040.01.49.13.03.99

 

«Վավերացնում եմ»
Հայաստանի Հանրապետության
Նախագահ Ռ. Քոչարյան
13 մարտի 1999 թ.

 

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

13 մարտի 1999 թվականի N 149
քաղ. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՆԱԿԱՎԱՅՐԵՐԻ ՋՐԱՄԱՏԱԿԱՐԱՐՄԱՆ ԵՎ ՋՐԱՀԵՌԱՑՄԱՆ ԲՆԱԳԱՎԱՌԻ ԳՈՐԾՈՒՆԵՈՒԹՅԱՆ ԲԱՐԵԼԱՎՄԱՆ ՄԻՋՈՑԱՌՈՒՄՆԵՐԻ ՄԱՍԻՆ

Համաձայն Հայաստանի Հանրապետության կառավարության 1999 թվականի հունվարի 21-ի «Հայաստանի Հանրապետության բնակավայրերի ջրամատակարարման և ջրահեռացման համակարգերում կառուցվածքային բարեփոխումների իրականացման միջոցառումների մասին» N 33 որոշման` Հայաստանի Հանրապետության կառավարությունը որոշում է.

1. Հաստատել «Հայջրմուղկոյուղի» փակ բաժնետիրական ընկերության կողմից համայնքների գույքի անհատույց օգտագործման օրինակելի պայմանագրի ձևը (N 1 ձևը կցվում է):

2. Հաստատել «Հայջրմուղկոյուղի» փակ բաժնետիրական ընկերության և «Ջրմուղ-կոյուղի» պետական փակ բաժնետիրական ընկերության կողմից աբոնենտների հետ կնքվող ջրամատակարարման և ջրահեռացման օրինակելի պայմանագրերի (բնակչության մասով` նաև գրքույկի) ձևերը (NN 2 և 3 ձևերը կցվում են):

3. Հաստատել Հայաստանի Հանրապետության ջրամատակարարման և ջրահեռացման համակարգերից օգտվելու կանոնները (կցվում է):

4. Սահմանել, որ`

ա) համաձայն Հայաստանի Հանրապետության ջրամատակարարման և ջրահեռացման համակարգերից օգտվելու կանոնների` ծառայությունները բոլոր աբոնենտներին մատուցվում են միայն ջրաչափերի առկայության դեպքում: Այս կապակցությամբ սույն դրույթը կիրառվում է`

Հայաստանի Հանրապետության իրավաբանական անձանց և բյուջետային հիմնարկների մասով` 1999 թվականի հուլիսի 1-ից:

Ջրաչափերը ձեռք բերվում և սահմանված կարգով տեղադրվում են աբոնենտների միջոցների հաշվին:

Բյուջետային հիմնարկներում ջրաչափերի ձեռքբերման և սահմանված կարգով տեղադրման աշխատանքներն իրականացվում են այդ հիմնարկների 1999 թվականի պահպանման ծախսերի նախահաշիվներով սահմանված միջոցների հաշվին,

անհատական (առանձնատնային) բնակարանային սեկտորում` 1999 թվականի նոյեմբերի 1-ից:

Ջրաչափերը ձեռք բերվում և սահմանված կարգով տեղադրվում են աբոնենտների միջոցների հաշվին:

Ընտանեկան նպաստների համակարգում ընդգրկված ընտանիքների համար ջրաչափերի ձեռքբերման և տեղադրման աշխատանքներն իրականացվում են ջրմուղ-կոյուղու ընկերությունների կողմից` համաձայն Հայաստանի Հանրապետության սոցիալական ապահովության նախարարության ներկայացրած ցուցակների: Ծախսերը նշված ընտանիքների կողմից փոխհատուցվում է 5 տարվա ընթացքում` մարումը երկրորդ տարվանից սկսելու պայմանով:

Նշված ցուցակներում չընդգրկված ընտանիքները մինչև 1999 թվականի մայիսի 1-ը կարող են դիմել համապատասխան ջրմուղ-կոյուղու ընկերությանը` 6 ամսվա ընթացքում (տարաժամկետ վճարման սկզբունքով) ջրաչափերի ձեռքբերման և տեղադրման համար,

բազմաբնակարան շենքերի մուտքագծերում` 1999 թվականի նոյեմբերի 1-ից:

Ջրաչափերի ձեռքբերման և տեղադրման աշխատանքներն իրականացնում են ջրմուղ-կոյուղու ընկերությունները` բնակիչների կողմից ծախսերը 6 ամսվա ընթացքում տարաժամկետ փոխհատուցվելու պայմանով, բացառությամբ ընտանեկան նպաստների համակարգում ընդգրկված ընտանիքների` համաձայն Հայաստանի Հանրապետության սոցիալական ապահովության նախարարության ներկայացրած ցուցակների: Նշված ընտանիքների կողմից ծախսերը փոխհատուցվում են 5 տարվա ընթացքում` մարումը երկրորդ տարվանից սկսելու պայմանով,

ընդհանուր օգտագործման ջրածորակով ջրամատակարարվող բնակավայրերում (թաղամասերում)` 1999 թվականի նոյեմբերի 1-ից:

Ջրաչափերի ձեռքբերման և տեղադրման աշխատանքներն իրականացնում են ջրմուղ-կոյուղու ընկերությունները:

Վարձավճարների հաշվարկները կատարվում են ջրաչափի ցուցմունքը բաժանելով ծորակից օգտվող բնակիչների թվի վրա.

բ) «Հայջրմուղկոյուղի» փակ բաժնետիրական ընկերության և «Ջրմուղ-կոյուղի» պետական փակ բաժնետիրական ընկերության կողմից ջրամատակարարման և ջրահեռացման ծառայությունների դիմաց վարձավճարների հաշվարկներն իրականացվում են սահմանված կարգով հաստատված սակագների և ջրաչափերի ցուցմունքների համաձայն: Ջրաչափերը կապարակնքվում են Հայաստանի Հանրապետության կառավարությանն առընթեր ստանդարտացման, չափագիտության և սերտիֆիկացման վարչության կամ դրա լիազորած մարմինների միջոցով:

Սույն որոշման 4-րդ կետի «ա» ենթակետով սահմանված աբոնենտների համար ջրաչափերի տեղադրման ժամկետները լրանալուց հետո ջրմուղ-կոյուղու ընկերությունների ծառայությունների մատուցումը դադարեցվում է:

Ջրամատակարարման և ջրահեռացման ծառայությունների մատուցումը կարող է վերականգնվել ներանցման խողովակի թողունակությամբ (ջրի շարժման 1,5 մ/վրկ արագությամբ և ջրամատակարարման փաստացի ռեժիմի տևողությամբ) հաշվարկված ջրաքանակի վարձի վճարման դեպքում:

Բազմաբնակարան շենքերի բնակարաններում, քաղաքացիների մասով, ջրամատակարարման և ջրահեռացման ծառայությունների դիմաց վարձավճարների հաշվարկները կատարվում են Հայաստանի Հանրապետության ջրամատակարարման և ջրահեռացման համակարգերից օգտվելու կանոնների համաձայն:

Ջրաչափ չունեցող բնակարաններում ջրամատակարարման և ջրահեռացման ծառայությունների դիմաց վարձավճարների հաշվարկման համար հիմք են հանդիսանում համապատասխան իրավասու մարմինների կողմից տրված տեղեկանքները` բնակարաններում հաշվառված բնակիչների թվի մասին:

Բազմաբնակարան շենքերում ջրամատակարարման և ջրահեռացման ծառայությունները կարող են մատուցվել նաև համատիրությունների միջոցով` կամավորության սկզբունքով: Այս դեպքում աբոնենտների հետ կնքվում է իրավաբանական անձանց համար նախատեսված` սույն որոշմամբ հաստատված պայմանագիր (N 3 ձև):

Ծառայությունների դիմաց վարձավճարների հաշվարկները կատարվում են շենքերի ներանցումներով տեղադրված ջրաչափերի ցուցմունքների համաձայն:

Համատիրության անդամների միջև համապատասխան վարձավճարների չափը սահմանված կարգով որոշում է համատիրությունը.

գ) մինչև ջրաչափերի տեղադրման սահմանված ժամկետների լրանալը վարձավճարների հաշվարկները կատարվում են ջրամատակարարման և ջրահեռացման ծառայությունների դիմաց վարձավճարների վճարման համար սահմանված գործող կարգով:

5. Հայաստանի Հանրապետության սոցիալական ապահովության նախարարությանը` 10-օրյա ժամկետում Հայաստանի Հանրապետության քաղաքաշինության նախարարությանը և Երևանի քաղաքապետարանին տրամադրել ընտանեկան նպաստների համակարգում ընդգրկված ընտանիքների ցուցակը` ըստ հասցեների:

6. Հայաստանի Հանրապետության ֆինանսների և էկոնոմիկայի նախարարությանը` համաձայն Հայաստանի Հանրապետության քաղաքաշինության նախարարության և Երևանի քաղաքապետարանի հիմնավորումների, մեկամսյա ժամկետում Հայաստանի Հանրապետության կառավարություն սահմանված կարգով ներկայացնել առաջարկություններ ընտանեկան նպաստների համակարգում ընդգրկված ընտանիքների համար` 5 տարվա, իսկ մյուսների համար` 6 ամսվա տարաժամկետ վճարումներով ջրաչափերի ձեռքբերման և տեղադրման աշխատանքների ֆինանսավորման աղբյուրների վերաբերյալ:

7. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության քաղաքաշինության նախարարությանը` 10-օրյա ժամկետում Հայաստանի Հանրապետության կառավարություն ներկայացնել համայնքների համապատասխան ընկերությունների դեբիտորական ու կրեդիտորական պարտքերի գույքագրման, փոխադարձ հաշվարկների կատարման և «Հայջրմուղկոյուղի» փակ բաժնետիրական ընկերության հաշվեկշռին հաշվեգրման կարգը:

8. Հայաստանի Հանրապետության քաղաքաշինության նախարարությանը` մինչև 1999 թվականի ապրիլի 1-ը Հայաստանի Հանրապետության տարածքային կառավարման և օպերատիվ հարցերի նախարարի հետ համատեղ ապահովել «Հայջրմուղկոյուղի» փակ բաժնետիրական ընկերության կողմից ջրմուղ-կոյուղու համայնքային ընկերությունների հիմնական միջոցների օգտագործման ընդունումը` համաձայն սույն որոշմամբ հաստատված փոփոխության օրինակելի պայմանագրի (N 1 ձև):

9. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության քաղաքաշինության նախարարությանը`

ա) մինչև 1999 թվականի մայիսի 1-ը ապահովել «Հայջրմուղկոյուղի» փակ բաժնետիրական ընկերության հաշվեկշռին համայնքային ընկերությունների դեբիտորական և կրեդիտորական պարտքերի գույքագրումն ու պարտավորությունների հաշվեգրումը և ավարտել Համաշխարհային բանկի «Սատաք-1» (SATAC-1) վարկային ծրագրի շրջանակներում նախատեսված «Հայջրմուղկոյուղի» փակ բաժնետիրական ընկերության ֆինանսական համակարգի համալիր ուսումնասիրությունները.

բ) մինչև 1999 թվականի հուլիսի 1-ը Երևանի քաղաքապետարանի հետ համատեղ Հայաստանի Հանրապետության կառավարություն սահմանված կարգով ներկայացնել առաջարկություն ջրամատակարարման և ջրահեռացման բնագավառում դեբիտորական և կրեդիտորական պարտքերի ապակառուցվածքավորումից բխող օրենսդրական կարգավորում պահանջող հարցերի վերաբերյալ:

10. Հայաստանի Հանրապետության ֆինանսների և էկոնոմիկայի նախարարությանը` մինչև 1999 թվականի հուլիսի 1-ը շահագրգիռ կողմերի հետ համատեղ Հայաստանի Հանրապետության կառավարություն սահմանված կարգով ներկայացնել ջրամատակարարման և ջրահեռացման համակարգերի հիմնական միջոցների վերագնահատման մասին օրենքի նախագիծ:

11. Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության քաղաքաշինության նախարարությանը`

ա) մինչև 1999 թվականի հոկտեմբերի 1-ը Հայաստանի Հանրապետության օրենսդրությամբ սահմանված կարգով ապահովել ընկերության հիմնական ֆոնդերի գույքագրումն ու վերագնահատումը.

բ) Հայաստանի Հանրապետության տնտեսական և կառուցվածքային բարեփոխումների նախարարի հետ համատեղ միջոցներ ձեռնարկել «Հայջրմուղկոյուղի» փակ բաժնետիրական ընկերությունում իրականացվող հաշվապահական հաշվառումը միջազգային հաշվապահական ստանդարտներին անցնելու համար.

գ) մինչև 1999 թվականի դեկտեմբերի 31-ը Հայաստանի Հանրապետության կառավարություն սահմանված կարգով ներկայացնել առաջարկություններ ջրամատակարարման և ջրահեռացման համակարգերում ջրի նորմատիվային կորուստների հաստատման ու ջրմուղ-կոյուղու ծառայությունների 2000 թվականի սակագների և հետագա տարիների համար դրանց կանխատեսումների վերաբերյալ.

դ) 2000 թվականին Հայաստանի Հանրապետության կառավարություն սահմանված կարգով ներկայացնել «Ջրամատակարարման և ջրահեռացման մասին» Հայաստանի Հանրապետության օրենքի նախագիծը և բնագավառի զարգացման բիզնես-ծրագիրը:

12. Սահմանել, որ «Հայջրմուղկոյուղի» փակ բաժնետիրական ընկերության տարեկան հաշվետվությունները (1999 թվականի և հետագա տարիների) հրապարակվելուց առաջ ենթակա են հաշվեքննության (աուդիտի):

13. Հայաստանի Հանրապետության նախարարություններին, գերատեսչություններին, Հայաստանի Հանրապետության մարզպետներին, Երևանի քաղաքապետին`

ա) ապահովել ենթակա բյուջետային հիմնարկների կողմից ջրի սպառումը Հայաստանի Հանրապետության 1999 թվականի պետական բյուջեով համապատասխան բյուջետային հիմնարկների համար նախատեսված ամսական սահմանաքանակներում.

բ) ջրի սպառման սահմանաքանակները գերազանցած բյուջետային հիմնարկների ղեկավար անձանց Հայաստանի Հանրապետության օրենսդրության համաձայն ենթարկել վարչական կամ նյութական պատասխանատվության.

գ) մեկամսյա ժամկետում Հայաստանի Հանրապետության կառավարություն ներկայացնել ձեռնարկված միջոցների մասին հաշվետվություն` նպատակ ունենալով ստեղծել ջրի խնայողության և սահմանաքանակների գերազանցումը կանխարգելող գործուն մեխանիզմներ:

14. Ընդունել ի գիտություն և ի ղեկավարություն, որ`

ա) սույն որոշումն ուժի մեջ մտնելուց հետո ջրամատակարարման և ջրահեռացման կազմակերպությունների պաշտոնատար անձանց և անձնակազմերին արգելվում է բյուջետային հիմնարկների 1999 թվականի տարեկան սահմանաքանակների սպառվելու դեպքում շարունակել դրանց ջրամատակարարումը.

բ) բյուջետային հիմնարկներին ջրի սպառման տարեկան սահմանաքանակից ավելի ջրամատակարարումը կարող է թույլատրվել ֆինանսավորման այլ աղբյուրներից կատարվող կանխավճարների սահմաններում կամ Հայաստանի Հանրապետության կառավարության որոշումներով Հայաստանի Հանրապետության ֆինանսների և էկոնոմիկայի նախարարության կողմից համապատասխան ֆինանսավորում ապահովելու դեպքում:

15. Սույն որոշումն ուժի մեջ է մտնում 1999 թվականի մարտի 13-ից:

 

Հայաստանի Հանրապետության վարչապետ

Ա. Դարբինյան

 

Հաստատված է ՀՀ կառավարության 1999 թվականի  մարտի 13-ի N 149 որոշմամբ

 

Ձև 1

 

ԳՈՒՅՔԻ ԱՆՀԱՏՈՒՅՑ ՕԳՏԱԳՈՐԾՄԱՆ ՕՐԻՆԱԿԵԼԻ ՊԱՅՄԱՆԱԳԻՐ

 

____ __________ 1999 թ.

քաղաք (գյուղ)_____________

 

____________ համայնքը, ի դեմս համայնքի ղեկավար ______________, որը գործում է համայնքի ավագանու 199  թ. N  որոշման համաձայն և հետագայում կոչվելու է փոխատու, և մյուս կողմից «Հայջրմուղկոյուղի» փակ բաժնետիրական ընկերությունը, ի դեմս տնօրեն __________, որը գործում է ընկերության կանոնադրության համաձայն և հետագայում կոչվելու է փոխառու` Հայաստանի Հանրապետության քաղաքացիական օրենսգրքի և Հայաստանի Հանրապետության կառավարության 1999 թվականի _____ որոշման պահանջներին համապատասխան կնքեցինք սույն պայմանագիրը հետևյալի մասին.

 

ՊԱՅՄԱՆԱԳՐԻ ԱՌԱՐԿԱՆ

 

1. Սույն պայմանագրով փոխատուն պարտավորվում է սեփականության իրավունքով իրեն պատկանող գույքը հանձնել փոխառուի անհատույց ժամանակավոր օգտագործմանը, իսկ վերջինս պարտավորվում է այդ գույքը վերադարձնել նույն վիճակում` հաշվի առնելով դրա բնական մաշվածքը:

 

ԿՈՂՄԵՐԻ ԻՐԱՎՈՒՆՔՆԵՐՆ ՈՒ ՊԱՐՏԱԿԱՆՈՒԹՅՈՒՆՆԵՐԸ

 

2. Փոխատուն պարտավորվում է`

ա) փոխառուին անհատույց օգտագործման հանձնել սեփականության իրավունքով իրեն պատկանող ջրմուղ-կոյուղու ցանցերը, օրվա կարգավորման ջրամբարները, պոմպակայանները, սարքավորումները, շենքերը, շինությունները, մեքենամեխանիզմները և այլն (այսուհետև` գույք)` համաձայն հանձնման-ընդունման ակտի:

Նշված գույքի հետ փոխառուին են հանձնվում նրանց բոլոր պատկանելիքները և դրանց վերաբերող փաստաթղթերը (տեխնիկական անձնագրեր, նախագծեր հատակագծեր, սխեմաներ և այլն):

Անհատույց օգտագործման հանձնվող գույքի արժեքի, դրանց տեխնիկական բնութագրերի, մաշվածության աստիճանի և թերությունների, ինչպես նաև գույքի սեփականության իրավունքի մասին փաստաթղթերի պատճենները կցվում են պայմանագրի հավելվածին.

բ) սույն պայմանագիրն ուժի մեջ մտնելու օրվանից 5 օրվա ընթացքում սույն պայմանագրում նշված գույքը համապատասխան ակտով հանձնել փոխառուի տնօրինությանը.

գ) ջրամատակարարման և ջրահեռացման գործունեությունից առաջացած դեբիտորական և կրեդիտորական պարտքերը համապատասխան փաստաթղթերով և փոխադարձ ակտերով հանձնել փոխառուին` դրա հաշվեկշռում հաշվեգրելու համար.

դ) փոխառուին նախօրոք տեղեկացնել փոխատվության տրված գույքն այլ ֆիզիկական կամ իրավաբանական անձանց սեփականությանն անցնելու մասին.

ե) չխոչընդոտել փոխառուին անհատույց օգտագործման հանձնված գույքը սույն պայմանագրով սահմանված գործունեության համար օգտագործելիս.

զ) ամենայն օգնություն ցույց տալ փոխառուին, եթե այլ ֆիզիկական կամ իրավաբանական անձինք խախտում կամ ոտնահարում են փոխառուի սույն պայմանագրով սահմանված իրավունքները.

է) իր իրավունքների սահմաններում օգնել փոխառուին համապատասխան մարմիններից ստանալ գույքի վերակառուցման, նորոգման կամ օգտագործման համար անհրաժեշտ թույլտվություններ, հատակագծեր, նախագծեր և այլ փաստաթղթեր, որոնց ստացման բոլոր ծախսերը կատարելու է փոխառուն.

ը) սույն պայմանագրի ժամկետը լրանալուց հետո 10-օրյա ժամկետում համապատասխան ակտով ընդունել գույքն այն վիճակով ինչ վիճակով հանձնվել է անհատույց օգտագործման` հանած բնական մաշվածքը:

3. Փոխատուն հայտնում է, որ գույքն անհատույց օգտագործման հանձնելու պահին սույն պայմանագրով հանձնվող գույքը գրավ չի դրված, չի դրված որևէ այլ կազմակերպության հիմնադիր (կանոնադրական) կապիտալում կամ դրա ամբողջության կամ մի մասի տնօրինման, տիրապետման և օգտագործման նկատմամբ դատական կամ այլ սահմանափակումներ, ինչպես նաև սերվիտուտներ չեն սահմանված, ինչպես նաև որևէ այլ վեճի առարկա չեն հանդիսանում, ինչպես նաև պահպանվել է գույքն անհատույց օգտագործման հանձնելու համար սահմանված կարգը: 

4. Փոխառուն պարտավորվում է`

ա) անհատույց օգտագործման վերցված գույքն օգտագործելիս պահպանել սահմանված սանիտարական, բնապահպանական և Հայաստանի Հանրապետության օրենսդրությամբ սահմանված այլ նորմեր.

բ) գույքը վերանորոգել կամ այլ շինարարական աշխատանքներ կատարել` սահմանված կարգով.

գ) սույն պայմանագրի ժամկետը լրանալու օրվանից 10-օրյա ժամկետում համապատասխան ակտով գույքը հանձնել փոխատուին այն վիճակով ինչ ընդունվել է` հանած բնական մաշվածքը.

դ) անհատույց օգտագործման հանձնված գույքը պահպանել սարքին վիճակում, իր հաշվին կատարել դրա հիմնական ու ընթացիկ վերանորոգումը և կատարել գույքի պահպանման բոլոր ծախսերը:

5. Փոխառուն իրավունք ունի`

ա) անհատույց օգտագործման հանձնված գույքն օգտագործելու ջրամատակարարման և ջրահեռացման նպատակների համար.

բ) ջրամատակարարման և ջրահեռացման համակարգերից օգտվելու կանոնների համաձայն տալու տեխնիկական պայմաններ.

գ) փոխատուից պահանջելու վերացնել բոլոր այն թերություններն ու բացթողումները, որոնք խանգարում են փոխառուին իրականացնել իր իրավունքները, եթե այդ թերություններն ու բացթողումները հնարավոր են վերացնել, և եթե դրանց վերացման աշխատանքների կատարումը դրված է փոխատուի վրա կամ, եթե դրանք միայն փոխատուն է իրավասու վերացնել.

դ) սույն պայմանագրի ժամկետը լրանալու կամ պայմանագիրը վաղաժամկետ լուծելու դեպքում հանելու (վերցնելու) իր կողմից տարածքի վրա կատարված բաժանելի բարելավումները և տարածքը փոխատուին վերադարձնելու այն վիճակով, ինչ վիճակով ընդունվել է` հանած բնական մաշվածքը.

ե) անհատույց օգտագործման համար ստացված գույքը հանձնելու երրորդ անձի օգտագործմանը միայն փոխատուի համաձայնությամբ` պատասխանատու մնալով փոխատուի առջև:

6. Փոխատուն իրավունք ունի`

ա) փոխառուից պահանջելու գույքն օգտագործել սույն պայմանագրով սահմանված նպատակներով.

բ) փոխառուի ներկայացուցչի հետ միասին ստուգելու գույքի օգտագործման պայմանները:

7. Փոխառուն պարտավորվում է անմիջապես սույն պայմանագիրն ստորագրելուց հետո կատարել սույն պայմանագրի գրանցման հետ կապված բոլոր պահանջները: Սույն կետով նշված աշխատանքների կատարման հետ կապված բոլոր ծախսերն իրականացնում է փոխառուն:

 

ԱՆՀԱՏՈՒՅՑ ՕԳՏԱԳՈՐԾՄԱՆ ՀԱՆՁՆՎԱԾ ԳՈՒՅՔԻ ԲԱՐԵԼԱՎՈՒՄՆԵՐԸ

 

8. Անհատույց օգտագործման հանձնված գույքից փոխառուի կատարած բաժանելի բարելավումները համարվում են նրա սեփականությունը:

9. Եթե փոխառուն իր միջոցների հաշվին և փոխատուի համաձայնությամբ կատարել է հանձնված գույքից անբաժանելի բարելավումներ` առանց դրան վնաս պատճառելու, ապա պայմանագիրը դադարելուց հետո փոխառուն իրավունք ունի ստանալու հատուցում այդ բարելավումների արժեքի չափով:

10. Փոխառուի կողմից առանց փոխատուի համաձայնության անհատույց օգտագործման հանձնված գույքից կատարված անբաժանելի բարելավումների արժեքը չի հատուցվում, եթե օրենքով այլ բան չի նախատեսված:

 

ԿՈՂՄԵՐԻ ՊԱՏԱՍԽԱՆԱՏՎՈՒԹՅՈՒՆԸ

 

11. Փոխատուն պատասխանատվություն է կրում գույքի այն թերությունների համար, որոնք նա դիտավորությամբ չի մատնանշել գույքի անհատույց օգտագործման պայմանագիր կնքելիս:

Նման թերություններ հայտնաբերելիս փոխառուն իրավունք ունի փոխատուից իր ընտրությամբ պահանջելու անհատույց վերցնել գույքի թերությունները կամ հատուցել գույքի թերությունները վերացնելու համար իր ծախսերը, կամ վաղաժամկետ լուծել պայմանագիրը և հատուցելու իր կրած վնասը:

12. Փոխատուն, որը ծանուցվել է փոխառուի պահանջների կամ գույքի թերությունները փոխատուի հաշվին վերացնելու նրա մտադրության մասին, կարող է այդ գույքն անհապաղ փոխարինել պատշաճ վիճակում գտնվող այլ նմանօրինակ գույքով:

13. Փոխատուն պատասխանատվություն չի կրում գույքի այն թերությունների համար, որոնք ինքը նշել է պայմանագիրը կնքելիս, կամ որոնք նախապես հայտնի են եղել փոխառուին, կամ պետք է հայտնաբերվեին փոխառուի կողմից պայմանագիրը կնքելիս, կամ գույքը հանձնելու ժամանակ այն զննելիս կամ դրա սարքին լինելն ստուգելիս:

14. Փոխատուն պատասխանատվություն է կրում գույքի օգտագործման հետևանքով երրորդ անձին պատճառած վնասի համար, եթե չի ապացուցում, որ վնասը դիտավորությամբ պատճառել է փոխառուն կամ այն անձը, որի մոտ այդ գույքը հայտնվել է փոխատուի համաձայնությամբ:

15. Կողմերն ազատվում են սույն պայմանագրով նախատեսված պարտավորությունները մասնակի կամ լրիվ չկատարելու համար նախատեսված պատասխանատվությունից, եթե պարտավորությունների մասնակի կամ լրիվ չկատարումը հանդիսացել է այնպիսի հանգամանքների հետևանքով, որոնք առաջացել են սույն պայմանագիրը կնքելուց հետո, և որոնք` կողմը հնարավոր բոլոր միջոցներով չէր կարող ոչ կանխատեսել և ոչ էլ կանխել: Այդպիսի հանգամանքներն են` տարերային աղետները, պատերազմը, ռազմական գործողությունները, շրջափակումները և այլն:

Նշված հանգամանքների առաջացման ժամանակ մի կողմը պարտավոր է դրանց մասին 10 օրվա ընթացքում գրավոր տեղյակ պահել մյուս կողմին:

16. Փոխառուն կրում է անհատույց օգտագործման հանձնված գույքի պատահական կորստի կամ պատահական վնասվածքի ռիսկը, եթե գույքը ոչնչացվել կամ վնասվել է պայմանագրին կամ գույքի նշանակությանն անհամապատասխան օգտագործվելու հետևանքով, կամ այն առանց փոխատուի համաձայնության հանձնվել է երրորդ անձի:

 

ՊԱՅՄԱՆԱԳՐԻ ՎԱՂԱԺԱՄԿԵՏ ԼՈՒԾՈՒՄԸ

 

17. Սույն պայմանագիրը կարող է ժամկետից շուտ (վաղաժամկետ) լուծվել`

ա) փոխատուի կողմից, եթե փոխառուն`

- գույքն օգտագործել է պայմանագրին կամ գույքի նշանակությանն անհամապատասխան,

- չի կատարել գույքը պահպանելու իր պարտականությունները,

- էականորեն վատթարացրել է գույքի վիճակը,

- առանց փոխատուի համաձայնության գույքը հանձնել է երրորդ անձի.

բ) փոխառուի կողմից, եթե`

- հայտնաբերվել են այնպիսի թերություններ, որոնք գույքի բնականոն օգտագործումը դարձնում են անհնար, որոնց մասին ինքը չգիտեր և չէր կարող իմանալ պայմանագիրը կնքելիս,

- գույքը դարձել է օգտագործման համար ոչ պիտանի այնպիսի հանգամանքների ուժով, որոնց համար ինքը պատասխանատվություն չի կրում,

- պայմանագիրը կնքելիս փոխատուն նրան չի զգուշացրել հանձնվող գույքի նկատմամբ երրորդ անձի իրավունքների մասին,

- փոխատուն չի կատարել գույքը կամ դրա պատկանելիքները և դրան վերաբերող փաստաթղթերը հանձնելու իր պարտականությունը:

18. Կողմերը չեն կարող հրաժարվել գույքի անհատույց օգտագործման պայմանագրից:

19. Սույն պայմանագիրը դադարում է փոխառուի լուծարմամբ:

 

ԵԶՐԱՓԱԿԻՉ ԴՐՈՒՅԹՆԵՐ

 

20. Փոխատուն իրավունք ունի գույքն օտարելու երրորդ անձի: Ընդ որում, նախկինում կնքված գույքի անհատույց օգտագործման պայմանագրով նախատեսված իրավունքներն անցնում են նոր սեփականատիրոջը, իսկ գույքը մնում է փոխառուի իրավունքներով ծանրաբեռնված:

21. Փոխատուի վերակազմակերպման դեպքում գույքի անհատույց օգտագործման պայմանագրով փոխատուի իրավունքները և պարտականություններն անցնում են իրավահաջորդին:

22. Փոխառուի վերակազմակերպման դեպքում նրա իրավունքները և պարտականությունները գույքի անհատույց օգտագործման պայմանագրով անցնում են նրա իրավահաջորդին:

23. Սույն պայմանագրից ծագող վեճերը լուծվում են փոխադարձ համաձայնությամբ, իսկ անհամաձայնության դեպքում` Հայաստանի Հանրապետության օրենքով սահմանված կարգով:

24. Պայմանագիրը կնքված է 1999 թ. ______ -ին:

25. Սույն պայմանագիրը` անշարժ գույքի մասով, ենթակա է նոտարական վավերացման, իսկ պայմանագրից ծագող իրավունքները պետական գրանցման, և ուժի մեջ է մտնում գրանցման պահից ու գործում է մինչև 2010 թվականի դեկտեմբերի 31-ը:

26. Պայմանագրի գործողության ժամկետը համարվում է երկարաձգված, եթե պայմանագրային ժամկետի ավարտից առնվազն երեք ամիս առաջ կողմերից որևէ մեկը չի դիմել մյուսին այն դադարեցնելու կամ վերանայելու մասին:

27. Սույն պայմանագիրը կնքված է երկու հավասարազոր օրինակից յուրաքանչյուր կողմին մեկական օրինակ:

28. Տեղեկությունները, որոնք տվյալ պայմանագրին համապատասխան, համարվում են ճիշտ կերպով ուղարկված, եթե ստացվում են այն հասցեներով կամ այն ֆաքսի համարներով և նշված է լինում այն անձի անունը, որը սահմանված է պայմանագրում (կամ այն ուրիշ հասցեով կամ ֆաքսի համարով և այն ուրիշ անձի անունով, որի մասին ստացողը տեղեկացրել է հակառակ կողմին սույն կետի համաձայն):

29. Սույն պայմանագրում նշված դրույթները կարող են մեկնաբանվել միայն կողմերի կողմից` Հայաստանի Հանրապետության քաղաքացիական օրենսգրքով նորմատիվ ակտերի մեկնաբանման համար սահմանված կարգով:

 

ԿՈՂՄԵՐԻ ԻՐԱՎԱԲԱՆԱԿԱՆ ՀԱՍՑԵՆԵՐՆ ԵՆ

 

ՓՈԽԱՏՈՒ

ՓՈԽԱՌՈՒ

 

Հաստատված է ՀՀ կառավարության 1999 թվականի  մարտի 13- ի N 149 որոշմամբ

 

Ձև 2

 

ՋՐԱՄԱՏԱԿԱՐԱՐՄԱՆ ԵՎ ՋՐԱՀԵՌԱՑՄԱՆ ՕՐԻՆԱԿԵԼԻ ՊԱՅՄԱՆԱԳԻՐ

 

(քաղաքացիների համար)

 

__ _______ թ.

___________

 

______________________________________փակ բաժնետիրական ընկերությունը

ջրամատակարարման և ջրահեռացման ընկերության անվանումը)

(այսուհետև` ընկերություն) ի դեմս_____________________

(մասնաճյուղը, տեղամասը)

 

տնօրեն _______________________________________________________

(անունը, ազգանունը)

 ղեկավարվելով ընկերության կանոնադրությամբ և Հայաստանի Հանրապետության օրենսդրությամբ, և_______________________________________________________

(քաղաքացու հասցեն, անունը, ազգանունը)

(այսուհետև` աբոնենտ), ղեկավարվելով Հայաստանի Հանրապետության օրենսդրությամբ` կնքեցին սույն պայմանագիրը հետևյալի մասին.

 

1. ՊԱՅՄԱՆԱԳՐԻ ԱՌԱՐԿԱՆ

 

1.1. Ընկերությունն իր ջրամատակարարման համակարգին միացված ցանցի միջոցով աբոնենտին մատակարարում է խմելու որակի ջուր (այսուհետև` ջուր) և իր ջրահեռացման համակարգով հեռացնում և մաքրում է կենցաղային կեղտաջրերը:

1.2. Ջրամատակարարման և ջրահեռացման համակարգերից օգտվելու կանոնների համաձայն (այսուհետև` կանոններ) աբոնենտն օգտագործում է մատակարարված ջուրը, կենցաղային կեղտաջրերը լցնում ջրահեռացման համակարգ և պայմանագրում նշված ժամկետում ու նախատեսված կարգով վճարում` Հայաստանի Հանրապետության օրենսդրությամբ սահմանված սակագներով:

 

2. ԿՈՂՄԵՐԻ ՊԱՐՏԱՎՈՐՈՒԹՅՈՒՆՆԵՐԸ

 

2.1. Կողմերը պարտավորվում են ղեկավարվել Հայաստանի Հանրապետության օրենսդրությամբ, կանոններով և սույն պայմանագրով:

2.2. Ընկերությունը պարտավորվում է`

ա) ապահովել աբոնենտի ամենօրյա ջրամատակարարումը (հաստատված ժամանակացույցով) և աբոնենտից իր տնօրինության տակ գտնվող ջրահեռացման համակարգ ընդունել կենցաղային կեղտաջրերը.

բ) պահպանել կողմերի տնօրինության տակ գտնվող ջրամատակարարման համակարգերի սահմանազատման տեղում մատակարարվող ջրի որակը` ըստ գործող ստանդարտների պահանջների, և ապահովել կենցաղային կեղտաջրերի հեռացումն ու մաքրումը.

գ) իր համակարգում տեղի ունեցած վթարների և խցանումների մասին անհապաղ տեղեկացնել աբոնենտին և ամենասեղմ ժամկետում վերացնել դրանք, եթե ընդհատումը պայմանավորված չէ կանոններով թույլատրվող դադարեցումներով.

դ) ջրի և կենցաղային կեղտաջրերի հեռացման ու մաքրման սակագների փոփոխման դեպքում 15 օր առաջ զանգվածային լրատվության միջոցներով տեղեկացնել աբոնենտին.

ե) աբոնենտի միջոցների հաշվին կատարել նրա ջրաչափի տեղադրման և ներբնակարանային ցանցերի նորոգման աշխատանքներ.

զ) աբոնենտի պահանջի դեպքում ներկայացնել ջրի որակի երաշխիք:

2.3. Աբոնենտը պարտավորվում է`

ա) մատակարարված ջրի և կենցաղային կեղտաջրերի հեռացման ու մաքրման վարձը վճարել վճարային փաստաթղթերը ներկայացվելուց 10 օրվա ընթացքում.

բ) չխոչընդոտել ընկերության լիազորած ներկայացուցչի մուտքն իր տարածք ջրաչափի ցուցմունքների գրառման, կանոնների համաձայն շահագործման վիճակը համատեղ ուսումնասիրելու և ստուգումներ կատարելու համար.

գ) ջրի չմատակարարման, կենցաղային կեղտաջրերի չհեռացման կամ դրանց ոչ պատշաճ կատարման, ջրաչափական հանգույցի անսարքության, կապարակնիքների խախտման, ինչպես նաև ջրի որակի նկատմամբ կասկածներ առաջանալու դեպքում անհապաղ տեղեկացնել ընկերությանը:

Ջրի չմատակարարման, կենցաղային կեղտաջրերի չհեռացման կամ դրանց ոչ պատշաճ կատարման ժամանակն ու պատճառները որոշվում են ընկերության և աբոնենտի միջև կազմված երկկողմանի ակտով.

դ) ապահովել իր տնօրինության տակ գտնվող ջրամատակարարման և ջրահեռացման ցանցերի, սարքերի ու սարքավորումների պահպանությունը և դրանց շահագործումը:

 

3. ՀԱՇՎԱՌՄԱՆ ԿԱՐԳԸ

 

3.1. Աբոնենտին մատակարարված ջրի քանակը հաշվառվում է ընկերության և աբոնենտի տնօրինության տակ գտնվող ջրամատակարարման համակարգի սահմանազատման կետում` աբոնենտի ջրաչափի ցուցմունքի համաձայն:

3.2. Ջրաչափի բացակայության, ընկերության կողմից հայտնաբերված անսարքության կամ կապարակնիքների խախտման դեպքում մատակարարված ջրի քանակը հաշվարկվում է ներանցման խողովակի թողունակությամբ` ջրի շարժման 1,5 մ/վրկ արագության և ջրամատակարարման փաստացի ռեժիմի տևողության պայմանով` հաշված վերջին փոխադարձ հաշվարկների օրվանից մինչև խախտման վերացումը:

3.3. Ծախսված ջրի, ջրահեռացման համակարգ բաց թողնված կենցաղային կեղտաջրերի քանակների հաշվառման ժամանակահատված է համարվում հաշվարկային ամիսը:

3.4. Աբոնենտից ջրահեռացման համակարգ լցվող կենցաղային կեղտաջրերի քանակը, ըստ կանոնների, հավասար է մատակարարված ջրերի քանակին:

 

4. ՎՃԱՐՄԱՆ ԿԱՐԳԸ

 

4.1. Աբոնենտին մատակարարված ջրի և կենցաղային կեղտաջրերի հեռացման ու մաքրման վարձի վճարումը կատարվում է պայմանագրում նշված սակագներով: Վարձավճարը մուծվում է________________________________________________

(բանկի բաժանմունքի կամ այլ մարմնի անվանումը)

Պայմանագրի կնքման պահից գործում են հետևյալ սակագները`

մեկ խոր. մ մատակարարվող ջրի համար`	_____ դրամ.
մեկ խոր. մ հեռացվող և մաքրվող կենցաղային կեղտաջրերի համար`	_____ դրամ:

 

4.2. Հայաստանի Հանրապետության օրենսդրությամբ սահմանված կարգով փոփոխված սակագների կիրառումը պարտադիր է կողմերի համար:

 

5. ԼՐԱՑՈՒՑԻՉ ՊԱՅՄԱՆՆԵՐ

 

_________________________________________________________________________

_________________________________________________________________________ _________________________________________________________________________ _________________________________________________________________________ _________________________________________________________________________

 

6. ԿՈՂՄԵՐԻ ՊԱՏԱՍԽԱՆԱՏՎՈՒԹՅՈՒՆԸ

 

6.1. Սույն պայմանագրի պարտավորությունները չկատարելու դեպքում չկատարած կողմը պարտավոր է մյուս կողմին հատուցել պատճառած վնասը` Հայաստանի Հանրապետության օրենսդրությամբ սահմանված կարգով:

6.2. Սույն պայմանագրի կատարման ընթացքում կողմերի միջև ծագած վեճերը կարող են լուծվել բանակցությունների միջոցով, որը չի սահմանափակում կողմերի` վեճերը դատական կարգով լուծելու իրավունքը:

 

 7. ՊԱՅՄԱՆԱԳՐԻ ԳՈՐԾՈՂՈՒԹՅԱՆ ԺԱՄԿԵՏԸ

 

7.1. Սույն պայմանագիրն ուժի մեջ է մտնում և կողմերի համար պարտադիր է դառնում կնքելու պահից ու գործում է անժամկետ, եթե աբոնենտը ժամկետ չի առաջարկում:

7.2. Աբոնենտը կարող է միակողմանի լուծել պայմանագիրը` դրա մասին ընկերությանը տեղեկացնելու և օգտագործված ջրի ու հեռացված կենցաղային կեղտաջրերի համար ամբողջությամբ վճարելու պայմանով:

7.3. Պայմանագրի փոփոխումը և լուծումը կատարվում է Հայաստանի Հանրապետության օրենսդրությամբ սահմանված կարգով:

Պայմանագրի գործողության ժամկետի ավարտը կամ դրա լուծումը կողմերին չի ազատում մինչ այդ պայմանագիրը խախտելու համար պատասխանատվությունից:

 

8. ՊԱՐՏՔԵՐԻ ՄԱՍԻՆ

 

8.1 Պայմանագրի կնքման պահին աբոնենտն ընկերությանը պարտք է ________հազ. դրամ, որը պարտավորվում է մարել մինչ ___________________________________________________________________________

Սույն պայմանագիրը կնքված է երկու օրինակից, յուրաքանչյուր կողմի համար մեկական օրինակ:

 

ԸՆԿԵՐՈՒԹՅՈՒՆ	ԱԲՈՆԵՆՏ
_____________________	_____________________
_____________________	_____________________
_____________________	_____________________

 

Կ. Տ.

