ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

9 հունվարի 2025 թվականի N 27-Ն

ԸՆՏԱՆԻՔԻ ԱՆԱՊԱՀՈՎՈՒԹՅԱՆ ԳՆԱՀԱՏՄԱՆ ԿԱՐԳԸ, ՊԱՅՄԱՆՆԵՐԸ, ՏՎՅԱԼՆԵՐԻ ՈՒ ԴՐԱՆՔ ՏՐԱՄԱԴՐՈՂ ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ, ԿԱԶՄԱԿԵՐՊՈՒԹՅՈՒՆՆԵՐԻ ՑԱՆԿԸ, ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻՑ, ԿԱԶՄԱԿԵՐՊՈՒԹՅՈՒՆՆԵՐԻՑ ՏՎՅԱԼՆԵՐՆ ՍՏԱՆԱԼՈՒ ԵՎ ՏՐԱՄԱԴՐԵԼՈՒ, ԱՆԱՊԱՀՈՎՈՒԹՅԱՆ ՆՊԱՍՏԻ ԵՎ ՀՐԱՏԱՊ ՕԳՆՈՒԹՅԱՆ ՆՇԱՆԱԿՄԱՆ, ՎՃԱՐՄԱՆ ԵՎ ԱՎԵԼԻ ՎՃԱՐՎԱԾ ԳՈՒՄԱՐՆԵՐԸ ՎԵՐԱԴԱՐՁՆԵԼՈՒ ԺԱՄԱՆԱԿԱՑՈՒՅՑԸ ԿԱԶՄԵԼՈՒ ԿԱՐԳԵՐԸ ՀԱՍՏԱՏԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՀՈՒՆՎԱՐԻ 30-Ի N 145-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ, 2025 ԹՎԱԿԱՆԻ ԱՆԱՊԱՀՈՎՈՒԹՅԱՆ ՆՊԱՍՏ ՍՏԱՆԱԼՈՒ ԻՐԱՎՈՒՆՔ ՏՎՈՂ ՍԱՀՄԱՆԱՅԻՆ ՇԵՄԸ, ԱՆԱՊԱՀՈՎՈՒԹՅԱՆ ՆՊԱՍՏԻ ԵՎ ՀՐԱՏԱՊ ՕԳՆՈՒԹՅԱՆ ՉԱՓԵՐԸ, ԱՆԱՊԱՀՈՎՈՒԹՅԱՆ ՆՊԱՍՏԻ ՆՎԱԶԱԳՈՒՅՆ ՉԱՓԸ ՍԱՀՄԱՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2020 ԹՎԱԿԱՆԻ ՄԱՐՏԻ 12-Ի N 284-Ն, 2014 ԹՎԱԿԱՆԻ ԱՊՐԻԼԻ 23-Ի N 495-Ն, 2004 ԹՎԱԿԱՆԻ ՄԱՐՏԻ 4-Ի N 318-Ն, 2019 ԹՎԱԿԱՆԻ ՄԱՅԻՍԻ 30-Ի N 642-Ն, 2006 ԹՎԱԿԱՆԻ ՀՈՒԼԻՍԻ 27-Ի N 1183-Ն, 2021 ԹՎԱԿԱՆԻ ՆՈՅԵՄԲԵՐԻ 4-Ի N 1784-Ն, 2021 ԹՎԱԿԱՆԻ ՀՈՒԼԻՍԻ 15-Ի N 1169-Ն, 2014 ԹՎԱԿԱՆԻ ԱՊՐԻԼԻ 17-Ի N 534-Ն, 2016 ԹՎԱԿԱՆԻ ՆՈՅԵՄԲԵՐԻ 3-Ի N 1122-Ն, 2015 ԹՎԱԿԱՆԻ ՍԵՊՏԵՄԲԵՐԻ 25-Ի N 1105-Ն, 2024 ԹՎԱԿԱՆԻ ՀՈՒՆԻՍԻ 27-Ի N 1004-Ն, 2015 ԹՎԱԿԱՆԻ ՕԳՈՍՏՈՍԻ 31-Ի N 984-Ն, 2022 ԹՎԱԿԱՆԻ ՆՈՅԵՄԲԵՐԻ 10-Ի N 1711-Ն, 2015 ԹՎԱԿԱՆԻ ՍԵՊՏԵՄԲԵՐԻ 10-Ի N 1069-Ն, 2015 ԹՎԱԿԱՆԻ ՍԵՊՏԵՄԲԵՐԻ 10-Ի N 1061-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» օրենքի 33-րդ, 34-րդ, 37-րդ հոդվածներով, «Պետական նպաստների մասին» օրենքի 6-րդ հոդվածով, 37-րդ հոդվածի 4-րդ մասով, «Սոցիալական աջակցության մասին» օրենքի 18-րդ հոդվածի 18-րդ մասով, 19-րդ հոդվածի 5-րդ մասով, «Բարձրագույն և հետբուհական մասնագիտական կրթության մասին» օրենքի 6-րդ հոդվածի 4-րդ, 4․1-ին մասերով, «Կրթության մասին» օրենքի 6-րդ հոդվածի 3․4-րդ մասով, «Զբաղվածության մասին» օրենքի 22-րդ հոդվածի 1-ին մասի 2-րդ կետով, «Պետական նպաստների մասին» օրենքում փոփոխություններ և լրացումներ կատարելու մաuին» 2024 թվականի հոկտեմբերի 24-ի ՀՕ-407-Ն օրենքի 15-րդ հոդվածի 1-ին, 2-րդ, 5-րդ մասերով՝ Հայաստանի Հանրապետության կառավարությունը որոշում է.

1. Հաստատել՝

1) ընտանիքի անապահովության գնահատման կարգը և պայմանները` համաձայն N 1 հավելվածի.

2) պետական և տեղական ինքնակառավարման մարմիններից, կազմակերպություններից տվյալներն ստանալու և տրամադրելու կարգը՝ համաձայն N 2 հավելվածի․

3) ընտանիքի անապահովության գնահատման տվյալների ու դրանք տրամադրող պետական և տեղական ինքնակառավարման մարմինների, կազմակերպությունների ցանկը՝ համաձայն N 3 հավելվածի․

4) անապահովության նպաստի և հրատապ օգնության նշանակման, վճարման և ավելի վճարված գումարները վերադարձնելու ժամանակացույց կազմելու կարգը` համաձայն N 4 հավելվածի։

2. Ընտանիքի սոցիալական գնահատման և սոցիալական աջակցության տեղեկատվական ենթահամակարգի սպասարկման և վարման լիազոր կազմակերպություն ճանաչել «Նորք» սոցիալական ծառայությունների տեխնոլոգիական և իրազեկման կենտրոն» հիմնադրամը (այսուհետ՝ հիմնադրամ):

3. Սահմանել`

1) որ Հայաստանի Հանրապետության 2025 թվականի պետական բյուջեով «Ընտանիքի կենսամակարդակի բարձրացմանն ուղղված նպաստներ» ծրագրով նախատեսված ֆինանսական միջոցների հաշվին վճարվում են`

ա. անապահովության նպաստը,

բ. ընտանիքում երեխայի՝ առաջին դասարան ընդունվելու կապակցությամբ միանվագ հրատապ օգնությունը,

գ. եռամսյա հրատապ օգնությունը.

2) 2025 թվականի համար անապահովության նպաստ ստանալու իրավունք տվող սահմանային շեմը՝ 34․581 դրամ․

3) անապահովության նպաստի նվազագույն չափը՝ 3․500 դրամ․

4) անապահովության նպաստի ամսական չափը՝ անապահովության նպաստի ամսական հիմնական չափին հավասար.

5) երեխայի` առաջին դասարան ընդունվելու կապակցությամբ միանվագ հրատապ օգնության չափը՝ 25.000 դրամ․

6) եռամսյա հրատապ օգնության ամսական չափը՝ 20.000 դրամ․

7) անապահովության նպաստի չափը որոշվում է անապահովության նպաստի ամսական հիմնական չափին ավելացնելով հավելումը.

8) որ անապահովության նպաստի ամսական հիմնական չափը հաշվարկվում է հետևյալ բանաձևով՝

N SUM=(MFB-I )∙AEM

որտեղ՝

ա․ MFB-ը անապահովության նպաստ ստանալու իրավունք տվող սահմանային շեմն է,

բ․ I-ն ընտանիքի մեկ հաշվարկային անդամի ամսական եկամտի չափն է, որը որոշվում է ընտանիքի ամսական բոլոր տեսակի եկամուտների (այդ թվում՝ վերագրված) հանրագումարի և ընտանիքի անդամների հաշվարկային թվի հարաբերությամբ,

գ․ AEM -ը՝ ընտանիքի անդամների հաշվարկային թիվն է.

9) որ հավելման չափը հաշվարկվում է հետևյալ սկզբունքով՝

ա․ միջին խոցելիություն ունեցող ընտանիքների համար անապահովության նպաստի ամսական հիմնական չափին գումարվում է հավելում՝ անապահովության նպաստ ստանալու իրավունք տվող սահմանային շեմի 130 տոկոսի նկատմամբ եղած պակասուրդի 80 տոկոսի չափով՝ ընտանիքի յուրաքանչյուր հաշվարկային անդամի համար և որոշվում է հետևյալ բանաձևով՝

HAV= ((MFB*1.3)-MFB)*0.8*AEM

բ․բարձր կամ առավելագույն խոցելիություն ունեցող ընտանիքների համար անապահովության նպաստի ամսական հիմնական չափին գումարվում է հավելում՝ անապահովության նպաստ ստանալու իրավունք տվող սահմանային շեմի 130 տոկոսի նկատմամբ եղած պակասուրդի չափով՝ ընտանիքի յուրաքանչյուր հաշվարկային անդամի համար և որոշվում է հետևյալ բանաձևով՝

HAV= ((MFB*1.3)-MFB)*AEM

10) որ եթե անապահովության նպաստի ամսական չափը (միայն կանխիկ եղանակով վճարման պարագայում) հանդիսանում է ոչ ամբողջական թիվ, ապա այն կլորացվում է դեպի վեր, այնպես որ լրացվի ամենամոտ հարյուրական թիվը։

4. Հայաստանի Հանրապետության կառավարության 2020 թվականի մարտի 12-ի «Լիազորած պետական մարմին ճանաչելու, սոցիալական ապահովության հաշվի պայմանագրի օրինակելի ձևը, սոցիալական ապահովության հաշիվ բացելու համար անհրաժեշտ տվյալների ցանկը և սոցիալական ապահովության հաշվին մուտքագրելու միջոցով վճարվող գումարները սահմանելու մասին» N 284-Ն որոշման 3-րդ կետի 1-ին ենթակետը «սոցիալական նպաստը» բառերից հետո լրացնել «, ինչպես նաև անապահովության նպաստը» բառերով։

5. Հայաստանի Հանրապետության կառավարության 2014 թվականի ապրիլի 23-ի «Հայաստանի Հանրապետության աշխատանքի և սոցիալական հարցերի նախարարության միջոցով իրականացվող պետական նպաստների կանխիկ վճարման ծառայություններ մատուցելու ոլորտում «Հայփոստ» փակ բաժնետիրական ընկերությանը լիազորված կազմակերպություն ճանաչելու և նրա հետ կնքվող վճարման ծառայությունների մատուցման պայմանագրի օրինակելի ձևը սահմանելու մասին» N 495-Ն որոշման հավելվածի 1․4-րդ կետը «ընտանեկան կամ սոցիալական» բառերից հետո լրացնել «կամ անապահովության» բառերով։

6. Հայաստանի Հանրապետության կառավարության 2004 թվականի մարտի 4-ի «Պետության կողմից երաշխավորված անվճար և արտոնյալ պայմաններով բժշկական օգնության և սպասարկման մասին» N 318-Ն որոշման N 1 հավելվածի 1-ին կետը, N 8 հավելվածի 1-ին կետը, N 10 հավելվածի 1-ին կետը «նպաստառուներ» և N 5 հավելվածի 2-րդ կետի 1-ին ենթակետը «նպաստառուները» բառերից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ սահմանված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի անդամներ» բառերով։

7. Հայաստանի Հանրապետության կառավարության 2019 թվականի մայիսի 30-ի «Բնակչության սոցիալական կամ հատուկ խմբերի և այն հիվանդությունների ցանկերը, որոնց դեպքում դեղերը շահառուներին հատկացվում են դրանց արժեքի լրիվ կամ մասնակի փոխհատուցմամբ, ինչպես նաև այդ բնակչության սոցիալական կամ հատուկ խմբերի ցանկում ընդգրկված շահառուներին Հայաստանի Հանրապետության առողջապահության նախարարության և առողջության առաջնային պահպանման ծառայություններ մատուցող բժշկական կազմակերպությունների միջոցով դեղերի հատկացման և փոխհատուցման կարգը սահմանելու և Հայաստանի Հանրապետության կառավարության 2006 թվականի նոյեմբերի 23-ի N 1717-Ն որոշումն ուժը կորցրած ճանաչելու մասին» N 642-Ն որոշման N 1 հավելվածի 1-ին կետի 9-րդ ենթակետը «նպաստառուներ» բառից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ սահմանված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի անդամներ» բառերով։

8. Հայաստանի Հանրապետության կառավարության 2006 թվականի հուլիսի 27-ի «Հայաստանի Հանրապետության բարձրագույն ուսումնական հաստատություններում նպաստի ձևով ուսման վճարի փոխհատուցում (լրիվ կամ մասնակի (զեղչ) և պետական կրթաթոշակ տալու կարգը, ինչպես նաև նպաստի ձևով ուսման վճարի փոխհատուցման չափը հաստատելու, Հայաստանի Հանրապետության կառավարության 2005 թվականի սեպտեմբերի 8-ի N 1986-Ն և 2005 թվականի սեպտեմբերի 15-ի N 2114-Ն որոշումներն ուժը կորցրած ճանաչելու մասին» N 1183-Ն որոշման՝

1) հավելվածը լրացնել հետևյալ բովանդակությամբ նոր` 8․1-ին կետով.

«8․1․ Պետությունն ուսանողական նպաստի ձևով ուսման վճարի փոխհատուցում նպաստի ձևով տրվում է «Պետական նպաստների մասին» օրենքով և Հայաստանի Հանրապետության կառավարության որոշմամբ սահմանված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի՝ առկա կամ հեռակա ուսուցման համակարգի ուսանողին հետևյալ դեպքերում ու չափով՝

1) առաջին կուրս վճարովի համակարգ ընդունված ուսանողներին՝

ա. բակալավրի ու անընդհատ և ինտեգրացված կրթական ծրագրերով՝ համապատասխան մասնագիտության (կրթական ծրագրի) կամ բժշկական բարձրագույն մասնագիտական կրթության դեպքում՝ օրդինատուրայի համար սահմանված ընդունելության քննությունների արդյունքների հիման վրա՝ ուսման վճարի 100 տոկոսի չափով․

2) երկրորդ և հաջորդ այլ կուրսերում՝ նախորդ ուսումնական տարվա արդյունքներով ՄՈԳ-ի առավելագույն արժեքի՝

ա․ 50,00-59,99 տոկոսի շեմը հաղթահարած ուսանողներին՝ ուսման վճարի 30 տոկոսի չափով,

բ․60,00-69,99 տոկոսի շեմը հաղթահարած ուսանողներին՝ ուսման վճարի 60 տոկոսի չափով,

գ․70,00-99,99 տոկոսի շեմը հաղթահարած ուսանողներին՝ ուսման վճարի՝ 100 տոկոսի չափով։»․

2) հավելվածի 9-րդ կետը շարադրել հետևյալ խմբագրությամբ․

«9․ Սույն կարգի 7-րդ ու 8․1-ին կետերով սահմանված փոխհատուցում ստանալու համար ընտանիքի անապահովության միավորի կամ աստիճանի վերաբերյալ տեղեկանքը բուհին ներկայացվում է թղթային եղանակով՝ ուսանողի կողմից կամ տրամադրվում է առցանց եղանակով՝ սույն որոշմամբ սահմանված ժամկետներում։»․

3) հավելվածը լրացնել հետևյալ բովանդակությամբ նոր՝ 12․1-ին կետով.

«12․1․ Սույն կարգի 8․1-ին կետով սահմանված կարգավիճակի հիմքով ուսանողական նպաստը տրամադրվում է յուրաքանչյուր կիսամյակի համար։ Դիմումները ներկայացվում են սույն կարգով սահմանված ժամկետներում, իսկ պարտադիր զինվորական ծառայությունից զորացրված ուսանողները՝ առաջին կիսամյակի դեպքում կարող են դիմումները ներկայացնել մինչև ընթացիկ տարվա հոկտեմբերի 15-ը, իսկ երկրորդ կիսամյակի դեպքում՝ մինչ ընթացիկ տարվա մարտի 15-ը։»։

9. Հայաստանի Հանրապետության կառավարության 2021 թվականի նոյեմբերի 4-ի «Հայաստանի Հանրապետության նախնական մասնագիտական (արհեստագործական) և (կամ) միջին մասնագիտական կրթական ծրագրեր իրականացնող պետական ուսումնական հաստատություններում ուսանողական նպաստ հատկացնելու, ուսման վարձը փոխհատուցելու և կրթաթոշակ սահմանելու կարգը հաստատելու և Հայաստանի Հանրապետության կառավարության 2013 թվականի նոյեմբերի 28-ի N 1330-Ն որոշումն ուժը կորցրած ճանաչելու մասին» N 1784-Ն որոշման հավելվածում՝

1) լրացնել հետևյալ բովանդակությամբ նոր՝ 14․1-ին կետով.

«14․1․ Պետության կողմից ուսման վճարի՝

1) 100 տոկոսի չափով փոխհատուցում տրվում է մրցույթի արդյունքներով արհեստագործական կրթական ծրագիր իրականացնող մասնագիտական ուսումնական հաստատությունում վճարովի համակարգ ընդունված կամ սովորող՝ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի ուսանողին․

2) 100 տոկոսի չափով փոխհատուցում տրվում է մրցույթի արդյունքներով միջին մասնագիտական կրթական ծրագիր իրականացնող մասնագիտական ուսումնական հաստատությունում առկա կամ հեռակա ուսուցման համակարգի վճարովի համակարգ ընդունված «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի ուսանողին․

3) փոխհատուցում տրվում է միջին մասնագիտական կրթական ծրագիր իրականացնող մասնագիտական ուսումնական հաստատությունում առկա կամ հեռակա ուսուցման համակարգի՝ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի ուսանողին հետևյալ դեպքերում և չափով՝

ա. միայն «գերազանց» գնահատականներ ունենալու դեպքում՝ ուսման վճարի փոխհատուցման չափը կազմում է 100 տոկոս,

բ. միայն «լավ» կամ միայն «գերազանց» ու «լավ» գնահատականներ ունենալու դեպքում՝ ուսման վճարի փոխհատուցման չափը կազմում է 80 տոկոս,

գ. 75 տոկոսից ոչ պակասը «գերազանց» կամ «լավ» գնահատականներ ունենալու դեպքում՝ ուսման վճարի փոխհատուցման չափը կազմում է 50 տոկոս,

դ. 50 տոկոսից ոչ պակասը «գերազանց» կամ «լավ» գնահատականներ ունենալու դեպքում՝ ուսման վճարի փոխհատուցման չափը կազմում է 30 տոկոս։».

2) 15-րդ կետում «14-րդ կետում» բառերը փոխարինել «14-րդ և 14․1-ին կետերում» բառերով, իսկ 2-րդ նախադասության «Ուսանողի ուսման վճարի» բառերը փոխարինել «Սույն կարգի 14-րդ կետում նշված ուսանողի ուսման վճարի» բառերով․

3) 16-րդ կետում «15-րդ կետում» բառերը փոխարինել «14․1-ին և 15-րդ կետերում» բառերով․

4) 17-րդ կետը լրացնել հետևյալ բովանդակությամբ նոր նախադասություններով.

«Սույն կարգի 14․1-ին կետով սահմանված կարգավիճակի հիմքով փոխհատուցումը տրամադրվում է յուրաքանչյուր կիսամյակի համար։ Դիմումները ներկայացվում են տվյալ ուսումնական տարվա յուրաքանչյուր կիսամյակի ուսումնական պարապմունքների սկզբին հաջորդող չորս շաբաթների ընթացքում, իսկ պարտադիր զինվորական ծառայությունից զորացրված ուսանողները՝ առաջին կիսամյակի դեպքում կարող են դիմումները ներկայացնել մինչև ընթացիկ տարվա հոկտեմբերի 15-ը, իսկ երկրորդ կիսամյակի դեպքում՝ մինչ ընթացիկ տարվա մարտի 15-ը։».

5) 18-րդ կետի 1-ին ենթակետը շարադրել հետևյալ խմբագրությամբ.

