ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

Հաշվի առնելով Հայաստանի Հանրապետությունում բուսական ծագման կերերի նկատմամբ պետական հսկողության (վերահսկողության) առանձնահատկությունները, ինչպես նաև «Եվրասիական տնտեսական միության մասին» 2014 թվականի մայիսի 29-ի պայմանագրի 58-րդ հոդվածի 2-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 22-րդ կետին համապատասխան, Եվրասիական տնտեսական հանձնաժողովի կոլեգիան որոշեց.

1. Մաքսային միության հանձնաժողովի 2010 թվականի հունիսի 18-ի թիվ 317 որոշմամբ հաստատված՝ անասնաբուժական հսկողության (վերահսկողության) ենթակա ապրանքներին ներկայացվող միասնական անասնաբուժական (անասնաբուժասանիտարական) պահանջների թիվ 1 հավելվածի II բաժնում կատարել փոփոխություններ՝ համաձայն հավելվածի:

2. Չեղարկել Եվրասիական տնտեսական հանձնաժողովի կոլեգիայի 2016 թվականի հունիսի 7-ի «Անասնաբուժական հսկողության (վերահսկողության) ենթակա ապրանքներին ներկայացվող միասնական անասնաբուժական (անասնաբուժասանիտարական) պահանջներում փոփոխություններ կատարելու մասին» թիվ 67 որոշումը։

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո՝ բացառությամբ սույն որոշման հավելվածի 2-րդ և 4-րդ կետերի։

Հավելվածի 2-րդ և 4-րդ կետերն ուժի մեջ են մտնում Եվրասիական տնտեսական հանձնաժողովի խորհրդի «Անասնաբուժական հսկողության (վերահսկողության) ենթակա ապրանքների միասնական ցանկում այնպիսի ապրանքներով լրացնելու մասով փոփոխություններ կատարելու մասին, ինչպիսիք են լոբազգի բանջարեղենը և կերային հավելումները» որոշումն ուժի մեջ մտնելու օրվանից։

1. 39-րդ դիրքում 6-րդ վանդակում տեքստը շարադրել հետևյալ խմբագրությամբ՝ «ապրանքների ներառումը ռեեստրում չի պահանջվում, սակայն ներմուծման թույլտվության մեջ և անասնաբուժական սերտիֆիկատում պետք է նշվեն հսկողության վերցված ապրանքը շրջանառության մեջ դրած ձեռնարկության համարը և (կամ) անվանումը»։

3. 68-րդ դիրքում 4-րդ վանդակում տեքստը շարադրել հետևյալ խմբագրությամբ՝

«անասնաբուժական սերտիֆիկատ՝ Բելառուսի Հանրապետության տարածք ներմուծվող ապրանքի համար (անասնաբուժության մեջ, այդ թվում՝ կենդանիների համար նախատեսված կերերում ապրանքների օգտագործումը հայտարարագրելիս), անասնաբուժական սերտիֆիկատ՝ Հայաստանի Հանրապետության, Ղազախստանի Հանրապետության և Ռուսաստանի Դաշնության տարածքներ ներմուծվող ապրանքի համար (բացառությամբ 50%-ից պակաս կենդանական ծագման բաղադրիչներ պարունակող մթերքների)»։

5. 94-րդ դիրքում 6-րդ վանդակում տեքստը շարադրել հետևյալ խմբագրությամբ՝

«ապրանքների ներառումը ռեեստրում չի պահանջվում, սակայն ներմուծման թույլտվության մեջ և անասնաբուժական սերտիֆիկատում պետք է նշվեն հսկողության վերցված ապրանքը շրջանառության մեջ դրած ձեռնարկության համարը և (կամ) անվանումը»։

6. 95-րդ դիրքում 4-րդ վանդակում տեքստը շարադրել հետևյալ խմբագրությամբ՝

«անասնաբուժական սերտիֆիկատ՝ կենդանական ծագման բաղադրիչներ պարունակող ապրանքների համար և անասնաբուժության մեջ, այդ թվում՝ կենդանիների համար նախատեսված կերերում օգտագործվող ապրանքների համար»։

7. Լրացնել հետևյալ բովանդակությամբ 6-րդ ծանոթագրությամբ՝

«6 Հայաստանի Հանրապետության, Ղազախստանի Հանրապետության և Ռուսաստանի Դաշնության համար նախատեսված ապրանքների նկատմամբ անասնաբուժական հսկողություն չի իրականացվում, և սույն ցանկի 4-6-րդ վանդակներում նշված միջոցներից ոչ մեկը չի կիրառվում։»։

Պաշտոնական հրապարակման օրը՝ 22 հունիսի 2022 թվական: