ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 հուլիսի 2015 թվականի N 732-Ա

ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ «Հ ԵՎ Տ ՀԱԿՈԲՅԱՆՆԵՐ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ 200 ՄԻԼԻՈՆ ԴՐԱՄԸ ԳԵՐԱԶԱՆՑՈՂ ԱՊՐԱՆՔՆԵՐԻ ՆԵՐՄՈՒԾՄԱՆ ԴԵՊՔՈՒՄ ՄԱՔՍԱՅԻՆ ՄԱՐՄԻՆՆԵՐԻ ԿՈՂՄԻՑ ՀԱՇՎԱՐԿՎԱԾ ԱՎԵԼԱՑՎԱԾ ԱՐԺԵՔԻ ՀԱՐԿԻ ԳՈՒՄԱՐՆԵՐԻ ՎՃԱՐՄԱՆ ԺԱՄԿԵՏԸ ՄԻՆՉԵՎ ԵՐԵՔ ՏԱՐԻ ԺԱՄԿԵՏՈՎ ՀԵՏԱՁԳԵԼՈՒ ՄԱՍԻՆ

Հիմք ընդունելով «Ավելացված արժեքի հարկի մասին» Հայաստանի Հանրապետության օրենքի 6.1-ին հոդվածը և ղեկավարվելով Հայաստանի Հանրապետության կառավարության 2011 թվականի օգոստոսի 4-ի N 1119-Ն որոշման պահանջներով` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության սահմանած կարգով ընտրված «Հ և Տ Հակոբյաններ» սահմանափակ պատասխանատվությամբ ընկերության կողմից իրականացվող ներդրումային ծրագրի շրջանակներում 2015 թվականի հունիսի 15-ից մինչև 2016 թվականի հունիսի 30-ը ներառյալ ներմուծվող 200 միլիոն դրամը գերազանցող արժեքով ապրանքների` համաձայն հավելվածի, մաքսային մարմինների կողմից հաշվարկվող ավելացված արժեքի հարկի վճարման ժամկետը գործում է ներմուծման հայտարարագրման օրվանից հաշված 3 տարի ժամկետով:

2. Հայաստանի Հանրապետության էկոնոմիկայի նախարարին` ապահովել «Հ և Տ Հակոբյաններ» սահմանափակ պատասխանատվությամբ ընկերության հետ Հայաստանի Հանրապետության կառավարության 2011 թվականի օգոստոսի 4-ի N 1119-Ն որոշման 1-ին կետի 3-րդ ենթակետով հաստատված` ներդրումային ծրագրի իրականացման ակնկալվող արդյունքների և մոնիթորինգի համակարգի մասին համապատասխան պայմանագրի կնքումը:

3. Սահմանել, որ սույն որոշման հավելվածում նշված են ապրանքների նախնական արժեքները:

Հայաստանի Հանրապետության վարչապետ	Հ. Աբրահամյան
2015 թ. հուլիսի 6 Երևան

Հավելված ՀՀ կառավարության 2015 թվականի հուլիսի 2-ի N 732-Ա որոշման

Ց Ա Ն Կ

«Հ ԵՎ Տ ՀԱԿՈԲՅԱՆՆԵՐ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆԿՈՂՄԻՑ ՆԵՐՄՈՒԾՎՈՂ ԱՊՐԱՆՔՆԵՐԻ

NN ը/կ	ԱՏԳ ԱԱ-ի ծածկագիրը	Անվանումը	Չափի միավորը	Քանակը	Ծագման/արտահանման երկիրը	Արժեքը (դրամ)
1.	8438	Եփման արտադրամասի կենտրոնական վահանակ	հատ	1	Սլովակիա	168,670,000
2.	8402	Եփման կաթսա` գոլորշով տաքացվող (12 հկլ.)	կգ	900	Սլովակիա	7,994,000
3.	8402	Եփման կաթսա` գոլորշով տաքացվող (50 հկլ.)	կգ	2350	Սլովակիա	17,740,000
4.	8438	Ածիկի մանրիչ	հատ	1	Սլովակիա	1,202,500
5.	8438	Ածիկի մանրիչ	հատ	1	Սլովակիա	1,198,800
6.	7309	Մանրիչի տարողություն 1500 կգ ժամ	կգ	400	Սլովակիա	4,511,700
7.	7310	Մանրիչի տարողություն 600 կգ ժամ	կգ	275	Սլովակիա	1,679,400
8.	8428	Շնեկային փոխադրիչ SD 125	հատ	1	Սլովակիա	5,308,000
9.	8428	Շնեկային փոխադրիչ SD 75	հատ	1	Սլովակիա	2,937,500
10.	8413	Շարժական պոմպ	հատ	1	Սլովակիա	901,000
11.	8418	Սառնարան	հատ	1	Սլովակիա	48,583,800
12.	7310	Սառը ջրի տարողություն	կգ	2700	Սլովակիա	7,562,000
13.	7307	Մոնտաժի մասերի (կցամասերի) հավաքածու	կգ	5400	Սլովակիա	11,429,000
14.	8477	Շիշ փչող մեքենա	հատ	1	Ավստրիա	51,300,000
15.	8414	Օդի կոմպրեսոր	հատ	1	Ավստրիա	27,000,000
16.	8422	Ունիվերսալ լցման և խցանավորման մեքենա	հատ	1	Ավստրիա	40,500,000
17.	8422	Պիտակավորման մեքենա (PET շշի համար 3000 հատ ժամ)	հատ	1	Ավստրիա	12,690,000
18.	8428	Պնևմատիկ փոխադրիչ շշերի համար (PET օդով)	հատ	1	Ավստրիա	13,500,000
19.	8428	Փոխադրիչային համակարգ շշերի համար (ժապավենային)	հատ	1	Ավստրիա	15,120,000
20.	8422	Ջերմոնստվածքի փաթեթավորում	հատ	1	Բուլղարիա	6,588,000
21.	8422	Շշերի լվացման մեքենա	հատ	1	Գերմանիա	24,300,000
22.	8422	Շշերի լցման մեքենա	հատ	1	Գերմանիա	35,100,000
23.	8422	Պտուտակավոր խցաններով շշերի խցանավորման մեքենա	հատ	1	Չեխիա	26,352,000
24.	8422	Պիտակավորման մեքենա (ապակե շշի համար 12000 հատ ժամ)	հատ	1	Գերմանիա	15,876,000
25.	8428	Արկղերի փոխադրիչ	հատ	1	Գերմանիա	13,500,000
26.	8428	Շշերի ավտոմատ փոխադրիչ	հատ	1	Գերմանիա	16,200,000
27.	8422	Տակառների լցման համակարգ	հատ	1	Գերմանիա	22,680,000
28.	8421	Գարեջրի զտիչ	հատ	1	Գերմանիա	32,000,000
Ընդամենը						632,423,700

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան