«Գրանցված է»

ՀՀ արդարադատության

նախարարության կողմից

13 մայիսի 2011 թ.

Պետական գրանցման թիվ 60011222

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

 

13 ապրիլի 2011 թ. ք. Երևան

N 169-Ն

 

Ո Ր Ո Շ ՈՒ Մ

 

ՌԱԴԻՈՀԱՃԱԽԱԿԱՆՈՒԹՅՈՒՆՆԵՐԻ ՕԳՏԱԳՈՐԾՄԱՆ ԹՈՒՅԼՏՎՈՒԹՅՈՒՆՆԵՐԻ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Էլեկտրոնային հաղորդակցության մասին» Հայաստանի Հանրապետության օրենքի 5-րդ հոդվածի 1-ին մասի 1-ին կետի դ) ենթակետը, 2-րդ կետի բ) ենթակետը, 3-րդ կետի գ) ենթակետը և 17-րդ հոդվածի 5-րդ մասը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հաստատել ռադիոհաճախականությունների օգտագործման թույլտվությունների տրամադրման կարգը (հավելված):

2. Ուժը կորցրած ճանաչել Հայաստանի Հանրապետության հանրային ծառայությունները կարգավորող հանձնաժողովի`

1) 2006 թվականի մարտի 7-ի «Ռադիոհաճախականությունների օգտագործման թույլտվությունների տրամադրման կարգը հաստատելու մասին» N 28-Ն որոշումը,

2) 2006 թվականի սեպտեմբերի 20-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ փոփոխություններ և լրացումներ կատարելու մասին» N 212-Ն որոշումը,

3) 2006 թվականի նոյեմբերի 10-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ փոփոխություններ կատարելու մասին» N 266-Ն որոշումը,

4) 2006 թվականի նոյեմբերի 30-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ փոփոխություններ կատարելու մասին» N 307-Ն որոշումը,

5) 2007 թվականի ապրիլի 20-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ լրացում կատարելու մասին» N189-Ն որոշումը,

6) 2007 թվականի հունիսի 15-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման պաշտոնական պարզաբանման մասին» N 262 որոշումը,

7) 2007 թվականի սեպտեմբերի 14-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ փոփոխություններ կատարելու մասին» N 362-Ն որոշումը,

8) 2008 թվականի ապրիլի 30-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ փոփոխություններ կատարելու մասին» N 221-Ն որոշումը,

9) 2008 թվականի հունիսի 6-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ փոփոխություններ կատարելու մասին» N 298-Ն որոշումը,

10) 2008 թվականի սեպտեմբերի 10-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ լրացումներ և փոփոխություններ կատարելու մասին» N 485-Ն որոշումը,

11) 2009 թվականի մայիսի 13-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ փոփոխություններ կատարելու մասին» N 211-Ն որոշումը,

12) 2010 թվականի ապրիլի 28-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ լրացումներ և փոփոխություններ կատարելու մասին» N 211-Ն որոշումը,

13) 2010 թվականի հոկտեմբերի 27-ի «Հայաստանի Հանրապետության հանրային ծառայությունները կարգավորող հանձնաժողովի 2006 թվականի մարտի 7-ի N 28-Ն որոշման մեջ փոփոխություններ կատարելու մասին» N 562-Ն որոշումը:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՀՀ հանրային ծառայությունները կարգավորող հանձնաժողովի նախագահ`

Ռ. Նազարյան

 

Հավելված   Հաստատված է ՀՀ հանրային ծառայությունները կարգավորող հանձնաժողովի 2011 թվականի ապրիլի 13-ի N 169-Ն որոշմամբ

 

Կ Ա Ր Գ

 

ՌԱԴԻՈՀԱՃԱԽԱԿԱՆՈՒԹՅՈՒՆՆԵՐԻ ՕԳՏԱԳՈՐԾՄԱՆ ԹՈՒՅԼՏՎՈՒԹՅՈՒՆՆԵՐԻ ՏՐԱՄԱԴՐՄԱՆ

 

Սույն կարգը սահմանում է ռադիոհաճախականության օգտագործման թույլտվության հայտի (դիմումի) ընդունման, քննարկման, ռադիոհաճախականության օգտագործման թույլտվության տրամադրման (մերժման), ռադիոհաճախականության օգտագործման թույլտվության գործողության ժամկետի երկարաձգման ընթացակարգերը:

 

1. Սույն կարգում օգտագործված հասկացությունները

 

1. Սույն կարգում օգտագործված հասկացություններն են`

Հանձնաժողով՝ Հայաստանի Հանրապետության հանրային ծառայությունները կարգավորող հանձնաժողով.

Թույլտվություն՝ Հանձնաժողովի կողմից իրավաբանական կամ ֆիզիկական անձին տրված փաստաթուղթ, որը հավաստում է ռադիոհաճախականությունների տիրույթի որոշակի հատված օգտագործելու նրա իրավունքը և պարտականությունը: Թույլտվության անբաժանելի մասն են համարվում ռադիոհաճախականության օգտագործման պայմանները.

Ռադիոսարքավորում` ռադիոալիքի արձակման կամ ընդունման միջոցով հաղորդակցության հնարավորություն ընձեռող սարքավորում կամ դրա այն մասը, որը շահագործվում է ռադիոհաղորդակցության համար հատկացված ռադիոհաճախականությունների տիրույթում.

Հայտատու՝ Թույլտվություն ստանալու կամ Թույլտվության գործողության ժամկետի երկարաձգման նպատակով Հանձնաժողով դիմած անձ.

Հայտ` Թույլտվություն ստանալու կամ Թույլտվության գործողության ժամկետի երկարաձգման համար Հանձնաժողով ներկայացված փաստաթղթերի փաթեթ:

 

2. Սույն կարգի գործողության շրջանակները

 

2. Սույն կարգը տարածվում է 3 կիլոհերցից բարձր և 1000 գիգահերցից ցածր ռադիոհաճախականությունների տիրույթում աշխատող Ռադիոսարքավորումներ օգտագործող անձանց վրա, բացառությամբ սույն կարգով նախատեսված դեպքերի:

3. Սույն կարգը չի տարածվում`

1) ռադիոհաճախականությունների այն տիրույթներում աշխատող Ռադիոսարքավորումների վրա, որոնք օգտագործվում են բացառապես պետական (կառավարական) մարմինների կողմից,

2) հեռուստատեսային և ձայնային ծրագրերի հեռարձակման համար օգտագործվող Ռադիոսարքավորումների վրա,

3) սիրողական ռադիոօպերատորների վրա,

4) մրցութային դիմումների կամ աճուրդի միջոցով տրամադրվող Թույլտվությունների վրա:

4. Թույլտվություն չի պահանջվում`

1) 2400,0 - 2483,5 ՄՀց ռադիոհաճախականությունների տիրույթում աշխատող, 0,1 Վտ-ից ոչ ավելի ճառագայթման հզորությամբ անլար հասանելիության լայնաշերտ ցանցերի օգտագործման համար,

2) ցամաքային շարժական բջջային և փեյջինգային կապի բաժանորդային կայանների (տերմինալների) օգտագործման համար,

3) շարժական արբանյակային կապի գլոբալ համակարգերի շարժական երկրային բաժանորդային կայանների (տերմինալների) օգտագործման համար,

4) մինչև 5Վտ հզորությամբ առանց բաց ճառագայթման կենցաղային և բժշկական գերբարձր ռադիոհաճախականության սարքավորումների օգտագործման համար,

5) 26945 կՀց և 26960 կՀց ռադիոհաճախականություններով աշխատող, մինչև 2 Վտ հաղորդչի ճառագայթման հզորությամբ պահպանման ռադիոահազանգի սարքերի օգտագործման համար,

6) 26957 - 27283 կՀց ռադիոհաճախականությունների շերտում աշխատող, մինչև 10 մՎտ հաղորդչի ճառագայթման հզորությամբ մանկական ռադիոխոսակցական սարքերի և ռադիողեկավարման խաղալիքների օգտագործման համար,

7) 28,0 - 28,2 ՄՀց և 40,66 - 40,70 ՄՀց ռադիոհաճախականությունների շերտերում աշխատող, մինչև 1 Վտ հաղորդչի ճառագայթման հզորությամբ մոդելների ռադիողեկավարման սարքերի օգտագործման համար,

8) 33,2 ՄՀց - 57,5 ՄՀց ռադիոհաճախականությունների հատվածում աշխատող, մինչև 10 մՎտ հաղորդչի ճառագայթման հզորությամբ լսողական ռադիոտրենաժորների (ականջակալների) օգտագործման համար,

9) 66 - 74 ՄՀց, 87,5 - 92 ՄՀց և 100 - 108 ՄՀց ռադիոհաճախականությունների շերտերում, մինչև 10 մՎտ հաղորդչի ճառագայթման հզորությամբ ռադիոխոսափողերի օգտագործման համար,

10) 433,075 - 434,79 ՄՀց ռադիոհաճախականությունների շերտում աշխատող, մինչև 5 մՎտ հաղորդչի ճառագայթման հզորությամբ ավտոմեքենաների պահպանման ռադիոահազանգի սարքերի, մինչև 10 մՎտ հաղորդչի ճառագայթման հզորությամբ գծածածկագրային պիտակների մշակման և այդ պիտակներից ստացված տեղեկատվության հաղորդման համար Ռադիոսարքավորումների ու հեռակառավարման, պահպանման ահազանգի և ազդարարման սարքերի օգտագործման համար,

11) 30 - 41 ՄՀց, 1880 - 1900 ՄՀց ռադիոհաճախականությունների շերտերում աշխատող, մինչև 10 մՎտ հաղորդչի ճառագայթման հզորությամբ բաժանորդային անլար հեռախոսային ապարատների օգտագործման համար,

12) 125 - 135 կՀց ռադիոհաճախականությունների շերտում աշխատող, մինչև 10 մՎտ համարժեք - իզոտրոպ հզորությամբ անվադողերը վերահսկող անլար կապի սարքավորումների օգտագործման համար,

13) 446 - 446,1 ՄՀց ռադիոհաճախականությունների շերտում, մինչև 0,5 Վտ հաղորդչի ճառագայթման հզորությամբ միակողմանի ոչ պրոֆեսիոնալ ռադիոկապի կազմակերպման նպատակով ռադիոկայանների օգտագործման համար,

14) երկրի մակերևույթից 3000 մետրից բարձր թռիչքի ժամանակ օդանավերում`

ա. 5150 - 5350 ՄՀց, 5470 - 5725 ՄՀց, 5725 - 5825 ՄՀց ռադիոհաճախականությունների շերտերում աշխատող, ≤ 100 մՎտ համարժեք - իզոտրոպ հզորությամբ ներսրահային անլար ցանցերի օգտագործման համար,

բ. 10,7 - 12,75 ԳՀց, 14,0 - 14,5 ԳՀց ռադիոհաճախականությունների շերտերում աշխատող, ինքնաթիռ - արբանյակ կապուղու կազմակերպման նպատակով արբանյակային կապի երկրային կայանների (Հայաստանի Հանրապետության տարածքում Թույլտվություն ունեցող անձանց ռադիոսարքավորումներում խանգարումներ չառաջացնելու պայմանով) օգտագործման համար,

գ. 1710-1785/1805-1880 ՄՀց ռադիոհաճախականությունների շերտերում աշխատող ներսրահային բջջային հեռախոսակապի (Հայաստանի Հանրապետության տարածքում Թույլտվություն ունեցող անձանց ռադիոսարքավորումներում խանգարումներ չառաջացնելու պայմանով, Հայաստանի Հանրապետության շարժական կապի օպերատորների հետ ռոումինգային համաձայնագրի առկայության դեպքում) օգտագործման համար:

5. Սույն կարգի 4-րդ կետի 5-12-րդ ենթակետերում և 14-րդ ենթակետի ա. պարբերությունում նշված փոքր շառավղով անլար կապի համակարգերն օգտագործվում են Հեռահաղորդակցության միջազգային միության ուղեցույցերի համաձայն, Հայաստանի Հանրապետության տարածքում Թույլտվություն ունեցող անձանց Ռադիոսարքավորումներում խանգարումներ չառաջացնելու և այդ Ռադիոսարքավորումներից առաջացող խանգարումներից պաշտպանություն չպահանջելու պայմանով:

 

3. Ընդհանուր դրույթներ

 

6. Եթե էլեկտրոնային հաղորդակցության որևէ ցանցի շահագործման կամ ծառայություն մատուցելու համար անհրաժեշտ է ռադիոհաճախականությունների օգտագործում, ապա անձը չի կարող տվյալ ցանցն օգտագործել կամ ծառայությունը մատուցել առանց Թույլտվության:

7. Հանձնաժողովը Թույլտվություն տրամադրում է Հայաստանի Հանրապետության հաճախականությունների բաշխումների աղյուսակ հաստատող իրավական ակտին համապատասխան, իր տնօրինման տակ գտնվող ռադիոհաճախականությունների տիրույթից:

8. Թույլտվության գործողության առավելագույն ժամկետը սահմանվում է 10 տարի:

9. Թույլտվության տրամադրման, ռադիոհաճախականությունների օգտագործման, Թույլտվության գործողության ժամկետի երկարաձգման համար վճարվում է պարտադիր վճար, որի չափը սահմանվում է յուրաքանչյուր տարվա պետական բյուջեի մասին օրենքով: Վճարումն իրականացվում է համաձայն «Էլեկտրոնային հաղորդակցության մասին» Հայաստանի Հանրապետության օրենքի 17.1-րդ հոդվածի և սույն կարգի:

10. Թույլտվությունը չի կարող օգտագործման տրվել այլ անձանց, օտարվել կամ գրավադրվել՝ բացառությամբ օրենքով սահմանված դեպքերի։

11. Թույլտվության գործողությունը չի տարածվում Թույլտվություն ունեցող անձի հետ համատեղ, այդ թվում՝ համատեղ գործունեության պայմանագրով գործունեություն իրականացնող այլ անձանց, ինչպես նաև Թույլտվություն ունեցող անձի մասնակցությամբ հիմնադրված կամ գործող իրավաբանական անձանց վրա։

12. Թույլտվություն ունեցող անձը կարող է օգտագործել այդ ռադիոհաճախականությունը Թույլտվությունն ուժի մեջ մտնելու պահից և Թույլտվության գործողության ժամկետում։

13. Թույլտվություն ունեցող անձի կողմից Թույլտվությամբ իրեն տրամադրված ռադիոհաճախականությունների փաստացի չօգտագործումը Թույլտվություն ունեցող անձին չի ազատում իրեն տրամադրված ռադիոհաճախականությունների օգտագործման համար սահմանված վճարներ վճարելու պարտականությունից:

14. «Էլեկտրոնային հաղորդակցության մասին» Հայաստանի Հանրապետության օրենքի կամ սույն կարգի, կամ Թույլտվության պայմանների չկատարման կամ ոչ պատշաճ կատարման դեպքերում, Հանձնաժողովը կարող է կիրառել «Էլեկտրոնային հաղորդակցության մասին» Հայաստանի Հանրապետության օրենքով նախատեսված պատասխանատվության միջոցները, այդ թվում` կասեցնել կամ դադարեցնել ռադիոհաճախականության օգտագործման թույլտվությունը:

 

4. Թույլտվություն ստանալու հայտի քննարկումը և որոշման ընդունումը

 

15. Թույլտվություն ստանալու համար անձը Հանձնաժողով է ներկայացնում`

1) կանոնադրության, պետական գրանցման վկայականի և հարկ վճարողի հաշվառման համարի պատճենները, եթե հայտատուն իրավաբանական անձ է.

2) անձնագրի, ինչպես նաև սոցիալական քարտի կամ հարկ վճարողի հաշվառման համարի պատճենները, եթե հայտատուն ֆիզիկական անձ է.

3) Թույլտվության տրամադրման վճարի 1 տոկոսի վճարումը հավաստող անդորրագիրը.

4) Համապատասխան տեղեկություններ` համաձայն սույն կարգի N 1-N 4 հավելվածներով տրված ձևերի:

16. Հայտը և նրանում ընդգրկված փաստաթղթերը պետք է համապատասխանեն Հայաստանի Հանրապետության օրենքների, այլ իրավական ակտերի և սույն կարգի պահանջներին:

17. Հայտատուն օրենքով սահմանված կարգով պատասխանատվություն է կրում Հանձնաժողով ներկայացրած փաստաթղթերի և տեղեկությունների հավաստիության համար։

18. Հայտատուի ներկայացրած Հայտը մուտքագրվում է Հանձնաժողովում։ Հանձնաժողովի համապատասխան ստորաբաժանումը ստուգում է Հայտի ամբողջականությունը, նրանում ընդգրկված փաստաթղթերի ձևակերպման ճշտությունն ու համապատասխանությունը սույն կարգի 15-րդ կետին և N 1-N 4 հավելվածներին:

19. Անլար հասանելիության լայնաշերտ ցանցերի կազմակերպման նպատակով ռադիոհաճախականության (ռադիոհաճախականության հատվածի) օգտագործման թույլտվության ձեռքբերման Հայտ ներկայացնելու դեպքում, Հանձնաժողովը, Հայտը ստանալու օրվանից 5 աշխատանքային օրվա ընթացքում, իր պաշտոնական կայքում, ինչպես նաև առնվազն երեք հազար տպաքանակ ունեցող երեք թերթերում հայտարարություն է հրապարակում` համաձայն սույն կարգի N 5 հավելվածի: Հայտարարությունը հրապարակելուց հետո 15-օրյա ժամկետում նույն աշխարհագրական տարածքում նույն ռադիոհաճախականության (ռադիոհաճախականության հատվածի) օգտագործման թույլտվություն ստանալու նպատակով այլ անձանց Հայտեր մուտքագրվելու դեպքում Հանձնաժողովը Հայտատուներին առաջարկում է նույն տեխնոլոգիայի կիրառմամբ նույն աշխարհագրական տարածքում նույն ռադիոհաճախականությունների տիրույթից այլ ռադիոհաճախականության (ռադիոհաճախականության հատվածի) օգտագործման թույլտվություն տրամադրել: Առաջին Հայտատուն ունի Հայտում նշված ռադիոհաճախականության (ռադիոհաճախականության հատվածի) օգտագործաման թույլտվության ձեռքբերման նախապատվության իրավունք: Նույն տեխնոլոգիայի կիրառմամբ նույն աշխարհագրական տարածքում նույն ռադիոհաճախականությունների տիրույթից այլ ռադիոհաճախականության (ռադիոհաճախականության հատվածի) օգտագործման թույլտվության տրամադրման անհնարինության դեպքում Հանձնաժողովը որոշում է կայացնում թույլտվությունը մրցութային դիմումների կամ աճուրդի միջոցով տրամադրելու վերաբերյալ, որի դեպքում Հայտերը վերադարձվում են Հայտատուներին:

20. Այն դեպքերում, երբ Հայտում նշված և սույն կարգի 3-րդ կետի 1-ին ենթակետի առարկա չհանդիսացող ռադիոհաճախականությունները օգտագործվում են կամ նախատեսված են պետական (կառավարական) մարմինների ռադիոսարքավորումների օգտագործման համար, Հանձնաժողովն սկսում է համապատասխան մարմինների հետ համակարգման աշխատանքներ` ռադիոհաճախականությունների օգտագործման պայմաններում լրացուցիչ պայմաններ ամրագրելու նպատակով:

21. Հայտը չի ընդունվում ուսումնասիրության, եթե՝

1) նրանում ընդգրկված փաստաթղթերը չեն համապատասխանում Հայաստանի Հանրապետության օրենքների, այլ իրավական ակտերի և սույն կարգի պահանջներին.

2) ներկայացված փաստաթղթերը և տեղեկությունները թերի են, կեղծ կամ խեղաթյուրված, ներկայացված փաստաթղթերում և տեղեկություններում առկա են անճշտություններ և անհամապատասխանություններ.

3) Հայտատուն` օրենքի, իսկ իրավաբանական անձ հանդիսացող Հայտատուն` նաև իր կանոնադրության համաձայն իրավունք չունի օգտագործել հայցվող ռադիոհաճախականությունը։

22. Հանձնաժողովը Հայտի ստուգման բացասական արդյունքի մասին գրավոր տեղեկացնում է Հայտատուին՝ Հայտն ստանալու օրվանից ոչ ուշ, քան 10, իսկ սույն կարգի 19-րդ կետով նախատեսված նպատակով ռադիոհաճախականության (ռադիոհաճախականության հատվածի) օգտագործման Թույլտվություն ստանալու Հայտ ստանալու դեպքում` 5 աշխատանքային օրվա ընթացքում: Հայտի ստուգման բացասական արդյունքի դեպքում Հայտը պահպանվում է Հանձնաժողովում:

23. Հայտատուն, Հանձնաժողովի կողմից Հայտի ստուգման արդյունքում հայտնաբերված թերությունները վերացնելուց կամ բացակայող փաստաթղթերը լրացնելուց հետո դրանք ներկայացնում է Հանձնաժողով: Այդ դեպքում Հայտի ստացման օր է համարվում բացակայող կամ ճշտգրտված փաստաթղթերը հանձնաժողովում մուտքագրելու օրը: Դրանից հետո Հայտատուն և Հանձնաժողովն առաջնորդվում են սույն կարգի 18-22-րդ կետերով սահմանված պահանջներով և ժամկետներով:

24. Հայտի ստուգման դրական արդյունքի դեպքում Հանձնաժողովն սկսում է Հայտի քննարկման գործընթացը և կայացնում համապատասխան որոշում` Հայտն ստանալու օրվանից 20 աշխատանքային օրվա ընթացքում: Արբանյակային կապի երկրային կայանների (ամրակցված, շարժական), ռադիոհաճախականությունների օգտագործման թույլտվության ձեռքբերման Հայտ ստանալու դեպքում Հանձնաժողովը կայացնում է համապատասխան որոշում` 10, իսկ սույն կարգի 19-րդ կետով նախատեսված նպատակով ռադիոհաճախականության (ռադիոհաճախականության հատվածի) օգտագործման թույլտվության ձեռքբերման Հայտ ստանալու դեպքում` 30 աշխատանքային օրվա ընթացքում:

25. Հայաստանի Հանրապետության տարածքում ռադիոհաճախականությունների օգտագործման և դրանց միջազգային իրավական պաշտպանության ապահովման համար Հեռահաղորդակցության միջազգային միության ռադիոկապի բյուրոյում հատկացվող ռադիոհաճախականությունների գրանցման աշխատանքների իրականացման համար, ինչպես նաև սույն կարգի 20-րդ կետով նախատեսված համակարգման աշխատանքների համար ծախսված ժամանակը չի ներառվում սույն կարգի 24-րդ կետում սահմանված ժամկետում։

26. Հանձնաժողովը կարող է Հայտի քննարկման առնչությամբ Հայտատուից պահանջել նաև լրացուցիչ տեղեկատվություն և փաստաթղթեր, կամ լրացուցիչ փորձաքննության (այդ թվում նաև՝ անկախ փորձագետների ներգրավմամբ) եզրակացություններ (եթե ներկայացված տեղեկատվությունը բավարար չէ որոշում կայացնելու համար), որոնց ներկայացման անհրաժեշտության մասին գրավոր տեղեկացնում է Հայտատուին: Այդ գործընթացի համար ծախսված ժամանակը չի ներառվում սույն կարգի 24-րդ կետում սահմանված ժամկետում։

27. Հանձնաժողովը Հայտը մերժում է, եթե՝

1) Հայտատուն օրենքով սահմանված կարգով անվճարունակ կամ սնանկ է ճանաչված.

2) հայտագրված ռադիոհաճախականության կամ ռադիոհաճախականության տիրույթի օգտագործումը կհանգեցնի Հայաստանի Հանրապետության սահմանափակ ռեսուրսների անարդյունավետ օգտագործման.

3) Հայտում բերված տեխնիկական ցուցանիշները չեն համապատասխանում Հայաստանի Հանրապետության տարածքում գործող տեխնիկական կանոնակարգերին.

4) Թույլտվություն տալու դեպքում սահմանափակվում է մեկ այլ Թույլտվություն ունեցող անձին տրված իրավունքը կամ կարող է բացասական ազդեցություն ունենալ նրա գործունեության տեխնիկական ցուցանիշների վրա.

5) Հայտատուն չի ներկայացրել Հանձնաժողովի պահանջած լրացուցիչ տեղեկությունները և փաստաթղթերը կամ լրացուցիչ փորձաքննության (այդ թվում նաև՝ անկախ փորձագետների ներգրավմամբ) եզրակացությունները, որոնց բացակայությունը հնարավորություն չի տալիս շարունակել Հայտի քննարկումը.

6) Հայտատուի ներկայացրած փաստաթղթերում կամ տեղեկություններում առկա են անճշտություններ և անհամապատասխանություններ, ներկայացված փաստաթղթերը և տեղեկությունները թերի են, կեղծ կամ խեղաթյուրված:

28. Հայտի վերաբերյալ Հանձնաժողովի առարկությունները հաշվի առնելուց հետո, անձը, սույն կարգի 15-րդ կետով սահմանված կարգով, կարող է կրկին Հայտ ներկայացնել Հանձնաժողով։

29. Թույլտվություն տրամադրելու վերաբերյալ դրական որոշում ընդունելուց հետո՝ 5 աշխատանքային օրվա ընթացքում, Հանձնաժողովը որոշման պատճենն ուղարկում, իսկ Թույլտվությունը հանձնում է Թույլտվություն ստացած անձին: Մինչև վերջինիս ներկայանալը Թույլտվությունը պահվում է Հանձնաժողովի համապատասխան ստորաբաժանումում:

30. Հայտի մերժման մասին Հանձնաժողովի որոշումը չի կարող ազդեցություն ունենալ անձի հաջորդ Հայտերի քննարկման վրա։

31. Հայտի մերժման դեպքում, որոշումն ընդունելուց հետո՝ 5 աշխատանքային օրվա ընթացքում, որոշման պատճենն ուղարկվում է Հայտատուին, որում նշվում են մերժման պատճառները:

32. Հանձնաժողովում յուրաքանչյուր Թույլտվություն ունեցող անձի համար վարվում է հաշվառման գործավարություն և կազմվում գործ:

33. Թույլտվություն ստացած անձի ստորագրությամբ Թույլտվության ստացման կտրոնը (սույն կարգի N6 հավելված) պահվում է Հանձնաժողովում։

34. Թույլտվության գործողությունը դադարեցվելու դեպքերում գործը պահվում է Հանձնաժողովում:

35. Թույլտվությունների տրամադրման գործընթացին առնչվող Հանձնաժողովի որոշումները ծանոթանալու նպատակով պետք է մատչելի լինեն ցանկացած շահագրգիռ անձի համար, եթե դրանք չեն պարունակում Հայաստանի Հանրապետության օրենսդրությամբ սահմանված պետական, ծառայողական կամ առևտրային գաղտնիքներ:

 

5. Թույլտվության գործողության ժամկետի երկարաձգումը

 

36. Թույլտվությունում ամրագրված ժամկետը երկարաձգելու անհրաժեշտության դեպքում Թույլտվություն ունեցող անձը պարտավոր է մինչև Թույլտվության գործողության ժամկետի ավարտը Հայտով դիմել Հանձնաժողով:

37. Հայտն իր մեջ պետք է պարունակի Թույլտվության գործողության ժամկետի երկարաձգման համար սահմանված պարտադիր վճարի վճարումը հավաստող փաստաթուղթը, իսկ իրավաբանական անձանց համար` նաև Թույլտվություն ունեցող անձին գրանցող պետական լիազորված մարմնի կողմից տրված` Թույլտվություն ունեցող անձի կանոնադրությունում կատարած փոփոխությունների կամ դրանց բացակայության մասին տեղեկանքը:

38. Հանձնաժողովն իրավունք ունի Հայտատուից պահանջել նաև լրացուցիչ տեղեկատվություն և փաստաթղթեր, որոնց անհրաժեշտության մասին նրան գրավոր տեղեկացնում է։

39. Հայտը մերժվում է, եթե՝

1) Հայտատուի ներկայացրած փաստաթղթերը թերի են, կեղծ կամ խեղաթյուրված, ներկայացված փաստաթղթերում և տեղեկություններում առկա են անճշտություններ և անհամապատասխանություններ.

2) ներկայացրած փաստաթղթերը չեն համապատասխանում սույն կարգի և Հայաստանի Հանրապետության օրենսդրության պահանջներին.

3) Հայտատուն իրավասու չէ օգտագործել հայցվող ռադիոհաճախականությունը.

4) առաջին անգամ տրված Թույլտվության գործողության ժամկետի ընթացքում Թույլտվություն ունեցող անձը գործունեությունն իրականացրել է «Էլեկտրոնային հաղորդակցության մասին» Հայաստանի Հանրապետության օրենքի և սույն կարգի էական խախտմամբ.

5) Թույլտվություն ստացած անձը Թույլտվությունում սահմանված ժամկետում տրամադրված ռադիոհաճախականությունը չի օգտագործել:

40. Հանձնաժողովը Թույլտվության գործողության ժամկետի երկարաձգման կամ մերժման վերաբերյալ որոշում է ընդունում մինչև Թույլտվության գործողության ժամկետի ավարտը կամ Թույլտվության գործողության ժամկետը լրանալուց հետո առավելագույնը 15 օրվա ընթացքում:

41. Եթե Հայտը ներկայացվել է Թույլտվության գործողության կասեցման ժամանակահատվածում, ապա այն քննարկվում է միայն կասեցման վերացումից հետո:

 

Հավելված N 1 ՀՀ հանրային ծառայությունները կարգավորող հանձնաժողովի 2011 թվականի ապրիլի 13-ի N 169-Ն  որոշմամբ հաստատված կարգի

 

Տ Ե Ղ Ե Կ ՈՒ Թ Յ ՈՒ Ն Ն Ե Ր

 

ռադիոռելեային կապի գծերի ռադիոհաճախականությունների օգտագործման թույլտվություն ստանալու համար

 

Ընդհանուր տեղեկություններ

 

1. Հայտատու (ֆիզիկական անձի անունը, ազգանունը,  իրավաբանական անձի անվանումը)	_________________________________
2. Բանկային հաշվի համարը, բանկի անվանումը	_________________________________
3. Հարկ վճարողի հաշվառման համարը	_________________________________
4. Գտնվելու վայրը	_________________________________
5. Փոստային հասցեն	_________________________________
6. Հեռախոս, ֆաքս	_________________________________
7. Ռադիոռելեային կապի գծի  օգտագործման նպատակը	_________________________________
8. Ռադիոռելեային կապի գծի անվանումը	_________________________________

 

9. Ռադիոռելեային կապի գծերի կայանների տեղադրման վայրը, աշխարհագրական կոորդինատները և բարձրությունը ծովի մակերևույթից

 

Հ/հ	Ռադիոռելեային կապի գծի հատվածի անվանումը	Ռադիոռելեային կապի գծի կայանների տեղադրման վայրերը		Աշխարհագրական կոորդինատները		Բարձրությունը ծովի մակերևույթից (մ)
		կայան 1	կայան 2	կայան 1	կայան 2	կայան 1	կայան 2
1	2	3	4	5	6	7	8

10. Էլեկտրոնային հաղորդակցության բնագավառում գործունեության լիցենզիայի համարը և գործողության ժամկետը (առկայության դեպքում)

__________________________________________  (լրացվում է էլեկտրոնային հաղորդակցության  բնագավառում լիցենզավորված գործունեության դեպքում)

Տեխնիկական տվյալներ

 

11. Ռադիոռելեային կայանի տեսակը	________________________________________ (անալոգային, թվային)
12. Ռադիոհաճախականությունների տիրույթը (ՄՀց)	________________________________________

 

13. Պահանջվող ռադիոհաճախականությունները (ՄՀց)

 

Հ/հ	Ռադիոռելեային կապի գծի հատվածի անվանումը	Պահանջվող ռադիոհաճախականությունները (հաղորդման) (ՄՀց)
		կայան 1	կայան 2
1	2	3	4

 

14. Հաղորդչի հզորությունը, ճառագայթման դասը, թվային տեղեկատվության հաղորդման արագությունը

 

Հ/հ	Ռադիոռելեային կապի գծի հատվածի անվանումը	Հաղորդչի հզորությունը (Վտ)	Ճառագայթման դասը	Տեղեկատվության հաղորդման արագությունը (կԲիթ/վ)
1	2	3	4	5

 

15. Անտենայի տեսակը, բարձրությունը երկրի մակերևույթից, տրամագիծը, ուժեղացման գործակիցը

 

Հ/հ	Ռադիոռելեային կապի գծի հատվածի անվանումը	Անտենայի տեսակը		Բարձրությունը երկրի մակերևույթից (մ)		Անտենայի տրամագիծը (մ)		Ուժեղացման գործակիցը (դԲ)
		կայան 1	կայան 2	կայան 1	կայան 2	կայան 1	կայան 2	կայան 1	կայան 2
1	2	3	4	5	6	7	8	9	10

 

16. Ռադիոռելեային կապի կազմակերպման սխեման (նշել կայանների միջև հեռավորությունները և անտենաների ազիմուտները).

 

Հայտատու`

______________________________________________________________  (ստորագրություն, անուն, ազգանուն, պաշտոն)

 

«_____» ________________ 20  թվականի

Կ. Տ.

 

Հավելված N 2 ՀՀ հանրային ծառայությունները կարգավորող հանձնաժողովի 2011 թվականի ապրիլի 13-ի N 169-Ն  որոշմամբ հաստատված կարգի

Տ Ե Ղ Ե Կ ՈՒ Թ Յ ՈՒ Ն Ն Ե Ր

անլար հասանելիության լայնաշերտ ցանցի ռադիոհաճախականությունների օգտագործման թույլտվություն ստանալու համար

 

Ընդհանուր տեղեկություններ

 

1. Հայտատու (ֆիզիկական անձի անունը, ազգանունը,  իրավաբանական անձի անվանումը)	_________________________________
2. Բանկային հաշվի համարը, բանկի անվանումը	_________________________________
3. Հարկ վճարողի հաշվառման համարը	_________________________________
4. Գտնվելու վայրը	_________________________________
5. Փոստային հասցեն	_________________________________
6. Հեռախոս, ֆաքս	_________________________________
7. Ցանցի օգտագործման նպատակը	_________________________________
8. Էլեկտրոնային հաղորդակցության բնագավառում գործունեության լիցենզիայի համարը և  գործողության ժամկետը	_________________________________ (լրացվում է էլեկտրոնային հաղորդակցության  բնագավառում լիցենզավորված գործունեության դեպքում)

 

 Ընդհանուր տեղեկություններ ցանցի վերաբերյալ

 

9. Օգտագործվող սարքավորման տեխնիկական ստանդարտի անվանումը	___________________________________ (լրացվում է դրա առկայության դեպքում)
10. Ցանցի կազմակերպման տարածքը	___________________________________ (մարզ, քաղաք, բնակավայր)
11. Բազային կայանների քանակը	___________________________________

 

  Տեխնիկական տվյալներ

 

12. Ռադիոհաճախականությունների  տիրույթը (ՄՀց)	___________________________________
13. Ցանցի համար պահանջվող ռադիո- հաճախականությունների շերտը (ՄՀց)	___________________________________

14. Բազային կայանների տեղադրման վայրը, աշխարհագրական կոորդինատները, բարձրությունը ծովի մակերևույթից

 

Բազային կայանի հերթական համարը	Բազային կայանի  տեղադրման վայրը	Աշխարհագրական կոորդինատները		Բարձրությունը ծովի մակերևույթից (մ)
1	2	3	4	5	6

 

15. Պահանջվող ռադիոհաճախականությունները, հաղորդչի հզորությունը, ճառագայթման դասը, թվային տեղեկատվության հաղորդման արագությունը

 

Բազային կայանի հերթական համարը	Ռադիոհաճախա-կանությունը (ՄՀց)	Հաղորդչի հզորությունը (Վտ)	Ճառագայթման դասը	Տեղեկատվության հաղորդման արագությունը (կԲիթ/վ)
1	2	3	4	5

 

 16. Անտենաների տեսակը, բարձրությունը երկրի մակերևույթից, ուժեղացման գործակիցը, ճառագայթման ազիմուտը

 

Բազային կայանի հերթական համարը	Անտենայի տեսակը, սեկտորի բացվածքը (աստիճան)	Բարձրությունը երկրի մակերևույթից (մ)	Ուժեղացման գործակիցը (դԲ)	Ճառագայթման ազիմուտը (աստիճան)
1	2	3	4	5

 

Հայտատու`

______________________________________________________________  (ստորագրություն, անուն, ազգանուն, պաշտոն)

 

«_____» ________________ 20  թվականի

Կ. Տ.

 

Հավելված N 3 ՀՀ հանրային ծառայությունները կարգավորող հանձնաժողովի 2011 թվականի ապրիլի 13-ի N 169-Ն  որոշմամբ հաստատված կարգի

 

Տ Ե Ղ Ե Կ ՈՒ Թ Յ ՈՒ Ն Ն Ե Ր

 

շարժական ռադիոկապի ցանցի ռադիոհաճախականությունների օգտագործման թույլտվություն ստանալու համար

 

Ընդհանուր տեղեկություններ

 

1. Հայտատու (ֆիզիկական անձի անունը, ազգանունը,  իրավաբանական անձի անվանումը)	_________________________________
2. Բանկային հաշվի համարը, բանկի անվանումը	_________________________________
3. Հարկ վճարողի հաշվառման համարը	_________________________________
4. Գտնվելու վայրը	_________________________________
5. Փոստային հասցեն	_________________________________
6. Հեռախոս, ֆաքս	_________________________________
7. Ռադիոկապի օգտագործման նպատակը	_________________________________
8. Էլեկտրոնային հաղորդակցության բնագավառում գործունեության լիցենզիայի համարը և  գործողության ժամկետը (առկայության դեպքում)	_________________________________ (լրացվում է էլեկտրոնային հաղորդակցության  բնագավառում լիցենզավորված գործունեության դեպքում)

 

Ընդհանուր տեղեկություններ ռադիոկապի ցանցի վերաբերյալ

 

9. Օգտագործվող սարքավորման տեխնիկական ստանդարտի անվանումը	___________________________________ (լրացվում է դրա առկայության դեպքում)
10. Ռադիոկապի ցանցի կազմակերպման  տարածքը	___________________________________ (մարզ, քաղաք, բնակավայր)
11. Բազային (վերահաղորդիչ) կայանների քանակը	___________________________________
12. Պլանավորվող բաժանորդային ցանցի ծավալը  (բաժանորդների քանակը)	___________________________________

 

Տեխնիկական տվյալներ

 

13. Ռադիոհաճախականությունների  շերտերը (ՄՀց)	___________________________________ (ընդունման / հաղորդման)
14. Դուպլեքսային բաժանվածություն (ՄՀց)	___________________________________
15. Ցանցի համար պահանջվող ռադիոհաճախականությունների քանակը	___________________________________

 

16. Բազային (վերահաղորդիչ) կայանների տեղադրման վայրը, աշխարհագրական կոորդինատները, բարձրությունը ծովի մակերևույթից

 

Բազային կայանի հերթական համարը	Բազային (վերահաղորդիչ) կայանի տեղադրման վայրը (հասցեն)	Աշխարհագրական կոորդինատները		Բարձրությունը ծովի մակերևույթից (մ)
1	2	3	4	5	6

 

17. Պահանջվող ռադիոհաճախականությունները, հաղորդչի հզորությունը, ճառագայթման դասը, թվային տեղեկատվության հաղորդման արագությունը

 

Բազային կայանի հերթական համարը	Ռադիոհաճախա-կանությունը (ՄՀց)	Հաղորդչի հզորությունը (Վտ)	Ճառագայթման դասը	Տեղեկատվության հաղորդման արագությունը (կԲիթ/վ)
1	2	3	4	5

 

18. Անտենաների տեսակը, բարձրությունը երկրի մակերևույթից, ուժեղացման գործակիցը, ճառագայթման ազիմուտը

 

Բազային կայանի հերթական համարը	Անտենայի տեսակը, սեկտորի բացվածքը (աստիճան)	Բարձրությունը երկրի մակերևույթից (մ)	Ուժեղացման գործակիցը (դԲ)	Ճառագայթման ազիմուտը (աստիճան)
1	2	3	4	5

 

Հայտատու`

______________________________________________________________  (ստորագրություն, անուն, ազգանուն, պաշտոն)

 

«_____» ________________ 20  թվականի

Կ. Տ.

 

Հավելված N 4 ՀՀ հանրային ծառայությունները կարգավորող հանձնաժողովի 2011 թվականի ապրիլի 13-ի N 169-Ն  որոշմամբ հաստատված կարգի

 

Տ Ե Ղ Ե Կ ՈՒ Թ Յ ՈՒ Ն Ն Ե Ր

 

ամրակցված (շարժական) արբանյակային կապի երկրային կայանի ռադիոհաճախականությունների օգտագործման թույլտվություն ստանալու համար

 

Ընդհանուր տեղեկություններ

 

1. Հայտատու (ֆիզիկական անձի անունը, ազգանունը,  իրավաբանական անձի անվանումը)	_________________________________
2. Բանկային հաշվի համարը, բանկի անվանումը	_________________________________
3. Հարկ վճարողի հաշվառման համարը	_________________________________
4. Գտնվելու վայրը	_________________________________
5. Փոստային հասցեն	_________________________________
6. Հեռախոս, ֆաքս	_________________________________
7. Կապի կազմակերպման նպատակը	_________________________________
8. Էլեկտրոնային հաղորդակցության բնագավառում գործունեության լիցենզիայի համարը և  գործողության ժամկետը	_________________________________ (լրացվում է էլեկտրոնային հաղորդակցության  բնագավառում լիցենզավորված գործունեության դեպքում)

 

Տեխնիկական տվյալներ

 

9. Արբանյակային կապի երկրային կայանի տեղադրման վայրը, աշխարհագրական կոորդինատները, բարձրությունը ծովի մակերևույթից

 

Կայանի հերթական համարը	Արբանյակային կապի երկրային կայանի տեղադրման վայրը (հասցեն)	Աշխարհագրական կոորդինատները		Բարձրությունը ծովի մակերևույթից (մ)
1	2	3	4	5	6

 

10. Արբանյակային ցանցի անվանումը և տեղակայման կոորդինատները

 

Արբանյակային ցանցի անվանումը	Տեղակայման կոորդինատները
1	2	3

11. Ռադիոհաճախականությունների շերտերը (ՄՀց)

____________________________________________  (նշվում են հաճախությունների շերտերը հաղորդման/ընդունման)

12. Պահանջվող ռադիոհաճախականությունները, հաղորդչի հզորությունը, ճառագայթման դասը, թվային տեղեկատվության հաղորդման արագությունը

 

Կայանի հերթական համարը	Ռադիոհաճախականու-թյունները (ՄՀց)		Հաղորդչի հզորությունը (Վտ)	Ճառագայթման դասը	Տեղեկատվության հաղորդման արագությունը (կԲիթ/վ)
	հաղորդման	ընդունման
1	2	3	4	5	6

 

13. Անտենաների տեսակը, տրամագիծը, բարձրությունը երկրի մակերևույթից, ուժեղացման գործակիցը, ճառագայթման ազիմուտը, տեղի անկյունը

 

Կայանի հերթական համարը	Անտենայի տեսակը	Տրամա-գիծը (մ)	Բարձրությունը երկրի մակերևույթից (մ)	Ուժեղացման գործակիցը (դԲ)	Ճառագայթման ազիմուտը (աստիճան)	Տեղի անկյունը (աստիճան)
1	2	3	4	5	6	7

 

Հայտատու`

______________________________________________________________  (ստորագրություն, անուն, ազգանուն, պաշտոն)

 

«_____» ________________ 20  թվականի

Կ. Տ.

 

Հավելված N 5 ՀՀ հանրային ծառայությունները կարգավորող հանձնաժողովի 2011 թվականի ապրիլի 13-ի N 169-Ն  որոշմամբ հաստատված կարգի

 

Հ Ա Յ Տ Ա Ր Ա Ր ՈՒ Թ Յ ՈՒ Ն

 

____________________________________________________________________________________________ (Հայտատուի անվանումը)

_________________________  (օր, ամիս, տարի)

-ին հայտ է ներկայացրել Հայաստանի Հանրապետության հանրային

 

ծառայությունները կարգավորող հանձնաժողով` խնդրելով տրամադրել

 

_________________________________________________________________________________________  (աշխարհագրական տարածքը / քաղաքը, մարզը)

 

_________________________________________________________  (ռադիոհաճախականությունը (ռադիոհաճախականության հատվածը)

օգտագործման թույլտվություն:

 

Հայտի հետ կապված դիտողությունները և առաջարկությունները մինչև

_____________________     (օր, ամիս, տարի)

 

կարող են ներկայացվել Հայաստանի Հանրապետության հանրային ծառայությունները կարգավորող հանձնաժողովի հեռահաղորդակցության վարչություն` քաղաք Երևան, Սարյան 22, N 107 սենյակ:

 

Հավելված N 6 ՀՀ հանրային ծառայությունները կարգավորող հանձնաժողովի 2011 թվականի ապրիլի 13-ի N 169-Ն  որոշմամբ հաստատված կարգի

 

ԹՈՒՅԼՏՎՈՒԹՅԱՆ (ԹՈՒՅԼՏՎՈՒԹՅԱՆ ՊԱՅՄԱՆՆԵՐԻ) ՍՏԱՑՄԱՆ ԿՏՐՈՆ

 

Հայաստանի Հանրապետության հանրային ծառայությունները կարգավորող հանձնաժողովի

 

20 __ թվականի __________ «___» -ի N_____ որոշում

 

Էլեկտրոնային հաղորդակցության կապի տեսակը՝ ________________________________________

_______________________________________________________________________________________

 

Թույլտվության գրանցման ամսաթիվը	«___»_____________20__ թ.
Թույլտվության գրանցման համարը	N_________
Ստացված էջերի քանակը՝	________________

 

Տրված է՝

_________________________________________________________________________ (Թույլտվություն ստացող Անձի անվանումը)

 

_________________________________________________________________________________ (հասցեն, հեռախոսը, ֆաքսը, էլեկտրոնային փոստը)

_________________________________________________________________________________ (Թույլտվություն ստացող Անձի անունը, ազգանունը, անձնագրի կամ այն փոխարինող փաստաթղթի սերիան և համարը,

_________________________________________________________________________________ ում կողմից և երբ է տրված)

 

Թույլտվությունը ստացվել է՝

 

«____»________________20__ թվականի

___________________________________________     (Թույլտվություն ստացողի ստորագրությունը)