ԵՐԵՎԱՆԻ ՔԱՂԱՔԱՊԵՏ

Ղեկավարվելով «Նորմատիվ իրավական ակտերի մասին» օրենքի 33-րդ հոդվածի 1-ին մասի 4-րդ կետով, 34-րդ հոդվածով Հայաստանի Հանրապետության կառավարության 2002 թվականի հուլիսի 25-ի N 1392-Ն որոշման N3 հավելվածով հաստատված «Հայաստանի Հանրապետության պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրության 4-րդ գլխի 32-րդ կետով, Հայաստանի Հանրապետության կրթության և գիտության նախարարի 2010 թվականի մարտի 18-ի N 113-Ն հրամանով հաստատված պետական ուսումնական հաստատության կոլեգիալ կառավարման մարմնի՝ խորհրդի ձևավորման կարգով, հիմք ընդունելով «Երևանի Արմենակ Արմենակյանի անվան հ.26 հիմնական դպրոց» ՊՈԱԿ-ի մանկավարժական խորհրդի՝ 22.06.2021թ. (արձանագրություն հ.6) և ծնողական խորհրդի՝ 22.06.2021թ. (արձանագրություն հ.9) որոշումները, «Երևանի Արգիշտի Առաջին արքայի անվան հ.61 հիմնական դպրոց» ՊՈԱԿ-ի մանկավարժական խորհրդի՝ 05.04.2021թ. (արձանագրություն հ.8) և ծնողական խորհրդի՝ 06.04.2021թ. (արձանագրություն հ.6) որոշումները, «Երևանի հ.157 հիմնական դպրոց» ՊՈԱԿ-ի մանկավարժական խորհրդի՝ 02.04.2021թ. (արձանագրություն հ.7) և ծնողական խորհրդի՝ 03.04.2021թ. (արձանագրություն հ.4) որոշումները, ՀՀ կրթության գիտության, մշակույթի և սպորտի նախարարի 26.05.2021թ. N01/09.3/11347-2021 գրությունը, Երևանի քաղաքապետին ուղղված 25.06.2021թ. հ.02/12-14928 զեկուցագիրը և Երևանի քաղաքապետարանի աշխատակազմի հանրակրթության վարչության պետի ժամանակավոր պաշտոնակատարի 06.07.2021թ. հ.12-15848 զեկուցագիրը.

1. Հաստատել «Երևանի Արմենակ Արմենակյանի անվան հ.26 հիմնական դպրոց», «Երևանի Արգիշտի Առաջին արքայի անվան հ.61 հիմնական դպրոց», «Երևանի հ.157 հիմնական դպրոց» պետական ոչ առևտրային կազմակերպությունների խորհուրդների կազմերը` համաձայն հավելվածի։

2. Ուժը կորցրած ճանաչել Երևանի քաղաքապետի 2016 թվականի փետրվարի 25-ի «Երևանի Աջափնյակ, Արաբկիր, Ավան, Դավթաշեն, Էրեբունի, Կենտրոն, Մալաթիա-Սեբաստիա, Նոր Նորք, Նորք-Մարաշ, Նուբարաշեն, Շենգավիթ, Քանաքեռ-Զեյթուն վարչական շրջանների հանրակրթական և հատուկ հանրակրթական դպրոց պետական ոչ առևտրային կազմակերպությունների կոլեգիալ կառավարման մարմինների՝ խորհուրդների կազմերը հաստատելու մասին» N 632-Ա որոշման հավելվածի 112, 113, 114-րդ կետերը:

3. Հանձնարարել Երևանի քաղաքապետարանի աշխատակազմի հանրակրթության վարչության պետի ժամանակավոր պաշտոնակատարին՝ 7-օրյա ժամկետում կազմակերպել խորհուրդների նախագահների ընտրությունները՝ Հայաստանի Հանրապետության կրթության և գիտության նախարարի 18.03.2010թ. N 113-Ն հրամանով հաստատված պետական ուսումնական հաստատության կոլեգիալ կառավարման մարմնի՝ խորհրդի ձևավորման կարգի պահանջների համաձայն։

4. Սույն որոշման կատարման կազմակերպումը և պատասխանատվությունը դնել Երևանի քաղաքապետարանի աշխատակազմի հանրակրթության վարչության պետի վրա:

5. Որոշման կատարման հսկողությունը դնել Երևանի քաղաքապետի տեղակալ Գ.Մելքոմ Մելքոմյանի վրա: