«Վավերացնում եմ»
Հայաստանի Հանրապետության
Նախագահ Ռ. Քոչարյան
24 դեկտեմբերի 2001 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 դեկտեմբերի 2001 թվականի N 1261
քաղ. Երևան

ՄԻՋԱԶԳԱՅԻՆ ԶԱՐԳԱՑՄԱՆ ԸՆԿԵՐԱԿՑՈՒԹՅԱՆ ԿՈՂՄԻՑ ՏՐԱՄԱԴՐՎԱԾ ՄԻՋՈՑՆԵՐՈՎ ՖԻՆԱՆՍԱՎՈՐՎՈՂ՝ ՏՐԱՆՍՊՈՐՏԻ ՎԱՐԿԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ԵՐԵՎԱՆ-ԱՅՐՈՒՄ ԵՐԿԱԹԳԾԻՆ ԶՈՒԳԱՀԵՌ ՕՊՏԻԿԱՄԱՆՐԱԹԵԼԱՅԻՆ ՄԱԼՈՒԽԻ ԱՆՑԿԱՑՄԱՆ ԱՇԽԱՏԱՆՔՆԵՐԻ ՀԱՄԱՐ ԱՆՑԿԱՑՎԱԾ ՄՐՑՈՒՅԹԻ ԱՐԴՅՈՒՆՔՆԵՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հաստատել Միջազգային զարգացման ընկերակցության կողմից տրամադրված միջոցներով ֆինանսավորվող՝ տրանսպորտի վարկային ծրագրի շրջանակներում Երևան-Այրում երկաթգծին զուգահեռ օպտիկամանրաթելային մալուխի անցկացման աշխատանքների համար 2001 թվականի նոյեմբերի 8-ին անցկացված ու Հայաստանի Հանրապետության տրանսպորտի և կապի նախարարության վարկային և դրամաշնորհային ծրագրերի կառավարման խորհրդի կողմից 2001 թվականի նոյեմբերի 20-ին հաստատված մրցույթի արդյունքները՝ մրցույթի հաղթող ճանաչելով «Ալնիտա» սահմանափակ պատասխանատվությամբ ընկերությունը (պայմանագրային գինը՝ 645225096 դրամ)։

2. Սույն որոշումն ուժի մեջ է մտնում 2001 թվականի դեկտեմբերի 24-ից։

Հայաստանի Հանրապետության վարչապետ

Ա. Մարգարյան