ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 նոյեմբերի 2009 թվականի N 1366-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԾԱՌԱՅՈՂԻՆ ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ՀԱՇՎԵՑՈՒՑԱԿԱՅԻՆ ԶԵՆՔ ԵՎ ՌԱԶՄԱՄԹԵՐՔ ՀԱՏԿԱՑՆԵԼՈՒ, ՀԱՏԿԱՑՎԱԾ ԶԵՆՔԸ ՊԱՀԵԼՈՒ ԵՎ ԿՐԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Ոստիկանության մասին» Հայաստանի Հանրապետության օրենքի 32-րդ հոդվածի 6-րդ մասով՝ Հայաստանի Հանրապետության կառավարությունը որոշում է.

(նախաբանը փոփ. 25.11.21 N 1926-Ն)

1. Սահմանել Հայաստանի Հանրապետության ոստիկանության ծառայողին պահելու և կրելու իրավունքով հաշվեցուցակային զենք և ռազմամթերք հատկացնելու, հատկացված զենքը պահելու և կրելու կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող oրվանից:

Հայաստանի Հանրապետության վարչապետ	Տ. Սարգսյան
2009 թ. դեկտեմբերի 3 Երևան

Հավելված ՀՀ կառավարության 2009 թվականի նոյեմբերի 26-ի N 1366-Ն որոշման

Կ Ա Ր Գ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԾԱՌԱՅՈՂԻՆ ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ՀԱՇՎԵՑՈՒՑԱԿԱՅԻՆ ԶԵՆՔ ԵՎ ՌԱԶՄԱՄԹԵՐՔ ՀԱՏԿԱՑՆԵԼՈՒ, ՀԱՏԿԱՑՎԱԾ ԶԵՆՔԸ ՊԱՀԵԼՈՒ ԵՎ ԿՐԵԼՈՒ

I. ԸՆԴՀԱՆՈՒՐ ԴՐՈՒՅԹՆԵՐ

1. Սույն կարգով կարգավորվում են Հայաստանի Հանրապետության ոստիկանության (այսուհետ` ոստիկանություն) ծառայողներին (բացառությամբ ոստիկանության զորքերի զինծառայողների) պահելու և կրելու իրավունքով հաշվեցուցակային զենք և ռազմամթերք (այսուհետ` զենք) հատկացնելու, հատկացված զենքը պահելու, կրելու և հանձնելու հետ կապված հարաբերությունները:

2. Ոստիկանության ծառայողին (այսուհետ` ծառայող) պահելու և կրելու իրավունքով հատկացվում է ոստիկանության սպառազինության մեջ ընդգրկված հաշվեցուցակային ատրճանակ:

3. Ծառայողին հատկացվող զենքի հետ միասին տրվում են համապատասխան հարմարանքներ` զենքը բացահայտ կամ քողարկված կրելու համար, ինչպես նաև` զենքի խնամքի համար նախատեսված պարագաներ:

4. Ոստիկանության բարձրագույն և գլխավոր պաշտոններ զբաղեցնող ծառայողներին` պահելու և կրելու իրավունքով զենք հատկացվում է նրանց պաշտոնի նշանակելու պահից:

5. Ոստիկանության ավագ, միջին և կրտսեր պաշտոններ զբաղեցնող ծառայողներին` պահելու և կրելու իրավունքով զենք հատկացնելու իրավունքը վերապահվում է ոստիկանության կառուցվածքային ստորաբաժանումների պետերին:

6. Պահելու և կրելու իրավունքով հատկացված զենքը ծառայողի կողմից գործադրվում (կիրառվում) և օգտագործվում է «Ոստիկանության մասին» Հայաստանի Հանրապետության օրենքով սահմանված դեպքերում և կարգով:

II. ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ԶԵՆՔ ՀԱՏԿԱՑՆԵԼՈՒ ՊԱՅՄԱՆՆԵՐԸ

7. Պահելու և կրելու իրավունքով զենք հատկացվում է Հայաստանի Հանրապետության ոստիկանության ուսումնական հաստատությունն ավարտած կամ հատուկ պատրաստություն կամ վերապատրաստում անցած` ոստիկանության ավագ, միջին և կրտսեր պաշտոններ զբաղեցնող այն ծառայողներին, ովքեր հանձնել են սույն կարգի 11-րդ կետով նախատեսված ստուգարքը: Ոստիկանության պարեկային ծառայություն իրականացնող ստորաբաժանման կազմում ոստիկանության ծառայության պաշտոններում նշանակված ծառայողներին պահելու և կրելու իրավունքով զենքը հատկացվում է առանց սույն կարգի 11-րդ կետով նախատեսված ստուգարքը հանձնելու, եթե կրթական ծրագրի շրջանակներում ծառայողները հաջողությամբ ավարտել են համարժեք կրակային պատրաստության դասընթացը։

(7-րդ կետը լրաց., փոփ. 25.11.21 N 1926-Ն)

8. Ստուգարքներն ընդունվում են ոստիկանության կառուցվածքային ստորաբաժանման պետի հրամանով ստեղծված մշտական գործող հանձնաժողովի կողմից (այսուհետ` հանձնաժողով):

 9. Հանձնաժողովի կազմում ընդգրկվում են`

1) հանձնաժողովի նախագահը` տվյալ ստորաբաժանման պետի տեղակալը.

2) հանձնաժողովի նախագահի տեղակալը` տվյալ ստորաբաժանման պետի հրամանով նշանակված կրակային պատրաստականության համար պատասխանատու ծառայողը.

3) հանձնաժողովի քարտուղարը:

10. Ստորաբաժանման պետի հրամանով հանձնաժողովի կազմում կարող են ընդգրկվել նաև տվյալ ստորաբաժանման ծառայությունների պետերը, սպառազինության համար պատասխանատու աշխատողներ:

11. Պահելու և կրելու իրավունքով զենք հատկացնելու համար ստուգարքն ընդունվում է` պարզելու համար ծառայողի`

1) զենքի նյութական մասի, մարտավարատեխնիկական բնութագրի, ինչպես նաև զենքի հետ վարվելու անվտանգության կանոնների իմացությունը.

2) զենքի գործադրման (կիրառման) և օգտագործման իրավական հիմքերը կանոնակարգող` Հայաստանի Հանրապետության օրենսդրական և այլ իրավական ակտերի իմացությունը.

3) կրակային պատրաստության Հրաձգության ուսումնական ծրագրով նախատեսված ստուգարքային գործնական վարժության կատարման ունակությունը:

III. ՊԱՀԵԼՈՒ ԵՎ ԿՐԵԼՈՒ ԻՐԱՎՈՒՆՔՈՎ ԶԵՆՔ ՀԱՏԿԱՑՆԵԼՈՒ ԿԱՐԳԸ

12. Ոստիկանության ավագ, միջին և կրտսեր պաշտոններ զբաղեցնող ծառայողներին զենք հատկացնելու համար հիմք է ծառայողի զեկուցագիրը` համաձայն N 1 ձևի, ուղղված ծառայության պետին` իր անմիջական պետի միջնորդությամբ:

13. Ստուգարքին մասնակցած և այն դրական հանձնած ծառայողի զեկուցագիրն ու հանձնաժողովի եզրակացությունը` համաձայն N 3 ձևի, ներկայացվում են տվյալ ստորաբաժանման սպառազինության համար պատասխանատու մարմին (անձին)` զենքը տվյալ ծառայողին հատկացնելու համար: Հանձնաժողովի եզրակացությունը գրանցվում է հաշվեցուցակային զենք հատկացնելու թույլտվությունների հաշվառման մատյանում` համաձայն N 2 ձևի, իսկ զենքը հատկացնելու վերաբերյալ ապրանքագիրը ներկայացվում է ծառայողի ծառայության վայրի (ստորաբաժանման) հերթապահ մաս` հատկացված զենքը հաշվառման վերցնելու համար:

14. Հաշվեցուցակային զենք հատկացնելու թույլտվությունների հաշվառման մատյանը վարում է հանձնաժողովի քարտուղարը: Այն կարվում և համարակալվում է Հայաստանի Հանրապետության ոստիկանության պետի 2005 թվականի փետրվարի 18-ի N 1-ՆԳ հրամանով սահմանված կարգով:

15. Պետական կառավարման այլ մարմիններ գործուղված ծառայողին զենք հատկացվում է գործուղման վայրի ղեկավարի հիմնավորված միջնորդագրի հիման վրա:

16. Գործուղված ծառայողի զեկուցագիրը և հիմնավորված միջնորդագիրը քննարկման համար ուղարկվում է ծառայողի հիմնական ծառայության վայր:

17. Պետական կառավարման այլ մարմիններ գործուղված ծառայողին պահելու և կրելու իրավունքով զենքը հատկացվում է, ինչպես նաև ծառայողի կողմից զենքի պահելու և կրելու կարգի պահպանման վերահսկողությունն իրականացվում է սույն կարգի համաձայն:

IV. ԶԵՆՔԸ ՊԱՀԵԼՈՒ ԵՎ ԿՐԵԼՈՒ ԿԱՐԳԸ

18. Պահելու և կրելու կամ ծառայության ընթացքում կրելու իրավունքով զենք ստացած ծառայողը պարտավոր է սարքին, անվտանգ և մաքուր պահել ստացած զենքը:

19. Զենքի կորուստը բացառելու նպատակով այն պետք է համապատասխան ամրակապով հուսալիորեն ամրացված լինի ծառայողի հագուստին:

20. Արգելվում է ծառայողի կողմից զենք կրելն առանց համապատասխան հարմարանքների (ատրճանակի պատյան, ամրակապ, ինքնաձիգի գոտի և այլն):

21. Զենքը ծառայողի բնակության վայրում պետք է պահվի փականով ամրացված պահարանում կամ արկղում` միջոցներ ձեռնարկելով զենքին այլ անձանց հասանելիությունը բացառելու համար:

22. Քաղաքացիական հագուստ կրող ծառայողը զենքը կրում է քողարկված:

23. Ծառայողին արգելվում է մերկացնել զենքը, փոխանցել այլ անձանց կամ թողնել առանց հսկողության` բացառությամբ Հայաստանի Հանրապետության օրենսդրությամբ սահմանված դեպքերի:

24. Ծառայողի` մարտական զենքով ծառայողական գործուղման մեկնելու դեպքում գործուղման վկայականում նշվում են զենքի տեսակը, համարը, արտադրության տարեթիվը, փամփուշտների թիվը և հաստատվում տվյալ ստորաբաժանման պետի կնիքով:

25. Հայաստանի Հանրապետության տարածքից դուրս ծառայողը զենքով գործուղվում է միջպետական պայմանագրերով սահմանված դեպքերում և կարգով:

26. Հայաստանի Հանրապետության տարածքում գործուղման դեպքում` ժամանման վայրում զենքն անվտանգ պահելու հնարավորության բացակայության դեպքում գործուղված ծառայողը զենքն ի պահ է հանձնում մոտակա ոստիկանության բաժնի հերթապահ մաս:

27. Ծառայողին հատկացված զենքի, դրա տեխնիկական վիճակի, ինչպես նաև հատուկ պարագաների առկայության նկատմամբ վերահսկողությունն իրականացվում է`

1) ծառայողի անմիջական պետի կողմից` յուրաքանչյուր շաբաթը մեկ անգամ` ծառայողի ծառայության մեջ գտնվելու ժամանակ.

2) տվյալ ստորաբաժանման պետի կողմից` յուրաքանչյուր եռամսյակը մեկ անգամ.

3) սպառազինության համար պատասխանատու մարմնի (անձի) կողմից` տարեկան մեկ անգամ.

4) համապատասխան պլան-առաջադրանքներով` ենթակա ստորաբաժանումներ գործուղված ոստիկանության կենտրոնական ապարատի սպառազինության համար պատասխանատու մարմնի (անձի) կողմից.

5) շարային ստուգատես անցկացնելու ժամանակ` ստուգատես անցկացնող անձի կողմից:

28. Այլ ստորաբաժանում տեղափոխվելու, ծառայությունից ազատվելու (պահեստազոր) դեպքերում ծառայողը պարտավոր է զենքը հանձնել ստորաբաժանման սպառազինության hամար պատասխանատու մարմին (անձին) կամ հերթապահ մաս:

29. Ծառայողն ստացիոնար բուժման, ուսման կամ արձակուրդ մեկնելիս, ինչպես նաև զենքը պահելու համար հուսալի պայմանների չապահովման դեպքում զենքը ժամանակավորապես ի պահ է հանձնում ստորաբաժանման հերթապահ մաս:

30. Ծառայողը, ստորաբաժանման պետի կարգադրությամբ, պարտավոր է զենքը հանձնել, եթե`

1) ծառայողի կողմից խախտվել են սույն կարգով նախատեսված զենքը պահելու և կրելու պայմանները.

2) ծառայողը ժամանակավորապես մեկուսացվել է ծառայողական պարտականությունների կատարումից.

3) ծառայողն ազատվել է ոստիկանությունում ծառայությունից.

4) ծառայողին արգելվել է զենք կրել` բժշկական եզրակացությամբ:

31. Ստորաբաժանման հերթապահ մաս կամ սպառազինության համար պատասխանատու մարմին հանձնած զենքի վերաբերյալ համապատասխան գրառում է կատարվում զենքի և հատուկ միջոցների հանձնման և ընդունման գրքում:

32. Զենքը գործադրելու և օգտագործելու, ինչպես նաև զենքը կորցնելու կամ փչացնելու դեպքերում ծառայողն անմիջապես զեկուցում է վերադասության կարգով և ձեռնարկում միջոցներ` զենքը վերանորոգելու, կորած զենքը որոնելու համար:

Հայաստանի Հանրապետության կառավարության աշխատակազմի ղեկավար

Դ. Սարգսյան

Ձև N 1

Հայաստանի Հանրապետության ոստիկանության

 _______________________________

(ստորաբաժանման անվանումը)

 _______________________________

(անունը, ազգանունը)

Հայաստանի Հանրապետության ոստիկանության

_______________________________

(սպառազինության հատկացման ստորաբաժանման անվանումը)

 _______________________________ 

(անունը, ազգանունը)

 Զ Ե Կ ՈՒ Ց Ա Գ Ի Ր

Խնդրում եմ Ձեր թույլտվությունը` պահելու և կրելու իրավունքով հաշվեցուցակային զենք ստանալու համար համապատասխան տեսական և գործնական ստուգարքներ հանձնելու համար:

Զենքի նյութական մասը, պահելու և կրելու կարգը, գործադրելու (կիրառելու) և օգտագործելու իրավական հիմքերն ուսումնասիրել եմ:

Հաշվեցուցակային զենքը պահելու անվտանգության պայմաններն աշխատավայրում և բնակության վայրում ապահովում եմ:

Տեղյակ եմ զենքի անօրինական գործադրման (կիրառման) կամ օգտագործման հետևանքների մասին:

 ________________________________

(պաշտոնը, հատուկ կոչումը)

 

___________	_____________
(ստորագրությունը)	(անունը, ազգանունը)

 _____ _______________ 200 թ.

«Միջնորդում եմ

հատկացնել հաշվեցուցակային զենք»

_________________________________

 (անմիջական պետի պաշտոնը, հատուկ կոչումը)

________________	________________
(ստորագրությունը)	(անունը, ազգանունը)

____ _______________ 200 թ.

(ձևը փոփ. 25.11.21 N 1926-Ն)

Ձև N 2

 Հ Ա Շ Վ Ա Ռ Մ Ա Ն  Մ Ա Տ Յ Ա Ն

ՀԱՇՎԵՑՈՒՑԱԿԱՅԻՆ ԶԵՆՔ ՀԱՏԿԱՑՆԵԼՈՒ ԹՈՒՅԼՏՎՈՒԹՅՈՒՆՆԵՐԻ

  Ձև N 3

«Թույլատրում եմ

 հատկացնել հաշվեցուցակային զենք»

 Հայաստանի Հանրապետության ոստիկանության

 _______________________________

(ստորաբաժանման անվանումը)

 _______________________________

(պետի կոչումը)

 

___________	______________
(ստորագրությունը)	(անունը, ազգանունը)

  ____ _______________ 200 թ.

Ե Զ Ր Ա Կ Ա Ց ՈՒ Թ Յ ՈՒ Ն  N _______

Հայաստանի Հանրապետության ոստիկանության _____________________________________

(ստորաբաժանման, ծառայության անվանումը)

__________________________________________________________

(պաշտոնը, կոչումը, անունը, ազգանունը)

հաշվեցուցակային զենք հատկացնելու վերաբերյալ

Հաշվեցուցակային զենքի նյութական մասի, մարտավարատեխնիկական բնութագրի, պահելու և կրելու անվտանգության, ինչպես նաև գործադրման (կիրառման) և օգտագործման իրավական հիմքերի վերաբերյալ ստուգարքը հանձնել է:

Հաշվեցուցակային զենքից հրաձգության ծրագրով նախատեսված N___ գործնական վարժությունը կատարել է:

Հանձնաժողովը որոշեց _______________________________-ին հատկացնել

 (անունը, ազգանունը)

__________________________________________________________

(նշվում է` պահելու և կրելու իրավունքով կամ ծառայության ընթացքում կրելու իրավունքով)

Հանձնաժողովի նախագահ ___________________________________

 (պաշտոնը, հատուկ կոչումը)

____________	________________
(ստորագրությունը)	(անունը, ազգանունը)

Հանձնաժողովի նախագահի տեղակալ _______________________________

 (պաշտոնը, հատուկ կոչումը)

____________	________________
(ստորագրությունը)	(անունը, ազգանունը)

Հանձնաժողովի անդամներ ___________________________________

 (պաշտոնը, հատուկ կոչումը)

 

____________	________________
(ստորագրությունը)	(անունը, ազգանունը)

Հանձնաժողովի քարտուղար ___________________________________

 (պաշտոնը, հատուկ կոչումը)

____________	________________
(ստորագրությունը)	(անունը, ազգանունը)

(ձևը փոփ. 25.11.21 N 1926-Ն)

(հավելվածը լրաց., փոփ. 25.11.21 N 1926-Ն)