ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

15 ապրիլի 2021 թվականի N 544-Ա

ՏԱՐԱԾՔՆԵՐ ՀԵՏ ՎԵՐՑՆԵԼՈՒ ԵՎ ԱՄՐԱՑՆԵԼՈՒ ՄԱՍԻՆ

Հիմք ընդունելով «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ, 6-րդ և 7-րդ մասերը՝ Հայաստանի Հանրապետության կառավարությունը որոշում է.

1. Պետական սեփականություն հանդիսացող տարածքները (այսուհետ՝ տարածքներ) հետ վերցնել համապատասխան պետական մարմիններից և ամրացնել Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնին՝ համաձայն հավելվածի:

2. Հայաստանի Հանրապետության քաղաքաշինության, տեխնիկական և հրդեհային անվտանգության տեսչական մարմնի ղեկավարին՝ սույն որոշումն ուժի մեջ մտնելուց հետո, երկամսյա ժամկետում, համապատասխան պետական մարմինների ղեկավարների հետ համատեղ, Հայաստանի Հանրապետության օրենսդրությամբ սահմանված կարգով իրականացնել սույն որոշման հավելվածում նշված տարածքների հանձնման-ընդունման աշխատանքները՝ հիմք ընդունելով տարածքների փաստացի վիճակը:

Հայաստանի Հանրապետության վարչապետ	Ն. Փաշինյան
Երևան

15.04.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2021 թվականի ապրիլի 15-ի N 544-Ա որոշման

Ց Ա Ն Կ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՇԻՆՈՒԹՅԱՆ, ՏԵԽՆԻԿԱԿԱՆ ԵՎ ՀՐԴԵՀԱՅԻՆ ԱՆՎՏԱՆԳՈՒԹՅԱՆ ՏԵՍՉԱԿԱՆ ՄԱՐՄՆԻՆ ԱՄՐԱՑՎՈՂ ՏԱՐԱԾՔՆԵՐԻ

NN ը/կ	Տարածքի հասցեն	Հարկը	Տարածքի տնօրինման լիազորությունն իրականացնող մարմինը	Տարածքի մակերեսը (քառ. մ)	Տարածքի սկզբնական կամ կադաստրային արժեքը (դրամ)
1.	ՀՀ Կոտայքի մարզ, քաղ. Աբովյան, Բարեկամության 2	2-րդ	ՀՀ Կոտայքի մարզպետարան	90.8	3 789 533 (կադաստրային)
2.	ՀՀ Լոռու մարզ, քաղ. Վանաձոր, Նժդեհի 14	3-րդ	ՀՀ քաղաքաշինության կոմիտե	59.4	4,998,566 (կադաստրային)
3.	ՀՀ Լոռու մարզ, քաղ. Վանաձոր, Նժդեհի 14	3-րդ	Վիճակագրական կոմիտե	19.05	1 246 483 (սկզբնական)

Հայաստանի Հանրապետության վարչապետի աշխատակազմի ղեկավար

Ա. Թորոսյան

15.04.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