 

 

________________ՓԲԸ

 ______ բանկի հ/հ_________

 

 

Ծանուցագիր N ____

Աբոնենտ N

 

 խմելու ջրի առք ու վաճառքի և ջրահեռացման վարձերի վճարման

Աբոնենտ ________________________________________________________

(ազգանունը, անունը)

Հասցեն __________________________________________________________

 

Վճարումը կատարվում է ______ թ. _________ ամսվա համար

 

Ջրաչափի ցուցմունքը (անձերի թիվը)		Անվանումը	Քանակը (խոր. մ)	Սակագինը (դրամ)	Գումարը (դրամ)	Վճարողի ստորագրությունը
նախորդ	վերջին	Ջուր
		կեղտաջուր
Վճարման ենթակա ընդհանուր գումարը
Գումարը` բառերով
Գանձապահ

 

________________ՓԲԸ

 ______ բանկի հ/հ_________

 

Անդորրագիր N ____

Աբոնենտ N

 

խմելու ջրի առք ու վաճառքի և ջրահեռացման վարձերի վճարման

Աբոնենտ ________________________________________________________

(ազգանունը, անունը)

Հասցեն __________________________________________________________

 

Վճարումը կատարվում է ______ թ. _________ ամսվա համար

 

Ջրաչափի ցուցմունքը (անձերի թիվը)		Անվանումը	Քանակը (խոր. մ)	Սակագինը (դրամ)	Գումարը (դրամ)	Վճարողի ստորագրությունը
նախորդ	վերջին	Ջուր
		Կեղտաջուր
Վճարման ենթակա ընդհանուր գումարը
Գումարը` բառերով
Գանձապահ

 

 

Աբոնենտ N (Քաղաքացիների վարձավճարի գանձման գրքույկ)

 

N ________

Աբոնենտ ________________________________________________________

(ազգանունը, անունը)

Հասցեն ________________________________________________________________ _____________________________________________________________________

 

Վարձավճարի հաշվարկի փոփոխությունները

 

Ամսաթիվը	Հիմքը	Ճշտված ամսական գումարը	Ստորագրությունը

 

Հաստատված է ՀՀ կառավարության 1999 թվականի  մարտի 13-ի N 149 որոշմամբ

 

Ձև 3

 

ՋՐԱՄԱՏԱԿԱՐԱՐՄԱՆ ԵՎ ՋՐԱՀԵՌԱՑՄԱՆ

ՕՐԻՆԱԿԵԼԻ ՊԱՅՄԱՆԱԳԻՐ

 

 (իրավաբանական անձանց համար)

 

____ __________  թ.

____________

 

______________________________________փակ բաժնետիրական ընկերությունը

(ջրամատակարարման և ջրահեռացման ընկերության անվանումը)

 

(այսուհետև` ընկերություն), ի դեմս________________________________________

(մասնաճյուղը, տեղամասը)

տնօրեն ______________________________________________________________

(անունը, ազգանունը)

 

ղեկավարվելով ընկերության կանոնադրությամբ և Հայաստանի Հանրապետության օրենսդրությամբ, և__________________________________________________________________ ___________________________________________________________________

(իրավաբանական անձի անվանումը)

(այսուհետև` աբոնենտ) ի դեմս _______________________________________________ ___________________________________________________________________

(պաշտոնը, անունը, ազգանունը)

 

ղեկավարվելով Հայաստանի Հանրապետության օրենսդրությամբ` կնքեցին սույն պայմանագիրը հետևյալի մասին.

 

1. ՊԱՅՄԱՆԱԳՐԻ ԱՌԱՐԿԱՆ

 

1.1. Ընկերությունն իր ջրամատակարարման համակարգին միացված ցանցի միջոցով աբոնենտին մատակարարում է խմելու որակի ջուր (այսուհետև` ջուր) և իր ջրահեռացման համակարգով հեռացնում ու մաքրում կեղտաջրերը:

1.2. Աբոնենտը ջրամատակարարման և ջրահեռացման համակարգերից օգտվելու կանոնների համաձայն (այսուհետև` կանոններ) օգտագործում է մատակարարված ջուրը, կեղտաջրերը լցնում ջրահեռացման համակարգ և պայմանագրում նշված ժամկետում ու նախատեսված կարգով վճարում է Հայաստանի Հանրապետության օրենսդրությամբ սահմանված սակագներով:

 

2. ԿՈՂՄԵՐԻ ՊԱՐՏԱՎՈՐՈՒԹՅՈՒՆՆԵՐԸ

 

2.1. Կողմերը պարտավորվում են ղեկավարվել Հայաստանի Հանրապետության օրենսդրությամբ, կանոններով և սույն պայմանագրով:

2.2. Ընկերությունը պարտավորվում է`

ա) ապահովել աբոնենտի ամենօրյա ջրամատակարարումը (եթե պայմանագրով սահմանված չէ այլ ժամանակացույց) ____հազ. խոր. մ/տասնօրյակ, ____ հազ. խոր. մ/ամիս, ____ հազ. խոր. մ/տարի.

բ) աբոնենտից իր տնօրինության տակ գտնվող ջրահեռացման համակարգ ընդունել կոմունալ-կենցաղային և արտադրական կեղտաջրերը ____ հազ. խոր. մ/տասնօրյակ, ____ հազ. խոր.մ/ամիս, ____ հազ. խոր. մ/տարի.

գ) պահպանել կողմերի տնօրինության տակ գտնվող ջրամատակարարման համակարգերի սահմանազատման տեղում մատակարարվող ջրի որակը` ըստ գործող ստանդարտների պահանջների, և ապահովել կեղտաջրերի հեռացումն ու մաքրումը.

դ) անհապաղ տեղեկացնել աբոնենտին իր համակարգում տեղի ունեցած վթարների ու խցանումների մասին և դրանք վերացնել ամենասեղմ ժամկետում, եթե ընդհատումը պայմանավորված չէ կանոններով թույլատրվող դադարեցումներով.

ե) խմելու ջրի և կեղտաջրերի հեռացման ու մաքրման սակագների փոփոխման դեպքում 15 օր առաջ տեղեկացնել աբոնենտին.

զ) ջրաչափի տեղադրման աշխատանքներում, անհրաժեշտության դեպքում, տեխնիկական օգնություն ցույց տալ աբոնենտին.

է) աբոնենտի պահանջի դեպքում ներկայացնել ջրի որակի երաշխիք:

2.3. Աբոնենտը պարտավորվում է`

ա) մատակարարված ջրի և կեղտաջրերի հեռացման ու մաքրման վարձը վճարել վճարային փաստաթղթերն ստանալուց 10 օրվա ընթացքում.

բ) չխոչընդոտել ընկերության լիազորած ներկայացուցչի մուտքն իր տարածք ջրաչափի ցուցմունքների գրառման, կանոնների համաձայն շահագործման վիճակը համատեղ ուսումնասիրելու և ստուգումներ կատարելու համար.

գ) ջրի չմատակարարման, կեղտաջրերի չհեռացման կամ դրանց ոչ պատշաճ կատարման, ջրաչափական հանգույցի անսարքության, կապարակնիքների խախտման, ինչպես նաև ջրի որակի նկատմամբ կասկածներ առաջանալու դեպքում անհապաղ տեղեկացնել ընկերությանը:

Ջրի չմատակարարման, կեղտաջրերի չհեռացման կամ դրանց ոչ պատշաճ կատարման ժամանակն ու պատճառները որոշվում են ընկերության և աբոնենտի օպերատիվ փաստաթղթերով և (կամ) գրանցող սարքերի տվյալներով ու արձանագրվում երկկողմանի ակտով.

դ) ապահովել իր տնօրինության տակ գտնվող ջրամատակարարման և ջրահեռացման ցանցերի, սարքերի ու սարքավորումների պահպանությունը և դրանց շահագործումը.

ե) ջրի մատակարարումից և կեղտաջրերի հեռացումից հրաժարվելու դեպքում դրա մասին մեկ ամիս առաջ տեղյակ պահել ընկերությանը.

զ) չգերազանցել պայմանագրով սահմանված ջրաքանակը և ջրահեռացման համակարգը լցվող կեղտաջրերի քանակն ու թույլատրելի սահմանված նորմերը:

 

3. ՀԱՇՎԱՌՄԱՆ ԿԱՐԳԸ

 

3.1. Աբոնենտին մատակարարված ջրի քանակը հաշվառվում է ընկերության և աբոնենտի տնօրինության տակ գտնվող ջրամատակարարման համակարգի սահմանազատման տեղում` համաձայն աբոնենտի ջրաչափի ցուցմունքի:

3.2. Ջրաչափի բացակայության, ընկերության հայտնաբերված անսարքության կամ կապարակնիքների խախտման դեպքում մատակարարված ջրի քանակը հաշվարկվում է ներանցման խողովակի թողունակությամբ` ջրի շարժման 1,5 մ/վրկ արագության և ջրամատակարարման փաստացի ռեժիմի տևողության պայմանով` հաշված վերջին փոխադարձ հաշվարկների օրվանից մինչև խախտման վերացումը:

3.3. Մատակարարված ջրի, կոյուղի բաց թողնված կեղտաջրերի քանակների հաշվառման ժամանակահատված է համարվում հաշվարկային ամիսը: Յուրաքանչյուր ամսվա վերջին աշխատանքային օրն ընկերության և աբոնենտի պատասխանատու անձինք կազմում են փոխադարձ հաշվարկների ակտ: Ջրաչափական հանգույց կողմերից մեկի չներկայանալու դեպքում կազմվում է միակողմանի ակտ և գրավոր ներկայացվում մյուսին:

3.4. Աբոնենտից ջրահեռացման համակարգ լցվող կեղտաջրերի քանակը, ըստ կանոնների, հավասար է մատակարարված ջրերի քանակին: Դրա չհամապատասխանելու դեպքում քանակը որոշվում է կանոններով սահմանված հաշվարկներով:

 

4. ՎՃԱՐՄԱՆ ԿԱՐԳԸ

 

4.1. Աբոնենտին մատակարարված ջրի և կեղտաջրերի հեռացման ու մաքրման վարձի վճարումը կատարվում է պայմանագրում նշված սակագներով:

Վարձավճարը մուծվում է________________________________________________:

(բանկի բաժանմունքի կամ այլ մարմնի անվանումը)

 

Պայմանագրի կնքման պահից գործում են հետևյալ սակագները`

մեկ խոր. մ մատակարարվող ջրի համար`	_____դրամ.
մեկ խոր. մ հեռացվող և մաքրվող կենցաղային կեղտաջրերի համար	_____դրամ:

4.2. Հայաստանի Հանրապետության օրենսդրությամբ սահմանված կարգով փոփոխված սակագների կիրառումը պարտադիր է կողմերի համար:

 

5. ԼՐԱՑՈՒՑԻՉ ՊԱՅՄԱՆՆԵՐ

 

5.1. Եթե արտադրության կամ աշխատանքային առանձնահատուկ պայմանները պահանջում են անընդմեջ ջրամատակարարում, ապա աբոնենտը պարտավոր է ունենալ պաշարապահ ռեզերվուար: _________________________________________________________________________ _________________________________________________________________________ _________________________________________________________________________ _________________________________________________________________________ _________________________________________________________________________

 

 6. ԿՈՂՄԵՐԻ ՊԱՏԱՍԽԱՆԱՏՎՈՒԹՅՈՒՆԸ

 

6.1. Սույն պայմանագրի պարտավորությունները չկատարելու դեպքում չկատարած կողմը պարտավոր է մյուս կողմին հատուցել պատճառած վնասը` Հայաստանի Հանրապետության օրենսդրությամբ սահմանված կարգով:

6.2. Ջրի չմատակարարման, կեղտաջրերի չհեռացման կամ դրանց ոչ պատշաճ կատարման դեպքում, բացառությամբ կանոնների 80-րդ և 81-րդ կետերում նշված դեպքերի, ընկերությունն աբոնենտին չմատակարարված ջրի և չհեռացված կեղտաջրերի փաստացի քանակների համար վճարում է տուգանք` սակագների կրկնապատիկի չափով:

Ընկերությունը 7-օրյա ժամկետում քննարկում է ջրի չմատակարարման և կեղտաջրերի չհեռացման մասին աբոնենտի դիմումը և բավարարման դեպքում տուգանքը վճարում 10-օրյա ժամկետում:

6.3. Հաշվարկային ժամկետում պայմանագրով նախատեսված ջրաքանակը գերածախսելու, ինչպես նաև ջրահեռացման համակարգ ավելի բաց թողնված կեղտաջրերի համար աբոնենտը վճարում է տույժ` ջրի գերածախսի և ավելի բաց թողնված կեղտաջրերի սակագնի տասնապատիկի չափով:

6.4. Աբոնենտի կողմից ընկերության ջրահեռացման համակարգ լցվող կեղտաջրերի կեղտոտվածության աստիճանը չպետք է գերազանցի Հայաստանի Հանրապետության բնապահպանության նախարարության սահմանած նորմերը:

6.5. Սույն պայմանագրի կատարման ընթացքում կողմերի միջև ծագած վեճերը կարող են լուծվել բանակցությունների միջոցով, որը չի սահմանափակում կողմերի` վեճերը դատական կարգով լուծելու իրավունքը:

 

7. ՊԱՅՄԱՆԱԳՐԻ ԳՈՐԾՈՂՈՒԹՅԱՆ ԺԱՄԿԵՏԸ

 

7.1. Սույն պայմանագիրն ուժի մեջ է մտնում և կողմերի համար պարտադիր է դառնում կնքելու պահից և գործում է անժամկետ, եթե աբոնենտը ժամկետ չի առաջարկում:

7.2. Պայմանագրի գործողության ժամկետում մատակարարվող ջրի և ջրահեռացման համակարգ լցվող կեղտաջրերի քանակների փոփոխման դեպքում պայմանագիրը ենթակա է փոփոխման:

7.3. Պայմանագրի փոփոխումը և լուծումը կատարվում է Հայաստանի Հանրապետության օրենսդրությամբ սահմանված կարգով:

Պայմանագրի գործողության ժամկետի ավարտը կամ դրա լուծումը կողմերին չի ազատում մինչ այդ պայմանագիրը խախտելու համար պատասխանատվությունից:

 

8. ՊԱՐՏՔԵՐԻ ՄԱՍԻՆ

 

8.1. Պայմանագրի կնքման պահին աբոնենտն ընկերությանը պարտք է ____ հազ. դրամ, որը պարտավորվում է մարել մինչև _________________________________________________________________________:

 

9. ԿՈՂՄԵՐԻ ԻՐԱՎԱԲԱՆԱԿԱՆ ՀԱՍՑԵՆԵՐԸ

 

Ընկերության______________________________________________________________

_______________________________________________________________________

Աբոնենտի_________________________________________________________________ 

_________________________________________________________________________

Սույն պայմանագիրը կնքված է երկու օրինակից, յուրաքանչյուր կողմի համար մեկական:

 

ԸՆԿԵՐՈՒԹՅՈՒՆ	ԱԲՈՆԵՆՏ
_____________________	_____________________
_____________________	_____________________
_____________________	_____________________
Կ.Տ.	Կ.Տ.

 

Հաստատված է ՀՀ կառավարության 1999 թվականի  մարտի 13-ի N 149 որոշմամբ

 

Կ Ա Ն Ո Ն Ն Ե Ր

 

Հայաստանի Հանրապետության ջրամատակարարման եվ ջրահեռացման համակարգերից օգտվելու

 

I. Ընդհանուր դրույթներ

 

1. Ջրամատակարարման և ջրահեռացման համակարգերից օգտվելու կանոնները (ՋՋՀՕԿ) կարգավորում են Հայաստանի Հանրապետության տարածքում ջրամատակարարման և ջրահեռացման համակարգերի շահագործող կազմակերպությունների (ՋՋՇ կազմակերպություն) և ջրամատակարարման և ջրահեռացման (ՋևՋ) համակարգերին սահմանված կարգով միացված աբոնենտների ու ենթաաբոնենտների ջրամատակարարման և ջրահեռացման ընթացքում առաջացած իրավահարաբերությունները:

2. Սույն կանոնները պարտադիր են Հայաստանի Հանրապետության ՋՋՇ կազմակերպությունների և դրանց ծառայություններից օգտվող բոլոր աբոնենտների համար:

3. Աբոնենտն իրավաբանական կամ ֆիզիկական անձ է, որը սահմանված կարգով և տեխնիկական պայմաններին համապատասխան միացված է և (կամ) օգտվում է ՋՋՇ կազմակերպության ՋևՋ համակարգերից` համաձայն կնքված պայմանագրի:

4. Ենթաաբոնենտն աբոնենտի ջրամատակարարման և ջրահեռացման ցանցերին սահմանված կարգով միացված իրավաբանական կամ ֆիզիկական անձ է, որն աբոնենտի հետ կնքում է պայմանագիր` խմելու ջրի օգտագործման, կեղտաջրերի հեռացման և մաքրման համար:

5. Ջրամատակարարման համակարգերը նախատեսված են պետական ստանդարտի պահանջներին համապատասխան աբոնենտին խմելու որակի ջրի մատակարարման համար:

ՋՋՇ կազմակերպությունը երաշխավորում է խմելու ջրի անվնաս լինելը` աբոնենտների կողմից իրենց սեփականություն հանդիսացող կամ տնօրինության տակ գտնվող (այսուհետև` սեփականություն հանդիսացող) ջրամատակարարման համակարգերի շահագործման տեխնիկական պայմանները պահպանելու դեպքում:

6. Ջրամատակարարման համակարգերով մատակարարված խմելու որակի ջուրը նախատեսվում է քաղաքացիների (բնակչության) խմելու-տնտեսական և կոմունալ-կենցաղային կարիքները բավարարելու, հրդեհ մարելու, արդյունաբերական ձեռնարկությունների խմելու-տնտեսական և պայմանագրով նախատեսված տեխնոլոգիական գործընթացներն իրականացնելու համար:

7. Ջրահեռացման համակարգերը նախատեսված են կենցաղային և արտադրական կեղտաջրերի ընդունման, հեռացման և մաքրման համար:

Արտադրական կեղտաջրերի ընդունումը բնակավայրի ջրահեռացման ցանցի մեջ կատարվում է ՋՋՇ կազմակերպության թույլտվությամբ` Հայաստանի Հանրապետության օրենսդրությամբ սահմանված կարգով:

8. Աբոնենտի ջրամատակարարումը և նրանից կեղտաջրերի ընդունումը կատարվում է միայն ՋՋՇ կազմակերպության և աբոնենտի միջև կնքված պայմանագրի առկայության դեպքում: ՋՋՇ կազմակերպության և աբոնենտների (բացի քաղաքացիներից) միջև կնքված պայմանագրերում նշվում են ջրի անհրաժեշտ քանակն ու որակը, հեռացվող կեղտաջրերի քանակը և բաղադրությունը:

9. Ջրամատակարարման և ջրահեռացման ցանցերի, կառուցվածքների և սարքավորումների շահագործման պատասխանատվության (տեխնիկական վիճակ և սպասարկում) սահմանները ՋՋՇ կազմակերպության ու աբոնենտի միջև որոշվում են դրանց սեփականատիրական պատկանելությամբ և նշվում են պայմանագրում:

10. ՋՋՇ կազմակերպության ու աբոնենտի միջև սահմանվում են ցանցերի և կառուցվածքների շահագործման պատասխանատվության հետևյալ պայմանները`

ա) բոլոր աբոնենտների ջրամատակարարման ներքին ցանցերի մուտքագծերը, սկսած արտաքին ցանցին միացման հորում տեղադրված փականից, աբոնենտի սեփականությունն են և շահագործվում են նրա կողմից, իսկ փականը և փականից առաջ` պետական (համայնքային) սեփականություն են և շահագործվում են ՋՋՇ կազմակերպության կողմից.

բ) բոլոր աբոնենտների ջրահեռացման ներքին ցանցերը, կառուցվածքները և սարքավորումները, մինչև դրանց միացումը ջրահեռացման արտաքին ցանցին (մինչև ստուգիչ հոր), աբոնենտի սեփականությունն են և շահագործվում են նրա կողմից, իսկ նշված կետից հետո` պետական (համայնքային) սեփականություն են և շահագործվում են ՋՋՇ կազմակերպության կողմից.

11. Շենքի սեփականատերերը կամ նրանց կողմից լիազորված մարմինը (համատիրություն կամ կոոպերատիվ վարչություն և այլն, իսկ մինչև դրանց կազմավորումը` համապատասխան համայնքը) ապահովում են բազմաբնակարան շենքերում սույն կանոնների 10-րդ կետում նշված պարտականությունների կատարումը:

12. Աբոնենտը, ՋՋՇ կազմակերպության հետ փոխադարձ համաձայնությամբ և նրա տված տեխնիկական պայմանի համաձայն, կարող է թույլ տալ այլ աբոնենտի (ենթաաբոնենտի) միացումներ կատարել իր սեփականությունը հանդիսացող և իր կողմից շահագործվող ջրամատակարարման և ջրահեռացման ցանցերին, կառուցվածքներին ու սարքերին:

13. Աբոնենտի և ՋՋՇ կազմակերպության միջև կնքված պայմանագրի հավելվածում նշվում են տվյալներ աբոնենտի ջրամատակարարման և ջրահեռացման ցանցերին միացված բոլոր ենթաաբոնենտի վերաբերյալ:

14. ՋՋՇ կազմակերպությունն աբոնենտի հետ պայմանագիր կնքելու օրվանից բացում է աբոնենտի հաշվառման քարտ` ջրամատակարարման և ջրահեռացման ծավալներն ու վճարումները հաշվառելու համար:

15. Աբոնենտի ծախսած ջրի և նրանից ընդունած կեղտաջրերի հեռացման ու մաքրման համար հաշվարկները կատարվում են Հայաստանի Հանրապետության օրենսդրությամբ սահմանված կարգով հաստատված սակագների հիման վրա:

16. ՋՋՇ կազմակերպությունը աբոնենտի կողմից ջրի օգտագործման և կեղտաջրերի բացթողնման պայմանագրով սահմանված քանակների, կեղտաջրերում պարունակվող աղտոտությունների ու թույլատրելի բաղադրությունների էական ավելացման դեպքում իրավունք ունի աբոնենտից պահանջելու դադարեցնել խախտումները կամ համապատասխան փոփոխություն կատարել պայմանագրում` փոխհատուցելով նշված խախտման հետևանքով ՋՋՇ կազմակերպությանը հասցված վնասները:

Աբոնենտը պարտավոր է ստանալ ՋՋՇ կազմակերպության թույլտվությունը և տեխնիկական պայմանները` ջրի օգտագործման և կեղտաջրերի բացթողման քանակների, կեղտաջրերում պարունակվող աղտոտությունների ու թույլատրելի բաղադրությունների ավելացման համար:

Այդ նպատակով աբոնենտը գրավոր դիմում է ՋՋՇ կազմակերպությանը, որում նշում է`

ա) ըստ նպատակների հաշվարկված պահանջվելիք ջրաքանակները և անհրաժեշտ ճնշումը.

բ) կեղտաջրերի հաշվարկային քանակները և բաղադրությունը:

Թույլտվությունն ու տեխնիկական պայմանները տրվում են սույն կանոնների 18-րդ և 19-րդ կետերով սահմանված կարգով:

Սույն կետի պահանջները չեն տարածվում քաղաքացիների խմելու-տնտեսական և կոմունալ-կենցաղային կարիքների համար մատակարարվող ջրի ու նրանց կողմից հեռացվող կեղտաջրերի վրա:

 

II. Բնակավայրերի` ջրամատակարարման եվ ջրահեռացման համակարգերին միացման կարգը

 

17. Աբոնենտը պարտավոր է ստանալ ՋՋՇ կազմակերպության թույլտվությունը և միացման տեխնիկական պայմանները` ՋևՋ համակարգերին նոր սպառողների միացման,  աբոնենտի կողմից ջրամատակարարման կամ ջրահեռացման արտաքին ցանցին նոր միացումներ կատարելու, ջրաչափական հանգույցի սխեմայի փոփոխման, ջրաչափը փոխելու համար:

Այդ նպատակով աբոնենտը (պատվիրատուն) գրավոր դիմում է ՋՋՇ կազմակերպությանը, որում նշում է`

ա) ըստ նպատակների հաշվարկված պահանջվելիք ջրաքանակները և անհրաժեշտ ճնշումը.

բ) կեղտաջրերի հաշվարկային քանակները և բաղադրությունը (արդյունաբերական նպատակով ջրօգտագործման կամ ջրահեռացման համար):

աբոնենտը դիմումին կից պետք է ներկայացնի`

ա) օբյեկտի հաստատված հատակագիծը.

 բ) միացվող օբյեկտի տեխնիկական բնութագիրը:

18. ՋՋՇ կազմակերպությունն աբոնենտից (պատվիրատուից) սույն կանոնների 17-րդ կետում նշված փաստաթղթերն ստանալուց հետո 10 օրվա ընթացքում մշակում է ՋևՋ ցանցերին միանալու տեխնիկական պայմանները: Տեխնիկական պայմանների մշակման համար փոխհատուցումը որոշվում է համաձայն ՋՋՇ կազմակերպության հաստատած ծախսերի նախահաշվի, որը հաշվարկվում է Հայաստանի Հանրապետության ֆինանսների և էկոնոմիկայի նախարարության ու Հայաստանի Հանրապետության քաղաքաշինության նախարարության սահմանած կարգով:

19. ՋևՋ համակարգերին միացման տեխնիկական պայմաններով պետք է սահմանվեն`

ա) ջրամատակարարման համար`

ջրամատակարարման արտաքին համակարգերին միանալու տեղը (փողոցը, հորի կամ խուցի համարը),

նախագծվող (վերակառուցվող) հաղորդակցուղիների (կոմունիկացիաների) սեփականատերը,

երաշխավորված ազատ ճնշումը միացման տեղում,

ստուգիչ-չափիչ սարքավորմանը և ջրաչափական հանգույցին ներկայացվող պահանջները` համաձայն նորմերի,

վերցվող ջրի առավելագույն քանակը և ջրապահանջի ռեժիմը` միայն արդյունաբերական բնույթի գործունեության համար,

տեխնիկական պայմանների գործողության ժամկետը,

միացմանը ներկայացվող հատուկ տեխնիկական պահանջները.

բ) ջրահեռացման համար`

ջրահեռացման արտաքին համակարգերին միանալու տեղը (փողոցը, հորի կամ խուցի համարը),

նախագծվող (վերակառուցվող) հաղորդակցուղիների սեփականատերը,

ջրահեռացման ցանցին (կոլեկտորին) միանալու տեղում առվակի նիշը և լցվածությունը,

հեռացվող կեղտաջրերի քանակը, բաղադրությունը և հեռացման ռեժիմը` միայն արդյունաբերական բնույթի գործունեության համար,

կեղտաջրերի ելքը չափելու և փորձանմուշ վերցնելու հարմարանքներին ներկայացվող պահանջները` միայն արդյունաբերական բնույթի գործունեության համար,

տեխնիկական պայմանների գործողության ժամկետը,

միացմանը ներկայացվող հատուկ տեխնիկական պահանջները.

20. ՋՋՇ կազմակերպության տված տեխնիկական պայմանների պահպանումը պարտադիր է բնակավայրի ՋևՋ համակարգերին միանալու նախագիծը մշակելիս:

21. Նախագծի համաձայնեցումը կատարվում է Հայաստանի Հանրապետության օրենսդրությամբ սահմանված կարգով:

22. Նախագծման ընթացքում տրված տեխնիկական պայմաններից շեղումները պետք է համաձայնեցվեն ՋՋՇ կազմակերպության հետ:

23. Աբոնենտի սեփականություն համարվող ջրագծերն ախտահանվում են վերջինիս ծախսերով:

24. Միացումն իրականացնելու կամ վերակառուցելու համար բոլոր աշխատանքները կատարում է պատվիրատուն:

25. Թույլատրվում է ավարտման ակտը կազմելուց հետո իրականացնել նոր օբյեկտների ջրամատակարարումը և (կամ) ջրահեռացումը:

26. Պատվիրատուն ՋՋՇ կազմակերպության շահագործմանը հանձնվող նոր ցանցերի և կառուցվածքների համար պետք է ներկայացնի հետևյալ փաստաթղթերը`

ա) թաքնված աշխատանքների կատարման փաստաթղթերը, խողովակների, սարքավորումների, կոնստրուկցիաների սերտիֆիկատները (եթե դրանք ենթակա են պարտադիր սերտիֆիկացման) և անձնագրերը կամ դրանք փոխարինող փաստաթղթերը.

բ) ջրամատակարարման խողովակաշարերի և կառուցվածքների սանիտարական մշակման վերաբերյալ փաստաթղթերը.

գ) եռակցման աշխատանքների վերաբերյալ փաստաթղթերը.

դ) խողովակաշարերի և կառուցվածքների ամրության ու հերմետիկության հիդրավլիկական փորձարկման, հիդրոմեկուսացման, հակակոռոզիոն աշխատանքների կատարման վերաբերյալ փաստաթղթերը.

ե) կատարողական գծագրերը` համաձայնեցված ստորգետնյա կառուցվածքները տնօրինող կազմակերպությունների հետ.

զ) ջրամատակարարման և ջրահեռացման ցանցերի և կառուցվածքների շինարարական աշխատանքների ընթացքում վնասված այլ կառուցվածքների, հաղորդակցուղիների, ճանապարհային ծածկույթի (որոնք չեն գտնվում պատվիրատուի տնօրինության ներքո) լրիվ վերականգնման վերաբերյալ փաստաթղթերը` հաստատված համապատասխան շահագրգիռ մարմինների կողմից.

է) թաքնված թերությունների վերացման և պատասխանատվության ժամկետների վերաբերյալ երաշխավորագիրը.

ը) պատվիրատուի հաշվապահական տեղեկանքները ցանցերի և կառուցվածքների հաշվեկշռային արժեքի մասին, որոնք անցնելու են ՋՋՇ կազմակերպության սեփականությանը:

27. Պատվիրատուն, ՋՋՇ կազմակերպության հսկողության ներքո իրականացնում է կառուցված ջրամատակարարման և ջրահեռացման ցանցերի ու կառուցվածքների միացումը գործող համակարգերին:

28. Պատվիրատուն պատասխանատվություն է կրում իր կառուցած ջրամատակարարման և ջրահեռացման ցանցերի ու կառուցվածքների որակյալ աշխատանքի և տեխնիկական վիճակի համար, շահագործման հանձնելուց հետո երաշխավորագրում սահմանված ժամկետում (26-րդ կետի «է» ենթակետ) և ՋՋՇ կազմակերպության ցուցումներով պարտավոր է վերացնել բոլոր բացահայտված տեխնիկական անսարքությունները:

29. Արգելվում է ՋևՋ համակարգերին ինքնակամ միացումներ կատարելը: Ինքնակամ են այն միացումները և փոփոխությունները, որոնք սույն կանոններով սահմանված կարգով չեն հանձնվել շահագործման:

30. Ինքնակամ միացում կատարողը պատասխանատվություն է կրում Հայաստանի Հանրապետության օրենսդրությամբ սահմանված կարգով:

31. Հայտնաբերված ինքնակամ միացումները ենթակա են անմիջապես անջատման: Անջատման աշխատանքների կատարման հետ կապված ծախսերը փոխհատուցում է ինքնակամ միացում կատարողը:

32. ՋՋՇ կազմակերպությունը կամ աբոնենտը կատարում է փողոցային ծորակների (ցայտաղբյուր, ընդհանուր օգտագործման ծորակ) շահագործումը` ելնելով դրանց սեփականությունից:

33. ՋՋՇ կազմակերպությունը կառուցվող և սեզոնային աշխատանքներ իրականացնող աբոնենտների ժամանակավոր ջրամատակարարումն իրականացնում է համաձայն պայմանագրով սահմանված ժամանակացույցի:

34. ՋՋՇ կազմակերպության թույլտվությամբ ժամանակավոր միացումները կարող են կատարվել իր կամ աբոնենտի սեփականությունը համարվող ցանցերին և կառուցվածքներին:

Շենքից դուրս գտնվող ջրմուղի խողովակները պետք է տեղադրվեն հողի տակ:

Խողովակների բաց տեղադրումը թույլատրվում է միայն ամառային ամիսներին գործող ջրմուղների համար, ընդ որում, չի թույլատրվում խողովակները տեղադրել փողոցային առվակներում:

35. Ժամանակավոր ջրմուղների շինարարությունը և շահագործումն իրականացնում են շահագրգիռ կազմակերպությունները` իրենց ծախսերով:

 

III. Օգտագործվող խմելու ջրի եվ հեռացված կեղտաջրերի հաշվառման սարքավորումների տեղադրումը եվ շահագործումը

 

36. ՋևՋ համակարգերին միացված կամ նոր միացվող աբոնենտները պետք է ունենան անհրաժեշտ ջրաչափ, ծախսաչափ կամ այլ չափիչ սարքեր (այսուհետև ջրաչափ) օգտագործված ջրի և հեռացված կեղտաջրերի քանակների հաշվառման համար: Արգելվում է աբոնենտի ցանցերի միացումը ՋևՋ համակարգերին` առանց ջրի հաշվառումն իրականացնող սարքերի:

Ջրաչափերը տեղադրում ու շահագործում է աբոնենտը համաձայն տեխնիկական նորմերի, և համարում է իր սեփականությունը: Ջրաչափերը տեղադրվում են աբոնենտին պատկանող ցանցի ցանկացած հատվածում` այն հաշվով, որ հնարավոր լինի չափել աբոնենտի ծախսած ջրի կամ հեռացված կեղտաջրի ամբողջ քանակը:

Աբոնենտի ցանկությամբ նրա ցանցերում կարող են տեղադրվել մեկից ավելի ջրաչափեր: Աբոնենտը պատասխանատվություն է կրում իրեն պատկանող ջրաչափերի պահպանման համար:

ՋՋՇ կազմակերպությունը կարող է իր հաշվին տեղադրել ջրաչափեր, որոնք իր սեփականությունն են և տեղադրվում են իրեն պատկանող ցանցում, ինչպես նաև աբոնենտի համաձայնությամբ` վերջինիս պատկանող ցանցում: ՋՋՇ կազմակերպությունը պատասխանատվություն է կրում նշված ջրաչափերի պահպանման համար, իսկ աբոնենտի համաձայնության դեպքում այդ պատասխանատվությունը կարող է պայմանագրով դրվել աբոնենտի վրա:

Բազմաբնակարան շենքերում, մինչև բոլոր աբոնենտների կողմից ջրաչափերի տեղադրումը, ՋՋՇ կազմակերպության կողմից ջրաչափ է տեղադրվում շենքի ջրամատակարարման ներանցման վրա, շենքի սեփականատերերի կամ նրանց կողմից լիազորված մարմնի (համատիրություն, կոոպերատիվ վարչություն և այլն), կամ նրանց հետ պայմանագրի առկայության դեպքում:

37. Աբոնենտի ջրաչափական հանգույցի հորն ամբողջ բարձրությամբ պետք է ունենա արտաքին հիդրոմեկուսացում` գրունտային ջրերից և անձրևաջրերից պաշտպանվելու համար, ինչպես նաև փականքով դուռ` կողմնակի անձանց մուտքն արգելելու համար:

Արգելվում է ջրաչափական հանգույցի հորում կոյուղու տարանցիկ գծեր, կանգնակների և թողարկների տեղադրումը:

 38. Ջրաչափական հանգույցի հորը պետք է պահել մաքուր:

Աբոնենտի և ՋՋՇ կազմակերպության միջև կնքված ջրամատակարարման և ջրահեռացման պայմանագրում պետք է նշվի այն մասին, որ աբոնենտը պատասխանատու է ջրաչափի և շրջանցող գծի փականի վրա գտնվող կապարակնիքների անխախտելիության համար:

39. Բնակչության ընդհանուր օգտագործման համար ծառայող փողոցային (թաղամասային) ծորակները տեղադրվում և շահագործվում են հետևյալ կարգով`

ա) շահագրգիռ բոլոր աբոնենտների հետ կնքվում է պայմանագիր ընդհանուր օգտագործման ծորակի տեղադրման ու շահագործման վերաբերյալ.

բ) աբոնենտներն ընտրում են լիազոր ներկայացուցիչ, որը ՋՋՇ կազմակերպության հետ համատեղ կատարելու է բաց թողնված ջրի քանակի հաշվարկները և դրանց բաշխումը` ըստ առանձին աբոնենտների:

40. Համայնքի տարածքում ցայտաղբյուրները տեղադրվում և շահագործվում են ՋՋՇ կազմակերպության թույլտվությամբ` շահագրգիռ մարմնի (անձի) հետ կնքելով պայմանագիր: Ցայտաղբյուրի ջրի քանակը ջրաչափի բացակայության դեպքում որոշվում է ջրատարի թողունակությամբ` ջրի շարժման 1,5 մ/վրկ արագության և ջրամատակարարման փաստացի ռեժիմի տևողության պայմաններում:

41. Ժամանակավոր կացարանների ջրամատակարարումն իրականացվում է յուրաքանչյուր կացարանում ջրաչափական հանգույց տեղադրելով: Եթե կացարանում բացակայում է ջրամատակարարման համակարգը, ապա դրա ջրամատակարարումն իրականացվում է սույն կանոններով սահմանված կարգով:

42. Տեղադրվող (տեղադրված) ջրաչափական հանգույցի մոնտաժային միացումները և չափերը պետք է համապատասխանեն ջրաչափի բնականոն աշխատանքային ռեժիմն ապահովող պահանջներին:

43. Ծախսված ջրի հաշվառման համար կարող են տեղադրվել և շահագործվել միայն տեխնիկական պայմաններին և պետական ստանդարտի պահանջներին համապատասխանող ջրաչափեր:

Ջրաչափերը պետք է լինեն ստուգված ու կապարակնքված` Հայաստանի Հանրապետության կառավարությանն առընթեր ստանդարտացման, չափագիտության և սերտիֆիկացման վարչության մարմինների կամ դրա համար լիազորված այլ մարմինների կողմից:

Արգելվում է կապարակնիք չունեցող ջրաչափի շահագործումը:

44. Ջրաչափերի ստուգումները կատարվում են Հայաստանի Հանրապետության օրենսդրությամբ սահմանված ժամկետներում և կարգով` դրանց սեփականատերերի հաշվին:

45. Եթե աբոնենտը կասկածում է տեղադրված ջրաչափի ցուցմունքի ճշտությանը, ապա ՋՋՇ կազմակերպությունը պարտավոր է կատարել աբոնենտի հետ հաշվարկների համար իր տնօրինության տակ գտնվող ջրաչափի ստուգում:

Ստուգումը կատարվում է դրա մասին դիմումն ստացվելու օրվանից 10 օրվա ընթացքում: Եթե ստուգման արդյունքում պարզվի, որ ջրաչափը բավարարում է պետական ստանդարտի պահանջները, ապա ստուգում կատարելու համար պետք է վճարի աբոնենտը, իսկ եթե ջրաչափը չի համապատասխանում պետստանդարտի պահանջներին` ՋՋՇ կազմակերպությունը:

ՋՋՇ կազմակերպությունը կարող է պահանջել աբոնենտին պատկանող ջրաչափի ստուգում: Եթե ստուգման արդյունքում պարզվի, որ ջրաչափը բավարարում է պետական ստանդարտի պահանջները, ապա ստուգման ծախսերը կատարում է ՋՋՇ կազմակերպությունը, իսկ եթե ջրաչափը չի համապատասխանում պետստանդարտի պահանջները` աբոնենտը:

Եթե ջրաչափի ցուցմունքի շեղումները գտնվում են ջրաչափի ճշտության դասով պայմանավորված տիրույթում, ապա դրանք թույլատրելի են և չեն պահանջում վերահաշվարկ:

46. աբոնենտն իրեն պատկանող կամ իր պատասխանատվությանը հանձնված ջրաչափի բոլոր անսարքությունների և աշխատանքի խափանումների, ինչպես նաև կապարակնիքի խախտման մասին անմիջապես հայտնում է ՋՋՇ կազմակերպությանը:

47. Աբոնենտի մեղքով` ՋՋՇ կազմակերպության տնօրինության տակ գտնվող ջրաչափերի վնասման դեպքում դրանք վերանորոգում և փոխարինում է ՋՋՇ կազմակերպությունը` աբոնենտի հաշվին, իսկ ՋՋՇ կազմակերպության մեղքով` այդ թվում անորակ ջրի մատակարարման պատճառով աբոնենտին պատկանող ջրաչափերի վնասման դեպքում` կազմակերպության հաշվին: Ջրաչափի վնասման (խափանման) պատճառները որոշում են աբոնենտը և ՋՋՇ կազմակերպությունը, որոնց վերաբերյալ կազմվում է արձանագրություն: Կողմերի անհամաձայնության դեպքում ջրաչափն ուղարկվում է փորձաքննության, որի ծախսերը կատարում է մեղավոր կողմը:

48. Աբոնենտները (ենթաաբոնենտները) շահագործում են այն ջրաչափերը (ենթաջրաչափերը) որոնք չեն ծառայում ՋՋՇ կազմակերպության հետ հաշվարկների համար:

49. Աբոնենտը պարտավոր է ապահովել ՋՋՇ կազմակերպության ներկայացուցիչների անարգել մոտենալը (ծառայողական վկայականի առկայության դեպքում) ջրաչափական հանգույցներին, բոլոր ջրամատակարարման և ջրահեռացման սարքերին, կառուցվածքներին, որոնք տեղադրված են աբոնենտի տարածքում կամ նրա սեփականությունն են:

50. ՋՋՇ կազմակերպության ներկայացուցիչներն աբոնենտի ջրամատակարարման և ջրահեռացման ցանցերի, կառուցվածքների ու շինությունների վրա կարող են աշխատանք կատարել միայն նրա հետ համաձայնեցնելուց հետո և պետք է ունենան կարգագիր ու ծառայողական վկայական: Աբոնենտը, առանց նշված փաստաթղթերը ներկայացնելու, չպետք է թույլ տա կատարել նշված աշխատանքներից որևէ մեկը:

51. ՋՋՇ կազմակերպությունն անհետաձգելի վթարային աշխատանքներ իրականացնում է բազմաբնակարան շենքերի այն բնակարաններում, որոնց բնակիչները ժամանակավորապես բացակայում են: Տվյալ բնակարանները մուտք գործել կարելի է միայն Հայաստանի Հանրապետության օրենսդրությամբ սահմանված կարգով:

 

IV. Օգտագործված խմելու ջրի եվ հեռացված կեղտաջրի քանակի հաշվարկը

 

52. Աբոնենտի ծախսած ջրի քանակը որոշվում է աբոնենտի հետ հաշվարկ կատարելու համար տեղադրված ջրաչափի ցուցմունքով:

53. Աբոնենտի հետ հաշվարկի համար ծառայող ջրաչափերի ցուցմունքները վերցվում են յուրաքանչյուր ամիս: Ջրաչափի ցուցմունքները վերցնելու իրավունքը, ջրի ծախսի մասին տվյալները ներկայացնելու կարգը և ժամկետները ՋՋՇ կազմակերպության համաձայնությամբ կարող է տրվել աբոնենտին:

54. ՋՋՇ կազմակերպությունը պետք է պարբերաբար հսկի աբոնենտների կողմից ջրաչափի ցուցմունք վերցնելու և դրա կողմից ջրի ծախսի վերաբերյալ տվյալներ ներկայացնելու ճշտությունը: Եթե ստուգումների միջոցով հայտնաբերվում է ջրաչափի ցուցմունքի և ներկայացված տվյալների անհամապատասխանություն, ապա ՋՋՇ կազմակերպությունը կատարում է վերահաշվարկ` սկսած նախորդ ստուգման ժամանակից:

ՋՋՇ կազմակերպության կողմից իրավաբանական անձանց ջրաչափերի ցուցմունքների ստուգումները կատարվում են նրանց աշխատանքային օրերին և ժամերին, իսկ քաղաքացիների մոտ յուրաքանչյուր օր, ժամը 9-00-ից մինչև 20-00-ն:

55. ՋՋՇ կազմակերպության ներկայացուցիչը ջրաչափի ցուցմունք վերցնելիս պարտավոր է ստուգել ջրաչափի և ջրաչափական հանգույցի շրջանցող գծի վրա գտնվող փականի, ինչպես նաև աբոնենտի տարածքում տեղադրված կամ նրա սեփականությունը հանդիսացող հիդրանտների և ՋՋՇ կազմակերպության կապարակնքած ջրմուղի այլ սարքերի վրա դրված կապարակնիքների առկայությունն ու անխախտելիությունը:

Աբոնենտը (նրա ներկայացուցիչը) մասնակցում է ջրաչափի ստուգումներին:

Ստուգման արդյունքներով կազմվում է երկկողմանի ակտ: Դրա մեկ օրինակը հանձնվում է աբոնենտին: Եթե վերջինս հրաժարվում է ստորագրել ակտը կամ մասնակցել ստուգմանը, ապա կազմվում է միակողմանի ակտ: Ակտի հետ աբոնենտի չհամաձայնելու դեպքում հարցը լուծվում է վերադասության կամ դատական կարգով:

56. Ենթաջրաչափերի ցուցմունքները ծառայում են աբոնենտի և ենթաաբոնենտի միջև հաշվարկների համար և աբոնենտի հետ հաշվարկի ժամանակ ՋՋՇ կազմակերպության կողմից հաշվի չեն առնվում:

Ենթաջրաչափը կարող է ստուգել և վերանորոգել ՋՋՇ կազմակերպությունը` աբոնենտի (ենթաաբոնենտի) հաշվին` ըստ դիմումի:

57. Ոչ աբոնենտի մեղքով` ջրաչափի անսարքության դեպքում, ծախսված ջրի քանակը որոշվում է նախորդ երեք հաշվարկային ամսվա ընթացքում ծախսված ջրի միջին քանակի չափով: Հաշվարկի այդպիսի կարգը պահպանվում է ընդհուպ մինչև նոր ջրաչափի տեղադրումը, բայց երկու ամսից ոչ ավելի ժամանակամիջոցում: Եթե ջրաչափը չի տեղադրվում ՋՋՇ կազմակերպության մեղքով, ապա ջրի հաշվարկի սույն կետով սահմանված կարգը պահպանվում է մինչև ջրաչափի տեղադրումը:

58. Աբոնենտի ջրաչափի անսարքության կամ կապարակնիքը վնասվելու և դրա մասին սույն կանոնների 46-րդ կետի համաձայն ՋՋՇ կազմակերպությանը տեղյակ պահելու դեպքում ծախսված ջրի քանակը որոշվում է ըստ նախորդ երեք հաշվարկային ամսվա ընթացքում ծախսված ջրի միջին քանակի: Հաշվարկի այդպիսի կարգը պահպանվում է ընդհուպ մինչև նոր ջրաչափի տեղադրումը, բայց երկու ամսից ոչ ավելի ժամանակամիջոցում:

Ջրաչափի բացակայության, ՋՋՇ կազմակերպության հայտնաբերած անսարքության կամ կապարակնիքների խախտման դեպքերում մատուցված ջրի քանակը հաշվարկվում է ներանցման խողովակի թողունակությամբ` ջրի շարժման 1,5 մ/վրկ արագության և ջրամատակարարման փաստացի ռեժիմի տևողության պայմանով, հաշված վերջին փոխադարձ հաշվարկների օրվանից մինչև խախտման վերացումը:

59. Աբոնենտից ջրահեռացման համակարգ հեռացվող կեղտաջրերի քանակը որոշվում է դրա թողարկի վրա ստուգիչ հորում իր տեղադրած ջրաչափիչ սարքի միջոցով: Ջրաչափիչ սարքի բացակայության դեպքում հեռացվող կեղտաջրերի քանակն ընդունվում է հավասար ջրամատակարարման համակարգից ծախսված ջրի քանակին:

60. Եթե հեռացվող կեղտաջրերի քանակը ջրաչափիչ սարքի բացակայության դեպքում քիչ է ծախսված ջրի քանակից, ապա աբոնենտը ՋՋՇ կազմակերպություն պետք է ներկայացնի հեռացվող կեղտաջրերի քանակը հիմնավորող անհրաժեշտ հաշվարկներ:

61. Այն աբոնենտները, որոնք ունեն ջրաչափեր և իրենց կարիքների համար օգտվում են նաև այլ ջրմուղներից (ջրաղբյուրներից), ՋՋՇ կազմակերպություն ներկայացնում են անհրաժեշտ հաշվարկներով հիմնավորված փաստաթղթեր իրենց կողմից ջրահեռացման համակարգ լցվող կեղտաջրերի քանակի հաշվարկի մասին:

62. Աբոնենտի կողմից սույն կանոնների 61-րդ կետում նշված փաստաթղթերը չներկայացվելու դեպքում ՋՋՇ կազմակերպությունը նրանից ընդունված կեղտաջրերի քանակը հաշվում է ջրահեռացման համակարգին միացված թողարկի թողունակությամբ, ելնելով այն հանգամանքից, որ դրա լցվածությունը կազմում է 0,75, և միացումն օրվա ընթացքում գործում է ըստ աբոնենտի աշխատանքային ժամանակացույցի ու կեղտաջրերի շարժման արագությունը որոշվում է ըստ հիդրավլիկական հաշվարկի` հաշվի առնելով թողարկի փաստացի թեքությունը:

63. Ջրամատակարարման և ջրահեռացման ցանցերին ու կառուցվածքներին կատարված ինքնակամ միացումների հայտնաբերման դեպքում` ծախսված ջրի, հեռացված ու մաքրված կեղտաջրերի քանակները որոշվում են սույն կանոնների 58-րդ և 59-րդ կետերով սահմանված կարգով` այն օրվանից, երբ`

ա) կազմվել է ջրի վարձավճարի վերջին հաշիվը` մինչև ինքնակամ միացումը հայտնաբերվելը, եթե միացումը կատարված է աբոնենտի տնօրինության տակ գտնվող ցանցերին և կառուցվածքներին.

բ) կատարվել է ինքնակամ միացում մինչև դրա հայտնաբերվելը, բայց հայցային վաղեմության ժամկետից ոչ ավելի ժամանակահատվածի համար, եթե միացումը կատարված է ՋՋՇ կազմակերպության տնօրինության տակ գտնվող ցանցերին և կառուցվածքներին: Եթե ինքնակամ միացման ամսաթիվը հնարավոր չէ փաստերով գտնել, ապա ինքնակամ միացման ժամկետն ընդունվում է հավասար հայցային վաղեմության ժամկետին:

64. Սույն կանոնների 33-րդ կետով նախատեսված ժամանակավոր ջրամատակարարումը կարող է իրականացվել առանց ջրաչափի տեղադրման: Ժամանակավոր ջրամատակարարման համար ծախսված ջրի քանակը հաշվարկվում է ըստ կնքված պայմանագրի:

 

V. Օգտագործված խմելու ջրի եվ կեղտաջրերի հեռացման ու մաքրման վճարման հաշվարկները

 

65. Յուրաքանչյուր նոր սպառող որպես աբոնենտ ձևակերպվելու համար, բացի սույն կանոնների II գլխում նշված պահանջներից, վճարում է մուտքավճար, որի չափը սահմանվում է Հայաստանի Հանրապետության ֆինանսների և էկոնոմիկայի նախարարության ու Հայաստանի Հանրապետության քաղաքաշինության նախարարության սահմանած կարգով:

66. Աբոնենտների հետ ծախսված ջրի և հեռացված կեղտաջրերի վճարման հաշվարկները կատարվում են ջրաչափիչ սարքերի ցուցմունքներին և գործող սակագներին համապատասխան, իսկ ջրաչափերի բացակայության դեպքում` սույն կանոնների 57, 58, 59 և 61-րդ կետերով սահմանված կարգով հաշվարկվող ջրի քանակին և գործող սակագներին համապատասխան:

67. Աբոնենտի և ՋՋՇ կազմակերպության պատասխանատու անձինք օգտագործված ջրի, հեռացված կեղտաջրերի քանակի և որակի մասին կազմում են ակտ` սույն կանոնների 55-րդ կետով սահմանված կարգով, որի հիման վրա կազմվում է վճարման փաստաթուղթ և ներկայացվում աբոնենտին:

68. Բազմաբնակարան շենքերի այն բնակարաններում, որոնցում բացակայում են ջրաչափերը, բնակիչների օգտագործած ջրի, հեռացված ու մաքրված կեղտաջրերի վճարման չափը հաշվարկվում է հետևյալ ձևով` շենքի մուտքագծի վրա ընդհանուր ջրաչափի առկայության դեպքում նրա ցուցմունքից հանվում է բնակարաններում տեղադրված ջրաչափերի գումարային ցուցմունքը, ստացված տարբերությունը բաժանվում է ջրաչափեր չունեցող բնակարանների բնակիչների թվից հանած ժամանակավորապես բացակայող ընտանիքների անդամների թվի տարբերության վրա:

Ժամանակավորապես բացակայելու դեպքում աբոնենտը պարտավոր է դրա մասին 7 օր առաջ տեղյակ պահել ՋՋՇ կազմակերպությանը` նշելով բացակայության մոտավոր ժամկետը:

ՋՋՇ կազմակերպությունն աբոնենտի սահմանած օրը վերջինիս բնակարանում կապարակնքում է ջրի փականները:

Ժամանակավորապես բացակայողի դիմելուց հետո մեկ օրվա ընթացքում ՋՋՇ կազմակերպությունը վերցնում է ջրամատակարարման արգելքը:

69. եթե ՋՋՇ կազմակերպության հետ պայմանագրային հարաբերությունների մեջ գտնվող աբոնենտին միացված են ենթաաբոնենտներ, ապա նրանց տրված ջրի և նրանցից հեռացված կեղտաջրերի հաշվարկը կատարվում է աբոնենտի հետ:

70. աբոնենտի հետ ծախսված ջրի և հեռացված կեղտաջրերի հաշվարկները կատարվում են ՋՋՇ կազմակերպության ներկայացրած վճարման փաստաթղթերի կամ աբոնենտի հաշվարկած ջրաչափի ցուցմունքի համաձայն:

71. աբոնենտն ինքն է վճարման ենթակա գումարը ենթաաբոնենտների միջև բաժանում: ՋՋՇ կազմակերպությունն աբոնենտի և ենթաաբոնենտի միջև հաշվարկների հետ կապված վիճելի հարցերը չի քննարկում:

 72. Աբոնենտը ջրօգտագործման և ջրահեռացման վարձը մուծում է պայմանագրում նշված բանկային հիմնարկների դրամարկղներում, իսկ բնակավայրերում դրանց բացակայության դեպքում` այլ մարմիններում կամ անմիջապես ՋՋՇ կազմակերպությանը: Վերջին դեպքում վճարումը կատարում է ՋՋՇ կազմակերպության լիազորած ներկայացուցչին` անդորրագրքային գրանցումով, որի մեկ օրինակը տրվում է աբոնենտին: Առանց անդորրագրքային գրանցման կանխիկ վճարումներն արգելվում են:

73. Աբոնենտը պարտավոր է ջրամատակարարման և ջրահեռացման ծառայությունների վարձը վճարել վճարային փաստաթղթերն ստանալուց հետո 10 օրվա ընթացքում, իսկ ինքնահաշվարկման դեպքում` պայմանագրով սահմանված ժամկետում կարող է վճարել կանխավճարային վճարման կարգով` կատարելով վերջնահաշվարկ:

74. Ինքնահաշվարկման դեպքում վճարման փաստաթղթեր գրելու և վճարումներ կատարելու ժամանակ աբոնենտի թույլ տված սխալները ՋՋՇ կազմակերպությունը հաշվի է առնում դրանց հայտնաբերմանը զուգընթաց: ՋՋՇ կազմակերպությունը ջրի քանակի հաշվարկի մեջ սխալ հայտնաբերելու դեպքում պարտավոր է կատարել վերահաշվարկ վերջին հաշվարկային ժամանակամիջոցի համար, կամ` հաշված այն օրվանից, երբ վերջին անգամ ստուգվել է ջրաչափի ցուցմունքը:

75. Բնակարանային ֆոնդում ծագած հրդեհը մարելու համար, ինչպես նաև տակտիկական պարապմունքների, հրշեջ հիդրանտների և ներքին հակահրդեհային ծորակների փորձարկման ժամանակ ծախսված ջրի համար վճարում չի կատարվում: Այդ նպատակներով ծախսված ջրի քանակի համար հրշեջ պահպանության ծառայության և ՋՋՇ կազմակերպության ներկայացուցիչների կողմից կազմվում է համապատասխան ակտ: Սույն կետով սահմանված նպատակով ծախսված ջրի քանակը ձևակերպվում է որպես բնական կորուստ:

 

VI. Ջրամատակարարման եվ կեղտաջրերի հեռացման դադարեցման պայմանները

 

76. Եթե աբոնենտների հետ կնքված պայմանագրով չի նախատեսվում այլ կարգ, ապա ջրամատակարարումը, կեղտաջրերի հեռացումն ու մաքրումը կատարվում են անընդհատ:

77. Եթե ջրամատակարարման և ջրահեռացման պայմանագրով որպես աբոնենտ հանդես է գալիս ջուրը խմելու-տնտեսական և կոմունալ-կենցաղային կարիքների համար օգտագործող քաղաքացին, ապա նա իրավունք ունի միակողմանի լուծել պայմանագիրը` դրա մասին ՋՋՇ կազմակերպությանը տեղեկացնելու և օգտագործած խմելու ջրի և կեղտաջրերի հեռացման ու մաքրման համար ամբողջությամբ վճարելու պայմանով:

78. Եթե ջրամատակարարման և ջրահեռացման պայմանագրով որպես աբոնենտ հանդես է գալիս իրավաբանական անձը, ապա նա իրավունք ունի միակողմանի լուծել պայմանագիրը` դրա մասին առնվազն մեկ ամիս առաջ ՋՋՇ կազմակերպությանը տեղեկացնելու և օգտագործած խմելու ջրի, կեղտաջրերի հեռացման ու մաքրման համար ամբողջությամբ վճարելու պայմանով:

79. Եթե ջրամատակարարման և ջրահեռացման պայմանագրի համաձայն աբոնենտն իրավաբանական անձ է, ապա ՋՋՇ կազմակերպությունն իրավունք ունի միակողմանի հրաժարվելու պայմանագիրը կատարելուց` աբոնենտի կողմից օգտագործված խմելու ջրի, կեղտաջրերի հեռացման ու մաքրման համար վճարումների կատարման ժամկետը բազմիցս (երկու անգամից ավելի) խախտվելու դեպքում:

80. Ջրամատակարարման և ջրահեռացման ընդհատում, սահմանափակում կամ դադարեցում թույլատրվում է միայն կողմերի համաձայնությամբ, բացառությամբ այն դեպքերի, երբ աբոնենտի ցանցի սարքերի անբավարար վիճակը, որը հավաստագրված է ՋՋՇ կազմակերպության կողմից, սպառնում է վթարներ առաջացնել կամ սպառնալիք է ստեղծում քաղաքացիների կյանքի և անվտանգության համար:

ՋՋՇ կազմակերպությունը պարտավոր է աբոնենտին նախազգուշացնել ջրամատակարարումը կամ ջրահեռացումը ընդհատելու, սահմանափակելու կամ դադարեցնելու մասին:

81. Առանց աբոնենտի հետ համաձայնեցնելու և նրան նախազգուշացնելու` ջրամատակարարման կամ ջրահեռացման ընդհատում, սահմանափակում կամ դադարեցում թույլատրվում է միայն ՋՋՇ կազմակերպության համակարգում վթարները վերացնելու կամ կանխելու համար անհետաձգելի միջոցառումներ ձեռնարկելու անհրաժեշտության դեպքում` աբոնենտին դրա մասին անհապաղ տեղեկացնելու պայմանով:

82. ՋՋՇ կազմակերպությունը բնակավայրում կամ դրա առանձին շրջաններում ջրամատակարարման լրիվ դադարեցման դեպքում, անկախ պատճառից, տեղական ինքնակառավարման մարմինների կողմից իրականացվող ընդհանուր միջոցառումների շրջանակներում լուծում է բնակիչների ժամանակավոր ջրամատակարարման կազմակերպման հարցերը:

 

VII. ՋՋՇ կազմակերպության եվ աբոնենտների իրավունքներն ու պարտականությունները

 

83. ՋՋՇ կազմակերպությունը մաքրման կառուցվածքների, ջրհան կայանների հզորության կամ ջրամատակարարման ցանցի թողունակության անբավարար լինելու պատճառով ջրամատակարարման պարբերաբար ընդհատումների դեպքում, տեղական ինքնակառավարման մարմինների հետ համաձայնեցնելով, իրավունք ունի բնակավայրի առանձին շրջաններում ջրամատակարարումը կազմակերպելու ըստ ժամանակացույցի դրա մասին պարտադիր հայտնելով աբոնենտին: Ընդ որում, ՋՋՇ կազմակերպությունը պարտավոր է մշակել և իրականացնել բոլոր անհրաժեշտ միջոցառումները աբոնենտների նորմալ ջրամատակարարմանը խանգարող պատճառները վերացնելու համար:

84. ՋՋՇ կազմակերպությունը պարտավոր է`

ա) ապահովել աբոնենտին պայմանագրում նշված քանակի խմելու որակի ջրով.

բ) իրականացնել աբոնենտի կեղտաջրերի հեռացումն ու մաքրումը պայմանագրում նշված քանակին և բաղադրությանը համապատասխան.

գ) պարբերաբար հսկողություն իրականացնել ջրամատակարարման և ջրահեռացման համակարգերին միացված աբոնենտների ջրամատակարարման ու ջրահեռացման ցանցերի, կառուցվածքների և սարքերի վիճակի ու շահագործման նկատմամբ, ցույց տալ նրանց գործնական օգնություն` պատշաճ շահագործում կազմակերպելու համար` Հայաստանի Հանրապետության օրենսդրությամբ սահմանված կարգով և սույն կանոնների համաձայն.

դ) հայտնաբերել և կրճատել հոսքակորուստները, խիստ վերահսկել ու հաշվառել ՋՋՇ կազմակերպության կողմից տրվող և աբոնենտի կողմից օգտագործվող ջրաքանակը.

ե) միջոցառումներ ձեռնարկել կրճատելու աբոնենտի կողմից արտադրական նպատակների համար խմելու որակի ջրի օգտագործումը ի հաշիվ արդյունավետ տեխնոլոգիական գործընթացների` ջրի օգտագործման շրջանառու համակարգերի ներդրման, ոչ խմելու որակի ջրի կամ խոր մաքրված կեղտաջրերի օգտագործման.

զ) ապահովել իր կողմից շահագործվող ջրամատակարարման ցանցում տեղադրված հրշեջ հիդրանտների սարքին վիճակը և հսկողություն իրականացնել` դրանք ըստ նշանակության օգտագործելու նպատակով.

է) անհապաղ տեղեկացնել աբոնենտին իր համակարգում տեղի ունեցած վթարների ու խցանումների մասին և դրանք վերացնել ոչ ուշ, քան պայմանագրով նախատեսված ժամանակահատվածում.

ը) խմելու ջրի, կեղտաջրերի հեռացման ու մաքրման սակագների փոփոխման դեպքում 15 օր առաջ տեղեկացնել աբոնենտին.

թ) աբոնենտի պահանջի դեպքում ներկայացնել խմելու ջրի որակի երաշխիք:

 85. Աբոնենտը պարտավոր է`

 ա) ապահովել իր տարածքում գտնվող ջրամատակարարման և ջրահեռացման ցանցերի ու կառուցվածքների պատշաճ պահպանությունը և հրշեջ հիդրանտների սարքին վիճակը, չթույլատրել դրանց վնասումը, հեղեղումը և սառցակալումը, հետևել ՋՋՇ կազմակերպության դրած կապարակնիքների անխախտելիությանը, ապահովել մակերևութային հոսքաջրերի հեռացումը, չծանրաբեռնել հրշեջ հիդրանտներին մոտեցումները.

բ) ապահովել պայմանագրային ՋՋՇ կազմակերպության նկատմամբ պարտականությունների կատարումը, ժամանակին և ճիշտ վերցնել ջրաչափի ցուցմունքը, կատարել վճարումները.

գ) թույլ չտալ ջրի գերածախս և պայմանագրով սահմանվածից ավելի կեղտաջրերի բացթողում (բացի բնակչությունից).

դ) վերահսկել ենթաաբոնենտների ջրի ծախսը և միջոցներ ձեռնարկել ջրի կորուստների դեմ պայքարելու համար.

ե) ապահովել իր սեփականությունը հանդիսացող ջրամատակարարման և ջրահեռացման ցանցերի, կառուցվածքների ու սարքերի պատշաճ տեխնիկական շահագործումը.

զ) թույլ չտալ, որ անձրևաջրերը և հալոցքաջրերը լցվեն իր տարածքում գտնվող ջրահեռացման ցանցի մեջ.

է) թույլ չտալ այլ ջրամատակարարման համակարգերի միացումն իր սեփականությունը հանդիսացող խմելու-կենցաղային ջրամատակարարման համակարգին.

ը) չխոչընդոտել ՋՋՇ կազմակերպության լիազորած ներկայացուցչի մուտքն իր տարածք` ջրաչափի ցուցմունքի գրառման, շահագործման վիճակը համատեղ ուսումնասիրելու և ստուգումներ կատարելու համար.

թ) խմելու ջրի չմատակարարման, կեղտաջրերի չհեռացման և չմաքրման կամ դրանց ոչ պատշաճ մակարդակով կատարման, ջրաչափական հանգույցի անսարքության, կապարակնիքների խախտման, ինչպես նաև ջրի որակի նկատմամբ կասկածներ առաջացնելու դեպքում անհապաղ տեղեկացնել ՋՋՇ կազմակերպությանը.

ժ) խմելու ջրի չմատակարարման, կեղտաջրերի չհեռացման և չմաքրման կամ դրանց ոչ պատշաճ մակարդակով կատարման ժամանակներն ու պատճառները որոշվում են ՋՋՇ կազմակերպության և աբոնենտի օպերատիվ փաստաթղթերով և (կամ) գրանցող սարքերի տվյալների համաձայն ու արձանագրվում երկկողմանի ակտով.

ժա) չգերազանցել պայմանագրով սահմանված ջրի քանակը և ջրահեռացման համակարգ լցվող կեղտաջրերի քանակն ու թույլատրելի սահմանված չափաքանակները:

86. Բնակչության ընդհանուր օգտագործման համար ծառայող փողոցային (թաղամասային) ծորակները տնօրինողները պարտավոր են`

ա) թույլ չտալ ծորակների մոտ սպիտակեղենի լվացում, սայլակների, ամանեղենի, տնային կենդանիների և մեքենաների լվացում, ջրբաժան ծորակներից խողովակների և ռետինե փողրակների միացում.

բ) հետևել ծորակի սարքին լինելուն, դրա մասերի պահպանությանը, սանիտարական պահանջների կատարմանը.

գ) թույլ չտալ ջրի աննպատակ հոսք, ճահճի առաջացում և սառցակալում, սարքին վիճակում պահել ջրահեռացումը և ծորակին մոտեցումը:

 

VIII. ՋՋՇ կազմակերպության եվ աբոնենտների պատասխանատվությունը

 

87. ՋՋՇ կազմակերպությունը պարտավոր է ապահովել աբոնենտի անխափան, որակով և հուսալի ջրամատակարարումը և ջրահեռացումը` սույն կանոններով սահմանված կարգով:

ՋՋՇ կազմակերպությունը ջրի թերի մատակարարման կամ կեղտաջրերի չհեռացման ու մաքրման դեպքում, բացառությամբ սույն կանոնների 80-րդ և 81-րդ կետերում նշված դեպքերի, աբոնենտին վճարում է տուգանք` թերի մատակարարված ջրի կամ չհեռացված կեղտաջրի կրկնակի արժեքի չափով:

ՋՋՇ կազմակերպության մեղքով աբոնենտին թերի ջրամատակարարման և ջրահեռացման ծավալները որոշվում են խախտման փաստացի ժամանակով և նախորդ երեք ամսվա միջին հզորությամբ:

88. ՋՋՇ կազմակերպության կողմից ջրի որակի խախտման դեպքում աբոնենտն իրավունք ունի չվճարելու անորակ ջրի համար, ինչպես նաև ՋՋՇ կազմակերպությունից պահանջելու խախտման հետևանքով իրեն պատճառված վնասների փոխհատուցում:

Աբոնենտը պարտավոր է անորակ ջրամատակարարման մասին անհապաղ տեղեկացնել ՋՋՇ կազմակերպությանը:

Մատակարարված ջրի որակը որոշվում է ՋՋՇ կազմակերպության ու աբոնենտի օպերատիվ փաստաթղթերով և արձանագրվում համաձայն սույն կանոնների 55-րդ կետով սահմանված կարգով կազմված ակտի:

89. Եթե ՋՋՇ կազմակերպության մատակարարած ջուրը վտանգավոր է մարդու կյանքի կամ առողջության համար, ապա վերջինս պարտավոր է անհապաղ դադարեցնել ջրի մատակարարումը և անորակ ջրի մատակարարման համար աբոնենտին վճարել տուգանք` մատակարարված արժեքի կրկնապատիկի չափով:

90. Աբոնենտը պարտավոր է թերի մատակարարված ջրի կամ ջրահեռացման ընդհատման մասին անհապաղ տեղեկացնել ՋՋՇ կազմակերպությանը:

Ջրի թերի մատակարարման կամ ջրահեռացման ընդհատման պատճառները որոշվում են ՋՋՇ կազմակերպության ու աբոնենտի օպերատիվ փաստաթղթերով և արձանագրվում երկկողմանի կազմված ակտով:

ՋՋՇ կազմակերպությունը 7-օրյա ժամկետում քննարկում է թերի ջրամատակարարման և ջրահեռացման մասին աբոնենտի դիմումը և, դրա բավարարման դեպքում ու կնքված պայմանագրի համաձայն, վճարում է տուգանք ոչ ուշ, քան աբոնենտի դիմումն ստանալուց 10-օրվա ընթացքում: Յուրաքանչյուր ուշացրած օրվա համար տուգանքի գումարը հավելվում է սույն կանոններով սահմանված տույժի տոկոսադրույքի չափով, բայց օրական 0,1 տոկոսից ոչ ավելի:

91. Պայմանագրով նախատեսված ջրի քանակը գերածախսելու, ինչպես նաև իրավաբանական անձանց կողմից ջրահեռացման համակարգ ավելի բաց թողնված կեղտաջրերի համար աբոնենտը վճարում է տույժ` գերածախսի և (կամ) ավելի բաց թողնված կեղտաջրերի համար սահմանված վճարի տասնապատիկի չափով:

92. Աբոնենտը պատասխանատվություն է կրում փականների բացակայության, ռևիզիաների ոչ հերմետիկ փակվելու, իր տնօրինության տակ գտնվող սանիտարական սարքերի, ջրահեռացման ցանցի, կառուցվածքների և սարքերի տեխնիկական անսարքության հետևանքով նկուղային հարկերը ջրով լցվելու դեպքում պատճառած նյութական վնասների համար, եթե վթարը (խցանում, հեղեղում) ծագել է իր մեղքով:

93. Կապարակնքված հակահրդեհային փականների և հիդրանտների կապարակնիքները պոկելը թույլատրվում է`

ա) հակահրդեհային ջրամատակարարման համակարգի աշխատանքի ստուգման և հրդեհային պոմպերի փորձարկման ժամանակ` ՋՋՇ կազմակերպության հետ համաձայնեցնելուց հետո.

բ) հրդեհներ մարելու դեպքում և հրշեջ պահպանության ծառայության կողմից հակահրդեհային ջրամատակարարման համակարգի ընդունման փորձարկումների ժամանակ` առանց ՋՋՇ կազմակերպությանը տեղյակ պահելու:

Հրշեջ պահպանության մարմինները պարտավոր են հակահրդեհային ջրամատակարարման համակարգից օգտվելուց հետո 24 ժամվա ընթացքում ՋՋՇ կազմակերպություն ներկայացնել հրշեջ պահպանության ծառայության ակտը կապարակնիքը պոկելու մասին և հրավիրել ՋՋՇ կազմակերպության ներկայացուցչին` փականները կապարակնքելու համար:

94. Բոլոր աբոնենտները, որոնք մեղավոր են ջրամատակարարման և ջրահեռացման ցանցերին, կառուցվածքներին ու սարքերին վնաս հասցնելու գործում, պատասխանատվություն են կրում Հայաստանի Հանրապետության օրենսդրությամբ սահմանված կարգով:

95. ՋՋՇ կազմակերպության և աբոնենտների միջև ծախսված ջրի և հեռացված կեղտաջրերի հետ կապված բոլոր վիճելի հարցերը լուծվում են դատական կարգով: