«Վավերացնում եմ»
Հայաստանի Հանրապետության
Նախագահ Ռ. Քոչարյան
 24 մայիսի 2005 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 ապրիլի 2005 թվականի N 562-Ն

ՊԵՏԱԿԱՆ ԳՈՒՅՔԻ ՀԱՇՎԱՌՄԱՆ ԵՎ ԳՐԱՆՑԱՄԱՏՅԱՆ ՎԱՐԵԼՈՒ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ԱՊՐԻԼԻ 12-Ի N 282 ՈՐՈՇՈՒՄԸ ՄԱՍՆԱԿԻՈՐԵՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2001 թվականի ապրիլի 12-ի «Պետական գույքի հաշվառման համակարգի ներդրումն ապահովող միջոցառումների մասին» N 282 որոշման 5-րդ կետով, ինչպես նաև պետական գույքի կառավարման արդյունավետությունը բարձրացնելու նպատակով Հայաստանի Հանրապետության կառավարությունը որոշում է.

1. Հաստատել պետական գույքի հաշվառման և գրանցամատյան վարելու կարգը՝ համաձայն հավելվածի:

2. Ուժը կորցրած ճանաչել Հայաստանի Հանրապետության կառավարության 2001 թվականի ապրիլի 12-ի «Պետական գույքի հաշվառման համակարգի ներդրումն ապահովող միջոցառումների մասին»
N 282 որոշման 3-րդ կետի «գ» ենթակետը և 4-րդ կետը:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Կ Ա Ր Գ

ՊԵՏԱԿԱՆ ԳՈՒՅՔԻ ՀԱՇՎԱՌՄԱՆ ԵՎ ԳՐԱՆՑԱՄԱՏՅԱՆ ՎԱՐԵԼՈՒ

1. Սույն կարգով կարգավորվում են պետական գույքի հաշվառման հետ կապված հարաբերությունները։

2. Սույն կարգի իմաստով պետական գույքի հաշվառում է համարվում պետական գույքի նկարագրությունը և տնօրինման լիազորությունների որոշակիությունը պետական գույքի հաշվառման գրանցամատյանում գրանցելը՝ պետական սեփականությունը հավաստող և տնօրինման և (կամ) օգտագործման համապատասխան լիազորություններ ունեցող մարմնին և (կամ) կազմակերպությանն ամրացնելու բնութագրիչների օգտագործմամբ։

3. Պետական հաշվառման օբյեկտներ են հանդիսանում`

ա) Հայաստանի Հանրապետության Նախագահի, օրենսդիր, գործադիր, դատական իշխանության մարմինների, դատախազության, Հայաստանի Հանրապետության մարզպետարանների, Երևանի քաղաքապետարանի, ինչպես նաև օրենքի հիման վրա ստեղծված` պետական կառավարչական գործառույթներ իրականացնող այլ պետական մարմինների (այսուհետ` պետական մարմին) ենթակայության պետական կառավարչական հիմնարկներին ու պետական ոչ առևտրային կազմակերպություններին ամրացված հիմնական միջոց հանդիսացող գույքը.

բ) իրավաբանական անձանց պետական սեփականություն հանդիսացող բաժնետոմսերը (բաժնեմասը):

4. Սույն կարգով հաշվառման ենթակա չէ այն պետական գույքը, որի մասին տեղեկությունները պետական գաղտնիք են:

5. Պետական գույքի հաշվառման գրանցամատյանը (այսուհետ՝ գրանցամատյան) թղթային և էլեկտրոնային կրիչների վրա պարունակվող տեղեկատվական համակարգ է, որը պարունակում է հաշվառման ենթակա օբյեկտների մասին միասնական մեթոդաբանական և ծրագրային-տեխնիկական սկզբունքներով կազմված տեղեկություններ։

6. Գրանցամատյանը վարում է Հայաստանի Հանրապետության կառավարությանն առընթեր պետական գույքի կառավարման վարչությունը՝ ապահովելով հաշվառման ենթակա օբյեկտների մասին տվյալների մուտքագրման անընդհատությունը և գրանցամատյանում պարունակվող տվյալների համադրելիությունը հաշվառման ու վերահսկման այլ տեղեկատվական համակարգերի տվյալների հետ։

7. Գրանցամատյանը պետք է պարունակի պետական հաշվառման օբյեկտների մասին ներկայացված տվյալները` 1,  2,  3,  3ա,  3բ  և  3գ ձևերի համաձայն:

8. Գրանցամատյանին կից պետք է պահվեն նաև նշված տեղեկություններին վերաբերող բոլոր համապատասխան փաստաթղթերի պատճենները։

9. Սույն կարգի 6-րդ կետում նշված գրանցամատյանը վարելու սկզբունքների ապահովման նպատակով`

ա) գրանցամատյանում ներառված տվյալները յուրաքանչյուր տարի պարտադիր կարգով թարմացվում են,

բ) գրանցամատյանում ներառված որևէ գույքի բնութագրիչների փոփոխության դեպքում տնօրինման (կառավարման) լիազորություններ ունեցող համապատասխան պետական կառավարչական հիմնարկը, պետական ոչ առևտրային կազմակերպությունը կամ ընկերությունը 10-օրյա ժամկետում պետք է դրա մասին տեղեկացնեն Հայաստանի Հանրապետության կառավարությանն առընթեր պետական գույքի կառավարման վարչությանը:

10. Պետական մարմինների ղեկավարները Հայաստանի Հանրապետության կառավարության 2005 թվականի ապրիլի 28-ի N 562-Ն որոշումն ուժի մեջ մտնելուց հետո մեկամսյա ժամկետում, իսկ այնուհետև` յուրաքանչյուր տարի մինչև ապրիլի 1-ը Հայաստանի Հանրապետության կառավարությանն առընթեր պետական գույքի կառավարման վարչություն են ներկայացնում`

ա) իրենց ենթակայության պետական կառավարչական հիմնարկների և պետական ոչ առևտրային կազմակերպությունների մասին տեղեկանքը` համաձայն N 1 ձևի,

բ) պետությանը սեփականության իրավունքով պատկանող բաժնետոմսեր (բաժնեմաս) ունեցող իրավաբանական անձանց մասին տեղեկանքը` համաձայն N 2 ձևի,

գ) իրենց ենթակայության պետական կառավարչական հիմնարկներին և պետական ոչ առևտրային կազմակերպություններին ամրացված հիմնական միջոցների մասին տեղեկանքները` համաձայն 3, 3ա, 3բ և 3գ ձևերի:

11. Հայաստանի Հանրապետության կառավարությանն առընթեր պետական գույքի կառավարման վարչությունը սույն կարգի 10-րդ կետում նշված ժամկետներում ներկայացված տեղեկություններն ստանալուց հետո`

ա) սահմանված կարգով դրանք գրանցում է պետական գույքի հաշվառման գրանցամատյանում,

բ) գրանցամատյանում գրանցված տեղեկությունների վերլուծության հիման վրա իրականացնում է ուսումնասիրություններ և մինչև յուրաքանչյուր տարվա հունիսի 1-ը Հայաստանի Հանրապետության կառավարություն է ներկայացնում առաջարկություններ հաշվառման օբյեկտների արդյունավետ կառավարման վերաբերյալ,

գ) պետական մարմինների ղեկավարների պահանջի դեպքում 10-օրյա ժամկետում գրանցամատյանից տրամադրում է անհրաժեշտ տեղեկություններ պետական հաշվառման օբյեկտների մասին:

Ձև N 1

Տ Ե Ղ Ե Կ Ա Ն Ք

________________ենթակայության պետական կառավարչական հիմնարկների և պետական
(պետական մարմնի անվանումը)

ոչ առևտրային կազմակերպությունների մասին

Ձև N 2

Տ Ե Ղ Ե Կ Ա Ն Ք

ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ԲԱԺՆԵՏՈՄՍԵՐ (ԲԱԺՆԵՄԱՍ) ՈՒՆԵՑՈՂ ԻՐԱՎԱԲԱՆԱԿԱՆ ԱՆՁԱՆՑ ՄԱՍԻՆ

________________________________________________________________________
(պետական սեփականություն հանդիսացող բաժնետոմսերի (բաժնեմասի) կառավարման լիազորություններն իրականացնող պետական մարմնի անվանումը)

 * Եթե պետական սեփականություն հանդիսացող բաժնետոմսերի (բաժնեմասերի) կառավարման իրավունքը վերապահված է մեկից ավելի պետական կառավարման մարմինների, ապա ծանոթագրության մեջ նշել նրանց անվանումները և մասնաբաժինների տոկոսը:

Ձև N 3 

Ա Մ Փ Ո Փ  Տ Ե Ղ Ե Կ Ա Ն Ք

Ձև N 3ա

Տ Ե Ղ Ե Կ Ա Ն Ք

(լրացվում է յուրաքանչյուր շենքի, շինության և անավարտ շինարարության համար առանձին)

Ձև N 3 բ 

 Տ Ե Ղ Ե Կ Ա Ն Ք

Ձև N 3 գ 

 Տ Ե Ղ Ե Կ Ա Ն Ք