ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 փետրվարի 1994 թ. N 78

Քաղ. Երևան

Հաշվի առնելով Հայաստանի Հանրապետության Մասիսի, Արտաշատի, Արարատի, Եղեգնաձորի, Վայքի շրջաններում և Ջերմուկ  քաղաքում ռազմաքաղաքական և տնտեսական արտակարգ իրավիճակը և, ելնելով տարածաշրջանի պաշտպանունակության բարձրացման, բնակչության ու տնտեսության կենսագործունեության ապահովման անհրաժեշտությունից, Հայաստանի Հանրապետության կառավարությունը որոշում է.

1. Ստեղծել Հայաստանի Հանրապետության կառավարության հանձնաժողով հետևյալ կազմով`

Գ. Մարտիրոսյան		- ՀՀ պետական նախարար (հանձնաժողովի նախագահ)
Լ. Պետրոսյան		- ՀՀ հատուկ ծրագրերի պետական վարչության պետ (հանձնաժողովի նախագահի տեղակալ)
Ա. Ավետիսյան		- պատգամավորների Եղեգնաձորի շրջխորհրդի գործկոմի նախագահ
Ա. Արսենյան		- ՀՀ պաշտպանության նախարարության զինվորական ոստիկանության բաժնի պետի տեղակալ
Է. Բաբայան		- Երևանի կայազորի զինվորական դատախազ
Ս. Բարսեղյան		- ՀՀ արտակարգ իրավիճակների պետական վարչության արարատյան տարածաշրջանային վարչության քաղպաշտպանության շտաբի պետ
Գ. Գասպարյան		- պատգամավորների Արարատի քաղխորհրդի գործկոմի նախագահ
Կ. Գևորգյան		- ՀՀ նյութական ռեսուրսների նախարարի տեղակալ
Ֆ. Զաքարյան		- պատգամավորների Արարատի շրջխորհրդի գործկոմի նախագահ
Ս. Զաքարյան		- ՀՀ հեռուստատեսության և ռադիոհաղորդումների պետական վարչության պետի տեղակալ
Թ. Թադևոսյան		- պատգամավորների Արտաշատի շրջխորհրդի գործկոմի նախագահ
Ա. Թովմասյան		- պատգամավորների Վայքի շրջխորհրդի գործկոմի նախագահ
Ժ. Հակոբյան		- Հայկոոպի նախագահի տեղակալ
Մ. Բազիկյան		- ՀՀ ազգային անվտանգության տարածաշրջանային վարչության պետ
Հ. Հարությունյան		- ՀՀ ներքին գործերի նախարարի տեղակալ
Ռ. Հարությունյան		- ՀՀ կապի նախարարի տեղակալ
Ս. Ղազարյան		- պատգամավորների Արտաշատի քաղխորհրդի գործկոմի նախագահ
Ս. Մամիկոնյան		- ՀՀ կառավարության գործերի կառավարչության տարածքային կառավարման վարչության գլխավոր մասնագետ (հանձնաժողովի քարտուղար)
Մ. Մարտիրոսյան		- ՀՀ շինարարության նախարարի տեղակալ
Ա. Միրզոյան		- պատգամավորների Ջերմուկի քաղխորհրդի գործկոմի նախագահ
Ա. Միքայելյան		- ՀՀ պարենի և մթերումների նախարարության վարչության պետ
Կ. Միքայելյան		- պատգամավորների Մասիսի շրջխորհրդի գործկոմի նախագահ
Ա. Մկրտչյան		- ՀՀ առողջապահության նախարարի տեղակալ
Ա. Նիկոյան		- ՀՀ տրանսպորտի և հաղորդակցության նախարարի տեղակալ
Ա. Շաքարյան		- ՀՀ առևտրի նախարարի տեղակալ
Ա. Պետրոսյան		- ՀՀ պաշտպանության նախարարի տեղակալ
Ռ. Պողոսյան		- ՀՀ դատախազի տեղակալ

2. Հայաստանի Հանրապետության կառավարության հանձնաժողովին`

ա) հրատապ միջոցներ ձեռնարկել Մասիսի, Արտաշատի, Արարատի, Եղեգնաձորի, Վայքի շրջաններում պաշտպանական և սոցիալ-տնտեսական խնդիրների լուծման, տնտեսական, նյութատեխնիկական, ֆինանսական, մարդկային ռեսուրսների մոբիլիզացման համար.

բ) ապահովել Հայաստանի Հանրապետության նախարարությունների, պետական վարչությունների, գերատեսչությունների, պատգամավորների տեղական խորհուրդների գործկոմների փոխհամաձայնեցված մասնակցությունը տարածաշրջանի պաշտպանության ամրապնդմանը, բնակչության և տնտեսության բնականոն կենսագործունեության համար անհրաժեշտ պայմանների ստեղծմանն ուղղված աշխատանքներին.

գ) համակարգել և տարածաշրջանի պաշտպանության ամրապնդմանը, հանցագործությունների կանխարգելմանն ու դրանց դեմ պայքարին նպատակաուղղել տարածաշրջանային զինվորական ոստիկանության, ներքին գործերի ու ազգային անվտանգության մարմինների գործունեությունը:

3. Սահմանել, որ Հայաստանի Հանրապետության կառավարության հանձնաժողովի` Հայաստանի Հանրապետության օրենսդրությանը չհակասող որոշումները և հրահանգները ենթակա են պարտադիր կատարման պետական կառավարման տեղական մարմինների, ձեռնարկությունների, հիմնարկների, կազմակերպությունների կողմից (անկախ սեփականության ձևից և գերատեսչական ենթակայությունից):

4. Պատգամավորների Արարատի քաղխորհրդի գործկոմին` հանձնաժողովի գործունեության համար նրա նստավայրում` Արարատ քաղաքում ստեղծել անհրաժեշտ աշխատանքային պայմաններ:

Հայաստանի Հանրապետության վարչապետ

Հ. ԲԱԳՐԱՏյան

Հայաստանի Հանրապետության ԿԱՌԱՎԱՐՈՒԹՅԱՆ ԳՈՐԾԵՐԻ ԿԱՌԱՎԱՐԻՉ

Ա. ԽԱՉԱՏՐՅԱՆ