«1) սոցիալապես անապահով (ընտանիքների անապահովության գնահատման համակարգում հաշվառված անապահովության 0 միավորից բարձր միավոր ունեցող ընտանիքների) ուսանողներին կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 160 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի ուսանողներին.»։

10. Հայաստանի Հանրապետության կառավարության 2021 թվականի հուլիսի 15-ի «Նախադպրոցական ուսումնական հաստատությունների՝ պետական բյուջեից մեկ սանի հաշվարկով ֆինանսավորման կարգը, այդ թվում՝ կրթության և զարգացման առանձնահատուկ պայմանների ապահովման համար անհրաժեշտ նպատակային ֆինանսավորման չափաքանակը սահմանելու մասին» N 1169-Ն որոշման հավելվածի 2-րդ կետի 3-րդ ենթակետը «անապահով» բառից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 160 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով սոցիալապես անապահով» բառերով։

11. Հայաստանի Հանրապետության կառավարության 2014 թվականի ապրիլի 17-ի «Զբաղվածության մասին» Հայաստանի Հանրապետության օրենքի կիրարկումն ապահովող մի շարք իրավական ակտեր հաստատելու մասին» N 534-Ն որոշման՝

1) N 2 հավելվածի՝

ա. 4-րդ կետի 2-րդ ենթակետի «աշխատանք փնտրող անձի բնակության միևնույն բնակավայրի կամ տվյալ բնակավայրից մինչև տասը կիլոմետր հեռավորության վրա գտնվող այլ» բառերը փոխարինել «այն» բառով, իսկ «մեկ» բառը «երեք» բառով,

բ․ 4-րդ կետից հետո լրացնել հետևյալ բովանդակությամբ նոր՝ 4.1-ին կետով.

«4.1. «Զբաղվածության մասին» Հայաստանի Հանրապետության օրենքի 6-րդ հոդվածի 5-րդ մասով նախատեսված` տարածքային կենտրոնում հաշվառված աշխատանք փնտրող անձին տարածքային կենտրոնի կողմից առաջարկվող աշխատանքը հարմար է համարվում, եթե այդ աշխատանքը բավարարում է սույն չափանիշների 3-րդ կետով և 4-րդ կետի 2-րդ ենթակետով սահմանված պայմանին, ինչպես նաև այդ աշխատանքն այն ոլորտում է, որում աշխատանք փնտրող անձը նախկինում աշխատել է առնվազն մեկ տարի (ունի առնվազն մեկ տարվա ստաժ).

2) N 3 հավելվածի 4-րդ կետում «ծառայության պաշտոնական կայքէջի (https://socservice.am) կամ էլեկտրոնային հարցումների միասնական հարթակի (https://e-request.am)» բառերը փոխարինել «e-work» հարթակի» բառերով.

3) N 8 հավելվածի 7-րդ կետի 2-րդ ենթակետը «նպաստ» բառից հետո լրացնել «կամ հանդիսանում է «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի անդամ» բառերով․

4) N 8 հավելվածի 10-րդ կետը շարադրել հետևյալ խմբագրությամբ․

«10. Անմրցունակ անձանց աշխատանքային ունակությունների և կարողությունների ձեռքբերման համար գործատուին տրամադրվում է միանվագ փոխհատուցում՝ 50.0 հազ. դրամից մինչև 200.0 հազ. դրամի չափով, որը հաշվարկվում է հետևյալ բանաձևով`

ՄՓՉ = 200000 x (ԿՉ1 + ԿՉ2 +...+ ԿՉ12 x ԱՉԹ),

որտեղ՝

1) ՄՓՉ-ն միանվագ փոխհատուցման չափն է,

2) ԿՉ1 - ԿՉ12-ը միանվագ փոխհատուցման չափի որոշման չափանիշների կշիռներն են,

3) Չ1 - Չ12-ը միանվագ փոխհատուցման չափի որոշման չափանիշներն են, ընդ որում`

4) Չ1` անձն ունի 1-ին խմբի հաշմանդամություն,

5) Չ2` անձն ունի 2-րդ խմբի հաշմանդամություն կամ «հաշմանդամություն ունեցող երեխա» կարգավիճակ,

6) Չ3` անձն ունի 3-րդ խմբի հաշմանդամություն,

7) Չ4` ընտանիքը հաշվառված է սոցիալապես անապահով ընտանիքի սոցիալական գնահատման համակարգում, և անապահովության միավորը գտնվում է 0.00 - 20.00 միջակայքում կամ ընտանիքը հանդիսանում է «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 185 տոկոսի արժեքից ցածր և 160 տոկոսի արժեքից բարձր ամսական եկամուտ ունեցող և ընտանիքի անապահովության գնահատման կարգով ճանաչվել է սոցիալապես անապահով,

8) Չ5` ընտանիքը հաշվառված է սոցիալապես անապահով ընտանիքների անապահովության գնահատման համակարգում, և անապահովության միավորը գտնվում է 20.01 - 30.00 միջակայքում կամ ընտանիքը հանդիսանում է «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 160 տոկոսի արժեքից ցածր և 130 տոկոսի արժեքից բարձր ամսական եկամուտ ունեցող և ընտանիքի անապահովության գնահատման կարգով ճանաչվել է սոցիալապես անապահով,

9) Չ6` ընտանիքն ստանում է ընտանեկան կամ սոցիալական նպաստ, և անապահովության միավորը գտնվում է 30.01 - 45.00 միջակայքում կամ ընտանիքը հանդիսանում է «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր և 100 տոկոսի արժեքից բարձր ամսական եկամուտ ունեցող և ընտանիքի անապահովության գնահատման կարգով ճանաչվել է սոցիալապես անապահով,

10) Չ7` ընտանիքն ստանում է ընտանեկան կամ սոցիալական նպաստ, և անապահովության միավորը 45.01 և դրանից բարձր է կամ ընտանիքը հանդիսանում է «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմից ցածր ամսական եկամուտ ունեցող և ընտանիքի անապահովության գնահատման կարգով ճանաչվել է սոցիալապես անապահով,

11) Չ8` անձը բնակվում է սահմանամերձ բնակավայրում,

12) Չ9` անձը բնակվում է լեռնային բնակավայրում,

13) Չ10` անձը բնակվում է բարձր լեռնային բնակավայրում,

14) Չ11` անձը գտնվում է 16-30 տարիքային խմբում,

15) Չ12` այլ չափանիշներ, որոնցում ներառվում են`

ա. անձը գտնվում է 31-63 տարիքային խմբում,

բ. անձը 3 ամսվանից մինչև մեկ տարի գտնվում է գործազուրկի կարգավիճակում,

գ. անձը մեկ տարվանից ավելի գտնվում է գործազուրկի կարգավիճակում,

դ. անձը վերադարձել է ժամկետային պարտադիր զինվորական ծառայությունից և վերադառնալուց հետո վեց ամսվա ընթացքում հաշվառվել է կենտրոնում,

ե. հաշվառված է արտահիվանդանոցային նարկոլոգիական ծառայություններ մատուցող բժշկական հաստատություններում և գտնվում է դադարի (ռեմիսիայի) շրջանում,

զ. վերադարձել է ազատազրկման վայրերից կամ բժշկական բնույթի հարկադրանքի միջոցներ կիրառող հիմնարկներից,

է. թրաֆիքինգի զոհ է,

ը. անձի փախստական լինելու հանգամանքը,

թ. անձն ունի արտագնա աշխատանքի մեկնելու ռիսկ,

ժ. անձն ունի մասնագիտություն (որակավորում), սակայն տարածքային կենտրոնում հաշվառվելուց հետո երեք ամսվա ընթացքում աշխատաշուկայում համապատասխան պահանջարկի բացակայության դեպքում կենտրոնին չի հաջողվել նրան տեղավորել հարմար աշխատանքի` անձի մասնագիտական կրթությանը և որակավորմանը համապատասխան,

ժա. չունի մասնագիտություն (որակավորում),

ժբ. նախկինում չի աշխատել կամ աշխատել է մինչև մեկ ամիս տևողությամբ,

ժգ. նախկինում չի աշխատել իր մասնագիտությամբ (որակավորմամբ) կամ իր մասնագիտությամբ (որակավորմամբ) աշխատել է մինչև մեկ ամիս տևողությամբ,

ժդ. անձը խնամում է իր` մինչև երեք տարեկան երեխային կամ հաշմանդամություն ունեցող երեխային,

ժե. անձը բնակչության սոցիալական պաշտպանության հաստատության (մանկատան) շրջանավարտ է,

ժզ. անձը հանդիսանում է Հայաստանի Հանրապետության պաշտպանության մարտական գործողությունների կամ մարտական հերթապահության կամ հատուկ առաջադրանք կատարելու ժամանակ զոհված (մահացած) զինծառայողի ընտանիքի անդամ (ամուսին, երեխա, հայր, մայր, քույր, եղբայր, տատ, պապ),

ժէ. անձն ստանում է երկարամյա ծառայության զինվորական կենսաթոշակ,

16) ԱՉԹ` այլ չափանիշների թիվը, որոնք բավարարում է անձը:»․

5) N 14 հավելվածի 2-րդ կետի 2-րդ ենթակետը, N 15 հավելվածի 3․2-րդ կետի 2-րդ ենթակետը, N 16 հավելվածի 42-րդ կետի 1-ին ենթակետը, N 18 հավելվածի 3․1-ին կետի 2-րդ ենթակետը, N 21 հավելվածի 7-րդ կետի 1-ին ենթակետը, N 22 հավելվածի 3-րդ կետի 3-րդ ենթակետը «նպաստ» բառից հետո լրացնել «կամ ընտանիքը հանդիսանում է «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր ամսական եկամուտ ունեցող և ընտանիքի անապահովության գնահատման կարգով ճանաչվել է սոցիալապես անապահով» բառերով․

6) N 19 հավելվածի 5-րդ կետի 1-ին ենթակետը «0-ից» բառից հետո լրացնել «կամ ընտանիքը հանդիսանում է «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 160 տոկոսի արժեքից ցածր եկամուտ ունեցող և ընտանիքի անապահովության գնահատման կարգով ճանաչվել է սոցիալապես անապահով» բառերով․

7) N 23 հավելվածի 4-րդ կետի 2-րդ ենթակետը «անդամ են» բառերից հետո լրացնել «կամ հանդիսանում են «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի անդամ» բառերով։

12. Հայաստանի Հանրապետության կառավարության 2016 թվականի նոյեմբերի 3-ի «Սոցիալապես անապահով ընտանիքների կողմից սպառվող բնական գազի, էլեկտրական էներգիայի և նրանց մատուցվող խմելու ջրի մատակարարման և ջրահեռացման (կեղտաջրերի մաքրման) ծառայությունների սակագների նվազմանն ուղղված միջոցառումների մասին» N 1122-Ն որոշման՝

1) 1-ին կետը «ունեցող ընտանիքները» բառերից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքները» բառերով․

2) 2․1-ին կետը «միավորը» բառից հետո լրացնել «կամ անապահովության աստիճանը՝ համաձայն ընտանիքի անապահովության գնահատման կարգը և պայմանները հաստատող Հայաստանի Հանրապետության կառավարության որոշման» բառերով։

13. Հայաստանի Հանրապետության կառավարության 2015 թվականի սեպտեմբերի 25-ի «Մանկական սնունդը և հարակից ապրանքներն անվճար կամ ցածր գներով տրամադրելու կարգը սահմանելու մասին» 1105-Ն որոշման հավելվածում՝

1) 5-րդ կետի 2-րդ ենթակետը «միավոր ունեցող» բառերից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքների» բառերով․

2) 6-րդ կետի 2-րդ ենթակետը «միավոր ունեցող» բառերից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 160 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքների» բառերով․

3) 16-րդ կետի 7-րդ ենթակետը շարադրել հետևյալ խմբագրությամբ․

«7) երեխայի սնուցման կարգավիճակի վերաբերյալ համապատասխան բժշկական եզրակացությունը։ Ընտանիքների անապահովության գնահատման համակարգում ընդգրկված լինելու և անապահովության միավորի կամ աստիճանի վերաբերյալ տեղեկատվությունն ստացվում է առցանց եղանակով։»։

14. Հայաստանի Հանրապետության կառավարության 2024 թվականի հունիսի 27-ի «Հաշմանդամություն ունեցող անձանց աջակցող միջոցներ տրամադրելու և դրանց վերանորոգումն իրականացնելու կարգը և պայմանները, աջակցող միջոցների ցանկը, պետական հավաստագրերի և դրանց հիման վրա տրամադրվող աջակցող միջոցների վերանորոգման փոխհատուցման գումարի չափը, առանց պետական հավաստագրերի տրամադրվող աջակցող միջոցների և դրանց վերանորոգման փոխհատուցման գումարի չափը հաստատելու մասին» N 1004-Ն որոշման՝

1) N 2 հավելվածի 7․1-ին, 8․1-ին, 10․1-ին, 11․1-ին և 12․1-ին կետերի «Աջակցող միջոցն ստանալու իրավունք ունեցող անձինք» վերտառությամբ սյունակը «ընտանիքի անապահովության սահմանային միավորից բարձր միավոր ունեցող ընտանիքի անդամները» բառերից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքների անդամները» բառերով։

15. Հայաստանի Հանրապետության կառավարության 2015 թվականի օգոստոսի 31-ի «Բնաիրային օգնության տրամադրման կարգը, պայմանները, չափորոշիչները, աջակցության քարտի ձևը և տրամադրվող գումարի չափը սահմանելու և Հայաստանի Հանրապետության կառավարության 2006 թվականի հունիսի 22-ի N 958-Ն որոշումն ուժը կորցրած ճանաչելու մասին» N 984-Ն որոշման N 1 հավելվածի՝

1) 15-րդ կետը «միավոր» բառից հետո լրացնել «կամ հանդիսանում են «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 160 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի անդամ» բառերով․

2) 18-րդ կետը «ունենալը» բառից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 160 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքի անդամ հանդիսանալը» բառերով։

16. Հայաստանի Հանրապետության կառավարության 2022 թվականի նոյեմբերի 10-ի «Հայաստանի Հանրապետությունում փախստական ճանաչված անձանց բնակարանային ապահովության ծրագիրը հաստատելու մասին» N 1711-Ն որոշման հավելվածի՝

1) 3-րդ կետի 4-րդ ենթակետը «ունենալը» բառից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիք հանդիսանալը» բառերով․

2) 5-րդ կետը «ունենալու» բառից հետո լրացնել «կամ ընտանիքի անապահովության գնահատման կարգը և պայմանները հաստատող Հայաստանի Հանրապետության կառավարության որոշման համաձայն՝ անապահովության աստիճանի ու ընտանիքի անապահովության գնահատման կարգով սոցիալապես անապահով ճանաչված լինելու» բառերով։

17. Հայաստանի Հանրապետության կառավարության 2015 թվականի սեպտեմբերի 10-ի «Բնակելի տարածություն ստանալու իրավունք ունեցող՝ սոցիալապես անապահով և հատուկ խմբերին դասված անձանց ցանկը, կացարանով ապահովելու կարգը և պայմանները սահմանելու, Հայաստանի Հանրապետության կառավարության 2006 թվականի ապրիլի 13-ի N 614-Ն ու 2013 թվականի օգոստոսի 1-ի N 894-Ն որոշումներն ուժը կորցրած ճանաչելու և Հայաստանի Հանրապետության կառավարության 2011 թվականի փետրվարի 17-ի N 304-Ն որոշման մեջ լրացում ու փոփոխություն և 2014 թվականի դեկտեմբերի 25-ի N 1516-Ն որոշման մեջ փոփոխություն կատարելու մասին» N 1069-Ն որոշման՝

1) N 1 հավելվածի 1-ին կետի 2-րդ ենթակետը «բարձր է 0-ից» բառերից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված ընտանիքները» բառերով․

2) N 1 հավելվածի 1-ին կետի 3-րդ ենթակետը «բարձր միավոր ունեցող» բառերից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր եկամուտ ունեցող և ընտանիքի անապահովության գնահատման կարգով սոցիալապես անապահով ճանաչված» բառերով․

3) N 6 հավելվածի 9-րդ կետի 2-րդ ենթակետը «իրավունք չունեցող» բառերից հետո լրացնել «կամ «Պետական նպաստների մասին» օրենքով և Հայաստանի Հանրապետության կառավարության որոշմամբ հաստատված կարգով ընտանիքի մեկ հաշվարկային անդամի ամսական եկամտի չափն անապահովության նպաստ ստանալու իրավունք տվող սահմանային շեմի 130 տոկոսի արժեքից ցածր եկամուտ ունեցող, ընտանիքի անապահովության գնահատման կարգով սոցիալապես անապահով ճանաչված և անապահովության նպաստ չստացող» բառերով։

18. Հայաստանի Հանրապետության կառավարության 2015 թվականի սեպտեմբերի 10-ի «Սոցիալական ծառայություններ տրամադրող տարածքային մարմինների լիազորությունների իրականացման և սոցիալական ծառայությունների տրամադրման կարգն ու պայմանները սահմանելու մասին» N 1061-Ն որոշման N 1 հավելվածը լրացնել հետևյալ բովանդակությամբ նոր՝ 20-րդ կետով.

«20․ Ընտանիքի անապահովության գնահատման և անապահովության գնահատման հիմքով սոցիալական աջակցության տրամադրման հետ կապված իրավահարաբերությունները կարգավորվում են սույն որոշմամբ, եթե այլ բան նախատեսված չէ ընտանիքի անապահովության գնահատման կարգը և պայմանները հաստատող Հայաստանի Հանրապետության կառավարության որոշմամբ։»։

19. Հայաստանի Հանրապետության աշխատանքի և սոցիալական հարցերի նախարարին, Հայաստանի Հանրապետության արդարադատության նախարարին, Հայաստանի Հանրապետության տարածքային կառավարման և ենթակառուցվածքների նախարարին, Հայաստանի Հանրապետության ներքին գործերի նախարարին, Հայաստանի Հանրապետության առողջապահության նախարարին, Հայաստանի Հանրապետության պաշտպանության նախարարին, Հայաստանի Հանրապետության կրթության, գիտության, մշակույթի և սպորտի նախարարին, Հայաստանի Հանրապետության պետական եկամուտների կոմիտեի նախագահին, Հայաստանի Հանրապետության կադաստրի կոմիտեի ղեկավարին, Հայաստանի Հանրապետության մարզպետներին՝ ապահովել, իսկ Հայաստանի Հանրապետության ազգային անվտանգության ծառայության տնօրենին, Հայաստանի Հանրապետության կենտրոնական բանկի նախագահին, Հայաստանի Հանրապետության քննչական կոմիտեի նախագահին, Երևանի քաղաքապետին «Հայաստանի էլեկտրական ցանցեր», «Գազպրոմ Արմենիա», «Վեոլիա ջուր», «ԱՔՌԱ Քրեդիտ Ռեփորթինգ» փակ բաժնետիրական ընկերություններին և «Զինապահ» զինծառայողների ապահովագրության ազգային հիմնադրամին՝ առաջարկել մինչև 2025 թվականի փետրվարի 1-ը սույն որոշման NN 2 և 3 հավելվածներով սահմանված կարգով ապահովել ընտանիքի անապահովության գնահատման համար անհրաժեշտ տվյալների փոխանակումը և սույն որոշման N 1 հավելվածի 43-րդ կետի 6-րդ ենթակետով նախատեսված տեղեկանքներում ներառվող տվյալների առցանց եղանակով տրամադրումը։

20. Հայաստանի Հանրապետության աշխատանքի և սոցիալական հարցերի նախարարին՝ հիմնադրամի միջոցով ապահովել ընտանիքի սոցիալական գնահատման և սոցիալական աջակցության տեղեկատվական ենթահամակարգի ծրագրային ապահովումը և փորձարկումը՝ մինչև 2025 թվականի մարտի 17-ը:

21. Սահմանել, որ սույն որոշման շրջանակներում ընտանիքին վերաբերող կարգավորումները տարածվում են նաև «Սոցիալական աջակցության մասին» օրենքով սահմանված տնային տնտեսությունների վրա։

22. Հայաստանի Հանրապետության կառավարության 2014 թվականի հունվարի 30-ի «Պետական նպաստների մասին» օրենքի կիրարկումն ապահովելու մասին» N 145-Ն որոշումը ճանաչել ուժը կորցրած։

23. Սույն որոշումն ուժի մեջ է մտնում և գործելու է՝

1) Հայաստանի Հանրապետության Կոտայքի և Սյունիքի մարզերում՝ 2025 թվականի մարտի 17-ից, բացառությամբ սույն ենթակետով նախատեսված հետևյալ դեպքերի՝

ա․ 2025 թվականի մարտի 17-ի դրությամբ ընտանիքի սոցիալական գնահատման համակարգում հաշվառված և ընտանեկան կամ սոցիալական նպաստ ստանալու իրավունք ունեցող ընտանիքների նպաստի վճարումները շարունակվում են մինչև ընտանիքի սոցիալական գնահատման համակարգում հաջորդ հաշվառման (փաստագրման) ամիսը ներառյալ,

բ․ մինչև սույն ենթակետի «ա» պարբերությամբ սահմանված՝ ընտանեկան կամ սոցիալական նպաստների վճարման դադարեցման ժամկետների լրանալն անապահովության նպաստ ստանալու իրավունք ձեռք բերելու համար դիմած ընտանիքների ընտանեկան կամ սոցիալական նպաստ ստանալու իրավունքը դադարում է դիմելու ամսվան հաջորդող ամսվա 1-ից, իսկ ընտանեկան կամ սոցիալական նպաստ ստացող ընտանիքի բոլոր անդամների կամ միակ անդամի մահվան դեպքում ընտանեկան կամ սոցիալական նպաստ ստանալու իրավունքը դադարում է անձի մահվան ամսվան հաջորդող ամսվա 1-ից,

գ․ 2025 թվականի մարտի 17-ի դրությամբ ընտանիքում երեխայի ծննդյան կամ ընտանիքի անդամի մահվան դեպքում միանվագ կամ եռամսյակային հրատապ օգնություն նշանակված լինելու դեպքում՝ դրանք վճարվում են մինչև 2025 թվականի մայիսի 1-ը․

2) Հայաստանի Հանրապետության Արարատի, Արագածոտնի, Արմավիրի, Լոռու, Գեղարքունիքի, Շիրակի, Վայոց ձորի, Տավուշի մարզերում և Երևան քաղաքում՝ 2026 թվականի հունվարի 1-ից, բացառությամբ սույն ենթակետով նախատեսված հետևյալ դեպքերի՝

ա․ 2026 թվականի հունվարի 1-ի դրությամբ ընտանիքի սոցիալական գնահատման համակարգում հաշվառված և ընտանեկան կամ սոցիալական նպաստ ստանալու իրավունք ունեցող ընտանիքների նպաստի վճարումները շարունակվում են մինչև ընտանիքի սոցիալական գնահատման համակարգում հաջորդ հաշվառման (փաստագրման) ամիսը ներառյալ,

բ․ մինչև սույն ենթակետի «ա» պարբերությամբ սահմանված՝ ընտանեկան կամ սոցիալական նպաստների վճարման դադարեցման ժամկետների լրանալը՝ անապահովության նպաստ ստանալու իրավունք ձեռք բերելու համար դիմող ընտանիքների ընտանեկան կամ սոցիալական նպաստ ստանալու իրավունքը դադարում է դիմելու ամսվան հաջորդող ամսվա 1-ից, իսկ ընտանեկան կամ սոցիալական նպաստ ստացող ընտանիքի բոլոր անդամների կամ միակ անդամի մահվան դեպքում ընտանեկան կամ սոցիալական նպաստ ստանալու իրավունքը դադարում է անձի մահվան ամսվան հաջորդող ամսվա 1-ից,

գ․ 2026 թվականի հունվարի 1-ի դրությամբ ընտանիքում երեխայի ծննդյան կամ ընտանիքի անդամի մահվան դեպքում միանվագ կամ եռամսյակային հրատապ օգնություն նշանակված լինելու դեպքում՝ դրանք վճարվում են մինչև 2026 թվականի փետրվարի 1-ը․

3) սույն կետի հիման վրա ընտանեկան կամ սոցիալական նպաստ ստացող ընտանիքները, ինչպես նաև ընտանիքների անապահովության գնահատման հիմքով տրամադրվող աջակցություններից օրենսդրությամբ սահմանված կարգով օգտվող ընտանիքները շարունակում են օգտվել դրանցից նույն չափով՝ մինչև սույն կետի 1-ին կամ 2-րդ ենթակետերի «ա» և «բ» պարբերություններով սահմանված նպաստների վճարման դադարեցման ժամկետների լրանալը կամ օրենսդրությամբ սահմանված այլ հիմքերի առաջանալը։

ԸՆՏԱՆԻՔԻ ԱՆԱՊԱՀՈՎՈՒԹՅԱՆ ԳՆԱՀԱՏՄԱՆ ԿԱՐԳԸ ԵՎ ՊԱՅՄԱՆՆԵՐԸ

1. ԸՆՏԱՆԻՔԻ ԱՆԱՊԱՀՈՎՈՒԹՅԱՆ ԳՆԱՀԱՏՈՒՄԸ

1. Սույն հավելվածով կարգավորվում են ընտանիքի անապահովության գնահատման համար օգտագործվող բնութագրիչների, պայմանների, ընտանիքի անապահովության գնահատման բանաձևի, ընտանիքի անապահովության աստիճանի որոշման, ընտանիքի սոցիալական գնահատման և սոցիալական աջակցության տեղեկատվական ենթահամակարգում (այսուհետ` Գնահատման համակարգ) ներառվող տվյալների հետ կապված հարաբերությունները, ինչպես նաև սահմանվում է ընտանիքի անապահովության գնահատման համար անհրաժեշտ տվյալների կամ փաստաթղթերի ցանկը։

2. Ընտանիքի անապահովության գնահատման համար օգտագործվող բնութագրիչներն են՝

1) ընտանիքի կազմը․

2) ընտանիքի անդամի սոցիալական խումբը.

3) ընտանիքի անդամների փաստացի և հաշվարկային թիվը․

4) ընտանիքի եկամուտը.

5) ընտանիքի անդամին վերագրվող եկամուտը․

6) անապահովության հիմքով սոցիալական աջակցության տրամադրումը բացառող գործոնների առկայությունը.

7) ընտանիքի կեցության պայմանների ուսումնասիրության արդյունքը։

3. Ընտանիքի անապահովության աստիճանը որոշվում է Գնահատման համակարգում առկա տվյալների հիման վրա՝ ինքնաշխատ։

4. Ընտանիքի անապահովության աստիճանը հաշվարկվում է հետևյալ բանաձևով`

որտեղ P-ն ընտանիքի անապահովության աստիճանն է, ∑𝑘𝑖=1 𝐸𝑉𝐼-ն ընտանիքի բոլոր տեսակի եկամուտների հանրագումարն է՝ մեկ ամսում, ∑𝑚𝑖=1 𝐻𝑉𝐼 -ն ընտանիքի բոլոր տեսակի վերագրված եկամուտների հանրագումարն է՝ մեկ ամսում, AEM -ը՝ ընտանիքի անդամների հաշվարկային թիվն է, ∏𝑛𝑗 =1 𝑆𝐹𝑗-ը՝ բոլոր տեսակի անապահովության հիմքով սոցիալական աջակցությունը բացառող գործոնների արտադրյալն է, որտեղ յուրաքանչյուր բացառող գործոն ընդունում է երկու արժեք՝

𝑆𝐹 = {0 , եթե առկա է բացառող տվյալ գործոնը կամ 1, եթե առկա չէ տվյալ բացառող գործոնը

իսկ V-ն ընտանիքի կեցության պայմանների ուսումնասիրության արդյունքն է, որը նույնպես ընդունում է երկու արժեք՝

𝑉 = {0 , եթե ընտանիքն ապահով է կամ 1, եթե ընտանիքն անապահով է։

5. Ընտանիքի անապահովության գնահատման բանաձևի օգնությամբ որոշվում է յուրաքանչյուր ընտանիքի անապահովության աստիճանը, որն արտահայտվում է Հայաստանի Հանրապետության (այսուհետ՝ ՀՀ) դրամով և բնութագրում է ընտանիքի մեկ հաշվարկային անդամի ամսական եկամուտը: Ընտանիքի մեկ հաշվարկային անդամի ամսական եկամուտը համեմատվում է Հայաստանի Հանրապետության կառավարության կողմից տվյալ տարվա համար սահմանված՝ անապահովության նպաստ ստանալու իրավունք տվող սահմանային շեմի (այսուհետ՝ սահմանային շեմ) արժեքի հետ։ Եթե ընտանիքի անապահովության աստիճանը 0 է կամ բարձր է սահմանային շեմի արժեքի 185 տոկոսից, ապա նշանակում է ընտանիքն անապահով չէ։

6. Ընտանիքի անապահովության աստիճանը տարբերակվում է և չափվում է 4 շեմերի միջոցով, որով պայմանավորվում է տվյալ ընտանիքին հասանելի անապահովության հիմքով սոցիալական աջակցության փաթեթը՝

7. Ընտանիքի անապահովության աստիճանը հիմք է օրենսդրությամբ սահմանված սոցիալական ծառայությունների տրամադրման, մերժման կամ դադարեցման համար։

2. ԸՆՏԱՆԻՔՆԵՐԻ ՏԻՊԵՐՆ ԸՍՏ ԽՆԱՄԱՌՈՒԹՅԱՆ ԽՄԲԻ

8. Ընտանիքի խնամառության խումբը որոշվում է հետևյալ բանաձևով՝

1) որտեղ DRI-ն՝ ընտանիքի խնամառության խումբն է, i-ն ընտանիքի հերթական համարը, DRmin-ը՝ ՀՀ բոլոր ընտանիքների ամենափոքր խնամառության գործակիցը, DRmax-ը՝ ՀՀ բոլոր ընտանիքների ամենամեծ խնամառության գործակիցը, իսկ 𝐷𝑅𝑖-ին խնամառության գործակիցն է, որը հաշվարկվում է հետևյալ բանաձևով՝

2) որտեղ i-ն ընտանիքի հերթական համարն է, DR-ը՝ խնամառության գործակիցը, DEP-ը՝ ընտանիքում խնամառուների թվաքանակը, իսկ WAA-ն՝ ընտանիքում աշխատունակ անդամների քանակը, 𝐶𝐻𝑖-ը՝ ընտանիքի մինչև 18 տարեկան անդամների, 𝐷𝐼𝑆𝑖-ը՝ 18-74 տարեկան 1-ին կամ 2-րդ խմբի հաշմանդամություն կամ ֆունկցիոնալության խորը կամ ծանր սահմանափակումներ ունեցող անձանց, 𝐸𝐿𝐷𝑖-ը՝ 75 և ավելի տարեկան անձանց քանակը։

9. Խնամառության գործակցի մեծագույն և փոքրագույն արժեքներն ստացվում են ՀՀ վիճակագրական կոմիտեի հետազոտություններից և արժեքները համապատասխանաբար կազմում են 5 և 0։

10. Ընտանիքները, ըստ խնամառության խմբի, խմբավորվում են հետևյալ խմբերի՝

11. Ընտանիքը համարվում է առավելագույն խոցելիություն ունեցող նաև այն դեպքում, երբ ընտանիքը բաղկացած է միայն 63 և ավելի տարեկան անձանցից կամ 63 և ավելի տարեկան անձանցից ու խնամառուներից։

12. Ընտանիքի խնամառության խմբից կախված՝ ընտանիքին կարող է վճարվել հավելում՝ Հայաստանի Հանրապետության կառավարության որոշմամբ սահմանված չափով ու դեպքերում։

3. ԱՆԱՊԱՀՈՎ ՃԱՆԱՉՎԵԼՈՒ ԵՎ ԱՆԱՊԱՀՈՎՈՒԹՅԱՆ ՀԻՄՔՈՎ ՍՈՑԻԱԼԱԿԱՆ ԱՋԱԿՑՈՒԹՅՈՒՆ ՍՏԱՆԱԼՈՒ ՀԱՄԱՐ ԴԻՄԵԼԸ ԵՎ ԳՆԱՀԱՏՄԱՆ ՀԱՄԱԿԱՐԳՈՒՄ ԴԻՄՈՒՄԻ ԵՎ ԸՆՏԱՆԻՔԻ ՏՎՅԱԼՆԵՐԻ ՆԵՐԱՌՈՒՄԸ

13. Ընտանիքն անապահով ճանաչելու և անապահովության գնահատման հիմքով սոցիալական աջակցություն ստանալու համար իրեն անապահով համարող ընտանիքի չափահաս անդամներից մեկը (այսուհետ` Դիմող) Հայաստանի Հանրապետության սոցիալական պաշտպանության ոլորտի դիմումների միասնական համակարգում ստեղծում է «Սոցիալական աջակցության մասին» օրենքով սահմանված անհատական օգտահաշիվ` նույնականացվելով բնակչության պետական ռեգիստրի միջոցով։

14. Օգտահաշվի ստեղծման համար Դիմողն օգտագործում է ազգային նույնականացման հարթակում հասանելի եղանակներից որևէ մեկը կամ նույնականացվում է հանրային ծառայությունների համարանիշի (այսուհետ՝ ՀԾՀ) հիման վրա մուտքային տվյալներ ստանալու միջոցով:

15. Դիմողն անհատական օգտահաշվում առցանց եղանակով լրացնում է դիմումը, ներառյալ իր և ընտանիքի կազմում ներառված անձանց տվյալները, ներբեռնում է անհրաժեշտ փաստաթղթերի բնօրինակների գունավոր լուսապատճենները, որի արդյունքում ձևավորվում է ընտանիքի՝ դիմում ներկայացնելու պահին 18 տարեկանը լրացած անձանց համաձայնության տեքստը՝ իր կողմից ընտանիքի անդամների մասին տվյալներ հայտարարագրելու, ընտանիքի աշխատունակ, բայց չաշխատող անդամների համար աշխատանք գտնելու նպատակով համապատասխան դիմում լրացնելու, ընտանիքի բոլոր անդամների մասին տվյալներն այլ տվյալների շտեմարաններից ստանալու և ստուգելու մասին՝ համաձայն սույն հավելվածի N 1 ձևի։ Ընտանիքի անդամները նույնպես նույնականացվում են բնակչության պետական ռեգիստրում առկա տվյալների միջոցով: Խնամակալը կարող է ներկայացնել դիմում՝ սույն հավելվածով սահմանված կարգով և համաձայն N 2 ձևի, եթե ընտանիքում այլ չափահաս ու գործունակ անձինք առկա չեն։

16. Անապահով ճանաչելու և անապահովության հիմքով սոցիալական աջակցություն տրամադրելու համար դիմող ընտանիքի անդամների համաձայնությունն ստանալու համար որպես ստորագրություն կիրառվում է ազգային նույնականացման հարթակի սահմանած եղանակներից որևէ մեկը, իսկ դրա անհնարինության դեպքում՝ Գնահատման համակարգում գեներացված համաձայնագիրն՝ ըստ ընտանիքի 18 տարեկանը լրացած անդամների ցուցակի, ստորագրում են ընտանիքի 18 տարեկանը լրացած անդամները, որը ներբեռնվում է Գնահատման համակարգ։ Դիմումը համարվում է ընդունված սույն որոշմամբ սահմանված բոլոր տվյալները և փաստաթղթերը ներկայացնելու օրը։ Դիմումի բնօրինակը ներկայացվում է Միասնական սոցիալական ծառայության (այսուհետ՝ Ծառայություն) համապատասխան տարածքային կենտրոն՝ այն ներբեռնելուց հետո երեք աշխատանքային օրվա ընթացքում։

17. Ընտանիքի բոլոր անդամների (այդ թվում՝ մինչև 18 տարեկան անձանց) տվյալներն ստացվում են հարակից շտեմարաններից առցանց, ինքնաշխատ, իրական ժամանակի ռեժիմով կամ դիմողի կողմից ներկայացվում են թղթային տարբերակով (սույն հավելվածի 43-րդ կետով նախատեսված տեղեկանքները)՝ դրանց գունավոր լուսապատճենները ներբեռնելու միջոցով։

18.Դիմողի կողմից ներկայացված և առցանց ստացված բոլոր տվյալները ներառվում են դիմողի ընտանիքի էլեկտրոնային սոցիալական գործում (այսուհետ՝ Սոցիալական գործ)՝ համաձայն N 3 ձևի։ Սոցիալական գործն ստեղծվում է միայն էլեկտրոնային տարբերակով։

19. Ընտանիքի անապահովության գնահատման ժամանակ կիրառվող բնութագրիչները ձևավորվում են դրանք հավաստող տվյալները ներառելու միջոցով։

20. Ընտանիքի անապահովության գնահատման համար դիմումի ներկայացումից հետո ընտանիքի անապահովության գնահատումն իրականացվում է յուրաքանչյուր ամիս՝ հաջորդող 12 ամիսների համար, եթե ընտանիքի մեկ հաշվարկային անդամի ամսական եկամուտը ցածր է սահմանային շեմի արժեքի 160 տոկոսից, սույն հավելվածով սահմանված որևէ բացառող գործոն առկա չէ, իսկ տնայց կատարելու դեպքում, կեցության պայմանների ուսումնասիրության արդյունքը 1 է։ Ընտանիքի անապահովության գնահատումն երկրորդ ամսվանից սկսած իրականացվում է յուրաքանչյուր ամսվա վերջին օրացուցային օրվա դրությամբ առկա տվյալների հիման վրա։

21. Ընտանիքի անապահովության գնահատումը մերժվում է, և ընտանիքին անապահով ճանաչելու համար պետք է ներկայացնել նոր դիմում՝ սույն հավելվածով սահմանված կարգով, եթե դիմումը, դիմումում ներկայացված տվյալները կամ փաստաթղթերը չեն համապատասխանում սույն որոշմամբ սահմանված պահանջներին, հավաստի չեն կամ կեղծ են։

22. Ընտանիքի անապահովության գնահատումը դադարեցվում է և ընտանիքին անապահով ճանաչելու համար պետք է ներկայացնել նոր դիմում՝ սույն հավելվածով սահմանված կարգով, եթե՝

1) ընտանիքի անապահովության գնահատման համար դիմումը ներկայացնելու ամսվանից հետո անցել է 12 ամիս, կամ

2) ընտանիքի բնակության վայրի փոփոխության կամ ընտանիքում չափահաս անձանց թիվն ավելացել է(ներառյալ երեխայի չափահաս դառնալու հիմքով), կամ

3) ընտանիքի անապահովության գնահատման համար ներկայացված անհրաժեշտ տեղեկության փոփոխության մասին սահմանված ժամկետում չի տեղեկացվել, կամ

4) ընտանիքի մեկ հաշվարկային անդամի ամսական եկամուտը գերազանցում է սահմանային շեմի արժեքի 160 տոկոսը կամ ընտանիքի անապահովության աստիճանը 0 է, կամ

5) ներկայացված տվյալները կամ փաստաթղթերը հավաստի չեն կամ կեղծ են։

23. Ընտանիքի անապահովության գնահատումը դադարեցվում է ինքնաշխատ՝ սույն հավելվածի 22-րդ կետով նախատեսված հանգամանքի բացահայտման ամսվան հաջորդող ամսվա 1-ից։

24. Ընտանիքի անապահովության գնահատման համար անհրաժեշտ տեղեկության փոփոխության դեպքում Դիմողը պարտավոր է մինչև յուրաքանչյուր ամսվա վերջին օրվա նախորդող օրը ներառյալ դրա մասին անհատական օգտահաշվի միջոցով կատարել անհրաժեշտ փոփոխություններ։

25. Ընտանիքի կազմը որոշվում է Դիմողի անհատական օգտահաշվում դիմումում լրացված տվյալների հիման վրա, որոնք ստուգվում են բնակչության պետական ռեգիստրում առկա տվյալներով:

26. Ընտանիքի անապահովության գնահատման ժամանակ ընտանիքի կազմում չեն դիտարկվում հետևյալ անդամները՝ անկախ բնակչության պետական ռեգիստրում հաշվառված լինելու հանգամանքից՝

1) կալանավորված կամ հետախուզման մեջ գտնվող կամ քրեակատարողական հիմնարկում պատիժը կրող անձինք.

2) պարտադիր զինվորական ծառայության զորակոչված շարքային կազմի ժամկետային զինծառայողները.

3) ռազմաուսումնական հաստատություններում զորանոցային պայմաններում սովորող կուրսանտները.

4) բնակչության սոցիալական պաշտպանության հաստատությունում կամ համայնքային փոքր տանը կամ այլ հաստատություններում շուրջօրյա խնամք ստացող շահառուները.

5) Հայաստանի Հանրապետության տարածքից 90 և ավելի օր դուրս գտնվող անձը․

6) ռազմական գործողությունների հետևանքով անհայտ կորած, ինչպես նաև գերեվարված զինծառայողները և քաղաքացիական անձինք:

27. Եթե բնակչության պետական ռեգիստրում

1) ընտանիքի բոլոր չափահաս անդամները նշված հասցեում հաշվառված են ոստիկանի զեկուցագրի հիման վրա, և առկա են հաշվառված այլ անձինք, ապա Գնահատման համակարգի միջոցով առցանց հարցում է ուղարկվում Հայաստանի Հանրապետության ներքին գործերի նախարարության ոստիկանությանը (այսուհետ՝ ոստիկանություն)՝ ընտանիքի փաստացի կազմը հաստատելու կամ չհաստատելու համար․

2) ընտանիքի բոլոր չափահաս անդամները հաշվառված են նշված հասցեում և առկա չեն հաշվառված այլ անձինք, սակայն ընտանիքի անդամներից որևէ մեկի համար առկա է օրենքով սահմանված կարգով գրանցված ամուսնություն, ապա առցանց հարցում է ուղարկվում ոստիկանությանը՝ ընտանիքի փաստացի կազմը հաստատելու կամ չհաստատելու համար․

3) ընտանիքի չափահաս անդամներից առնվազն մեկը հաշվառված է նշված հասցեում սեփականության իրավունքի կամ սեփականատիրոջ համաձայնության հիման վրա, և այդ հասցեում առկա են բնակչության պետական ռեգիստրում հաշվառված այլ անձինք, ապա անապահովության գնահատման դիմումը մերժվում է.

4) ընտանիքի չափահաս անդամներից որևէ մեկը հաշվառված չէ բնակչության պետական ռեգիստրում նշված հասցեում, սակայն ընտանիքի անդամներից որևէ մեկի ամուսինն է, ապա անապահովության գնահատման դիմումն ընդունվում է դիմումում նշված կազմով․

5) ընտանիքի անդամները հաշվառված են հանրության գերակա շահ ճանաչված և օտարման ենթակա բնակելի տարածությունում կամ պետական կամ համայնքային ծրագրով կամ աղետի հետևանքով քանդված շենքում կամ շինությունում, սակայն փաստացի բնակվում են այլ հասցեում, ապա առցանց հարցում է ուղարկվում ոստիկանությանը՝ ընտանիքի փաստացի կազմը հաստատելու կամ չհաստատելու համար․

6) առկա տվյալները համապատասխանում են դիմումով ներկայացված տվյալներին, ապա անապահովության գնահատման դիմումն ընդունվում է դիմումում նշված կազմով.

7) առկա տվյալների և ներկայացված տվյալների միջև առկա են այլ անհամապատասխանություններ, ապա անապահովության գնահատման դիմումը մերժվում է:

28. Ոստիկանությունը սույն հավելվածի 27-րդ կետում նշված հարցմանը պատասխանում է հինգ աշխատանքային օրվա ընթացքում: Ընդ որում՝

1) դիմումով նշված կազմը հաստատելու կամ հարցմանը սահմանված ժամկետում չպատասխանելու դեպքում անապահովության գնահատման դիմումն ընդունվում է դիմումում նշված կազմով.

2) դիմումով նշված կազմը չհաստատելու դեպքում հիմք է ընդունվում ոստիկանության տրամադրած տեղեկատվությունը, և անապահովության գնահատման դիմումը մերժվում է դիմումում ոչ հավաստի տվյալներ ներկայացնելու հիմքով։

29. Ընտանիքի անդամի համար կիրառվող սոցիալական խմբերն են`

1) խնամառու՝ ընտանիքի մինչև 18 տարեկան կամ 1-ին կամ 2-րդ խմբի հաշմանդամություն կամ ֆունկցիոնալության խորը կամ ծանր սահմանափակումներ ունեցող կամ 75 և ավելի տարեկան անձը․

2) աշխատունակ՝ 18 տարեկանից մինչև 62 տարեկանը՝ ներառյալ 1-ին կամ 2-րդ խմբի հաշմանդամություն կամ ֆունկցիոնալության խորը կամ ծանր սահմանափակումներ չունեցող անձը․

3) 18 տարեկանից մինչև 22 տարեկանը ներառյալ առկա ուսուցմամբ սովորող անձը․

4) 30 և ավելի շաբաթական հղիություն ունեցող կինը․

5) մինչև 2 տարեկան երեխա խնամող անձը։

30. Ընտանիքի անդամների հաշվարկային թիվը ձևավորվում է սույն կետի 1-4-րդ կետերում նշված գործակիցների հիման վրա ստացված թվերը գումարելով՝

1) 18 և ավելի տարեկան անձի գործակիցը՝ 1.

2) 15-17 տարեկան անձի գործակիցը՝ 0․7.

3) 10-14 տարեկան անձի գործակիցը՝ 0․55.

4) 0-9 տարեկան անձի գործակիցը՝ 0․45։

31. Ընտանիքի եկամուտը Գնահատման համակարգում հաշվի է առնվում դիմելու նախորդող ամսվա չափով և վերանայվում է յուրաքանչյուր ամիս, բացառությամբ սույն հավելվածի 32-րդ կետի 11-րդ ենթակետում նշված եկամուտների։

32. Ընտանիքի եկամտի կազմի մեջ ներառվում են`

1) աշխատանքի վարձատրությանն ուղղված` հաշվարկված վճարման ենթակա միջոցները և դրանց հավասարեցված եկամուտները` օրենսդրությամբ սահմանված աշխատավարձի և դրան հավասարեցված այլ վճարումների ցանկի համաձայն՝ առանց հարկերի և օրենսդրությամբ սահմանված պարտադիր վճարների.

2) քաղաքացիաիրավական պայմանագրերի հիման վրա հաշվարկված` վճարման ենթակա միջոցները՝ առանց հարկերի և օրենսդրությամբ սահմանված պարտադիր վճարների.

3) կենսաթոշակը.

4) մինչև երկու տարեկան երեխայի խնամքի, ծերության, հաշմանդամության, կերակրողին կորցնելու դեպքում նպաստները, ընտանիքում 3-րդ և յուրաքանչյուր հաջորդ երեխայի ծննդյան կապակցությամբ վճարվող դրամական աջակցությունը.

5) «Զինվորական ծառայության և զինծառայողի կարգավիճակի մասին» օրենքի 70-րդ հոդվածով սահմանված զինծառայողների և նրանց ընտանիքների անդամների, առանձին կատեգորիաների անձանց ընտանիքների անդամների ամենամսյա պարգևավճարները (այսուհետ` պարգևավճար).

6) «Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին» օրենքի համաձայն ստեղծված հատուցման հիմնադրամի շահառուներին տրամադրվող ամսական հատուցումը․

7) Հայաստանի Հանրապետության «ժողովրդական» պատվավոր կոչման համար տրվող ամենամսյա պատվովճարը․

8) «Ծնողական փառքի» մեդալով պարգևատրված անձանց տրվող ամենամսյա պատվովճարը.

9) որպես սոցիալական աջակցություն, ամսական պարբերականությամբ (առնվազն երկու ամիս անընդմեջ) տրամադրվող դրամական միջոցները (դրամական օգնություն, աջակցություն, հատուցում)․

10) խնամատար ընտանիքներում երեխայի խնամքի և դաստիարակության դիմաց տրամադրվող վարձատրությունը և երեխայի խնամքի ու դաստիարակության համար տրամադրվող միջոցները․

11) անասնապահությունից և հողօգտագործումից ստացվող եկամուտը.

12) ընտանիքի չափահաս աշխատունակ, սակայն չաշխատող անդամի համար վերագրվող եկամուտը:

33. Սույն հավելվածի 32-րդ կետի 1-10-րդ ենթակետերով սահմանված եկամտի տեսակների մասին տվյալներն ստացվում են առցանց՝ իրական ժամանակի ռեժիմով:

34. Ընտանիքի` անասնապահությունից ստացվող եկամուտը հաշվարկվում է`

1) ընտանիքին պատկանող անասնատեսակի և դրա քանակի մասին համայնքում անասնահամաճարակային միջոցառումներ իրականացնող անասնաբույժի կամ համայնքի անասնաբուժական ծառայություն իրականացնող անձի (այսուհետ` անասնաբույժ) կողմից տրամադրված տեղեկանքում` համաձայն սույն հավելվածի N 4 ձևի, առկա տվյալների հիման վրա․

2) ընտանիքին պատկանող անասնատեսակի և դրա քանակի մասին տեղեկանքում ներառվում, բայց Հայաստանի Հանրապետության կառավարության 2014 թվականի ապրիլի 17-ի N 534-Ն որոշման N 16 հավելվածով նախատեսված՝ անասնապահությամբ զբաղվելու համար աջակցության տրամադրման, ինչպես նաև Հայաստանի Հանրապետության աշխատանքի և սոցիալական հարցերի նախարարության հետ կնքված համագործակցության հուշագրերի հիման վրա կազմակերպությունների կողմից իրականացվող ծրագրերով ձեռք բերված կենդանիների մասին տվյալները չկիրառելով՝ տվյալ ընտանիքի կամ ընտանիքի անդամներից մեկի հետ կնքված պայմանագրի գործողության ամբողջ ժամանակահատվածի համար.

3) մինչև չորս անդամներ ունեցող ընտանիքի անասնապահությունից ստացվող ամսական եկամուտը հաշվարկվում է տարեկան 150,000 ՀՀ դրամը գերազանցող գումարի մեկ տասներկուերորդի (1/12-ի) չափով, իսկ չորս և ավելի անդամներ ունեցող ընտանիքի անասնապահությունից ստացվող ամսական եկամուտը` ընտանիքի յուրաքանչյուր փաստացի անդամի համար հաշվարկված տարեկան 50,000 ՀՀ դրամը գերազանցող գումարի մեկ տասներկուերորդի (1/12-ի) չափով` համաձայն աղյուսակի:

Աղյուսակ

35. Ընտանիքի՝ սեփականության կամ օգտագործման իրավունքով պատկանող գյուղատնտեսական նշանակության հողից ստացվող եկամտի հաշվարկը կատարվում է Հայաստանի Հանրապետության կառավարության հաստատած` Հայաստանի Հանրապետությունում գյուղատնտեսական հողերի կադաստրային զուտ եկամտի չափերի հիման վրա՝

1) օգտագործելով մեկ հեկտար տվյալ գյուղատնտեսական նշանակության հողատարածքի համար կադաստրային տարեկան զուտ եկամտի չափի և ընտանիքի անդամներին սեփականության կամ օգտագործման իրավունքով պատկանող հողատարածքի մակերեսի արտադրյալը, որից հանվում է հողի հարկի չափը.

2) հողօգտագործումից ստացվող եկամուտը հաշվարկվում է սույն կետի 1-ին ենթակետով սահմանված հաշվարկով ստացված տարեկան եկամտի մեկ տասներկուերորդի (1/12-ի) չափով՝ ընտանիքի յուրաքանչյուր անդամին սեփականության կամ օգտագործման իրավունքով պատկանող հողամասի իր բաժնեմասին համամասնությամբ (ընդհանուր համատեղ սեփականության դեպքում համասեփականատերերի բաժնեմասերը դիտարկվում են հավասար չափերով)․

3) օրենքով սահմանված կարգով հողի հարկից ազատված ընտանիքների համար հողօգտագործումից ստացվող եկամուտը չի հաշվարկվում` հողի հարկից ազատված լինելու ժամանակահատվածում։

36. Ընտանիքի եկամտի հաշվարկի մեջ չեն ներառվում ընտանիքի անապահովության գնահատման համար դիմում ներկայացնելուց հետո՝ ընտանիքի անապահովության գնահատման ընթացքում աշխատանքի ընդունվելու արդյունքում ստացված բոլոր եկամուտները՝ աշխատանքի ընդունման ամսվան հաջորդող 12 ամիսների համար: Սույն կետը նույն անձի համար կրկին կարող է կիրառվել նախորդիվ կիրառման ամսվանից առնվազն քսանչորս ամիս անց։

37. Ընտանիքի աշխատունակ, բայց չաշխատող անդամներին եկամտի վերագրման կանոններն են․

1) եկամտի վերագրում չի կատարվում, եթե ընտանիքի աշխատունակ, բայց չաշխատող անդամը 18 տարեկանից մինչև 22 տարեկանը ներառյալ առկա ուսուցմամբ սովորող է կամ 30 և ավելի շաբաթական հղի կին կամ մինչև 2 տարեկան երեխա խնամող անձ է, ինչպես նաև եթե ընտանիքի աշխատունակ, բայց չաշխատող անդամը ընդգրկված է զբաղվածության պետական ծրագրերում՝ ծրագրի ամբողջ ժամանակահատվածի ընթացքում․

2) եթե ընտանիքը բաղկացած է միայն աշխատունակ չաշխատող անդամներից կամ եթե ընտանիքում խնամառուները միայն 14 տարեկանից մինչև 17 տարեկանը ներառյալ հաշմանդամություն չունեցող երեխաներ են, ապա եկամտի վերագրում կատարվում է ընտանիքի երկրորդ աշխատունակ, բայց չաշխատող անդամից սկսած՝ աշխատունակ, բայց չաշխատող մնացած անդամներին՝ անապահովության գնահատման ամսից, իսկ ընտանիքի առաջին աշխատունակ, բայց չաշխատող անդամին եկամուտ վերագրվում է անապահովության գնահատման համար դիմում ներկայացնելուն ամսվան հաջորդող վեցերորդ ամսվանից, եթե մինչ այդ աշխատանք ձեռք չի բերել կամ զբաղվածության ծրագրերի կամ միջոցառումների շահառու չի դարձել: Ընտանիքի առաջին աշխատունակ, բայց չաշխատող անդամին ընտրում է Դիմողը․

3) եթե ընտանիքում առկա է սույն կետի 1-ին ենթակետով նշված որևէ անդամ, ապա եկամտի վերագրում կատարվում է ընտանիքի առաջին աշխատունակ, բայց չաշխատող անդամից սկսած՝ աշխատունակ, բայց չաշխատող մնացած անդամներին՝ անապահովության գնահատման ամսից․

4) եթե ընտանիքում 14 տարեկանից մինչև 17 տարեկանը ներառյալ հաշմանդամություն չունեցող երեխաներից բացի, կան այլ խնամառուներ և չկան սույն կետի 1-ին ենթակետով նշված անդամներ, ապա եկամտի վերագրում կատարվում է ընտանիքի երկրորդ աշխատունակ, բայց չաշխատող անդամից սկսած՝ աշխատունակ, բայց չաշխատող մնացած անդամներին՝ անապահովության գնահատման ամսից։ Ընտանիքի առաջին աշխատունակ, բայց չաշխատող անդամին, ում եկամտի վերագրում չի կատարվում, ընտրում է Դիմողը․

5) եկամտի վերագրում կատարվում է ընտանիքի 65 և բարձր տարիքին անձի, ով չի աշխատում և օրենսդրությամբ սահմանված կարգով Հայաստանի Հանրապետությունում չի ստանում կենսաթոշակ կամ ծերության նպաստ կամ հաշմանդամության նպաստ կամ կերակրողին կորցնելու դեպքում նպաստ՝ անապահովության գնահատման ամսից․

6) եթե անապահովության գնահատումը դադարեցվել է սույն կետով նախատեսված վերագրման արդյունքում, ապա անապահովության գնահատման դադարեցման ամսվանից հետո 2 տարվա ընթացքում անապահովության գնահատման դիմում ներկայացնելու դեպքում՝ վերագրումը շարունակվում է իրականացվել անապահովության գնահատման դադարեցման պահին ընտանիքի անդամի համար վերագրված եկամտի չափով, եթե առկա չեն սույն կետով սահմանված եկամուտի վերագրման բացառությունները։

38. Վերագրվող եկամտի չափը որոշվում է սահմանային շեմի արժեքի չափով։ Եկամուտի վերագրումից հետո վեց ամսվա ընթացքում աշխատանք ձեռք չբերելու կամ զբաղվածության ծրագրերի կամ միջոցառումների շահառու չդառնալու դեպքում հաջորդող ամիսների ընթացքում ընտանիքի 18 տարեկանից մինչև 54 տարեկանը ներառյալ աշխատունակ, բայց չաշխատող անդամների համար իրականացվում է վերագրված եկամտի չափի բարձրացում՝ ամսական 10.000 ՀՀ դրամի չափով, բայց ոչ ավելի, քան «Նվազագույն ամսական աշխատավարձի մասին» օրենքի 1-ին հոդվածով սահմանված չափը։

39. Ընտանիքի անապահովության գնահատման ժամանակ օգտագործվում են անապահովության հիմքով սոցիալական աջակցության տրամադրումը բացառող հետևյալ գործոնները (այսուհետ՝ բացառող գործոն)՝

1) 2015 թվականից հետո արտադրված ավտոտրանսպորտային միջոցի (ՀՀ-ում հաշվառված և համարանիշ ունեցող) առկայությունը կամ եթե ավտոտրանսպորտային միջոցի գույքահարկի (մեկից ավելի գույքի առկայության դեպքում՝ հանրագումարային) տարեկան չափը գերազանցում է 12000 ՀՀ դրամը․

2) անշարժ գույքի (բացառությամբ գյուղատնտեսական նշանակության հողից) առկայությունը, եթե՝

ա․ մարզային բնակավայրերում առկա անշարժ գույքի գույքահարկի (մեկից ավելի գույքի առկայության դեպքում՝ հանրագումարային) տարեկան չափը գերազանցում է 4200 ՀՀ դրամը.

բ․ Երևան քաղաքում առկա անշարժ գույքի գույքահարկի (մեկից ավելի գույքի առկայության դեպքում՝ հանրագումարային) տարեկան չափը գերազանցում է 12000 ՀՀ դրամը․

գ միաժամանակ մարզային բնակավայրերում և Երևան քաղաքում առկա անշարժ գույքերի գույքահարկի (հանրագումարային) տարեկան չափը գերազանցում է 12000 ՀՀ դրամը․

3) ձեռնարկատիրական գործունեությամբ զբաղվելու հանգամանքը, մասնավորապես, եթե ընտանիքի անդամը հանդիսանում է անհատ ձեռնարկատեր, ում վարձու աշխատողներից առնվազն մեկը չի հանդիսանում ընտանիքի անդամ կամ ընտանիքի որևէ անդամի ՀՀ քաղաքացիական օրենսգրքով սահմանված որևէ առևտրային կազմակերպության հիմնադիր, իսկ սահմանափակ պատասխանատվության, բաց բաժնետիրական, փակ բաժնետիրական ընկերությունների դեպքում՝ նաև մասնակից կամ բաժնետեր լինելու հանգամանքը․

4) ապրանքների ներմուծման կամ արտահանման համար մաքսային վճարը՝ նախորդող ամսվա ընթացքում ընտանիքի մեկ հաշվարկային անդամի հաշվով սահմանային շեմի արժեքը գերազանցելու հանգամանքը․

5) տվյալ տարվա ամառային ամիսների ընթացքում ընտանիքի կողմից էլեկտրաէներգիայի սպառման սահմանաչափը գերազանցելու հանգամանքը, որը հաշվարկվում է հետևյալ բանաձևով`

w = 90 կՎտ.ժամ + 20 կՎտ . ժամ x n, որտեղ n-ն ընտանիքի փաստացի անդամների թիվն է.

6) նախորդող 12 ամիսների ընթացքում ընտանիքի կողմից բնական գազի սպառման միջին ամսական սահմանաչափը գերազանցելու հանգամանքը, որը հաշվարկվում է հետևյալ բանաձևով`

w = 600 խոր․մ․ + 110 խոր․մ․ x n, որտեղ n-ն ընտանիքի փաստացի անդամների թիվն է.

7) վարկային պարտավորությունների գծով ամսական մարման չափն ընտանիքի մեկ հաշվարկային անդամի հաշվով սահմանային շեմի արժեքը գերազանցելու հանգամանքը.

8) ընտանիքի բոլոր անդամների կողմից ՀՀ հարկային օրենսգրքով սահմանված եկամտային հարկի տարեկան հաշվարկների (հայտարարագրերի) համաձայն՝ նախորդ տարվա համար հայտարարագրած բոլոր եկամուտների 1/12-ը՝ ընտանիքի մեկ հաշվարկային անդամի հաշվով սահմանային շեմի արժեքի եռապատիկը գերազանցելու հանգամանքը:

40. Սույն հավելվածի 39-րդ կետի 1-2-րդ ենթակետերում նշված գույքահարկի տարեկան չափը հաշվարկվում է ընտանիքի յուրաքանչյուր անդամին սեփականության իրավունքով պատկանող անշարժ գույքի իր բաժնեմասին համապատասխան (գույքահարկը բաժանվում է սեփականատերերի թվի վրա և հաշվարկի համար հիմք է ընդունվում դիմող ընտանիքի անդամի սեփականության իրավունքի բաժնեմասին համապատասխանող չափը)։

41. Ընտանիքի անապահովության գնահատման ժամանակ ընտանիքի կեցության պայմանների ուսումնասիրությունն իրականացվում է տնայցերի միջոցով, որը կարող է ունենալ 0 կամ 1 արժեք՝ համաձայն սույն հավելվածի N 5 ձևի։ Ընտանիքի կեցության պայմանները ձեռք են բերում 0 արժեք՝ ուսումնասիրության արդյունքում բարեկեցության 0.7 միավորից բարձր միավոր ունենալու դեպքում։

42. Ընտանիքի անապահովության գնահատման դիմում ներկայացնելուց հետո ընտանիքի կեցության պայմանների ուսումնասիրություն իրականացվում է, եթե ընտանիքի մեկ հաշվարկային անդամի ամսական եկամուտը ցածր է սահմանային շեմի արժեքի 130 տոկոսից և առկա չէ սույն հավելվածով սահմանված որևէ բացառող գործոն։

43. Անապահով ճանաչելու և անապահովության հիմքով սոցիալական աջակցություն տրամադրելու դիմումին կցվում են սույն կետով նախատեսված փաստաթղթերն այնքան ժամանակ, քանի դեռ այդ տվյալները թվայնացված չեն և առցանց ստանալու հնարավորությունը չի ստեղծվել։ Մասնավորապես՝

1) ընտանիքին պատկանող անասնատեսակի և դրանց քանակի մասին տեղեկանքի գունավոր լուսապատճենը։ Տեղեկանքը գործում է տրման պահից 12 ամսվա ընթացքում.

2) համայնքի կամ վարչական շրջանի ղեկավարի տեղեկանքի գունավոր լուսապատճենը՝ պետական, համայնքային ծրագրով կամ աղետի հետևանքով քանդված շենքի կամ շինության մասին։ Տեղեկանքում պետք է ներառվի Դիմողի անունը, ազգանունը, հայրանունը, անձը հաստատող փաստաթղթի համարը, ՀԾՀ կամ ՀԾՀ չունենալու մասին տեղեկանքի համարը, ՀՀ կառավարության կամ համապատասխան համայնքի ավագանու այն որոշման համարը, ընդունման օրը, ամիսը, տարեթիվը, որով սահմանվում է պետական կամ համայնքային ծրագրով կամ աղետի հետևանքով քանդված շենքերի կամ շինությունների հասցեները, որոնցում տվյալ ընտանիքը հաշվառված է եղել մինչ այդ իրավական ակտի ընդունումը, տրամադրվող հատուցման չափը և ժամկետը, այդպիսին լինելու դեպքում, տեղեկանքի տրման օրը, ամիսը, տարեթիվը և տեղեկանքը ստորագրողի պաշտոնը, անունը, ազգանունը և ստորագրությունը։ Տեղեկանքը գործում է տրամադրման պահից 12 ամիս, բայց ոչ ավելի, քան մինչև նոր բնակարանի հատկացումը․

3) պարտադիր ժամկետային զինվորական ծառայության մեջ գտնվելու մասին զորակոչային և զորահավաքային համալրման ծառայությունից տրված տեղեկանքի գունավոր լուսապատճենը։ Տեղեկանքում պետք է ներառվի զորակոչվածի անունը, ազգանունը, հայրանունը, անձը հաստատող փաստաթղթի տվյալը (զինգրքույկի համարը), ՀԾՀ-ը կամ ՀԾՀ չունենալու մասին տեղեկանքի համարը, զինվորական ծառայության անցնելու օրը, ամիսը, տարին, տեղեկանքի տրման օրը, ամիսը, տարեթիվը և տեղեկանքը ստորագրողի պաշտոնը, անունը, ազգանունը և ստորագրությունը։ Տեղեկանքն ուժի մեջ է զինվորական ծառայության անցնելու օրվա ամսվանից 24 ամիս, բայց ոչ ավելի քան օրենսդրությամբ սահմանված դեպքերում ավելի շուտ զորացրվելը (վիրավորում, հիվանդություն, զոհվել և այլն)․

4) նախնական, միջին մասնագիտական կամ բարձրագույն ուսումնական հաստատությունում առկա ուսուցմամբ սովորելու մասին համապատասխան հաստատությունից տրված տեղեկանքի գունավոր լուսապատճենը։ Տեղեկանքում պետք է ներառվի ուսանողի անունը, ազգանունը, հայրանունը, անձը հաստատող փաստաթղթի տվյալը, ՀԾՀ-ը կամ ՀԾՀ չունենալու մասին տեղեկանքի համարը, ուսումնական հաստատության անվանումը, ուսումնառության բաժինը (հնարավոր մասնագիտացումը), ուսումնական տարին, տեղեկանքի տրման օրը, ամիսը, տարեթիվը և տեղեկանքը ստորագրողի պաշտոնը, անունը, ազգանունը և ստորագրությունը։ Տեղեկանքն ուժի մեջ է տրման պահից մինչև տվյալ ուսումնական տարվա ավարտը, բայց ոչ ավելի քան օրենսդրությամբ սահմանված դեպքերում ուսումնառության ընդհատումը․

5) մինչև 2014 թվականը գրանցված ամուսնության կամ ամուսնալուծության վկայականի կամ օտարերկրյա պետությունում գրանցված ամուսնության կամ ամուսնալուծության վկայականի գունավոր լուսապատճենը (օտարերկրյա պետության կողմից տրամադրված փաստաթուղթը պետք է թարգմանված լինի հայերեն՝ նոտարական վավերացմամբ, իսկ սահմանված դեպքերում՝ նաև ապոստիլով հաստատված), եթե նշված տվյալը դեռևս չի թվայնացվել․

6) ուժային կառույցների (ՀՀ պաշտպանության նախարարության, ՀՀ ազգային անվտանգության ծառայության, ՀՀ ներքին գործերի նախարարության և այլն) ծառայողների աշխատավարձերի մասին համապատասխան մարմնի կողմից տրամադրված տեղեկանքի գունավոր լուսապատճենը, եթե աշխատավարձի մասին տվյալները գաղտնի են։ Տեղեկանքում պետք է ներառվի աշխատողի անունը, ազգանունը, հայրանունը, անձը հաստատող փաստաթղթի տվյալը, ՀԾՀ-ը կամ ՀԾՀ չունենալու մասին տեղեկանքի համարը, տեղեկանքի տրման ամսվան նախորդած ամսվա հաշվարկված վճարման ենթակա աշխատավարձի չափը՝ առանց հարկերի և օրենսդրությամբ սահմանված պարտադիր վճարների, տեղեկանքի տրման օրը, ամիսը, տարեթիվը և տեղեկանքը ստորագրողի պաշտոնը, անունը, ազգանունը և ստորագրությունը։ Տեղեկանքը գործում է տրամադրման պահից 12 ամիս․

7) անձի նկատմամբ խնամակալություն կամ հոգաբարձություն սահմանելու մասին որոշման գունավոր լուսապատճենը։ Խնամակալություն կամ հոգաբարձություն սահմանելու մասին որոշումը գործում է մինչև դրա փոփոխումը կամ դադարեցումը։

44. Դիմողի կողմից անհատական օգտահաշվում դիմումը, պահանջվող տվյալները և ներբեռնված փաստաթղթերը ներկայացնելուց հետո դիմումը հասանելի է դառնում Ծառայության տարածքային կենտրոնի համապատասխան մասնագետին (այսուհետ՝ Մասնագետ), ով ընտրվում է ինքնաշխատ եղանակով՝ պատահականության սկզբունքով։ Մասնագետը չի կարող հանդիսանալ Ծառայության այն տարածքային կենտրոնի աշխատողը, որի սպասարկման տարածքում բնակվում է Դիմողը։

45. Դիմումն ընդունվելուց հետո այն հասանելի է դառնում Դիմողի բնակության հասցեն սպասարկող Ծառայության տարածքային կենտրոնի ընտանիքի կեցության պայմանները գնահատող մասնագետին (այսուհետ՝ Գնահատող մասնագետ), որը 15 աշխատանքային օրվա ընթացքում կատարում է տնայց՝ սույն որոշմամբ սահմանված դեպքերում և կարգով։ Եթե նշված ժամկետում տնայց չի կատարվում Դիմողի կամ ընտանիքի անդամների գործողության կամ անգործության պատճառով, ապա ընտանիքի կեցության պայմանների ուսումնասիրության արդյունքները ձեռք են բերում 0 արժեք։

46. Գնահատող մասնագետը տնայցի ընթացքում սույն հավելվածի N 5 ձևով սահմանված հարցաշարով իրականացնում է դիմողի ընտանիքի կեցության պայմանների ուսումնասիրություն՝ դիտարկման և հարցազրույցի մեթոդներով, տվյալները և կատարած լուսանկարները մուտքագրում Գնահատման համակարգ, որոնց արդյունքում Գնահատման համակարգում ինքնաշխատ եղանակով ձևավորվում է դիմողի ընտանիքի կեցության պայմանների ուսումնասիրության արդյունքը։

47.Ընտանիքի անապահովության գնահատման դիմումն ընդունվելուց հետո անապահովության հիմքով սոցիալական աջակցության իրավունք ունենալու, անապահովության մերժման կամ դադարեցման դեպքում Դիմողը ստանում է ծանուցում։

48. Գնահատման համակարգում ինքնաշխատ եղանակով ընդունված բոլոր որոշումները և ծանուցումները հասանելի են Դիմողին՝ իր անհատական օգտահաշվում: Դիմողը դրանց մասին կարող է ստանալ նաև ծանուցում՝ իր նախընտրած եղանակով՝ էլեկտրոնային փոստին կամ բջջային հեռախոսահամարին հաղորդագրություն ուղարկելու կամ Ծառայության տարածքային կենտրոնում առձեռն տրամադրելու միջոցով՝ նման առցանց պահանջ ներկայացնելուց հետո մեկ աշխատանքային օրվա ընթացքում։

49. Գնահատման համակարգում ինքնաշխատ եղանակով ընդունված որոշումները դիմողը կարող է առցանց բողոքարկել վերադասության կարգով ՝ անհատական օգտահաշվի միջոցով կամ դատական կարգով՝ ՀՀ օրենսդրությամբ սահմանված կարգով։

50. Սույն հավելվածի 49-րդ կետով նախատեսված բողոքի արդյունքում ինքնաշխատ եղանակով կայացվում է որոշում։ Ընդ որում, բացառող գործոնների վերաբերյալ բողոքի առկայության դեպքում Դիմողն էլեկտրոնային հաղորդագրության միջոցով ուղղորդվում է համապատասխան մարմիններ (կազմակերպություններ)՝ տվյալների ճշգրտման նպատակով, իսկ մնացած պայմանների հիմքով բողոքարկման դեպքում՝ Ծառայության համապատասխան ստորաբաժանումը կազմակերպում է անհրաժեշտ գործողությունների իրականացումը (տնայցի իրականացում, փաստաթղթերի և տվյալների համադրում և այլն)։ Ծառայության որոշումը կարող է բողոքարկվել դատական կարգով։

4․ ԳՆԱՀԱՏՄԱՆ ՀԱՄԱԿԱՐԳԸ

51. Գնահատման համակարգում ներառվում են ընտանիքի անապահովության գնահատման համար դիմած ընտանիքների և նրանց անդամների տվյալները:

52. Գնահատման համակարգի մուտքի թույլտվություն ունի անհատական օգտահաշվի օգտատերը և այն շահագործող անձնակազմը:

53. Գնահատման համակարգում տվյալների պահպանման հետ կապված հարաբերությունները կարգավորվում են «Արխիվային գործի մասին» օրենքով և այլ իրավական ակտերով։

54. Գնահատման համակարգում ինքնաշխատ եղանակով կատարվում են հետևյալ գործողությունները՝

1) ձևավորվում է դիմողի ընտանիքի Սոցիալական գործը։ Սոցիալական գործում ներառվում են ընտանիքին և ընտանիքի յուրաքանչյուր անդամին վերաբերող տվյալները՝ համաձայն սույն հավելվածի N 3 ձևի.

2) ձևավորվում են անապահովության նպաստ, եռամսյա հրատապ օգնություն, երեխայի առաջին դասարան ընդունվելու միանվագ հրատապ օգնություն նշանակելու կամ մերժելու կամ ստանալու իրավունքը դադարեցնելու կամ նպաստի չափի փոփոխման էլեկտրոնային կարգադրությունները՝ վավերականության ստուգման նպատակով համապատասխան ծածկագրով՝ առանց ստորագրության.

3) հարակից շտեմարաններից ստացվում և կիրառվում են տվյալ ընտանիքին վերաբերող անապահովության հիմքով սոցիալական աջակցության տրամադրումը բացառող գործոնները.

4) սույն հավելվածի Ձև N 5-ի համաձայն՝ տնայցի ընթացքում ներառված տվյալների հիման վրա որոշվում է ընտանիքի կեցության պայմանների միավորը.

5) ապահովում է Գնահատման համակարգի ծրագրային անվտանգությունը (տվյալների կորուստ, հաքերային հարձակումներ, ֆիզիկական ոչնչացում և բացառիկ այլ դեպքեր).

6) կազմվում են սույն կետի 2-րդ ենթակետում նշված նպաստների վճարման ցուցակները և ձևավորվում են ֆինանսական ամսական հայտերը․

7) իրականացվում է վճարման ցուցակների տրամադրումը վճարող կազմակերպություններին՝ «ՀայՓոստ» ՓԲԸ և Ծառայության հետ օրենսդրությամբ սահմանված կարգով պայմանագիր կնքած առևտրային բանկեր․

8) իրականացվում է Գնահատման համակարգ վճարման ռեեստրների ներառումը․

9) իրականացվում է օրենսդրությամբ սահմանված դեպքերում և կարգով սոցիալական աջակցության ծրագրում ներառվող ընտանիքների ցուցակների ձևավորումը և համապատասխան սոցիալական ծառայությունը տրամադրող կազմակերպությանը փոխանցումը․

10) անհրաժեշտ հաշվետվությունների ձևավորումը։

55. Գնահատման համակարգում Դիմողը՝

1) սոցիալական պաշտպանության համակարգի դիմումների միասնական համակարգում ստեղծում է անհատական օգտահաշիվ, որից օգտվում է Դիմողը՝ հանդիսանալով օգտահաշվի տնօրինողը։ Յուրաքանչյուր անձ համակարգում կարող է ստեղծել իր անհատական օգտահաշիվը, որը պատկանում է միայն իրեն․

2) անհատական օգտահաշվից անցում է կատարում սոցիալական պաշտպանության միասնական տեղեկատվական համակարգի այլ բաժիններ՝ համապատասխան դիմում ներկայացնելու համար․

3) ծանոթանում է իր դիմումի ընթացքին և կարգավիճակին, ընդունված որոշումներին, սոցիալական ծառայությունների տրամադրման վերաբերյալ տեղեկություններին․

4) վերադասության կարգով բողոքարկում է Գնահատման համակարգում ընդունված որոշումները․

5) ծանոթանում է իրեն հասանելիք սոցիալական ծառայությունների փաթեթներին։

56. Վերադասության կարգով բողոքները քննող՝ Ծառայության համապատասխան ստորաբաժանման պատասխանատու աշխատողը Գնահատման համակարգում դիտում է բողոքարկման դիմումը, սոցիալական գործում առկա տվյալները, ուսումնասիրման արդյունքում առաջարկություն է ներկայացնում ստորաբաժանման ղեկավարին՝

1) բավարարել բողոքը և ձևավորել նոր Կարգադրություն կամ

2) մերժել բողոքը՝ Կարգադրությունը թողնելով անփոփոխ․

57. Մասնագետն անհատական օգտահաշվով ստացված՝

1) ներբեռնված փաստաթղթերում առկա տվյալները համեմատում է մուտքագրված տվյալների հետ, դրանց անհամապատասխանության դեպքում կատարում հարցում Դիմողին՝ ուղղելու նպատակով.

2) դիմումը հաստատում կամ մերժում է՝ ստանալուց հետո հինգ աշխատանքային օրվա ընթացքում։

58. Գնահատող մասնագետը՝

1) Գնահատման համակարգով իր աշխատանքային էջում ստանում է տնայց կատարելու հանձնարարություն, որի կատարման ժամկետը սահմանվում է ինքնաշխատ, դիմելու օրվան հաջորդող 15 աշխատանքային օրերի ընթացքում.

2) տնայցի ընթացքում դյուրակիր համակարգչային տեխնիկայի միջոցով Գնահատման համակարգ է ներբեռնում՝

ա. սույն հավելվածի N5 ձևի հարցաշարի պատասխանները.

բ. դիմող ընտանիքի բնակության վայրը՝ հարցաշարով նախատեսված դեպքերում լուսանկարում և դրանք ներբեռնում է Գնահատման համակարգ։

59. Գնահատման համակարգի միջոցով իրականացվող անապահովության հիմքով սոցիալական աջակցության ծրագրերում ընդգրկվում են տվյալ ծրագրի համար սահմանված տվյալներ ունեցող և Գնահատման համակարգով սոցիալապես անապահով ճանաչված ընտանիքները:

60. Գնահատման համակարգի տվյալների հիման վրա իրականացվող սոցիալական աջակցության ծրագրերում չեն ընդգրկվում ապահով ճանաչված կամ նախորդած 12 ամսվա ընթացքում դիմում, այդ թվում՝ համաձայնություն, չներկայացրած ընտանիքները:

Ձև N 1

Լրացնում է դիմողը

Միասնական սոցիալական ծառայության

 _____________ տարածքային կենտրոնին

Հայաստանի Հանրապետության, ______________________________

հասցե

Դիմող __________________________________ -ից

Անուն, ազգանուն, հայրանուն

ԴԻՄՈՒՄ

Խնդրում եմ իրականացնել իմ (ընտանիքիս) անապահովության գնահատում՝ անապահով ճանաչելու և անապահովության հիմքով սոցիալական աջակցություն տրամադրելու նպատակով: Կից ներկայացնում եմ իմ և ընտանիքիս չափահաս անդամների համաձայնության հավաստիացումները։ Մենք՝ ներքոստորագրյալներս, համաձայն ենք սույն դիմումի բովանդակությանը և ընդունում ենք դիմումում ստորև ներկայացված պարտավորությունները՝

1. համաձայն ենք, որ Հայաստանի Հանրապետության կառավարության կողմից սահմանված կարգով ստուգվեն մեր ընտանեկան, այդ թվում՝ ամուսնական կապերը, ընտանիքիս անդամների առողջական վիճակի, ներառյալ՝ բժշկական գաղտնիք պարունակող, եկամուտների (աշխատավարձերի, դրանց հավասարեցված այլ վճարումների, եկամտային հարկի տարեկան հաշվարկներում (հայտարարագրերում) հայտարարագրած եկամուտների), վարկային պարտավորությունների վերաբերյալ տեղեկատվությունը, սպառած խմելու ջրի քանակը` «Վեոլիա Ջուր» փակ բաժնետիրական ընկերությունում առկա տվյալներով, սպառած էլեկտրաէներգիայի քանակը` «Հայկական էլեկտրական ցանցեր» փակ բաժնետիրական ընկերությունում առկա տվյալներով, սպառած բնական գազի քանակը՝ «Գազպրոմ Արմենիա» փակ բաժնետիրական ընկերությունում առկա տվյալներով, ինչպես նաև Հայաստանի Հանրապետության կառավարության կողմից սահմանված այլ տվյալներ․

2. երաշխավորում ենք, որ ընտանիքի անապահովության գնահատման ընթացքում Հայաստանի Հանրապետության աշխատանքի և սոցիալական հարցերի նախարարության (այսուհետ՝ նախարարություն) միասնական սոցիալական ծառայության տարածքային կենտրոնի (այսուհետ՝ տարածքային կենտրոնի) աշխատողը և օրենսդրությամբ նման իրավասություն ունեցող այլ անձինք իմ ընտանիքի կազմի և պայմանների ուսումնասիրման նպատակով, կարող են առանց խոչընդոտների կատարել տնայց․

3. տեղեկացված ենք, որ առաջին տնայցը կատարվելու է դիմումի հաստատումից 15 աշխատանքային օրվա ընթացքում, և պարտավորվում ենք համագործակցել տնայց իրականացնողի հետ՝ անհրաժեշտ տվյալների լիարժեք հավաքագրման նպատակով․

4. համաձայն ենք, որ տնայցի ընթացքում տարածքային կենտրոնի աշխատողը լուսանկարի իմ կամ ընտանիքիս կեցության պայմանների առանձին հատվածներ (առանց լուսանկարելու անձանց դեմքերը), և տեղեկացված ենք, որ արված լուսանկարները կիրառվելու են միայն ընտանիքի սոցիալական գնահատման և սոցիալական աջակցության տեղեկատվական ենթահամակարգում, ինչպես նաև պահվելու և մշակվելու են օրենսդրությամբ սահմանված կարգով․

5. տեղեկացված ենք, որ անապահովության նպաստը (այսուհետ՝ նպաստ) և անապահովության հիմքով սոցիալական աջակցության այլ տեսակները նշանակվում են մինչև օրենսդրությամբ դադարեցման հիմքերն առաջանալը․

6. տեղեկացված ենք, որ նպաստ կամ անապահովության հիմքով սոցիալական աջակցության այլ տեսակներ նշանակվում են ընտանիքում չափահաս աշխատունակ, բայց չզբաղված անդամների համար՝ զբաղվածության ակտիվացման ծրագրերում ներառվելու նախապայմանով, որի կապակցությամբ պարտավորվում ենք 3 աշխատանքային օրվա ընթացքում ներկայացնել օրենսդրությամբ սահմանված կարգով աշխատանք փնտրող անձի կողմից հաշվառվելու համար առցանց դիմում (ընտանիքի անապահովության գնահատման կարգը և պայմանները հաստատող Հայաստանի Հանրապետության կառավարության որոշմամբ սահմանված են բացառությունները)․

7. տեղեկացված ենք, որ ընտանիքի մասին ոչ հավաստի կամ կեղծ տվյալներ ներկայացնելու կամ տվյալները թաքցնելու հետևանքով ավելի վճարված գումարն օրենսդրությամբ սահմանված կարգով հետ է գանձվելու․

8. պարտավորվում ենք ընտանիքիս չափահաս անձանց թվի ավելացման (ներառյալ երեխայի չափահաս դառնալու հիմքով) կամ ընտանիքի բնակության վայրի փոփոխության մասին 15 օրվա ընթացքում կատարել համապատասխան փոփոխություններ այս դիմումում, ինչպես նաև տեղյակ եմ, որ նշված հիմքերի առաջացման դեպքում ընտանիքիս անապահովության գնահատումը դադարեցվում է և ընտանիքի անապահովության գնահատման համար պետք է ներկայացնեմ նոր դիմում․

9. պարտավորվում ենք ընտանիքի անապահովության գնահատման համար անհրաժեշտ ցանկացած տեղեկության փոփոխության դեպքում դրա մասին մինչև յուրաքանչյուր ամսվա վերջին օրվան նախորդող օրը ներառյալ կատարել համապատասխան փոփոխություններ անհատական օգտահաշվում, իսկ սահմանված ժամկետում չտեղեկացնելու դեպքում՝ տեղյակ ենք, որ ընտանիքի անապահովության գնահատումը դադարեցվում է և ավելի վճարված գումարն օրենսդրությամբ սահմանված կարգով հետ է գանձվելու․

10. տեղյակ ենք, որ անապահովության նպաստ կամ եռամսյա հրատապ օգնության ստանալու իրավունքը դադարեցվում է, եթե ընտանիքիս անդամը դուրս է մնացել պարտադիր կրթությունից կամ ընտանիքի որևէ անդամի կողմից գրավադրվել է անշարժ գույք․

11.համաձայն ենք, որ այս դիմումում նշված անձանց նույնականացման տվյալները փոխանցվեն սոցիալական ծառայություններ տրամադրող այն կազմակերպություններին, որոնք պետք է աշխատեն իմ կամ ընտանիքիս անդամների հետ, ինչպես նաև օրենսդրությամբ սահմանված սոցիալական աջակցության ծրագրեր (դրամական և ոչ դրամական աջակցություն, արտոնություններ, զեղչեր և այլն) իրականացնող պետական մարմիններին, տեղական ինքնակառավարման մարմիններին, նախարարության հետ կնքված համագործակցության հուշագրերի (պայմանագրերի) հիման վրա՝ այլ կազմակերպությունների․

12. համաձայն ենք, որ ընտանիքի անապահովության գնահատման նպատակով այս դիմումում նշված նույնականացման տվյալների հիման վրա իմ և ընտանիքիս վարկային պարտավորությունների վերաբերյալ տեղեկատվությունը և հաջորդ մեկ տարվա ընթացքում դրան վերաբերող փոփոխությունները նախարարության և «ԱՔՌԱ Քրեդիտ Ռեփորթինգ» ՓԲ ընկերության միջև կնքված պայմանագրով սահմանված կարգով փոխանցվեն նախարարությանը

13. համաձայն ենք, որ այս դիմումում նշված չափահաս անձանց նույնականացման տվյալները տրամադրվեն դրույքախաղեր առաջարկող կազմակերպություններին՝ չափահաս անձանց մուտքը խաղադրույքով ծառայություններին արգելափակելու նպատակով.

14. տալիս ենք մեր համաձայնությունը, որ սույն դիմում ներկայացրած անձը մեր անունից կատարի անապահովության նպաստի կամ եռամսյա հրատապ օգնության վճարման եղանակի, վճարող կազմակերպության ընտրություն, դրանց փոփոխություն և նպաստների ստացում։

Դիմումը հաստատելուց առաջ

☐ հավաստիացնում ենք, որ ներկայացված տվյալները ճիշտ են։

Ձև N 2

Լրացնում է խնամակալը իր խնամարկյալի համար։

Միասնական սոցիալական ծառայության

 ________________ տարածքային կենտրոնին

Հայաստանի Հանրապետության, _________________________________

հասցե

Դիմող _________________________________ -ից

Անուն, ազգանուն, հայրանուն

Խնամարկյալ _________________________________

Անուն, ազգանուն, հայրանուն

Դիմում

Խնդրում եմ իրականացնել խնամարկյալիս անապահովության գնահատում՝ անապահով ճանաչելու և անապահովության հիմքով սոցիալական աջակցություն տրամադրելու նպատակով, ինչի կապակցությամբ՝

1. համաձայն եմ, որ Հայաստանի Հանրապետության կառավարության կողմից սահմանված կարգով ստուգվեն իմ խնամարկյալի ընտանեկան, այդ թվում՝ ամուսնական կապերը, ընտանիքիս անդամների առողջական վիճակի, ներառյալ՝ բժշկական գաղտնիք պարունակող, եկամուտների (աշխատավարձերի, դրանց հավասարեցված այլ վճարումների, եկամտային հարկի տարեկան հաշվարկներում (հայտարարագրերում) հայտարարագրած եկամուտների), վարկային պարտավորությունների վերաբերյալ տեղեկատվությունը, սպառած խմելու ջրի քանակը` «Վեոլիա Ջուր» փակ բաժնետիրական ընկերությունում առկա տվյալներով, սպառած էլեկտրաէներգիայի քանակը` «Հայկական էլեկտրական ցանցեր» փակ բաժնետիրական ընկերությունում առկա տվյալներով, սպառած բնական գազի քանակը՝ «Գազպրոմ Արմենիա» փակ բաժնետիրական ընկերությունում առկա տվյալներով, ինչպես նաև Հայաստանի Հանրապետության կառավարության կողմից սահմանված այլ տվյալներ․

2. երաշխավորում եմ, որ ընտանիքի անապահովության գնահատման ընթացքում Հայաստանի Հանրապետության աշխատանքի և սոցիալական հարցերի նախարարության (այսուհետ՝ նախարարություն) միասնական սոցիալական ծառայության տարածքային կենտրոնի (այսուհետ՝ տարածքային կենտրոնի) աշխատողը և օրենսդրությամբ նման իրավասություն ունեցող այլ անձինք իմ խնամարկյալի ընտանիքի կազմի և պայմանների ուսումնասիրման նպատակով, կարող են առանց խոչընդոտների կատարել տնայց․

3. տեղեկացված եմ, որ առաջին տնայցը կատարվելու է դիմումի հաստատումից 15 աշխատանքային օրվա ընթացքում, և պարտավորվում ենք համագործակցել տնայց իրականացնողի հետ՝ անհրաժեշտ տվյալների լիարժեք հավաքագրման նպատակով․

4. համաձայն եմ, որ տնայցի ընթացքում տարածքային կենտրոնի աշխատողը լուսանկարի իմ խնամարկյալի կեցության պայմանների առանձին հատվածներ (առանց լուսանկարելու անձանց դեմքերը), և տեղեկացված ենք, որ արված լուսանկարները կիրառվելու են միայն ընտանիքի սոցիալական գնահատման և սոցիալական աջակցության տեղեկատվական ենթահամակարգում, ինչպես նաև պահվելու և մշակվելու են օրենսդրությամբ սահմանված կարգով․

5. տեղեկացված եմ, որ անապահովության նպաստը (այսուհետ՝ նպաստ) և անապահովության հիմքով սոցիալական աջակցության այլ տեսակները նշանակվում են մինչև օրենսդրությամբ դադարեցման հիմքերն առաջանալը․

6. տեղեկացված եմ, որ իմ խնամարկյալի մասին ոչ հավաստի կամ կեղծ տվյալներ ներկայացնելու կամ տվյալները թաքցնելու հետևանքով ավելի վճարված գումարն օրենսդրությամբ սահմանված կարգով հետ է գանձվելու․

7. պարտավորվում եմ իմ խնամարկյալի ընտանիքի չափահաս անձանց թվի ավելացման (ներառյալ երեխայի չափահաս դառնալու հիմքով) կամ ընտանիքի բնակության վայրի փոփոխության մասին 15 օրվա ընթացքում կատարել համապատասխան փոփոխություններ այս դիմումում, ինչպես նաև տեղյակ եմ, որ նշված հիմքերի առաջացման դեպքում ընտանիքի անապահովության գնահատումը դադարեցվում է և ընտանիքի անապահովության գնահատման համար պետք է ներկայացնեմ նոր դիմում․

8. պարտավորվում եմ իմ խնամարկյալի ընտանիքի անապահովության գնահատման համար անհրաժեշտ ցանկացած տեղեկության փոփոխության դեպքում դրա մասին մինչև յուրաքանչյուր ամսվա վերջին օրվան նախորդող օրը ներառյալ կատարել համապատասխան փոփոխություններ անհատական օգտահաշվում, իսկ սահմանված ժամկետում չտեղեկացնելու դեպքում՝ տեղյակ ենք, որ ընտանիքի անապահովության գնահատումը դադարեցվում է և ավելի վճարված գումարն օրենսդրությամբ սահմանված կարգով հետ է գանձվելու․

9. տեղյակ եմ, որ անապահովության նպաստ կամ եռամսյա հրատապ օգնության ստանալու իրավունքը դադարեցվում է, եթե իմ խնամարկյալի ընտանիքի անդամը դուրս է մնացել պարտադիր կրթությունից կամ ընտանիքի որևէ անդամի կողմից գրավադրվել է անշարժ գույք․

10. համաձայն եմ, որ իմ խնամարկյալի նույնականացման տվյալները փոխանցվեն սոցիալական ծառայություններ տրամադրող այն կազմակերպություններին, որոնք պետք է աշխատեն իմ խնամարկյալի հետ, ինչպես նաև օրենսդրությամբ սահմանված սոցիալական աջակցության ծրագրեր (դրամական և ոչ դրամական աջակցություն, արտոնություններ, զեղչեր և այլն) իրականացնող պետական մարմիններին, տեղական ինքնակառավարման մարմիններին, նախարարության հետ կնքված համագործակցության հուշագրերի (պայմանագրերի) հիման վրա՝ այլ կազմակերպությունների․

11.համաձայն եմ, որ ընտանիքի անապահովության գնահատման նպատակով այս դիմումում նշված նույնականացման տվյալների հիման վրա իմ խնամարկյալի վարկային պարտավորությունների վերաբերյալ տեղեկատվությունը և հաջորդ մեկ տարվա ընթացքում դրան վերաբերող փոփոխությունները նախարարության և «ԱՔՌԱ Քրեդիտ Ռեփորթինգ» ՓԲ ընկերության միջև կնքված պայմանագրով սահմանված կարգով փոխանցվեն նախարարությանը․

12. համաձայն եմ, որ այս դիմումում նշված իմ խնամարկյալի նույնականացման տվյալները տրամադրվեն դրույքախաղեր առաջարկող կազմակերպություններին՝ չափահաս անձանց մուտքը խաղադրույքով ծառայություններին արգելափակելու նպատակով։

Դիմումը հաստատելուց առաջ

☐ հավաստիացնում ենք, որ ներկայացված տվյալները ճիշտ են։

Ձև N 3

ԸՆՏԱՆԻՔԻ ՍՈՑԻԱԼԱԿԱՆ ԳՈՐԾՈՒՄ ՆԵՐԱՌՎՈՂ ՏՎՅԱԼՆԵՐԸ, ԴՐԱՆՑ ՆԵՐԱՌՄԱՆ ՄԵԽԱՆԻԶՄՆԵՐԸ

Ձև N 4

Լրացնել ընթեռնելի ձեռագրով

Տ Ե Ղ Ե Կ Ա Ն Ք

ԸՆՏԱՆԻՔԻՆ ՊԱՏԿԱՆՈՂ ԱՆԱՍՆԱՏԵՍԱԿԻ ԵՎ ԴՐԱ ՔԱՆԱԿԻ ՄԱՍԻՆ

Լրացվում է դիմողի կողմից:

Լրացվում է համայնքի անասնաբույժի կողմից:

_________________________ անասնաբույժ` ________________________________________

_______________________________________________________________________________ 

_______ ___________________ 20__թ.:

Ձև N 5

ԸՆՏԱՆԻՔԻ ԿԵՑՈՒԹՅԱՆ ՊԱՅՄԱՆՆԵՐԻ ՈՒՍՈՒՄՆԱՍԻՐՈՒԹՅԱՆ ՀԱՐՑԱՇԱՐ ԵՎ ԳՆԱՀԱՏՈՒՄ

1. Ընտանիքի կեցության պայմաններն ուսումնասիրվում են տնայցի ընթացքում «Ընտանիքի կեցության պայմանների գնահատման գործիք»-ի (այսուհետ՝ գործիք) միջոցով։

2. Գործիքի կիրառման նպատակն է ստանալ ընտանիքի բարեկեցության մասին մեկ ընդհանուր գնահատական՝ ընտանիքի բարեկեցությունը բնութագրող համալիր համաթվի (այսուհետ՝ համալիր համաթիվ) հաշվարկման միջոցով։

3. Գործիքի կիրառմամբ ընտանիքի կեցության պայմանների ուսումնասիրության արդյունքում հաշվարկվում է չորս ենթահամաթվերից բաղկացած համալիր համաթիվ։

4. Նշված չորս ենթահամաթվերը բնութագրում են ընտանիքի կեցության պայմանները՝ հետևյալ ոլորտներում՝

5. Չորս ենթահամաթվերը և դրանց գնահատման արդյունքում ձևավորվող համալիր համաթիվն ընկած են 0-1 միջակայքում, որտեղ 1 արժեքը համապատասխանում է ամենաբարեկեցիկ, կամ ամենաապահովված վիճակին, իսկ 0-ն՝ ամենաանապահով վիճակին։

6. Ընտանիքի բարեկեցության համալիր համաթիվը (I) իր բաղկացուցիչ ենթահամաթվերի կշռված միջինն է, որտեղ ընտանիքի՝ բարեկեցիկ ապրելակերպ ակնհայտորեն ապահովող արժեքների բաղադրիչին տրվում է ավելի մեծ կշիռ՝

I=1/5*I(1)+ 1/5*I(2)+ 1/5*I(3)+ 2/5*I(4)։

7. Համալիր համաթիվը ձևավորող ենթահամաթվերը ստացվում են դրանց բաղադրիչների գնահատման արդյունքում՝

1) Ընտանիքի՝ կացարանով և կոմունալ հարմարություններով ապահովվածության ենթահամաթվի բաղադրիչներն են․

ա. Ընտանիքի ապահովվածություն կացարանով և հիմնական կոմունալ հարմարություններով (խոհանոց, սանիտարական հանգույցներ) (I(1)_1),

բ. Ընտանիքի անդամների ապահովվածություն բնակելի մակերեսով և սենյակներով (I(1)_2),

գ. Ընտանիքի ապահովվածություն Էլեկտրաէներգիայով (I(1)_3),

դ. Ընտանիքի ապահովվածություն հոսող սառը և տաք ջրով (I(1)_4)։

2) Ընտանիքի կացարանի բարեկարգության ենթահամաթվի բաղադրիչներն են․

ա. Ընտանիքի կացարանում՝ խոհանոցի և սանհանգույցների (զուգարան, լոգարան) բարեկարգություն/վիճակ (I(2)_1) ,

բ. Ընտանիքի կացարանում սենյակների բարեկարգություն/վիճակ (I(2)_2),

գ. Ընտանիքի կացարանի մուտքի դռան բարեկարգություն/ անվտանգություն (I(2)_3) ։

3) Ընտանիքի՝ առաջին անհրաժեշտության կահավորանքով և կենցաղային տեխնիկայով ապահովվածության ենթահամաթվի բաղադրիչներն են.

ա. Ընտանիքին անհրաժեշտ կահավորանքի և քնելատեղերի առկայություն և վիճակ (I(3)_1),

բ. Ընտանիքի ապահովվածություն առաջին անհրաժեշտության կենցաղային տեխնիկայով (I(3)_2) ։

4) Ընտանիքի՝ բարեկեցիկ ապրելակերպի ցուցիչներով ապահովվածության ենթահամաթվի բաղադրիչներն են.

ա. Ընտանիքի ապահովվածություն թանկարժեք, ոչ առաջին անհրաժեշտության կենցաղային տեխնիկայով (I(4)_1),

բ. Ընտանիքի ապահովվածությունը ջեռուցման, էլեկտրաէներգիայի և տաք ջրի մատակարարման անհատական թանկարժեք համակարգերով (I(4)_2),

գ. Ընտանիքի ապահովվածությունը կացարանին կից պոտենցյալ եկամտաբեր օժանդակ հարմարություններով (I(4)_3) ։

8. Համալիր համաթվը, այն ձևավորող ենթահամաթվերը և դրանց բաղադրիչները հաշվարկվում են ընտանիքի կեցության պայմանների գնահատման գործիքի կիրառման արդյունքում հավաքագրվող 59 ցուցանիշների և դրանց ընդունած արժեքներին վերագրվող միավորների հիման վրա։

9. Գործիքի հարցաշարը՝ նրանում ներառված ցուցանիշները և դրանց հնարավոր արժեքների ցանկը, դրանց վերագրվող բարեկեցության/ապահովվածության միավորները, ինչպես նաև առանձին բաղադրիչների, ենթահամաթվերի ու համալիր համաթվի հաշվարկման բանաձևերը բերված են ստորև՝

ԿԱՐԳ

ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻՑ, ԿԱԶՄԱԿԵՐՊՈՒԹՅՈՒՆՆԵՐԻՑ ՏՎՅԱԼՆԵՐՆ ՍՏԱՆԱԼՈՒ ԵՎ ՏՐԱՄԱԴՐԵԼՈՒ

1. Ընտանիքների սոցիալական գնահատման և սոցիալական աջակցության տեղեկատվական ենթահամակարգը (այսուհետ` Գնահատման համակարգ) Հայաստանի Հանրապետության սոցիալական պաշտպանության միասնական տեղեկատվական համակարգի մաս է:

2. Գնահատման համակարգի տեղեկատվական շտեմարանը ձևավորվում է դիմողի առցանց ներկայացրած դիմումից և փաստաթղթերից, Հայաստանի Հանրապետության աշխատանքի և սոցիալական հարցերի նախարարության ու Միասնական սոցիալական ծառայության, վերջիններիս հասանելի այլ պետական կառավարման մարմինների, տեղական ինքնակառավարման մարմինների ու կազմակերպությունների տեղեկատվական շտեմարաններում առկա և օրենսդրությամբ սահմանված կարգով ստացված տվյալներից, դիմողի կեցության պայմանների ուսումնասիրության նպատակով իրականացվող տնայցի արդյունքներից, որոնք անհրաժեշտ են տվյալ ընտանիքի անապահովության գնահատման համար և անապահովության հիմքով սոցիալական աջակցություն ստանալու իրավունքի իրացման համար:

3. Գնահատման համակարգում ներառվում են դիմող ընտանիքի անդամների մասին հարակից շտեմարաններում առկա տվյալները` համաձայն սույն որոշման Հավելված N 3-ի։

4. Գնահատման համակարգում տվյալները մշակվում և պաշտպանվում են Հայաստանի Հանրապետության օրենսդրությամբ սահմանված կարգով:

5. Ընտանիքի անապահովության գնահատման գործընթացում տվյալների ստացման անընդհատության ապահովման նպատակով՝ սույն որոշմամբ սահմանված տվյալները ստացվում են Հայաստանի Հանրապետության կառավարության փոխգործելիության հարթակի միջոցով կամ սույն որոշմամբ սահմանված այլ եղանակներով Գնահատման համակարգի սպասարկման և վարման լիազոր կազմակերպությունն ստանում է սույն որոշմամբ նախատեսված տվյալները պետական մարմիններից և կազմակերպություններից անմիջականորեն։

6. Գնահատման համակարգի և առկա հարակից շտեմարանների համապատասխան տվյալները փոխանակվում են համապատասխան տվյալների շտեմարանների միջև` համաձայն սույն որոշման Հավելված N 3-ի՝ անձի նույնականացման համար կիրառելով հանրային ծառայությունների համարանիշը կամ հանրային ծառայությունների համարանիշ չունենալու մասին տեղեկանքի համարը կամ անձը հաստատող փաստաթղթի տվյալները (սերիան և համարը)։

7. Սույն որոշմամբ սահմանված վարչական ակտերի բողոքարկման, օրենսդրությամբ սահմանված վերահսկողության կամ հսկողության իրականացման և օրենսդրությամբ սահմանված այլ դեպքերում՝ ստացված տվյալների ստուգման ապահովման նպատակով պետական և տեղական ինքնակառավարման մարմինները, կազմակերպությունները պարտավոր են պահպանել տրամադրված տվյալները՝ Հայաստանի Հանրապետության օրենսդրությամբ սահմանված ժամկետներում։

8. Ըստ անհրաժեշտության` Հայաստանի Հանրապետության նախարարությունների, այլ պետական մարմինների, կազմակերպությունների և Հայաստանի Հանրապետության աշխատանքի և սոցիալական հարցերի նախարարության միջև տվյալները փոխանակվում են համատեղ համաձայնեցված այլ ձևաչափերով:

9. Գնահատման համակարգում ընտանիքների տվյալները մշակվում են Հայաստանի Հանրապետության օրենսդրությամբ սահմանված դեպքերում և կարգով՝ ընտանիքներին անապահովության գնահատման և անապահովության հիմքով սոցիալական աջակցություն տրամադրելու որոշում ընդունելու նպատակով կամ օրենսդրությամբ սահմանված այլ նպատակներով։

Ց Ա Ն Կ

ԸՆՏԱՆԻՔԻ ԱՆԱՊԱՀՈՎՈՒԹՅԱՆ ԳՆԱՀԱՏՄԱՆ ՏՎՅԱԼՆԵՐԻ ՈՒ ԴՐԱՆՔ ՏՐԱՄԱԴՐՈՂ ՊԵՏԱԿԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐԻ, ԿԱԶՄԱԿԵՐՊՈՒԹՅՈՒՆՆԵՐԻ

Կ Ա Ր Գ

ԱՆԱՊԱՀՈՎՈՒԹՅԱՆ ՆՊԱՍՏԻ ԵՎ ՀՐԱՏԱՊ ՕԳՆՈՒԹՅԱՆ ՆՇԱՆԱԿՄԱՆ, ՎՃԱՐՄԱՆ ԵՎ ԱՎԵԼԻ ՎՃԱՐՎԱԾ ԳՈՒՄԱՐՆԵՐԸ ՎԵՐԱԴԱՐՁՆԵԼՈՒ ԺԱՄԱՆԱԿԱՑՈՒՅՑ ԿԱԶՄԵԼՈՒ

1. ԱՆԱՊԱՀՈՎՈՒԹՅԱՆ ՆՊԱՍՏԻ ՆՇԱՆԱԿՄԱՆ ԿԱՐԳԸ

1. Անապահովության նպաստ ստանալու իրավունք ունի սույն որոշմամբ հաստատված ընտանիքի անապահովության գնահատման կարգով սոցիալապես անապահով ճանաչված այն ընտանիքը, որի մեկ հաշվարկային անդամի ամսական եկամտի չափը ցածր է Հայաստանի Հանրապետության կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմից և ընտանիքի համար հաշվարկված անապահովության նպաստի չափը բարձր է Հայաստանի Հանրապետության կառավարության կողմից տվյալ տարվա համար սահմանված անապահովության նպաստի նվազագույն չափից։

2. Ընտանիքի անապահովության գնահատման համար ներկայացված դիմումը համարվում է անապահովության նպաստ ստանալու համար տրված դիմում, իսկ սոցիալական գործը պահպանվում է ընտանիքի սոցիալական գնահատման և սոցիալական աջակցության տեղեկատվական ենթահամակարգում (այսուհետ՝ Գնահատման համակարգ) ֆինանսական փաստաթղթերին համահավասար։

3. Անապահովության նպաստ ստանալու իրավունքը ծագում է անապահովության նպաստ նշանակելու օրվա դրությամբ և անապահովության նպաստը վճարվում է դիմելու օրվա ամսվան հաջորդող ամսվանից՝ մինչև անապահովության նպաստի իրավունքի դադարեցման հիմքի առաջացումը, սակայն ոչ ավելի քան տասներկու ամիս ժամկետով:

4. Անապահովության նպաստը նշանակելու կամ մերժելու կամ անապահովության նպաստ ստանալու իրավունքը դադարեցնելու կամ անապահովության նպաստի չափի փոփոխության վերաբերյալ վարչական ակտն ընդունվում է ինքնաշխատ եղանակով՝ Գնահատման համակարգում, որի արդյունքում ձևավորվում է էլեկտրոնային կարգադրություն (այսուհետ՝ Կարգադրություն)՝ վավերականության ստուգման նպատակով համապատասխան ծածկագրով՝ առանց ստորագրության՝ դիմումի ներկայացման օրվանից 30 օրվա ընթացքում՝ համաձայն Ձև 1-ի, Ձև 2-ի, Ձև 3-ի և Ձև 4-ի։ Դիմումի ներկայացման օր է համարվում օրենսդրությամբ սահմանված դիմումը և անհրաժեշտ բոլոր փաստաթղթերը ներկայացնելու օրը:

5. Անապահովության նպաստի նշանակումը մերժվում է, եթե՝

1) դիմումը, դրանում ներկայացված տվյալները կամ փաստաթղթերը չեն համապատասխանում օրենսդրությամբ և սույն որոշմամբ սահմանված պայմաններին և պահանջներին․

2) ընտանիքի մեկ հաշվարկային անդամի ամսական եկամտի չափը բարձր է Հայաստանի Հանրապետության կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմից կամ առկա է սույն որոշման N 1 հավելվածով սահմանված որևէ բացառող գործող կամ ընտանիքի կեցության պայմանների ուսումնասիրությանը արդյունքը 0 է․

3) ընտանիքի համար հաշվարկված անապահովության նպաստի չափը ցածր է Հայաստանի Հանրապետության կառավարության կողմից տվյալ տարվա համար սահմանված անապահովության նպաստի նվազագույն չափից․

4) անապահովության նպաստ ստանալու համար դիմողի կողմից ներկայացվել են ոչ հավաստի կամ կեղծ տվյալներ․

5) սույն որոշմամբ սահմանված դեպքերում և կարգով ընտանիքի անդամի՝ որպես աշխատանք փնտրող անձի կողմից հաշվառվելու համար դիմում չներկայացվելու դեպքում։

6. Անապահովության նպաստ ստանալու իրավունքը դադարեցվում է, եթե՝

1) պարզվում է, որ ընտանիքի որևէ անդամի համար ներկայացված՝ անապահովության նպաստ ստանալու իրավունքի որոշման համար հիմք հանդիսացող տվյալները (փաստաթղթերը) հավաստի չեն կամ կեղծ են.

2) ընտանիքի մեկ հաշվարկային անդամի ամսական եկամտի չափը բարձր է Հայաստանի Հանրապետության կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմից կամ առկա է սույն որոշման N 1 հավելվածով սահմանված որևէ բացառող գործող կամ ընտանիքի կեցության պայմանների ուսումնասիրությանը արդյունքը 0 է․

3) ընտանիքի համար հաշվարկված անապահովության նպաստի չափը ցածր է Հայաստանի Հանրապետության կառավարության կողմից տվյալ տարվա համար սահմանված անապահովության նպաստի նվազագույն չափից․

4) լրացել է սույն հավելվածի 3-րդ կետով սահմանված ժամկետը․

5) ընտանիքի անդամը դուրս է մնացել պարտադիր կրթությունից․

6) մահացել է ընտանիքի միակ անդամը (կամ բոլոր անդամները)․

7) ընտանիքը հրաժարվել է անապահովության նպաստ ստանալու իրավունքից՝ անհատական օգտահաշվի միջոցով․

8) ընտանիքի անդամը գրավադրել է անշարժ գույք։

7. Անապահովության նպաստ ստանալու իրավունքը և անապահովության նպաստի վճարումը դադարեցվում են սույն հավելվածի 6-րդ կետի 2-8-րդ ենթակետերում նշված հիմքերի հայտնաբերման օրվան հաջորդող ամսվա 1-ից, իսկ սույն հավելվածի 6-րդ կետի 1-ին ենթակետում նշված դեպքում՝ դրանց հայտնաբերման ամսվանից:

8. Սույն հավելվածի 3-րդ կետով սահմանված ժամկետը լրանալու հիմքով անապահովության նպաստ ստանալու իրավունքը դադարեցնելու դեպքում Կարգադրություն չի ձևավորվում։

2. ՀՐԱՏԱՊ ՕԳՆՈՒԹՅԱՆ ՆՇԱՆԱԿՄԱՆ ԿԱՐԳԸ

9. Եռամսյա հրատապ օգնություն ստանալու իրավունք ունի սույն որոշմամբ հաստատված ընտանիքի անապահովության գնահատման կարգով սոցիալապես անապահով ճանաչված, անապահովության նպաստ ստանալու իրավունք չունեցող այն ընտանիքը, որի մեկ հաշվարկային անդամի ամսական եկամտի չափը ցածր է Հայաստանի Հանրապետության կառավարության կողմից տվյալ տարվա համար սահմանված անապահովության նպաստ ստանալու իրավունք վերապահող սահմանային շեմի 130 տոկոսի արժեքից։

10. Եթե սույն որոշման N 1 հավելվածով սահմանված կարգով ընտանիքի անապահովության գնահատման համար դիմում ներկայացրած անձի ընտանիքը բավարարում է եռամսյա հրատապ օգնություն ստանալու պայմաններին, ապա անհատական օգտահաշվի միջոցով ծանուցում ստանալուց հետո ընտանիքը չափահաս անդամներից մեկը ներկայացնում է դիմում՝ համաձայն Ձև N5-ի։ Տվյալ դեպքում, ընտանիքի անապահովության գնահատման համար, սույն որոշման N 1 հավելվածով սահմանված ընտանիքի կեցության պայմանների ուսումնասիրության նպատակով կրկին տնայց չի կատարվում, եթե նախորդ տնայցից դեռևս չի անցել 3 ամիս և ընտանիքի անապահովության գնահատման համար հիմք է ընդունվում նախկինում կատարված ընտանիքի կեցության պայմանների ուսումնասիրության արդյունքները։

11. Եռամսյա հրատապ օգնություն ստանալու իրավունքը ծագում է եռամսյա հրատապ օգնությունը նշանակելու օրվա դրությամբ և վճարվում է դիմելու օրվա ամսվան հաջորդող ամսից՝ մինչև եռամսյա հրատապ օգնության վճարման դադարեցման հիմքի առաջացումը, սակայն ոչ ավելի քան երեք ամիս ժամկետով։

12. Եռամսյա հրատապ օգնությունը նշանակելու կամ մերժելու կամ եռամսյա հրատապ օգնություն ստանալու իրավունքը դադարեցնելու վերաբերյալ վարչական ակտն ընդունվում է ինքնաշխատ եղանակով՝ Գնահատման համակարգում, որի արդյունքում ձևավորվում է Կարգադրություն՝ վավերականության ստուգման նպատակով համապատասխան ծածկագրով՝ առանց ստորագրության՝ դիմումի ներկայացման պահից 30 օրվա ընթացքում՝ համաձայն Ձև 6-ի, Ձև 7-ի և Ձև 8-ի։ Դիմումի ներկայացման օր է համարվում սույն որոշմամբ սահմանված դիմումը և անհրաժեշտ բոլոր փաստաթղթերը ներկայացնելու օրը:

13. Եռամսյա հրատապ օգնության նշանակումը մերժվում է, եթե՝

1) անապահովության գնահատման և եռամսյա հրատապ օգնություն ստանալու համար ներկայացված դիմումները և դրանցում ներկայացված տվյալները կամ փաստաթղթերը չեն համապատասխանում օրենսդրությամբ և սույն որոշմամբ սահմանված պայմաններին և պահանջներին․

2) ընտանիքի մեկ հաշվարկային անդամի ամսական եկամտի չափը բարձր է Հայաստանի Հանրապետության կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմի 130 տոկոսից, առկա է սույն որոշման N 1 հավելվածով սահմանված որևէ բացառող գործող կամ ընտանիքի կեցության պայմանների ուսումնասիրությանը արդյունքը 0 է․

3) ընտանիքը ձեռք է բերել անապահովության նպաստ ստանալու իրավունք․

4) դիմողի կողմից ներկայացվել են կեղծ կամ ոչ հավաստի տվյալներ․

5) ընթացիկ տարվա ընթացքում ընտանիքին երեք անգամ նշանակվել է եռամսյա հրատապ օգնություն․

6) սույն որոշմամբ սահմանված դեպքերում և կարգով ընտանիքի անդամի՝ որպես աշխատանք փնտրող անձի կողմից հաշվառվելու համար դիմում չներկայացվելու դեպքում։

14. Եռամսյա հրատապ օգնություն ստանալու իրավունքը դադարեցվում է, եթե՝

1) պարզվում է, որ ընտանիքի որևէ անդամի համար ներկայացված՝ եռամսյա հրատապ օգնություն ստանալու իրավունքի որոշման համար հիմք հանդիսացող տվյալները (փաստաթղթերը) հավաստի չեն կամ կեղծ են.

2) ընտանիքի մեկ հաշվարկային անդամի ամսական եկամտի չափը բարձր է Հայաստանի Հանրապետության կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմի 130 տոկոսից, առկա է սույն որոշման N 1 հավելվածով սահմանված որևէ բացառող գործող կամ ընտանիքի կեցության պայմանների ուսումնասիրությանը արդյունքը 0 է․

3) ընտանիքը ձեռք է բերել անապահովության նպաստ ստանալու իրավունք․

4) լրացել է սույն հավելվածի 11-րդ կետով սահմանված ժամկետը․

5) մահացել է ընտանիքի միակ անդամը (կամ բոլոր անդամները)․

6) ընտանիքը հրաժարվել է եռամսյա հրատապ օգնություն ստանալու իրավունքից` անհատական օգտահաշվի միջոցով․

7) ընտանիքի անդամը դուրս է մնացել պարտադիր կրթությունից․

8) ընտանիքի անդամի կողմից գրավադրվել է անշարժ գույք։

15. Եռամսյա հրատապ օգնություն ստանալու իրավունքը և եռամսյա հրատապ օգնության վճարումը դադարեցվում են սույն հավելվածի 14-րդ կետի 2-8-րդ ենթակետերում նշված հիմքերի հայտնաբերման օրվան հաջորդող ամսվա 1-ից, իսկ սույն հավելվածի 14-րդ կետի 1-ին ենթակետում նշված դեպքում՝ դրանց հայտնաբերման ամսվանից:

16. Սույն հավելվածի 11-րդ կետով սահմանված ժամկետը լրանալու հիմքով եռամսյա հրատապ օգնություն ստանալու իրավունքը դադարեցնելու դեպքում Կարգադրություն չի ձևավորվում։

17. Երեխայի՝ առաջին դասարան ընդունվելու միանվագ հրատապ օգնության իրավունք ունի դիմելու ամսվա դրությամբ անապահովության նպաստի իրավունք ունեցող այն ընտանիքը, որի անչափահաս անդամներից մեկն ընդունվել է հանրակրթական ուսումնական հաստատության առաջին դասարան:

18. Երեխայի՝ առաջին դասարան ընդունվելու միանվագ հրատապ օգնություն ստանալու համար ընտանիքի չափահաս անդամներից մեկը անհատական օգտահաշվի միջոցով ներկայացնում դիմում՝ համաձայն Ձև 9-ի։

19. Երեխայի առաջին դասարան ընդունվելու միանվագ հրատապ օգնության նշանակման կամ մերժման դեպքում ձևավորվում է Կարգադրություն՝ համաձայն Ձև 10-ի և 11-ի, վավերականության ստուգման նպատակով համապատասխան ծածկագրով՝ առանց ստորագրության՝ դիմումի ներկայացման պահից 30 օրվա ընթացքում։ Երեխայի առաջին դասարան ընդունվելու համար միանվագ հրատապ օգնությունը վճարվում է դիմելու ամսվան հաջորդող ամսվա ընթացքում։

20. Անապահովության նպաստ կամ հրատապ օգնություն նշանակելու կամ մերժելու կամ վճարումը դադարեցնելու Կարգադրության մասին դիմողն իրազեկվում է իր անհատական օգտահաշվի միջոցով։ Դիմողը դրանց մասին կարող է ստանալ նաև ծանուցում՝ իր նախընտրած եղանակով՝ սույն որոշմամբ սահմանված եղանակներով։

3. ԱՆԱՊԱՀՈՎՈՒԹՅԱՆ ՆՊԱՍՏԻ ԵՎ ՀՐԱՏԱՊ ՕԳՆՈՒԹՅԱՆ ՎՃԱՐՄԱՆ ԿԱՐԳԸ

21. Անապահովության նպաստի և հրատապ օգնության վճարումը կատարվում է Հայաստանի Հանրապետության պետական բյուջեից` այդ նպատակով հատկացված ֆինանսական միջոցների սահմաններում:

22. Միասնական սոցիալական ծառայությունը (այսուհետ՝ Ծառայություն) սույն որոշման 1-ին հավելվածի 54-րդ կետի 6-րդ ենթակետով սահմանված կարգով ձևավորում է անապահովության նպաստի և հրատապ օգնության ֆինանսական միջոցների մասին հայտ-պահանջագրերը և ներկայացնում է Հայաստանի Հանրապետության ֆինանսների նախարարություն:

23. Անապահովության նպաստի և հրատապ օգնության վճարումները կատարում է «Պետական նպաստների մասին» օրենքի 8-րդ հոդվածի 1-ին մասով սահմանված կարգով ընտրված վճարող կազմակերպությունը` գանձապետական համակարգի միջոցով փոխանցված գումարների հաշվին:

24. Անապահովության նպաստ և հրատապ օգնություն վճարվում է դիմողին՝ անկանխիկ կամ կանխիկ եղանակով՝ հաշվի առնելով «Պետական նպաստների մասին» օրենքի 8-րդ հոդվածի 510-րդ մասերը:

25. Կանխիկ եղանակով վճարելիս վճարման պահին դիմողի բացակայության դեպքում անապահովության նպաստը կամ հրատապ օգնությունը վճարվում է դիմողի ընտանիքի այլ չափահաս անդամին:

26. Դիմողը կարող է ցանկացած ժամանակ դիմել անապահովության նպաստը կամ հրատապ օգնությունը ստանալու եղանակը փոխելու համար, եթե «Պետական նպաստների մասին» օրենքի 8-րդ հոդվածի 7-րդ մասի համաձայն՝ անապահովության նպաստը կարող է վճարվել նաև կանխիկ եղանակով։

27. Անապահովության նպաստը կամ հրատապ օգնությունն անկանխիկ եղանակով ստանալու նպատակով դիմողը, ընտանիքի մյուս չափահաս անդամների համաձայնությամբ, ընտրում է Ծառայության հետ Հայաստանի Հանրապետության քաղաքացիական օրենսգրքով սահմանված՝ սոցիալական ապահովության կամ միանվագ դրամական վճարների հաշվի պայմանագիր կնքած բանկին (այսուհետ՝ բանկ): Հաշիվը բացվում է դիմողի անունով, իսկ եթե դիմողը 16 տարեկանից բարձր անչափահասի հոգաբարձուն կամ խնամարկյալն է, ապա խնամարկյալի անունով։ Դիմողը կարող է ցանկացած ժամանակ անհատական օգտահաշվի միջոցով փոխել վճարող բանկին։

28. Անապահովության նպաստն անկանխիկ եղանակով վճարվում է Ծառայության հետ սոցիալական ապահովության հաշվի պայմանագիր կնքած բանկերի միջոցով՝ Հայաստանի Հանրապետության կառավարության 2020 թվականի մարտի 12-ի N 284-Ն որոշմամբ սահմանված կարգով՝ կազմակերպության կողմից Ծառայությանը տրամադրված էլեկտրոնային ցուցակների հիման վրա:

29. Հրատապ օգնությունն անկանխիկ եղանակով վճարվում է Ծառայության հետ միանվագ դրամական վճարների հաշվի պայմանագիր կնքած բանկերի միջոցով՝ Հայաստանի Հանրապետության կառավարության 2020 թվականի մարտի 12-ի N 287-Ն որոշմամբ սահմանված կարգով՝ կազմակերպության կողմից Ծառայությանը տրամադրված էլեկտրոնային ցուցակների հիման վրա:

30. Անապահովության նպաստի կամ հրատապ օգնության գումարը կանխիկ վճարման ցուցակում ընդգրկված լինելու և դիմողի կամ ընտանիքի որևէ չափահաս անդամի կողմից չստանալու դեպքում, այն ներառվում է հաջորդ ամսվա վճարման ցուցակ, բայց ոչ ավելի, քան մինչև նպաստ կամ եռամսյա հրատապ օգնություն ստանալու իրավունքը դադարեցնելու ամիսը ներառյալ:

31. Կանխիկ վճարման դեպքում՝ անապահովության նպաստը կամ հրատապ օգնությունը Հայաստանի Հանրապետության օրենսդրությամբ սահմանված կարգով կարող է վճարվել նաև անձի օրինական ներկայացուցչին:

32. Հայաստանի Հանրապետության պետական բյուջեով հատկացված ֆինանսական միջոցների ոչ բավարար լինելու դեպքում՝ առաջնահերթ բավարարվում են եռամսյա հրատապ օգնության համար դիմած՝ ավելի բարձր խոցելիության մակարդակ ունեցող ընտանիքների դիմումները՝ համաձայն սույն որոշման Հավելված N 1-ի 10-րդ կետի։

33. Անապահովության նպաստի և հրատապ օգնության վճարման ցուցակները կազմվում են էլեկտրոնային տարբերակով՝ Ծառայության կողմից:

34. Ծառայությունը սույն որոշման N1 հավելվածի 54-րդ կետի 6-րդ ենթակետով սահմանված կարգով վճարման ցուցակները կազմելուց հետո՝ մեկ աշխատանքային օրվա ընթացքում փոխանցում է համապատասխան վճարող կազմակերպություն:

35. Անապահովության նպաստը և հրատապ օգնությունը վճարվում են յուրաքանչյուր ամիս (անհրաժեշտության դեպքում` ամսական 2 անգամ):

36. Կանխիկ վճարման ցուցակը (այսուհետ՝ վճարման ցուցակ) կազմվում են` համաձայն N 12 և N 13 ձևերի, որի գլխամասում նշվում են տարեթիվը, ամիսը, Ծառայության տարածքային կենտրոնի, վճարող կազմակերպության, բնակավայրի անվանումները և վճարող կազմակերպության համարը:

37. Վճարման ցուցակի ամեն տողում նշվում են դիմողի մասին տվյալները:

38. Վճարման ցուցակի վերջում նշվում են ցուցակում գրանցված նպաստառու կամ հրատապ օգնություն ստացող ընտանիքների թվի, վճարման ենթակա նպաստի կամ հրատապ օգնության, գումարների չափերի ամփոփ տվյալները:

39. Վճարող կազմակերպությունը վճարումն ավարտելուց հետո 3 օրացուցային օրվա ընթացքում՝

1) Կազմակերպություն է հանձնում լրացված վճարման ցուցակները (այդ թվում՝ ռեեստրները).

2) Ծառայություն է հանձնում փոխադարձ հաշվետվության ակտի 2 օրինակ` համաձայն սույն Հավելվածի N 13 ձևի:

40. Կազմակերպությունն երկու աշխատանքային օրվա ընթացքում կատարում է ռեեստրների մուտքագրում և Ծառայություն է ներկայացնում վճարումների մասին ամփոփ տեղեկատվություն:

41. Ծառայությունը Կազմակերպությունից ստացված տեղեկատվության հիման վրա երկու աշխատանքային օրվա ընթացքում կնքում է փոխադարձ հաշվետվության ակտերը, որի երկրորդ օրինակը վերադարձվում է վճարող կազմակերպությանը:

4. ԱՎԵԼԻ ՎՃԱՐՎԱԾ ԳՈՒՄԱՐՆԵՐԸ ՎԵՐԱԴԱՐՁՆԵԼՈՒ ԺԱՄԱՆԱԿԱՑՈՒՅՑ ԿԱԶՄԵԼՈՒ ԿԱՐԳԸ

42. Դիմողի ներկայացրած փաստաթղթերում անապահովության նպաստի կամ հրատապ օգնության իրավունք տվող կամ անապահովության նպաստի չափի փոփոխություն առաջացնող ոչ հավաստի կամ կեղծ տեղեկությունների կամ տեղեկությունների փոփոխության մասին չտեղեկացնելու հիման վրա ավելի վճարված գումարները ենթակա են վերադարձման պետական բյուջե, որի կապակցությամբ Գնահատման համակարգում ինքնաշխատ ձևավորվում է ժամանակացույց, նշելով ամսական վերադարձի ենթակա գումարը, ժամկետը և հաշվեհամարը։

43. Ավելի վճարված գումարների չափը ծրագրային եղանակով հաշվարկում և Գնահատման համակարգ է ներառում Ծառայության համապատասխան ստորաբաժանման պատասխանատու աշխատողը։ Ավելի վճարված գումարների չափը հաշվարկվում է ավելի գումարների վճարման հանգամանքի հայտնաբերման ամսվան նախորդած 12 ամիսների ընթացքում ստացած ավելի գումարի չափով՝ Գնահատման համակարգի միջոցով։

44. Սույն հավելվածի 43-րդ կետով հաշվարկված գումարը Գնահատման համակարգ ներառելուց հետո՝ ինքնաշխատ ձևավորվում է ժամանակացույց հաշվի առնելով հետևյալ հանգամանքները՝

1) ժամանակացույցը կազմվում է՝ սկսած այն ներառելու հաջորդ ամսից՝ ներառված գումարը հավասարապես բաշխելով ամիսների միջև․

2) եթե ներառված գումարը չի գերազանցում Հայաստանի Հանրապետության կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմը, ապա ժամանակացույցը կազմվում է 3 ամիս ժամկետով․

3) եթե ներառված գումարը գերազանցում է Հայաստանի Հանրապետության կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմը, սակայն չի գերազանցում այդ շեմի եռապատիկը, ապա ժամանակացույցը կազմվում է 6 ամիս ժամկետով․

4) եթե ներառված գումարը գերազանցում է Հայաստանի Հանրապետության կառավարության կողմից տվյալ տարվա համար սահմանված անապահովության նպաստ ստանալու իրավունք տվող սահմանային շեմի եռապատիկը, ապա ժամանակացույցը կազմվում է 12 ամիս ժամկետով։

45. Վերադարձված գումարի մասին դիմողն անհատական օգտահաշվի միջոցով յուրաքանչյուր ամիս ներբեռնում է անդորրագիրը՝ մինչև ժամանակացույցով նախատեսված ամսվա վերջին օրը ներառյալ։ Եթե վերադարձված գումարի չափն ավելի է ժամանակացույցով տվյալ ամսվա համար սահմանված վերադարձման ենթակա գումարի չափից, ապա ավելի վերադարձված գումարի չափը նվազեցվում է հաջորդ ամսվա վճարման ենթակա գումարից։

46. Ժամանակացույցի չկատարման կամ խախտման դեպքում ավելի վճարված գումարները ենթակա են դատական կարգով բռնագանձման, եթե դիմողը երկու ամիս անընդմեջ չի կատարում իր պարտականությունը։ Սույն կետում նշված հանգամանքի բացահայտումն իրականացնում է Ծառայության համապատասխան ստորաբաժանման պատասխանատու աշխատողը։

Ձև N 1

ԿԱՐԳԱԴՐՈՒԹՅՈՒՆ No______

ԱՆԱՊԱՀՈՎՈՒԹՅԱՆ ՆՊԱՍՏ ՆՇԱՆԱԿԵԼՈՒ ՄԱՍԻՆ

Անձի ________________________________________________________________

Անունը, ազգանունը, հայրանունը

_____________________________________________________________________

Անձը հաստատող փաստաթղթի համար                                   Ընտանիքի անդամների թիվը

__________________________________________

ՀԾՀ/ՀԾՀ չունենալու մասին տեղեկանքի համար

—————————————————————

———

հասցեն

Դիմումի ամսաթիվը  «    »                20   թ․

Նշանակել նպաստ __________________

դրամ

Վճարել սկսած «   »              20   թ․ մինչև «    »         20

(եթե առկա չէ օրենսդրությամբ սահմանված դադարեցման հիմք)

ՄՍԾ ________________ ՏԿ

Հատուկ ծածկագիր (Վավերականության ստուգիչ ծածկագիր)

______________________

Ձև N 2

ԿԱՐԳԱԴՐՈՒԹՅՈՒՆ No________

ԱՆԱՊԱՀՈՎՈՒԹՅԱՆ ՆՊԱՍՏԻ ՆՇԱՆԱԿՈՒՄԸ ՄԵՐԺԵԼՈՒ ՄԱՍԻՆ

Անձի ___________________________________________________________

Անունը, ազգանունը, հայրանունը

________________________________________________________________

Անձը հաստատող փաստաթղթի համար                              Ընտանիքի անդամների թիվը

________________________________________________________________

ՀԾՀ/ՀԾՀ չունենալու մասին տեղեկանքի համար

——————————————————

——

հասցեն

Դիմումի ամսաթիվը «     »                  20      թ․

Մերժել անապահովության նպաստի նշանակումը

«    »               20  թ․

Մերժման իրավական հիմքը՝          «Պետական նպաստների մասին» օրենքի —————

Մերժման փաստացի հիմքը՝

Սույն որոշումը կարող է բողոքարկվել վերադասության կարգով (Միասնական սոցիալական ծառայություն) կամ դատական կարգով (Հայաստանի Հանրապետության վարչական դատարան)՝ 30 օրյա ժամկետում։

ՄՍԾ _____________ ՏԿ

Հատուկ ծածկագիր (Վավերականության ստուգիչ ծածկագիր)

Ձև N 3

ԿԱՐԳԱԴՐՈՒԹՅՈՒՆ No___________

 ԱՆԱՊԱՀՈՎՈՒԹՅԱՆ ՆՊԱՍՏԻ ՎՃԱՐՈՒՄԸ ԴԱԴԱՐԵՑՆԵԼՈՒ ՄԱՍԻՆ

Անձի  _____________________________________________________________

Անունը, ազգանունը, հայրանունը

___________________________________________________________________

Անձը հաստատող փաստաթղթի համար                   Ընտանիքի անդամների թիվը

___________________________________________________________________

ՀԾՀ/ՀԾՀ չունենալու մասին տեղեկանքի համար

——————————————————

——

հասցեն

Դիմումի ամսաթիվը «    »             20     թ․

Դադարեցնել նպաստի վճարումը «      »            20   թ․

Դադարեցման իրավական հիմքը՝      «Պետական նպաստների մասին» օրենքի —————

Դադարեցման փաստացի հիմքը՝

Սույն որոշումը կարող է բողոքարկվել վերադասության կարգով (Միասնական սոցիալական ծառայություն) կամ դատական կարգով (Հայաստանի Հանրապետության վարչական դատարան)՝ 30 օրյա ժամկետում։

ՄՍԾ _________________ ՏԿ

Հատուկ ծածկագիր (Վավերականության ստուգիչ ծածկագիր)

Ձև N 4

ԿԱՐԳԱԴՐՈՒԹՅՈՒՆ No________

 ԱՆԱՊԱՀՈՎՈՒԹՅԱՆ ՆՊԱՍՏԻ ՉԱՓԻ ՓՈՓՈԽՈՒԹՅԱՆ ՄԱՍԻՆ

Անձի _____________________________________________________________

Անունը, ազգանունը, հայրանունը

___________________________________________________________________

Անձը հաստատող փաստաթղթի համար                  Ընտանիքի անդամների թիվը

___________________________________________________________________

ՀԾՀ/ՀԾՀ չունենալու մասին տեղեկանքի համար

————————————————————————

հասցեն

Դիմումի ամսաթիվը «       »                   20    թ․

Փոփոխված նպաստի չափը ___________________________

դրամ

Բանկի անվանումը , փոստային բաժանմունքի համարը

Վճարել սկսած «          »              20   թ․ մինչև «        »           20

Նպաստի չափի փոփոխման իրավական հիմքը՝

Նպաստի չափի փոփոխման փաստացի հիմքը՝     «Պետական նպաստների մասին» օրենքի —————

Սույն որոշումը կարող է բողոքարկվել վերադասության կարգով (Միասնական սոցիալական ծառայություն) կամ դատական կարգով (Հայաստանի Հանրապետության վարչական դատարան)՝ 30 օրյա ժամկետում։

ՄՍԾ __________________ ՏԿ

Հատուկ ծածկագիր (Վավերականության ստուգիչ ծածկագիր)

Ձև N 5

Լրացնում է դիմողը

Միասնական սոցիալական ծառայության

_______________ տարածքային կենտրոնին

Հայաստանի Հանրապետության, _________________________

հասցե

____________________________ բանկ

Դիմող _______________________________ -ից

Անուն, ազգանուն, հայրանուն, ՀԾՀ կամ ՀԾՀ չունենալու մասին տեղեկանքի համար

ԴԻՄՈՒՄ

Խնդրում եմ նշանակել եռամսյա հրատապ օգնություն։

Ձև N 6

ԿԱՐԳԱԴՐՈՒԹՅՈՒՆ No _________

ԵՌԱՄՍՅԱ ՀՐԱՏԱՊ ՕԳՆՈՒԹՅՈՒՆ ՆՇԱՆԱԿԵԼՈՒ ՄԱՍԻՆ

Անձի ______________________________________________________________

Անունը, ազգանունը, հայրանունը

___________________________________________________________________

Անձը հաստատող փաստաթղթի համար          Ընտանիքի անդամների թիվը

___________________________________________________________________

ՀԾՀ/ՀԾՀ չունենալու մասին տեղեկանքի համար

————————————————

հասցեն

Դիմումի ամսաթիվը «       »                 20   թ․

Նշանակել եռամսյա հրատապ օգնություն ____________________

դրամ

Վճարել սկսած «       »             20      թ․ մինչև «      »               20

(եթե առկա չէ օրենսդրությամբ սահմանված դադարեցման հիմք)

ՄՍԾ ________________ՏԿ

Հատուկ ծածկագիր (Վավերականության ստուգիչ ծածկագիր)

Ձև N 7

ԿԱՐԳԱԴՐՈՒԹՅՈՒՆ No _________

ԵՌԱՄՍՅԱ ՀՐԱՏԱՊ ՕԳՆՈՒԹՅԱՆ ՆՇԱՆԱԿՈՒՄԸ ՄԵՐԺԵԼՈՒ ՄԱՍԻՆ

Անձի ____________________________________________________________

Անունը, ազգանունը, հայրանունը

_________________________________________________________________

Անձը հաստատող փաստաթղթի համար              Ընտանիքի անդամների թիվը

_________________________________________________________________

ՀԾՀ/ՀԾՀ չունենալու մասին տեղեկանքի համար

——————————————

——

հասցեն

Դիմումի ամսաթիվը «     »                    20      թ․

Մերժել եռամսյա հրատապ օգնության նշանակումը «       »                20     թ․

Մերժման իրավական հիմքը՝    «Պետական նպաստների մասին» օրենքի —————

Մերժման փաստացի հիմքը՝

Սույն որոշումը կարող է բողոքարկվել վերադասության կարգով (Միասնական սոցիալական ծառայություն) կամ դատական կարգով (Հայաստանի Հանրապետության վարչական դատարան)՝ 30 օրյա ժամկետում։

ՄՍԾ _______________ ՏԿ

Հատուկ ծածկագիր (Վավերականության ստուգիչ ծածկագիր)

Ձև N 8

ԿԱՐԳԱԴՐՈՒԹՅՈՒՆ No _________

ԵՌԱՄՍՅԱ ՀՐԱՏԱՊ ՕԳՆՈՒԹՅԱՆ ՎՃԱՐՈՒՄԸ ԴԱԴԱՐԵՑՆԵԼՈՒ ՄԱՍԻՆ

Անձի ______________________________________________________________

Անունը, ազգանունը, հայրանունը

_________________________________________________________________

Անձը հաստատող փաստաթղթի համար               Ընտանիքի անդամների թիվը

_________________________________________________________________

ՀԾՀ/ՀԾՀ չունենալու մասին տեղեկանքի համար

ք.Երևան, Ուլնեցու 10

հասցեն

Դիմումի ամսաթիվը «        »           20     թ․

Դադարեցնել եռամսյա հրատապ օգնության վճարումը «     »           20   թ․

Դադարեցման իրավական հիմքը՝       «Պետական նպաստների մասին» օրենքի ——

Դադարեցման փաստացի հիմքը՝

Սույն որոշումը կարող է բողոքարկվել վերադասության կարգով (Միասնական սոցիալական ծառայություն) կամ դատական կարգով (Հայաստանի Հանրապետության վարչական դատարան)՝ 30 օրյա ժամկետում։

ՄՍԾ _____________ ՏԿ

Հատուկ ծածկագիր (Վավերականության ստուգիչ ծածկագիր)

Ձև N 9

Լրացնում է դիմողը

Միասնական սոցիալական ծառայության

____________________ տարածքային կենտրոնին

Հայաստանի Հանրապետության, ______________________

հասցե

____________________________________ բանկ

Դիմող ______________________________________ -ից

Անուն, ազգանուն, հայրանուն, ՀԾՀ կամ ՀԾՀ չունենալու մասին տեղեկանքի համար

ԴԻՄՈՒՄ

Խնդրում եմ նշանակել միանվագ հրատապ օգնություն՝ _______________________________________ երեխայի առաջին դասարան ընդունվելու կապակցությամբ։

Ձև N 10

ԿԱՐԳԱԴՐՈՒԹՅՈՒՆ No ________

ՄԻԱՆՎԱԳ ՀՐԱՏԱՊ ՕԳՆՈՒԹՅՈՒՆ ՆՇԱՆԱԿԵԼՈՒ ՄԱՍԻՆ

Անձի ______________________________________________________________

Անունը, ազգանունը, հայրանունը

___________________________________________________________________

_________________________________________________10_____________

Անձը հաստատող փաստաթղթի համար                                      Ընտանիքի անդամների թիվը

______________________________________________________________

ՀԾՀ/ՀԾՀ չունենալու մասին տեղեկանքի համար

——————————————————

հասցեն

Դիմումի ամսաթիվը «       »             20       թ․

Նշանակել երեխայի առաջին դասարան ընդունվելու միանվագ հրատապ օգնություն ___________________ դրամ

վճարումը «      »                20   թ․

ՄՍԾ _________________ ՏԿ

Հատուկ ծածկագիր (Վավերականության ստուգիչ ծածկագիր)

Ձև N 11

ԿԱՐԳԱԴՐՈՒԹՅՈՒՆ No _____________

ՄԻԱՆՎԱԳ ՀՐԱՏԱՊ ՕԳՆՈՒԹՅԱՆ ՆՇԱՆԱԿՈՒՄԸ ՄԵՐԺԵԼՈՒ ՄԱՍԻՆ

Անձի ______________________________________________________________

Անունը, ազգանունը, հայրանունը

____________________________________________________________________

Անձը հաստատող փաստաթղթի համար                        Ընտանիքի անդամների թիվը

____________________________________________________________________

ՀԾՀ/ՀԾՀ չունենալու մասին տեղեկանքի համար

————————————————

հասցեն

Դիմումի ամսաթիվը «       »                20     թ․

Մերժել միանվագ հրատապ օգնության նշանակումը «       »                 20   թ․

Մերժման իրավական հիմքը՝           «Պետական նպաստների մասին» օրենքի —————

Մերժման փաստացի հիմքը՝

Սույն որոշումը կարող է բողոքարկվել վերադասության կարգով (Միասնական սոցիալական ծառայություն) կամ դատական կարգով (Հայաստանի Հանրապետության վարչական դատարան)՝ 30 օրյա ժամկետում։

ՄՍԾ _____________ ՏԿ

Հատուկ ծածկագիր (Վավերականության ստուգիչ ծածկագիր)

Ձև N 12

Ց ՈՒ Ց Ա Կ

  _____________ ԵՎ ՆԱԽՈՐԴ ԱՄԻՍՆԵՐԻ ԱՆԱՊԱՀՈՎՈՒԹՅԱՆ ՆՊԱՍՏԻ ՎՃԱՐՄԱՆ

Ձև N 13

Ց ՈՒ Ց Ա Կ

____________________ ______________________ ԵՎ ՆԱԽՈՐԴ ԱՄԻՍՆԵՐԻ ԵՌԱՄՍՅԱ ՀՐԱՏԱՊ ՕԳՆՈՒԹՅԱՆ ՎՃԱՐՄԱՆ

Ձև N 14

ՓՈԽԱԴԱՐՁ ՀԱՇՎԵՏՎՈՒԹՅԱՆ ԱԿՏ

_______________________ վճարող կազմակերպության ____________________ և միասնական սոցիալական ծառայության միջև _____________________ ամսվա նպաստի և եռամսյա հրատապ օգնության գումարների փոխհաշվարկի վերաբերյալ

Պաշտոնական հրապարակման օրը՝ 13 հունվարի 2025 թվական: