«Վավերացնում եմ»
Հայաստանի Հանրապետության
Նախագահ Ռ. Քոչարյան
20 սեպտեմբերի 2004 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 օգոստոսի 2004 թվականի N 1271-Ն

ՍՅՈՒՆԻՔԻ ՄԱՐԶԻ ՄԻ ՇԱՐՔ ԴՊՐՈՑՆԵՐ ՎԵՐԱԿԱԶՄԱԿԵՐՊԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՄԱՐՏԻ 11-Ի N 231 ԵՎ ՀՈՒԼԻՍԻ 25-Ի N 1392-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Պետական ոչ առևտրային կազմակերպությունների մասին» Հայաստանի Հանրապետության օրենքի 24-րդ հոդվածին համապատասխան` Հայաստանի Հանրապետության կառավարությունը որոշում է.

1. «Կապանի N 2 միջնակարգ դպրոց» և «ՀՊՄՀ-ի Կապանի հենակետային վարժարան» պետական ոչ առևտրային կազմակերպությունները միաձուլման ձևով վերակազմակերպել` ստեղծելով «Կապանի վարժարան» պետական ոչ առևտրային կազմակերպություն:

2. «Կապանի վարժարան» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ կետի «գ», «դ», «ե» և «է» ենթակետերով և 14-րդ հոդվածով նախատեսված լիազորությունները վերապահել Հայաստանի Հանրապետության կրթության և գիտության նախարարությանը:

3. «Գորիսի N 2 միջնակարգ դպրոց» և «Գորիսի N 4 միջնակարգ դպրոց» պետական ոչ առևտրային կազմակերպությունները միաձուլման ձևով վերակազմակերպել` ստեղծելով «Գորիսի N 2 միջնակարգ դպրոց» պետական ոչ առևտրային կազմակերպություն:

4. «Գորիսի N 2 միջնակարգ դպրոց» պետական ոչ առևտրային կազմակերպության կառավարման, ինչպես նաև «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ կետի «գ», «դ», «ե» և «է» ենթակետերով և 14-րդ հոդվածով նախատեսված լիազորությունները վերապահել Հայաստանի Հանրապետության Սյունիքի մարզպետին:

5. Հայաստանի Հանրապետության կառավարության 2002 թվականի մարտի 11-ի «Ըստ աշակերտների թվի ֆինանսավորման համակարգի անցած Հայաստանի Հանրապետության միջնակարգ հանրակրթական դպրոցներ» պետական հիմնարկները վերակազմակերպելու մասին» N 231 որոշման մեջ կատարել հետևյալ փոփոխությունը`

որոշման հավելվածի Սյունիքի մարզպետարանի ենթակայության դպրոցների ցանկից հանել «Գորիսի N 4 միջնակարգ դպրոց» բառերը:

6. Հայաստանի Հանրապետության կառավարության 2002 թվականի հուլիսի 25-ի «Հայաստանի Հանրապետության պետական հանրակրթական ուսումնական հաստատություններ» պետական հիմնարկները վերակազմակերպելու, «Հայաստանի Հանրապետության պետական հանրակրթական ուսումնական հաստատություն» պետական ոչ առևտրային կազմակերպության օրինակելի կանոնադրությունը հաստատելու, Հայաստանի Հանրապետության կառավարության 1998 թվականի հոկտեմբերի 28-ի N 661 որոշման մեջ փոփոխություններ կատարելու և 1996 թվականի մայիսի 15-ի N 150 որոշումն ուժը կորցրած ճանաչելու մասին» N 1392-Ն որոշման մեջ կատարել հետևյալ փոփոխությունները`

որոշման N 1 հավելվածում`

ա) Հայաստանի Հանրապետության կրթության և գիտության նախարարության ենթակայության դպրոցների ցանկի 9-րդ կետում «ՀՊՄՀ-ի Կապանի հենակետային վարժարան» բառերը փոխարինել «Կապանի վարժարան» բառերով.

բ) ուժը կորցրած ճանաչել պետական հանրակրթական ուսումնական հաստատությունների ցանկի «Սյունիքի մարզ» բաժնի 2-րդ կետը:

7. Սահմանել, որ`

ա) նախկին «Կապանի N 2 միջնակարգ դպրոց» պետական ոչ առևտրային կազմակերպության տնօրինության` Կապանի Մելիք Ստեփանյան N 5 հասցեում գտնվող ուսումնական մասնաշենքը (3691 քառ. մետր ընդհանուր մակերեսով), մարզադահլիճը (563.6 քառ. մետր ընդհանուր մակերեսով), ավտոտնակները (186.3 քառ. մետր ընդհանուր մակերեսով) և նախկին «ՀՊՄՀ-ի Կապանի հենակետային վարժարան» պետական ոչ առևտրային կազմակերպության տնօրինության` Կապանի Երկաթուղայինների N 4 հասցեում գտնվող շենքի մասը հետ վերցնել և հանձնել Հայաստանի Հանրապետության կրթության և գիտության նախարարության ենթակայությանը` «Կապանի վարժարան» պետական ոչ առևտրային կազմակերպությանն անժամկետ և անհատույց օգտագործման իրավունքով ամրացնելու համար.

բ) նախկին «Գորիսի N 4 միջնակարգ դպրոց» պետական ոչ առևտրային կազմակերպության տնօրինության` Գորիսի Գրիգոր Տաթևացու N 18 հասցեում գտնվող շենքը (3905 քառ. մետր ընդհանուր մակերեսով) և նախկին «Գորիսի N 2 միջնակարգ դպրոց» պետական ոչ առևտրային կազմակերպության տնօրինության` Գորիսի Կապանի խճուղու N 34 հասցեում գտնվող շենքը (4649 քառ. մետր ընդհանուր մակերեսով) հետ վերցնել և հանձնել Հայաստանի Հանրապետության Սյունիքի մարզպետարանի ենթակայությանը` «Գորիսի N 2 միջնակարգ դպրոց» պետական ոչ առևտրային կազմակերպությանն անժամկետ և անհատույց ամրացնելու համար:

8. Հայաստանի Հանրապետության ֆինանսների և էկոնոմիկայի նախարարին` Հայաստանի Հանրապետության կրթության և գիտության նախարարի և Հայաստանի Հանրապետության Սյունիքի մարզպետարանի կողմից ներկայացված ծախսերի նախահաշվի հիման վրա ներկայացնել առաջարկություն Հայաստանի Հանրապետության պետական բյուջեում համապատասխան վերաբաշխում կատարելու մասին:

9. Սույն որոշումն ուժի մեջ է մտնում պաշտոնական հրապարակմանը հաջորդող օրվանից: