֆիկ ստանդարտներով և սույն պահանջներով նախատեսված այլ տեղեկատվություն պարունակող էլեկտրոնային փաստաթուղթ.

վստահված երրորդ կողմի ծառայութուն՝ վստահված երրորդ կողմի այն ծառայությունների ամբողջություն, որոնք գործում են Հանձնաժողովի ինտեգրացիոն հատվածի և Միության ինտեգրացված տեղեկատվական համակարգի ազգային հատվածների կազմում, որոնք ԷԹՍ վստահության անդրսահմանային միասնական տարածքն են ապահովում՝ Միության ինտեգրացված տեղեկատվական համակարգերի միջոցներով սուբյեկտների էլեկտրոնային եղանակով փոխգործակցության դեպքում.

վստահված երրորդ կողմի միջոցներ՝ վստահված երրորդ կողմի գործառույթների իրականացման համար օգտագործվող ծրագրային և (կամ) ապարատային միջոցներ.

հավաստագրման կենտրոնի միջոցներ՝ հավաստագրման կենտրոնի գործառույթների իրականացման համար օգտագործվող ծրագրային և (կամ) ապարատային միջոցներ.

ԷԹՍ միջոցներ՝ կրիպտոգրաֆիկ միջոցներ, որոնք օգտագործվում են հետևյալ գործառույթներից առնվազն մեկի իրականացման համար՝ ԷԹՍ-ի ստեղծում, ԷԹՍ-ի ստուգում, ԷԹՍ բանալու ստեղծում և ԷԹՍ ստուգման բանալու ստեղծում.

հավաստագրման կենտրոն՝ լիազորված մարմին կամ կազմակերպություն, որը, Հանձնաժողովի ակտերին, անդամ պետությունների օրենսդրությանը համապատասխան, ապահովում է ԷԹՍ-ի ստուգման և հավաստագրերի վավերականության ստուգման բանալիների հավաստագրերի թողարկման, տարածման, պահպանման ծառայությունների տրամադրումը.

Հանձնաժողովի հավաստագրման կենտրոն՝ հավաստագրման կենտրոն, որը նախատեսված է Հանձնաժողովի կոլեգիայի անդամներին, Հանձնաժողովի պաշտոնատար անձանց և աշխատակիցներին ԷԹՍ-ի ստուգման բանալիների հավաստագրերով ապահովելու համար.

վստահված երրորդ կողմի ծառայության հավաստագրման կենտրոն՝ հավաստագրման կենտրոն, որը նախատեսված է Միության ինտեգրացված տեղեկատվական համակարգի ինտեգրացիոն և ազգային հատվածների լիազորված վստահված երրորդ կողմերին ԷԹՍ-ի ստուգման բանալիների հավաստագրերով ապահովելու համար.

լիազորված մարմին՝ անդամ պետության պետական իշխանության մարմին կամ դրա կողմից սահմանված կազմակերպություն, որն օժտված է առանձին ոլորտներում պետական քաղաքականություն իրականացնելու լիազորություններով.

ժամանակի դրոշմ՝ էլեկտրոնային փաստաթղթի վավերապայման, որը հավաստում է էլեկտրոնային փաստաթղթի ստեղծման ամսաթիվը և ժամը.

էլեկտրոնային թվային ստորագրություն (էլեկտրոնային ստորագրություն), ԷԹՍ՝ էլեկտրոնային տեսքով տեղեկատվություն, որն էլեկտրոնային տեսքով կցված է այլ տեղեկատվության կամ այլ կերպ կապված է այդ տեղեկատվության հետ, ծառայում է այդ տեղեկատվության ամբողջականությունը և իսկությունը հսկելու համար, ապահովում է հեղինակությունից հրաժարվելու անհնարինությունը, մշակվում է տվյալ տեղեկատվության նկատմամբ փակ (անձնական) բանալու (ԷԹՍ բանալու) օգտագործմամբ կրիպտոգրաֆիկ փոխակերպում կիրառելու միջոցով և ստուգվում է բաց բանալու (ԷԹՍ-ի ստուգման բանալու) օգտագործմամբ:

II. Վստահության անդրսահմանային տարածքի ստեղծումը, զարգացումը և գործունեությունը

7. Վստահության անդրսահմանային տարածքի ստեղծումը, զարգացումը և գործունեությունն ապահովվում են Հանձնաժողովի և լիազորված մարմինների կողմից՝ Եվրասիական տնտեսական հանձնաժողովի խորհրդի 2014 թվականի սեպտեմբերի 18-ի թիվ 73 որոշմամբ հաստատված՝ «Միջպետական տեղեկատվական փոխգործակցության ժամանակ ծառայությունների և իրավաբանական ուժ ունեցող էլեկտրոնային փաստաթղթերի օգտագործման» հայեցակարգին, Եվրասիական տնտեսական հանձնաժողովի կոլեգիայի 2016 թվականի սեպտեմբերի 27-ի թիվ 105 որոշմամբ հաստատված՝ Վստահության անդրսահմանային տարածքի զարգացման ռազմավարությանը, Եվրասիական տնտեսական հանձնաժողովի կոլեգիայի 2015 թվականի սեպտեմբերի 28-ի թիվ 125 որոշմամբ հաստատված՝ «Եվրասիական տնտեսական միության անդամ պետությունների պետական իշխանության մարմինների՝ միմյանց միջև և Եվրասիական տնտեսական հանձնաժողովի հետ անդրսահմանային փոխգործակցության ժամանակ էլեկտրոնային փաստաթղթերի փոխանակման մասին» հիմնադրույթին, ինչպես նաև Հանձնաժողովի՝ վստահության անդրսահմանային տարածքի ստեղծման, զարգացման և գործունեության հետ կապված հարցերի մասով այլ ակտերին համապատասխան:

8. էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչների կազմի մեջ մտնող տարրերի՝ սույն պահանջներին համապատասխանության վերաբերյալ տեղեկությունները (այդ թվում ՝ այդ տարրերի օպերատորների մասին տեղեկությունները) ներառվում են միջպետական հանձնաժողովի եզրակացության հիման վրա հաստատվող՝ էլեկտրոնային եղանակով տեղեկատվության փաստաթղթավորման տեղեկատվության ընդհանուր ենթակառուցվածքի տարրերի ցանկում:

9. Վստահության անդրսահմանային տարածքի զարգացման և գործունեության նկատմամբ հսկողության ապահովման նպատակով Միության ինտեգրացված տեղեկատվական համակարգի (այսուհետ՝ ինտեգրացված համակարգ) անդամ պետությունների ազգային հատվածների շրջանակներում անդամ պետությունների կողմից սահմանվում են լիազորված մարմիններ՝ վստահության անդրսահմանային տարածքի ապահովման իրավական, կազմակերպչական, տեխնիկական պայմաններին ներկայացվող, այդ թվում՝ էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչների տեղեկատվության պաշտպանությանը վերաբերող պահանջների կատարման նկատմամբ հսկողություն իրականացնելու համար:

10. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքը բաղկացած է պետական բաղադրիչներից և ինտեգրացիոն բաղադրիչից։

11. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի ինտեգրացիոն բաղադրիչի օպերատորը Հանձնաժողովն է։

12. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչների օպերատորները լիազորված մարմիններն են:

13. Միության շրջանակներում էլեկտրոնային փոխգործակցության սուբյեկտներ են պետական մարմինները, ֆիզիկական կամ իրավաբանական անձինք, որոնք փոխգործակցում են էլեկտրոնային փաստաթղթերը և էլեկտրոնային տեսքով տեղեկատվությունը կազմելու, ուղարկելու, փոխանցելու, ստանալու, պահպանելու և օգտագործելու ընթացքում ծագող հարաբերությունների շրջանակներում:

14. Միության շրջանակներում էլեկտրոնային փոխգործակցության դեպքում էլեկտրոնային փոխգործակցության սուբյեկտների միջև վստահությունն ապահովվում է էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորների կողմից, որոնք իրականացնում են գործառույթներ և տրամադրում ծառայություններ սույն պահանջներին համապատասխան վստահության անդրսահմանային տարածքի շրջանակներում:

15. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչների և ինտեգրացիոն բաղադրիչի կազմի մեջ մտնող՝ վստահության անդրսահմանային տարածքի տարրերը պետք է համապատասխանեն նկարագրությանը՝ համաձայն թիվ 1 հավելվածի:

16. Վստահության անդրսահմանային տարածքի տարրերը շահագործվում են էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորների կողմից՝ սույն պահանջներին համապատասխան վստահության անդրսահմանային տարածքի շրջանակներում ծառայություններ տրամադրելու և գործառույթներ իրականացնելու համար:

17. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորը կարող է ապահովել վստահության անդրսահմանային տարածքի մի քանի տարրերի շահագործումը:

18. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորները պատասխանատու են էլեկտրոնային փոխգործակցության սուբյեկտներին հետևյալի արդյունքում պատճառված վնասի համար՝

ա) սույն պահանջներով նախատեսված պարտավորությունների չկատարում կամ ոչ պատշաճ կատարում.

բ) այն անդամ պետության օրենսդրությամբ նախատեսված պարտավորությունների չկատարում կամ ոչ պատշաճ կատարում, որի պետական բաղադրիչի մեջ դրանք մտնում են:

19. Հանձնաժողովը և անդամ պետությունները սահմանում են համաձայնեցված պահանջներ՝ սույն պահանջներն էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորների գործունեության մասով խախտելու համար պատասխանատվության նկատմամբ:

20. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի տարրերի ստուգումն իրականացվում է Եվրասիական տնտեսական հանձնաժողովի խորհրդի 2018 թվականի դեկտեմբերի 5-ի թիվ 96 որոշմամբ հաստատված՝ Վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջներին էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի բաղադրիչների համապատասխանության ստուգման հարցերով հանձնաժողովի մասին հիմնադրույթին համապատասխան:

III. էլեկտրոնային եղանակով տեղեկատվության փաստաթղթավորման ընդհանուր ենթակառուցվածքը

1. Վստահված երրորդ կողմի ծառայության հավաստագրման կենտրոնին ներկայացվող պահանջները

21. Վստահված երրորդ կողմի ծառայության հավաստագրման կենտրոնն իրականացնում է ԷԹՍ-ի ստուգման բանալիների հավաստագրերի ստեղծման մասով գործունեություն, որոնք նախատեսված են ինտեգրացված համակարգի՝ Հանձնաժողովի ինտեգրացիոն հատվածի կազմում գործող վստահված երրորդ կողմի (այսուհետ՝ Հանձնաժողովի վստահված երրորդ կողմ) և ինտեգրացված համակարգի՝ անդամ պետությունների ազգային հատվածներում գործող լիազորված վստահված երրորդ կողմերի (այսուհետ՝ անդամ պետությունների վստահված երրորդ կողմեր) էլեկտրոնային փոխգործակցության կազմակերպման համար:

22. Վստահված երրորդ կողմի ծառայության հավաստագրման կենտրոնի կողմից տրամադրվող՝ ԷԹՍ-ի ստուգման բանալիների հավաստագրերի տիրապետողներ են՝

Հանձնաժողովի վստահված երրորդ կողմը.

անդամ պետությունների վստահված երրորդ կողմերը:

23. Վստահված երրորդ կողմի ծառայության հավաստագրման կենտրոնը պետք է գործի բաց բանալիների ենթակառուցվածքի (Public Key Infrastructure) ստեղծման վերաբերյալ միջազգային առաջարկություններին և լիազորված մարմինների հետ համաձայնեցված պահանջներին համապատասխան:

24. Վստահված երրորդ կողմի ծառայության հավաստագրման կենտրոնը ԷԹՍ-ի ստուգման բանալիների հավաստագրերի ստեղծման համար պետք է օգտագործի թիվ 2 հավելվածի համաձայն պահանջներին համապատասխանող՝ հավաստագրման կենտրոնի միջոցները: Նախքան նշված միջոցների օգտագործումը՝ դրանց համապատասխանությունը նշված սահմանված պահանջներին պետք է հաստատվի Հանձնաժողովի գտնվելու երկրի լիազորված մարմինների կողմից՝ դրա օրենսդրությամբ սահմանված կարգով: Նախքան հավաստագրման կենտրոնի այն միջոցների օգտագործումը, որոնք մշակվել են վստահված երրորդ կողմի ծառայության հավաստագրման կենտրոնի համար Միության տեղեկատվության կրիպտոգրաֆիկ պաշտպանության մասնագիտացված միջոցների համատեղ մշակման նախագծի շրջանակներում, դրանց համապատասխանությունը նշված սահմանված պահանջներին պետք է հաստատվի բոլոր անդամ պետությունների լիազորված մարմինների կողմից՝ դրանց օրենսդրությամբ սահմանված կարգով:

25. Վստահված երրորդ կողմի ծառայության հավաստագրման կենտրոնի գործունեությանը ներկայացվող պահանջները սահմանվում են՝ հաշվի առնելով Հանձնաժողովի կողմից հաստատվող՝ տեղեկատվության անվտանգության սպառնալիքների և խախտում կատարողի գործողությունների մոդելները:

26. Վստահված երրորդ կողմի ծառայության հավաստագրման կենտրոնը պետք է ապահովի հետևյալ հիմնական գործառույթների կատարումը՝

ա) Հանձնաժողովի վստահված երրորդ կողմի և անդամ պետությունների վստահված երրորդ կողմերի գրանցում.

բ) ԷԹՍ-ի ստուգման բանալիների հավաստագրերի ստեղծում և տրամադրում՝ ըստ Հանձնաժողովի վստահված երրորդ կողմի և անդամ պետությունների վստահված երրորդ կողմերի հարցումների.

գ) այն անձանց լիազորությունների սահմանում, որոնք հանդես են գալիս Հանձնաժողովի վստահված երրորդ կողմի անունից կամ անդամ պետությունների վստահված երրորդ կողմերի անունից ԷԹՍ-ի ստուգման բանալու հավաստագիր ստանալու համար դիմելիս, և նշված լիազորությունների մասին տեղեկատվության պահպանում՝ վստահված երրորդ կողմի ծառայության հավաստագրման կենտրոնի գործունեությունը կանոնակարգող՝ Հանձնաժողովի կողմից հաստատվող փաստաթղթերին համապատասխան.

դ) ԷԹՍ այն բանալու տիրապետման հաստատում, որը համապատասխանում է համապատասխան վստահված երրորդ կողմի կողմից՝ ԷԹՍ-ի ստուգման բանալու հավաստագրի ստեղծման և ստացման հարցման մեջ նշված ԷԹՍ-ի ստուգման բանալուն, և նշված հավաստագրի ստեղծման մերժում՝ տվյալ բանալու տիրապետման հաստատման ժամանակ բացասական արդյունքի դեպքում.

ե) ԷԹՍ-ի ստուգման բանալիների հավաստագրերի գործողության ժամկետների սահմանում: ԷԹՍ-ի ստուգման բանալու հավաստագիրը գործում է դրա տրման պահից, եթե այդ հավաստագրի գործողության սկզբի այլ ամսաթիվ նշված չէ անմիջապես հավաստագրում, ընդ որում, ԷԹՍ-ի ստուգման բանալու հավաստագրի մասին տեղեկատվությունը պետք է վստահված երրորդ կողմի ծառայության հավաստագրման կենտրոնի կողմից ներառվի ԷԹՍ-ի ստուգման բանալիների տրված, գործողությունը դադարած և չեղյալ ճանաչված հավաստագրերի ռեեստրում (այսուհետ՝ հավաստագրերի ռեեստր) այդ հավաստագրում նշված՝ դրա գործողության սկզբի ամսաթվից ոչ ուշ.

զ) ԷԹՍ-ի ստուգման բանալիների հավաստագրերի գործողության դադարեցումը և չեղյալ ճանաչումը.

է) հավաստագրերի ռեեստրի վարում՝ վստահված երրորդ կողմի ծառայության հավաստագրման կենտրոնի կողմից տրված՝ ԷԹՍ-ի ստուգման բանալիների հավաստագրերում պարունակվող տեղեկատվության, ինչպես նաև այդ հավաստագրերի գործողության դադարեցման կամ չեղյալ ճանաչման ամսաթվերի և գործողության դադարեցման կամ չեղյալ ճանաչման հիմքերի մասին տեղեկատվության ներառմամբ.

ը) ԷԹՍ-ի ստուգման բանալիների՝ գործողությունը դադարած և չեղյալ ճանաչված հավաստագրերի ցանկի վարում (այսուհետ՝ հետ կանչված հավաստագրերի ցանկ).

թ) ԷԹՍ-ի ստուգման բանալու հավաստագրի տիրապետողին նրա հավաստագիրը չեղյալ ճանաչելու մասին տեղեկացում՝ նախքան հավաստագրերի ռեեստրում և հետ կանչված հավաստագրերի ցանկում համապատասխան փոփոխություններ կատարելը.

ժ) հավաստագրերի ռեեստրում ԷԹՍ-ի ստուգման բանալիների եզակիության ստուգում և ԷԹՍ-ի ստուգման բանալու հավաստագրի ստեղծման մերժում՝ Հանձնաժողովի վստահված երրորդ կողմի կամ անդամ պետության վստահված երրորդ կողմի հարցման մեջ նշված՝ ԷԹՍ-ի բանալու եզակիության ստուգման բացասական արդյունքի դեպքում.

ժա) հավաստագրերի ռեեստրում և հետ կանչված հավաստագրերի ցանկում պարունակվող տեղեկատվության արդիականացում, ինչպես նաև դրա պաշտպանությունն անօրինական հասանելիությունից, ոչնչացումից, ձևափոխումից, բլոկավորումից և անօրինական այլ գործողություններից.

ժբ) հավաստագրերի ռեեստրում ներառված տեղեկատվության պահպանում վստահված երրորդ կողմի ծառայության հավաստագրման կենտրոնի գործունեության ամբողջ ընթացքում.

ժգ) Հանձնաժողովի վստահված երրորդ կողմի և անդամ պետությունների վստահված երրորդ կողմերի անհատույց հիմունքներով հասանելիություն հավաստագրերի ռեեստրին ինտեգրացված համակարգի միջոցների օգտագործմամբ ցանկացած ժամանակ.

ժդ) ԷԹՍ-ի ստուգումների իրականացում՝ ըստ Հանձնաժողովի վստահված երրորդ կողմի կամ անդամ պետությունների վստահված երրորդ կողմերի դիմումների, որոնք ստեղծվել են դրանց տրված՝ ԷԹՍ-ի ստուգման բանալիների հավաստագրերի օգտագործմամբ.

ժե) ժամանակի դրոշմների ստեղծում Հանձնաժողովի վստահված երրորդ կողմի անդորրագրերի և անդամ պետությունների վստահված երրորդ կողմերի անդորրագրերի վրա, որոնք պարունակում են ԷԹՍ-ի ստուգման արդյունքներ, որոնցով ստորագրված են էլեկտրոնային փաստաթղթերը, էլեկտրոնային փաստաթղթերի ստեղծման ժամանակի հաստատման և համապատասխան ԷԹՍ-ով դրանց ստորագրման նպատակով այդպիսի վստահված երրորդ կողմերի դիմելու դեպքում.

ժզ) ԷԹՍ-ի օգտագործման հետ կապված այլ գործառույթների իրականացում:

27. Վստահված երրորդ կողմի ծառայության հավաստագրման կենտրոնի գործունեության համար Հանձնաժողովը լիազորված մարմինների հետ փոխգործակցության միջոցով մշակում և հաստատում է տեխնիկական, տեխնոլոգիական, մեթոդական և կազմակերպչական փաստաթղթեր, որոնք նախատեսում են վստահված երրորդ կողմի ծառայության հավաստագրված կենտրոնի նկատմամբ պահանջների մանրամասնումը:

28. Սույն պահանջները և այն պահանջները, որոնք պարունակվում են վստահված երրորդ կողմի ծառայության հավաստագրման կենտրոնի գործունեության ապահովման համար Հանձնաժողովի կողմից հաստատվող ակտերում, միջպետական հանձնաժողովի կողմից կիրառվում են էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի ինտեգրացիոն բաղադրիչի ստուգման շրջանակներում վստահված երրորդ կողմի ծառայության հավաստագրման կենտրոնը ստուգելու համար:

2. Վստահված երրորդ կողմի ծառայությանը և դրա կազմի մեջ մտնող վստահված երրորդ կողմերին ներկայացվող պահանջները

29. Վստահված երրորդ կողմի ծառայությունն ինտեգրացված համակարգի գործառութային մասն է:

30. Վստահված երրորդ կողմի ծառայությունը պետք է ներառի Հանձնաժողովի վստահված երրորդ կողմի ծառայությունները և անդամ պետությունների վստահված երրորդ կողմերի ծառայությունները:

31. Վստահված այն երրորդ կողմերից յուրաքանչյուրը, որոնց ծառայություններն ընդգրկված են վստահված երրորդ կողմի ծառայության կազմի մեջ, «Եվրասիական տնտեսական միության շրջանակներում տեղեկատվական հաղորդակցական տեխնոլոգիաների և տեղեկատվական փոխգործակցության մասին» արձանագրության 21-րդ կետին համապատասխան պետք է իրականացնի հետևյալ խնդիրները՝

ա) էլեկտրոնային փոխգործակցության սուբյեկտների էլեկտրոնային փաստաթղթերի և ԷԹՍ-ի օրինականացման իրականացում (իսկության հաստատում)՝ ժամանակի ֆիքսված պահին.

բ) էլեկտրոնային փաստաթղթերի միջպետական (անդրսահմանային) փոխանակման գործում վստահության երաշխիքների ապահովում.

գ) ելից և (կամ) մտից փաստաթղթերում ԷԹՍ-ի կիրառման իրավաչափության ապահովում` անդամ պետությունների օրենսդրությանը և Հանձնաժողովի ակտերին համապատասխան:

32. Հանձնաժողովի վստահված երրորդ կողմը և անդամ պետությունների վստահված երրորդ կողմերը պետք է ապահովեն վստահված երրորդ կողմերի միջոցների օգտագործմամբ իրականացվող հետևյալ ծառայությունների ամբողջությամբ գործելն իր կազմում՝

ա) իսկության հաստատման ծառայություն (ԷԹՍ-ի, ԷԹՍ-ի ստուգման բանալու հավաստագրի վավերականության և սահմանված պահանջներին դրա համապատասխանության ստուգում, լիազորությունների ստուգման ծառայությունից արդյունքի ստացում և էլեկտրոնային փաստաթղթի իսկության ստուգման արդյունքով անդորրագրերի ստեղծում).

բ) լիազորությունների ստուգման ծառայություն (էլեկտրոնային փոխգործակցության այն սուբյեկտի լիազորությունների ստուգում, որը ստեղծել և ստորագրել է էլեկտրոնային փաստաթուղթն ինտեգրացված համակարգի՝ անդամ պետության ազգային հատվածում կամ Հանձնաժողովի ինտեգրացիոն հատվածում).

գ) ժամանակի դրոշմի ծառայություն (ինտեգրացված համակարգի՝ անդամ պետության ազգային հատվածի կամ Հանձնաժողովի ինտեգրացիոն հատվածի մեջ մտնող էլեկտրոնային փաստաթղթերի համար ժամանակի դրոշմների և էլեկտրոնային փաստաթղթի իսկության ստուգման արդյունքով անդորրագրերի ստեղծում).

դ) տվյալների պահպանման ծառայություն (վստահված երրորդ կողմի կողմից կատարվող գործառնությունների փաստաթղթավորում).

ե) տեղեկատվության տրամադրման ծառայություն (վստահված երրորդ կողմի գործառնությունների մասին՝ ըստ լիազորված մարմինների և Հանձնաժողովի հարցումների):

33. Հանձնաժողովի վստահված երրորդ կողմի միջոցներով կամ անդամ պետությունների վստահված երրորդ կողմերի միջոցներով իրականացվող ծառայությունները պետք է համապատասխանեն սույն պահանջներին, «Եվրասիական տնտեսական միության անդամ պետությունների պետական իշխանության մարմինների՝ միմյանց միջև և Եվրասիական տնտեսական հանձնաժողովի հետ անդրսահմանային փոխգործակցության ժամանակ էլեկտրոնային փաստաթղթերի փոխանակման մասին» հիմնադրույթին, ինչպես նաև Հանձնաժողովի՝ վստահված երրորդ կողմերի գործունեության հարցերին վերաբերող ակտերին:

34. Հանձնաժողովի վստահված երրորդ կողմը և անդամ պետությունների վստահված երրորդ կողմերն իրենց գործառույթներն իրականացնելիս պետք է ապահովեն հետևյալ հիմնական պայմանների պահպանումը՝ իրենց համակցությամբ՝

ա) այն ԷԹՍ-ի բանալու գաղտնիության ապահովում, որի ստուգման բանալին պարունակվում է վստահված երրորդ կողմի կողմից տրված՝ ԷԹՍ-ի ստուգման բանալու հավաստագրում.

բ) վստահված երրորդ կողմի ծառայության հավաստագրման կենտրոնի, Հանձնաժողովի վստահված երրորդ կողմի և անդամ պետությունների վստահված երրորդ կողմերի ծանուցում՝ Միության շրջանակներում էլեկտրոնային փոխգործակցության համար նախատեսված ԷԹՍ-ի բանալու գաղտնիության խախտման մասին՝ ոչ ավելի, քան այդպիսի խախտման վերաբերյալ տեղեկատվություն ստանալու պահից 12 ժամվա ընթացքում.

գ) Միության շրջանակներում փոխգործակցության համար նախատեսված ԷԹՍ-ի բանալու օգտագործման դադարեցում, եթե առկա են հիմքեր՝ ենթադրելու համար, որ տվյալ բանալու գաղտնիությունը խախտվել է.

դ) Միության շրջանակներում փոխգործակցության համար նախատեսված ԷԹՍ-ի բանալու օգտագործում՝ բացառապես էլեկտրոնային փաստաթղթի ԷԹՍ-ի ստուգման արդյունքներով անդորրագրերի ստորագրման համար.

ե) Միության շրջանակներում էլեկտրոնային փոխգործակցության համար նախատեսված ԷԹՍ-ի ստեղծման և ստուգման, ԷԹՍ-ի բանալիների և ԷԹՍ-ի ստուգման բանալիների ստեղծման համար տեղեկատվության կրիպտոգրաֆիկ պաշտպանության այն միջոցների օգտագործում, որոնք իրականացնում են կրիպտոգրաֆիկ ալգորիթմներ, որոնք սահմանված են Եվրասիական տնտեսական հանձնաժողովի կոլեգիայի 2016 թվականի հունիսի 2-ի թիվ 49 որոշմամբ (ԾՕՀ), նախքան Միության՝ տեղեկատվության կրիպտոգրաֆիկ պաշտպանության մասնագիտացված միջոցների համատեղ մշակման նախագծի իրականացումը.

զ) էլեկտրոնային փաստաթղթերում ԷԹՍ-ի ստուգման ժամանակ հետևյալ պայմանների՝ դրանց համակցությամբ պահպանման ստուգում՝

ԷԹՍ-ով ստորագրվող տվյալների ամբողջականությունը խախտված չէ.

ԷԹՍ-ը մշակված է ԷԹՍ-ի բանալու օգտագործմամբ, ԷԹՍ-ի ստուգման բանալու համապատասխան հավաստագիրը վստահված երրորդ կողմի տրամադրության տակ է ստուգումն սկսելու պահին կամ վստահված երրորդ կողմի կողմից ստացվել է ստուգման ընթացակարգերի իրականացման ընթացքում.

ԷԹՍ-ի ստուգման բանալու հավաստագիրը էլեկտրոնային փաստաթղթի ստորագրման պահին վավեր է.

հավաստագրման կենտրոնների ԷԹՍ-ի ստուգման բանալիների հավաստագրերի շղթայից ԷԹՍ-ի ստուգման բանալու յուրաքանչյուր հավաստագիր վավեր է ստորագրման պահին.

է) Հանձնաժողովի ակտերով կամ անդամ պետությունների օրենսդրությամբ սահմանված ժամանակահատվածի ընթացքում էլեկտրոնային փաստաթղթերում ԷԹՍ-ի անցկացվող բոլոր ստուգումներին վերաբերող անհրաժեշտ ամբողջ տեղեկատվության փաստաթղթավորում և պահպանում՝ ծառայությունների տրամադրման անընդհատությունն ապահովելու և (անհրաժեշտության դեպքում) դատարանում ապացույցներ ներկայացնելու համար: Նշված տեղեկատվության պահպանումը կարող է իրականացվել էլեկտրոնային եղանակով:

35. Հանձնաժողովի վստահված երրորդ կողմը պետք է օգտագործի վստահված երրորդ կողմի միջոցներ և ԷԹՍ-ի միջոցներ դրանց կազմում, որոնք համապատասխանում են պահանջներին՝ համաձայն թիվ 3 հավելվածի:

36. Հանձնաժողովը Հանձնաժողովի վստահված երրորդ կողմի գործունեության ապահովման համար լիազորված մարմինների հետ փոխգործակցության միջոցով մշակում և հաստատում է տեխնիկական, տեխնոլոգիական, մեթոդական և կազմակերպչական փաստաթղթեր, որոնք նախատեսում են բաղադրիչների և ինտեգրացված համակարգի՝ Հանձնաժողովի ինտեգրացիոն հատվածի վստահված երրորդ կողմին ներկայացվող պահանջների մանրամասնում:

37. Հանձնաժողովի վստահված երրորդ կողմի և անդամ պետությունների վստահված երրորդ կողմերի՝ միմյանց միջև և վստահված երրորդ կողմի ծառայության հավաստագրման կենտրոնի հետ փոխգործակցությանը ներկայացվող պահանջները սահմանվում են՝ հաշվի առնելով Հանձնաժողովի կողմից հաստատվող՝ տեղեկատվության անվտանգության սպառնալիքների և խախտում կատարողի գործողությունների համապատասխան մոդելները:

38. Անդամ պետությունների վստահված երրորդ կողմերի գործունեության ապահովման համար լիազորված մարմինները, անդամ պետությունների օրենսդրությանը և Հանձնաժողովի ակտերին համապատասխան, մշակում և հաստատում են տեխնիկական, տեխնոլոգիական, մեթոդական և կազմակերպչական փաստաթղթեր, որոնք նախատեսում են բաղադրիչների և անդամ պետությունների վստահված երրորդ կողմերին ներկայացվող պահանջների մանրամասնում:

39. Հանձնաժողովն իրականացնում է ինտեգրացված համակարգի ստեղծման և զարգացման աշխատանքների շրջանակներում մշակված և վստահված երրորդ կողմերի գործունեության համար նախատեսված՝ տեղեկատվության կրիպտոգրաֆիկ պաշտպանության ծրագրային և ապարատային միջոցների փոխանցումը շահագրգիռ անդամ պետությունների լիազորված մարմիններին՝ Հանձնաժողովի կողմից հաստատվող կարգով ազգային հատվածների կազմում օգտագործելու համար:

40. Սույն պահանջները և այն պահանջները, որոնք պարունակվում են վստահված երրորդ կողմերի գործունեությունն ապահովելու համար անդամ պետությունների և Հանձնաժողովի կողմից հաստատվող փաստաթղթերում, միջպետական հանձնաժողովի կողմից օգտագործվում են էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի բաղադրիչի ստուգման շրջանակներում վստահված երրորդ կողմի ծառայությունը և դրա կազմի մեջ մտնող վստահված երրորդ կողմերին ստուգելու համար:

3. Պահանջներ, որոնք ներկայացվում են Հանձնաժողովի հավաստագրման կենտրոնին և անդամ պետությունների հավաստագրման կենտրոններին, որոնք Միության շրջանակներում էլեկտրոնային փոխգործակցության սուբյեկտներին ապահովում են ԷԹՍ-ի ստուգման բանալիների հավաստագրերով

41. Հանձնաժողովի հավաստագրման կենտրոնը և անդամ պետությունների հավաստագրման կենտրոնները, որոնք էլեկտրոնային փոխգործակցության սուբյեկտներին ապահովում են ԷԹՍ բանալիների հավաստագրերով՝ Միության շրջանակներում էլեկտրոնային փոխգործակցության համար, Վստահության անդրսահմանային տարածքի զարգացման ռազմավարությանը համապատասխան՝ վստահության անդրսահմանային տարածքի տարրեր են և մտնում են էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի բաղադրիչների կազմի մեջ:

42. Միության շրջանակներում էլեկտրոնային փոխգործակցության համար թույլատրվում են անդամ պետությունների օրենսդրությանը կամ Հանձնաժողովի ակտերին համապատասխան լիազորված միայն այն հավաստագրված կենտրոնները, որոնց մասին տեղեկությունները ներառված են էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի տարրերի ցանկում:

43. Հանձնաժողովի հավաստագրման կենտրոնը և անդամ պետությունների հավաստագրման կենտրոնները պետք է գործեն բաց բանալիների ենթակառուցվածքի (Public Key Infrastructure) ստեղծման վերաբերյալ միջազգային առաջարկություններին համապատասխան և կատարեն սույն պահանջների 49-րդ կետում նշված նվազագույն անհրաժեշտ պահանջները:

44. Անդամ պետությունների հավաստագրման կենտրոնների գործունեությանը ներկայացվող պահանջները, այդ թվում՝ տեղեկատվության պաշտպանության մասով, սահմանվում են՝ հաշվի առնելով տեղեկատվության անվտանգության արդիական սպառնալիքները և խախտում կատարողի գործողությունները՝ անդամ պետությունների՝ տեղեկատվության պաշտպանության ոլորտում օրենսդրությանը համապատասխան:

45. Հանձնաժողովի հավաստագրման կենտրոնի գործունեությանը ներկայացվող պահանջները սահմանվում են՝ հաշվի առնելով Հանձնաժողովի հավաստագրման կենտրոնում տեղեկատվության անվտանգության սպառնալիքների և խախտում կատարողի գործողությունների մոդելները:

Հանձնաժողովի հավաստագրման կենտրոնը ԷԹՍ-ի ստուգման բանալիների հավաստագրերի ստեղծման համար պետք է օգտագործի ԷԹՍ-ի միջոցներ և հավաստագրման կենտրոնի միջոցներ, որոնք համապատասխանում են պահանջներին՝ համաձայն թիվ 4 հավելվածի: Նախքան նշված միջոցների օգտագործումը՝ դրանց համապատասխանությունը նշված պահանջներին պետք է հաստատվի Հանձնաժողովի գտնվելու երկրի լիազորված մարմինների կողմից՝ դրա օրենսդրությամբ սահմանված կարգով:

46. Անդամ պետությունների հավաստագրման կենտրոնները ստեղծում են ԷԹՍ-ի ստուգման բանալիների հավաստագրեր՝ համապատասխան անդամ պետության օրենսդրությանը համապատասխան:

47. Հանձնաժողովի հավաստագրման կենտրոնը ստեղծում է ԷԹՍ-ի ստուգման բանալիների հավաստագրեր՝ սույն պահանջներին համապատասխան:

48. ԷԹՍ-ի ստեղծման և ստուգման համար անդամ պետություններում պետք է օգտագործվեն դրանց օրենսդրությանը համապատասխան հավաստագրված (սահմանված պահանջներին համապատասխանության հաստատում ստացած) ԷԹՍ միջոցներ:

49. Հավաստագրման կենտրոնների գործունեության համար անդամ պետությունների օրենսդրությանը համապատասխան սահմանվում են հետևյալ նվազագույն անհրաժեշտ պահանջները՝

ա) էլեկտրոնային փոխգործակցության սուբյեկտների ինքնության ստուգման ապահովում՝ ԷԹՍ-ի ստուգման բանալիների հավաստագրերի տրամադրման ժամանակ: Հավաստագիրն ստացողի ինքնության ստուգումն իրականացվում է կա՛մ անմիջապես հավաստագրման կենտրոնի կողմից, կա՛մ երրորդ անձի (գրանցման կենտրոնի և այլն) ներգրավմամբ, եթե դա նախատեսված է անդամ պետությունների օրենսդրությամբ.

բ) հավաստագրման կենտրոնի ծառայություններից օգտվելու պայմանների, այդ թվում՝ դրանցից օգտվելու ցանկացած սահմանափակման մասին տեղեկատվության հրապարակում «Ինտերնետ» տեղեկատվական-հեռահաղորդակցական ցանցում՝ ընդհանուր հասանելիության ռեժիմով.

գ) էլեկտրոնային փոխգործակցության սուբյեկտներին, անդամ պետությունների օրենսդրությանը կամ Հանձնաժողովի ակտերին համապատասխան՝ Հանձնաժողովի կողմից հաստատվող պահանջներին համապատասխանող ԷԹՍ-ի ստուգման բանալիների հավաստագրերի տրամադրում.

դ) էլեկտրոնային փոխգործակցության բոլոր սուբյեկտներին ԷԹՍ-ի ստուգման բանալիների տրամադրված բոլոր հավաստագրերի կարգավիճակի (արդիականության) մասին տեղեկատվության ժամանակին տրամադրում: Այդ տեղեկատվությունը պետք է հասանելի լինի ցանկացած ժամանակ, այդ թվում՝ նաև ԷԹՍ-ի ստուգման բանալու հավաստագրի գործողության դադարեցումից հետո, և տրամադրվի ավտոմատացված եղանակով.

ե) հավաստագրերը հետ կանչելու դեպքում տեղեկատվության օպերատիվ (հարցումն ստանալու օրը՝ հավաստագրման կենտրոնի աշխատանքային ռեժիմին համապատասխան) ներառում հավաստագրերի ռեեստրում և հետ կանչված հավաստագրերի ցանկում: Հավաստագիրը համարվում է հետ կանչված այդ հավաստագրի համապատասխան կարգավիճակի (արդիականության) մասին տեղեկատվություն պարունակող և էլեկտրոնային փոխգործակցության սուբյեկտներին ցանկացած ժամանակ հասանելի՝ հետ կանչված հավաստագրերի ցանկի հրապարակման պահից.

զ) ԷԹՍ-ի ստուգման բանալիների հավաստագրերի տրմանը, ստացմանը և դրանց կարգավիճակների (արդիականության) փոփոխմանը վերաբերող անհրաժեշտ ամբողջ տեղեկատվության փաստաթղթավորում և պահում առնվազն 15 տարի (այդ թվում՝ Միության շրջանակներում էլեկտրոնային փոխգործակցության սուբյեկտներին ԷԹՍ-ի բանալիների հավաստագրերով ապահովելու գործունեության դադարեցումից հետո)՝ ծառայությունների տրամադրման անընդհատությունն ապահովելու և (անհրաժեշտության դեպքում) դատարանում ապացույցներ ներկայացնելու համար: Նշված տեղեկատվության պահպանումը կարող է իրականացվել էլեկտրոնային եղանակով.

է) հավաստագրման կենտրոնի կողմից ստեղծված և պահվող կրիպտոգրաֆիկ բանալիների գաղտնիության, ամբողջականության ապահովում.

ը) Միության շրջանակներում էլեկտրոնային փոխգործակցության սուբյեկտներին ԷԹՍ-ի բանալիների հավաստագրերով ապահովելու գործունեությունը դադարեցնելու մտադրության կամ գործունեության դադարեցման այլ դեպքերի մասին լիազորված մարմիններին տեղեկացում:

50. Անդամ պետությունների հավաստագրման կենտրոնների գործունեության համար լիազորված մարմինները մշակում և հաստատում են տեխնիկական, տեխնոլոգիական, մեթոդական և կազմակերպչական փաստաթղթեր՝ իրենց անդամ պետությունների օրենսդրությանը համապատասխան:

51. Հանձնաժողովի հավաստագրման կենտրոնի գործունեությունն ապահովելու համար Հանձնաժողովը լիազորված մարմինների հետ փոխգործակցության միջոցով մշակում և հաստատում է տեխնիկական, տեխնոլոգիական, մեթոդական և կազմակերպչական փաստաթղթեր:

52. Սույն պահանջները և այն պահանջները, որոնք պարունակվում են հավաստագրման կենտրոնների գործունեությունն ապահովելու համար անդամ պետությունների և Հանձնաժողովի կողմից հաստատվող փաստաթղթերում, միջպետական հանձնաժողովի կողմից օգտագործվում են էլեկտրոնային եղանակով՝ տեղեկատվության փաստաթղթավորման ընդհանուր ենթակառուցվածքի բաղադրիչի ստուգման շրջանակներում վստահված երրորդ կողմի ծառայությունը ստուգելու համար:

4. Տվյալների և էլեկտրոնային փաստաթղթերի միջպետական փոխանակման ժամանակ անդամ պետությունների և Հանձնաժողովի տեղեկատվական համակարգերի ու ռեսուրսների փոխգործակցության ապահովման ենթակառուցվածքին ներկայացվող պահանջներ

53. Տվյալների և էլեկտրոնային փաստաթղթերի միջպետական փոխանակման ժամանակ անդամ պետությունների և Հանձնաժողովի տեղեկատվական համակարգերի ու ռեսուրսների փոխգործակցության ապահովման ենթակառուցվածքը կազմված է ինտեգրացված համակարգի ինտեգրացիոն հարթակից և անդամ պետությունների միջգերատեսչական տեղեկատվական փոխգործակցության համակարգերից, որոնք գործառույթներ են կատարում՝ Եվրասիական տնտեսական հանձնաժողովի կոլեգիայի 2015 հոկտեմբերի 12-ի թիվ 137 որոշմամբ հաստատված՝ Եվրասիական տնտեսական միության ինտեգրված տեղեկատվական համակարգի ստեղծման տեխնիկական առաջադրանքին համապատասխան:

54. Ինտեգրացված համակարգի ինտեգրացիոն հարթակը կազմված է ինտեգրացիոն անցուղիներից, տվյալների սինքրոնացման ենթահամակարգից, տրանսպորտային ենթահամակարգից, արտաքին տեղեկատվական համակարգերի հետ փոխգործակցության ենթահամակարգից և փոխկապակցման ենթահամակարգից:

55. Ինտեգրացված համակարգի ինտեգրացիոն հարթակը ներառում է անդամ պետությունների ինտեգրացիոն անցուղիները, որոնք գործում են ինտեգրացված համակարգի՝ անդամ պետությունների ազգային հատվածների կազմում, և Հանձնաժողովի ինտեգրված անցուղին, որը գործում է ինտեգրացված համակարգի՝ Հանձնաժողովի ինտեգրացիոն հատվածի կազմում:

56. Ինտեգրացված համակարգի ինտեգրացիոն հարթակը տվյալների սինքրոնացման ենթահամակարգի շրջանակներում պետք է ապահովի Հանձնաժողովի ինտեգրացիոն հատվածի շրջանակներում ինտեգրացված համակարգի ենթահամակարգերի տեղեկատվական փոխգործակցությունը:

57. Ինտեգրացված համակարգի ինտեգրացիոն հարթակը տրանսպորտային ենթահամակարգի շրջանակներում պետք է ապահովի ինտեգրացիոն հարթակի բաղադրիչների միջև էլեկտրոնային հաղորդագրությունների երաշխավորված առաքումը հաղորդագրությունների հերթերի օգտագործմամբ:

58. Ինտեգրացված համակարգի ինտեգրացիոն հարթակն արտաքին տեղեկատվական համակարգերի հետ փոխգործակցության ենթահամակարգի շրջանակներում պետք է ապահովի ինտեգրացիոն հարթակին միանալու միասնական կետ՝ Միության անդամ չհանդիսացող ինտեգրացիոն միավորումների, միջազգային կազմակերպությունների և պետությունների տեղեկատվական համակարգերի (այսուհետ՝ արտաքին տեղեկատվական համակարգեր) հետ տեղեկատվական փոխգործակցություն կազմակերպելիս:

59. Ինտեգրացված համակարգի ինտեգրացիոն հարթակը փոխկապակցման ենթահամակարգի շրջանակներում պետք է ապահովի փոխգործակցությունն ինտեգրացիոն հարթակի ինտեգրացիոն անցուղու և անդամ պետություններում կիրառվող միջպետական տեղեկատվական փոխգործակցության համակարգերի (տիպային ինտեգրացիոն անցուղու հիման վրա իրականացված՝ անդամ պետությունների ազգային հատվածների ինտեգրացիոն անցուղիների համար), ինչպես նաև արտաքին տեղեկատվական համակարգերի հետ փոխգործակցության ենթահամակարգի միջև:

60. Տեղեկատվության փոխանակումը ինտեգրացված համակարգի՝ Հանձնաժողովի ինտեգրացիոն հատվածի ինտեգրացիոն անցուղու և տվյալների սինքրոնացման ենթահամակարգի միջև, ինչպես նաև տեղեկատվության փոխանակումը ինտեգրացված համակարգի՝ անդամ պետությունների ազգային հատվածների ինտեգրացիոն անցուղիների միջև, ինտեգրացված համակարգի՝ Հանձնաժողովի ինտեգրացված հատվածի ինտեգրացիոն անցուղու և ինտեգրացված համակարգի՝ անդամ պետությունների ազգային հատվածների ինտեգրացիոն անցուղիների միջև պետք է իրականացվի Եվրասիական տնտեսական հանձնաժողովի կոլեգիայի 2015 թվականի հունվարի 27-ի թիվ 5 որոշմամբ հաստատված՝ Արտաքին և փոխադարձ առևտրի ինտեգրացված տեղեկատվական համակարգում տվյալների էլեկտրոնային փոխանակման կանոններին համապատասխան:

61. Անդամ պետությունների ազգային հատվածների ինտեգրացիոն անցուղիների և Հանձնաժողովի ինտեգրացիոն անցուղիների հաշվիչ ռեսուրսները պետք է ապահովեն դրանց հասանելիության մակարդակն օրը 24 ժամ, շաբաթը՝ 7 օր, տարին՝ 365 օր՝ բացառությամբ տեխնիկական սպասարկման ժամանակահատվածների:

62. Ինտեգրացված համակարգի ինտեգրացիոն հարթակը պետք է ապահովի վթարային այն իրավիճակների ճշգրիտ մշակումը, որոնք առաջացել են մուտքային տվյալների ոչ ճիշտ ձևաչափի կամ անթույլատրելի արժեքների արդյունքում: Նշված դեպքերում ինտեգրացված համակարգի ինտեգրացիոն հարթակը պետք է ապահովի համապատասխան մատյաններում վթարային իրավիճակների վերաբերյալ տեղեկատվության պահպանումը, ինչից հետո վերադառնա ոչ ճիշտ մուտքային տվյալների ստացմանը նախորդող աշխատանքային վիճակին:

63. Անդամ պետությունների ինտեգրացիոն անցուղիները և միջգերատեսչական տեղեկատվական փոխգործակցության համակարգերը պետք է ապահովեն փոխանցվող տվյալների պաշտպանությունը:

64. Ինտեգրացիոն անցուղիների օպերատորները պետք է սահմանափակեն այն աշխատակիցների շրջանակը, որոնք հասանելիություն ունեն փոխանցվող տվյալներին, ընդ որում, տվյալներին հասանելիությունը պետք է տրամադրվի այդ աշխատակիցներին միայն արտակարգ (կոնֆլիկտային) իրավիճակների քննության համար:

65. Անդամ պետությունների ինտեգրացիոն անցուղիները և միջգերատեսչական տեղեկատվական փոխգործակցության համակարգերը պետք է ապահովեն փոխանցվող տվյալներն ուղարկողների և ստացողների նույնականացումն ու իսկորոշումը:

66. Ինտեգրացիոն անցուղիները պետք է ապահովեն փոխանցվող և ստացվող տվյալներով, այդ թվում՝ էլեկտրոնային փաստաթղթերով իրականացված գործառնությունների վերաբերյալ տեղեկատվության փաստաթղթավորումը և դրա պահպանումն անդամ պետությունների օրենսդրությամբ կամ Հանձնաժողովի ակտերով սահմանված ժամանակահատվածում, այդ թվում՝ դատարանում ապացույցներ ներկայացնելու հնարավորության համար:

67. Ինտեգրացիոն անցուղիների ծառայությունները, որոնք օգտագործվում են անդամ պետությունների պետական իշխանության մարմինների՝ միմյանց միջև և Հանձնաժողովի հետ անդրսահմանային փոխգործակցության ժամանակ էլեկտրոնային փաստաթղթերի փոխանակումն իրականացնելու համար, պետք է համապատասխանեն սույն պահանջներին, «Եվրասիական տնտեսական միության անդամ պետությունների պետական իշխանության մարմինների՝ միմյանց միջև և Եվրասիական տնտեսական հանձնաժողովի հետ անդրսահմանային փոխգործակցության ժամանակ էլեկտրոնային փաստաթղթերի փոխանակման մասին» հիմնադրույթի պահանջներին և Հանձնաժողովի՝ ինտեգրացիոն անցուղիների գործունեության հարցերի վերաբերյալ այլ ակտերի:

5. Տեղեկատվության պաշտպանության ապահովման ենթակառուցվածքին և համակարգերին ներկայացվող պահանջները

68. Ինտեգրացված համակարգի՝ Հանձնաժողովի ինտեգրացիոն հատվածի պաշտպանության համար Հանձնաժողովի կողմից օգտագործվում է տեղեկատվական անվտանգության ենթահամակարգ, որը Եվրասիական տնտեսական միության ինտեգրացված տեղեկատվական համակարգ ստեղծելու տեխնիկական խնդրին համապատասխան, նախատեսված է ապահովելու տվյալների գաղտնիությունը, ամբողջականությունը և հասանելիությունը Հանձնաժողովի ինտեգրացիոն հատվածում դրանց մշակման և պահպանման ժամանակ, ինչպես նաև ինտեգրացված համակարգի՝ անդամ պետությունների ազգային հատվածների հետ փոխգործակցության ժամանակ կապի ուղիներով դրանց փոխանցման ժամանակ:

69. Ինտեգրացված համակարգի՝ անդամ պետությունների ազգային հատվածների պաշտպանության համար լիազորված մարմինները պետք է ապահովեն անդամ պետություններում անդամ պետությունների ազգային հատվածների տեղեկատվության պաշտպանության այնպիսի ենթահամակարգերի ստեղծումը և ներդրումը, որոնք, ինտեգրացված համակարգ ստեղծելու տեխնիկական խնդրին համապատասխան, նախատեսված են ապահովելու տվյալների գաղտնիությունը, ամբողջականությունը և հասանելիությունն անդամ պետության ազգային հատվածում դրանց ստեղծման, մշակման և պահպանման ժամանակ, ինչպես նաև Հանձնաժողովի ինտեգրացիոն հատվածի ու ինտեգրացված համակարգի՝ մյուս անդամ պետությունների ազգային հատվածների հետ փոխգործակցելիս կապի ուղիներով դրանց փոխանցման ժամանակ: Ինտեգրացված համակարգի՝ անդամ պետության ազգային հատվածում տեղեկատվության գաղտնիության, ամբողջականության, հասանելիության և պահպանվածության ապահովման համար ընդունվում և իրականացվում է տեղեկատվության պաշտպանության իրավական, կազմակերպչական և տեխնիկական միջոցների համալիր՝ համապատասխան անդամ պետության օրենսդրությանը համապատասխան:

70. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչների օպերատորները պետք է ձեռնարկեն տեխնիկական և կազմակերպչական միջոցներ, որոնք ուղղված են դրանց կողմից իրականացվող գործառույթների համար սպառնալիքների չեզոքացմանը: Նշված միջոցները պետք է իրականացվեն տեղեկատվության անվտանգության սպառնալիքները և խախտում կատարողի գործողությունները սահմանելու հիման վրա, որոնք արտացոլվում են անդամ պետությունների օրենսդրությանը համապատասխան մշակվող փաստաթղթերում (անվտանգության մասով խնդիրներում, սպառնալիքների մոդելներում և այլն):

71. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչների օպերատորները պետք է ապահովեն իրենց աշխատակիցների անհրաժեշտ գիտելիքների, հուսալիության, լոյալության, փորձի և որակավորման առկայությունը, ինչպես նաև նրանց՝ համապատասխան անդամ պետության օրենսդրությանը համապատասխան՝ տեղեկատվության պաշտպանության ոլորտում բավարար պատրաստվածությունը:

72. Վստահության անդրսահմանային տարածքի տարրերի տեղեկատվության գաղտնիության, ամբողջականության և հասանելիության խախտման ցանկացած փաստի հայտնաբերման դեպքում էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչների օպերատորները պետք է անհապաղ տեղեկացնեն այդ մասին իրենց լիազորված մարմնին:

Եթե տեղեկատվության պաշտպանության խախտումը վերաբերում է 2 կամ ավելի անդամ պետությունների, ապա այդպիսի ծանուցում ստացած լիազորված մարմինը տեղեկացնում է այդ մասին մյուս անդամ պետությունների լիազորված մարմիններին և միջպետական հանձնաժողովին:

73. Տեղեկատվության պաշտպանության ապահովման միջոցները և եղանակները, որոնք էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչների օպերատորների կողմից իրականացվում են վստահության անդրսահմանային տարածքի տարրերի և դրանց կողմից տրամադրվող ծառայությունների նկատմամբ, պետք է համապատասխանեն պահանջներին՝ համաձայն թիվ 5 հավելվածի:

ՀԱՎԵԼՎԱԾ ԹԻՎ 1 Վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջների

Վստահության անդրսահմանային տարածքի

ԿԱՌՈՒՑՎԱԾՔԸ

1. Սույն փաստաթուղթը սահմանում է էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական և ինտեգրացիոն բաղադրիչների կազմում ներառված տարրերի կազմը, որը անհրաժեշտ և բավարար է Եվրասիական տնտեսական հանձնաժողովի կոլեգիայի 2016 թվականի սեպտեմբերի 27-ի թիվ 105 որոշմամբ հաստատված՝ Վստահության անդրսահմանային տարածքի զարգացման ռազմավարության առաջին փուլի իրագործման շրջանակներում Եվրասիական տնտեսական միության անդամ պետությունների (այսուհետ համապատասխանաբար՝ Միություն, անդամ պետություններ) պետական իշխանության մարմինների միջև՝ միմյանց և Եվրասիական տնտեսական հանձնաժողովի հետ (այսուհետ՝ Հանձնաժողով) տվյալներն ու էլեկտրոնային փաստաթղթերի միջպետական փոխանակումն ապահովելու համար:

2. Իրավաբանական ուժ ունեցող էլեկտրոնային փաստաթղթերի օգտագործմամբ միջպետական տեղեկատվական փոխգործակցություն իրականացնելիս վստահությունն ապահովելու համար Միության շրջանակներում ստեղծվում է էլեկտրոնային եղանակով տեղեկատվության փաստաթղթավորման ընդհանուր ենթակառուցվածք, որով երաշխավորվում է՝

էլեկտրոնային փաստաթղթերի ժամանակին և ճշգրիտ փոխանցումն էլեկտրոնային փոխգործակցության սուբյեկտների միջև՝ դրանց իրավաբանական ուժի ապահովմամբ (պահպանմամբ), ինչպես նաև տեղեկատվության պաշտպանության փոխընդունելի մակարդակի ապահովմամբ.

պահանջվող այն վկայությունների նախապատրաստման և ներկայացման համապատասխան մեթոդների առկայությունը ցանկացած տարաձայնության առաջացման դեպքում, որոնք թույլ են տալիս վերականգնել իրադարձությունների ընթացքը և որոշել դրանց պատճառը:

3. Յուրաքանչյուր անդամ պետությունում ստեղծվում է էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչ, Հանձնաժողովում ստեղծվում է էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի ինտեգրացիոն բաղադրիչ:

4. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի ինտեգրացիոն բաղադրիչը ներառում է հետևյալ տարրերը՝

Միության ինտեգրացված տեղեկատվական համակարգի վստահված երրորդ կողմի ծառայության հավաստագրման կենտրոն (այսուհետ համապատասխանաբար՝ ինտեգրացված համակարգ, վստահված երրորդ կողմի ծառայության հավաստագրման կենտրոն), որը նախատեսված է ինտեգրացված համակարգի՝ Հանձնաժողովի ինտեգրացիոն հատվածի և անդամ պետությունների ազգային հատվածների լիազորված վստահված երրորդ կողմերի ԷԹՍ-ի ստուգման բանալիների հավաստագրերի ստեղծման և արդիականության ստուգման համար: Վստահված երրորդ կողմի ծառայության հավաստագրման կենտրոնի ծառայությունների կազմի մեջ է մտնում ժամանակի դրոշմի ծառայությունը, որն օգտագործվում է ինտեգրացված համակարգի՝ Հանձնաժողովի ինտեգրացիոն հատվածի և անդամ պետությունների ազգային հատվածների վստահված երրորդ կողմերի կողմից՝ Եվրասիական տնտեսական հանձնաժողովի կոլեգիայի 2015 թվականի սեպտեմբերի 28-ի թիվ 125 որոշմամբ հաստատված՝ «Եվրասիական տնտեսական միության անդամ պետությունների պետական իշխանության մարմինների՝ միմյանց միջև և Եվրասիական տնտեսական հանձնաժողովի հետ անդրսահմանային փոխգործակցության ժամանակ էլեկտրոնային փաստաթղթերի փոխանակման մասին» հիմնադրույթին համապատասխան.

վստահված երրորդ կողմ, որը գործում է ինտեգրացված համակարգի՝ Հանձնաժողովի ինտեգրացիոն հատվածում (այսուհետ՝ Հանձնաժողովի վստահված երրորդ կողմ), որը նախատեսված է էլեկտրոնային փաստաթուղթը ստորագրած անձի առնչությամբ ժամանակի ֆիքսված պահին էլեկտրոնային փաստաթղթերում ԷԹՍ-ի ստուգման և Հանձնաժողովի վստահված երրորդ կողմի հիմնական խնդիրների կատարման համար՝ «Եվրասիական տնտեսական միության շրջանակներում տեղեկատվական հաղորդակցական տեխնոլոգիաների և տեղեկատվական փոխգործակցության մասին» արձանագրությանը («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 3 հավելված) համապատասխան: Հանձնաժողովի վստահված երրորդ կողմի ծառայությունների կազմի մեջ է մտնում ժամանակի դրոշմի ծառայությունը, որն օգտագործվում է Հանձնաժողովի վստահված երրորդ կողմի և ինտեգրացված համակարգի՝ անդամ պետությունների ազգային հատվածներում գործող լիազորված վստահված երրորդ կողմերի (այսուհետ՝ անդամ պետությունների վստահված երրորդ կողմեր) կողմից՝ Եվրասիական տնտեսական միության անդամ պետությունների պետական իշխանության մարմինների՝ միմյանց միջև և Եվրասիական տնտեսական հանձնաժողովի հետ անդրսահմանային փոխգործակցության ժամանակ էլեկտրոնային փաստաթղթերի փոխանակման մասին» հիմնադրույթին համապատասխան.

Հանձնաժողովի հավաստագրման կենտրոն, որը նախատեսված է Միության շրջանակներում էլեկտրոնային փոխգործակցության սուբյեկտ հանդիսացող՝ Հանձնաժողովի կոլեգիայի անդամներին, պաշտոնատար անձանց և Հանձնաժողովի աշխատակիցներին ԷԹՍ-ի ստուգման բանալիների հավաստագրերով ապահովելու և ԷԹՍ-ի ստուգման բանալիների տրված հավաստագրերի արդիականությունը ստուգելու համար.

ինտեգրացված համակարգի ինտեգրացիոն հարթակ, որն ապահովում է էլեկտրոնային փաստաթղթերի և տվյալների ուղարկումը և երաշխավորված առաքումն ինտեգրացված համակարգի՝ Հանձնաժողովի ինտեգրացիոն հատվածի և անդամ պետությունների ազգային հատվածների միջև էլեկտրոնային փոխգործակցության ժամանակ.

ինտեգրացված համակարգի ինտեգրացիոն անցուղի, որն ապահովում է ինտեգրացված համակարգի՝ Հանձնաժողովի ինտեգրացիոն հատվածի ենթահամակարգերի փոխգործակցությունը ինտեգրացված համակարգի ինտեգրացիոն հարթակի հետ.

ինտեգրացված համակարգի տեղեկատվական անվտանգության ենթահամակարգ, որը նախատեսված է ապահովելու համար տվյալների գաղտնիությունը, ամբողջականությունը և հասանելիությունը Հանձնաժողովի ինտեգրացիոն հատվածում դրանց մշակման և պահպանման ժամանակ, ինչպես նաև դրանց՝ կապի այն ուղիներով փոխանցման ժամանակ, որոնք միավորում են ինտեգրված համակարգի՝ Հանձնաժողովի ինտեգրացիոն հատվածի ինտեգրացիոն անցուղիները և անդամ պետությունների ազգային հատվածների ինտեգրացիոն անցուղիները:

5. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի յուրաքանչյուր պետական բաղադրիչ ներառում է հետևյալ տարրերը՝

անդամ պետության վստահված երրորդ կողմ, որը նախատեսված է էլեկտրոնային փաստաթուղթը ստորագրած անձի առնչությամբ ժամանակի ֆիքսված պահին էլեկտրոնային փաստաթղթերում ԷԹՍ-ի ստուգման և անդամ պետության վստահված երրորդ կողմի հիմնական խնդիրների կատարման համար՝ «Եվրասիական տնտեսական միության շրջանակներում տեղեկատվական հաղորդակցական տեխնոլոգիաների և տեղեկատվական փոխգործակցության մասին» արձանագրությանը համապատասխան: Անդամ պետության վստահված երրորդ կողմի ծառայությունների կազմի մեջ է մտնում ժամանակի դրոշմի ծառայությունը, որն օգտագործվում է վստահված երրորդ կողմի կողմից՝ Եվրասիական տնտեսական միության անդամ պետությունների պետական իշխանության մարմինների՝ միմյանց միջև և Եվրասիական տնտեսական հանձնաժողովի հետ անդրսահմանային փոխգործակցության ժամանակ էլեկտրոնային փաստաթղթերի փոխանակման մասին» հիմնադրույթին համապատասխան.

անդամ պետության հավաստագրման կենտրոններ, ինչպես նաև այլ ենթակառուցվածք, որը նախատեսված է Միության շրջանակներում էլեկտրոնային փոխգործակցության սուբյեկտներին ԷԹՍ-ի ստուգման բանալիների հավաստագրերով ապահովելու և ԷԹՍ-ի ստուգման բանալիների տրված հավաստագրերի արդիականությունը ստուգելու համար.

ինտեգրացված համակարգի՝ անդամ պետության ազգային հատվածի ինտեգրացիոն անցուղի, որն ապահովում է անդամ պետության միջգերատեսչական տեղեկատվական փոխգործակցության համակարգի միացումն ինտեգրացված համակարգի ինտեգրացիոն հարթակին.

ինտեգրացված համակարգի՝ անդամ պետության ազգային հատվածի պաշտպանության ենթահամակարգ, որը նախատեսված է ապահովելու համար տվյալների գաղտնիությունը, ամբողջականությունը և հասանելիությունն ինտեգրացված համակարգի՝ անդամ պետության ազգային հատվածում դրանց մշակման և պահպանման ժամանակ. ինտեգրացված համակարգի՝ անդամ պետության ազգային հատվածում տեղեկատվության գաղտնիության, ամբողջականության, հասանելիության և պահպանվածության ապահովման համար ընդունվում և իրականացվում է տեղեկատվության պաշտպանության իրավական, կազմակերպչական և տեխնիկական միջոցների համալիր՝ համապատասխան անդամ պետության օրենսդրությանը համաձայն:

ՀԱՎԵԼՎԱԾ ԹԻՎ 2 Վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջների

ՊԱՀԱՆՋՆԵՐ

տեղեկատվության պաշտպանության ապահովման միջոցներին և եղանակներին ներկայացվող

I. Ընդհանուր դրույթներ

1. Սույն պահանջները պարունակում են տեղեկատվության պաշտպանության ապահովման այն միջոցների և եղանակների նկարագրությունը, որոնք պետք է իրագործվեն էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորների կողմից վստահության անդրսահմանային տարածքի տարրերի և նրանց կողմից տրամադրվող ծառայությունների նկատմամբ, որոնց շահագործումն ապահովում է էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորը (այսուհետ՝ պաշտպանության օբյեկտ)։

2. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի ինտեգրացիոն բաղադրիչի տարրերի և ծառայությունների պաշտպանությունն իրականացվում է սույն պահանջներին համապատասխան։

3. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական բաղադրիչների տարրերի և ծառայությունների պաշտպանությունն իրականացվում է Եվրասիական տնտեսական միության անդամ պետությունների օրենսդրությանը կամ տեղեկատվական անվտանգության բնագավառում միջազգային ստանդարտներին և սույն պահանջներին համապատասխան ։

4. Սույն պահանջներով սահմանվում են պաշտպանության օբյեկտներում իրագործվող՝ տեղեկատվության պաշտպանության միջոցներին և եղանակներին ներկայացվող նվազագույն անհրաժեշտ պահանջները և ներառում են՝

ա) ֆիզիկական պաշտպանության ապահովմանը ներկայացվող պահանջները,

բ) վնասաբեր ծրագրային ապահովումից պաշտպանության ապահովմանը ներկայացվող պահանջները,

գ) պահուստային պատճենման ապահովմանը ներկայացվող պահանջները,

դ) տեղեկատվական անվտանգության իրադարձությունների ու միջադեպերի հաշվառմանը ներկայացվող պահանջները,

ե) պաշտպանության օբյեկտի տեխնիկական միջոցների, ծրագրային ապահովման և տեղեկատվական ակտիվների պաշտպանվածության հսկողությանը ներկայացվող պահանջները,

զ) կրիպտոգրաֆիկ պաշտպանության միջոցների հետ աշխատանքին ներկայացվող պահանջները,

է) հասանելիության կառավարմանը ներկայացվող պահանջները։

5. Սույն պահանջների իրագործման նպատակով վստահության անդրսահմանային տարածքի յուրաքանչյուր տարրի համար էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորների կողմից պետք է մշակվեն համապատասխան փաստաթղթեր, որոնք պետք է կանոնավոր վերանայման և արդիականացման ենթարկվեն։

6. Վստահության անդրսահմանային տարածքի տարրերի շահագործման և ուղեկցման նկատմամբ հասանելիություն ունեցող անձանց իրենց իրավասության շրջանակներում պետք է ծանոթացնել սույն պահանջների 5-րդ կետում նշված փաստաթղթերին։

II. Ֆիզիկական պաշտպանության ապահովմանը

ներկայացվող պահանջները

7. Պաշտպանության օբյեկտի համար պետք է սահմանված լինեն հսկվող գոտիներ, որտեղ ֆիզիկապես մուտք գործելը պետք է սահմանափակված լինի, այդ թվում՝ հասանելիության հսկման համակարգի միջոցներով։

8. Պետք է սահմանված լինի այն անձանց ցանկը, որոնց թույլատրվում է մուտք գործել պաշտպանության օբյեկտ՝ նշելով նրանց դերերը (հասանելիության մակարդակը)։

9. Պետք է բացառված լինի տեղեկատվության արտապատկերման միջոցներով կողմնակի անձանց համար տեղեկատվության նկատմամբ հասանելիություն ստանալու հնարավորությունը։

10. Հսկվող գոտու տարածքով կողմնակի անձանց տեղաշարժը պետք է արգելված լինի։

11. Այն հաշվողական տեխնիկայի միջոցների տեղակայումը, որի միջոցով իրականացվում է հսկող գոտուց դուրս պաշտպանության օբյեկտի տվյալների մշակումը, պետք է արգելված լինի։

12. Հաշվողական տեխնիկայի միջոցների և տեղեկատվության պահպանման միջոցների ներսբերումը (դուրսբերումը) հսկվող գոտի (հսկվող գոտուց) պետք է գրանցվի հատուկ մատյաններում։

13. Պաշտպանության օբյեկտի ֆիզիկական պաշտպանության և հասանելիության հսկման վերաբերյալ փաստաթղթերը պետք է պարունակեն՝

ա) սահմանափակ հասանելիությամբ հսկվող գոտիների սարքավորվածության կարգը,

բ) այն անձանց ցանկը վարելու կարգը, որոնց թույլատրվում է մուտք գործել պաշտպանության օբյեկտ՝ նշելով նրանց դերերը (հասանելիության մակարդակը),

գ) հսկվող գոտուն հասանելիություն ստանալու և դրանով կողմնակի անձանց տեղաշարժի հսկման կարգը,

դ) հսկվող գոտի (հսկվող գոտուց) հաշվողական տեխնիկայի միջոցների և տեղեկատվության պահպանման միջոցների ներսբերման (դուրսբերման) կարգը,

ե) հսկվող գոտում գտնվող՝ պաշտպանության օբյեկտի տարրերի նկատմամբ հասանելիություն ունեցող օգտագործողների դերերի նկարագրությունը,

զ) հասանելիության կառավարման այն քաղաքականության նկարագրությունը, որով սահմանվում է տարբեր դերեր ունեցող օգտագործողների՝ ծառայությունների հետ և օգտագործողների անունից հանդես եկող ծառայությունների՝ պաշտպանության օբյեկտի տարրերի և ծառայությունների հետ թույլատրելի գործողությունների ամբողջությունը։

III. Վնասաբեր ծրագրային ապահովումից պաշտպանության ապահովմանը ներկայացվող պահանջները

14. Պաշտպանության օբյեկտի բոլոր սպասարկիչների վրա և աշխատանքային կայաններում պետք է նախատեսված լինեն և պետք է իրականացվեն վնասաբեր ծրագրային ապահովումից պաշտպանության միջոցներ։

15. Պետք է կանոնավորապես կատարվի պաշտպանության օբյեկտի սպասարկիչների և աշխատանքային կայանների ստուգում վնասաբեր ծրագրային ապահովման առկայության առնչությամբ։

16. Պաշտպանության միջոցների անջատումը վնասաբեր ծրագրային ապահովումից պետք է արգելված լինի։

17. Պետք է կատարվի վնասաբեր ծրագրային ապահովումից պաշտպանության միջոցների կանոնավոր թարմացում։

18. Վնասաբեր ծրագրային ապահովման հայտնաբերման բոլոր դեպքերը պետք է արձանագրվեն։

19. Վնասաբեր ծրագրային ապահովումից պաշտպանության օբյեկտի պաշտպանության մասին փաստաթղթերը պետք է պարունակեն՝

ա) վնասաբեր ծրագրային ապահովումից պաշտպանության օբյեկտի պաշտպանության միջոցների կազմին ներկայացվող պահանջները,

բ) վնասաբեր ծրագրային ապահովումից պաշտպանության օբյեկտի պաշտպանության աշխատանքների կատարման կանոնակարգը,

գ) վնասաբեր ծրագրային ապահովում հայտնաբերելիս անձնակազմի գործողությունների կարգը,

դ) վնասաբեր ծրագրային ապահովման հայտնաբերման և վերացման իրադարձությունների գրանցման կարգը,

ե) վնասաբեր ծրագրային ապահովումից օբյեկտի պաշտպանության միջոցների աշխատունակության փորձարկման կարգը։

IV. Պահուստային պատճենման ապահովմանը

ներկայացվող պահանջները

20. Պաշտպանության օբյեկտի հաշվողական տեխնիկայի միջոցների կազմում պետք է նախատեսված լինեն տվյալների պատճենման և վերականգնման միջոցներ, պահուստային պատճենների կառավարման և հաշվառման միջոցներ, տվյալների պահպանման միջոցներ, պահուստային պատճենների պահպանման համար օգտագործվող տեղեկատվության կրիչներ։

21. Պահուստային պատճենման բոլոր իրադարձությունները պետք է գրանցվեն հատուկ մատյաններում։

22. Պետք է կատարվի պահուստային պատճենման միջոցների աշխատունակության կանոնավոր փորձարկում։

23. Տվյալների պահուստային պատճենում կատարելու մասին փաստաթղթերը պետք է պարունակեն՝

ա) տվյալների պատճենման և վերականգնման միջոցների կազմին ներկայացվող պահանջները,

բ) տեղեկատվության պահուստային պատճենման աշխատանքների կատարման կանոնակարգը,

գ) պահուստային պատճեններից տվյալների վերականգնման անհրաժեշտություն առաջանալու դեպքում անձնակազմի գործողությունների կարգը,

դ) տվյալների պահուստային պատճենման և վերականգնման իրադարձությունների գրանցման կարգը,

ե) պահուստային պատճենման միջոցների աշխատունակության փորձարկման կարգը։

V. Տեղեկատվական անվտանգության իրադարձությունների ու միջադեպերի հաշվառմանը ներկայացվող պահանջները

24. Պետք է վարել տեղեկատվական անվտանգության իրադարձությունների ու միջադեպերի հաշվառում։

25. Պետք է մշակել տեղեկատվական անվտանգության իրադարձությունների ու միջադեպերի մշակման կարգ։

26. Պետք է սահմանված լինեն տեղեկատվական անվտանգության իրադարձությունների ու միջադեպերի մշակման համար պատասխանատու անձինք։

27. Տեղեկատվական անվտանգության իրադարձությունների ու միջադեպերի գրանցման ու հաշվառման մասին փաստաթղթերը պետք է պարունակեն՝

ա) տեղեկատվական անվտանգության իրադարձությունների ու միջադեպերի հաշվառման կարգը,

բ) իրադարձությունների ու միջադեպերի մշակման քաղաքականությունը,

գ) իրադարձությունների ու միջադեպերի մշակման համար պատասխանատու անձանց նշանակման կարգն ու գործողությունների նկարագրությունը։

VI. Պաշտպանության օբյեկտի տեխնիկական միջոցների, ծրագրային ապահովման և տեղեկատվական ակտիվների պաշտպանվածության հսկողությանը ներկայացվող պահանջները

28. Պետք է կատարվի պաշտպանության օբյեկտի տարրերի կանոնավոր գույքագրում՝ պաշտպանության օբյեկտում բացված տեխնիկական միջոցների, ծրագրային ապահովման և տեղեկատվական ակտիվների, ինչպես նաև պետք է արձանագրվեն պաշտպանության օբյեկտի հետ տեղի ունեցող բոլոր փոփոխությունները։

29. Պետք է կատարել խոցելի տեղերի հսկում, որը ներառում է խոցելի տեղերի հայտնաբերումը (խոցելի տեղերին մշտապես հետևելը), հայտնաբերված խոցելի տեղերի հետ կապված՝ անվտանգության սպառնալիքների գնահատումը, խոցելի տեղերի վերացմանը (մեկուսացմանը) ուղղված պաշտպանության միջոցների ձեռնարկումը։

30. Պաշտպանության օբյեկտում բացված տեխնիկական միջոցների, ծրագրային ապահովման և տեղեկատվական ակտիվների պաշտպանվածության հսկման մասին փաստաթղթերը պետք է պարունակեն՝

ա) պաշտպանության օբյեկտի տարրերի կանոնավոր գույքագրում կատարելու կարգը. պաշտպանության օբյեկտում բացված տեխնիկական միջոցներ, ծրագրային ապահովման և տեղեկատվական ակտիվներ,

բ) խոցելի տեղերի հսկում կատարելու կարգը, որը ներառում է խոցելի տեղերին հետևելը, հայտնաբերված խոցելի տեղերի հետ կապված՝ անվտանգության սպառնալիքների գնահատումը, խոցելի տեղերի վերացմանն (մեկուսացմանն) ուղղված պաշտպանության միջոցների ձեռնարկումը,

գ) պաշտպանական միջոցների նկարագրությունը։

VII. Տեղեկատվության կրիպտոգրաֆիկ պաշտպանության միջոցների հետ աշխատանքին ներկայացվող պահանջները

31. Պետք է իրականացվի տեղեկատվության կրիպտոգրաֆիկ պաշտպանության միջոցների բաղադրիչների ամբողջականության հսկողություն։

32. Պետք է սահմանված և ճշգրիտ իրագործված լինեն տեղեկատվության պաշտպանության միջոցների բաղադրիչների ամբողջականության հսկողության ապահովման կրիպտոգրաֆիկ մեթոդները։

33. Պետք է սահմանված և ճշգրիտ իրագործված լինեն տեղեկատվության պաշտպանության ապարատային մեթոդները։

34. Պետք է սահմանված և ճշգրիտ իրագործված լինեն գաղտնիքի բաժանման մեթոդները։

35. Տեղեկատվության կրիպտոգրաֆիկ պաշտպանության միջոցներից տվյալներն արտահանելիս պետք է սահմանվի այդ տվյալների պաշտպանությունը և պետք է կատարվի ամբողջականության հսկում։

36. Բոլոր սեանսային կրիտիկական օբյեկտները պետք է մաքրվեն՝ նախքան սեանսներն ավարտվելը։

37. Պետք է օգտագործվեն տեղեկատվության կրիպտոգրաֆիկ պաշտպանության միայն հավաստագրված միջոցներ։

38. Տեղեկատվության կրիպտոգրաֆիկ պաշտպանության միջոցները պահելու վայրերը պետք է սարքավորված լինեն պաշտպանության հատուկ միջոցներով, որոնք բացառում են կողմնակի անձանց՝ այդ վայրեր մուտք գործելու ցանկացած եղանակի հնարավորությունը՝ ներառյալ ֆիզիկական ներթափանցումից պաշտպանությունը, տեղեկատվության վիզուալիզացման միջոցների պաշտպանությունը, պաշտպանությունը ցանցային հասանելիության մակարդակում և պաշտպանության այլ միջոցներ։

39. Պետք է կատարվի տեղեկատվության կրիպտոգրաֆիկ պաշտպանության պահպանվող միջոցների նմուշ առ նմուշ հաշվառում։

40. Հատուկ մատյաններում պետք է տեղեկատվության պաշտպանության կրիպտոգրաֆիկ միջոցներով կատարվի սպասարկող անձնակազմի բոլոր աշխատանքների գրանցում։

41. ԷԹՍ-ի բանալիները պահող հանովի կրիչների համար պետք է սարքավորվեն հատուկ պահոցներ (սեյֆեր)։

42. Տեղեկատվության կրիպտոգրաֆիկ պաշտպանության միջոցների շահագործումը պետք է կատարվի այն անձանց կողմից, որոնք պատրաստություն են անցել և ուսումնասիրել տեղեկատվության կրիպտոգրաֆիկ պաշտպանության միջոցների շահագործման փաստաթղթերը։

43. Տեղեկատվության կրիպտոգրաֆիկ պաշտպանության միջոցների հետ աշխատանքի մասին փաստաթղթերը պետք է պարունակեն՝

ա) տեղեկատվության կրիպտոգրաֆիկ պաշտպանության միջոցների բաղադրիչների ամբողջականության հսկողության իրականացման կանոնակարգը.

բ) տեղեկատվության կրիպտոգրաֆիկ պաշտպանության միջոցների բաղադրիչների ամբողջականության, պաշտպանության ապարատային մեթոդների հսկողության ապահովման կրիպտոգրաֆիկ մեթոդների իրագործմանը ներկայացվող պահանջները.

գ) ամբողջականության պաշտպանությանն ու հսկողությանը ներկայացվող պահանջները տեղեկատվության կրիպտոգրաֆիկ պաշտպանության միջոցներից տվյալներ արտահանելիս.

դ) տեղեկատվության կրիպտոգրաֆիկ պաշտպանության հավաստագրված միջոցների ցանկը.

ե) տեղեկատվության կրիպտոգրաֆիկ պաշտպանության միջոցները պահելու վայրերի՝ պաշտպանության այնպիսի հատուկ միջոցներով սարքավորմանը ներկայացվող պահանջները, որոնք բացառում են կողմնակի անձանց՝ այդ վայրեր մուտք գործելու ցանկացած եղանակի հնարավորությունը՝ ներառյալ ֆիզիկական ներթափանցումից պաշտպանությունը, տեղեկատվության վիզուալիզացման միջոցների պաշտպանությունը, պաշտպանությունը ցանցային հասանելիության մակարդակում և պաշտպանության այլ միջոցներ.

զ) տեղեկատվության կրիպտոգրաֆիկ պաշտպանության պահպանվող միջոցների հաշվառման կարգը.

է) տեղեկատվության կրիպտոգրաֆիկ պաշտպանության միջոցների հետ բոլոր աշխատանքների գրանցման կարգը.

ը) տեղեկատվության կրիպտոգրաֆիկ պաշտպանության միջոցների շահագործում իրականացնող անձանց պատրաստվածությանը ներկայացվող պահանջները։

VIII. Հասանելիության կառավարմանը ներկայացվող պահանջները

44. Հասանելիության կառավարումն ապահովելու համար պետք է սահմանված լինեն օգտագործողների դերերը։

45. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորների կողմից պետք է հստակեցվի հասանելիության կառավարման կարգը, որով սահմանվում է տարբեր դերեր ունեցող օգտագործողների՝ ծառայությունների և օգտագործողների անունից հանդես եկող ծառայությունների՝ օբյեկտների և այլ ծառայությունների հետ թույլատրելի գործառնությունների ամբողջությունը։

ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի 2018 թվականի դեկտեմբերի 5-ի թիվ 96 որոշմամբ

ՀԻՄՆԱԴՐՈՒՅԹ

էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի բաղադրիչների՝ վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջներին համապատասխանության ստուգման հարցերով հանձնաժողովի մասին

1. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի բաղադրիչների՝ վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջներին համապատասխանության ստուգման հարցերով հանձնաժողովը (այսուհետ՝ միջպետական հանձնաժողով) ստեղծվում է «Եվրասիական տնտեսական միության շրջանակներում տեղեկատվական հաղորդակցական տեխնոլոգիաների և տեղեկատվական փոխգործակցության մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 3 հավելված) 18-րդ կետին համապատասխան։

2. Սույն հիմնադրույթում կիրառվող հասկացություններն օգտագործվում են Եվրասիական տնտեսական հանձնաժողովի խորհրդի 2018 թվականի դեկտեմբերի 5-ի թիվ 96 որոշմամբ հաստատված՝ Վստահության անդրսահմանային տարածքի ստեղծմանը, զարգացմանը և գործունեությանը ներկայացվող պահանջներով (այսուհետ՝ Պահանջներ) սահմանված իմաստներով։

3. Միջպետական հանձնաժողովի կազմում ընդգրկվում են Եվրասիական տնտեսական հանձնաժողովի (այսուհետ՝ Հանձնաժողով) պաշտոնատար անձինք և Եվրասիական տնտեսական միության անդամ պետությունների (այսուհետ համապատասխանաբար՝ անդամ պետություններ, լիազորված մարմիններ) լիազորված մարմինների ներկայացուցիչներ, որոնց իրավասությանն են վերապահված Եվրասիական տնտեսական միության ինտեգրացված տեղեկատվական համակարգի՝ անդամ պետությունների ազգային հատվածների ստեղծման, անդրսահմանային էլեկտրոնային փաստաթղթաշրջանառության շրջանակներում օգտագործվող էլեկտրոնային փաստաթղթերի տեղեկատվական անվտանգության և իրավաբանական նշանակության ապահովման հարցերը՝ հաշվի առնելով անդամ պետությունների հավասար ներկայացվածությունը։

4. Միջպետական հանձնաժողովի կազմը հաստատվում է Հանձնաժողովի խորհրդի կարգադրությամբ։

5. Միջպետական հանձնաժողովի նախագահը Հանձնաժողովի կոլեգիայի այն անդամն է, որի իրավասությանն են վերապահված տեղեկատվայնացման և տեղեկատվական-հաղորդակցական տեխնոլոգիաների հարցերը։

Միջպետական հանձնաժողովի նախագահն իրականացնում է միջպետական հանձնաժողովի աշխատանքի ընդհանուր ղեկավարումը։

6. Միջպետական հանձնաժողովի որոշմամբ դրա կազմում կարող են ձևավորվել ենթահանձնաժողովներ, ինչպես նաև աշխատանքային և փորձագիտական խմբեր։

7. Միջպետական հանձնաժողովի որոշումներն ընդունվում են կոնսենսուսով:

8. Միջպետական հանձնաժողովի նիստերի անցկացման, ենթահանձնաժողովների, աշխատանքային և փորձագիտական խմբերի ձևավորման, փորձագետների ներգրավման, միջպետական հանձնաժողովի կողմից որոշումների ընդունման և դրանց ձևակերպման, ինչպես նաև միջպետական հանձնաժողովի կողմից ընդունվող փաստաթղթերի ձևերը սահմանվում են Հանձնաժողովի կողմից սահմանվող՝ միջպետական հանձնաժողովի աշխատանքի կանոնակարգով։

9. Միջպետական հանձնաժողովը կատարում է հետևյալ հիմնական գործառույթները՝

ա) լիազորված մարմինների և Հանձնաժողովի առաջարկությունների հիման վրա ձևավորում և հաստատում է էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական և ինտեգրացիոն բաղադրիչների՝ Պահանջներին համապատասխանության ստուգումների անցկացման պլան-ժամանակացույցը.

բ) մշակում և Հանձնաժողովի կոլեգիայի քննարկմանն է ներկայացնում Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական և ինտեգրացիոն բաղադրիչների կազմի մեջ մտնող տարրերի, ինչպես նաև այդ տարրերի նկատմամբ էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի օպերատորների կողմից իրականացվող՝ տեղեկատվության պաշտպանության ապահովման միջոցների և եղանակների՝ սույն պահանջներին համապատասխանության մասով ստուգումներ (այսուհետ՝ ստուգումներ) անցկացնելու վերաբերյալ մեթոդական փաստաթղթեր.

գ) լիազորված մարմինների և Հանձնաժողովի դիմումների հիման վրա կատարում է ստուգումներ՝ սույն դրույթի 11-րդ կետին համապատասխան:

դ) նախապատրաստում է Հանձնաժողովի կողմից հաստատվող՝ էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի տարրերի պետական կամ ինտեգրացիոն բաղադրիչների ցանկի կազմի մեջ մտնող տարրերի մասին տեղեկությունները, ինչպես նաև այդ տարրերի օպերատորների մասին տեղեկությունները էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի տարրերի ցանկում ներառելու անհրաժեշտության վերաբերյալ եզրակացություն.

ե) գնահատում է ցանկը պահանջների թիվ 1 հավելվածին համապատասխանության, այդ թվում՝ անդամ պետությունների պետական իշխանության մարմինների և Հանձնաժողովի միջև տվյալների և էլեկտրոնային փաստաթղթերի միջպետական փոխանակման համար ցանկում ներառված տեղեկությունների բավարար լինելու մասով:

10. Ստուգումներն անցկացվում են միջպետական հանձնաժողովի աշխատանքի կանոնակարգով սահմանվող կարգով և ժամկետներում:

11. Ստուգումը կատարվում է 2 հաջորդական փուլերով՝

Փուլ I՝ էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական կամ ինտեգրացիոն բաղադրիչների կազմի մեջ մտնող տարրի՝ պահանջներին համապատասխանության մասով գնահատում, որը կատարվում է լիազորված մարմնի կամ Հանձնաժողովի կողմից ներկայացված՝ ցանկում այդ տարրը ներառելու մասին տեղեկությունների (այսուհետ՝ դիմում) հիման վրա:

Փուլ II՝ էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական կամ ինտեգրացիոն բաղադրիչի կազմի մեջ մտնող տարրը ցանկում ներառելու անհրաժեշտության մասին եզրակացության նախապատրաստում:

12. Դիմումները ներկայացնելու կարգը և դրանցում նշվող տեղեկությունների կազմը սահմանվում են միջպետական հանձնաժողովի կողմից:

13. Դիմումի կազմում ներկայացված տեղեկությունների անհամապատասխանությունը կամ դրանց ոչ լիարժեք լինելը հայտնաբերելու դեպքում միջպետական հանձնաժողովը համապատասխան ակտ է ուղարկում լիազորված մարմին կամ Հանձնաժողով:

Ակտի քննության արդյունքներով լիազորված մարմինը կամ Հանձնաժողովը միջպետական հանձնաժողով է ներկայացնում համապատասխան տեղեկություններ կամ հետ է կանչում դիմումը:

14. Միջպետական հանձնաժողովը նախապատրաստում է էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական կամ ինտեգրացիոն բաղադրիչների կազմի մեջ մտնող տարրերը դիմումներ ներկայացրած լիազորված մարմինների և Հանձնաժողովի միջնորդությունների հիման վրա ցանկից հանելու անհրաժեշտության վերաբերյալ եզրակացություններ:

15. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական կամ ինտեգրացիոն բաղադրիչների կազմի մեջ մտնող տարրերը ցանկում ներառելու կամ դրանք ցանկից հանելու անհրաժեշտության վերաբերյալ եզրակացությունները ստորագրվում և Հանձնաժողով են ուղարկվում միջպետական հանձնաժողովի նախագահի կողմից:

16. Պահանջների թիվ 1 հավելվածին ցանկի անհամապատասխանությունը, այդ թվում՝ պետական իշխանության մարմինների միջև և Հանձնաժողովի հետ տվյալների փոխանակման և էլեկտրոնային փաստաթղթերի միջպետական փոխանակման համար տեղեկությունների բավարար չլինելը հայտնաբերելու դեպքում միջպետական հանձնաժողովն այդ մասին տեղեկացնում է լիազորված մարմիններին կամ Հանձնաժողովին և պակաս տեղեկությունների վերաբերյալ հարցում է կատարում:

17. Էլեկտրոնային եղանակով տեղեկատվության փաստաթղթավորման ընդհանուր ենթակառուցվածքի պետական կամ ինտեգրացիոն բաղադրիչների կազմի մեջ մտնող և ցանկում ներառված տարրի օպերատորի լիազորությունների դադարեցման կամ պահանջների և (կամ) անդամ պետության օրենսդրության էական խախտման հայտնաբերման դեպքում այդ տարրի վերաբերյալ դիմում ներկայացրած լիազորված մարմինը կամ Հանձնաժողովը այդ տարրը ցանկից հանելու վերաբերյալ միջնորդություն է ուղարկում միջպետական հանձնաժողով:

Պաշտոնական հրապարակման օրը՝ 22 հունիսի 2022 թվական: