ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ԱԼԱՎԵՐԴԻ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

«02» ՀՈՒՆԻՍԻ 2021 թվական, N 56-Ն

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի դրույթներով, «Նորմատիվ իրավական ակտերի մասին» Հայաստանի Հանրապետության օրենքի 23-րդ հոդվածի 5-րդ մասով, Հայաստանի Հանրապետության հողային օրենսգրքի 76-80-րդ հոդվածներով, Հայաստանի Հանրապետության կառավարության 12.04.2001թ. 286 որոշման 8-րդ հոդվածով, Ալավերդի համայնքի գլխավոր հատակագծին համապատասխան և հիմք ընդունելով համայնքի ղեկավարի առաջարկությունը՝ համայնքի ավագանին որոշում է.

1. Թույլատրել Ալավերդի համայնքի ղեկավարին՝ համայնքի սեփականություն հանդիսացող, Հաղպատ գյուղի վարչական տարածքում գտնվող, 06-060-0232-0033 ծածկագրով, 0.1772 հա մակերեսով գյուղատնտեսական նշանակության խոտհարքի նկատմամբ կայացնելու վարձակալության իրավունքի մրցույթ։

2. Հաստատել վարձակալության տարեկան մեկնարկային վճարը՝ 30000 /երեսուն հազար/ դրամ։

3. Սահմանել՝ մրցույթի մասնակցության վճար 15000 դրամ, քայլի չափ՝ մեկնարկային վճարի 5%-ի չափով։

4. Գյուղատնտեսական նշանակության հողամասը տրամադրվում է վարձակալության 25 (քսանհինգ) տարի ժամանակով։

5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը։

Համայնքի ավագանու անդամներ՝

ԿՈՂՄ

ԴԵՄ

ՁԵՌՆՊԱՀ

1.	Արթուր Դավթյան
2.	Կամո Երիցյան
3.	Արմեն Կարապետյան
4.	Սեյրան Հովհաննիսյան
5.	Հարություն Ձավարյան
6.	Լաուրա Մելիքսեթյան
7.	Սվետլանա Պետրոսյան
8.	Վալերի Վարոսյան

ՀԱՄԱՅՆՔԻ ՂԵԿԱՎԱՐ

Ս.Գ. ԽԵՉՈՒՄՅԱՆ

Պաշտոնական հրապարակման օրը՝ 12 օգոստոսի 2021 թվական: